Sakar murli du lundi 26 octobre 1964

> >

26-10-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj somvaar aktoobar ki chhabbees taareekh hai, praatah class mein baapdaada ki murli sunte hain।

record -bachpan ke din bhula na dena…

omshaanti । bachchon ne meetha-meetha geet suna । behad ka baap arthaat parampita paramatma bachchon prati samjhaay rahe hain । usko hi kaha jaata hai shri-shri yaani shreshtha te shreshtha । shri-shri do dapha hai na । shreshtha te shreshtha । shivbhagvaanuvaach ya rudrabhagvaanuvaach । rudra to parampita paramatma ko kaha jaata hai, shiv bhi parampita paramatma ko kehte hain । to parampita param aatma is shareer dvaara apne bachche aatmaon ko samjha rahe hain । yahaan koi saadhu-sant-mahaatma ya koi manushya nahin kahenge ki tum aatmaaen ham tera parampita param aatma maana paramatma tumko iske mukhakmal se samjha raha hai । dekho, gaumukh jaate hain na । abhi gaumukh se gyaan kaise nikle? vo baap hai gyaan saagar । ismen gau mukh se paani ki to baat nahin hai na । aise pakka nishchay karo ki baap aham aatmaon ko baith karke padhaate hain; kyonki yoon bhi agyaan kaal mein aatma hi sab sanskaar leti hai, aatma padhti hai, aatma dhandha karti hai in organs dvaara; kyonki aatma hai avinaashi, shareer hai vinaashi । aatma khud kehti hai ki main aatma ek shareer chhod phir doosra leta hoon bhinna naam-roop, desh-kaal mein yaani satayug mein punarjanma leta hoon, naam-roop phir jaate hain । phir vahaan svarga mein punarjanma leta hoon, yeh iski aatma kehti hai ya baap samjhaate hain - he bachche, svarga mein ho to tum punarjanma svarga mein lete ho । ek shareer chhod phir doosra lete ho । naam-roop, desh-kaal phir jaata hai । baba bahut achhi tarah se samjhaate hain, kyonki koi-koi nae bhi hain, koi-koi yahaan mile bhi aakar nae hain । bachchon ko yeh to pata hai ki bhagwan ka aana hi shivraatri hai, shivbaaba aaya hua hai । hai niraakaar । to ye is rath mein aate hain aur samjha rahe hain ki bachche, tum hamaare abhi bachche bane ho । abhi tumko bahut khushi chadhi hui hai ki ham abhi behad ke baap se is brahma dvaara padh rahe hain) । to unko shareer chaahiye na । aatma kehti hai main shareer dvaara part bajaataahoon । aaj koi carpenter ka part bajaate hain, koi barrister ka part bajaate hain । ye kaun part bajaati hai? aatma; kyonki aatma ko part bajaana hai na । nanga aana hai aur shareer dhaaran karna hai yaani garbha mein jaana hai । baap kehte hain - main garbha mein thode hi aata hoon । main aise thode hi kahoonga ki main parampita paramatma ek shareer chhodta hoon, doosra leta hoon । nahin । main nahin leta hoon tum lete ho, ye leta hai । inke liye kehte hain ki ye leta hai । is aatma ne 84 janma poora kiya hai । ye aatma apne janmon ko nahin jaanti thi । ab is aatma ne apne 84 janma ko jaana hai ।… …abhi aatma ke liye baat karte hain, aatma hi kehti hai - main sooryavanshi gharaane mein janma liya, punarjanma lete aaya । phir chandravanshi gharaane mein punarjanma le aaya ।barobar aatma kehti hai - ham punarjanma lete-lete pahle satayug mein, phir treta mein, phir dvaapar mein, phir kalhayug mein aae, hamne dvaapar-kalhayug mein baap ko bahut yaad kiya - O parampita paramatma! va parampita paramatma ki yahaan patthar ke ling ki pooja bhi ki aur yaad karte rahe । main aatma satayug mein to maalik hoon । kabhi bhi kiski pooja nahin ki, kyonki svarga hai, svarga mein pooja. bhakti nahin hoti hai । bhakti ki phir aadha kalpa । ab baap aaya hua hai । ham unki god mein sharnaagat gae hain । to tum sabhi abhi baap ki god mein gae hain । kaun se baap ki god mein? saakaar dvaara niraakaar baap ki god mein । to baap kehte hain - he bachche । ye eeshvareey janma bhool na jaana । bilkul na bhoolna । kehte hain - baba, ye to mushkil hai । baba kehte hain - mushkil kya hai! tum aatma ho, main tumhaara baap hoon । main aaya hoon tum sabhi bachchon ko patit se paavan banaane । usmein bhi tum to padhti ho । kislie padhti ho? svarga ki raajaai praapta karne । main tum aatmaon ko raajayog sikhlaata hoon । tum sabhi aatmaaen kaan se sunti ho aur dhaaran karti ho । kismen dhaaran karti ho? aatma