Sakar murli du mercredi 19 août 1964

> >

19-08-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj ravivaar julaai ki chhabbees taareekh hai, praatah class mein baapdaada ki murli sunte hain।

record :-

mujhko sahaara dene vaale'…

omshaanti । sahaara kisko kiya jaata hai? jo doobe hue hote hain usko paar karne ke liye, kyonki khivaiya naam to bhaaratvaasi achhi tarah se jaante hain । to khivaiya ka kaayda hai ki doobe hue ko bachaana, kyonki ye to bachche jaante hain ki ye bhaarat ka beda dooba hua hai । bhaarat mein hi ye kehte hain; kyonki bhaarat ke liye hi kaha jaata hai har baat । bhaarat ka beda paar ya bhaarat ka beda dooba hua bhaarat ke liye kaha jaata hai, aur koi bhi khanda ke liye nahin kahenge । so bhi to tum bachche samajhte ho, aur to koi nahin samajhte hain ki bhaarat ka hi beda dooba hua hai । satyanaaraayan ki katha bhi bhaarat mein hoti hai । ye kathaaen, jo amarnaath ki, teejri ki, ye sabhi kathaaen yahaan hoti hain । bachche bhi abhi achhi tarah se samajh gae hain, jabki bachche subah ko meditation mein baithte hain; kyonki baap ne samjhaaya hai ki meditation, jisko yog saadhna ya yaad ki saadhna kehte hain । phir vo to bhaktimaarga mein hai yaad ki saadhna । koi guru ko yaad karte hain, koi kisko yaad karte hain, koi tatva ko yaad karte hain । unki to yaad saadhna hai hi aythaartha । unmein koi unko sikhlaane vaala khivaiya ya baagvaan nahin hota hai । khivaiya bhi hai, baagvaan bhi hai; kyonki naya gulshan bhi to sthaapan karna hai, daivi gulshan yahaan sthaapan karna hai । to unko ye sabhi sikhlaana hota hai । koi guru log bhi ye meditation sikhlaate hain aise karo, aise karo, koi to aise karaakar baithte hain, koi kaisa, koi kaisa । vo bahut hi prayatna bataate hain । kiske liye? yaad mein rahne ke liye । isko angreji mein meditation kehte hain । yog-saadhna । vo to manushya, manushya ko yog-saadhna karaate hain, koi khivaiya ya baagvaan is baag ka nahin sikhlaate hain । ye tum jaante ho ki bageeche ka maali to baap hai, aur ye kaanton ka maali kaun hai? vo raavan hai । ye manushya nahin jaante hain, sirf tum bachche ye nai-nai baaten samajhte ho ki barobar ye jo kaanton ka forest ban jaata hai, unko ye raavan roopi maaya hai jo forest banaati hai । abhi tum jaante ho; parantu tumhaare mein se bhi koi virla hi jaante hain । aur to sab ye baaten bhool jaate hain ki barobar ham kaante se phool bante hain, vo bhi baat bhool jaate hain । maaya bahut bhulaati hai, baat mat poochho । bachche bhi kehte hain aur ye bhi phir kehte hain ki meditation mein baithne se maaya bada vighna daalti hai । koi vakta mein to achhe baithe rehte hain । to meditation bhi kaise? vo bhi to baap sikhlaate hain ki kaise meditation karoon, raat ko kaise baithoon kaise jaagoon kyonki karmayogi ho । isliye tumhaare mein din ke liye bandhan nahin hai । manushyon ko kabhi bhi meditation din mein nahin hoti hai, kyonki khaana-peena, khelna-koodna to unmein koi itni yaad thode hi pad sakti hai । bhale koi gasha maarta ho ki ham khelne-koodne mein bhi yaad karte hain । yeh to gash hai, isko jhooth kaha jaaega । badi mushkil hai, raat mein hi badi mushkil hai, jab sabhi so jaate hain aur aatmaaen sabhi shant ho jaati hain, ashareeri ho jaati hain, us samay mein bhi maaya koi kam thode hi karti hai । savere mein uth karke tum sabhi yaad mein baithte ho । vaastav me bhaktimaarga vaale bhi savere mein uthte hain, jisko kaha hi jaata hai amritvela । baap bhi aise hi kehte hain ki bachche, vo to hai din mein karmakaanda ka samay, apne bachchon