Sakar murli du mardi 8 septembre 1964 - 1

> >

08-09-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj mangalvaar sitambar ki aath taareekh hai, praatah class mein baapdaada ki murli sunte hain।

record :-

raat ke raahi thak mat jaana, subah ki manzil door nahin…

raat ke raahi kahaan ja rahe hain? din ke taraph । din kaha hi jaata hai satayugi shreshthaachaari devi-devtaaon ki duniya ko aur raat kahi jaati hai kalhayugi bhrashtaachaari aasuri sampradaay ko । yeh to tum jaante ho ki ham aaj se dhaai sau varsha pahle bhrashtaachaari the । tum aise nahin kahenge ki ham koi shuru se bhrashtaachaari the, jaise shaastron mein likhaaya hua hai । shaastron mein bhaarat ko bhrashtaachaari, satayug ki aadi se baith karke likha hai ki raadhe-krishna bhrashtaachaari the, seeta-raam bhrashtaachaari the । peechhe to hai hi raavan ka raajya । vo bhrashtaachaari-bhrashtaachaari kahkar saari duniya ko bhrashtaachaari banaay diya hai । abhi yeh tum bachche jaante ho ki yaadav aur kaurav sampradaay ko sarvashaastramai shiromni geeta mein bhrashtaachaari gaaya hua hai aur barobar paandav sampradaay ko phir shreshthaachaari banaane vaala kaha gaya hai, kyonki paandav sampradaay satayugi shreshthaachaari bana rahe hain । ab tum bachche jaante ho hamko service karni hai baap ke saath, kyonki baap bhi aae hue hain yeh bhrashtaachaari duniya mein । to manushya samajhte hain ki ye sabhi jo yahaan bhrashtaachaari hain vo sabhi yahaan shreshthaachaari ban jaave; kyonki unko yeh to pata hai nahin ki satayug me devi-devtaaen shreshthaachaari the aur jo peechhe bhaarat mein patit hain, vo un paavan devi-devtaaon ko shreshthaachaari samajh, apan ko bhrashtaachaari arthaat paapaatma samajh mahima karte hain; parantu dekho wonder hai, mahima karte hai; parantu unko dil se nahin lagta hai ki hamko koi aisa banna hai ya ye kaise shreshthaachaari bane the? bhrashthaachaari banaane vaale kaun? kiski mat par yeh bhaarat bhrashtaachaari banta hai? yeh bhaaratvaasi khud bhi nahin jaante hain । government nahin jaanti hai; kyonki government svayan bhrashtaachaari hai । to phir radi maarte rehte hain ki ye bhrashtaachaari government ko shreshthaachaari banaao । abhi kaun banaaega? kya public banaaegi? kyonki government yatha raaja-raani tatha praja । jabki aise hai to kaangres government ya kaurav government baat to ek hi hai । bhai, government bhrashtaachaari hai । kyon bhrashtaachaari hai? kyonki irrileejiyas hai । unko apne dharma ka koi bhi pata nahin hai ki aakhir mein ham svayan bhaaratvaasi koi shreshthaachaari the । ye unko pata bhi nahin hai । dekho, government ko pata nahin hai । yeh bhaarat ke liye hi kaha jaata hai na ki bhaarat ko shreshthaachaari bhaaratvaasi banaavenge; parantu jabki government hai hi bhrashtaachaari to kaun banaave? zaroor koi doosri government chaahiye । government to yatha raaja-raani tatha praja । is samay mein yeh kaangres government khud kehti hai ki barobar hamaari government ke officers sabhi bhrashtaachaari hai । abhi.. .to government ho gai । government hi bhrashtaachaari to phir yatha raaja-raani tatha praja, aise kahenge na । raaja-raani bhale nahin hai, phir bhi government naam to hai na । jabki isko bhaarat ki raajdhaani hi kaho, saavranti ko raajdhaani kehte hain, to jabki raajdhaani hi bhrashtaachaari hai, to phir zaroor koi aur government chaahiye jo inko shreshthaachaari banaave । barobar gaaya jaata hai ki paandav government ne aakar is kaurav government ko shreshthaachaari banaaya । baaki government kaurav government ko shreshthaachaari kaise banaave! yeh to ho nahin sakta hai, impossible hai । inko ye samjhaani dena pade na । kaun samjhaani deve? tum bachchon ko samjhaani dena hai । tum public mein bhaashan bhi to karte ho na, to tum logon ko.. .himmat chaahiye, samajh chaahiye na kyonki vo bhi praja kehti hai ki bhai, yeh bhrashtaachaar hai aur yeh shreshthaachaar hai । samjha na । abhi tum ho paandav government ke officers-praja । prajaapita brahma ki tum praja ho । tumko bhi aisi achhi tarah se akhbaaron me dalvaana pade ki jabki government svayan bhrashtaachaari hai aur praja bhi aisi hai to banaave kaun? praja to government ko nahin banaay sakti hai । law nahin kehta hai; kyonki government to khud hi kahtehain ki barobar bhrashtaachaari government hai aur abhi shreshthaachaari government hai । in bhaaratvaasiyon ko kuchh bhi maaloom to hai nahin kyonki shaastron mein gaae hue hain ki ye hain andhe ke aulaad andhe । abhi inko andha kisne banaaya? vo andha banaane vaale raavan ki effigy jalaate rehte hain । dekho, dashahra aata hai na, to tum logon ko samajh jaana chaahiye, bhaashan karna chaahiye na- yeh raavan ki jo tum effigy jalaate ho.. । abhi dashahra aaega ।