Sakar murli du mercredi 13 mai 1964

> >

13-05-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj budhvaar mai ki terah taareekh hai praatah class mein baapdaada ki murli sunte hain।

record :-

na vo- hamse juda honge

omshaanti ।

bachchon ka hi gaaya hua gaana bachche sun rahe hain । ye bachchon ki aatmaaen hain, jo baap se pratigya karte hai- ab ham kabhi bhi baap se juda na honge ।… aatma shareer mein to viraajmaan hai । abhi bachchon ko dehi-abhimaani banna hai arthaat apan ko aatma nishchay karna hai, paramatma nishchay nahin karna hai । jaise sanyaasi log samjhaate hain- paramatma so aatma, phir aatma so paramatma । yeh ulti ganga hai । abhi baap ne aakar samjhaaya hai ki is samay mein tum bachche dehi-abhimaani bhav yaani bano । itna samay tum sabhi bachche deh-abhimaani bante aae ho । kahaan se lekar ke? satayug se lekar ke । samjha na । kyonki yeh shiksha milti hai bachchon ko aatmaon ko vaapas jaane ke liye । isliye yeh shiksha hi is samay mein yahaan milti hai, kyonki baap kehte hain dehi-abhimaani bano । aise nahin kahenge ki vahaan koi deh-abhimaan hai । nahin, vahaan to tumhaari praalabdha hai । jab tum bachche yahaan dehi-abhimaani bante ho aur baap jo bhi knowledge deta hai so aatmaaen grahan karti hain, grahan karte-karte apne gyaan ka praalabdha ka part bajaay leti hai, phir yahaan deh-abhimaan ya dehi-abhimaani ka question nahin hota hai । yeh deh-abhimaan aur dehi-abhimaani ka question yahaan uthta hai । kyon utha hua hai drama anusaar? ham aatma so paramatma hain ya nahin, drama anusaar ye moonjh padi hai । to baap aakar samjhaate hain- pahle to apan ko nishchay karo । sanyaasiyon ne tumko aise hi kah diya hai ki eeshvar sarvavyaapi hai, ham bhi paramatma hain, tum bhi paramatma ho, jidhar dekhta hoon udhar tu hi tu hai । yahaan dekhen to bhi tu hi tu hai, yahaan dekhen to bhi tu hi tu hai । isse kuchh bhi phaayda hota nahin hai ki jidhar dekhta hoon udhar tu hi tu hi । tu hi yaani paramatma hi paramatma । to sab paramatma ho jaate hain । isko hi log samajhte hain ki isko kaha jaata hai sambhaavnaaen, parantu ye sammaavnaaen to ho hi nahin sakti hain, koi ki bhi । sambhaavna hai kiski? baap-bachche ki bhi sambhaavna nahin hai । aajkal ke samay mein bachche baap ko maar daalte hain, to kabhi baap bachchon ko bhi maar daalte hain, bachche maa ko maar daalte, to kabhi maa bachche ko bhi maar daalti hai । samjha na! kyonki agyaan hai, ghor andhiyaara hai । manushya is samay mein jaise ki janaavar se bhi badtar ho padte hain । dekho, bandar ka misaal baap ne poora bataaya na ki bhagat-naarad ne kaha- ham lakshmi ko varenge । tum apne dil roopi darpan mein apan ko dekho, laayak ho? achha, kaise laayak ho? tum svadarshanchakradhaari ho? kyonki tum svadarshanchakradhaari bante ho tabhi chakravarti raaja bante ho । to baap baith karke bachchon ko samjhaate hain- pahle pahle dehi-abhimaani bhav । dekho, baar-baar kehte hain । kalpa pahle bhi baar-baar kaha tha dehi-abhimaani bhav । ab aise samjho ki mujh aatma ko paramatma is shareer se apna parichay de rahe hain, padhaay rahe hain aur aatma mein jo aasuri sanskaar hain vo sanskaar badlaay rahe hain । shareer mein nahin hai । sanskaar aatmaaen le jaati hain, shareer to khatam ho jaate hain । to is samay mein baar-baar kehte hain; kyonki geet bhi to suna hai । abhi ham aatmaaen aapke saath hi yog lagaaegi । yeh hamaara pyaar baap se kabhi bhi bigad nahin sakta hai । bhale pavitra rahne ke liye anek prakaar ke vighna ham bachchiyon ke oopar padenge । dekho, yeh maataaon ka gaaya hua hai । hamko bahut hi duhkh sahan karna padega, kyonki ham unko jahar nahin dete hain, vikh nahin dete hain । yeh noondh hai ki in ablaaon ko sitam bahut sahan karna padta hai aur gaaya bhi jaata hai ablaaon ke oopar sitam bahut padte hain; kyonki vo duryodhan nangan karna chaahte hain । ye phir jab baap ki banti hain, to bolti hain- ham to kabhi nangan nahin hoenge । dekho, kitni maar khaati hain । unke oopar pahle se hi geet banaaya hua hai, koi tum logon ne nahin banaaya hai । anaayaas hi koi se banvaaya hua hai, jiska arth koi jaante thode hi hain । jinhonne banaaya hai vo to government ke radio mein bhi ye sabhi geet aate hai; parantu koi kuchh samajhte thode hi hain ki kya ho raha hai । unka baith karke arth ye record jaise tumhaara shaastra ban gae hain । isliye vo kehte hain- yeh kya! aise to kabhi kahin hota hi nahin hai- ye record bajaana