ki paalna karna, naukri karna, aadi । ho sakta hai khel-paal mein bhi kisi ki yaad khadi ho sakti hain । baap to anubhav bataate hain na । jo purushaarthi hain vo to sab anubhav bataate hain । khelega to bhi bolega- dekho, ham baba ki yaad mein abhi tumhaare se khelta hoon । aise kehta hoon jaise ki main svayan baap hoon aur main baith karke bachchon se khelta hoon । abhi svayan baap hoon, aise karke khelne se baba ko aur hi achha nasha chadhta hai । main aatma hoon aur baba ki yaad mein inse khelta hoon ye mere se ho nahin sakta hai । dekho, main apna anubhav sunaata hoon na । jab main tere se baat karta hoon to ye to jaise ki koi vakta mein baba tumhaare se baat karte hain, jaise ki main baat kar raha hoon aur ekdam behad mein chala jaata hoon । to khelne mein bhi hai; parantu ham aatma hain vo mushkil ho jaati hai । dekho, baba bataate hain, meditation mein jab baba baithte hain, to sabko anubhav to bataana chaahiye na ki baba kaise sikhlaate hain, ye bhi kaise seekhte hain । saara ye dene ka aur sikhlaane ka baap ne raasta to bata hi diya hai, aur to koi bata bhi nahin sake aur ye to pakka jaante hain ki ham baagvaan bhi hain । to zaroor bageeche hi sthaapan karenge । baagvaan koi kaante ka beej baith karke lagaate hain? kaante ka beej to doosra lagaaega । vaastav mein usko maali nahin kaha jaaega । maali hamesha baagvaan hota hai, jo phool lagaate hain । ye tum jaante ho ki baba to phool lagaate hain aur jo in phoolon ko forest banaane vaala hai, unki mat par chalne se manushya kaante ban jaate hain । yeh gyaan to tum bachchon ko mila ki barobar baba baagvaan bhi hai, khivaiya bhi hai, merciful bhi hai, beejroop bhi hai । dekho, raat mein baithte hain to sochte hain ki yeh jhaad kitna bada hai । is samay mein beej to oopar mein hi hai । yeh kitna bada bageecha hai! to maalik jaise ho karke baithna pade na kyonki master beejroop hai, to jaise beej hi ho gaya na । kitna bada bageecha hai, pahle kitna chhota hoga- yeh raaj ka gyaan bhi chaahiye na । yog bhi chaahiye, gyaan bhi chaahiye; kyonki manushya mein kuchh gyaan to nahin hai na । manushya jab yog mein baithte hain, gyaan kuchh bhi nahin samajhte hain । sirf yaad mein baithte hain । usko bhakti kaha jaata hai । jab koi bhi chitra ke aage baithte hain ya mandir me baithte hain to gyaan to kuchh nahin hai na । sirf yaad hai । kaali ki yaad mein baithe rahenge, gyaan mein to nahin baithenge । bas aise kaali maa ki yaad mein baithen rahenge, vo kaali shakla saamne aaegi va agar jagdamba ki bhi yaad mein baithenge to aise baithenge aur maala bhi phirti rahegi । jagdamba ko bhi saamne rakhenge, krishna ko saamne rakhenge । yeh hai bhaktimaarga ka karmakaanda । abhi usmein koi bhi gyaan to nahin hai na । na baap ki yaad hai, na varse ki yaad hai । sabhi bhagat jo bhi bhakti karte hain, vo bahut gomukh ki maala banaate hain, usmein haath daal dete hain, maala daal dete hain । bahut to maala gupta rakhte hain, gupta pherte hain । jo bhi gupta pherne vaale hote hain unko guru se shiksha milti hai ki hamesha gupta phero । samjha! kyonki hai bhi hamaari maala gupta । to dekho, hamaare yahaan ki rasam-rivaaj bhaktimaarga mein kitni chalaate hain । gaumukh usko kaha jaata hai । tapdi hoti hai usmein daal karke haath bhi daal dete hain । chhotepan mein ye sabhi kiya hua hai । chhotepan mein phir baap ko dekhte । jaise abhi bachche hain, maa-baap ko jo kuchh karte dekhte hain vo karne lag padte hain । to baap bhi kothri mein baith karke maala daal karke andar baith jaate the । to ham bhi