Sakar murli du lundi 27 juillet 1964 - 1

> >

27-07-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj somvaar julaai ki sattaaees taareekh hai, praatah class mein baapdaada ki murli sunte hain।

record :-

tumhaare bulaane ko ji chaahta hai…

meethe-meethe bulaane vaale bachchon ne abhi jaana; kyonki bhagat bhagwan ko bulaate hain । abhi tum bhagat nahin thahre, tum bachche thahre । ab bachche to yaad bhi karte hain, likhte bhi hain ki baba sammukh sunna chaahte hain । tum bhi sammukh.....ho na । phir aur bhi bulaate hi rehte hain, nimantran dete hi rehte hain ki baba, direct aapse sunen । abhi direct to sivaay is brahma tan ke dvaara mushkil hai; kyonki bachche jaante hain jahaan-jahaan bhi bachche hain, kitne bhi door hain bachche jaante hain ki kalpa pahle muaaphik baba aaya hua hai, jaho ki unki shivraatri manaai jaati hai । yeh bhaarat hai na! dekho, kitna bada bhaarat hai, bahut bhaari । ye to bachche jaante hain ki sirf brahma mukhvanshaavli braahman kulbhooshan । dekho, tum bachchon ko naam kitna achha diya hua hai । brahma mukhvanshaavli ho । brahmaakumaar aur kumaariyaan bahut hain । unko ye gyaan mila hua hai । aage to manushya, manushya ko gyaan dete the । abhi parampita paramatma, jo gyaan ka saagar hai vo gyaan de rahe hain, jisko hi sukh ka saagar kaha jaata hai; kyonki sukh dene vaala, gaaya jaata hai na- duhkh harta sukh karta । abhi bachche practical mein jaante hain ki sukh karta, duhkh harta hai shiv; parantu naam kitne bhinna-bhinna de die hain । kisko pata bhi nahin vo kaun hai? gaayan to bahut hota hai na । ye bhi bachche jaante hain ki har har har yaani duhkh ko haro phir gaate kisko hain? zaroor bhagwan ko hi gaaenge parantu bhagwan ka pata na hone kaaran next tu bhagwan brahma vishnu shankar ko kah dete hain, kyonki brahma vishnu shankar ko kehte hain dev, dev, mahaadev । to dekho, oopar vaale ko bhoolkar phir bhi kehte hain har-har-har mahaadev । mahaadev to shankar ko kaha jaata hai, kyonki baap ne samjhaaya hai ki brahma aur vishnu vo to baad mein sthool mein aate hain । vo sookshm mein hi rehta hai, vo sthool mein nahin aate hain । phir bhi naam unka bada liya jaata hai-dukhharta nahin to duhkh harne vaale ko to patit-paavan kaha jaata hai । shankar ko kabhi bhi koi patit-paavan nahin kahenge । patit-paavan jab kahenge tab oopar mein jaaenge niraakaar ki taraph । baap ne samjhaaya hai na jo kuchh bhi mahima hai, koi ki mahima kuchh bhi nahin hai, kyonki vishnu ke bhi to do roop hain na jo phir janma-maran ke chakkar mein aate hain । to vishnu hi do roop dhar pahle-pahle se shuru karte hain, jinko hi phir raadhe aur krishna kahenge, jo janma alag-alag lete hain । to vishnu ko yaad karte hain zaroor । vishnu avatran bhi gaaya jaata hai । naatak hota hai usme vishnu chaturbhuj ko le aate hain । unko ye maaloom nahin hai ki koi inse do lakshmi-naaraayan aa karke svarga mein pahle-pahle prince and princess bante hain । ye to bachche samajh gae hain na ki ye vishnu aur koi nahin hai, ye prince and princess hain- raadhe aur krishna । abhi yeh jaan to tum bachchon ko padi hai, parantu ye to jaante ho ki toofaan hai maaya ka bahut bhaari; kyonki toofaan to lagte bhi hain na aise sthool yeh hai phir sookshm mein । yeh maaya bhulaati hai । anek prakaar ka toofaan le aati hai । bachchon ke oopar bahut toofaan laati hai । bachche sab sachche ho, har baat khuli dil se poochhte rahen to unko sab prashn ka uttar bhi mil sakta hai । ye toofaanon ke banispat- toofaan, svapna, chhi:-chheeh vikarma, jo agyaan kaal mein na aate hai, vo bhi aaen to usko toofaan kaha jaata hai । asal mein aandhi bhi toofaan ko kaha jaata hai । abhi bachche to jaante hai jahaan-taho bhi brahma mukhvanshaavli bachche hain, unko brahma ke chitra ka to achhi tarah se maaloom hai; kyonki vo phir bhi to naami-graami hai । baaki beej baba ne pravesh kiya to bahut naami-graami ho gaya hai । dekho, chitron mein laga hua hai na! nahin to manushya sirf apna photo lagaate hain । yahaan to dekho, kitna naami-graami ho gaya hai । abhi duniya to jaanti hai ki brahma kaun hota hai? bachche dikhlaate bhi hain chitra mein, koi to daadhi vaala dikhlaate hain, moonchh vaala bhi dikhlaate hain । koi aise hi plen dikhla dete hain, brahma vishnu shankar ko bilkul hi gora rakh dete hain, daadhi-moonchh bhi nahin rakhte hain, parantu nahin, kai