ye hain bhrashtaachaariyon ke utsav । ye tum paandav government ke utsav nahin hain । ye hain kaurav government ke utsav । to unko samjhaana hai ki raavan ne bhaarat ko bhrashtaachaari banaaya hai aur jabki government hi saari bhrashtaachaari hai to zaroor koi aur government chaahiye । inke oopar koi aur government chadhaai kare । to kya sabhi phir shreshthaachaari ban sakenge? nahin । jab bhaarat shreshthaachaari tha to akela tha । aur koi bhi bhaarat mein gavarmentsa nahin theen- na vilaayat ki, na phalaane ki । tab barobar bhaarat bahut shreshthaachaari tha । shreshtha kaha hi jaata hai pavitrata ko । bhrashta kaha hi jaata hai apvitra ko । abhi unko yeh to pata hi nahin hai ki barobar ye apvitra bhaarat hone ke kaaran yeh vishiyas ya vaishyaalay hone kaaran.. vaishyaalay mein rahne vaale ko vishiyas kaha jaata hai aur jo shivaalay mein rahne vaale hain unko viceless kaha jaata hai । to ye samajhne ki baaten hain na । ab ye itni badi-badi, achhi-achhi shankhadhvani kaun kare? to zaroor jo mahaarthi honge, jinki sher par savaari hogi, haathiyon par savaari hogi, vo gajgor karenge । baaki to bechaare gajgor nahin kar sakege । sena to hai na inmen । inme mahaarthi hain, ghodesvaar hain, bakri savaar hai, reedh savaar hai, omat savaar hain; kyonki savaari to bahut hoti hai na । baap ne bhi aa karke savaari ki hai na । manushya ke oopar savaari ki hai । koi reedh bakri ke oopar to savaari nahin karenge na । zaroor jiske oopar savaari karenge vo bhi to unka koi gajgor karne vaala pahalvaan hoga na । to dekho, gajgor to vo bhi karte hain, vo bhi karte hain । isliye tum bachchon ko maaloom nahin padega ki gajgor kaun karte hain । to bhi, ye kehte hain ki gajgor shivbaaba karte hain । unka naam baala hai aur sun karke phir yeh bhi kar sakte hain, tum bhi kar sakte ho; parantu tumhaare mein bhi gajgor karega kaun? vo bahut mahaaveer chaahiye, jo government ko bilkul sahaj hai ।. .nahin to, akhbaar mendaal dena chaahiye । bataate bhi ho barobar ye satayug ki shreshthaachaari government bhaarat mein thi । abhi tum sabhi bhrashtaachaari bane ho । to tum inki mahima to jaante ho ki kisne in logon ko banaaya, bhaarat ko kisne shreshthaachaari banaaya tha । vo to bichaaron ko pata nahin hai । bhrashtaachaari government apne government ko shreshthaachaari nahin bana sakti hai, koi aur chaahiye । to baap aakar kehte hain ki main aata hoon yahaan; kyonki patit aur paavan ki baat to theek hi hai, kyonki jo patit hote hain usko bhrashtaachaari kaha jaata hai aur jo paavan hote hain unko shreshthaachaari kaha jaata hai । yeh bhi koi government nahin samajhti hai । vo to pattharbuddhi hai ।parampita param aatma maana paramatma yaani unka naam bhi paramatma, angreji mein bhi unko supreme soul kahenge । unse poochhen tumhaare andar mein kya hai? tab bhi vo kahenge- soul । to zaroor ye sabhi souls supreme nahin hain, ek hai supreme soul । kehta hoon unko bhi 'aatma । soul maana aatma । to supreme ko kahne ke kaaran unko parampita kehte hain, kyonki kehte bhi hain supreme father । supreme soul father aise likhte hain । vo bhi to aatma hi thahri na । vo koi badi cheej to nahin hai । ab vo baith karke unko yaad bhi karte hain । usko koi nahin kehte hain ki O god father, aa karke hamko is bhrashtaachaari se shreshthaachaari banaao । vo koi jaante hi nahin hai । vo samajhte hain- saadhu-sant-mahaatma, ye log shreshthaachaari banaaenge, parantu vo to bhale gavment ke kitne bhi saadhuon ko uthaaven ,jaise government ki head shivaananda ke paas jaati hai, to samajhti hai na ki vo hamaare se oonche hain । vo samajhta hai ki ye shreshthaachaari hain, parantu sanyaasiyon ko to shreshthaachaari phir baap bhi nahin kehte hain । baap bhi aakar kehte hain- ye jo saadhu-sanyaasi log hain, vo bhi to paapaachaari hain, bhrashtaachaari hai । inko bhi bhoolo । inka bhi uddhaar karne arthaat shreshthaachaari banaane main aata hoon । to tum bachche jaante ho ki manushya jo is samay mein bhrashtaachaari hain so pahle zaroor shreshthaachaari banenge; kyonki pahle jo bhi aaenge vo pahle satopradhaan hai yaani shreshthaachaari hain । peechhe bhrashtaachaari hain । satopradhaan se sati, sato se rajo rajo se tamo । sabko aise maana har ek cheej ko- makaan ko, jhaad ko, koi bhi cheej ko uthaao to pahle satopradhaan peechhe sato rajo tamo । yeh to sabko hona hi hai ।...barobar sivaay parampita paramatma ke is saare manushya srishti ko shreshthaachaari kaun banaave? pichhaadi bhi to chalti hai na । shreshthaachaari sabko banaate hain na । aise to nahin, sabko shreshthaachaari koi svarga me le aaega । nahin । sabhi aatmaon ko jo bhrashtaachaari ban gai hai, jo tamopradhaan ban gai hain, un sabko phir shreshthaachaari zaroor banaate hain arthaat satopradhaan zaroor banaaenge । satopradhaan hone bigar, pavitra hone bigar to koi aatma vahaan pavitra duniya mein ja nahin sakti hai । to aise kahenge ki sabko patit paavan-to zaroor sabhi aatmaaen paavan banti hai na । phir dekho, samjhaaya jaata hai sabhi aatmaon ko, nambarvaar har ek dharmavaalon ko । dekho, unmein bhi to aise hi hain na । Christ hoga to unki aatmaao ko achha part mila hua hai । pavitra to sabhi bante hain ।