aur unka baith karke arth karna । record to bahut karke film ke nikalte hain । vo samajhte hain- ye film ka inka koi shaastra nikal pada hai kya । ye shaastra ke record par to nahi hai; par ye baba ne tum bachchon ke liye banvaae hain; isliye tumko ye rakhne chaahiye । samjhaana chaahiye ki dekho … jab hamaara buddhiyog baap ke saath jaata hai to hamko pavitra to zaroor rehna pade na । rakhdi to ekdam pakki-pakki baandhana pade na, kyonki isko kaha jaata hai , bas inse jaasti pyaara (aur koi nahin) । koi bhi bhagat 'bhagwan kahkar yaad karte hain; parantu kya karen, bhagwan unko pata nahin hai । shiv-shankar mahaadev sabko ikattha thonk dete hain । sabhi bhagwan hi bhagwan hain, krishna bhagwan hai aur haajra hajoor… । ek tha, jinmen krishna hi krishna (kehte hain) । are, koi vahaan vrindaavan mein jaao to tum vahaan dekhenge, ek vallabhaachaari log ya koi log hain, vo raadhe ke pujaari hain । jidhar dekhta hoon udhar raadhe hi raadhe raadhe hi raadhe, tum bhi raadhe, ham bhi raadhe- aise bhi bahut karte hain । tumne teertha poore nahin kie hain । baba ne sabhi teertha bhi to kie hain na । to baba ko sab maaloom hai ki kya-kya karte hain- jidhar dekho raadhe hi raadhe । saaeembaaba vaale kahenge ki jidhar dekhta hoon udhar saaeembaaba hi saaeembaaba hai; kyonki vo bhagwan ka avtaar hai । aise maan lete hain । to kitna andhakaar hai । ye baap baithkar samjhaate hain- bachche, ye phir bhi hone ka hai । ant tak tum jo kuchh dekhenge yeh bani-banaai drama hai । isliye bachchon ko samjhaate hain ki bachche, ye sabhi drama mein noondh hai । bani-banaai hai । ismen kisko koi dosh dene ki baat nahin rehti hai, yahaan samajhne ki baat hai ki barobar ham bachchon ka baap ke saath bahut pyaar hai, saari duniya se aur phir is gyaan yagya se । tum jab kehte ho ki is gyaan se jvaala prajvalit hui, to vo kah dete hain kya । tumhaare baba ne! iseelie to vo shivbaaba ka naam nahin lete, kehte hain tumhaare baba ne yagya racha hai kya bhaarat ka vinaash karne ke liye? ham kehte hain ki bhaarat mein shanti ho jaaen । to dekho, aur hi bigadte hain, aise koi-koi nikalte hain, jab kaha jaata hai ki bhai, is roodra gyaan yagya se yeh jvaala prajvalit hui hai । to roodra gyaan yagya bhi to likha hua hai na । abhi ye rudra gyaan yagya hai ya shri krishna ka yagya hai? dekho, pharka pad jaata hai na । baba aa karke yagya rachte hain aur yagya racha jaata hai braahamnon se । to tum brahmaakumaari aur kumaar braahman ho । yeh hua behad ka bada yagya । vo had ke yagya rache jaate hain braahamnon dvaara । seth log bahut yagya rachte hain । unmein naami-graami ek rudra yagya bhi hai । rudragyaan yagya nahin, rudra yagya । gyaan ka akshar nahin lagaate hain; parantu koi-koi laga bhi dete hain । phir gyaan ka jab naam aata hai to vo yagya mein bhaagvat, raamaayan, itna ved, phalaana rakhkar bade ekdam baith jaate hain । jaho jo chaaho so mile, revdi chaahiye revdi mile …jo chaaho so shaastra mile, ved bhi mile, phalaana । jaho jisko chaahiye so khade ho jaave, aise bhi yagya rachte hain, parantu yeh hai rudra gyaan yagya । inko kabhi bhi krishna gyaan yagya nahin kahenge । tum jab kisko samjhaaenge- are bhai, lakshmi naaraayan va raadhe-krishna, raadhe-krishna chhote, lakshmi naaraayan bade । are bhai, inmen gyaan hota hi nahin hai; kyonki gyaan se hoti hai sadgati । vahaan to hai hi sadgati । svarga hai । vahaan gyaan kaahe ka jo manushya ko gyaan suna karke sadgati deve? durgati kahaan hai jo gyaan sunaaye? yeh kitne samajh ki baat hai । unko jab phir aise hi kah denge ki lakshmi naaraayan mein gyaan nahin tha, muh bigaad padenge । krishna ke liye kehte hai ye saari geeta krishna ne rachi ।…tum bachchiyaan unko samjha kar na kahenge to bigad padenge ki geeta ko geeta gyaan koi krishna gyaan kaha hi nahin jaata hai, usko to rudragyaan yagya kaha jaata hai । yahaan to baap hai aur phir braahman hain । aise thode hi likha hua hai ki bhagwan ne baith karke braahamnon ko gyaan diya hai । nahin, vo to bilkul koi akshar hi nahin likha hua hai, ghode par arjun ke rath mein । yeh dekho, rath hua na । rath mein rathi baitha hai । tumhaare harek ke rath mein rathi hai, usko aatma kaha jaata hai । isko apne rath mein rathi hai aatma, parantu baap phir kehte hain main inka loan leta hoon । jo loan leta hoon main unmein rehta bhi hoon dhani rehta bhi hai । dekho, baba bombe mein gaya tha na, to jinse makaan liya tha, vo dhani bhi rehta tha । ye baba bhi jaakar raha । to donon us makaan mein rahe । to yahaan bhi aise hai । rathi bhi hai unmein… to dekho, kya geeta mein likha hua hai aur kya baap baithkar samjhaate hain- mainne kya kaha tha, abhi main phir se tum bachchon ko samjhaata hoon । hai na bhagvaanuvaach- main tujhe raajayog sikhlaata hoon aur vinaash ke baad tumhaari raajaai sthaapan ho jaaegi, tum raajaai karne lag padenge । aise to koi bhi geeta vaala kabhi nahin kah sake । to baap baith karke bachchon ko samjhaate hain- ye sab pvaaitas samjhaai jaati hai dhaaran karne ki aur nishchay buddhi ho karke- haan, barobar hamaara baba hamko svarga ka maalik banaate hain aur kalpa-kalpa aate hain, kalpa ke sangamayuge । sangamayuge ek akshar bhool jaane se yuge-yuge ho gai । saari khitpit । kitne avtaar banaay die hain- kachchha avtaar, machchha avtaar, 24 avtaar, parshuraam avtaar । avtaaron ne kya kiya? parshuraam avtaar ne kulhaada le karke kshatriyon ka vidhvans kiya । kya likha hua hai dekho! abhi is samay ki baat hai na । ek bhi baat nahin lagegi, aate mein noon jaisa lagega । barobar yeh kalpavriksha hai । unke neeche tum baithe ho; kyonki pichhaadi ho gai hai । tum baith karke raajayog seekhte ho, badi kamaai karte ho, bahut athaah kamaai karte ho । aur sab jo bhi karodapti hain, padmapti hain, unka naam hi rehta hai padampat ।… …naam bhi aise hi rakhaay dete hai । bahut saahukaar hain na । aajkal to bahut saahukaar ho gae hai । ye sab bichaare ekdam mitti mein khatma ho jaaenge । bas, anaayaas jute to aaenge na sabhi- calamities natural calamities ladaai vagairah । baba ne samjhaaya hai ki jab pichhaadi ka vinaash hota hai, thode-thode jhagde to lagte hain, dekhte ho ki kaise lagegi । aur bhi tum dekhenge kitni jor se lagti hai bomb se । vo to ek- do kachche bombsa the, jaise hiroshima aur unko lagaaya tha । abhi to ek, do bhi nahin, ambaar hain, dher ke dher hain sabke paas । vo thode hi koi samudra mein phenk denge । are, vo to unki milkiyat hai । karodo-padmon rupaya unke oopar kharcha hua hai । to buddhi bhi nahin kaam karegi ki ye koi aise phenk denge kya? chhod denge kya? nahin । ye sabhi paailsa(dher) bane hue hain । kyon? baap samjhaate hain- are, paailsa(dher) na banen to bilkul jaldi maut na ho paae । peechhe thode hi koi hospitlen hongi jinmen tumhaari davaai hogi । itne sab marenge, vahaan kahaan ki davaai, kahaan ki baat । yeh to jaise raakh ho jaaenge । samjha na । ye bombsa aise hain jo peechhe duhkh nahin denge । aage vaale mein kuchh duhkh hota tha, abhi bachchon ko koi bhi duhkh nahin, bas phat ekdam khalaas । nahin to kahaan dava, kahaan darmal koi thode hi rehta hai । baap bhi nahin । drama mein aise bhi hain…baaki to na marenge na । to jaldi-jaldi ekdam khatam ho jaaega । isko hi kaha jaata hai- yeh pralah ek hi hoti hai, jismen kuchh bach jaate hai । baaki sab khalaas । to hai na- ek dharma ki sthaapna, anek dharma ka vinaash । abhi yeh to bilkul clear hai । koi shaastron mein bhi hai, brahma dvaara sthaapna । kiski? khaali sthaapna? nahin, svarga ki sthaapna, svarga mein rahne laayak unko bana rahe hain । laayak (yaani) pavitra banna hi hai । pavitrata ke oopar saara hai । pavitra hai to pavitrata ke oopar sab naman karte hain, mattha tekte hain, ekdam so jaate hain । itna pavitrata ke oopar hai । baap bhi kehte hain- bachche, tum aatmaon ke par toote hue hain । tum udkar aaenge kaise? yog-agni se tumhaare par phir aa jaaenge । to isliye baap pahle pahle baith karke… dekho, difficult baat hai । yeh koi lallu-panju ki baat nahin hai । raajdhaani lena to koi maasi ka ghar thode hi hai । pahle-pahle jo mukhya baat hai ki aham aatma, mam shareer । aham aatma shant swaroop । sva… aatma ka svadharma hai shant । to shanti ke liye kahin dhakka nahin khaana pade । iske oopar drishtaant dete hain ki haar chhoote the, jo gale mein pada tha । ek raani ka misaal dete hain । to tum sabhi bachchiyon raaniyaan ho na । tumko shanti chaahiye shant desh mein jaane ke liye । shanti ke liye koi jangal me thode hi jaana padta hai; jaise sanyaasi jaate hain । sab aate hain kehte hain- baba, hamko shanti chaahiye । sanyaasi aate hain, prashn poochhte hain ki man ki shanti kaise mile? are, tumko ashaant kisne kiya hai, pahle vo bataao । ashaant kiya hai maaya ne । yahaan maaya ka raajya hai । yahaan shanti kahaan se aaegi jahaan maaya ka raajya hai, raavan ka raajya hai । vahaan koi bhi, ek bhi shant nahin hai । bhagat