Sakar murli du mardi 28 juillet 1964 - 1

> >

28-07-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj mangalvaar julaai ki atthaaees taareekh hai, praatah class mein baapdaada ki murli sunte hain।

record :-

tumheen ho maata, pita tumheen ho… ..... ....

om shanti । theek hai । geet bachchon ne suna ki ham parlaukik maat-pita ke sanmukh baithe hue hain । bachche jaante hain ki ham patit-paavan maat-pita ke sanmukh baithe hain aur ye patit bhaarat ko paavan banaane ke liye shreemat par chal rahe hain; kyonki bachche abhi apne parampita paramatma ki service mein hain; kyonki baap bhi is service mein hain । ye bhaarat ko patit se paavan banaay rahe hain । phir ye to jaante hain bachche, koi nahin jaante hain ki barobar yeh bhaarat paavan tha aur abhi patit bana hai । abhi patit hai zaroor । abhi bachchon ko ye maaloom hai ki paavan duniya ko 5000 varsha hue । duniya to kuchh bhi nahin jaanti hai । bachche abhi baap ki madad se shreemat par chal apne tan-man-dhan se khaas bhaarat ki seva kar, is bhaarat ko raavan ki jajeeron se chhudaay aur raam raajya sthaapan kar rahe hain । ye bachche jaante hain achhi tarah se aur kisko bhi samjhaay sakte hain ki ham patit bhaarat ko paavan banaane ki seva kar rahe hain; kyonki tumhaari ladaai hai pavitrata ke oopar । jaante ho ki ladaai mein koi na koi takleephen hoti hain zaroor । dekho, kitne manushya ko takleeph hoti hai; kyonki vo hinsak ladaai hai । tumhaari to hinsak ladaai nahin hai । tumhaari to ahinsak ladaai hai । ahinsak ladaai kisse? vo hinsak ladaai to ek- do mein ladte hain । tum jo ahinsak warriors ho ya sena ho, tumhaari ladaai kiske saath hai? tumhaari ladaai hai raavan roopi paanch vikaaron se । ye bhi jaante ho ki barobar ham kalpa-kalpa shreemat par chal apna raajya sthaapan kar rahe hain, kyonki bachche jaante hain ki is samay mein saari aasuri mat ya raavan ki mat chal rahi hai । raavan ki mat to kehte hi hain- kaam krodh lobh moh anhakaar । isko kaha jaata hai raavan ki mat vaale ya aasuri mat vaale । abhi bachche jaante hain ki shreemat se tum braahman daivi mat vaale ban rahe ho, devta ban rahe ho । yeh tumhaara varna abhi braahman varna hai । abhi geeta mein to kuchh nahin likha hua hai ki baap ne aa karke brahma dvaara yagya racha । yeh bhi kuchh nahin likha hua hai; kyonki bahut hi yagya banvaay die hain- daksha prajaapti ka yagya ya phalaana yagya, aise bahut-kuchh naam honge, phalaanon ne yagya rache । ye yagya hain hi aam saari patit duniya ko aur khaas bhaarat ko patit se paavan banaane ke liye । barobar behad ka baap yahaan aate hain aur aa karke bachchon ke saath tan man dhan se, koi bhi poochhe to bolo- ham tan man dhan se bhaarat ko phir se daivi raajya banaate hain, kyonki yeh bhaarat shuru mein vaastav mein raajasthaan tha । satayug ke aadi mein raajasthaan tha । to raajasthaan, devi-devta dharma vaala, satayug mein kab sthaapan kiya? kab baith karke sthaapna ki hogi? to tum bachchon ko samjhaaya hai ki koi bhi raajasthaan ya daivi raajasthaan sthaapan karne vaale koi bhi dharma sthaapak nahin hote hain । bachche jaante hain ki barobar ham har ek samajhte hain, jaante hain ki ham abhi apna daivi svaraajya sthaapan kar rahe hain । aise hi jaise congress ne mil karke baapu gaandheeji dvaara tan man dhan se bhaarat ki seva ki । tan samajhte ho? jel bhi jaate the, to tan ki seva bhi to hui na aur man bhi laga hua tha ki ham in phirangi raajya se bhaarat