phir aa jaate hain part ke oopar ki barobar Christ ko part sabse achha mila hua hai । jaise abhi baap ko to hai hi sabse achha । vo to hai hi creator daairektar । vo to ekdam sabse jaasti hai । peechhe part kisko achhe te achha milta hai? phir yahaan brahma aur vishnu, inka part achha hai । unka to part vinaash ka hai । vo to chhod do, srishti ko to badalna hai hi hai । kaliyug ke baad satayug aana hi hai । gaaya jaata hai na ye vinaash jvaala is eeshvareey yagya se prajvalit hoti hai । abhi shankar ka naam kya hai? kuchh aata hai? ye to mahima dene ke kaaran ''brahma, vishnu, shankaran” । vinaash to hota hi hai, draamaanusaar aapas mein ladte hain; parantu kiska naam to karen na । kis dvaara? to barobar yahaan gaaya hua hai । chitra hai na । chitra ko bhi to samjhaani deni padti hai । chitra to hai, parantu zaroor kuchh inmen samjhaani hai । samjhaani bigar to koi chitra koi kaam ka hi nahin hai । koi bhi in chitron ke occupation ko to jaante nahin hain । baap aa karke samjhaate hain ki barobar brahma dvaara... । ye trimoorti ki jo itni mahima yahaan chali aa rahi hai ''brahma, vishnu, shankaran, teen devtaaen, to zaroor unka bhi occupation to hai na । ab shankar ko gum to nahin kar sakte hai na; kyonki shankar hai । to shankar ke liye phir ye kaha jaata hai- shankar ko to yahaan aane ka hai nahin kuchh । na koi shankar kone baith karke paarvati ko katha sunaai hai । aisi to koi baat hi nahin hai । abhi tum anubhvi ho, jaante ho ki shankar vahaan rehte hain । kaha jaata hai unki prerna se, gaaya jaata hai ki vo aankh kholte hain to vinaash ho jaata hai । barobar unka is samay mein vo hi hai ki vo koi vinaash nahin karte hain; par jaante ho ki vinaash kaise hota hai । so to tum jaante ho । aapas mein lad karke । to baap aise hi kahenge na- main sthaapna, vinaash, paalna karaata hoon । karnakraavanhaar jo hai, to unka bhi to arth chaahiye na । to unka arth bhi baith karke samjhaaya jaata hai ki barobar brahma dvaara, brahmaakumaar-kumaariyon dvaara, kaun? paandav government ka jo head hai, bhagwan jisko kaha jaata hai । bhagwan koi krishna ko nahin kaha jaata hai na । krishna ki aatma hi to is samay mein patit hai na । to phir bhagwan aa karke krishna ki aatma ko paavan banaate hain । to goya krishna ki aatma svayan paavan ban rahi hai । paavan banti ja rahi hai aur phir murli bajaati ja rahi hai । dekho aise hai na- paavan banti jaati hai krishna ke bahut janma ke ant mein । abhi krishna ka bahut janma ka ant ka ant kaho ya brahma ka bahut janma ke ant ka ant kaho । vo aadi, yeh ant । hai to ek hi baat na । aadi-ant sangam ho gaya । to yeh samajhne ki baaten hoti hain na । abhi ye tum bachchon ko badi-badi sabha mein shankhadhvani karke, gajgor karke achhi tarah se samjhaana hai ki bhai, yeh bhaarat aaj se 5000 hajaar varsha pahle, jab sooryavanshiyon ka aadi sanaatan devi devta dharma tha tab yeh ek hi dharma tha aur sampoorn shreshthaachaari tha aur heere jaisa tha, kyonki jab shreshtha the yaani pavitra the to heere jaisa tha । ab inko bhrashtaachaari kisne banaaya? kab se shuru hua bhrashtaachaar? kisne kiya? bhai, yeh paanch vikaar roopi raavan ne । unhonne in sabko is samay mein; kyonki isne banaana shuru kar diya । kisko? pahle-pahle shuru karenge inko । sanyaasiyon ko thode hi karenge । nahin । pahle-pahle bhrashtaachaari banna shuru hote hain ye bhaaratvaasi । peechhe aate hain doosre । aate rehte hain, vo inko thoda-thoda thamaate hain, shreshthaachaari banaate hain । sanyaasi na hote to phir yeh bhaarat bahut bhrashtaachaari ban jaata । sanyaasi thamaane ke liye aate hain । to sanyaasiyon ki bhi to mahima hai na । to jaise mahima hai devi-devtaaon ki, taise mahima hai sanyaasiyon ki । to jaise devi-devtaao ki abhi koi mahima nahin hai; kyonki patit ban gae hain, bhrashtaachaari ban gae hain, zaroor taise doosre dharma vaale bhi chal-chal karke pichhaadi me aa karke bhrashtaachaari bante hai । jabki pahle dharma vaale hi bhrashtaachaari, jo apan ko gaate hain, kehte hain ki barobar bhrashtaachaar ho gaya hai, unko maaloom nahin hai ki koi 5000 varsha ke pahle yahaan shreshthaachaar tha । vo pata hi nahin hai un logon ko? kyonki sabhi mein ulta likh diya hai । to aise sabhi jo bhi pahle-pahle dharma aate hain, vo pahle-pahle shreshthaachaari, pichhaadi mein vo bhi bhrashtaachaari ban jaate hain । to unko bhi yeh maanna chaahiye, tab jabki tum samjhaaenge ki barobar pahle-pahle devtaaen shreshthaachaari the । pahle-pahle jo dharma hote hain vo shreshthaachaari hote hai, peechhe vo satopradhaan