chitron mein aisa hai barobar, daadhi bhi de di hai । unko pata to hai nahin, ye duniya mein thode hi pata hai ki sukshmavtan mein koi ki bhi daadhi-vaadhi nahin dekhne mein aati hai; kyonki satayug ke devtaaon ko bhi gora hi gora dekhenge । vahaan koi kaatne-kootne ki gadbad rehti hi nahin hai । jaisa-jaisa desh taise-taise manushya ka vesh bhi hota hai । chamdi ka vesh bhi to pharka ho jaata hai na । tum jaante ho ki barobar abhi to kubjaaen ahilyaaen phalaane, kinki aankh nahin, kinki naak nahin, kinka kya nahin । vahaan to aisa nahin hota hai na । vahaan to natural beauty hai । usko kaha jaata hai natural beauty, kyonki tatva hain satopradhaan । to abhi ye sabhi gyaan ki baaten sanmukh sunne ke liye bachchiyaan bulaati hani । to ham bhi sun karke, jaise aap sunaate ho vaise ham bhi sunaayen । dekho, geet mein kuchh na kuchh phir achhi tarah se likha hua bhi hai na । praay aate mein loon jitna kuchh hai zaroor । baba ne samjhaaya na- dharma to praayah lop ho gaya hai । mandir to rakhe hue hain, mandir kahaan jaaenge? nishaani, yaadgaar to sabki rehti hai na! dekho, islaami, bauddhi jo bhi hain, sabke mandir zaroor hote hain । to ab ye bachchon ko bhi yaad rakhna hai, samajh gae hain, doosre to sabhi dhandhe-dhori mein gatte pade hain । ye samajhna to chaahiye na barobar oonche-te-ooncha bhagvat । vo oonche te ooncha bhagvat ko niraakaar kaha jaata hai । jab oonche te ooncha bhagvat gaaya jaata hai to phir aise nahin kehna chaahiye ki oonche te ooncha brahma, phir vishnu phir shankar ya koi phalaana । aise ho nahin sakta hai; kyonki gaayan hai bahut baap ka aur hai bhi niraakaar ka gaayan । barobar sangamayug ka bhi gaayan hai; kyonki aatmaaen aur paramatma milte hain । aatmaaen to bahut milti hain na । dekho, tum kitni aatmaaen kitni vriddhi ko paaenge । bahut vriddhi ko paaenge, aise mat samjho, abhi to time bahut pada hai । yeh to foundation hai । yeh jhaad vriddhi ko pa raha hai aur jhaad ke oopar dekho kitni maaya ki hai jo chhote-chhote booton ko udaay deti hai, bade-bade ko bhi koi vakta mein aandhi va toofaan nahin chhodte hain । abhi tum sammukh sunte ho aur jo phir sunne vaale hain unki bhi dil hoti hai । to kehte hain-- baba, aao to ham sanmukh sunen । kyon? aa nahin sakti hain । dekho to, bhagwan aae aur bachchon ko ghar baithe pahchaan mile aur yahaan aay na sake । nahin to satsang mein jaane ke liye kabhi koi kisko mana nahin karenge । bhale koi bhi dharma vaala ho, musalmaan ho, paarsi ho, phalaana ho, koi bhi ho, jis satsang mein jaae mana nahin karenge । ye dekho, geeta baith karke sunaate hain aajkal, bombe mein aate hain, yahaan-vahaan bade-bade aate hain, to sab dharma vaale ja sakte hain । koi ko mana nahin hai, koi bhi ja sakte hain; kyonki vo bichaare jaanch karte hain । yahaan-vahaan bhi jaate hain doosre guruon ke paas । kyon jaate hai? dekhte hain ki kahin koi sahaj raasta mile parampita paramatma se milne ka, koi raasta bataate hain sahaj muktidhaam jaane ka; kyonki kisko pata to nahin hai ki muktidhaam kya hota hai, jeevanmukti dhaam kya hota hai । koi ko pata nahin hai । na pata hone ke kaaran bachche bahut dhoondhate hain aur sab kisma ke guruon ke paas bhi jaate hain । dekho, vaastav mein abhi yahaan guru-gosaai bhi koi nahin hain । koi bhi naam nahin hai । bas brahmaakumaar aur kumaariyaan । kaun hai mahaatma? koi ko pata nahin hai । jaise tum ho, taise ye hain । bilkul koi bhi pharka nahin । na koi tilak hi diya hai, na koi vesh hi dhara hai, kuchh bhi nahin । ye bhi dharne ki dil nahin hoti hai, kabhi-kabhi utaar deta hoon । ye bhi kyon? kya inse pahchaanenge aur unse nahin pahchaanenge? nahin, par ye bhi koi drama ke andar, jaise kisse milne ki koi official dress hoti hai, taise hai । nahin to ye bhi darkaar nahin hai । jaisa hai unse hi baap baith karke samjhaate hain । dekhna to koi dress vagairah ko nahin hai na । tumhaari buddhi to chali jaati hai shivbaaba ke paas- yeh kapda pahnen ya na pahnen । aur to sabhi shareer ko dekhne vaale hain । kahaan bhi satsang mein jaao to shareer ko dekhenge । yahaan tumko is shareer bhi nahin dekhna hai; kyonki tum apne shareer ko bhi bhulaate ho to inke bhi shareer ko bhulaay diya na । dehi-abhimaani bante ho । to dehi-abhimaani ban tum koi inko nahin yaad kar sakte ho । tum phir bhi jaante ho ki shivbaaba ismen baithkar hamko raajayog