ko liberate karenge । ye phirangi yaani Christian raajya se liberate karte hain aur tum bachche jaante ho ki baap hamko is raavan ke raajya se liberate karte hain । ye bhi baapu ji, vo bhi bhaarat ka baapu ji । sabka baapu ji to nahin tha na । bhaarat ka koi baapu ji sachcha bhi nahin । ye to naam rakh diya tha bujurga ko baapu ji । jaise bahuton ko, mayor ko bhi baapu ji kah dete hain । to dekho, kitne meyarsa honge yahaan myoonisipailiti ke । to unko bhi baapu ji kehte hain, father kehte hain । fathers to unke bahut hain । abhi tumhaara to father ek hai, phir doosra na koi । tum abhi, jo saari srishti ka baapu hai, koi had vaala nahin, behad ka baapu ji so to kaha hi jaata hai shivbaaba ko । tum abhi jaante ho barobar ham shivbaaba kehte hain । ye baapu to gujraati akshar hai na । patit-paavan jab aate hain to zaroor kahenge ki ye paavan bhaarat ko paavan banaane ki service par aay upasthit hote hain । majority ye purushon ki thi । duhkh jaasti purushon ne uthaaya tha । ab tum maataaon ko duhkh uthaana padta hai; kyonki sahan karna padta hai na । to tum bhent kar sakte ho ki usne to unse liberate kiya bhaarat ko । phir baap yahaan ekdam is patit srishti ko paavan banaane ke liye aate hain । so jaante hain barobar ki baap jab nai srishti rakhenge to pahle pahle to brahma chaahiye । brahmaavanshi to braahman ho jaaega । brahma mukhvanshaavli unko kaha hi jaata hai braahman; kyonki yagya racha jaata hai । phir tum bachche jaante ho ki ham daivi vanshaavli bante hain arthaat phir vishnu ke vanshaavli bante hain । ye achhi-achhi paaintsa buddhi mein dhaaran kar lena chaahiye bachchon ko । to barobar is samay mein ham baba ke saath madadgaar hain; kyonki shreemat par kaun chalenge? koi ek- do ko to chalne ka nahin hai na । hajaaron-laakhon ko chalna hai shreemat par । shreemat sabko to nahin denge na! zaroor koi dvaara denge । sena chaahiye । baapu ki bhi sena thi, badi bhaari sena thi । phir unmein zaroor jaante ho ki koi achhe naami-graami the, koi kaise the, koi kaise the । yeh bahut achha hai ki ab barobar vo baapu ji ne vo kaam kiya, ye baapu ji hamko raavan se chhudaate hain aur jay-jaykaar banaate hain । baapu ji ne jo kuchh bhi phirangiyon se chhudaaya, to aur hi yahaan yavan doosre phirangi nikal gae । phirangi kaha jaata hai foreigners ko । to ye musalmaan bhi to foreigners hai na । ye gajanvi se aae hue hain asal । jab gajanvi aaya tha, usse pahle koi yahaan musalmaan thode hi the । unhonne aa karke ladaai chhedi । to vo bhi to phirangi maana foreigners thahre । vo Christian, vo muslim । abhi unko to bhagaay diya; parantu inke kade dushman so to vo hain na । vo aise nahin aakar kehte the ki jo Christian nahin banenge unko talvaar se maarenge । to vo musalmaan ya yavan tumhaare puraane dushman hain । ye bachche abhi jaante hain ki ye Christian se unko chhudaate hain to ye baap tum bachchon ko sabke baandej se chhudaane ke liye shreemat de rahe hain । to tum bachchon ko ye samajhna chaahiye jaise vo kehte the ki ham kaangresi svaraajya sthaapan karte hain, abhi raajaai to kuchh bhi nahin । to abhi tumhaari bhi buddhi mein aata hai ki ham shreemat par apna daivi svaraajya sthaapan kar rahe hain । chhote-bade aise hi kehte hain na । aage koi congress raajya thode hi tha । nahin । aage to government ka raajya tha । king and queen vahaan ki thi, jisne phir yahaan ke jo raaja aur mahaaraaja the, unke oopar jeet pahni thi । ladaai to ki thi na bachchon ne । to abhi tum apne tan man dhan se bhaarat ko in maaya se chhudaane ke liye purushaartha karte ho shreemat par । shreemat se hi to shreshtha banenge na । to har ek ko kadam-kadam par shreemat leni padti hai ra kyonki har ek ka karma bandhan apna-apna hai, niraala hai । to abhi karmaateet avastha ko pahanne ke liye, paane ke liye ant tak purushaartha karna padta hai । aise koi mat samjho ki koi karmaateet avastha mein aa gaya hai । nahin । abhi to bahut purushaartha karte hain । karmaateet avastha usko kaha jaata hai jo phir shareer ko koi bhi duhkh na ho । ye jo puraana shareer hai inko pichhaadi tak duhkh hota hai । krishna ko bhi duhkh hua tha, jo geeta mein kehte hai ki krishna ka pichhaadi mein, baan maara, phalaana hua । hota hai na! to aise koi mat samjhe ki koi bhi abhi 16 kala sampoorn ho chuka hai । usko hi kaha jaaega karmaateet avastha । yaani ki jo bhi karma bojh tha, bhog tha vo sabhi yogbal se, service se bhasma hua । jab tak tum karmaateet avastha ko praapta hone vaale ho tab talak tumhaare oopar toofaan, karma ka hisaab-kitaab ki bhogna, yeh chalti hi aaegi । abhi uska to koi phikra nahin karna chaahiye na । yeh to ek law kehta hai । abhi vo kaise hota hai? karmaateet banne ke purushaartha mein kaise rehte hain? baap kehte hain bachche, ashareeri bhav aur yaad karo baap ko । deh ka abhimaan chhodo । angreji me bhi akshar hai na 'body konshias, soul konshias yaani dehi-abhimaani bhav । yeh akshar kahaan se aae hain? ye abhi ke akshar hain jo gaae hi jaate hai- soul konshias, body konshias । nahin to yahaan koi ko thode hi pata hai ki dehi abhimaani bhav ya deh abhimaani bhav । yeh koi ko bhi pata nahin hai, iska arth kya hai । soul konshias body konshias ka arth kya hai, koi ek bhi nahin jaante hain । abhi tum jaante ho ki body konshias to ham shareerdhaari ban jaate hain । soul konshias to ham akela ho karke baap ko yaad karte hain, kyonki baap ke paas jaana hai । knowledge to tumhaare paas hai na, baap ne diya hai । aur manushya to sirf akshar repeat karte hain । koi arth nahin jaante hain । bhale koi bhi ho? kyonki hamko soul konshias abhi banna hai yaani banne ka purushaartha karna hai । ham jo deh-abhimaan mein phans pade the, abhi soul konshias ham aatma hain aur baap ko hamko yaad karna hai । vo agar kehte hain sarvavyaapi hai, to vo sabhi baap hain phir kisko yaad karen? to dekho, un logon ko pata hi nahin padta । tum bachchon ko to abhi baap ne achhi tarah se samjhaaya hai ki bachche, tum service karo । tum kisko bhi bolo ki ham yahaan bhaarat ko sachcha svaraajya dilaane ke liye purushaartha kar rahe hain, na ki congress ka svaraajya । usmein to raajaai hai nahin na । svaraajya kaha gaya hai- aatma maaya ke bandhan se, duhkh se mukta ho aur naya shareer le karke raajya kare । to ho gaya na svaraajya । sva maana aatma । aatma ka svadharma hai- shanti । ab yeh to tum jaan gae shanti ke liye hamko kahaan jaana nahin hai । shanti ke liye koi chaahe ki ham detach hokar baithen to jaasti baith nahin sakte hain, kyonki karma karna hai । ham karma dhaara bigar rah nahin sakte hain । ham baith sakte hain ashareeri ho karke । tum practice karte rahenge na to tum bahut samay baba ki yaad mein jaise ki ashareeri hokar baithe rahenge- ham to aatma hai, ye to hamaara organs hai, ab ham is baaja ko nahin bajaaenge parantu baap phir poochhenge- kaise? kab tak? kyonki vo jo vash kar dete