kya karenge! jaakar saamne chhoti kothri bhi le lete the, ham bhi aise baith jaate the । anubhav kehta hai na । phir kisko yaad karte the? raam-raam, raam-raam bas, aur kuchh bhi nahin । vo bhi raam-raam to ye bhi raam-raam, bas । bas, raam-raam, gyaan to kuchh hai nahin । abhi tum bachchon mein gyaan hai । raat ko, jab savere mein amritvele yaad rakh dena, bada maja aaega tum logon ko agar practice pad jaaegi to । phir kya khyaal mein aana hota hai? dekho, kitna bada bageecha hai, uph! ye zaroor chhota bhi tha na । satayug mein kitne thode honge । abhi kitna bada bageecha aa gaya । dekho, bageeche ki yaad aa gai na । beejroop ki bhi yaad aa gai, bageeche ki bhi yaad aa gai । uph! phir dekho, kaise-kaise ye bageecha badhta hai । baba me bhi to yeh gyaan hai na aur ham bachchon mein bhi yeh gyaan hai । baba jo sikhlaate hain, master beejroop karke bithaate hain, phir dekho saara jhaad, jhaad jaise ki buddhi mein baith gaya hai, thuns gaya hai ki pahle-pahle barobar devi-devtaaon ka jhaad hai । vahaan bahut thode manushya hote hain । usko svarga kaha jaata hai, sukh kaha jaata hai । to dekho, isko meditation kahenge na । andar mein ye chalta hai, bolna kuchh nahin hota hai; kyonki vo khushi hai gyaan mein । baap ki bhi khushi hai, dhan ki khushi hai । donon cheej yaad aani hai । bhaktimaarga me gyaan kabhi yaad nahin aata hai । tatva gyaani hoga, to tatva gyaani bhi tatva ko yaad karke baithe rahenge । gyaan to kuchh bhi nahin hai । aise to nahin hai ki tatva mein yaad karte rahenge aur shaastron ko yaad karte rahenge ya vedon ko yaad karte rahenge । nahin, vo nahin hota hai; kyonki jab yaad mein rehte hain to yaad rehta hai ki hamko jaana hai । unko tatva mein jaana hai ya braham mein jaana hai, braham mein leen hona hai to bas, unko yahi yaad rehta hai । aur to koi bhi rachna ka unko pata bhi nahin hai । na rachne vaale ka pata hai, na rachna ka pata hai । to un sabki yaad alag hai ekdam aur tum bachchon ki yaad bilkul hi nyaari hai । tum yaad karenge ki barobar ham is jhaad ke, jaise baba beej hai, usko knowledge hai to hamko bhi yeh knowledge hai । dekho, yeh raat ko uthta hai, peechhe ye yaad karte-karte thak jaae to bhi chalta rahe; parantu baithne mein yaad achhi aaegi । thoda bhi soenge to kuchh na kuchh doosre sankalp aa jaaenge । yeh anubhav ki baat baba samjhaate hain achhi tarah se । phir bhent karke samjhaate hain ki bhaktimaarga mein kya karte the, kyonki bhakti bhi to ki hai na । abhi gyaanmaarga hai । bhakti mein kya karte the? bhale aa karke sikhlaate the ki yeh karo, ghanta bajaao, phalaana karo, bahut kuchh samjhaate; parantu abhi to doosri samajh mili hai । to baap ko bhi yaad karna hai, phir saara jhaad yaad aa jaata hai । jhaad abhi kitna bada ho gaya hai । ham chhote jhaad mein the । phir ham dekho, treta mein aa gae । phir dvaapar mein janma liya, phir abhi ye jhaad mein aa gae hain । abhi ham jaate hain baba ke paas । baba ko yaad karte hain । abhi hamko to saara jhaad yaad mein aa gaya hai । barobar yeh drama bhi kaise chakkar lagaata hain- satayug treta dvaapar phir kaliyug । abhi shiv ko bhi yaad karte hain aur chakkar ko bhi yaad karte hain । to goya dhan ki bhi yaad karte hain aur dhan dene vaale ki bhi yaad karte hai । yeh yaad hui na । to jitna ham baba ko aur gyaan ko yaad karte hain itna jaise ki hamaari avastha paripakva hoti jaati hai aur register mein hamaari jo daudi hai yaad ki yaatra ki vo jama hoti jaati hai, aur khushi bhi hoti hai, kyonki gyaan aur koi ko to nahin hai । kisko bhi samjhaay