sikhlaay rahe hain । vahi knowledgeful hai, vahi trikaaldarshi hai yaani teenon kaalon ko jaanne vaala । to teenon kaalon ke jaanne vaale se hi, tum teenon kaalon ko jaanne vaale ban rahe ho । jaante ho ki barobar aadi madhya ant, usko teen kaal kaha jaata hai, kyonki aadi madhya ant past ho jaave । aadi madhya ant (ka raaj baap baith karke is samay mein sunaate hain na । phir aadi kiska? bolte hain- satayug se । abhi ye ant hai । abhi ant to aa gaya hai na! ant aae tabhi aadi madhya ant ka samaachaar sunaaven aur tum jaante ho ki sunaate-sunaate is srishti ka ant ho jaata hai । ant hona hi hai; kyonki aate hi ant mein hain na । ant ko aadi banaate hain । kalhayug ke ant ko satayug ki aadi banaane vaala । abhi tum bachchon ko aadi se ye knowledge hai । are, budidhayon ko bhi bahut sahaj hai ye knowledge । vo koi college mein ya matric mein .beee, mein ye budidhayaan kuchh bhi nahin samajh saken । abhi ye budidhayaan koi bhi school mein ja karke baithen to kuchh na samajh saken । baaki ye samajh ki baat bilkul sahaj hai, budidhayo ko bhi sahaj hai ki

ham aatma to hain na । baaki ab baba aakar kehte hain ki tum bachche ab mujhe yaad karo । aise jab marte hain to manushya mantra dete hain- 'raam-raam kaho, phalaana kaho । jo bhi manushya maatra hain sabhi jaante hain । bahut karke koi to peechhe vaanaprastha mein guruon ka mantra le liya hai; parantu ye to abhi aa karke kehte hain bachche, saari duniya ka maut hai । tum sab vaanaprastha avastha ke aay bane ho- buddhe javaan aur chhote । dekho, aise to koi kahega nahin, jo sabko kah deve । vo bolenge, kya sabko maut laane ke liye taiyaar hue ho? haan, ye to khoobi hai, tum bachchiyaan saari duniya ke manushya maatra ka maut laane ke liye purushaartha karti ho । tum kai to chaahti hain । baba, phir bhi abhi baaki kahaan tak rahenge? kyon nahin jaldi hota hai to ham jaaven? yahaan duhkh bahut hai । jaldi kyon nahin hoti hai? tum aage chalkar bhi kahenge, jab yahaan bahut kuchh hoga, tab kahenge- baba, abhi jaldi karo । baba kehte hain tum aise kyon kehte ho jaldi karo? is samay mein tum eeshvar ke sammukh ho । peechhe tumhaari jo degree hai vo degrade ho jaaegi । phir tum daivi santaan ki god mein jaaenge । abhi achha hai, yeh bahut sheetal god hai, kyonki takhte ko jab sheetal banaata hai to unki god mein maja aata hai । vo to sheetal god hai hi । yahaan takhte ko sheetal banaaya jaata hai, vo to achha rehta hai na । to kabhi bhi yeh khyaal nahin karna abhi jaldi ho, jaldi svarga aaen, phalaana । nahin । jaldi maana ham eeshvar ki god chhod karke, hamaara jo itna ooncha pad hai, ham degrade ho jaaenge । dekho, kitne ramaj ki baaten hain samajhne ki । ham abhi oonch te oonch hain, hamaara naamaachaar hi iska hai; kyonki jo mandir banaaya hai so bhi tumhaara inka ikattha hai । is samay ka mandir hai- dilvaala mandir । naam bhi to bada achha hai । saare srishti ki dil lene vaala ।. ..dilvaala mandir sabke liye hai na, koi bhi aave dilvaala ke mandir mein । tum bachche jaante hain ki aatma ka dil lene vaala । aatma pukaarti hai in shareer se ki baba, aao aur aa karke hamko bilkul hi naya banaao । ham puraane ho gae hain । aatma bhi puraani to shareer bhi puraana । aatma mein aloy mil gai hai na to puraani ho gai hai, to shareer bhi puraana; isliye baap kehte hain- sab jadajdeebhoot ban gae hain । aatma bhi buddhiheen aur andhi ban gai hai । kehte hain na- adhle ko. .. । aankhen thode hi band hain । koi manushya ko thode hi andha kaha jaata hai । nahin । andha maana tumhein dar to hain; par buddhi andhi ho gai hai, jismen aatma rehti hai । unko kuchh pata nahin hai bilkul hi । vo aatma, jismen yaad karne ki buddhi hai, vo bilkul hi bhool gai hai । bhoolne ke kaaran, bhoolte-bhoolte jaise ki bilkul jad ban gai hai । baap aa karke bachchon ko samjhaate hain । yeh geet bhi bada achha hai- tumhaare bulaane ko.... । bhaktimaarga mein gaate hain, ab bhaktimaarga mein nahin, abhi tum yahaan gaanvade- gaanvade se bulaate ho । kitne gaanvade se bulaaenge aage chalkar- koi kis gaanvade se bulaaenge, koi kis gaanvade se bulaaenge । chhote chhote gaanv mein jo baandheli gopikaaen hain, vo bhi bulaati hain । baba bolte hain ki chhote-chhote gaanv mein jara mushkil hota hai; kyonki dushman bahut rehte hain । jinko vikh nahin milta hai na vo bahut dushman rehte hain; kyonki unko