Sakar murli du lundi 11 mai 1964

> >

11-05-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj somvaar mai ki gyaarah taareekh hai, praatah class mein baapdaada ki murli sunte hain।

om shanti!

bachchon ka bholaabaaba bachchon prati samjha rahe hain । usko kaha hi jaata hai shiv bholaabaaba । hamesha shivbaaba kaha jaata hai । jab koi chitra dekhenge, chitra dekhen ya na dekhen, to bhi shiv bholaanaath ko yaad karte rehte hain । baba ne samjhaaya hai ki shankar ko ya koi ko bhi bholaanaath nahin kehte hain । brahma ko kabhi koi bholaanaath nahin kahenge । shankar ko bhi nahin kahenge । vishnu ko bhi bholaanaath nahin kahenge । abhi tum bachchon ko, jab yaad karte ho to kahne ki bhi darkaar nahin hai ki shiv bholaabaaba । bas, bhola baba kahne se tumhaara mukh meetha ho jaata hai; kyonki jaante ho ki bhola baba shiv abhi ham bachchon ko padhaay aur svarga ka maalik bana rahe hain । 'baba akshar jab aata hai to baba kahne se property-milkeeyat yaad zaroor padti hai । kinko? baba kahne vaale bachchon ko । shiybaaba jab kahenge, to saare bhaarat mein jo bhi manushya maatra hain unko koi bhi khushi, nasha ya property vagairah ka kuchh bhi pata nahin hai । tum bachche jab yahaan baithe ho to jaante ho ki barobar vahi shivbaaba manushya srishti ka beej hai । jab koi jhaad ka beej hota hai to ek jhaad ka ek hi beej hota hai । barobar ye kehte bhi hain ki is manushya srishti ka ek hi beej hai, jisse phir ye manushya srishti rachi jaati hai । to zaroor jab beej baap ho gaya to baaki ho jaate hain bachche । abhi tum bachche jaante ho ki sabka baap ek hi hota hai, koi das to nahin hoga na । kaha jaata hai bhakton ka bhagwan baap, kyonki yaad karte hain kisko? bhagat yaad karte hain bhagwan ko । bhagwan ko jaan nahin sakte hain; kyonki yahi drama mein noondh hai ki main chhip jaata hoon । baap ne samjhaaya hai ki main bachchon ko gyaan aur yog se sada sukhi bana karke chhip jaata hoon । to gyaan saagar bhi to ek hi hoga na, jaise yeh saagar ek hai । vo saagar ko to baanta gaya hai । yeh cheen ka saagar, yeh America ka saagar, yeh yu ke. ka saagar, yeh india ka saagar; par saagar to ek hai na; parantu baanta gaya hai । tum bachche abhi jaante ho ki satayug mein is saagar ko koi beet nahin sakte hain, kyonki saara saagar bhaarat ka hi ho jaata hai । ye jaante ho saare saagar ke tum maalik banne vaale ho । saari srishti ke maalik banne vaale ho । hote thode ho । is samay mein saari srishti mein dekho manushya kitna door-door rehte hain । yeh bhi to samajhna hai ki satayug mein itne sabhi manushya aur itne sab khanda itna door-door hote hi nahin hain । sirf ek baap ka phir satayug mein ek hi raajdhaani hoti hai । isko hi kaha jaata hai bhaarat satayug mein world almighty authority, ek raajya tha । kiska raajya? bhaarat mein devi-devtaaon ka raajya hota hai । bhagavti-bhagwan ka raajya bhi kehte hain । ye jo vilaayat vaale, American european hote hain vo kabhi krishna ko god kah dete hain, kabhi lord kah dete hain । goddess seeta, god raam- aise-aise kehte hain, parantu un bichaaron ko maaloom nahin hota hai ki god aur goddess kab raajya karte the unko raajya kaise mila । dekho, koi bhi nahin jaante hain । …inko kehte bhi hain gyaan ka saagar । gyaan ka saagar maana gyaan se sadgati hoti hai । to ye saagar sabki sadgati kar dete hain । inki mahima bhi to hai… । abhi bachche jaante hain ki hamaare saamne gyaan ka saagar baitha hua hai । unse ye gyaan ki gangaaen nikal karke saare vishwa ko sadgati deti hain । ye tum kya karte hain? abhi barsaat bhi to nahin hai na । ye naam bahut pad gae hain- gyaan amrit । abhi gyaan amrit kahne se ye manushya maatra jo pujaari hote hain, vo baith karke charan dho karke amrit banaakar rakh dete hain । jo aate hain unko kehte hai amrit lo- । ab isko amrit nahin kaha jaata hai । dekho, koi davaaiyaan bhi nikalti hain, unka bhi naam rakh dete hain- amrit । laahaur mein ek ne nikaali thi । is amrit se sabhi duhkh door hote hain, sabhi beemaariyaan nashta hoti hain; parantu nahin, anuthi baat nahin hai । abhi tum bachche jaante ho ki baap baithkar yog sikhlaate hain । ab yog hua na । yog ko amrit nahin kahenge । yogaagni se tum bachchon ki sabhi bimaariyaan 2। janma ke liye door ho jaaengi । is janma ki nahin । is janma mein to tum bhogte rehte ho । yeh bhogni hai ant tak । yahaan sirf hai yog aur gyaan । amrit-vamrit ki baat nahin uthti hai । baap aa karke samjhaate hain- bachche, yog lagaao to tumhaari sab beemaariyaan nashta ho jaaengi; parantu saath-saath