hain ya ashareeri ho jaate hain, vo to aise nahin baithte hain, vo to praanaayaam chadha dete hain । praanaayaam chadha karke kitne bhi din vo neeche jaakar baithte hain । abhyaas karte hain । abhyaas karte-karte phir vo log khadde mein jaakar baithte hain । anek prakaar ke hathayog karte hain । tum bachchon ko to koi bhi takleeph ki koi baat nahin hai । yeh to apni aatma ko jaanna .so bhi jaante ho, sirf paramatma ko nahin jaante ho । manushya se sirf poochha jaae ye knowledge hai tumko? knowledge kiski? knowledge to anek prakaar ki hai । god father ki knowledge hai, tum unko jaante ho? koi nahin jaante hain । agar jaante hain to kah dete hain- haan, god father ko jaante hain । vo sarvavyaapi hai । dekho, koi nahin jaante hain na! isliye kaha jaata hai father ki knowledge kiske paas nahin hai । knowledge ko kaha jaata hai -gyaan arthaat gyaan kismen nahin hai । kiska gyaan? god father ka gyaan । gyaan ka akshar aata hi hai ki tumko gyaan hai? kiska gyaan? gyaan to anek prakaar ka hota hai na, kisma-kisma ka । nahin, god father ka gyaan hai? kahenge- haan, hai । sarvavyaapi । isko phir kaha jaata hai mithya gyaan । tum abhi jaante ho ki ham father ko jaante hain । father hi aa karke sabki sadagti karte hain aur is srishti ko patit se paavan banaate hain । tum bachchiyaan ho mission par baap ki madad se ki har ek manushya maatra ko patit se paavan banaay; abhi patit se paavan banaay kar kahaan jaaenge? patit se paavan ban phir paavan duniya mein chalenge । phir vahaan vo paavan kya karenge? vahaan phir paavan raajya chalta hai । usko daivi raajya, viceless kingdom ya baadshaahi kaha jaata hai । vahaan banenge to phir tumko seekhna pade baadshaahi । dekho, raajayog bhi sikhlaate hain, paavan bhi banaate hain, paavan duniya ke liye tum bachchon ko phir teacher ban srishti ke chakra ka gyaan dete hain, jisse tum bachche svadarshan chakradhaari ban, chakravarti raajya karte ho । to tum bachchon ko ye... gahastha vyavhaar mein rehte hue kamal phool samaan pavitra banna hai । dekho, baapu ji bhi grihastha vyavhaar mein rehte the na, aise to nahin koi chhodte the । unhonne rah karke un phirangiyon se kaid sahan karna, phalaana karna, sahan karna (kiya । tum bachchon ko phir yahaan sahan karna padta hai । tumko phir sahan kya karna padta hai? maar khaani padti hai । is yagya mein asuron ke vighna padte hain । ye jo paavan banne vaali ablaaen, kubjaaen ganikaaen dropdiyaan phalaani hain, in sabke oopar kaun-si takleeph hoti hai? ablaaon ke oopar atyaachaar hote hain । abhi yahaan jel ki baat to nahin hai । abhi tum ghar mein jaise jel mein pad jaati ho । kisse? vo jo vikaari hain unke kaaran tum jel mein padti ho । vo us jel mein chale jaate the, tum jaante ho ki barobar ham jaraasandhiyo ki jel mein phanse hue hain । nahin to jaraasandhiyon ka jel kya tha! jaraasandhi kaha hi jaata hai patiton ko । to unke jel mein tum bachchon ko thoda sahan karna padta hai । majority tumhaari sahan karti hai; kyonki patit ko paavan banaane mein majority tumhaari hai aur vo kahaan ek-aadh baar thoda sahan karke karte hain । bahut aisi hain jo patiyon ko bhi achhi tarah samjhaati hain, parantu bilkul hi kamjor hain; isliye unko takleeph hoti hai । nahin to pati, eeshvar, guru, phalaana hai to unko patni kaise shiksha de sakti hai, par nahin, koi phir kamjor pati bhi hote hain to unko sahan karna padta hai; kyonki bichaara vo kya kare, bachche phir kaun