mein । ye jo gyaan ke sanskaar hain, ye mujh parampita paramatma mein bhi hain; isliye mujhe kehte hain gyaan ka saagar, manushya srishti ka beejroop । yeh kiski mahima hai? unki mahima hai na । to vo aa karke kehte hain ki barobar main sabhi manushya srishti ka beejroop yaani rachta hoon । main paramdham mein rehta hoon । abhi yahaan aata hoon aur aata hoon ek baar, jabki mujhe padhaana hota hai, patit srishti ko paavan karna hota hai । abhi dekho, mujh patit-paavan ko yaad karte hain na । patit yaad karenge na । satayug mein paavan to nahin yaad karenge । vo aise to nahin kahenge - ham sabhi aatmaaen jo abhi pavitra hain, paavan hain, unko patit banaao । aise koi ulti pukaar to nahin karte na । jab patit hain to mujh parampita paramatma ko paavan karne ke liye bahut bulaate hain, aavaahan karte hain, parantu unko maaloom to nahin hai ki main kab aata hoon । main aata hi hoon sangamayug par । aur koi yug par main neeche koi bhi shareer mein bilkul aata nahin hoon । main aata hoon, abhi aaya hua hoon । tum meethe-meethe bachchon ne abhi hamaari god li hai । kislie god li hai? baba, hamko phir se vahaan praacheen, jo sikhlaaya tha, jisse ham devi-deyta bane the ya bhaarat heere jaisa bana tha ya bhaarat paavan devi-devta bana tha jo ab nahin hai, ab patit hai, vahaan abhi ham aapke bachche ban gae hain । isko kaha jaata hai niraakaari eeshvar ki god । god niraakaar ki kahaan se aave? bachche kaise banen? niraakaar baba kehte hain main is tan mein aata hoon । ye jaise ki tumhaari badi mama hai । vo jo mama sarasvati hai jisko jagdamba kaha jaata hai, vo inki beti hai । ye mama nahin ban sakti hai sambhaalne ke liye, paalna karne ke liye । isliye kehte hain ki unko mukarrar kiya hua hai । usko hi jagdamba kaha jaata hai aur unka chitra alag hai । iske shareer ko jagdamba nahin kah sakenge; kyonki vo baba bhi hai to phir mama bhi hai; kyonki in dvaara tumko god mein lete hain । tumko is samay mein zaroor yaad karna hai ki ham shivbaaba ki god mein jaate hain । vaastav mein hai ye maata; parantu maata se koi varsa nahin milna hota hai । varsa phir bhi baap se milta hai । dekho, kitni guhya aur yuktiyukta baaten hain । is maata ki mukhvanshaavli ho na । dekho, kaise achhi tarah se baat karte hain । bolte hain - bachche, aise na ho ki mera ban karke aur svarga ki baadshaahi lene ke liye purushaartha karte-karte kahaan is boksig mein maaya se yuddha mein haar na jaana arthaat bhaag na jaana । ye eeshvareey bachpan bhulaana nahin । agar bhulaaenge to rona padega । ye bachpan kabhi bhi nahin bhulaana । ham eeshvareey god ki santaan hain । ye mama hai, parantu iska shareer hai purush ka; isliye brahmaakumaari sarasvati, jisko phir jagdamba kaha jaata hai, vo inki paalna karti hain । ye kaise paalna kar sake? to kalash barobar pahle isko milta hai; kyonki pahle ye kaan sunte hain । peechhe phir number mein hai jagdamba, jo in sabki sambhaal karti hai । abhi ye gupta hui na । kitni gupta baaten hain! achha, baap kehte hain - bachche, ab ham aaya hoon tum sab bachchon ko vaapas le jaane ke liye, kyonki jabki main sangamayug par aaya hua hoon, to vo sangam bahut chhota hai । usko kaha jaata hai leap yug । jaise ek dharmaau maas hota hai na । kya akshar hota hai? usko purushottam maas kehte hain । ye hai purushottam yug । yaani uttam te uttam purush banna । abhi purushottam maane uttam te uttam purush kaun-sa? purush phir ye hai । purush hai to stri bhi chaahiye na । isliye iska naam hi hai purushottam yug । yaani nar aur naari oonch te oonch bane । kis dvaara? baap kehte hain - mere dvaara oonch te oonch bante hain; isliye mera bhi shri-shri hai । shreshtha te shreshtha । to aisa manushyon ko banaata hoon । pahle aatma ko, jo patit hai, unko paavan banaata hoon । phir jab patit se paavan banti hai to vo aa karke aisa purush purushottam aur purushottamni bante hain । isko purushottamni bhi kaha jaata hai; parantu bachche, abhi ye jo tumhaara jeevan hai, jo inko banaaya hai, kyonki ye hain vichitra maat-pita । inka apna chitra hai nahin । baba ne samjhaaya hai ki brahma vishnu shankar devtaaon ka bhi chitra hai, inka chitra nahin