se sato rajo tamo mein zaroor aana hota hai । aise sanyaasiyon ko bhi aana hi padta hai, isliye vo bhi bhrashtaachaari hai । to jabki sabhi bhrashtaachaari ho gae hain, abhi to sabhi patit ho gae hain, tabhi to us patit-paavan ko yaad karte hain na । to paavan duniya hai hi shreshthaachaari । to paavan duniya banaane vaala kaun? vo to kehte hain patit-paavan hamaare parampita paramatma hi hain । abhi unko yeh to pata nahin hai ki kaun hain? vo to likh dete hain- seeta-raam, phir thok dete hain raghupti raaghav raaja raam । to raam aur raghupti to phir treta mein ho jaate hain । usko bhi treta mein to le aate hain । phir vo krishna ka aur yug banaay diya hai । nahin to raadhe-krishna aur lakshmi-naaraayan ka yug pahla hai । unhonne unko dekh karke aur dvaapar mein ek yug banaay diya hai jismen krishna ko diya hai । to dekho andhadhundh bhrashtaachaari ban gae na; kyonki shreekrishna ko jab bhrashtaachaari bana diya to sabhi bhrashtaachaari ho gae hain । to tum bachchon ko bahut achhi tarah se ye service mein lagna hai, thak nahin jaana hai । tum logon ko abhi shreshtha banna hai auron ko shreshtha banaay । thak jaaenge to phir bhrashta ke bhrashta ban jaaenge aur tum jaante ho ki jo ye dhandha karte, bhrashtaachaariyon ko shreshthaachaari banaate, agar khud bhi phir bhrashtaachaari ban jaate hain to durgati ko paate hain aur tum jaante ho ki barobar thak jaate hain, jo kehte hain na a raat ke raahi, a svarga ke raahi thak mat jaana'' । abhi tum jaante ho ki barobar thak jaate hain, aashcharyavat phir vo chalte-chalte thak jaate hain । to thak jaane se phir kya hota hai? thak jaane se jis raste se gae phir us raste par vaapas aa jaate hain । dekho, abhi yaatra par manushya jhunda ke jhunda jaate hain na । abhi dekho, bahut gae aur vahaan bahut barsaat aa karke padi jor sebilkul.. । toofaan, barsaat koi sahan na kare, koi sahan kar sake । to bahut hi laut karke aa gae । laut karke aa gae to usi jagah mein aakar pahunche na । yaatra par to nahin pahuche na । jaate the paavan jagah mein, phir laut karke usi patit jagah mein pahunche । to yahaan bhi kya hoga? he raahi, agar tum phir haanth chhod diya aur bhrashtaachaariyon ko shreshthaachaari na banaaya aur vaapas ho gae to phir vahaan bhrashtaachaari ban jaaenge; kyonki tum laut karke aae na, kaayar ban karke aae na ki main nahin chal sakoonga । yaani misal to aise hota hai na- main svarga taraph nahin chal sakta, main yaatra nahin kar sakta hoon । mujhe maaya ke bahut toofaan aa gae hain । radi bhi karte hain । to dekhte ho, toofaan bigar to koi laut aave nahin । jisko maaya ka toofaan bahut lagta hai vo laut karke phir usi jagah mein aa jaate hain । usi jagah mein aa jaana hai jahaan ki pahle the । dekho, vaapas aa gae na । aashyarchavat chalte-chalte, shreshthaachaari bante-bante agar phir bhrashtaachaari ban gae to phir apne baap ki ninda karaai na ki are! ye chalte-chalte thak jaate hain । thak karke vaapas aa gae । usi jagah mein aa jaate hain jis jagah mein aae । bas, phir kya hua! hamaari yaatra hui? aise to nahin hai ki yaatra phir koi doosre baras mein ya teesre baras mein karenge । vo to hui jismaani yaatraaen । yeh yaatra to aisi hai jo chalte chalo । agar munh pher diya to phir bhrashtaachaari ban jaate hain । munh to pherte hain na । kal chitra mein bhi to bataaya na ki raam ki taraph se munh pher diya, parampita paramatma ki taraph se munh pher diya aur vaapas aakar baith gaya, vo shreshthaachaari dhandha chhod diya to phir bhrashtaachaari ban jaate hain । dekho, bante hain na aise । chalte-chalte phir vo thak jaate hain, phir vahi aur hi jaasti bhrashtaachaari ban jaate hain । samjha na । ek to bhrashtaachaar karenge, doosra jo bahuto ko nuksaan pahunchega, kyonki jo shreshthaachaari bante hain vo bahuto ko shreshtha banaate hain aur phaayda pahuchaate hain aur jo phir bhrashtaachaari bante hain so phir auro ko bhi nuksaan karte hain । hote hain na! to isliye tumhein shreshthaachaari banne ki raah se lautna nahin hai । achhi shankhadhvani karte raho । government ko bhi shankhadhvani karo । daro mat, kaayar mat bano । bade-bade bhaashan karo । jabki government khud hi bhrashtaachaari hai to zaroor koi aur government chaahiye । to barobar bhrashtaachaariyon ke oopar phir paandav government jinhonne shreshthaachaari government banaai hai । vo paandav government kaun hai, vo hai brahmaakumaar aur kumaariyaan । dekho, paandav government mein to yahaan brahmaakumaar aur kumaariyaan aaenge na । prajaapita brahma, unki bachchi ho gai brahmaakumaar aur kumaariyaan । vo kiski pautri hain? shivbaaba ki । to sarvashaktivaan ho gaya na । to sarvashaktivaan apne pautra aur pautriyon dvaara; kyonki bachcha to ek hai na- prajaapita brahma, to un apne brahmaakumaar-kumaariyon dvaara; kyonki tum bahut ho na, vo to ek