kehte hain tumko phir kabhi beemaari nahin hogi । kyon? kyonki phir tum satayug mein rahne vaale ho । to yahaan purushaartha karte hi ho baap se health and wealth lene ka । aise nahin hai ki doosri koi beemaari hogi । nahin, koi beemaari hoti hi nahin hai, kyonki maaya nahin hoti hai । isliye vo bhi samjha dete hain ki main tumko aise karma sikhlaata hoon aur bata deta hoon ki satayug mein ye maaya hi nahin hoti hai, isliye koi beemaari nahin hai । yeh to koi nahin jaante hain ki ye beemaariyaan, rog ya rona-peetna kabhi bhi satayug mein ho nahin sakta hai; parantu ye jo kehte hain ki ek vyaas bhagwan ne shaastra banaae hain । to baap baithe hain । unko bhagwan kehte hain na; isliye aise hi samjho ki jo apan ko bhagwan maante ya kehte hain vo moorkha hain । vyaas ne bhaktimaarga ke liye kya kiya hai? aise nahin kahenge ki koi baith karke likhte hain । nahin, yeh drama mein noondh hai । barobar phir vyaas ka naam padega ye shaastra banenge । yeh pahle se hi bana hua hai । bana-banaaya drama hai; isliye inko bada yukti se samajhna hai । jo bhi tumne dekha vo sabhi drama mein bani-banaai hai । vyaas ne shaastra banaae- yeh bani-banaai praacheen hai । praacheen maana beanta । ye bane-banaae shaastra kab se hain? ye jo bhaktimaarga ke shaastra hain vo chalte hi aaenge, ye kab badli nahin ho sakte hain । ye jo abhi kehte hain na- ye shaastra jhoothe hain । vyaas ne banaaya । unko bhagwan kaha hi nahin ja sakta hai । vo to baith karke aise hi shaastra banaae hain jo aur hi durgati ko paana hai । baap samjhaate hain ki bachchon ko barobar durgati ko paana hai । aise kabhi koi nahin samjhaaega ki bhaktimaarga durgati maarga hai aur ye dvaapar se shuru hota hai । kuchh bhi karo, shaastra padho, kaashi kalvat khaao, bali chadho to bhi tum vaapas ja nahin sakte hain । tumko yahaan satopradhaan aana hai, phir satopradhaan se tamopradhaan banna hai । achha, tumne paap naash kar die phir bhi drama ke is karmakshatra se baahar nahin jaaenge । phir bhi karma karke tamopradhaan ko zaroor padna hai; kyonki bachche jaante hain ki ham so satopradhaan ham so tamopradhaan bane hue hain । aise hai na shuru se lekar । kehte hain na ki sab jo satopradhaan hain vo tamopradhaan zaroor banna hai । to phir bhaktimaarga kya hua? raat shuru hoti hai, raat ho karke andheri ho jaati hai । to pahle raat itni andheri nahin thi, jitni ab andheri hai; kyonki raat ko tamopradhaan banna hi hai । raat ko bhi aise hi kahenge- pahle satopradhaan phir sato rajo tamo । sato hai tab jabki bhaktimaarga avyabhichaari hai । peechhe jitna vyabhichaari banta jaata hai, aahiste-aahiste kala kamti hoti jaati hai ।…ghor andhiyaara ho jaata hai । yaani grahan poora kha jaata hai । yeh hai behad ka grahan । isko kaha jaata hai srishti ke oopar behad ka grahan, ekdam ghor andhiyaara । kaala jaadu । vo chandrama ki to baat nahin hai na । ye saare vishwa ki baat hai । vishwa ko jab raavan ka grahan lagta hai to thoda-thoda, jaise grahan lagta hai to thoda-thoda khaata jaata hai na । saal ke saal lag jaate hai । yeh hua had ka grahan । ye to ghadi ghadi hoti hai । saare vishwa ko dvaapar se grahan lagna shuru hota hai bilkul thoda-thoda । dekho, kitna time lagta hai । 2500 varsha lagte hain jabki ye vishwa ekdam kaala ho jaata hai, khaas bhaarat । is samay mein bilkul hi ghor andhiyaara hai । is ghor andhiyaare ko sojhra kaun kare? abhi ghor andhiyaara bhi kaha jaata hai phir patit bhi kaha jaata hai । naam to bahut ho gae hain na । to kehte hain is ghor andhiyaare ko sojhra karne vaala din banaane vaala hai baap । ye srishti jo patit ho gai hai usko paavan karne vaala baap hai । ye jo bhagat hain jo itni bhakti karte rehte hain, mattha tekte-tekte jab ant ho jaati hai tab bhagwan ko yaad to karte hain na । bhagwan to bhagwan ko yaad nahin karega na । ye jo sarvavyaapi ka gyaan inhonne uthaaya hai, unko samjhaana chaahiye ki god is one । unki ye rachna hai । manushya srishti ka beej roop god ko kaha jaata hai । phir un ek ki hi mahima hai । vo rehta bhi oopar mein hai । unki mahima hoti hai । yahaan vaale ki aisi mahima nahin ho sakegi । jo agar apan ko baap bhi kahlaae ki ham aatma so paramatma hain, to unki mahima koi ga hi nahin sakenge । itne manushya hote hue, phir bhi gaayan unka hota hai ki barobar vo patit-paavan hai, manushya srishti ka beejroop hai । sat hai, chaitanya hai, aananda ka saagar hai, gyaan ka saagar hai । kabhi koi manushya ki yeh mahima ho nahin sakti hai; kyonki ek ki mahima hoti hai na । yahaan jo shaastra ke gyaani