kaameshu krodh aata hai; isliye unke andar se nikalta hai ki kaun aaya hai, jo hamaare ghar mein aa karke phiraara daala hai? jo hamaare maa-baap ka janma-janmaantar ka vikh ka varsa tha, vo abhi hamko milta hi nahin hai । aisa to koi bhi nahin karte hain । koi bhi satsang mein saadhu sant mahaatma ham log ke saath yeh jhoot to koi bhi nahin karte hain ।.....baba kehte hain na satayug mein to pavitra grihastha tha । abhi dekho, vikh ke liye kitna hairaan karte hain । bahut hairaan karte hain na bachche । naam to bahut gaate hain ki barobar baap ne kaha hai- kaam mahaashatru hai । jo bhi saadhu sant mahaatma hain, jo dukaandaari nikaalkar baithe hain, vo bhi in baaton ko to jaante nahin hain ki nirvikaari kisko banaaya jaata hai । koi na koi baith karke koi baat sunaate hain to tabhi nirvikaar bante hain; kyonki nirvikaari banne se bhala ham kya banenge, vo bhi to koi ko maaloom nahin hai । dekho, sanyaasi nirvikaar bane hain । hai na barobar! achha, nirvikaar banne ke baad hamko kya hoga dekho koi ko bhi pata nahin hai । are, ham pavitra bante hai barobar । ye jo nivrittimaarga vaale hain, ye pavitra banne ke liye to bhaagte hain na । unko ye to kuchh bhi pata nahin hai ki ham pavitra bankar koi pavitra duniya mein jaaenge, vo ye nahin jaante hain; kyonki vo jaante hain ki hamko duniya me nahin jaana hai, hamko nirvaandhaam mein jaana hai । naam pata nahin hai na un bachchon ko ki pavitra ban karke ham pavitra duniya mein phir jaaenge, vo nahin maante hain; kyonki is samay manr itna duhkh hai jo bolte hain ki isse to muktidhaam achha hai । usse to moksha achha hai । moksha bhi bahut maangate hain । anek mat hain na; parantu baap ne bachchon ko samjhaaya hai ki bachche, is drama se moksha kisko milne ka hai nahin । moksha maana is duniya mein aave hi nahin, ye part se ham mukta ho jaave; parantu abhi bachche to jaan gae hain ki ye jo bhi itne actors hain sabko vaapas jaana hai । ye yaad kar lena 84 poora hua hai, baba lene aaya hua hai aur bolte hain jitna jo mujhe yaad karte rahenge, bahut seedhe-seedhe aate jaaenge । agar yaad nahin karenge to toofaan lagte jaaenge । yeh bata dete hain achhi tarah se..... aur ye bhi vivek kehta hai ki nirantar yaad karen unko to bada mushkil hai । bhale baba chhutti dete hain ki bachche, nirantar yaad na kar sakenge, isliye tum bachchon ko chhutti hai । karmayogi ho na! bhale karma ka jo samay hai to agar unmein bhool bhi jaao, aur dekha gaya hai ki kitni bhi koshish karte hain ki karma karte, khaana khaate yaad karen, vo bhi ghadi-ghadi bhool jaate hain । isse siddha hota hai ki time lagta hai, aisi avastha ko paane purushaartha karna hota hai । dekho, jaise college mein bachche padhte hain na, jo purushaarthi hote hain vo raat-din bageeche mein bhi ja karke padhaai karte hain । unko hobby rehti hai ki ham paas vishwa honour bane yaani government se scholarship le leven । jo bahut shaukeen hote hain vo scholarship lene ke liye bahut matthe maarte hain aur agar nahin to tum jaakar ke poochho, dekho aise hota hai kya? akhbaaron mein bhi tum sunenge । raat-din-subah ko padhaai mein bahut matthe maarte hain ki scholarship mil jaave । dekho, bachchiyaan bhi jo number one ya tu mein aati hain na, unko scholarship milti hai to bade khush hote hain । yahaan bhi aise hi hai, baap kehte hain ki bachche, tum bhi scholarship lo । kaun-si? tum pahle pahle takhtansheen ban jaao । to dekho, daudi pahanna chaahiye na bachche! jo purushaarthi hain unko daudi pahanna chaahiye । isliye bachche bhi yaad karte hain baba, hamko yahaan sammukh aakar maja bahut aata hai । tum bhi jaanti ho ki barobar baap sanmukh hain । to direct yaani practical me jiska rath hai, un dvaara vo baith karke bachche-; bhi karte hain aur ghadi-ghadi bolte hain, kyonki bhool jaate hain na । bachche bahut bhoolte hain । ham aatma hain so bhool jaate hain, deh-abhimaan mein aa jaate hain । to yahaan ghadi-ghadi kehte hain । bachche jaante hain ki barobar paramatma ismen pravesh ho karke hamko sanmukh kehte hain । bhale baba ne samjhaaya hai ki mama ke bhi shareer mein aa sakte hain murli bajaane ke liye, parantu vo to koi ko pata nahin padta hai na । imaijinri hota hai ki baap aaya hua hai । yahaan to tum jaante ho brahma ke tan mein to unka mukarrar hai । unke saamne tum bachchon ko pakka karne ke liye kehte hain ki bachche, tum