baap ho gaya, tum to shakti sena ho gai na ।..tum jaante bhi ho ki barobar ham khud bhi jo bhrashtaachaari the ab shreshthaachaari ban rahe hain । bhrashta aur shreshtha kaha hi jaata hai patit aur paavan ko । to barobar ham patit se paavan ban rahe hain । kis dvaara? us patit paavan dvaara । vo ek aur paavan banne vaali to bahut bachchiyaan hongi na । to bahut ka naam hai prajaapita brahma ke bachche brahmaakumaar aur kumaariyaan । unka dhandha hi hai, to tum bataaenge na, ham jo brahmaakumaar-kumaariyaan hain jo shivbaaba ke pautra aur pautriyaan yoon hai sabhi, parantu jaante nahin hain apne baap ko, ham to jaante hain । ham unhon ki mat dvaara, shreemat dvaara, jo bhrashtaachaari bhaarat hai unko shreshthaachaari banaate hain । to shreemat se shreshthaachaari un bagair kabhi koi ban nahin sakte hain aur bas vahi shreemat aur unko gaaya bhi jaata hai- shri shri 108 jagatguru । yeh rudramaala bhi unke naam par hai । koi sanyaasiyon ke naam par to nahin hai । nahin, vo to tum kah sakte ho ki vo svayan bhrashtaachaari hain । samjha na, kyonki vo parampita paramatma jo is bhaarat ko shreshtha banaate hain, vo unse bemukh karke apan ko kah dete hain- ham hain jagatguru । jagat yaani saari srishti ko, guru hai sadgati dene vaala । baap kehte hain- aise guruon ko chhod do । jaisi government bhrashtaachaari, vaise unke guru bhrashtaachaari ho gae । vahaan to koi guru hote hi nahin hain; kyonki shreshthaachaariyon ko guru ki to koi darkaar hai nahin bilkul hi । samjha na । jabki shreshthaachaari banaay diya phir guru ki darkaar nahin hai । to vahaan koi guru hote hi nahin hain । to dekho kisne banaaya? satguru ne aise banaaya, na ki kalayugi anek guruon ne । yeh sabhi bhaashan ke liye ek to dhaarna chaahiye । ab yeh to sab bachche jaante ho ki haan, ismen bahut hain, jo kuchh bhi nahin dhaaran kar sakte hain, kuchh bhi nahin samjha sakte hain । to zaroor unka pad bhi aise hi kam hoga । service kam, to pad bhi kam । saara madaar hai bachchon ke service ke oopar । to jo-jo achhi tarah se shankhadhvani karenge - aur shankh chaahiye bahut; kyonki baba bhi merciful, ham bachche bhi merciful । jaaven, shankhadhvani karen । kahin se bhi chance mile, koi first class nimantran milte hain to chalo, unko bhi bhrashtaachaar ko shreshthaachaar banaaven । to pahle to maataaon ka kaam hain na! pahle hai tum shaktiyon ka, bachchiyon ka kaam । san and daughter shows father and mother । yahaan mother and father hain na' to mother and father to baap ko hi kahenge na । to barobar hamaara pharja hai, hamko taras aata hai ki jo bhrashtaachaari hain unko shreshthaachaari banaaven । jab murli sunte ho na to tum logon ko shauk aata hai ki ham aise ja karke aur aise murli bajaave; parantu jinko murli bajaane ka shauk nahin hota hai vo bas suna aur thanda । garam hona chaahiye na । bas, abhi ham baadal bharen । points badi achhi hai । ham jaakar shankhadhvani karen । abhi shankhadhvani karne vaale ki taakat chaahiye na । sab to shankhadhvani nahin kar sakenge । taakat chaahiye ki yeh jo tum log kehte ho bhrashtaachaar-bhrashtaachaar, pahle samjho to sahi ki shreshthaachaar kisko kehte ho ya kehte ho pees-pees-pees । pees thi kab? pees kaun sthaapan karne vaala hai? koi manushya thode hi pees sthaapan kar sakte hain । bhala pees kab thi? kis pees ko tum log chaahte ho? ye kalhayug me anek bhrashtaachaari dharma hain । vahaan pees kaise hogi? to barobar pees thi, tab jabki baap ne aa karke in raavan dvaara ye jo peeslesnes hai uska vinaash kiya tha । ye sabhi raavan sampradaay ko to vinaash hona chaahiye na । to barobar gaaya hua hai ki ''raam gayo raavan gayo ।' 'kab? jab mahaabhaarat ki ladaai lagi । ''jinke bahu parivaar ', to barobar jo bhrashtaachaari se shreshthaachaari bana rahe hain, to thode ho na । raam ki sampradaay to thodi hai na । unmein bhi dekho kitne nambarvaar hain । koi itna shankhadhvani karne vaala majboot nahin hai । bechaare phanse hue hain, koi kiske moh me, koi kiske moh mein aur kahne maatra to bas kehte hain- haan baba, aap patiyon ka pati hai; parantu patiyon ke pati ko yaad karti hain aadha ghanta, paav ghanta aur baaki saara din yaad karti hain un patiyon ko । abhi bechaare un pati ko kitna yaad karne se unka vikarma vinaash hoga jo) raat-din apne patiyon ko, mitra-sambandhiyon ko yaad karti hai? yaad karti hain bahut hi ; kyonki unke saath rehti hain na । inke saath to rah nahin sakte hain । haan, inke saath rahen, parantu rahne ka hukm nahin hai । vo kehti hain- nahin । yahaan to baba jaante hain ki tum rah jaao; parantu yahaan bhi maaya aisi hai 25 baras bhi rahne vaali ko ghoor bhi gyaan nahin hua hai । ghoor bhi shreshthaachaari nahin bane hain jo koi ko shreshthaachaari banaaenge । aur hi bhrashtaachaari ban gae hain । shreshthaachaari nahin aur hi bhrashtaachaari