sakte hain ki ham meditation me kaise baithte hain । duniya kaise baithti hai? vo kiski yaad mein baithti hai? anek prakaar ki yaad hai । ham sab to ek mat hain । baap ki mat na milegi bachche se, bachche ki mat na milegi baap se । uska guru, unka eeshta devta-phalaana, sabka apna! । bachchon ki to baat hi chhod do । yahaan to bachchon ko bhi ek mat milti hai । buddhiyon ko bhi ek mat milti hai । to raat ko yaad mein kaise baithe ho? kis yaad mein? kyonki meditation mein to baithna hai na । meditation haal hai na! to vo poochhega na ki tum log kaise baithte ho? to unko pharka bataana pade ki vo bhaktimaarga vaale kaise baithte hain । vo kya yaad karenge! guru hoga to tatva ka gyaan dega । aajkal kah dete hain ki tum paramatma ho । abhi ham jaakar paramatma mein mil jaaenge to paramatma rahega- bas, vo to koi gyaan hi nahin hai । so bhi ham aatma so paramatma, paramatma to ho nahin sakte hain । ham kehte hain ki ham 84 janma poora karke abhi chola chhod karke vaapas jaate hain । kya paramatma aise kahenge ki ham 84 ka chakkar khaakar abhi vaapas jaate hai? vo to ho nahin sakta hai । unko samjhaana hai bhaktimaarga ki meditation, jab yahaan hall mein aate ho to yahaan hall me le aao । achha-achha aadmi dekho, jinko shauk hove । baaki to pataptiya unko to nahin le aana chaahiye । jaante ho ki barobar koi-koi bade achhe aadmi aate hain, samjhaane se samajhte hain, bakvaad nahin karte hain, aur to apna ghamanda dikhla dete hain । meditation hall to isko hi kaha jaata hai na । bolo- dekho, ham yahaan kaise baithte hain, raat mein bhi ham meditation karte hain aur din mein bhi yahaan kaise karte hai, so dekho ye jhaad bhi hai, sabhi kuchh hai । abhi ham aise yaad karenge । baap ne kaha hai ki mujhe yaad karo aur phir kya yaad karo? rachna ka jo saara chakkar hai usko yaad karo- satayug treta dvaapar kaliyug; kyonki hamne 84 janma to bhoga hi hai । gaaya to jaata hai 84 janma kisne liye? zaroor jo pahle aae hain usne hi liye honge । jo devi-devta the vo ya to phir antim janma mein ham jo braahman bante hain; kyonki chakkar ka to samjhaana pade- devta kshatriy vaishya shoodra abhi braahman bane hain । dekho, ye chakkar ka bhi inko gyaan hai । ham baithte hain to hamaara baap aur chakkar hamko yaad padta hai arthaat hailtha and vailtha । yaad aur gyaan, rachta aur rachna ka gyaan hamko rehta hai । ham isi svadarshanchakra ko phiraate hain to jaise ki ham trikaaldarshi ban gae aur phir baap ko yaad karte hain, rachna ko bhi yaad karte hain । aur phir kya karte hain? auron ko to anek mate hain । hamaari sabki ekmat । baba ne kah diya hai shreemat, jisse hamko shreshtha banna hai । kaisa shreshtha? devi-devtaaon jaisa, kyonki vo hai heavenly god father svarga ka rachta । to unse ham varsa paate hain । ham sabko kehte hain ki abhi had ke baap ka varsa to poora hua, abhi to vinaash bhi hone ka hai । to zaroor god father patit-paavan aaega । vo aa karke hamko paavan duniya ka varsa dega, jisko svarga kaha jaata hai । to dekho, behad ke baap ka svarga ka varsa ham aise lete hain । to baap ka varsa jab lenge to baap ko yaad karna pade na aur baap ki property ko yaad karen । dekho, baap svarga ka rachta hai na । to hamaari meditation aise hoti hai । baap ko yaad karna aur varse ko yaad karna; kyonki varsa paate bhi hain to gumaate bhi hain । gumaate phir kaise hain? satayug mand itna janma lete-lete 84 janma lekar ke ant mein hamaara poora ho jaata hai aur ham patit ban jaate hain । hamaari meditation mein rachta aur rachna ki yaad rehti hai । baaki jo