kahenge mere ko sanyaasi se shanti mili । are, kahaan tak shanti milegi sanyaasiyo se? hi, kuchh shanti milegi । are, par alpakaal kshanbhangur shanti । yeh vahi hai kaagvishta samaan sukh ya kaagvishta samaan shanti parantu hamko to avinaashi shanti chaahiye, na ki alpa kaal kshanbhangur । sanyaasi kehte hain na yeh sukh hai kaagvishta samaan । abhi tumko sukh chaahiye to sthaayi bahut sukh chaahiye na । yahaan manushyon ko paise milte hain to sukh ho jaata hai । nahin, tum bachchon ko chaahiye achhi shanti, sthaayi shanti । to baap aakar bachchon ko samjhaate hain ki pavitrata se tumko jitna sukh aur shanti chaahiye itna lo । bhandaara hai hi shivbaaba ka pavitrata, sukh aur shanti ka, kyonki baap hai na । ever pavitra baap ko kaha jaaega । ever paavan baap hai, tab to aa karke patit ko paavan banaaenge na । to vo sabko paavan banaaega । ye sanyaasi thode hi paavan hain jo paavan banaaenge । ye to ganga mein snaan karke samajhte hain, aatma to nirlep hai, kabhi beemaar bhi nahin hoti, shareer beemaar hote hain । to paap lagta hi hai shareer ke oopar, isliye beemaar padte hain । to chalo, ja karke inka paap naash karen । tumko samjhaane ke liye kitni points bhi dete hain । kabhi bhi sanyaasi ho to unko kah dena ki bhai, aapka hai rajoguni hathayog sanyaas aur hamaara hai raajayog ka sanyaas । tum jisko kehte ho yeh sukh hai kaagvishta samaan, ham dekho raajayogi hain, ham svarga ke liye raajaai paate hain । baap hai svarga ka sthaapan karne vaala । to unko yeh akshar yathaartha reeti se kahne se janchega ki barobar inka maarga, inko baap dikhlaane vaala hai । to tempated(lubhaaega) hoga ki oho! yahaan maarga dikhlaane vaala parampita paramatma baap hai, jisko khivaiya kehte hain, patit-paavan kehte hain । are, unke bahut naam dete hain । sadgati daata kaha jaata hai । to patit-paavan maana hi sabko durgati se sadgati karna । achha, durgati kisne ki? sadgati to baap karenge । dekho, sadgati daata kaha jaaega shivbaaba ko, durgati daata to nahin kahenge na । patit-paavan kahenge na, patit banaane vaala to nahin kahenge na, patit daata to nahin kahenge na । to phir jab vo hai hi sadgati daata aur patit-paavan daata, jo hamko paavan banaate hain, phir savaal uthta hai ki kaun hai phir jo hamko durgati dete hain, patit banaate hain? to baap baithkar samjhaate hain । manushya thode hi jaante hain । jab tum bachche dvaapar se vaammaarga mein girte ho, vikaari ban jaate ho to phir tumko yeh raavan durgati dete hain । dekho, abhi yeh to samjhaate rehte hain na, to uska kya kar diya? baba ne samjhaaya na vahaan jagannaathpuri hai ek… mandir mein । jagannaath maana hi raadhe aur krishna । vo kaale hi rakh dete hain । bichaaron ko kaale kyon rakhte hain, yeh bhi to wonder lagta hai aur naam hi unka rakh diya hai shyaam-sundar । are bhai, sundar satayug mein aur shyaam kalhayug mein aur vahaan hi unko rakh diya hai- sarpa ne dasa aur kaala ban gaya । sundar shyaam ban gaya । kaaleedah mein kooda । abhi dekho, kahaan ki baat kahaan jaati hai । kaaleedah ye, jab narka ke kunda mein girna shuru ho jaate hain । to dekho chitra hai vaah! jagannaath puri ke udhar mein bada achha kaarving ka chitra hai । aisa ganda chitra hai! jaise ye government hai na jab bhi koi ganda chitra dekhti hai vilaayat se aate hain vochij mein, cigarette keson me, bahut hi cheejon mein gande chitra aate hain, unse bade gande madir ke oopar mein hain । abhi dekho, unko to government banda kar deti hai, aise chitron ko bain kar deti hai… abhi agar government ko bataaven ki tum jaao, jagannaathpuri mein oopar mein dekho । devtaai chitra to mashhoor hote hain na । devtaaen jaise hote hain taaj sahit pitaambar vagairah aur aise hi deviyaan । are, aise gande kaam dikhlaae hain, kyonki vaammaarga mein gae । to bas, un chitron ko kar diya ki dekho, devtaaen bhi to vikaar mein gae na । are, devtaaen jab vikaar mein jaate hain to devta thode hi kahlaate hain । baba ne bataaya- mahaasbha ka saavarkar aaya tha । usse sirf poochha ki aapka dharma kya hai? likhvaate to hain na' isliye likhvaate hain । to bola- hindu । bhala hindu dharma kisne sthaapan kiya? kya aadi sanaatan hindu dharma tha ya devta dharma tha? kya tum devi-devtaaon ko hindu kahenge ya devta kahenge? bola- haan daada, ham hindu to nahin kahenge, devta kahenge । phir tum devtaai kul ke ho na । devtaaen nasla ke ho । devi-devta dharma ke ho na' bola- abhi kahaan! abhi thode hi ham