ban gae hain; kyonki maaya hai na phir । yahaan agar koi rah shreshthaachaari na bane to maaya aur hi bhrashtaachaari bana deti hai । naak se pakadti hai aur phir bhi dekho sang dosh bhi hai । bhrashtaachaari se kiska shreshthaachaari ka sang na ho । -sang taare kusang bore' । bada rang lagta hai । anubhav kehta hai- agar koi sarvisebul nahin hai aur phir sarvisebul ke saath raha pada hai to vo disservice vaale ka rang service ke oopar bhi pad jaata hai । ye bhi dekha gaya, anubhav bhi aise kehte hain ki barobar. sag taare kusag bore । abhi yahaan to tumhaare paas sang bhi achchho ka hai, to kusang ka bhi hai । raamraajya mein barobar sang bhi tha, kusag bhi tha; jislie phir dekho vo grahchaari lag jaati hai । to sang bhi bada kharaab hai । ismen badi khabardaari karna chaahiye । maaya aisi hai jo pata bhi na pade kisko ki barobar hamko koi maaya kaat rahi hai । kisko bhi pata na pade, aisi chatur hai maaya । jaise chooha chatur hai na । ghar dhani hai na । to is samay mein ghar dhani raavan hai, is ghar-bhaarat me । are! vo aisa ustaad hai, pata bhi kisko na pade, bilkul hi ekdam thanda kar dete hain । service ka shauk hi uda dete hain । maaya aisi kadi hai । ..... shivbaaba kehte hain bachchon ke liye । aise nahin koi samjhe ki baba hamko kuchh kehte hain । nahin, shivbaaba kehte hai bachchon ko । inke oopar dosh nahin lagaao । baba to kehte hain na- inko koi samjho hi nahin । shivbaaba hi samjho ki barobar shivbaaba lalkaar karte hain ki shanktiyon abhi tumko to saare bhaarat ko..... tum government ho na । ekdam kaho ki ham to paandav government hain; kyonki brahmaakumaar aur kumaariyon hain । are! krishna ka to kumaar-kumaariyaan ho bhi nahin sakti hain na । krishna ne kisko vahaan baith karke samjhaaya? vo to satayug vaalaaprins, kaliyug mein kahaan se aaya? aur yaad to patit-paavan ko karte hain na । bhrashtaachaari, jo shreshthaachaar sthaapan karne vaala hai, unko yaad karte hai ।dekho, ye vaani chalti hai, koi-koi to akhbaar bhi likhte hai । samjha na । to akhbaar banaane vaale bhi koi to baba ke paas achhe shreshthaachaari hain, koi svayan bhi bhrashtaachaari. । phir jo achhe vaale honge so achhe likhenge । jinka nishchay poora na hoga vo ulta likh denge । yeh maaya aisi hai aaj nishchay hai, kal sanshay aur phir kal sanshay hai, aaj nishchay, kyonki kisko kuchh bhi sanshay hai, ek second mein lag jaae to nishchay ho jaata hai ki haan, barobar yeh to baap hai, parantu phir bhi nishchay vaale ko maaya phir apne taraph sanshay banaane ke liye kitni mehnat karti hai । dekho, kaise-kaise achhe-achhe nishchay buddhi, aa karke yahaan rahne vaale, ekdam badi mahima karne vaale, vo akhbaaron mein chhapaane vaale, aaj dekho hain nahin । maaya ekdam ek hi thappad aisa jor se maarti hai, munh hi pher deti hai ekdam । to baba kehte rehte hain- bachche, maaya badi dustar hai । agar tum baap se koi bhi gaphlat ki ya unse kuchh ulta-sulta ya yog toda ya kuchh ninda ki ya phalaana ki to ek hi thappad lagega aur munh ekdam pher dega । phir kaala munh ho jaaega । gore ke badle mein vahi kaale ke kaale rah jaaenge; kyonki baba aaya hi hua hai kaale munh vaale bandaron ko gore devta banaane ke liye । yahaan ke sab bandar hain na । shivbaaba bolte hain na ki raam ne bandaron ki sena li । phir bandar to udhmi hoga na । barobar is srishti mein is samay mein shikal hai manushya ki, seerat bandar ki, bhrashtaachaari ki । phir yahaan jo manushya hai, shikal manushya ki, seerat phir devtaaon ki । abhi soorat hai barobar। naarad ka misaal dikhlaaya na ki dekho, naarad bhagat ki shikal to kaisi achhi hai, parantu seerat aisi kharaab hai- bandar । to ye sabhi drishtaanta vagairah bhi yahaan ke hain । to abhi bhi tum apne ko dekho, to barobar ham so devta ban rahe hain, ham shankhadhvani kar rahe hain । abhi ham shivbaaba ko yaad karte hai aur svarga ko yaad karte hain । kitna yaad karte ho? are! tumko to purushaartha karte-karte-karte bas unki yaad rahe pichhaadi mein । aise na ho ki koi doosri yaad aa jaave । doosri yaad aai to mila janma, khaai sajaaen । to baba ne samjhaaya hai । manushya to jaante nahin hain ki sajaaen kaisi milengi itne thode-se samay mein । are! bachche, jo shivkaashi ke oopar bali chadhte the na, unke sabhi vikarma vinaash hote the । kaise vinaash hote the? saja khaakar; kyonki yog to vahaan hai nahin, gyaan to koi hai nahin । yogaagni se to vikarma vinaash ho na sake । doosra koi upaay nahin । to phir unka vikarma kaise vinaash hota hai? vo saja khaate hain । khaate-khaate phir...vaise tum bhi aise hi ho jaaenge, agar vikarmaajeet na bane, yog na lagaaenge । jo isko patiyon ka pati kehte ho na...., to unse vahaan hataana padta hai । are! maasi ka ghar thode hi hai ।.....tum abhi vishwa ka maalik bante ho । jin lakshmi-naaraayan ko tum poojte ho aur aadha kalpa