sambhaale! pati buddha ho, bachche-vachche hon, phir unko kaun sambhaale, buddhe mein shaadi-vaadi to nahin karenge na! aajkal dekhte ho, koi 80 baras vaala bhi hoga to bhi shaadi karte hain । nahin to ye bhaarat ke kaayde hain bade ki 60 baras ke baad phir vo vaanaprastha avastha dhaaran kar arthaat satsang mein rehte hain । is avastha mein bahut karke satsang mein hi jaakar rehte hain । phir grihastha vyavhaar ko chhod karke vo chaabi apne bachchon ko de dete hain, jo unki sambhaal karte rehte hain । jo sapoot bachche hote hain vo maa-baap ki peechhe sambhaal karte hain, kyonki vo dhan dete hain, unki seva ki, unko janma diya । to phir bachchon ke oopar pharja hota hai na! to bachche phir un baap ko kehte hain ki aap apna jeevan saphal karo, satsang mein raho, ye jo dhan aapne diya hai ham unse aapki sambhaal karte rahenge । asal kaayda hi yeh hai । yeh to sapoot hain । aajkal to bahut aise ho pade hain । abhi tum sab mel aur female bachche jaante ho, jaise vo kaangresi jaante the, unki buddhi mein vo phirangi dushman the । tumhaari buddhi mein yeh maaya dushman hai । pharka nahin hai; kyonki bhaarat mein aise hua hai ki unhonne unse liberate kiya hai, vo bhi aise hi kehte hain gaandhi ne aa karke, godhi ki mat se phir kaangres ne phirangiyon se liberate kiya । maaya mahaabalvaan hai । vo to dhaai sau ya teen sau varsha raajya kiya hoga । jaante ho na! abhi to tumhaare oopar is raavan ne dhaai hajaar baras raajya kiya hua hai । to unko sahaj hota hai । dekho, time to usko bhi utna hi laga- 40-50 baras, 50 baras । bhai, kaangres ne kitna baras madad ki hogi? 50-60-40 baras । ye bhi aise hi hai, 50-40 baras hai jo tum bachche shreemat par phir is maaya raavan par jeet pahan, jo tumhaara puraana dushman hai aur bhaarat ko phir liberate karte ho shreemat par niraakaar baapu ji ki mat par । vo saakaar baapu ji । ye niraakaar baapu ji ki mat par tum bachche apna raajya sthaapan karte ho । abhi dekho, kitni unhonne kashmaksha ki, kitni jel khaai, kitni goliyaan sahi.. । tumko to koi goli-voli se maarne vaala to nahin hai na । yeh maaya tumko goli maarti hai । kaun-si? deh-abhimaani ki । phir thak ek goli aai kaam ki, bada bam kaam ka । vo bade-bade gole hote hain na । maaya bhi masheen gan chalaati hai, kam nahin karti hai, unke paas bade-bade gole hain । dekho, ek hi gole se ghaayal kar deti hai, achhe-achhe khade-khade ko । to tumhaara abhi aise hi hai । maaya ki goli nikalti hai jo tumko lagti hai । isse khabardaar rehna chaahiye । phir isliye baap kehte hain ki bachche, jitna tum yaad karenge itna tumko bahut khushi ka paara chadhta rahega । are, ham eeshvar ki aulaad bane hain । unki shreemat par ham apna svaraajya sthaapan kar rahe hain, so bhi 21 janma ke liye । ye kya janma hua! kogres ne kitna svaraajya liya? koi svaraajya to hai nahin । vaastav mein ye to aur hi bahut museebten hain । manushya to bichaare nahin jaante hain na । tum jaante ho achhi tarah se । ye to barobar gaaya hua hai ki runya ka paani misal raajya mila hua tha । kinko? kaurvon ko । unmein ye saaph nahin likha hua hai na ki kaurvon ne kisse yeh raajya liya tha, ye congress kaise bani? vo koi geeta bhaagvat me thode hi likha hua hai । yeh abhi tum bachche jaante ho ।....us baapu ka to kuchh bhi nahin mila । bhale mila to ye emaelae. bane, empi. mile, ashoka hotel mein khaane vaale mile, ye sab hue । vo to alpa kaal kshanbhangur, duhkh hi hai । abhi to