bhi hain, anek mate hain, koi hanumaan ko yaad karte hain, koi kisko yaad karte hain । ab vo yaad mein kya hai! na knowledgeful baap, na unki knowledge hai buddhi mein । baap kya knowledge denge? baap, jo rachta hai, vo rachna ki knowledge denge । iseelie usko knowledgeful kaha jaata hai । god father is knowledgeful । god father is patit-paavan । patit ko paavan karne vaala to zaroor patit duniya mein aaega na tab to aa karke hamko paavan banaaenge । jab talak ye patit duniya hai, hamko paavan duniya svarga ka varsa kaise denge! to aise tum koi bhi achhe aadmi ko baithkar samjhaaenge jaise baap bachchon ko samjhaate hain to vo prabhaavit hoga । bol dena ki tum prabhaavit ho achha-achha karke nahin jaao; parantu ye yaad rakh dena sir par janma-janmaantar ka paap ka bojha bahut hai । vo bada time leta hai । ant tak hamko ye gyaan lena hai । abhi tumko phursat nahin hai । phursat nahin hai to phir time lagega na । aise to nahin hai ki jaldi kuchh ho sakta hai, paap koi jaldi se bhasma ho jaate hain । time lagta hai । time vesta karte ho । tumko ham kehte hain ki baap aaya hua hai aur maut saamne khada hai । agar tum gaphlat karenge to phir tum varsa paay nahin sakenge; isliye jo shubh kaarya hota hai na, shubh kaarya mein deri nahin karna । abhi tum seekhne ko lag jaao । seekhne ke liye agar tum ek haphta is meditation mein baithenge to tum trikaaldarshi ban jaaenge aur tumko naaraayni nasha chadh jaaega । yaani father ko achhi tarah se yaad karne lag padenge, kyonki tumko aur sab tyaag ek ko yaad karna hai, jisse abhi varsa lena hai । to unko baith karke achhi tarah se yeh samjhaaenge ki main bolti hoon abhi meditation mein baitho, main baithaati hoon- baap ko yaad karo । tumhaara baap to hai na । jab duhkh hota hai tab tum unko maat-pita, god father, parampita kehte aae ho । is baap ko bhaktimaarga mein tum janma-janma yaad karte ho । vo jo tumhaara laukik baap hai, vo to phirta rehta hai na- ek janma mein ek, doosre janma mein doosra, teesre janma mein… aur sabhi janma mein bhaktimaarga mein tum phir bhi us niraakaar ko yaad karte ho । to dekho, vo avinaashi baap hai । vo jo laukik baap hai, vo vinaashi hai । to unko aisa samjhaana hai ki vinaashi se vinaashi varsa aur avinaashi se 21 janma ka avinaashi varsa milta hai । ye to bhaarat mein 21 peedhi athva generation mashhoor hai । tumko agar 21 generation ka varsa lena hai …to phir shreemat par chalna hoga । hamaare paas yahaan ek mat hai shri ki, jisse shreshtha bante hain । vo hai shri-shri । vo sanyaasi log apne oopar naam dharte hain shri-shri jagatguru । abhi shri-shri jagatguru sanyaasi kaise ho sakte hain? sanyaasi to satayug ka 'shri' title hi nahin le sakte hain, shreshtha ban hi nahin sakte hain । shri to unko kaha jaata hai । shri-shri vo baba hai jo hamko shri banaate hain, shreshtha banaate hain । vo to na shri-shri hain, na koi shreshtha banne vaale hain, kyonki vo to rajoguni dharma vaale hain, jo rajogun mein aate hain । aadi sanaatan to satoguni satopradhaan dharma hai, kyonki dharma bhi to aise hain na- yeh satopradhaan dharma, phir agar us taraph mein lenge to phir sato to ham unko hi kahenge, phir rajo aur tamo jo doosre dharma vaale aate hain unko kahenge । satopradhaan dharma se hi to biraadri nikalti hai na । isko bhi kehte hain sanyaasi, rajoguni sanyaas । unko ham satoguni sanyaas to kah nahin saken । vo rajoguni sanyaas hai, ye satoguni va satopradhaan sanyaas hai । baap aakar sikhlaate hain aur gaaya hua hai barobar ye raajayog hai । sanyaasi raajaai ko to maan nahin sakte hain, kyonki vo sukh ko kaag vishtha samaan kehte hain ।