pooja hai, abhi tumhaari ye aash poorn karte hain, tumko phat se svarga kaamaalik banaate hain । dekho, yahaan bhi praja to common hai na । dekho, vajeer, preseedenta jaate hain, unki kitni mahima hoti hai । minister jaate hain kitni unki risipshan hoti hain, taaki bhent ho jaae.... । pharka to hai na । sabhi bachche dekho yahaan bhi purushaartha karte hain, hamesha padhte hain to bhi oonch pad paane ke liye । to yeh to purushaartha sabhi karte hain । vyaapaari bhi aise karte hain ki hamko dhan bahut mile, padhaai vaale bhi kehte hain- dhan bahut mile । sampatti ke liye maara-maari; parantu jahaan vikaar ki maara-maari hai vahaan unko sampatti ka to sukh mil nahin sakta hai । yahaan tumhaari maara-maari har ek baat ke liye hai- ham dhanvaan bhi banen, aayushmaan bhi banen, putravaan bhi banen । tumhaari maara-maari ismen hai, sulti । vo ulti । tumhaara raat-din yahaan chalta hai ki abhi ham baap se poora varsa leven, poora shreshthaachaari ban jaayen । ham jaante hain ki bhrashtaachaari bandar the aur bandariya the । ab ham shreshthaachaari devi-devta ban rahe hain । are, bhaarat mein to the hi ye । itna bhi nahin samajhte hain ki barobar..... nahin to shreshthaachaar, bhrashtaachaar ab tak aur koi jagah mein hai nahin । ye bhaarat mein hai । kyon? barobar yahaan bahut shreshthaachaar tha, bhaarat svarga tha । abhi vahi bhrashtavaadi । kaun shreshtha svargavaasi the, kaun narkavaasi bane, yeh to koi ko pata nahin hai । vo kehte bhi hain aape hi poojya, aape hi pujaari । parampita paramatma ko to pujaari kabhi nahin koi samajhte hain; parantu sarvavyaapi ke ek kaaran se bechaare pujaari ban gae । sab pooja karte hain, to bola- bhagwan pooja bhi karte hain, sab kuchh karte hain, vikaar bhi karte hain । to dekho, bhrashtaachaari bhi poore ban gae hain । baba kahenge- in samet tum log sab ban gae the । phir ye kehte the barobar bhrashtaachaari ban gae the, ab ham so shreshthaachaari jo the so phir shreshthaachaari ban rahe hain । apan aise kahenge । kaun bana rahe hain? baap bana rahe hain hamko phir so shreshthaachaari । to tum bhi aise shankhadhvani karo । achhe-achhe jo mahaarthi log hain । nambarvaar to hain hi । koi-koi to kya hain, jaise bakriyaan, read hain, pet ke pujaari, bas unko khaana chaahiye । koi-koi to aisi brahmaakumaariyaan hain, bas khaana chaahiye, doosri baat sunti nahin hain ekdam । aise bhi hain murde । achha-achha khaana chaahiye, aaraam chaahiye । yaad rakh lena, achhi-achhi brahmaakumaariyon ke oopar yeh grahchaari bhi baith jaati hai । samjha na । phir service thandi ho jaati hai; kyonki maaya badi yukti se phoon phoon phoon karti hai ,thanda ekdam, khatam ho jaati hai । nahin to dekho service kitni karni chaahiye । chakkar lagaana chaahiye na । ek jagah mein thode baith jaana hai । badi-badi nadiyon ko to khoob chakkar lagaana chaahiye; parantu chakkar lagaane se bhi aajkal sab darte hain । ek jagah mein aaraam rehta hai । kaun jaave, dhakka khaaye, yeh kare, vo kare । to aise nahin, aise banne se phir vo jo samajhte hain ki ham number one mein aaenge, tu mein aaenge, thi mein aaenge. brahmaakumaariyo ka jo maala ka number tha jo bante rehte the aur gaate rehte the- phalaane aath number mein jaaenge, phalaane chaar mein, phalaane teen number mein jaaenge । phalaani teen number vaali vo dhool mein bhi chali gai, jahannum chali gai ekdam । tabhi baba kehte hain na- braahamnon ki maala thode hi banti hai । aaj dekho to aasmaan, kal dekhe to ekdam paataal । nahin to tum brahmaakumaariyon se poochho । ham maala banaate the- areye phalaani teesre number mein aaegi, yeh pahle number ki shahjaadi hai । yeh shahjaadi shahjaada banega । nashahjaadi hai, na shahjaada hai । neeche pad gae । to isliye maaya chhodti nahin hai । jo achhe-achhe pahalvaan apne ko samajhte hain, chhipa-chhipa kar aisa chakkar maarti hai, danda maarti hai, isliye bachchon ko bahut khabardaar rehna chaahiye । sang bada kharaab hai । tum dekhte ho yahaan bahut achhi-achhi aati hain । koi bhrashtaachaariyon ke sang mein, chhateliyon ke sang mein unki buddhi hi betaali ho jaati hain । dekha jaata hai barobar । asar lagta hai । to jabki yahaan vaalon se hi.... .to baaki jo ghar mein rehte hain... । dekho, ghar mein rahne vaale grihasthiyon ko kitni museebat hai, kitna sang hai unko । to isliye gaaya jaata hai kam se kam saat roj to beshak aave; parantu aise nahin ki khaana khaane ke liye aave aur chale jaave । aise to bhookh vaale bahut hain । aaenge, bolenge- achha, hamko koi prabandh do to ham saat roj yahaan aaenge । thag to bahut hain na । bolenge- saat roj humein yahaan maal mil jaaega, ismen kya nuksaan hai! to thagi bhi bahut hai na । badi sambhaal karni hai । bade gundebhi log hote hain, baat mat poochho । aasuron ki duniya hai । bhale shikal unko aise nahin di hai, jaise