hain, unki to ye mahima nahin ki hai, kyonki ye hai bhakti । ab yeh jo bhakti hai vo gyaan ka ek kana bhi nahin hai ekdam । gyaan se ek second mein jeevanmukti ka ras aata hai । baap kehte hain manamnaabhav । isko gyaan kaha jaata hai । yaani he bachche । mujhe yaad karo । ab yeh kaun kehte hain ki mujhe yaad karo? tum jaante ho ki ek kehte hain । yeh geeta mein hai to sahi na bhagvaanuvaach । dekho, vyaas ne kya kiya hai? abhi vyaas ka koi dosh nahin kahenge । part unko aisa mila hua hai- yeh bhaktimaarga ki saamagri banaana, yagya tap daan punya teertha shaastra ved upnishad padhna । baba bolte hain- mere laadle bachche, ye bhaktimaarga hai, inse koi bhi mere paas aa nahin sakte hain । ab ye kahenge 'he bachche!' ye inko bhi kehte hain । yeh sunta hai, kyonki vo baba inmen baitha hua hai । he bachche! tum raajarishi ho । abhi aisa to koi sanyaasi kah nahin sake । mukh se kabhi bhi nahin niklega ki tum raajarishi ho । abhi kahaan ki baat kahaan baith karke vo likhte karte hain । bichaare manushya thode hi ye kuchh samjhenge । ye hai hi gupta । baap aate hi hain gupta । tum bachche hi jaano, aur na jaane koi, jab talak unko tum samjhaao nahin । samjhaane ke liye bhi baba ne aaj kaha tha ki manushyon ko samjhaaya kaise jaae । yeh to zaroor samjhaana chaahiye ki god is one । yeh to kabhi bhi koi ne samjhaaya na hoga । jab god father is one to zaroor ye jo itne sabhi bachche hain, unke bachche hi thahre । ye pahle-pahle…banaana chaahiye ki god father is one, god father is one । sirf god na kaho । nahin । parampita paramatma ek hai, kyonki vo manushya srishti ka beejroop hai । unko kaha hi jaata hai sabhi bhakton ka bhagwan; kyonki ye bhaktimaarga hai । isliye sabhi bhakton ko sukh dene ke liye vo aate hain । bhaktimaarga mein pukaarte hain na । duhkh to hai hi barobar । kalhayug hai । bahut duhkh hai, manushya traahi-traahi karte rehte hain; isliye bhagat hain । satayug mein to koi traahi-traahi karte hi nahin hai । bhagat to bahut hain, dher ke dher bhagat hain । sirf tum bhaaratvaasi bhagat nahin ho, sab bhagat hain, saari duniya mein bhagat hain । mandir, masjid vagairah ye hain bhaktimaarga ki saamagri । satayug mein ye koi bhi saamagri hoti hi nahin hai । aise mat samjho ki satayug mein koi shiv ka mandir banta hai । nahin । vo hai bhakti cult, vo hai gyaan cult । vo hai din, vo hai raat । to din mein koi mandir vagairah hote nahin hain । raat mein mandir, masjid vagairah banna shuru ho jaate hain, jab-jab koi aate hain, kyonki pahle pahle to mandir banege na । pahle pahle koi masjid to nahin banegi । pahle pahle hi mandir banega । to barobar pahle pahle somnaath ka mandir tha । baap baith karke samjhaate hain jab bhi koi aaye to unko bolo- dekho, god father is one । bhaarat mein to aur hi achha kehte hain tum maat-pita… । vo hamesha god father kehte hain । yeh hai mother and father country । to jagtaamba-jagatpita । aur koi bhi gaanv mein jagtaamba-jagatpita hote hi nahin hain, unka chitra hi nahin hota hai । shiv ka bhale ho; parantu jagtaamba aur jagatpita ka chitra yahaan hi hota hai । gale koi chitra vagairah vahaan le jaate hon, par yahaan mandir bhi dekho kitna accurate bana hua hai, kyonki bane hain bhaktimaarga mein, par chitra to theek hai na । ye lakshmi naaraayan ka chitra, jo mandir mein hai, vo hai to accurate na । bhale koi actor le karke banaate hain । koi khoobsoorat stri hoti hai ya purush hote hain to unka chitra le karke phir vo baith karke maarbal ka banaate hain; kyonki shri lakshmi naaraayan ka vo chitra to rah nahin sakta hai, uska photo to nikal nahin sakta hai । haan, yeh zaroor hai ki shri lakshmi-shri naaraayan ne satayug mein raajya kiya hai । manushya ye bhi kehte hain ki satayug mein shri lakshmi naaraayan ka raajya hai, krishna ko neeche dvaapar mein dhakel diya hai, parantu hai satayug aur neta ki baat । baap ne samjhaaya hai ki satayug mein jo shri lakshmi naaraayan hain unke bachpan ki koi history hai nahin । raadhe aur krishna ki hai । raadhe aur krishna ki history dvaapar ki unko hi kehte hain krishna ashtami phir bhala naaraayan ashtami kaha gai? raadhe ki to hoti nahin hai । krishna ki hoti hai । agar krishna ko dvaapar mein le jaaen, kyonki ek hi manushya chitra vaala phir is chitra ka manushya hota nahin hai । naam roop desh kaal phir jaata hai । agar dvaapar mein bhi gae to phir uski to mahima hi nahin hai । kya raadhe aur krishna ne hi raajya kiya? aise bhi to ho nahin sakta hai ki raadhe prisej vo prince । to zaroor gaaya hua hai ki