… .duhkhi ban gae hain । baap hamko baith karke meditation aise sikhlaate hain । baap sikhlaate hain, manushya nahin sikhlaate hain । bhagvaanuvaachya! bhagwan ham manushya ko nahin kehte hain । ye log kehte hain krishna bhagwan । ham krishna ko bhagwan nahin kah sakte hain । kya sabka, musalmaanon ka bhagwan krishna hai? bilkul nahin । sabka bhagwan to ek hona chaahiye । vo krishna to nahin ho sakta hai, na koi brahma, vishnu, shankar ho sakte hain, na koi Christ vagairah ho sakte hain । bhagwan to sabka ek hai aur vahi patit-paavan hai । vahi heavenly god father hai । to jabki sthaapan karna hai to unko aana hi hai । barobar bhaarat mein aate hain । dekho, bhaktimaarga mein unka mandir kitna bada bana hua tha । to vo hamko sikhlaate hain, jis shri-shri ki mat se ham shreshtha bante hain, kaise shreshtha bante hain baith karke samjho aur ishaare se samajh jaao ki hamaari meditation kitni sahaj hai । baap ko yaad karna aur saari rachna ke aadi-madhya-ant ko jaan jaate hain । aur koi bhi nahin jaante hain, bilkul hi nahin । tum jaakar koi ko bhi poochho srishti ka chakra kaise phirta hai? kuchh bhi nahin jaante hain । pahle to satayug ki aayu tumko aisi bata denge jo ghoomte phiro । baba kehte hain jabki tum raat ko baithte ho yahaan yaad tum karte raho bilkul ki rachta aur rachna ka… । sabko kah sakte ho ki yeh to puraani duniya hai na । yeh nai duniya thi na । isko kaliyug iron ejda kaha jaata hai । old world jisko kahenge । kalhayug ko koi new world to nahin kahenge । new world jab hogi to us new world satayug mein to daivi gunon vaale manushya the na । manushya satayug mein to new world ko svarga kahenge na । dekho, naya mahal hai to unko ham kehte hain svarga । peechhe vo ganda ho jaata hai… jadajdeebhoot ho jaata hai to unko ham kah dete hain narka । ham is saari duniya ko bhi narka kehte hain । ghar-ghar mein narka hai, balki saari duniya mein narka hai; kyonki ghar-ghar mein ashaanti hai, jhagda, maara-maari, gand vikaar ye, vo, sabhi ; kyonki hai hi jangal । usme jangali janaavron se bhi badtar rehte hain । unko kaha jaata hai forest oph thorns । angreji me likhte hain na । ye ek do ko quota lagaate rehte hain । vo baap aa karke phir garden oph allaah sthaapan karte hain । vo musalmaan log bhi jaante hain ki garden oph allaah, god bhagwan aa karke bahishta sthaapan karte hain । bahishta to abhi hai nahin na । kaanton ka jangal to hai na । to tum bachchon ko maaloom ho gaya ki kisko kaanton ka jangal kaha jaata hai kisko phoolon ka garden kaha jaata hai । abhi tum kaanton se daivi phool ban rahe ho । to ye chintan chalna chaahiye na । din mein bhi, raat mein tum knowledge lete ho । din mein yaad nahin padta hai to raat ko baith karke yahaan knowledge yaad karo । baba mein bhi yahi knowledge hai aur bachchon mein bhi yahi knowledge hai, jo raat ko bhi tum baitho । bada maja aaega । aise koi aave hamaare paas to ham aise samjhaaoonga kyonki service vaalon ko to yahi buddhi mein rahega; kyonki aur to koi bichaare jaante hi nahin hain । hamko taras padta hai । manushya ho karke agar is rachta aur rachna ke aadi madhya ant ko na jaane to kis kaam ke! manushya kehte hain O god father! aur ye god father, jo rachta hai, unki rachna ke aadi madhya ant ko nahin jaante hain, ye bachche hain, ullu hain, paaji hain, kaun hain? dekho to, ham kaise ban jaate hain! isko ullu kaha jaata hai na । ham abhi ullu ke bachche, abhi allaah ke bachche । DOG se GOD । kitna pharka