tum bachche jaante ho ki ham to abhi apna svarga ka svaraajya sthaapan kar rahe hain shreemat par । to jaise vo baapu ji ki mat par chal phir bhi to vijay paai na । to tum bachchon ki bhi to vijay noondhi hui hai । barobar tum raajayog seekh rahe ho aur jaante bhi ho ki haan, ham barobar sooryavanshi raajya sthaapan kar rahe hain । dekho, baba poochhte hain na ki ek raani aai thi raat ko । mili thi nai । kahaan gai vo raani? kahaan se aai thi bachche vaali? kahaan hai vo? (kisi ne kaha-ramesh raani) । kahaan hai? haath to uthaao । unse poochha- bachchi, sooryavanshi ke liye purushaartha karti ho ya chandravansh ke liye? to bolti hai- baba, aise thode hi hai । ham jisko mama-baba kehte hain, vo to sooryavanshi bante hain । to mama-baba kahne vaala zaroor purushaartha karke sooryavanshi banega । ye sooryavanshi banenge ham । bachchon ko to yahi purushaartha karna chaahiye na । isi ko kaha jaata hai- follow mother and father । yoon asul kehte hain follow father; parantu yahaan to mother and father hai । to maat-pita hain na । to jaante ho phir ki maat-pita sooryavanshi mahaaraani-mahaaraaja bante hi hain, yeh to nishchay hai sabko । jisko nishchay nahin hai so haath uthaao । dekho, 100% nishchay hai । jabki maat-pita kehte hain to phir bachchon ko bhi aise hi purushaartha karke maat-pita ke takhtansheen banna chaahiye । shreemat par chalna chaahiye । shreemat par chalne se ye dekho ban rahe hain na । tum bhi mama-baba inko kehte ho to tumko bhi purushaartha karke inko follow karna chaahiye । yeh to achha hai । koi shubh bolta hai to kaha jaata hai- tumhaare mukh mein gulaab । aise kehte hain na! yeh to zaroor shubh purushaartha hai ki maat-pita jaise purushaartha kar ham bhi oonch pad paaven । taaoosi takhta kuchh kam thode hi hai । kya tum samajhte ho? kis prakaar ka yeh takhta bana hua hoga? itne heere-javaahar honge, kya pad ooncha hai! are bachchi, romaanch khade ho jaate hain, jab dekhte hain ki uph! baap aa karke hamko aisa banaata hai । varna ham kuchh nahin jaante the, worth not A paini the ।......baaki jo saahukaar honge unka to hriday videerna hota hai । shreemat par chalne mein bade darte hain ekdam । hain bhi gareeb-nivaaj baap kehte hain । ye to tum bachche jaante ho ki kalpa pahle bhi tum hi the aur aage badh karke dekhte rahenge ki kaun-kaun aate rehte hain baap se apna varsa lene; parantu tum koi ko bhi kaho, koi bhi officer mile kuchh bhi mile tum bachchon ko, bolo- ham to bhaarat ki service mein hai । ham jo bhi kamaai karte hain bhaarat ko svarga banaane ke liye, baapu ji ki raay se । kaun-sa baapu ji? shreemat, jo gaai hui hai । inmen tumko koi takleeph hogi! nahin, unko baithkar samjhaaenge to agar tumko income tax bhi dena hoga, tumko officer maaph kar denge । bolenge ki ye to bahut achha jaante hain । ye to bhaarat ki seva mein tan man dhan kharcha karte hain । abhi inko tax lagaaenge to us government mein chala jaaega । ham government ke paas to bahut hi paisa barbaad hota hai । inka paisa to sabko bhaarat ko aabaad karta hai । unka kharcha ye bhaarat ko barbaad karta hai aur tumhaara kharcha bhaarat ko aabaad karta hai । dekho, kitna pharka hai। achhi tarah se kisko bhi tum samjhaao, to vo tumhaare oopar aakarshit ho jaave । ye to badi bhaari seva karne vaale hain । to aise meethe-meethe bachche bano । koi ko bhi samjhaao to meethe ban karke samjhaao aur phir sachche saahab ke saath sachche raho । pavitrata