aatmaaen ho । main aatmaon se baat kar raha hoon । main aaya hua hoon । tum hamko pukaarte the ki baba aao । baba kehte the hamko, so bhi niraakaar baba; kyonki tum bhi niraakaari to ham bhi niraakaar । to tum bachche pukaarte rehte ho bhaktimaarga mein is shareer dvaara । bhinna-bhinna naam-roop, desh-kaal ka shareer dhaaran kar, phir bhi mujhe yaad karte aae ho । abhi main sammukh aaya hoon । phir dekho, sanmukh baat kar raha hoon na । kaise sammukh baat kar raha hoon? ye bhi aadhaar liya hai, tumne bhi aadhaar liya hua hai । tumko apna aadhaar hai, inko baahar ka aadhaar hai । loan par aadhaar hai aur tum bachche sammukh ho, jaante ho ki barobar baba kehte hain ki abhi ye naatak poora hua hai, abhi sabko ye puraana chola chhodna hai aur ye duniya vinaash ho jaane vaali hai, khatam ho jaane vaali hai, isliye tum nirantar yaad karne ki koshish karo; kyonki ant kaal mein tumhaari nirantar yaad chaahiye kachh samay se । aise na ho ki tumko phir kuchh yaad pade । yaad padega to phir saja bhi kha lenge । pichhaadi mein punarjanma to milne ka hai nahin । yaad ki saja milegi । jis-jis ko yaad kare vo dhaaran kar phir saja paaenge । isliye yaad baahar ki bhool jaao । jitna ho sake buddhi me bas baba hi yaad rahe, kyonki jab tum yaatra par jaate ho na, vo to chhoti yaatra hai । bhai, ham jaate hain shreenaath dvaare । to bas, shreenaath dvaara hi tum bachchon ko yaad rehna chaahiye । koi poochhega kahaan jaate ho? ham shreenaath dvaare jaate hain । tumhaare se kaha, tum baithe rehte ho, kahaan jaate ho? bhai baat sunaave! hamaari jo aatma hai vo to paramatma ke saath yog lagaae ja rahi hai । main traam mein baitha hoon bas mein baitha hoon kahaan bhi baitha hoon hamaari yaatra sachchi to vo hai aur phir shareer nirvaah arth jo karmana ka.. .so to yahaan baithe hain dekho । yahaan jaate hai, dilli jaate hai, phalaane jaate hain । tumko itni practice karni chaahiye kahaan bhi ho, to unko yaad rehna chaahiye । kisko bhi kehna ho to yaad rakhna ki bhai, tum apne baap ko jaante ho? bhagwan, jisko baap kaha jaata hai, parampita kaha jaata hai, unko jaante ho? vo kahenge sarvavyaapi hai । to unse kaho, nahin aisa nahin kaho; kyonki baap se to varsa milta hai । agar kah denge sarvavyaapi, to tumko kuchh pata hi nahin padega ki hamko varsa kaun-sa milega? sarvavyaapeepne mein koi varsa mil sakta hai kya? nahin, baap to svarga ka rachta hai, behad ka baap hai । abhi unse to svarga ka varsa milta hai । agar sirf sarvavyaapi kah denge to matlab hi nahin nikalta hai ki vo hamaara koi pita hai, ham bachche hain । ham bachchon ko pita se varsa milna hai । agar ham sabhi pita hain to phir varsa kaise milega! pita ko koi varsa milta hai kya? pita ko varsa dena hota hai । bachchon ka pita ban gaya na, to unko varsa dena hai । unke aash mein ye nahin rehti hai ki mujhe koi varsa milta hai । unki to aash mein rehti hai mujhe varsa dene ka hai । is pita ke bhi dil mein hai hamko varsa dena hai, lena to nahin hai na । pita ko kaise koi se varsa lena hoga? pita aur bachchon ka sabandh hi hai- pita ko varsa dena hai bachchon ko varsa lena hai । pita ko phir varse ki ummeed nahin rehti hai । vo to jab chhota hai tab pita se ummeed rehti hai ki is pita se varsa lena hai । pita ban gaya phir varsa kaahe ka, phir dene ka hai । bachcha ban gaya na, unko phir varsa dena hota hai । dekho, ye bhi aise hi hai na, tum bachche bane ho, baba kehte hain- tumko varsa dena hai । in bachchon ko baap ko varsa dena hai; parantu sachche bachche ho na! to tum bhi dekho yahaan sachche bachche ho na । to tumko sachche bachche hone ke kaaran jo varsa milta hai, to varsa dene vaale ko to yaad zaroor karna chaahiye na । jo kachche bachche honge na..unko yaad nahin rehti hai । sachche ko madad karte hain na । sachche dil par, sachchi aatma par saahab raaji । to kitna sachcha banna chaahiye । dekho hai na point badi kadi । phir sachche vaale doosre koi ko bhi yaad na karen; parantu shareer nirvaah ke arth bahut yaad karna padta hai । shareer nirvaah ke arth bhale yaad karo । baba kehte hain na- ye tumhaara karma hai, karma bhale karo' par jab phursat ho kachhue ke misal to phir mujhe yaad karo । jitna samay tumko mil sake, jitna kar sako, itna yaad karo to yaad ki yaatra ka register tumhaara theek hota jaaega; kyonki bachchon ko phir khushi hogi । jitna yaad karne ka abhyaasi ho, jo aadat manushya ko padti hai vo vriddhi ko paati chali aati hai । to ek ye baith karke bhi achhi tarah se; 84 janma poora hua, baap aaya hua hai, unse varsa lene ka hai । bas, andar mein ek mantra padh lo 84 poora hua, abhi to naatak poora hota hai, ham jaate hain ghar । hoobhu jaise laukik naatak vaale karte hain na. ........ tum ho behad ke naatak vaale । to behad ka naatak poora hua । unka hai had ka, tumhaara hai behad ka । abhi samajh lena chaahiye na ya point likh dena chaahiye....baba ne kaha tha na ki barobar abhi naatak poora hota hai aur tum sabko vaapas jaana hai, isliye mujhe yaad karo । bas, mujhe yaad karo kyonki us geeta mein bhi tum do samay mein dekhenge, manmanaabhav madyaajeebhav aadi mein manmanaabhav madyaajeebhav ant mein bhi lagaaya hua hai, kyonki kuchh to loon hai na । aate mein kuchh loon hai to sahi na! kuchh gyaan hai । ye bhi shukra karo, jo devi-devtaaon ka status hai, chale nahin gae hain, yahaan hain । doosre jo aate hain na islaami, bauddhi Christian vagairah unka koi chitra thode hi rehta hai । tumhaara to chitra hai । jo abhi tumko knowledge dete hain unka chitra hai brahma ka pushkar mein, ajmer mein । ek braahman hote hain jo pushkarni hote hain, jo kathaaen sunaate hain, vo jaasti vaishnav hote hain । vo jo braahman hote hain na.. dhaama khaate hain. ... । kisma-kisma ke braahman hote hain । saarasvat naam rakh diya hai । sabhi thode hi ye naam rakhte honge । ye gujraati kya naam bolte hain, maraathi kya naam bolte hain, bhinna-bhinna naam hain । to bhaashaaen kitni hain । ye to bachche jaante hain ki ham jo apni raajdhaani sthaapan karte hain, unmein hamaari phir ek hi raajdhaani, phir laingvej hogi, jo ham kalpa pahle bhi ye laingvej mein baatcheet karte honge । aise kahenge na । bachchon ko ye maaloom hai ki vahaan ki laingvej doosri hoti hai । koi sanskrit vagairah se kuchh matlab nahin rakhti hai, kyonki bachche aa karke vahaan ke bataate the, unse poochha jaata tha । bachche jaante hain ki unse poochha jaana hai । jab part bajaati thi na, school mein jaati thi ya shaadi hoti thi to unse ye poochhte the ki gaagar ko kya kaha jaata hai? kitaab ko kya kaha jaata hai? phalaane ko kya kaha jaata hai? to us bhaasha mein bataate the । yahaan ki bhaasha nahin, us bhaasha mein । to abhi bachche jaante hain ki har ek jo bhi raajaai hoti hai unki apni-apni bhaasha hoti hai, tab to itni bhaashaaen ho gai hain na । dekho, urdu yahaan thode hi hogi । musalmaan log aate hain to unhonne ye bhaasha nikaali । to abhi tum bachchon ko to khush rehna hai ki ham alag raajdhaani sthaapan kar rahe hain aur phir vahaan apni bhaasha banaaenge । ek bhaasha koi nai hogi । jo bhaashaaen yahaan hain sanskrit vagairah vo vahaan nahin ho sakti hai । unki rasam-rivaaj apni । abhi vo to tum bachche jaante ho ki jo rasam-rivaaj vahaan ki hai, vo drama mein noondh hai । us drama ke noondh anusaar vo apna mahal vagairah sab banaaenge । hoobhu aise jaise kalpa pahle bhi banaae the । nahin to bhala kya karenge! kya aise makaan mein rahenge? ye koi heere-javaahraat ke makaan thode hi rakhe hain । zaroor banenge na । tum bachche banaaenge na । ye bhi koi banaate hain na । British government thi, unhone new dilli banaai aur unka naam unhonne rakha । new dilli ko bhaaratvaasiyon ne thode hi banaai । nahin, english vaalon ne aakar ye new dilli banaai, jisko ye log new kehte rehte hain । abhi barobar tum jaante ho ki ham uska naam dilli nahin rakhenge । jaante ho ki is dilli ko phir tod karke hamko to saari duniya nai mein nai dilli chaahiye । vo dilli kaisi hogi? apni capital samjho, raajdhaani ki mukhya । vo to hamko heere-javaahraaton ka banaana padega hoobhu aise । abhi vo hai to nahin na, vo koi mahal thode hi rakhe hue hain; parantu buddhi kehti hai ki ham vahaan bahut first class mahal banaaenge । abhi jo pakke honge vo samjhenge ki ham first class mahal banaaenge, ham pahle ghar jaaenge, phir aa karke raajdhaani mein apna mahal banaaenge । kyon? manmanaabhav madyaajeebhav । to.... .jab ye aapas mein milen, tab kaho, behen ji ya koi bhi bhaai ji, abhi to baaki thoda samay hai is chhi:-chheeh duniya mein, ham to abhi jaaenge baba ke ghar । peechhe aaenge, aa karke apni raajdhaani sambhaalenge । aise kahenge na! phir aise-aise. libaas pahnenge jaise dekhte ho saamne । abhi ye practical to nahin