devi-devta dharma ke hain, abhi to ham asur hain । ham koi pavitra thode hi rehte hain, ham to asur hain । to unko bola- achha, chalo aao, tumko asur se phir devta banaaven । phursat kahaan hai? bas । dekho, baat karte hain! ye bhi bade-bade aadmi, mahaasbha ka bada president । abhi talak jeeta hai ya mar gaya, pata nahin kya hua । to dekho, koi manushya ko kuchh pata hi nahin hai jaise । baap baithkar samjhaate hain- dekho, maaya kitna moorkha banaati hai । hai koi ek bhi vidvaan-aachaarya is duniya mein, jinko baap rachta aur rachna ka pata ho? manushya rachta aur rachna ko jaane, koi janaavar thode hi jaane । to dekho, baap baith karke bachchon ko itna sikhlaate hain, samjhaate hain .bachchon ko bhi samjhaate rehte hain, kanyaaon ko bhi ki dekho bachchiyon, khabardaar rehna । maaya badi kadi hai । is samay mein maaya hai tamopradhaan pachhaadne mein bilkul hi deri nahin karti hai । dikhlaate hain- are, hamaara 10-12-15 baras ka bachcha, 10-12 baras hua gyaan lete-lete, are maaya ne thappad lagaai । abhi itna ho gaya, ja karke shaadi ki aur so bhi aisi gandi ban gai, baat mat poochho । bas, ekdam naak se pakad karke gutter mein daal deti hai, maaya itni kadi hai; kyonki tamopradhaan maana rustam bani hui hai । ekdam saamna karti hai jaise । ladaai hai na । yudhishthir, yuddha sthal hai yeh । yuddha ka sthaan । abhi vo yuddha to nahin hai na । yahaan to gupta hai । tum bachche dekho kaise shaan se baithe ho । hai koi hathiyaaron vagairah ki baat! geeta mein, bhaagvat mein dekho kya dikhlaaya hai । to baap kehte hain- bachche, ab baar-baar baap samjhaate hain apna poora kalyaan chaaho to apan ko dehi-abhimaani aatma samjho । deh hote bhi apan ko aatma samajhna, isko hi kaha jaata hai dehi-abhimaani, kyonki deh-abhimaani ban gae ho । deh hote bhi apan ko aatma samjho aur baap ko yaad karne ki nirantar koshish karo, to gaaya jaata hai- ant mate so gat ।. .dekho, sanskaar le jaate hain, ant mat, vo sabhi sanskaar aa karke saamne khade ho jaate hain । paapaatma hain to paap-aatma ke ghar janma milta hai, punyaatma hain to punya aatma ke ghar janma milta hai; isliye ant mate ke liye paap vinaash ho uske liye bahut time lagta hai । isliye nirantar jitna ho sake, jaho talak ho ant tak tumhaara purushaartha chalega hi । isliye apan ko pahli-pahli baat hai ki dehi-abhimaani bhav । apan ko aatma nishchay karo । pakka karo ki paramatma ham aatmaon ka padha rahe hain । paramatma jo hai, jaisa hai, hamko aap samaan bana rahe hain । aap samaan banaana hota hai na । barrister hai to aap samaan barrister banaaenge । surgeon hai to aap samaan surgeon banaaenge । peechhe purushaartha anusaar । vahi surgeon maas mein laakh rupaya kamaaenge । yaad rakhna । baba ne aise dekhe hue hain । laakh to kya, bahut kamaate hain । ek-ek case ka laakh milta hai । so padmapti, saahukaar unke paas jaaenge to unko kuchh kam thode hi milta hai । barrister hai, ek-ek case ke oopar laakh rupaya lete hai । ye bachche agar kuchh padhe hain to jaante hoge kalkatte mein ek sinha tha, jo ja karke preevi kaaunsil ka member bana tha । padhe hue ho? kisi kalkatte ke bujurga ne suna hai? (kisi ne kaha- suna hai) to dekho, uski bahut badi chart lagti thi । bahut paise vaala tha । abhi bachchon ko baap kya banaate hain! bolte hain- yeh jo bhi padmapti hain na, yeh sab ekdam khaak mein mil jaaenge; kyonki main gareeb nivaaj hoon । ahilyaaen kubjaaen paapaatmaaen ajaamil । to baba ne samjhaaya ki ajaamil kisko kehte hain । bataaoon? jo baba ka ban karke, baba ki service karte-karte phir baba ko phaarakti de dete hain । yeh shaayad janma-janmaantar ka koi bahut ajaamil hoga । janma-janmaantar ka ajaamil kaun hote hain jaasti? dekho baba ne samjhaaya । ajun bachchon ko jaana hai thoda ise kar dete hain । baba ne samjhaaya- dekho, ladaai vaale log । jaante ho ki unka hai hi marne-maarne ka sanskaar ladaai ke maidaan ka । sanskaar aatma ka hi hai । jab vo janma lete hain, bhale koi bhi grihasthi ke ghar mein lete honge, parantu phir bhi ladaai ke maidaan mein chale aae hain । vo sanskaar le aae hue hain । vaise hi bahut samay se vaishyaalayon mein jo veshyaaen rehti hain na, vo koi bhi ghar me achha hi janma legi ya bade ghar mein bhi janma lengi to unke saskaaron anusaar phir bhi wahin se niklengi aur vaishyaalay mein chali jaaengi । peechhe vaishyaalay to samajhte ho- ek first class, ek second class, ek third class । first class vaishyaalay ka