raadhe krishna ke mahal mein aai arthaat unse dil lagaai । vo apni raajdhaani mein rehti thi aur vo apni raajdhaani mein । zaroor svayanvar hua hoga । krishna-raadhe ka raajya kabhi gaaya hi nahin jaata hai; kyonki shri lakshmi naaraayan peechhe seeta-raam । kahaan hai uska raajya? yeh to baat hi nahin nikalti hai । dynasty hai sooryavanshi, phir chandravanshi । to chandravanshi mein sooryavanshi krishna to aa hi nahin sake । to dekho, moonjh ho gai hai । vo udaay diya hai । ye maante hain ki satayug mein shri lakshmi naaraayan ka raajya tha । to dekho, kitna ghotaala hai; parantu jab koi ekdam naya aave to unko bolo- dekho, ek baat to pahle sunaao ki parampita paramatma, jisko god father kehte hain, vo to ek hai na । manushya srishti ka beejroop । father maana hi beejroop । dekho, yeh father hai । ye beejroop hai । yeh had ka father hai, isne stri rachi । barobar stri liya na । adopt ki । phir stri se bachche paida kie । adopt nahin kiya, paida kie । stri ko adopt kiya ki yeh meri stri hai aur stri kehti hai ye mera pati hai । isko edopshan kaha jaata hai । engejmenta । stri ko janma to nahin diya । adopt kiya hai । baap bhi kehte hain main adopt karta hoon । main inmen pravesh karke in dvaara phir main adopt karta hoon । aisa koi samjhaay nahin sakenge ki main adopt karke ye srishti rachta hoon । bhagwan ne srishti kaise rachi, yeh koi ko maaloom thode hi hai । nahin । haan, hai zaroor, samajhte hain । musalmaan bhi padhte hain ki kisko kisne paida kiya? allaah ne paida kiya hai । ab kaise allaah ne paida kiya? vo father to hai, khuda to hai, baap to hai, par kaise paida kiya. koi bhi nahin jaante hain । kya hota hai? kya pralay hoti hai, uske baad koi saagar par ek patte par angootha chooste hue ek aata hai? bhala agar ek hi manushya aaya, parantu srishti rachne ke liye to do chaahiye na । stri bhi chaahiye । saagar mein do dikhlaana chaahiye । yeh bhi ek bhool hai na ki srishti jab nai-nai hoti hai to krishna saagar mein patte ke oopar latakta aata hai । vo aise dikhlaate hain; parantu ek se kya ho sakta hai! ek agar manushya hai to phir doosra manushya female chaahiye । yahaan manushya ki to baat hai hi nahin । baap kehte hain main baith karke tumko adopt karta hoon, kyonki ye patit srishti hai । adopt karke main padhaata hoon । tum sab bachche kehte ho ki baba, ham aapka mukhvanshaavli bane hain । to phir mukh bhi chaahiye na । baap kehte hain is mukh ka main aadhaar leta hoon । ye organs ka aadhaar leta hoon aur kehta hoon- haan, bachche । tum bhi kehte ho- shivbaaba ham aapke bachche the, abhi phir aapke bane hain । kyon bachche? bachche ko to baap ka varsa chaahiye । baap bhi kehte hain main tum bachchon ke liye bahishta ki saugaat laaya hoon । dekho, behad ka baap, parampita kehte hi hain ki main tum bachchon ke liye saugaat laaya hoon । kya saugaat laaya hua hoon? vaikuntha ki saugaat । svarga ki saugaat tumhaare liye laaya hoon । abhi saugaat koi bartan-vartan to nahin hai na । tum samajh gae ki baap hamko svarga ka maalik banaate hain । tum sab svarga ka maalik banne ke liye yahaan baithe bhi ho । svarga ka maalik baap bhi hai, raaja bhi hai, raani bhi hai to praja bhi hai । to bachchon ko yahi samjhaaya jaata hai ki bachche, yeh raajayog hai । ismen raajaai sthaapan ho rahi hai, unmein praja vagairah sab hongi । dekho, kitni badi raajaai sthaapan ho rahi hai । dharma sthaapan karne jo bhi preceptor aate hain, vo aakar aise nahin kahenge ki main koi Christian raajaai sthaapan karta hoon । koi bhi aaega to aise nahin kahega ki main sikkha raajaai sthaapan karta hoon । nahin । yeh so bhi yahaan baith karke raajaai sthaapan karte hain । tum bhavishya nai duniya mein baadshaah banenge । nai duniya mein baadshaahi lene ke liye yahaan shiksha pa rahe ho । dekho, yeh wonder hai na । baap baith karke sab samjhaate hain । achha, baba to phir door jaate hain । baba ko to samjhaana hai- pahle koi mile to unko kaise samjhaayen, pahle-pahle unko yahi baat samjhaana hai ki god father is one aur vo beejroop hai । ham sabhi unke bachche hain, isliye brotherhood… । vo father hai aur ham unke bachche hain । vo god father hai । abhi jab father hai to creator hai । creator hai haivin svarga ka । yeh to zaroor kahenge । to zaroor unse hamko svarga ki baadshaahi ka hak hai । abhi to kalhayug hai ।