Sakar murli du mardi 29 décembre 1964

> >

29-12-1964 madhuban aabu praatah murli saakaar baba om shanti madhuban

helo, good morning ham dilli se bol rahen hain , aaj shukravaar hai December unattees taareekh ki murli sunte hain

record -

dukhiyo pay kuchh raham karo- maa-baap hamaare…

omshaanti । abhi bachche pukaarte hain ki baap ko aana hai । kab aana hai? jabki raham chaahte hain । to baap baithkar bachchon ko samjhaate hain …bahu kalpa pahle muaaphik baap aa gae hai bachchon ko phir se pyaar dene aur jo bachche duhkhi hain unko sukhi karne । bachche kahenge na phir se; kyonki pukaarte hain ki aao, raham karo, phir se aao; kyonki bachche jaante hain ki sachmuch ham duhkhi hain । ham 5000 varsha pahle bahut sukhi the । baba ne tumko bataaya hai ki kitna varsha hua jab tum bahut sukhi the । ab tum duhkhi ho । kisne duhkh diya hai? kisne tumko ashaant kiya hai? sab koi aate hain to kehte hain - shanti kaise mile? to ashaant hai na। ashaant ka arth hi hai ki ghar-ghar mein duhkh hai, jhagda hai, maaraamaari hai, usko kaha jaata hai 'ashaant', aur phir shant kisko kaha jaata hai? jahaan phir yeh maaraamaari, jhagda aur hangaama nahin hai । aise nahin hai ki shanti chaahiye, to ham jad ban jaave । kyon? jab ham vahaan nange hain, shareer nahin hai, to ham jaise jad hain, kuchh karte nahin hain, bas vahaan pade rehte hain ।… mool vatan mein ham kuchh karte nahin hain, shareer ho to kuchh karen na! shareer nahin hai to vahaan karte kya hain? vahaan ham pade rehte hain - jad । usko jad kaha jaata hai । shant pade hue hain । shanti to vahaan hai; kyonki vo hai hi nirvaandhaam, vaanaprastha । nirvaandhaam maana vaani se pare dhaam । vaanaprastha ka bhi yahaan arth hain - vaani se pare sthaan, jaho ham bachche, ham aatmaaen rehte hain । kiske paas? baap ke paas । usko sweet home bhi nahin kaha jaata hai, usko kaha jaata hai - shantidham । jab 'sweet' arthaat meetha akshar aata hai to phir kaduva bhi zaroor hoga । to yeh hai kaliyug ka kaduvaadhaam woh hai meetha dhaam-sukhdhaam । yeh hai shantidham । bachche pukaarte hain na! to baap bhi aakar kehte hain aur baap samjhaate hain tum abhi bahut duhkhi ho, aise nahin hai ki jaise bahut bachche samajhte hain ki baap hi sukh dete hain, baap hi duhkh dete hain arthaat god father hi sukh dete hain, god father hi duhkh dete hain ya paramatma sukh dete hain, paramatma duhkh dete hain, aise to kabhi ho nahin sakta hai । parampita paramatma usko most beloved kaha jaata hai va kaha jaata hai beloved most parmapriy, parampita । maa-baap to priy hote hai na; kyonki vo paalna karte hain, varsa dete hain । to priy unko kaha jaata hai । bachchon ko most priy hote hi hain - maa-baap । to ek maa-baap hain had ke, doosre phir mo-baap hain behad ke, jinko dekho aise pukaarte hain । laukik maat-pita ko aise thode hi kahenge - ''tum maat-pita, ham baalak tere, tumhari kripa te sukh ghanere ।'' ghanere kahaan? aaj hain, kal duhkhi hote hain, beemaar hote hain, ye hote hain । nahin, koi hai doosra jiski mahima bhaktimaarga mein chali aati hai; kyonki avinaashi sukh dete hain aur avinaashi hain । to baap baithkar ke samjhaate hain, bachchon ko vo avinaashi yaad rehti hai; kyonki main kalpa-kalpa aay kar bachchon ko sada sukhi banaata hoon । iska naam shiv hai na, usko kaha hi jaata hai - sadaashiv । shivjayanti hoti hai na, to kehte hain - sadaashiv । 