hai । isliye vo bolta hai - mujhe prakriti ka aadhaar lena padta hai yaani inka 5 tatvon ka jo shareer bana hua hai, inka mujhe aadhaar lena padta hai ।. … kehte rehte hain ki bachche, abhi deh sahit jo bhi tumhaare sambandh hain in sabko bhoolte jaao । deh puraani hai na । is deh sahit jo tumhaare sambandh hain, guru-gosaaeen, kaaka maama chaacha in sabko bhoolte jaao aur mere saath yog lagaate raho; kyonki bhaktimaarga mein tum kehte aae ho - aur sang buddhi ka yog tod ham tum sang jodegi । akshar hai na - aur sang tod tum sang jodegi । barobar akshar to hai na । ham baap ke bachche hain । baap ki jo sthaapnaaen svarga hain unke ham maalik banenge । isliye kya karo? maamekam yaad karo । yeh hui buddhi ki yaatra athva aatma ki yaatra; kyonki man-buddhi aatma mein hain । dhaaran sab aatma karti hai, shareer kuchh nahin karta hai । shareer to jad hai । unmein aatma padti hai to chaitanya hota hai । aatma na pravesh kare to jad hai । dekho, aatma nikal jaati hai to shareer murda jaise pada rehta hai । vo to braahamnon ko pitar vagairah khilaate rehte hain । kiska? apne baap ka । abhi baap to nahin aate hain na, baap ki aatma aati hai । kya karne? kehte hain - vaasna le jaaegi । samjha na! ye jo braahman ki aatma jismen hai, vo jo khaaegi, vo jo aatma hai so aa karke vaasna le jaaegi ।… kabhi-kabhi jinki stri bhi aati hai na । bulaate hain to stri mein aate hain । phir vo samajhte hain ki hamaari stri ka soul aaya hai; parantu agyaanvash mohvash vo kabhi-kabhi unko daan karte hain । koi-koi saahukaar hote hain to kabhi-kabhi heere ki phooli banaay us braahamni ko pahnaate hain । bolte hain ki ham apne stri ko phooli ka daan deta hoon । phooli to vo braahamni pahnegi na । to ye kya hai? yeh daan hai । jaise ki ham braahamnon ko daan dete hain taaki unko pahunche । sab kuchh ye khaad aur unko pahunche । jisko phir vaasna kaha jaat hai । to baap baith karke ye raaj samjhaate hain ki braahman khilaane ka ye kaayda bhi bhaarat mein hai, aur doosre khanda mein nahin hai । subah hota hai to nyota bhej dete hain…paani vagairah sab rakh dete hain । vo aaegi to unko ye karenge । to aatmaaen aati hain, aakar bolti hain । unse poochhte hain ki phalaani cheej kahaan rakh karke gae the? to ek dhaara teertha hai - naaraayansir । yahaan aatmaon ko bulvaate hain । abhi vo rasam-rivaaj kam ho gaya hai aur taakat na rahi hai । aatmaaen aa karke bataati bhi theen - main phalaani jagah rehta tha, phalaani jagah phalaani cheej chhod karke aaya hoon । aise bhi hota tha; kyonki chhota bachcha to bol na sake; isliye aatmaon ko bade braahman aur braahamni mein bulaate hain । baba naaraayansir se hokar aaya hua hai tab jabki chhotepan mein oont par ya dhagge ki gaadi par jaana hota tha । to abhi baap baithkar bachchon ko samjhaate hain- laadle bachche, ye manzil hai yaad ki । ye lambi hai । vo to teertha par jaate hain, dhaara teertha par gaya, amarnaath par gaya । chakkar lagaakar phir ghar mein aaya । haan, ye zaroor hai ki jab koi bhi teertha par jaate hain to vikaar mein nahin jaate hain । ye ek bada law hai, kaayda hai । bhale krodh vagairah kuchh bhi ho jaae, lobh ho jaave, kuchh bhi ho jaave, par kaam mein pavitra zaroor rahenge ki ham teertha par jaate hain; isliye pavitra zaroor rahenge । achha, phir jab ghar mein aate hain to phir vo apvitra ban jaate hain । dekho, pavitrata ki kitni mahima hai । ham devtaaon ke paas teertha yaatra karne jaate hain, vo pavitra hain to hamko bhi pavitra zaroor rehna hai । saari baat hai pavitrata ke oopar । baap kehte hain tum jo aatmaaen shareer mein ho, tum to patit ho na । patit aatma, to patit shareer । sona agar patit hai to jevar bhi patit, kyonki sone ko patit banaane ke liye 14 carat, 9 carat, mulma bhi banaate hain । ek carat bhi nahin, gilda de dete hain । is samay mein to barobar jhoothi aatma hai to zaroor unko shareer bhi jhootha milta hai, kyonki… khaad hai inmen । abhi patit bane hain tab jabki inmen khaad hai । bas, is samay mein sabhi ekdam patit hain । shuru se le karke, lakshmi naaraayan se le karke, unke raajdhaani se le karke, jo bhi aatmaaen peechhe aati gai hain, jinka thoda