… .tumko maaloom nahin hai ki satayug mein baadshaahi thi । baap ne baadshaahi di । ab create karega to phir se 500 karod manushya to nahin create karenge, jinko baadshaahi di । to dekho, yeh nai creation hai । tum bhavishya ke liye sooryavanshi raajdhaani ka maalik bante ho । sab to nahin banenge na । to tumko create kiya hai । ye manushya srishti kaise create karte hain, yeh abhi tum jaante ho । baba ne hamko mukhvanshaavli… । create ka to koi arthashaastra bhi nahin likha hua hai । bolte hain ki yeh hai hamaari mukhvanshaavli । bhagvaanuvaach, yeh hai meri mukhvanshaavli । baaki sabhi hain raavan ki kukhvanshaavli । baap ki hai mukhvanshaavli, raavan ki hai saari kukhvanshaavli, kyonki vo kukh se paida hote hai । vo braahman hain kukhvanshaavli tum braahman ho mukhvanshaavli । dekho, vo braahman kehte hain ki ham brahma ki santaan hai । jab tum kisko bhi bataaenge to sabhi kahenge ki barobar vaastav mein ham brahma ki aulaad hain, to braahman hue na । Adam ya aadidev ya kuchh kehte hain na । to brahma, brahma to prajaapita, to prajaapita maana sabhi braahman । braahman ke bachche braahman hote hain na । jo-jo jis-jiska dharma hai, jaise Christian hai to bachche Christian honge । siksa hai to bachche siksa honge । ye brahma ke mukhvanshaavli to braahman hue । to barobar tum ho abhi brahma ke sachche-sachche aulaad braahman । braahman hain sabse oonche; kyonki braahman ko rakha hi jaata hai oopar choti mein । ye jo viraat swaroop ka chitra banaate hain usmein se jo oonch te oonch bhagvat hai unko bhi udaay diya hai । jaise shivbaaba ko trimoorti se udaay diya hai taise braahman ki choti bhi uda di hai । jab koi se…bolega to devtaaen kshatriy, vaishya, shoodra । braahman ka pata hi nahin hai । to pahle pahle braahman hain na । dekho, tum kitni seva karte ho oonche te ooncha । oonche te ooncha bhagvat । phir oonche te ooncha bhagvat se paida kie tum braahman । abhi shiv ka chitra kyon nahin diya hai? kyonki shiv to srishti par aata hi nahin hai । srishti par to aate hain brahman devta kshatriy vaishya shoodra । to ab shivbaaba ko gum kar diya hai; kyonki vo baba kehte hain na- ham tumko raajya de dete hain, hamaara naam hi gaayab ho gaya hai । hamaara naam hi gum ho jaata hai । tumko baadshaahi deta hoon । de karke phir main chhip jaata hoon । hamaara naam hi gum ho jaata hai । barobar chhip jaata hoon । na chitron vagairah mein kuchh । baaki ek rah jaata hai shiv ka । kya kiya shiv ne? kaise srishti rachi? vo koi ko pata nahin hai । to baap kehte hain jab koi naya aave to jaasti mattha mat khapaao koi se bhi । unko bolo, god father is one । vo creator hai svarga ka । svarga ke ye maalik hain । bhaarat maalik tha । abhi maalik nahin hai । abhi kalhayug hai । abhi jo svarga ke maalik devta the vo punarjanma 84 janma lete aa karke abhi shoodra varna ke bane hain । abhi phir unko braahman bana rahe hain । tum bhi braahman banenge to phir devta banenge । abhi shoodra ho । ekdam achhi tarah se unko samjha dena hai ki varna bhi to hain na । chitra to hai tum bachchon ke paas । vo chitra bhi bana lenge । kachcha banaaya tha, choti ke saath mein parantu koi ne aise accurate na banaaya to chitra rah gaya । vo bhi banaaenge । choti ke aage phir shiv zaroor dena pade । samjha na! choti ke oopar mein shiv ko zaroor dena pade । jaise trimoorti ke oopar shiv hai, iske oopar bhi manushya ka viraat chitra bana karke aur phir unke oopar shiv । ye artist hain na hamaare paas, vo sun rahe hain । bahuton ne vo chitra banaaya hai, parantu phranta mein samjhaane ke liye aata hi nahin hai । kyon? defected hai; kyonki shivbaaba hai nahin । shivbaaba laga karke phir agar… to phir manushyon ko samjhaaya jaay ki bhagwan pahle aa karke brahma dvaara braahman rachte hain । peechhe vo braahman devta bante hain, devta se kshatriy । 84 janma aise hote hain । to bhi chitra ki darkaar hogi na । abhi baba to daayraikshan dega, to jo chitrakaar hoga; kyonki sunte to hain na tape mein, vo samjhenge ki haan, aisa banaana chaahiye jo manushya ko samjhaane se theek hai । ye to detail mein phir baba chala gaya । kisko kaise samjhaaya jaay, ye baba phir bhi samjhaate hain । kabhi chidho nahin; kyonki manushyon ko alpa pahle samjhaana hai । jab talak alaph samjhe aur likh karke deve ki hamne alaph samjha bilkul hi phir vo sab jaldi-jaldi samajh jaaenge । alaph ko na samajhne ke kaaran manushya durgati ko paae hain । sabhi orphansa ban gae hain । mool hai ek baat ki alaph ko na samajhne se, baap ko na jaanne se manushya ekdam orphansa ban gae hain, duhkhi ban gae hain । to pahle vo samjhaana chaahiye na । unko samjhaana hai ki vo baap hai aur ye sabhi brothers hain । jab vo baap prajaapita brahma dvaara srishti