rehta hai; parantu nasha hona chaahiye na samjhaane ka । agar koi kahega ki mujhmen gyaan hai aur koi ko nahin; kyonki baba ne kaha hai na- bachche, ye hai avinaashi gyaan ratna । agar hai to zaroor daan karna chaahiye । abhi tum jaante ho ki jitne jo daani purush hain unki mahima bahut hoti hai- philenthrophista । are, bahut akhbaaron mein unka naam padta aaya hai । itna mandir banaaya, itna college banaaya, itna hospital banaai, naam jaata hai to akhbaaron mein likhte hain … philenthrophista yaani bahut daan karte hain । rileejiyas maainded vaale hi jaasti daan karte hain । tum to ho hi rileejiyas maainded aur tumhaare paas avinaashi gyaan ratna hain । ab ye to tum bachche samajhte ho, aise to nahin moodhbuddhi ho । samajhte ho ki jo-jo jitna jiske paas dhan hai, vo itna-itna daan karenge । jiske paas dhan kamti hoga to kamti daan karega । na hoga to kuchh bhi nahin daan karega । phir unko kya milega? na daan leta hai, na deta hai । phir baaki vo kya hua? kuchh kaam ka nahin raha bilkul hi । daan bhi to dena hai zaroor । daan na denge, geeta na sunaaenge to aur kaun sachchi geeta sunaaenge? to dhaarna chaahiye aur kitni sahaj hai । ati sahaj hai । kisko bhi baith karke samjhaana, jaise baba samjhaate hain ki ham aise meditation mein baithte hain । ye duniya ka chakkar aise chalta hai । ye puraani duniya hai । nai duniya mein to devi-devtaaon ka raajya tha, aur to koi dharma tha hi nahin । peechhe vo dharma aaya, phir vo aaya, phir vo aaya… । jab barobar islaam dharma tha to bauddhi tha hi nahin, bauddhi tha to Christian tha hi nahin, Christian tha to phir ye math panth sanyaasi-vanyaasi, poonchhadi-boochhdi ye pichhaadi ki biraadri thi hi nahin; kyonki peechhe biraadri satopradhaan se kamti hoti jaati hai na । ye tum bachchon ki buddhi mein achhi tarah se baithna chaahiye jo phurta se koi bhi achha aave to unko aa karke samjhaave । yahaan manushyon ko meditation athva yog ka bahut shauk hai । unko ye bhi baith karke samjhaave ki chalo aa karke hamaara meditation hall dekho । meditation hall dekhne se bade khush hote hain । samjhenge ki ye rileejiyas minded hain । ye bhagwan ki bandagi vaale hain । ye itne paap aatma nahin honge । rileejiyas minded kaha hi jaata hai unko jo paap nahin karte honge, parantu yahaan to jo bahut rileejiyas maainded hain vo bahut paap karte hain । badi samajh ki baat hai । koi itni mehnat bhi nahin hai ।…baap ko yaad karna aur rachna ko yaad karna, ismen mehnat kya hai aur sabko samjhaana hai, jaise baba ne samjhaaya hai ki ham aise meditation mein ya yaad mein baithte hain । yog maana yaad । aur to manushya pata nahin kis-kis ko yaad karte hain । hamko to sikhlaane vaala svayan parampita paramatma hai jo niraakaar hamaara baap hai । usko kaha hi jaata hai patit-paavan god father raajayog sikhlaate hain । vo hamko aise kehte hain, vo hamko aise sikhlaate hain । tum seekho ya na seekho । ham sabki ek mat hai । shri banne ke liye ham shri-shri se mat le rahe hain । dekho, shri ka em-object yeh hai । barobar is samay mein bahut jhagda aata hai ekdam, bahut manushya hain aur jab inka raajya hai tab thoda hoga, satayug mein manushya bhi thode honge । peechhe kaise vriddhi ko paate hain । tum to harek chaitanya beejroop ho gae ekdam, knowledgeful kyonki jaisa baap vaise bachche, aise kehte hain na । jaise baap…ye jaanta hai zaroor ki beejroop hai, jaise jad beej hote hain to unko jhaad ka knowledge hona chaahiye; parantu unki knowledge bhi hamko hai । apne jhaad ki knowledge nahin hai koi ko bhi । saadhu sant