janma hai, is samay mein sabhi patit hain । in sabhi patit ko paavan karne …ye to behad ki baat hui na । behad shanti va behad sukh । barobar satayug mein behad sukh hai । shanti bhi hai, pavitrata bhi hai । is samay mein kaliyug mein teenon nahin hain । ghar- ghar mein ashaanti bhi bahut hai । kisi-kisi ghar mein to itni ashaanti hoti hai, hoobhu jaise vo poora narka hai । bachche-baap, stri-purush, ye-vo sab aapas mein bahut ladte-jhagadte rehte hain aur yahaan bhi bahut aate hain - hamne saari aayu pati ka duhkh dekha hai । baat mat poochho । baap aate hain, kehte hain - bachche, abhi ye bachpan bhool nahin । agar bachpan bhool gae to vo jo oonche ka ooncha varsa milta hai, vo bhool jaaenge; kyonki sab gumaay denge । aise nahin hai ki phir tum svarga mein nahin aaenge । agar mujhe bhulaay diya phaaragti de diya ya saajan samajh, apan ko sajni samajh divorce de diya to bhi tum bahut adhmagti jaakar paaegi । svarga mein zaroor aaegi, parantu adhmagti yaani gareeb, koi chandaal ya koi naukar, koi saahukaar ka naukar, vo pad jaakar paaenge । agar meri raay par, shreemat par chalte rahenge to shreemat par chalkartum shreshtha so shri lakshmi so shri naaraayan banenge । abhi zaroor kahenge na - satayug mein sabse shreshtha vo bane hue hain । vo bhi yaad hai ki barobar shri seeta aur raam treta mein aate hain yaani do kala kam । unko baan dete hain । kshatriyapne ki nishaani dete hain । manushya bichaare samajhte hain vahaan bhi raavan ki aur raam ki ladaai lagi thi । bolte hain - ye kshatriy varna mein chala jaata hai । tum jo achhi tarah se jeette hain vo devta varna mein jaate hain aur jo yahaan maaya se haarenge, yuddha mein maaya par poori jeet na pahan sakenge ya naapaas honge, 33 marks se neeche jaaenge to unko phir kshatriy kaha jaata hai । vo treta mein seeta-raam dynasty mein chala jaaega; isliye unko ye baan hain । vo baan nahin hai, jo raam se yuddha kiya aur baan maara । vo sabhi hain dant kathaaen । ye yahaan ki baat hai ki jo achhi tarah se purushaartha na karega to naapaas hoga ; kyonki school hai na । marks bhi to hai na । poori 100 marks hai 100 to poori hoti nahin, 99 marks, phir 98, 97 । to dekho, sooryavanshi number one jo gaddi par baithenge, number second । to marks se kam ho gaya na । seeta-raam ke liye bataaya ki vo kamti marks yaani 33 marks ke neeche aa jaate hain to phir unko neeche peechhe pad milta hai । sooryavanshi ka raajya poora ho tab phir vo chandravanshi vaale ka shuru ho jaave । phir sooryavanshi bhi chandravanshi ban jaate hain । aise nahin ki sooryavanshi sooryavanshi rah jaate hain । nahin, sooryavanshi raajdhaani past ho gai । drama mein phir gai; kyonki drama ko bhi to samajhna hai । dekho, ye drama hai, satayug, peechhe treta । treta ko kahenge - ye srishti jo satopradhaan thi to sato ho gai; kyonki do khaad pad gai । peechhe khaad padti jaani hai na । pahle golden, phir silver, phir copper, phir iron, sabhi dhaatuon ki khaad aakar padi hai । tumhaari aatma ujhaani hui hai yaani pattharbuddhi ho pade ho । ab phir tum bachchon ko aa karke ham paarasbuddhi banaate hain paarasnaath banne ke liye । kaise? aatma ko kehte hain kyonki unme buddhi hai na - he aatma। uthte baithte chalte karma karte apne buddhi ka yog athva yaad baap se rakho । jab koi ka bhog lagaate hain devtaaon ka to unko yaad karke। to tum jab bhi kuchh kaam karo to jitna ho sake itna hamko yaad karo । usmein kam se kam bhala 8 ghata to government ki service karenge na । baba ki yaad karo? kyon bolte hain government ki service karo? tumhaari yaad se ye purity mein bahut aaegi । ye duniya pure hoti jaaegi । to tum jaise baba ko, patit srishti ko pure banaane ke liye madad karte ho । pure jo banega vo apna pad lenge । bolte hain abhi ye tumhaari eeshvareey god hai । kahaan se? aasuri god se eeshvareey god mein aae ho । agar eeshvareey god chhod phir aasuri god mein gae ya yaad kiya to tumhaari jo yaad hai, usmein vikarma vinaash nahin hoga, kyonki yaad toot jaaegi । abhi tumko mehnat hai ye baba bataate hain ki agar tum mehnat na karenge to ant mein tumko bahut rona aur pachhtaana padega । jaise school mein bachche