rachta hai to phir sabhi brothers and sisters ho jaate hain mool se । to ye sijra hai hi aise । shiv ki aatma to hai hi immortal । peechhe jab manushya srishti rachi jaati hai to pahle pahle hain brahma-sarasvati । pahle-pahle hain brahman, peechhe ye biraadriyaan kamti hoti jaati hain । peechhe braahman se devta bante hain, devta se kshatriy bante hain, kshatriy se vaishya bante hain, vaishya se shoodra bante hain । aise hi ye srishti ka jhaad vriddhi ko paata hai । jhaad to hai bachchon ke paas । pahle pahle ekdam creator se hi bhool aae । orphan bane hain, sab duhkhi bane hain bilkul hi । saadhu sant mahaatma duhkhi bane hain । baap kehte hain na saadhuon ka bhi paritrraan karne yaani uddhaar karne mujhe aana padta hai arthaat vo bhi durgati ko paae hue hain । phir bhi usmein akshar to likha hua hai ki main aata hoon sabka uddhaar karne । jab ye saadhu aa gae to baaki to sab kachadpatti ho gai । samjha na। saadhu log inka arth to samajhte nahin hain, kyonki pattharbuddhi hain, gyaan to hai nahin । sabhi ki buddhi mein godrej ka taala laga hua hai, patthar pada hua hai । kuchh bhi nahin samajhte hain । baba aakar kehte hain- maaya ne tumko bilkul hi tuchchha buddhi maana pattharbuddhi kar diya hai । bachchon ko samjhaane ke liye baba phir bhi detail mein chala ja raha hai; parantu phir naya koi aave to unko pahle pahle samjhaana hai ki ye father hai, unse property ka varsa milta hai । father svarga ka creator hai । abhi svarga ki baadshaahi zaroor honi chaahiye ।…jab baba aakar svarga sthaapan karte hain to usko kaha jaata hai jeevanmukti । jab jeevanmukti ki sthaapna karne aate hain to zaroor baaki jo itne manushya hain so sab to jeevanmukti mein yaani satayug mein nahin honge na । to unko phir baap le jaate hain apne muktidhaam mein । muktidhaam ko hi shantidham aur jeevanmukti dhaam ko sukhdhaam aur ye jo jeevanbandh hai unko duhkhadhaam kaha jaata hai । ye teen akshar unko zaroor samjhaao ki bhaarat mein jab sukh tha, svarga tha to phir baaki jo manushya the vo sabhi mukti mein the । mukti aur jeevanmukti । to hak hai ki svarga rachta hai to father se unka varsa milna chaahiye । to phir bataana hota hai ki ham varsa le rahe hain । yeh bhaarat mein tha । ab nahin hai । phir hamko yeh varsa mila hai । to baba kehte hain aa karke samjho । mehnat kuchh bhi nahin hai । baap ko yaad karna hai aur svarga ko yaad karna hai । marna hai zaroor । yeh ladaai ka sthaan hai । bojha is samay mein bahut hai । jitna baap ko yaad karenge utna hi tum healthy banenge aur jitna svadarshan chakra ko phiraaenge, satayug-treta yaad rakhenge svarga ko yaad karenge to tum dhanvaan raaja ban jaaenge । ye to achhi baat sunaate ho na । koi takleeph to nahin hoti hai? to bas, baap aur baap ka varsa, ye do cheej pakad karke likhraao । sanyaasi aave to unko jhat kah do ki sanyaas do prakaar ka hai । ek hai hathayog sanyaas doosra hai raajayog । raajayog to barobar geeta ka hai । bhagvaanuvaach- main tujhe raajaaon ka raaja banaaoonga । raajaaon ka raaja tum sanyaasi to bante nahin ho, kyonki tum ho nivrittimaarga vaale । ye hai pravrittimaarga ka gyaan । unko to bata dena chaahiye ki ye vo sanyaas nahin hai, ye bhagwan baith karke sikhlaate hain । tum samjho ishaare mein hi ki vo baap hai । vo hi baith karke svarga ka varsa denge । ye shankaraachaarya to baap nahin hai na । ye tumhaara baap thode hi hai । isko baap nahin kaha jaata hai, guru kaha jaata hai । baba ne samjhaaya hai ki riyalti mein baap kisko kaha jaata hai । aise to munsipaaliti ka mayor hoga, usko me baap kahenge । bada aadmi buddha dekhenge to unko bhi baap kahenge । riyalti mein pahle number mein bade te bada baap ek to vo hai, phir brahma, phir laukik । ye teen baap siddha karke bataao ki ek vo aatmaon ka baap, phir … .prajaapita baap, jis prajaapita brahma se bhagwan manushya srishti rachte hain । to zaroor manushya srishti rachenge to svarga ke liye hi rachenge । kaise rachte hain, vo samjho । doosra hai laukik baap, unse inheritensa milne ka hai । baaki baap to bahut hi kah dete hain । to sabse bada hua vo । us baap se ham bachchon ko varsa milta hai । abhi kalhayug hai । satayug to zaroor aaega, uska varsa ham le rahe hain । ham baap se apna hak le rahe hain । hamko baap se hak zaroor milta hai । aur kabhi koi doosra manushya nahin kahega sivaay tum bachchon ke । so bhi bahut thodi hain jo achhi tarah se samjha sakti hain । baaki to bichaari kuchh jara bhi nahin samjha sakti hain । dekho, baba neeche baith karke bachchon se milte hain । kabhi bachchon ko oopar mein bithaay karke koi galeeche-valeeche ke oopar neeche baitha hai । to baap sikhlaate hain ki bachche, ahankaari tattu mat banna । nirhankaar ho rehna । ahankaari, deh-abhimaan mein rehte hain na, to unko ahankaar hota hai । jo dehi-abhimaani hote hain na, unka vaataavran, shikal sadaiv hi alag hota hai । vo bahut namrata se samjhaate hain achhi tarah se । baap bahut namrata se samjhaate hai । dekho, baap kahaan aate hain, kismen aate hain, kaise samjhaate hain । highest authority hai, bhagwan hai aur tumko kitna pyaar se padha rahe hain । school mein jo naalaayak bachche hote hain to badi chanchalta karte hain, teacher ko bada tang karte hain । na padhe tabhi teacher ko tang kare na । zaroor tang karte honge । to dekho, aa karke tum bachchon ka hoobhu aise teacher bana hai aur padhaate dekho kaise hain! is baat ko koi samajh sakega ki gyaan ka saagar paramatma inko padhaate hain! tum bigar koi samjhega! tumhaare mein bhi bahut thode hain jo yathaartha reeti se samajhte hain । nahin to aashcharyavat bhaaganti kyon ho jaave? gire kyon? aise baap ki mat par kyon na chalen? baap kahen- bachche, main ab pharmaan karta hoon ki tum vikaar mein nahin jaana, nahin to hamesha ke liye tumhaari satyaanaash ho jaaegi । bachcha ban karke ek dapha me jaaenge to aise girenge oopar se jo saal-do saal tumhaara maatha hi kharaab hoga । jaise ki bed par honge । haddi-guddi tooti padi hogi । dekho, baap kehte hain na । aur phir bolta hai, nahin to phir main dharmaraaj se danda bhi khilaaoonga । poora khilaaoonga kyonki karan-karaavanhaar hai । to bhi dekho, chalte-chalte maaya unko naak se pakad karke gutter mein daal deti hai । peechhe likh dete hain- baba, maaya ne chot lagaai । baba kehte hain maaya ne chot lagaai । mua. tum kamjor ho, tumko ustaad ki mahima karaani chaahiye ya ninda karaani chaahiye? kyonki do taraph ho gaya na । maaya ne tumko thappad maarkar gira diya । are, tum aise ustaad baba ka bachcha aur tum haar gaya । nailat hai tum par । tum to koi kulaklankit dikhte ho । baap zaroor kahenge na । ye to jaante ho na ki baba bahut ko dekhte hain । bahut hi kuchh na kuchh karte hain । kaam, krodh, dehaabhimaan mein aakar karte hain । to baba to zaroor kahenge- bade naalaayak ho, bade kulaklankit ho, tum to apni satyaanaash kar rahe ho । tum apne 21 janma ke sukh ko daag laga rahe ho bilkul hi । aisa koi doosra baap thode hi baith karke kahenge । baap bilkul samjhaate hain bachche, koi bhi gaphlat mat karo, yeh badi chadhaai hai ekdam । nahin to thoda hi thappad khaaenge, girenge, phir had-good toot jaati hai । isliye koi bhi khata nahin, kiske oopar krodh nahin karo । bachche ke oopar bhi krodh mat karo । pyaar se hi tumko kaam nikaalna hai । baba agar pyaar ka saagar na hota to itne bachchon ko kaise sambhaal sakta tha? aur pyaar se hi bilkul sambhaalte hi rehte hain achhi tarah se । to jab itne bachchon ko baap pyaar se sambhaal sakte hain to tum kya apne ek-do chaar bachchon ko pyaar se nahin sambhaal sakte ho, jo unko thappad lagaate ho ।…phir thappad lagaate ho kisko? chhote-chhote bachchon ko to aur hi nahin thappad lagaana chaahiye, kyonki vo to mahaatma log hain । baap to vikaari hai । tum yeh kya karte ho? vikaari ho karke us mahaatma ko thappad kyon lagaate ho? kyonki bachcha to mahaatma gina jaata hai । achha, aaj thodi deri ho gai hai । somvaar ka din bhi hai । parantu bachchon ko samajhna bahut achha hai । pahle pahle to ekdam tumhaara khushi ka paara bahut chadha hua hona chaahiye । ham baap se varsa lete hain । are, baap dekho kitna saadhaaran hai । saadhaaran hai isliye hi shaayad tum moonjh jaate ho । koi-koi, baba sabke liye thode hi kehte hain । bachche baap ke paas aate hain to baba poochhte hain ki kab tumko nishchay hua? do baras । are, mujhe to wonder lagta hai ki tumko 2 varsha hua, us baap ko jaanne ke baad, jo svarga ka maalik banaate hain, unse milne ke liye tumko phursat nahin hai । koi bandhan nahin, phalaana nahin । tum koi pakshi thode hi ho । misaal diya na ki tota jhaad par baitha tha aur raadiya maarta tha ki mujhe koi chhudaao । are, par hai tumhaare paas, tum radiyaan kyon maarte ho? sanyaasi log ye drishtaanta dete hain । are bachchi, koi bhi ho kuchh bhi ho, pati ho, are, baap milte hain phir kya । tum gaate rehte- aur sang tod, tum sang jodoongi । abhi tum kahenge karmabandhan hai, to vo phir todo na । dekho, shuruaat mein sindh mein todkar dikhlaaya । phat ekdam । ye hamaare mitra-sambandhi hamko murli nahin sunne dete