'sada ka arth ek nikalta hain - sada sukh dene vaala ya sada hi vahaan paramdham mein ekras rahne vaala, sirf ek dapha aane vaala । jab gaati ho na - maa baap hamaare. to abhi tumko practical mein mila hai । tum jaante ho ki barobar hamko abhi, jiski mahima hai, god father jisko kaha jaata hai, vo practical mein mila hai । sirf eeshvar aur prabhu kahne se varse ka maja nahin aata hai, father kahne se varse ka maja hai । father maana hi hai father se varsa milta hai । aise nahin kahenge ki ye mother se varsa milta hai । donon chaahiye । maata bhi chaahiye to pita bhi chaahiye । to zaroor maata-pita chaahiye । bhaarat mein to mashhoor hai - jagdamba । jagat ki maata ho gai । jagat ki amba hai, to pita bhi hai । ye buddhi se kaam bahut lena hai । ye dant kathaaen jo padhi hain na, vo sab bhoolo । jab baba baithkar kuchh samjhaate hain, jab shivbaaba bhi samjhaate hain, to aise to nahin kahenge ki parampita paramatma aakar shaastra samjhaate hain । vo sabhi vedon, granthon shaastron ka saar samjhaate hain । tum bachchon ko maaloom hai ki brahma ka chitra dikhlaate hain, unke haath mein pustak dete hain aur phir chitra banaay diya hai ki vishnu ki naabhi se nikalte hain । abhi vishnu ki naabhi se to koi nikalne ki baat hai nahin । vishnu sukshmavtan mein raha, brahma bhi phir vahaan hi raha, to vahaan sukshmavtan mein thode hi vishnu ki naabhi se brahma nikal pada । aise to hai bhi nahin । nahin, yeh hai prajaapita brahma । to zaroor do brahma ho gae । law mujeeb do brahma । ek ko kaha jaata hai prajaapita brahma yaani praja rachne vaala brahma । praja to yahaan rachi jaaegi na, sukshmavtan mein to nahin hai । bahut bachche mujhte hain - yeh kya, yeh saakaar mein manushya apne ko brahma jo sukshmavtan mein rehte hain vo kaise kahlaay sakte hain? tumhaare paas bahuton ko aise bahut sanshay hote hai । to baap baithkar samjhaate hain ki prajaapita brahma, unke brahma mukhakmal se braahman paida hue । tum braahamnon se jaakar poochho ki tum kiski santaan ho? bolenge - ham brahma ki mukhvanshaavli hain । to ye samajhte hain ki mukhvanshaavli hongi, to brahma bhi zaroor yahaan hoga na । to iska naam hi hai prajaapita brahma । unko aadidev bhi kyon kehte hain? kyonki vo jo trimoorti racha hai, unka naam rakh hi diya trimoorti brahma । to tumne usko 'brahma bada lakab de diya । isliye unko kah dete hain aadidev । abhi baap … samjhaate hain prajaapita to zaroor yahaan chaahiye । baap aate hi hain jabki duniya patit hai । to vo brahma kaun hoga, jinse baap baithkar brahma dvaara mukhvanshaavli rachte hain? duniya to saari patit hai barobar । phir baithkar samjhaate hain ki yeh hai brahma ki raat, so bhi ekdam aadhi raat । shivjayanti… kab aati hai? bolte hai - jab duniya ki aadhi raat hoti hai aur din hona hota hai tab aate hain ।. …vo jo krishna ke liye likhte hain ki vo aadhi raat mein janma leta hai, janma-ashtami vrat rakhte hain aur raat ko jaagte hain, to baba baith bolte hain ki yeh parampita paramatma khud kehte