hote hain, bolte hain - ham achhi tarah se padhte to oonche number mein aate । baap-mo bhi aise kehte hain । koi school mein bachche naapaas hote hain to gusse mein aakar aapghaat kar lete hain ki main naapaas ho gaya । bolte hain - tum bhi aise hi, jab pichhaadi hogi aur agar tum kam marks se paas honge to tum bahut roenge aur saja bhi khaaenge । samjha na! kyonki jo kam paas hote hain unke oopar paap ka bojha rah jaata hai । peechhe tumhaare liye trivyoonal baithti hai । vahaan saakshaatkaar hote hain । jab dharmaraaj baithkar unko saja dene lagta hai to vo saakshaatkaar mein jaate hain, dekhte hain tumne phalaane janma mein… । baba ne samjhaaya na ki jo kaashi kalvat khaate hain unko bhi aise hi hota hai, jo paap kie hain vo saakshaatkaar hote jaate hain, sajaae khaate jaate hain । yahaan bhi phir aise hi hai । saakshaatkaar hote jaaenge । pahle-pahle saakshaatkaar karaaenge aur dharmaraaj kahega ki dekho, ye baap baitha hua hai । ye tumko is tan dvaara padhaata tha । ye brahma ka tan bhi dekho । tumko ye sikhlaaya aur tumne ye paap kiya । paap saakshaatkaar hota jaaega । saakshaatkaar bigar kabhi kisko saja nahin milti hai । un bichaaron ko kya maaloom ki mujhe saja milti hai । to paap ka saakshaatkaar hota jaaega, tumne ye kukarma kiya, ye kukarma kiya । ek janma ka nahin, janma-janmaantar mein jo paap kiya unka saakshaatkaar karte jaaenge । …vo film phirte hain । vo saakshaatkaar karte hain, par usmein time bahut lagta hai । jaise ki main kitna janma baith karke saja kha raha hoon । to baap baithkar samjhaate hain saakshaatkaar karaate jaaenge film aur tumko kadi-kadi sajaae milti jaaengi । bahut pachhtaaenge bahut roenge; parantu hoga kya? isliye abhi bata deta hoon ki agar koi bhi vikarma karke tumne baap ka naam badnaam kiya to sajaaai bahut hongi; kyonki main jo khud aata hoon padhaane ke liye, to aise thode hi hai । to ye kehte hain ki bachche, mujh apne sadguru ke nindak na banna, nahin to sajaaen bhi khaaegi aur pad bhi bhrashta hoga । ye baat un laukik guruon ne le li hai - guru ka nindak thaur na paave । are, par kaun-si thaur? koi guru se to jaakar poochho ki tum jo kehte ho guru ka nindak thaur na paaye, vo kaun-si thaur? kuchh bhi nahin । ye thaur to abhi paana hota hai । isko kaha jaata hai sadguru, sat baap, sat teacher yaani sach, truth । truth kahne vaala baap, truth sikhlaane vaala teacher, truth sikhlaane vaala satguru । to bolte hain - abhi meri mat par chalne se tum ye bante ho । baap kehte hain - bachche, yaad rakhna ki ye jeevan lamba hai । baaki bas, iska shareer hi dekho । tumhaara jeevan vahaan tak hai jaho tak inka shareer hai; kyonki ye bhi to kuchh na kuchh gaaya hua hai ki 100 varsha ke baad brahma bhi nashta ho jaata hai । aise likha hua hai । yaani vinaash ko paate hain । ye to vinaash,… … .aatma to seekh rahi hai na; kyonki ye hai patit aatma so paavan ban rahi hai । vo knowledge seekh rahi hai । kaise? ham barobar baap ko yaad karte hain । … .vo kehte hain - haan, ye bachcha mujhe bahut achha yaad karte hain aur gyaan bhi dhaaran karte rehte hain aur barobar ye aur bhi number one mein paas hoti hain, kyonki ye ja karke phir raadhe aur krishna bante hain । svayanvar ke baad phir ye lakshmi aur naaraayan bante hain । achha, abhi lakshmi naaraayan ki dynasty bhi to aani hai na । to bas, ye jo bhi hain purushaartha karte rehte hain ki ham bhi mama aur baba ke samaan mehnat karke unke takhta ke maalik bane yaani follow karen । maat-pita ko follow karen service mein, dhaarna mein aur phir follow kar bhavishya takhtansheen hoven । bachchon ko ye mehnat karni hai na । to follow karen । bolte haiagar tum ye sab baaten phir bhool jaaenge aur baba ko phaaragti diya ya divorce diya; kyonki do baat ho gai na । ye aur to koi nahin samjha । sanyaasi samjhaaega kya? manushya koi bhi nahin samjhaate hain । ye ek parampita paramatma, jo gyaan ka saagar hai, jo saare srishtichakra ko jaante hain, usko hi kaha jaata hai knowledgeful । aisa koi bhi manushya duniya mein nahin hai jo is srishti ke chakra ko jaane, balki srishti ke rachta ko hi nahin jaante hain । kah dete hain beanta । beanta