hain, hamko maarte hain, so bhaag gae । bhaagi to koi stri thode hi bhaagi, baal-bachche sab bhaag karke wahin chale aae । to dekho, bahaaduri hai na । to ye jo karmabandhan hain vo kachche hain । tumko dikhlaaunga ki bade-bade ghar ki bhi koi nikli । koi virle nikalti hai, aise nahin । koi aisi niklegi jo padmapti ki hogi । vo pati ko ekdam kahegi- tum mujhe nahin chhodte ho । mujhe jaana hi hai । jaao, ye tumhaara ghar-baar sab tum chhod, main ja karke bartan maanjoongi । mere paas bahut se saahookaaron ki aai hain, jo kehti hai-- baba, mujhe tang karta hai, ye karta hai । main bola- yaad rakh lena tum sukh mein ho, yahaan aaegi to main bartan manjavaaunga, jhaad lagvaaoonga । itna ham tumhaari pareeksha loonga aur sabne pareeksha di hai । mama ne baasan maanje hain, mama ne istri ki hai, mama ne baith karke gobar ke chhene banaae hain । abhi gobar ka chhena banaaya to koi paise nahin the kya? karaanchi mein to paise dher pade hue the ।10-10, 20-20 laakh tijori mein rakhe pade the । ham bank mein kabhi nahin rakhte the । to bhi phir aise bachche ki baasan maanja phalaana kiya, raat ko teep-top hokar apne bason mein aur motor mein ghoomne chale jaate the; parantu vo pareeksha zaroor lete the । ye baap ka kaam tha na । ye baap pareeksha lete the । are bhai, tum bhi karo, jaisa karma tum karenge tumko dekh karke… to tumhaara dehaabhimaan tootega । baba ke paas badi-badi chitthi aati hain । to baba likh dete hain ki yaad rakh lena yahaan aaegi to main pahle-pahle bartan majvaaoonga chhena karaaoonga jhaad lagvaaoonga । phir tumko yaad padega, tumhaari beemaari sabhi jaagegi, tumko bachcha yaad padega, pati bada jor se yaad padega । ye khabardaar rehna aur peechhe vahaan rona nahin । agar okh se ek aansu giraaya to vaapas kar doonga, main rakhunga nahin । itna to kada likhta hoon … aisi-aisi chitthi jab koi ki chhodne ki aati hai । saaph likh deta hoon- rona bilkul nahin । saajan ki sajni .saajan shivbaaba jo tumko baith karke svarga ki mahaaraani banaate hain aur tum roti ho! lajja nahin aati hai? nailat hai tumhaare rone ke oopar baba phir aise kah dete hain । rona kiske kaam ka? roti hain vidhvaaen । tum bani ho saajan ki sajni । vo tumko shrringaar karaakar mahaaraani banaate hain aur ye rona! devtaaen bhale ro sakte hain, lakshmi naaraayan ro sakte hain, tum nahin ro sakte ho; kyonki tum sajni bani ho saajan ki । devtaaen koi saajan ki sajniyo thode hi bante hain । achha, deri ho gai, toli le aao । …buddhiyaan- buddhiyaan bichaari in baaton ko uthaay na saken ।…bolte hain- achhi sajni roti kyon hai? main inka saajan mar gaya hoon kya? inka aur to koi hai nahin । sirf ek hi saajan hai, maat-pita, bhraata-bhaai, sab ek saajan । phir ye mutthi roti kyon hai? kya inke maat-pita, daada, pati ye sabhi mar gae hai? kaaran kya hai inke rone ka? kaaran yeh hai, deh-abhimaan me aa gai hai, bhool gai hai । stri pati ko thode hi bhoolti hai । stri kabhi pati ko bhoolegi? kabhi nahin । to ye sajniyaan saajan ko bhoolti kyon hai? maaya hai badi jabardasta । aasmaan mein jaate ho, girenge phir ekdam purja-purja ho gaya ekdam । shaabaash! boto ।. …baantane aata hai? thahro- thahro tumne baantana seekha nahin । pahle baap teacher । sarvavyaapi ke gyaan se kya hota hai? agar bhagat hai, kehte hain- hamaare mein bhi bhagwan hai । to bhagwan ka yog to lag hi nahin sakega । kiske saath? yaani jabki bachche honge aur baap se varsa lenge tabhi to baap se yog hoga । bachche janma le karke baap se yog lagaaenge, baba-baba dil me aaega aur kahega tab to varsa milega na । ye to baap hai aur ham bachche । ham sab brothers hain .vo baap hai । baap rachta hai svarga ka to unse svarga ki baadshaahi milni chaahiye yaani jeevanmukti milni chaahiye । baap hai patit-paavan । dekho, abhi saari duniya patit hai । satayug paavan hai । satayug mein koi patit ho nahin sakta hai । to ye sirf baap ki hi mahima hai । baap ki bahuton ne glaani ki hai । tumko abhi baap ki mahima karni chaahiye । baap khud aakar kehte hain ki tumne hamaari bahut glaani ki hai । tum bachche phir abhi unki mahima karenge na । doosre sab glaani karte hain, tum bachchon ko baap ki mahima karni hai । bas, mahima mein hi khush raho । mahima karte rahenge to mahima karte rahne se bhi tumhaare vikarma vinaash hote jaate hain aur jama hota jaata hai । health jama hoti hai, wealth jama hoti hai, kisko samjhaane se bhi jama hoti hai aur yaad karne se bhi jama hoti hai । sabko mila? samjha! meethe-meethe2 bachchon prati yaadapyaar aur good morning ।