mahaatma kisko bhi nahin hai । meditation ka bhi tumko yukti se samjhaana chaahiye, vo kaise anek mat vaale hain, ham ek mat hain । achha, bahut hi tumko samjhaaya । samjhaana to 2 minute bhi bas hai, 1 minute bhi bas hai । baaki tum bachche bhi meditation mein raat ko bhi baithenge to bada maja aaega tumko; kyonki tumko doosron ko sikhlaana bhi hai । to jitna tum baap ko yaad karenge utna dhan tumhaare paas jaasti rahega । jitni phir service karenge itna dhan tumhaare paas vriddhi ko paata rahega । gaaya jaata hai dhan diye dhan na khute। । manushya kyon daan karte hai? samajhte hain ki daan karne se hamko aur praapti hogi । ye saadhu-sant ke pichhaadi kyon latak marte hain? dhan milta jaata hai । samajhte hain saadhu ki kripa hai, isliye unko bhi daan karte rehte hain । daan karte hain phir unka phal unko milta zaroor hai । aisa nahin hai ki vo koi nishkaam seva karte hain jo unko phal na mile । manushya ko phal zaroor milna hai । nishkaam seva god is one aur nishkaam seva karne vaala bhi main ek hoon jo tum samajh sakte ho । braham-vraham to nahin kuchh aakar samjhaaenge! dekho, baap aakar samjhaate hain ki main kaise nishkaami hoon । braham kaise samjhaaenge ya tatva kaise samjhaaenge! ye baap khud aakar samjhaate hain ki main hoon nishkaami । aa karke tumhaari seva karke nirvaandhaam mein chala jaata hoon; jaise vo laukik baap karte hain, seva karke unko(bachchon ko) sab kuchh dekar phir nirvaandhaam mein chale jaane ke liye; parantu vo chale nahin jaate hain । agar vo de karke chale jaaen to nishkaami hove; parantu ye baba to tumko dekar ke nirvaandhaam mein baith jaate hain । bolte hain main tumko gaddiyon par raajbhaag de karke phir jaakar ke nirvaandhaam mein baith jaata hoon । manushya thode hi aise kar sakte hain । vast diphrensa hai । achha, toli khilaao । samajhte ho ki baagvaan, maali vagairah ye hai । dekhta hai ki hamaare phool kaise hain, kaise unnati ko paate hain । paani to inko deta rehta hoon yog sikhlaata rehta hoon । ye purushaartha karna hai । koi jad to nahin hai, jinko ham denge … …aur jaanta hoon ki ye phool kis prakaar ka hai, ye kali kis prakaar ki hai, ye kaanta kis prakaar ka hai । tum aise mat samjho ki yahaan kaante nahin hain । uph! bade-bade kaante hain । inheritensa milna hai god father se । Christ ko inheritensa abhi milega । kaahe ka? dharma sthaapna karne ka inheritensa । peechhe pope banenge । Christ jab sthaapna karte hain, peechhe pope the first jaakar bante hai । jaise ye । jo mehnat karte hain to zaroor pahle number mein jaaenge na । to Christ doosre janma kya lega? vo to samajhte hain Christ ka soul leen ho gaya ya haivin mein chala gaya । vo aise kahenge । nahin, bolo ki Christ, jisne sthaapna ki dharma ki, unki paalna ke liye bhi to guru chaahiye na । to ye pope log, inke bade guru hain । jaise ye lakshmi naaraayan tumhaari paalna karne vaale hain, vaise vo । to vo jaakar pope the first, the second, the third bante hain । abhi kehte hain Christ kahaan hai? kahenge vo ek baigar ke part mein hai । tum akhbaaren nahin padhte ho । unko maaloom hai ki abhi jaise baigar ke part mein hain yaani gareeb hai । khada ho karke kya dekhte ho? are, kyon? yeh bhi samajhte ho ki main phulvaari ko dekhoonga । yaad aata hai ki phalaana phool hai । kabhi-kabhi to khada ho karke dekhta hoon । abhi samjha! yeh bada achha mera … kitne achhe phool hain, kitne madadgaar hai । achha! maat-pita aur baap-daada ka meethe-meethe sikeeldhe bachchon prati nambarvaar purushaartha anusaar yaad pyaar aur good morning ।