maana hi vo bolte hain - neti-neti, ham nahin jaante hain, ham nahin jaante hain । nahin jaante hain to duguna naastik bane । ye kaha hi jaata hai naastikon ki duniya । naastik kehte hain nidhanke ko, jo apne dhani ko nahin jaanta ho । to dekho, dhani ko na jaanne se bhaarat aur sabhi bachche, jo dhani ke hain, god father to sab kehte hain na । sabhi duhkhi, jhagde-ladna, nation nation mein ladte hain । ghar-ghar mein jhagda rehta hai । paani ke liye, jameen ke liye raajasthaan, mahaaraashtra phalaana aapas mein ladte rehte hain । bhala kyon ladte rehte hain? raajaaai bhi ladte hain to manushya bhi ek-do mein ladte hain । ghar vaale bhi ladte hain - ye kya hai? kyonki nidhanke hain arthaat sab naastik hain । usmein sab aa jaata hai । aisa koi bhi manushya nahin hai, bhale kitna bhi bada vidvaan ho vo bhi naastik hai; kyonki vo bhi aise hi to kehte hain na - eeshvar sarvavyaapi hai । aham eeshvar, tatatvam phir maana sarvavyaapi ho gaya । isliye abhi ye kabhi paap karte hain । paapaatmaaen hain । isliye sabse paapaatma kaun? guru । kaun-sa guru? ye laukik guru; kyonki ek taare, paavan banaae । to zaroor patit banaane vaala bhi koi hoga na । patit banaane vaali ek to hai maaya aur maaya ki mat par chalne vaale hai ye kalhayugi guru log । to sabhi patit hain । ek bhi paavan nahin । jab guru hi patit hain । baba samjhaate hain, bhala ye to samajhte ho ki patit ganga mein snaan karte hain । ganga ko kehte hain patit-paavni । saadhu-sant to bahut jaate hain । kumbha ke mele par bade mele lagte hain । sab jo bhi mahaatma log hote hain, vo… kumbha ke mele par savaariyaan le karke aate hain triveni oopar paap dhone; kyonki paap katni hai ।… …usko kaha jaata hai ganga patit-paavni । to ganga ko bhi de dete hain, sarasvati ko bhi dete hain, jamuna ko bhi de dete hain; par hain to sabhi nadiyo na । bolte hain sangamayug par teenon mein snaan karne se hamaare bahut paap door honge । abhi ganga to patit-paavni nahin hai ।… … vo to ek hi hai । ganga kahaan patit-paavni hai! bhala patit ko paavan karne ganga kaise, kahaan sikha degi! bolte hain, ye kitne rong hai । tumhaare guru bhi patit hain । vo kehte hain aatma to nirlep hai । baaki shareer patit hota hai । shareer khaata hai, peeta hai, chalta hai, aatma to nirlep hai na । ab ye bhi to bilkul rong hai । sanskaar sabhi aatma mein rehte hain aur kaha bhi jaata hai - ye karmo ka phal hai । kaun-se karmo ka phal hai? past janma ke achhe va bure karmo ka phal, jaise achha-bura kaam karte hain । to baap kehte hain - abhi ham tumko aise karma karne sikhlaata hoon baap ke roop mein, teacher ke roop mein aur guru ke roop mein, jo 21 janma kabhi tumko karma kootne ka nahin rahega । vahaan naam hi nahin hota hai ki iska karma aisa hua । tumko ham is samay ekdam karmaateet avastha mein pahoonchaay karke phir, tum jaante ho ki hamaara 84 janma ka drama poora hota hai, phir hamaara naya satayug ka janma shuru hota hai । to satayug mein jaane ke liye, devta banne ke liye ye yukti padhaai jaati hai । shivbhagvaanuvaach - bachche, mera ban karke va he sajniyo mujh apne bridegroom ka ban karke phir kabhi mere ko phaaragti nahin dena । phaaragti va divorce ka sankalp nahin aana chaahiye, kyonki kabheebhi koi stri ko apne pati ko divorce dene ka sankalp nahin uthega । apne pati ko, baap ko jisse …varsa milta hai, unko phaaragti nahin denge । denge koi? nahin । satayug mein kabhi koi phaaragti nahin denge । yahaan to bahut hota hai । aajkal ke jo bachche hain, ladte hain, jhagadte hain, pita se alag ho karke rehte hain, pita ko phaaragti de dete hain । satayug mein ye nahin hota hai; kyonki satayug mein tum bachche abhi ki praalabdha bhogte ho । vahaan phaaragti ka question nahin । koi bhi duhkh ka question nahin । phaaragti kyon dete hain? jhagda । stri kyon phaaragti deti? jhagda । vahaan bilkul hi jhagde ka naam-nishaan bhi nahin hai । to dekho, ye geet kitna achha hai, thoda phir bajaana । kitna meetha geet hai । is eeshvareey god ka jeevan lamba hai । bachche, jab talak ye hai tab talak tumko yaad mein rehna hai । ye hui aatma ki yaatra parampita paramatma ke paas jaane ki । daayraikshan