Sakar murli du dimanche 13 décembre 1964 - 1

> >

13-12-1964 madhuban aabu raatri murli saakaar baba om shanti madhuban

helo, good evening yeh terah disambar ka raatri class hai

unko bahut- bahut anubhav milta hai । kaise-kaise manushya aate hai, kaise-kaise samjhaana hota hai, aise-aise pradarshani mein koi unnati jaasti hai ya nahin । kya samajhte ho? kuchh unnati hai? ho sakti hai, bahuton ko kaan mein pad sakta hai - ye brahyaakumaariyaan kaun hai? so bahut hi aa karke dekh sakte hain । unki buddhi mein baithega ki yahaan phalaani pradarshani hui thi । aage chal karke jitni-jitni vriddhi hogi service ki aur prabhaav niklega, phir bachche yaad karenge aur maja hota hai । bahut service milti hai na । to jaise ki bahuto ko daan diya jaata hai । phir sabhi daan lene vaale ek jaise to nahin hote hain, koi kaisa, koi kaisa । ab jabki yeh ho gaya, to drama mein zaroor tha । zaroor samajhna chaahiye ki inse ye jo tareeka nikla hai ye achha hai । to aage chal karke aur bhi koi tareeka nikal pade । ye to maaloom nahin tha aage ki aise pradarshan karenge, lekin hua । phir samjha dena chaahiye ki kalpa pahle bhi aise hua tha aur inse phir vriddhi hogi, kyonki achha lagta hai, bhaasta hai ki inse manushya ko bahut chitron ke saath bhinna-bhinna samjhaani achhi milegi । jo in chitro par samjhaate aate rahe hain, jitne-jitne jaasti chitra aur knowledge sahit honge to manushya ko achhi tarah se samjhaaya ja sakta hai, iske liye phir practice chaahiye । ismen bachchon ki bahut practice hoti hai, bahuton se baat karni hoti hai । anek prakaar ke aate hain । phir dheere-dheere jab koi aur sunenge ki yahaan ye-ye dekha, ye samjha rahe the to koi ko touch bhi ho sakta hai - are, kalpa pahle vaale hi nikal pade । to bhi nikal sakte hain । baba to jor karke likhte bhi hain, jo bhi math vaale, panth vaale saadhu chaahe jo bhi hoven, sabko nimantran do ki aakar dekho, kuchh samjho । nimantran dene vakta bhi samjhaana pade, dikhlaana pade ki vahaan ye-ye samjhaani milti hai । ved shaastra granth vagairah, ye baate vahaan nahin hain । vahaan chitra hain, samjhaani hai, parantu shreemat par ye sabhi samjhaani milti hai; kyonki raajayog ki mat hai । ye sanyaasi-vidvaan nahin samjha sakenge; kyonki bahut vidvaan aksar karke sanyaasi hain ।…samajhte hain kaagvishtha samaan hai । ye to raajayog hai । ye sabhi baaten samjhaani padti hain । jinke paas phir le jaate hain । aise-aise le jaane se vo itna attention nahin denge । har ek se baat karni hoti hai, baat karne ka shauk hota hai । jitni baat karenge itna achha hoga । kiske kaan mein baat padegi, phir aage chalkar vo samjhenge ki phalaani aai thi, phalaani ne nimantran diya tha, ye padha tha । kis-kis ke paas chitra vagairah rah jaaenge to vo dekhenge । jinke bhaagya mein hoga unke paas kone mein rah jaaenge । jab sunenge tab samjhenge ki hamko ye chitra mile to the, achha phir to dekhen । dekhne se phir vo khade bhi ho sakte hai; kyonki jo-jo bhi service ho rahi hai vo hoti hai । kalpa pahle bhi is prakaar se samjhaai thi zaroor । ye bambai jaise bade gaanv mein 5-7 jagah honi chaahiye । ismen kharcha hoga to koi baat nahin । bahut karke haphte ke liye 500 – 700 - 1000 rupaya lenge, aur kya hua! phir bahuton ke kaan par padenge, bahuton ka kalyaan hoga । 10-20 ka kalyaan ho jaave, 5 ka kalyaan ho jaave, praja ban jaave । praja bhi to zaroor chaahiye । to praja aise banegi, nahin to praja nahin banegi । to ye dekhne mein aaya hai ki ye jo idea nikaala hai bombe vaalon ne, ramesh ne hi nikaala hai, mool ye hai । pahle khyaal mein nahin aaya ki ejheebeeshan kisko kehte hain । kehte hain ki ejheebeeshan nikaalenge, pradarshan bhi parantu kuchh baat to samajh mein nahin aati hai na । phir jab ramesh ne ye bataaya, ye dikhlaaya tab buddhi mein aai, to phir unko pushti bhi deni padi aur dekhne mein aaya ki ye idea bahut achha hai । jagdeesh ko bhi pasanda aai hogi, kyonki doosri dapha gae ho na; kyonki something new hai aur ye aage chal karke bahut epreeshiet karenge, bahut achha lagega; kyonki ham baap ka hi to parichay dete hai na । aur koi baap ka parichay to dete nahin hain । to baap ki mahima karte rehna, baap ka parichay dena, bhaarat ko kalpa-kalpa svarga milta hai । jo dete hain unko bhool gae hain । bhoolne ke kaaran hi jaise ki ham guma baithte hain । jab baba aakar abhool banaate hain