muh mein daal karke asuron ka shikal banaate hain na । baaki nahin, shikal-soorat kya hai? are, vo to jo aeroplane mein photo nikle the na, vo nikaalkar unhonne asuron ka sach banaay diya hai । baaki hai to manushya । ye dekho, tum jaante ho ki ham devta the, is saare bhaarat ke maalik the aur koi bhi nahin tha । ab to dekho kya ban gae hain । to tum bachchon ko yeh maaloom hai । to baba kehte hain- dekhoapne mein koi bhi avgun aae- service, service, service, kyonki haddi bhi deni hai । yahaan koi aaraam karne ke liye abhi nahin baithe hue hain । vaail ki saadi pahnenge aur phalaana karenge to buddhi bhi vaail ki saadiyon mein chali jaaegi । tumko shuruaat mein baba ne kaha tha aath chatti vaala aur yahaan to aajkal koi achhi kapda na hove to ''shi,,,,, phu......- aise karne lag padte hain । vo sang ka rang lagta hai na । inko vo kyon hai? aajkal paai paise vaali braahamni, jinmen koi dam nahin hai so phir unch vaali braahamni se rees karti hain ki dekho, inko hai na, phir hamko? are inko hai, ye service karti hai । to bhi unko bhi raaji karne liye kyon na apne halke hi pahnen, nahin to abhimaan aata hai ki hamko vaail ki saadi padi hai । vo bhi abhimaan aa jaata hai । nahin, poshaak bhi poori honi chaahiye । aajkal to dekho bahut nikal pade hain na- nillaan noylaan phalaana phalaana । bhai, aisi saadi pahne jo kabhi dhone ki takleeph na ho । takleeph to tum logon ko bahut achhi leni hai, nahin to ahankaar aa jaata hai । rees ho jaati hai peechhe । rees kam thode hi hai- ye phalaana aisa kapda pahanti hai, ham kyon nahin pahnen? phalaana ye karti hai, ham kyon na pahnen? baba saint daalte hain, ham kyon nahin daalen? aise bhi to race hoti hai na । har baat ki phir race kar dete hain ; isliye brahmaakumaariyon ke oopar to bada bojha hai paap ka । brahmaakumaari jo achhi-achhi hai vo agar koi gaphlat karti hai to unke oopar bada danda padta hai । peechhe vo avastha hi koi kaam ki nahin rehti hai । koi service nahin hoti hai,kyonki maaya hai na । kamaai mein grahchaari zaroor lagti hai । aise mat samjho, nahin lagti hai । dekhte ho, bahut grahchaari lagti hai, aisi grahchaari jo raashtra ki grahchaari aa jaati hai । mangal ki dasha ban jaati hai । bilkul devaala ekdam । vo aisa devaala hai, jo chalte-chalte bolte hain- abhi hamko jaana hi nahin hai । hamko svarga mein jaana nahin hai, nahin hai, nahin hai । aise bhi kar dete hain । hamko to narka mein hi rehna hai, rehna hai, rehna hai, gota khaana hai । aise bhi bukh jaate hain aur barobar practical mein, tum logon ko bataaya na ki kitna din, kitna vo saakshaatkaar le aati thi । ham, mama tum bachche, vo jo programme le aate the, unmein ham baith karke rehte the । vo head ho karke banti thi, najar karti thi, kyonki baba unko drishti de dete the- kaun theek baithe hain, kaun yog mein baithe hain । vo baith karke drishti deti thi baba ki praveshta se, madad se । teacher ban karke baithti । vo aajkal bilkul hi gutter.... । aisi-aisi first class-first class । to achhe-achhe first class-first class bhi gir padte hain । anhakaar aa jaata hai na । anhakaar koi bhi nahin aana chaahiye । koi centre kholte hain, unko bhi ahankaar aa jaata hai- mainne centre khola । mara ekdam । are nahin, yeh to shivbaaba ne hamaare se centre khulvaaya । shivbaaba ne, karnakraavanhaar ne mere dvaara centre khulvaaya meri sadgati karne liye । mainne khola, yeh kah denge to vo tumhaare oopar padega । tumhaari dasha tumhaari avastha kamti ho jaaegi, agar jhoothi rikmendeshan ki to । agar officer jhoothi rikmendeshan karte hain to officer ke oopar case chal raha hai । maaloom hai tumko? kaho, sikandaraabaad se kaun aae hain? phat dil bhi lag jaati hain; kyonki unki seva karti hain to unko bhi rikmenda kar dete hain, yeh bhi bahut achhi hai । koi baasan maanjati hai, koi unko snaan karaati hai, koi unko. pilaati hai, koi maathe par maalish karti hai । phir unko bhi pasanda karke certificate de deti hain । aise nahin karna kabhi । seva lene ke kaaran bahut brahmaakumaariyaan jathar ban jaati hain, aadten pad jaati hai । phir jo koi baahar vaale dekhte hain na, bolte hain- ye to mahaaraani ban gai hai । yahaan daas-daasiyaan rakh diya to phir vahaan nahin milega । jo yahaan daas-daasiyaan rakh deti hain na service ke liye phir unko vahaan nahin milte hain । to yahaan khabardaari bahut chaahiye । jaise karma karte hain, dekh karke aur bhi karne lag padte hain । are bachchi, sambhaal chaahiye yahaan । achha hai na, mangalam bhagwan vishnu... । dekho, tumko vishnu ka banaate hain mangal ke din bhagwan... । are bachchi, mujhe nahin khilaao roj hir gai hain sab khaane ke liye । mujhe injection.... । baapdaada ki meethe-meethe sikeeldhe sarvisebul nambarvaar purushaartha anusaar bachchon ko yaad pyaar । to sarvisebul bhi bahut zaroori hai aur achhi service ।