parampita paramatma ke hain । usko kaha jaata hai shreemat bhagvaanuvaach । to niraakaar hua na । to niraakaar baba niraakaar aatmaako ko is mukh se kehte hain । ye gau mukh hua na । ye badi maa hai) । tum mukhvanshaavli ho na । inse kya nikalta hai? inse to ratna nikalta hai । vo gaoomukh se to paani nikalta hai । is gaoomukh se ganga-jamuna ka jal bahta hai । gau se jal kaise bahega? ye hai gyaan ratna । baba tum bachchon ko iske mukh dvaara ratna dete hain । isko kaha jaata hai avinaashi gyaan ratna । ek-ek ratna laakhon-laakhon rupaye ka hai, kyonki jitna-jitna tum dhaarna karengi itne-itne vahaan bahut dhanvaan banenge । jabki tum dhaarna karti jaati ho, phir tumko daan bhi karna hai । avinaashi gyaan ratnon ka hi daan tum phir doosre ko karti ho, samjhaati ho । usmein number one kaun-sa ratna hai? manamnaabhav madyaajeebhav arthaat he bachche, mujhe yaad karo । bhale tum bachchiyaan kehti ho hamaari jholi mein ratnon ki dhaarna nahin hoti hai, ham de nahin sakte hain । ek to ratna denge na! apne baap ko yaad karo । vo hai laukik baap, vo hai paarlaukik baap । vo behad ka baap hai । behad ka baap kehte hain mujhe yaad karne se main behad sukh ka varsa dene ke liye baandha hua hoon । samjha na! baba sach kehte hain na । bolte hain - tum sirf mujhe yaad karte raho, jab talak iska shareer hai tab talak yaad karo to tumko main svarga ki baadshaahi zaroor doonga kyonki mere aagyaakaari aur vaphaadaar bante ho, kyonki mere madadgaar bante ho, mujhe yaad karte ho । to pavitra bhi rehte ho zaroor । pavitra to zaroor rehna padega । tum mujhe pavitra duniya banaane mein madadgaar bante ho । abhi jitna jo yog mein rehte hain vo duniya ko bhi pavitra banaate hain, apan ko bhi pavitra banaate hain; kyonki vikarma vinaash hote hain । na yaad karne se vikarma vinaash na honge । kabhi na honge । phir badi sajaaen khaaenge aur pad bhi bhrashta ho jaaega । kitna clear karke samjhaaya hai । geet sach mein achha hai ।…ye koi naatak banaate hainunmen se ye nikla hua hai jiska baap yathaartha reeti se arth samjhaate hain । jo banaate hain, jo naatak mein sunte ho, vo dabbe mein theekri, vo jaante hi nahin hain । haan, sunaao bachchi । (record baja :- bachpan ke din bhula na… …) maaya bhulaay deti hai, isliye khabardaar । kehte hain - bachche, ye bachpan ke din bhula na dena । ham baap ke hain । baap hamko kehte hain main bachchon ko lene aaya hoon । he bachche, tumhaare 84 janma poore hue, naatak poora hota hai । satayug se le karke naatak phir se repeat hone ka hai, isliye tumko satayug ka maalik banaane ke liye main aaya hoon । main nahin banta । dekho, kitna saaph kehte hai । aise koi manushya thode hi kahenge । baap kehte hain - bachche, svarga ki baadshaahi tumko doonga । tumko sada sukhi bana karke aur apne svarga ka varsa de karke main apne nirvaandhaam mein baith jaaoonga । phir mujhe aadha kalpa koi yaad bhi nahin karte । isliye gaaya jaata hai ki duhkh mein simran sab karen - O god father! O parampita paramatma! kiska pati mare to kahenge he bhagvan । kya kiya! hamaare pati ko chheen liya । kai purush hote hain, stri achhi hoti hai । aapne kya kiya! bada julma kiya । abhi baap thode hi kiske oopar julma karte hain । baap to kehte hain main kisko duhkh nahin deta hoon । ye maaya tumhaara bachcha vagairah chheen leti hai । main jo raajya sthaapan karta hoon vahaan koi bhi akaale mrityu hoti hi nahin hai aur na koi itne bachche hote hain । ek bachcha, ek bachchi, bas jaasti hota nahin । peechhe jab treta aata hai, tab kabhi do bhi hote hain । dikhlaate hain na lav aur kush । teesra nahin dikhlaate hain, par yeh sirf nishaani hai shaastron mein । baaki aise nahin ki lav aur kush koi dab se ya phalaane se paida hue । us samay mein ye yogbal chala aata hai ki barobar abhi hamko yeh shareer badal karna hai । naag ka misaal hota hai na । shareer badal karke doosra naya leta hoon aur saakshaatkaar hote hain । pahle yahaan shareer chhod karke tumko ghar jaana hai । baba ke paas jaana hai, sweet home jaana hai । sweet baba aaya hua hai aur bataata hai tumhein itni bhakti karne ki darkaar nahin, sirf mujhe yaad karo । yaad se vikarma