me bhi sachche raho aur sachche ko yaad bhi bachchon ko achhi tarah se karna hai । agar sachkhanda mein jaana hai to sachche baap ko nirantar yaad karne ka abhyaas karo । yeh gaayan abhi ka hai na- simar simar sukh paao, kalah-klesh mite sab tan ke । aisa koi manushya nahin hota hai jiske koi kalah-klesh tan ke mite honge । kuchh na kuchh beemaari zaroor hoti rahegi । paai paise ki bhi । achha, khosi bhi hui to beemaari hai na । to dekho, vahaan khaansi bhi nahin hogi ekdam, kabhi kuchh nahin hoga । are, 21 janma ki nirogi kaaya milti hai sirf yaad se । dekho, yeh kaisa achhi tarah se baap aa karke nature ko cure banaate hain ।....is nature ko ekdam cure kar dete hain ।.....ye jo nature hai yaani shareer, vo jab beemaar ho jaata hai, vo cure kar dete hain । kabhi tum rogi nahin banenge । vo to hain paai-paise vaale nature cure, kya-kya karte rehte hain । so to janma-janmaantar ye nikaalte aate hain । ye to ek hi baar yaad karne se tum bilkul nirogi, ekdam tandarusta, beemaariyaan aadi kabhi bhi nahin । achha, abhi time to hua, kyonki ye to ratna hain na, koi dhaaran bhi kar sake । phir bahut points dene se bhool jaate hain buddhi mein, parantu vo nashe mein raho । barobar pharka hai na । unko pharka samjhaao- kaangres aur paandav-kaurav kya karat bhae? tumne inhe unse chhudaaya, ham phir baap ki madad se maaya se chhudaate hain । ye baapu ji behad ka sabka । to aise ye sab knowledge buddhi me rakhen । tumhaari godly student life hai । are bhai, kamaal hai! god father, bas । jo father padhaate hain, unko yaad karne se tumhaara vikarma sab bhasma hota jaata hai । aise koi teacher ko yaad karne se koi kiska vikarma thode hi vinaash hota hai । to teacher kyonki ye guru bhi hai, baba bhi hai । inko yaad karne se tumhaare sab paap ka bojha utar sakta hai, aur koi upaay hi nahin hai । dekho, agar upaay hota to itna ham yog mein rehte-rehte, abhi karmaateet avastha hi nahin aati hai । kuchh na kuchh rog nikal padta hai । to janma-janmaantar ke hain na । kata to kuchh bhi nahin । kitna bhi ganga mein snaan kiya, yeh kiya... bahut bojha rehta hai na । abhi vo hai । ab yog se, yaad se katega । yog akshar bhi kyon kahen, yaad kehna chaahiye । aise bhi mat samjho koi ki hamko nishtha mein baithna hai । haan, baithna achha hai; kyonki saare din mein ye vaahyaat- vaahyaat maaya ke pichhaadi karte hain, phir aa karke agar nishtha mein baithte hain, to bhale ek -do ko, koi achchho ka bal hoga, to barobar shant mein baith jaaenge; parantu baba kehte hai- kyon shant mein ikatthe bhi baithte ho? ikatthe to tumko gyaan ki point sunaate hain । padhaai hai । yeh tumhaara school hai na! to school mein to padhaai hoti hai । kaun padhaate hain? shivbaap । unko to zaroor yaad karna pade; kyonki shivbaaba hi teacher hai to unko to zaroor yaad karna pade । teacher ho gaya, baap bhi ho gaya । vo to bachchon ko zaroor buddhi mein baith jaana chaahiye ki hamko baba padhaate hain । bas, baba ko yaad karte rahne se hi vikarma vinaash honge । aise koi bhi stradentas nahin honge jo teacher ko yaad na karte honge; kyonki elyukeshan(shiksha) ki avastha hai । to unko teacher ko zaroor yaad karna padta hai aur yahaan jabki tum padhte bhi ho, tumko vaapas bhi jaana hai । tumko guru ko bhi yaad karna padta hai । to dekho, baap teacher guru, inka koi baap teacher guru nahin hai । abhi aise bhi yaad karne se tum kitni yaad karte hoge । to wonderful baat sunaani hai