hai na, vahaan to aur hi honge । ye to khaali patthar ki moorti hai aur jo yahaan par jevar bhi pahnaate hain to aage to bahut sachche pahnaate the । lakshmi naaraayan ka mandir agar bana hua hoga to kitna daala hoga aur phir jismen shiv ka mandir tha, usmein to kitna bada-bada heera hoga । shiv ka jo ling bana hua hoga, vo to bahut bade-bade sakhta panna hota hai, maanik hota hai, saphed heera hota hai, neelam hota hai, unke vo banaate the । samajhne ki baaten hain na! koi aisi to baat nahin hai; kyonki jaante hain ki hamaare shivbaaba ke mandir ko, jisko somnaath kaha jaata hai, barobar musalmaanon ne aakar ke loote the, jo bhaktimaarga mein shuru mein banaae । ab maaloom nahin hai kisko ki kab banaae the? tum jaante ho ki barobar aaj se 2500 baras pahle, 2200 baras pahle 2000 baras pahle zaroor is shiv ka mandir pahle bana hoga kyonki aape hi poojya so phat se pujaari ban jaate hain । pooja phir kiski? pooja kaha hi jaata hai jis moorti ko koi baithkar pooja kare usko pujaari kaha jaata hai । jab talak koi moorti nahin hai, pujaari unko kaha hi nahin ja sakta hai । to dekho, aape hi poojya lakshmi naaraayan aape hi pujaari । to baith karke apne taaj va takhta dene vaale ka somnaath ka mandir banaaya । unka naam hi hai somnaath; kyonki tum bachchon ko somras pilaate hain । somras ko kaha jaata hai knowledge । knowledge dene vaala । tumko dhanvaan bahut banaaya hai ekdam । phir usi dhan se tum baith karke unka mandir banaate ho । kiska? baap ka । to jaante ho ki barobar ham jaakar vahaan; kyonki praja bhi to hogi na । bhaktimaarga mein praja bahut hogi, dher hogi; kyonki phir to ghar-ghar mein mandir banaate hain । tum jaante ho ki barobar vahaan jab bhaktimaarga shuru hoga to ham pujaari ban pahle-pahle shiv ki bhakti karenge । baba hamko abhi jo knowledge de rahe hain, vo knowledge to bhaktimaarga mein nahin rahegi । bhaktimaarga mein bigar knowledge ke dekho kitne chitra banaate hain? jiska aata hai andhashraddha se chitra bana dete hain । nahin to yathaartha chitra to bachchon ko samjhaaya gaya hai shivbaaba,brahma vishnu shankar । phir sangamayug par sabse oonch shivbaaba brahma-sarasvati aur unke bachche । phir inse do grade kam lakshmi naaraayan । oonch nahin, do grade kam, kyonki yahaan tum bahuton ka jeevan banaati ho । vahaan to koi manushya baith karke koi jeevan nahin banaate hain kiska । guru-gosaai to koi hote hi nahin । to baap baith karke samjhaate hain, sanmukh baap hai to tum bachchon ko achhi tarah se samjhaate hain । bachche bhi kehte hain hi, ham aatmaaen baithe hai aur baba se sun rahe hain । baba bhi niraakaar hai । ham aatmaaen kaanon se sun rahi hain । ham aatmaaen hi ek shareer chhoda, doosra liya । koi janma mein barrister bana, koi janma mein kya bana, koi vaadha bana, koi kya bana । aise nahin hai ki koi janma mein gadha bana, koi janma mein kutta bana । jaise garud puraan mein dikhlaate hain । tum abhi jaante ho apne 84 manushya tan ko ki barobar main aise-aise. varna mein aati-jaati hoon । aate hai, phir jaate hain, phir aate hain । barobar satayug mein the to punarjanma satayug mein, treta mein the to punarjanma treta mein, dvaapar mein to punarjanma dvaapar mein, kalhayug mein to punarjanma kalhayug mein hota hai । aise ye samajh gae na achhi tarah se aur barobar tum ye achhi tarah se jaante ho ham aatma abhi aashik bani hain maashook paramatma ka । maashook paramatma ka aatma aashik ban aur unse varsa le leti hai sirf ab ।..... tum aatmaaen aashik bani ho maashook parampita paramatma ki । vo vikaar ke liye aashik-maashook bante hain । vo shareer ke.. .. .jinka naam gaaya jaata hai ki vo aashik-maashook shareer par phida hote hain, vikaar mein nahin jaate hain । ye phir aatma aashik hoti hai maashook paramatma ki । yeh theek baat hai na! aise koi ki bhi aatma practical mein, vo bhaktimaarga me nahin, dekhte ho ki barobar shivbaaba ke saare bhagat aashik hain, us maashook ko yaad karte hain । vo jo aatmaaen hain, unke saamne unka maashook baitha rehta hai । maashook ki mahima bahut bhaari hai । patit-paavan maashook ko kaha jaata hai । maashook aa karke, jo aashik hain, jo patit ban gai hain, unko aa karke paavan banaate hain । to aatma patit banti hai, aatma hi paavan banti hai । aatma jitna-jitna patit banti hai itna-itna patit shareer milta jaata hai । taaki pichhaadi mein