vinaash hoga aur paavan ban jaaenge । aur koi upaay patit ko paavan banne ka hai nahin ya to phir pichhaadi ki sajaaen । jaise kaashi karvat hota hai na, aise phir pichhaadi mein sajaaen paaenge । saja paakar hisaab-kitaab chuktu karke sabhi aatmaon ka duhkh ka hisaab-kitaab poora hoga । phir nae sire se sukh । sukh pahle satopradhaan phir sato phir rajo phir tamo । pichhaadi mein sab aa karke tamo bante hain । (geet:- lambe hain jeevan ke raste aao chalen ham gaate-hansate) hansate-gaate rehte hain na । hamko sadaiv harshit rehna chaahiye baap mila aur bhala kya chaahiye? gareeb ko bhi baap mila to yaad karna hai saahukaaron ko bhi baap mila to yaad karna hai, ismen koi pharka to hai nahin । shareer to hai, parantu dhan nahin hai to aatma kehti hai - is samay mein main gareeb hoon । ek aatma kehti hai - main saahukaar hoon । baba kehte hai ki saahukaar ho ya gareeb ho, mujhe yaad karo । bichaare gareeb to hain hi duhkhi, isliye baap ko yaad karte hain । vo saahukaar hain hi sukhi, to unko sukh hone ke kaaran vo yaad nahin karte hain । isliye gaaya jaata hai - gareeb nivaaj । gareeb duhkhi to hain hi, to vo yaad karte hain । sabse gareeb kaun hain nambarvaar? sabse gareeb to kanyaaen hain, kyonki unko to varsa nahin milta hai । jab pati ke paas jaayen, vikh ki len-den karen tab unko…so bhi sukh to vo hi hai । ardhaangni bhi to nahin hai, haaphpaartanar bhi nahin hai । vahaan haaphpaartanar to kya vo to hain hi raani aur raaja । unmein koi bhi vo gadbad hai nahin । yahaan to haaphpaartanar bhi nahin hai । striyon ke haath mein kuchh hai thode hi, isliye phir striyon ko chaabi dete hain ki tum hi sabka uddhaar karna । saadhu santa mahaatma ka tumko hi uddhaar karna hai । geet meetha hai na - 'lambe hain jeevan ke raste yaani ye yaatra lambi hai । jaho jeena hai baap ko yaad karna hai । unke liye bhi time bolte hai; parantu shuru karo. …apna chart rakho । dekho, din mein kitna samay yaad karte ho । pandrah minute, aadha ghanta ghata, dedh, do, itna karte-karte aath ghanta tumko zaroor yaad karna hai । peechhe aath ghanta jo yaad karenge vo paas with honour ho jaaenge । abhi 24 ghanta to nahin kehte hain na, aath ghanta । phir koi 8, koi 7, koi 6, koi 5, koi 4, aise yaad karne se phir ye maala banti hai ya raajdhaani banti hai । (record bajta hai - lambe hain jeevan ke raste aao chalen ham gaate-hasge rona-peetna nahin hai । yeh gyaan ka geet do akshar hai । ye gaana hai । ham sunkar phir sunaaenge ye ho gaya gaana । likha hua hai ki atiindriy sukh poochhna ho to gop-gopiyon se poochho । gopeevallabh ke gop-gopi so to yahaan poochho na । satayug mein to gop-gopi hote nahin hain । vahaan raajaai hoti hai kaayde ansuaar । yahaan hi tum kahlaate ho gopiyaan aur gop yaani bachchiyaan aur bachche । (record:- door desh ek mahal banaaen, pyaar ka jismen deep jalaae, …) aatma ko jagaana hota hai na । agar phir chhod diya to deep bujh jaaega । phir dhaarna nahin hogi, pad bhrashta ho jaaega । achha, abhi time hua । toli le aana ।…ye apna geet gaate rehna । naachte rehna । isko kaha jaata hai gyaan ka dance । vo krishna ki baat nahin hai, ye hai gyaan ka dance । baaki hai knowledge । ye akshar mahima ke liye liye gae hain । … paavan banaate rehte hain । beech-beech mein koi patit bana, ye gira; kyonki yaatra par ho na । us yaatra mein bhi agar jaate-jaate koi raaste mein patit bana to yaatra kaha se hui ? ye bhi aise hai । yahaan lamba chakkar hai । vo to phir aa karke phir vikaar mein gota khaate hain । yahaan koi bhi nahin ।…ismen jitna samay tum yaad mein rahenge, yaatra mein rahenge, vikaar mein nahin jaaenge । nahin to gaya, khaana kharaab । ya to khaana aabaad ho gaya ya khaana kharaab । khaana aabaad aur kharaab, usko hi kaha jaata hai ya to sooryavanshi gharaane mein aaenge ya to praja mein aaenge । praja mein jo saahukaar hote hain na unke bhi naukar chaahiye । vo bhi yahaan banna hai । pichhaadi mein nahin jaao ।. … tvamev maataashcha pita, barobar baalak baithe hain, jaante hain ki ye maat-pita hain । to maat-pita apne sikeeldhe bachchon ko yaadapyaar aur good morning ya vidaai for the time beeng thode samay ke liye।