na । hamaara baba, baba bhi hai, teacher bhi hai, to satguru bhi hai । sat baba hai, sat teacher hai, sat guru hai । to sat ka sang barobar taarta hai । yaani taar karke kahaan le jaate hain? mukti aur jeevanmukti mein le jaate hai । is vishay saagar se aur kahaan jaaenge? puraani duniya se sab kahaan jaaenge? sab vaapas apne ghar jaaenge aur phir jo padhaai padhte hai, vo aakar ke raajya karenge । to ye mama bhi points sunaati hain, baba bhi points sunaate hain, daada bhi points sunaate hain । kam thode hi hota hai । kitna ekdam ikatthe tumko padhaate hain । dekho, tumko oopar jaane ke liye kitni engine mili hui hai । maat-pita, baap-daada, ye sabhi hain sab gaadiyon ki engine; kyonki sabhi jaaenge, baba to pichhaadi. .jaaega na । kitni badi gaadi banegi! rudramaala banni hai na, to kitni gaadi banni chaahiye । isliye taiyaar hona chaahiye aur tumko ghuddaud ki race ke saath bhi milaate hain । vo to had ki ghuddaud hai, ismen to behad ki ghuddaud hai । har ek ka buddhiyog jaata hai baba ke paas- ham pahle pahunche, ham pahle pahunche । are, pahle pahunchenge! yaad karo to pahle pahunchenge । dekho, ye stoodentas ko yeh bhi to daraaya jaata hai na ki barobar daudi tumhaare buddhiyog ki hai, jitna jo koshish karega vo pahle pahunchege । pahle rudramaala mein piroy phir pahle vijaymaala mein piroenge । achha, bachchi toli le aao । ek din ham apne hamjinsa ko ekaadh din aapke hamjinsa ko denge javaanon ko, bachchon ko ।... buddhe jo hote hain na, vo samajhte hain ki hamaara pair is taraph mein hain, mattha us taraph mein hain । buddhon ko yeh khyaal rehta hai ki abhi svarga aashram jaldi jaaenge । javaanon ko thode hi itna khyaal rehta hai ki jaldi jaaenge । itna jaldi kaun marega? ham buddhe hokar marenge । buddhon ko to aur sahaj hai ki abhi jaana hai । kahaan? svarga aashram । yeh aapas mein kya lagte hain? dekho, godhi ko bhi jo madad karte the, vo unko pyaare lagte the । abhi ye bhi baapu ji hain, jo madad karte hain patit duniya ko paavan banaane tan man dhan se । tum kabhi bhi government ko kahenge na, government ko achhi tarah se samjhaane se tumko aaphreen milegi । khush hain, ye college mein padh rahi hain ।.... .kya samajhti ho? bachche to padhte hi rehte hain । javaan bhi padhte the । jabki koi budidhayon ko padhaaven aur buddhi itni padh karke aur sabse teekhi jaaen ।.. (kisi ne kaha- yahaan buddha padhne vaala nahin hota) ।.. .. yeh to kamaal hai na!.. khush hote hain ki dekho, mammaaen hamko toli khilaati hain shreemat par । to khushi hoti hai unko ।......... pahle sikeeldhe bachche kahen ya pahle maat-pita kahen? maat-pita hai to sikeeldhe bachche bane । pahle to sikeeldhe bachche nahin kehna chaahiye na । isliye pahle maat-pita, baapdaada ka meethe-meethe sikeeldhe bachchon prati dil va jaan, sik aur prem se yaadapyaar । yeh yaad dilaana hai aur pyaara banaana hai । tum bahut pyaare bante ho । dekho, pyaare bane ho na । tumhaari pooja hoti hai; parantu.... tumhi poojya to tumheen pujaari ban jaate ho । ye bhi tum bachchon ko buddhi mein aata hai ki barobar ham poojya so devi-devta the, phir ham poojya do kala kam so kshatriy chandravanshi the, phir ham so pujaari vaishyavanshi the, ham so pujaari phir shoodravanshi the । abhi ham so braahman, phir pujaari se poojya ban rahe hain । kiske mat se? shreemat se । ab ye chakra, aur to kuchh karna hi nahin hai । to aise sikeeldhe bachchon ko yaadapyaar aur good morning ।