donon mulme jaise ban jaaven । abhi samjha bachchon ne achhi tarah se, baba kya aa karke sunaate hain? aur phir bachche tumhaara injaam hai- sunkar phir auron ko sunaaenge ye chakkar kaise phirta hai । ham abhi kiske aashik bane hain? maashook ke ham aatma aashik bani hain । bas, is samay mein aashik aur maashook practical mein bante hain । gaate bahut hain । uph! dekho, musalmaan kavvaali gaate hain to bhi ishka-ishka... । kiske saath ishka? koi gaayan thode hi hota hai unke ishkapne ka । is samay gaayan hai tum aatmaaen abhi aashik bani ho maashook parampita paramatma se, jo maashook phir shareer mein baithkar tum bachchon ko raajayog sikhlaate hain । ye pure hai na! ye musaaphir tum bachchon ko pure bana karke bahut.... .. .ye apna chola husain ka nahin lete hain । ye kabhi bhi first class dress nahin pahante hain aur tum bachchon ko pahnaate hain । bachche, tum vahaan ja karke first class shareer dhaaran karna । mere takdeer mein ye puraana shareer hai । mere takdeer mein ye puraana hi longa boot hai । main kabhi bhi naya shareer dhaaran hi nahin karta hoon । tum hi naya shareer dhaaran karte ho, tumko hi puraana hota hai । main to shareer dhaaran nahin karta hoon aur karta hoon to ye patit । abhi jaan liya hai na, pahchaan liya hai, buddhi mein baithta hai ki is samay main aata hoon? achha chalo, inke shareer mein koi kaam karta hoon hain to sabhi patit na । ham paavan shareer mein aate hi nahin hain । mujhe na paavan shareer ki takdeer hai, na koi raajya karne ki takdeer hai । isliye main tum bachchon ka nishkaam sevaadhaari hoon । aise nishkaam maashook sevaadhaari ko bhoolna nahin chaahiye । tum aise ko bahut bhool jaate ho । bhool jaate ho to phir tumko maaya chak pahnaati hai । achha bachche, toli le aao । dekho, ye kaise hain nature cure । kis prakaar se? koi bhi nahin । baba kehte hain mujhe yaad karne se ever cure ban jaaenge । for 21 generation tum kabhi bhi beemaar nahin rahenge । abhi ye dekho nature cure kaisa hai? vo to paai-paise ka bhi nahin hai । ye to guarantee karte hain । aur koi guarantee kar sake for 21 generation tum nirogi rahenge, cure rahege? kyonr banaate hain na; kyonki ye beemaari hai unko chhudaane ke liye । kehte hai.. in-in baaton se tum kyonr ho jaaenge । peechhe anek prakaar ke, koi kaisa, koi kaisa raasta bataate hain । un nature kyonr mein bhi bahut raasta bataane vaale hain । parhej karaate hain, kya karaate hain-kya karaate hain । parhejen to hain aur yaad, kyonki devta banna hai na, isliye tum logon ko parhej hai । baaki niraakaari nirvikaar banne ke liye tumhaare liye sirf yaad । isko kaha jaata hai- real nature cure for 21 generation... .yaad karne se । aashik aur maashook to kade akshar, chhi:-chheeh akshar hai na, isliye ham baap kehte hain । apne puraane shareer se sunte hain, ye bhi puraane shareer se sunaate hain । ye bata dete hain ki bas, abhi baaki kitna roj honge ।..... .jitna ye yog mein rah karke baatenge utna unka hriday shuddh hoga । isko dekhte raho, shivbaaba ko yaad karte raho, phir dete raho । raay bhi deta hoon jo-jo jaisa hai, agar tum chaaho ki main bahut ooncha pad paaoon, mama-baba ke pichhaadi mein ham takhta loon abhi bhi le sakti hain, agar shreemat par chale to । meethe-meethe meethe saubhaagyashaali aur bhaagyashaali sikeeldhe bachche! saubhaagyashaali kaha jaata hai jo purushaartha karte hain baap se poora varsa lene ka, phir bhaagyashaali, aur phir kaha jaata hai durbhaagyashaali, jo aashcharyavat sunanti kathanti aur bhaaganti ho jaate hain । unko phir kaha jaata hai mahaan durbhaagyashaali । un jaisa durbhaagyashaali koi is srishti mein, drama mein hota hi nahin hai । to baap aise kehte hain na- saubhaagyashaali, sikeeldhe noore ratnon prati maat-pita, baap-daada ka, dil va jaan, sik va prem se yaadapyaar aur good morning for ८ time beeng ya vidaai thode samay ke liye । somvaar hai na! to somvaar aur guruvaar, somvaar shiv ka aur guruvaar somnaath ka manaate hain ki barobar somnaath yaani somras pilaaya । pilaaya shiv ne; parantu pahle jo tum somnaath ka mandir banaate ho; kyonki khajaana diya, peechhe..... । (bachchi ne kaha- aaj mama ek baje aaengi) haan, mama aaengi, unke liye to bachchon ko bata diya ki kya karna । thoda-bahut kuchh phool-bool yahaan laga diya to baba mana nahin karte hain । koi keele-veele nahin thonkane ka hai yahaan ।