tum bachchon ko maaloom nahin hai । vo bade-bade aadmiyon ke liye gupta rehti hai । ye kharaab sanskaar dekho! to phir aise jo hote hain kuchh samay se vo yahaan aa karke jab gyaan leti hain to unka vo sanskaar nikal padta hai । shaayad yeh bahut ajaamil thi poorva janma mein । baap ka ban karke, baap se varsa lete-lete…ekdam ja karke gir padi । ye sab baap baith karke achhi tarah se samjhaate hain ki janma-janma ke sanskaar bhi saath me aate hain, to janma-janma ke paap bhi to ikatthe hote rehte hain; isliye bachchon ko yog bahut chaahiye, to vikarma vinaash ho, ant tak । baba apna bhi bataate hain, mama ka bhi bataaya- dekho, kitna yog mein rehte, kitna purushaartha karte, kitne ko aap samaan banaate. .to bhi abhi talak karmaateet avastha nahin hoti । kuchh na kuchh khaansi, yeh operation yeh phalaana । aise nahin ki sabka aise hota hoga । nahin, koi ka kya hai, koi ka kya hai, sabka apna sanskaar hai । to bahut bojha hai । vo bojha kaise utre? jitna ho sake baap ko yaad karo । baba! kitne meethe ho! …na man, na chitta!… aap phir se aa gae ho । koi duniya thode hi jaanti hai । kisi shaastra mein likha hua hai baba aate hain to kya karte hai? wonderful baat likhi hui hai- geeta mein, bhaagvat mein aur puraan mein । vahaan raamaayan ki katha, phalaane ki katha, kuchh hai nahin, koi raamaayan ki katha hi nahin hai bilkul । na kaurav-paandav ki koi hinsa ki baat hai । dekho, baat kaisi hai! abhi tum jag gae na । is samay yaadav-kaurav-paandav kya karat bhae । to tum samajhte ho manushya to dheron ki maaphik godly geetaaen padhte aae aur sunte aae, hua to kuchh bhi nahin, aur durgati ko paae । to baap kehte hain mere laadle bachche, gaphlat nahin karna । maaya tumhaare oopar poora ekdam pahra de rahi hai; isliye dehi-amimaani bhav aur baap ko yaad karte raho to tumhaara ant mate so gat । abhi yeh hai shivbaaba ke gale ka haar banne ki buddhiyog ki race । bas, ismen hi samjho sab kuchh hai ।…bhaarat ka praacheen yog kehte hain । praacheen yog ko koi samajhte thode hi hain । vo to hathayog, praanaayaam karke chale jaate hain aur samajhte hain bas hamne pa liya, ham chala gaya । ham braham ho gaya । shareer ka bhaan chhod diya baaki braham ban gaya । yeh sab baaten kahi jaati hain gapode । yeh drama me noondh hai । iseelie baba baar-baar bachchon ko kehte hain- apna kalyaan karna chaaho to kaho ki ham. jaise kaha jaata hai bhai, raajayog hai, ham raajaai lenge, to yog chaahiye । yog se tumhaara vikarma vinaash hoga aur tum bahut harshit rahenge ।. ham eeshvar ki santaan aur eeshvar se hamko bhavishya… is kalhayug mein to raajya nahin kar sakenge । kalhayug mein kya rakha hua hai! satayug mein raajya karna hai । everything new । new aur old । are, yeh to koi bhi samajh sakta hai- new satopradhaan hota hai, old tamopradhaan hota hai । abhi kisko kaho- bhai, satayug mein svarga hai, satayug golden ej hai… … । svarga ka naam liya to bolenge- ham sukhi hain svarga mein, jo duhkhi hua vo narka mein hai । hamne achha karma kiya hai, unhonne kharaab karma kiya hai । yahaan hi svarga aur narka banaay lete hain । to baap ne samjhaaya na- main aata hoon bachchon ko sada sukhi banaane, sada shant banaane athva mukti-jeevanmukti pad dene । dena sabko hai । sabka sadgati va gati daata, sabka mukti va jeevanmukti daata ek hota hai । to dekho, raat-din ka pharka hua na । vo log kehte hain sabhi paramatma ka roop hain, sabhi fathers hi fathers hain । phir fathers ko varsa kahaan se mile? law hai brothers ko ek father se milta hai । ham sab brothers hain, aise kehna chaahiye aur hai bhi brotherhood । zaroor father chaahiye jisse hamko inhereetensa mile । abhi bachche inhereetensa le rahe hain । kaise? dehi-abhimaaneepne se । agar dehi-amimaaneepna nahin seekhengi to varsa bhi nahin mil sakega । yahi manzil hai । bahut badi manzil hai । aise thode hi hai ki bigar kuchh kie vishwa ka maalik ban jaaega । jaise kehte hain na- bin kamaai non ka mujhe… .yeh bahut badi kamaai hai । yeh sab jo bhi tum dekhte ho, padmapti, karodapti, phalaana, yeh jaise ki aajkal jaakar bijli mein jalaate hai na । bhatthi mein daala…kaathi ikatthi karo, tel lagaao, phalaana karo । aur yahaan dekho kya nikli hai! bas, andar eyarphorsa lagaaya, takleeph ki darkaar nahin hai । vahaan kitni takleeph karni padti hai । to baap baithkar phir bhi bachchon ko kehte hain- sitam khaana padega, takleephen sahan karni padegi, radiyaan maarni padengi । baandheliyon ki chitthiyaan bahut aati hai, traahi-traahi karti hain, badi maar khaati hain । koi ko bhi maar mile ya kuchh bhi nishaan ho, tum log government mein jaao, jhat unse chhutkaara mil jaaega aur paisa bhi milega, vo pagaar bhi bharkar denge parantu himmat chaahiye । samjho, maar khaati hain, ghar chhod diya ki achha, chalo bhai chhod dete hain, abhi hamko baba ki seva hi karni hai, chalo chhodo baba ki seva karte hain; parantu nahin, phir beemaari uthalti hai, pati yaad padega ।