to phir le lete hain । aisi bahut points hain jo un logo ko samjhaani padti hain । raavan raajya kisko kaha jaata hai, raam raajya kisko kaha jaata hai, koi manushya samajhte thode hi hain । saadhu sant sanyaasi to kuchh bhi nahin samajhte hain । jo pakke sanyaas dharma vaale saadhu honge vo itna nahin samjhenge । jitna unmein jo convert ho gae honge hindu dharma vaale vo samjhenge । aakhreen to saadhuon ko bhi samajhna hai । bahut pharka hai na । vo log to bolte hain - kalhayug abhi hua hai, ye kalhayug abhi khalaas kaise ho sakta hai! samajh..jaaenge । dekho, ye Christian log bahut le gae hain na । to usmein koi ko samjhaaya bhi hai aur likha bhi hua hai ki vinaash hone ka hai । saamne bille world ka vinaash dekhte hain na । ye jab dekhenge to vo epreeshiet karenge ki ye inke evaj mein dekhen aur unke oopar attention deve aur kansantret kare । phir dekho, vilaayat se unhon ki kaisi chitithayo bhi aaengi; kyonki hai sabhi dharma vaalon ke liye । sirf hindu dharma vaale ke liye nahin hai, ye to sabhi dharma vaale ke liye hai; kyonki sabhi ko baap kehte hain ki mere paas aana hai to mere saath yog lagaao । ye to right baat hai na । ham to baap ka parichay dete hain; parantu koi manushya ka to parichay dete hi nahin hain । manushyon ko baap ka parichay dete hain । ye bahut achhi baat hai । baaki samjhaane vaale bhi achhe chaahiye । ismen nae-nae ka kaam nahin hai । aadmi-aadmi dekh karke kisko pakda jaata hai ki inko tum samjhaao, inko tum samjhaao । koi-koi brahmaakumaariyaan....koshish karke khud samjhaavengi । ye nahin kahengi ki nahin, ye to achha aadmi dekhte hain, bada aadmi hai, samajhne ka chahak hai to inko doosra koi de deven । ye hamesha kaayda hota hai ki jab koi achha aadmi dekha, vidvaan dekha ki ye to bahut shaastron ki baaten karte hain to tuk jo padha hua hai unko saamne dena chaahiye । dehaabhimaan chhodna chaahiye ki ham kyon na samjhaave, phalaana kyon samjhaave, phalaana kya samjhenge! shaayad main nahin samajhti hoon jo phalaani ko kehti hoon ya kehta hoon । ye bhi dehaabhimaan koi-koi brahmaakumaariyon ko rehta hai । inke muaaphik koi doosra hota to baba bahut achhi tarah se samjhaata । jaise dhandhe mein hota hai na । graahak ko bahut yukti se uthaana padta hai । jisko uthaane ka shauk hota hai, vo seekh jaate hain । dekhte hain ki ye mere se bhi achha hai, seth ko bulaana chaahiye । to seth ko bulaaya ki seth ji aao, inse aakar baat karo, ye kuchh bada aadmi dekhne mein aata hai । to phir indrodyooj karte hain । seth ji aaya hua hai, ye maalik hai, aap inse baat karo । graahki me bhi aise kiya jaata hai । indrodyooj karaaya jaata hai । to koi seth ko kuchh na kuchh jaasti tilak de denge । vo hoshiyaar hote hain । ismen seekhna bahut hain । jitni bachchi jaasti hogi itni bahut achhi seekhengi in pradarshan mein । baba ko to maaloom rehta hai ki kis-kis ko is pradarshani mein jaana chaahiye, uthaana chaahiye, practice karni chaahiye, kyonki service par rehti hain aur jo service par shauk nahin rakhte hain unko bhejkar kya karenge । baaki bahut achha hai ।......bachchiyaan ya bachche hain vo jaante hain ki kaun-kaun sarvisebul hain । aise nahin hai ki koi nahin jaante hain । achhi tarah se jaante hain । achha, baaja bajaao । agar koi poochhe ki manushya srishti kaun rachta hai? to bhi kahenge to zaroor na ki bhagwan rachta hai । rachta hai maana iska arth yeh to nahin ki sarvavyaapi hai । rachta hai maana rachta hai । racha jaata hai bachchon ko । apan ko thode hi racha jaata hai । to ye bhi savaal poochhkar phir usko sirf kahen ki haan, vo to baap hua na, jo rachna rachta hai । unko sarvavyaapi kaise kahenge? ye paai-paise ki baat mein hi general samjha dena chaahiye ki ye rachna rachne vaala kaun hai । koi manushya ya devta ka naam thode hi lenge, vo to kahenge haan god father । father maana hi unse varsa milna chaahiye aur vo rachta hai barobar svarga ka । svarga ko racha tha, abhi na kahen । to phir vahaan aakar svarga rachega aur narka khalaas hoga । narka khalaas ke liye ye badi bhaari ladaai hai । geeta mein shiv ka naam dene se ye siddha ho jaata hai । krishna ka naam dene se siddha nahin hota hai । ye saari baat ulti ho jaati hai । shaastra jhoothe pad jaate hai । achha! baaja bajaao । (myoojik baja) meethe-meethe sikeeldhe bachchon prati maat-pita, baapdaada ka yaadapyaar aur good night ।