… .kabhi bhi koi manushya sanyaasiyon se nahin poochhega ki aapne ghar-baar kyon chhoda? aapke baap ka kya naam hai? bachche ka kya naam hai? kabhi bhi koi sanyaasi aata tha to baba bolte the- pahle mujhe bataao, tumne kaise chhoda? mo-baap ka naam kya hai? kis ghar ke ho? ham bhi kaise seekhenge? vo bolenge- yeh baaten nahin poochho । baba bole- agar nahin poochhenge to ham kaise seekhenge? yahaan bhi shuruaat mein jab gyaan ki thodi chatak lagti rahi thi tab ye poochhte sab the । …kabhi nahin bataate the । achha, abhi time hota hai, bachchon ko jaana hai । geet to bachchon ne suna, sitam sahna padega । aakhreen mein tum bachchon ki vijay to hai hi । yeh to jaante ho ki jab pichhaadi hoti hai tab yeh sabhi gaaya jaata hai ।…kashmeer mein jaao, vahaan raakh ke dher bane hue hain, kabra । unse poochha- are bhai, yahaan ki katha kya hai? ek mahaatma bhagwan avtaar aaya tha to saamne koi ne niraadar kiya to aise aankh se dekha aur jal pade । abhi tum maalik bane ho ।. baba ki yaad mein rehte hain, ye sab bhasma ho jaaega, khalaas ho jaaega । automatically khalaas hona hi hai । to dekho, yeh yogbal hai । baba ne samjhaaya hai- sirf ek hi baar baap sikhlaate hain… yogbal se vishwa ke maalik ban sakte hain । samjha na । inke paas baahubal dekho kitna hai । Christian dharma mein itna bal hai, agar ye do bhaai aapas mein na lade aur mil jaaven to vishwa ka maalik ban sakte hai; parantu law nahin hai । vishwa ka maalik to hamaara laadla krishna tha । raadhe-krishna the । vo shahjaadi, vo shahjaade jo phir vishwa ka mahaaraaja-mahaaraani banti hai । drama me hai hi unka, to phir vo log kaise ban saken! chhotepan mein bachche akhaani padhte hain barobar do bandar bille lade aur makkhan billa kha gaya । yeh krishna ka makkhan hai na । yeh jo maataaen dekhti hain bahut karke ki krishna mukh kholte hain to makkhan ka chaana । ab makkhan nahin pada hua hai, vo bachchon ko saari srishti dikhlaate hain, svarga dikhlaate hain । yahaan koi makkhan ki baat nahin hai । shaastron mein kya-kya bakvaad likh diya hai । baap baith karke samjhaate hain- krishna ke mukh mein saari srishti ka makkhan aa jaata hai । hai na makkhan ki ladaai । achha, baba abhi banda karte hain, bachchon ko jaana hai । kya bachchon se yahaan vidaai le lenge? isko to kaha tha na- tum sabhi brahmaakumaari ka arth kya hai? behen aur bhaai ho jaate ho । kyon behen aur bhaai ho jaate ho? behen

aur bhaai criminal esolta mein bada dosh hai ekdam । ho nahin sakta hai । to is hisaab se baba ne yeh yukti rachi hai । prajaapita brahma ne jab rachna rachi hogi to sab brahmaakumaar-kumaari honge na, parantu ab arth sahit tum samajhte ho । manushya kuchh samajhte hi nahin hain । kyon brahmaakumaar-kumaariyaan? zaroor pavitrata mein rehte honge na । bhaai-behen kabhi criminal assault karte kaise honge? to jab vo pavitra rehte hain to vo hi ja karke phir pavitra duniya ka maalik bante hain । kitna sahaj baithkar samjhaate hain । samajhti ho bachchi? gyaan. chandrakiran, dekho naam rakha tha । nai bachchi aai hai na । baapdaada poochhte hain, jab kisko nishchay hota hai, vo baap! svarga ka maalik! aur phir aaya hai hamko varsa dene! are, aise ke paas ekdam kuchh bhi, koi bhi kahaan ho, to vo bolte hain- baba, bandhan se chhudaayen । drishtaant hai- ek tota tha, jhaad mein baitha tha । bolta tha- mujhe koi chhudaae, main phans gaya hoon । sanyaasi log ye drishtaant dete hain । vo bahut drishtaant dete hain । sanyaasi jo bhi drishtaant dete hain, hai baba ka । kachhua ke misal tumko rehna hai, bhramri tum ho,… abhi samjha bachchiyaan? baba ki bahut meethi bachchi vo hi hai jo baba ka sapoot ban karke service kare, dehi-abhimaani ho । dehi-abhimaani hi gale ka haar jaldi jaakar banega । rudra ki maala ko pirona hai na । to aatma ko pirona hai, yeh jisma ko thode hi pirona hai । pahle rudramaala piregi peechhe vishnu maala । to jo rudramaala mein jaaega vo accurate vishnu maala । nambarvaar class transfer hota hai na । braahman ki maala nahin hoti hai । rudramaala gaai jaati hai aur vishnu ki maala gaai jaati hai । braahman ki maala kabhi hoti hi nahin hai । kyon? aaj dekho 8 number mein, kal dekho 50 number mein । aaj dekho 50 number mein, kal dekho doosre number mein । are, nae-nae aate hain vo chadh jaate hain aur puraane dhirak jaate hai । abhi maala kaise bane? banegi? soorya-chandra-kiran, ab naam kitna yaad karoon । sab baat samajhte ho? samjhaana padega phir । baba sun karke, samajh karke pratigya karte hain, ham sunaaenge bhi zaroor । nahin to kiska uddhaar kaise ho sake? ye kachchha mein kuram । ye kachchha mein kuram nahin hai, ye buddhi mein sacham hai । sachcha baba baith karke sachchi knowledge sunaate hain ।. …kya suna? jo yahaan sukh le leti hain to phir vahaan kam ho jaata hai । yahaan to mehnat hi karni hai । yahaan jisko deh-abhimaan ho, baba raay dete hain ki yahaan aa karke thoda chhena(gobar) aur koyla le karke uska chhena banaave to deh-abhimaan toote । jhaadu lagaave । nahin to deh-abhimaan bahut dhokha khilaate hain । baba raay de dete hai । bachchi kehti hai- baba, main vahaan aaoongi । baba kahenge- tum bade saahukaar ki bachchi ho, kumaari ho, baba ke paas aaengi to pahle baba-mama jhaadu lagvaaenge bartan manjaaenge chhena karaaenge; kyonki sanyaasi log bhi aise karte hain । raajaaen jaate hain na, unko pahle aashramon ki saphaai, phalaana, kaathi le aao, yeh karte hain, to deh-abhimaan toote । yahaan bhi ye kaayda hai; parantu jab… aa karke rahe to peechhe maaloom pade । baba ne dikhlaaya ki kabhi sanyaasi aate hain, to yahaan tak bhi pahunchte hain ki unki ham dress utarva leta hoon । silaai karke yeh kapda pahna deta hoon । bolta hoon- jaao, kitchen mein jaakar roti pakaao, seekho to maaloom pade । muphta mein khaate hain to unko phir yeh kaam dete hain । bas, 8-10- 12 roj karenge phir kahenge- baba, ham vahaan, ham to bas… । vo to baadshaah the । sab aakar charnon mein bhi jhuke hue the ।… baba kehte- achha bhai, inki dress le aao, inko pahnaao । bhaago yahaan se ।. .raajya lene ke liye bheed hoti hai to kya ban jaate hain । padh sakenge koi? na, vo bheed vaale nahin । yeh to school hai, inmen bheed ka kya kaam! (record baja) kahin bhi jaao, to yog mein zaroor rehna । aise samajhte ho? kahin bhi jaao to mujhe yaad zaroor karna । he bachche,… bachchon ko kaha jaata hai । jaate to ho; parantu yaad rakhna mere ko yaad karna, agar yaad nahin karenge to maaya ghoonsa maaregi । kabhi bahut gaphlat karenge to ek hi thappad se giraay degi । isko kaha jaata hai maaya ke saath boxing । (record baja)… .na karegi to apna kam kalyaan karengi । baba hai kalyaankaari । tum bachche bhi kalyaankaari । dekho, kya karti ho । saara bhaarat ka bada paar karne ka salvation army hai shiv shakti paandav sena, shakti, mothers । dekho, mother ka kitna maan hai । tumhaara hand jagdamba shakti hai । devi nahin hai … .braahamni hano । jagdamba ko koi devi thode hi kahenge । yeh parlaukik baap ke bachche eeshvar ke ghar ka shrringaar hain । tum eeshvareey bachche ho na । dekho, kitna shrringaar karte ho, jo bhaarat ko svarga bana deti ho । (record baja) yahaan bhi kuchh to hota hai na । bachche… …service par jaate hain kamaai karne aur karaane । vahaan svarga mein kabhi kaanon mein suraakh karte hai? peechhe nahin to jevar kaise pahnengi? chhed na hoga to jevar kaise pahnengi! parantu aajkal ka fashion hai ।… darkaar hi nahin rehti hai । ghoomti-phirti rehti hain । operation koi badi cheej thode hi hai । jaise apendisaaitis ka operation karte hain usmein darda pad jaata hai, badi takleeph hoti hai । raat ko operation kiya । subah ko doctor kahega- a, ghoomo chakkar lagaao । aajkal itni achhi nikli hai ।…yahaan bhi kusang hota hai… sivaay apne bhaaiyon ke aur baap ke aur maat-pita ke aur koi nahin । vahaan jaaenge aur baat mat poochho ।…isko kaha hi jaata hai sikeeldhe arthaat 5000 varsha ke baad phir se aay mile hue hain aur baap se apna behad ka varsa le rahe hain aur jitna jo purushaartha karega । saakshi ho karke dekhna bhi hai kalpa pahle isne kitna purushaartha kiya tha । aise kar rahe hain ।…kalpa pahle bhi ye hi hain jo aashcharyavat bhaaganti hue the । ek do ki to baat hi nahin hai । saakshi hokar dekhte raho । vaise yeh samjho drama bahut joon ke maaphik hai । ye tik-tik hoti hai na । … .drama mein bhi najar rakhni padti hai । saakshi hokar dekhna padta hai ।