hain ki main aata hi hoon kalpa ke ant mein aur aadi mein yaani jab brahma ki aadhi raat hai, bilkul hi ghor andhiyaara hai । to din karne ke liye ghor andhiyaare mein aaega na । to meri jayanti hoti hi hai kalpa ke raat mein । aise nahin ki koi main garbha se janma leta hoon, jo koi baithkar vo … lete hain kab-kis … mein janma liya, nahin । mera vo janma nahin hai, jiski tum time rakhte ho । rakhte ho na । to baithkar samjhaate hain । kaun samjhaate hain? phir vahaan parampita paramatma, jisko geeta ka bhagwan kaha jaata hai, vo bhagwan aaya hua hai aur vo padhaate hain । in sabko pahle ye nishchay hona chaahiye । nahin to bichaare kya karenge? moojhenge । baba abhi sabha se kaise poochhen ki tum jaante ho ki yahaan bhagwan padhaate hain? krishna bhagwan nahin । geeta ka bhagwan krishna nahin hai । jo sabka bhagwan hai, jisko shiv kaha jaata hai । shiv ka kartavya drama mein alag hua, krishna ka alag hua । bilkul hi raat-din ka pharka hai । unki mahima alag, unki mahima alag । baba ne bahut samjhaaya hai । to baap baithkar bachchon ko samjhaate hain- tum bachche jaante ho ki abhi parampita paramatma kalpa pahle muaaphik is dvaara saare brahmaanda aur srishti ke aadi-madhya-ant ka gyaan sunaay rahe hain, jo koi bhi sunaay na sakenge । kyon? isko kaha hi jaata hai knowledgeful । jaani jaananhaar ka arth koi yeh nahin hai ki sabke dilon ko jaante hain । saari saadhe teen sau karodon dilon ko baithkar jaanenge, yeh thode hi baat hai । unko kaha jaata hai knowledgeful । angreji akshar bahut achha hai । vo jaani jaananhaar ka akshar kuchh mushaay deta hai । bhai, knowledgeful hai । to baap aakar kehte hain main chaitanya hoon na । mujhe kehte bhi hain - sat hai, chaitanya hai, phir kaha jaata hai - aananda swaroop hai, sukh ka saagar hai । sukh to svarga mein hota hai na, jo dete hain । to baap sukh ka inhereetensa denge na । jo sukh ka saagar hai, tum kabhi unko kehte ho ki duhkh ka saagar bhi hai? abhi to duhkh ka saagar hai na । to tum kaise kahenge ki jo sukh ka saagar hai vo phir dukh bhi denge? nahin । baap ne aakar kalpa pahle bhi samjhaaya tha, ab phir se samjhaate hain- main sukh ka saagar hoon dukh ka saagar hai raavan, jisko tum log kehte ho, jinhonne sabko dukhi kiya hai । … tum seetaaen ho; kyonki bhakti karte ho yaani baap ko, bhagwan ko yaad karte ho । to tumko dukhi kisne kiya hai? ye raavan ne । dekho, raavan tum varsha-varsha jalaate ho । tumko yeh to pata hai nahin ki raavan kaun hai। raavan ka koi chitra thode hi hota hai । raavan ka arth hi hai ye 5 vikaar । tum sab, saari duniya raavan ke bondej (gulaami) mein ho । ye bhooton ki janjeeron mein ho । tum sabko 5 bhoot lage hain । bada bhoot । bhoot do prakaar ke hote hain । ek ko ghost kehte hain aur yeh hai phir maaya । yeh bahut puraani hai । aadha kalpa se inka raajya hai । isko bhoot kaha jaata hai । kehte hain na - inko kaam ka bhoot laga hai, dar-dar mein dhakka khaate rehte hain । isko baajaari kutte kaha jaata hai, baajaari bail bhi kaha jaata hai, dar-dar jaate hain । to baap baithkar samjhaate hain ki ye bade bhoot hain । yeh kaam ka bhoot, krodh ka bhoot । koi gussa karte hain na, to kehte hain - dekho, inko krodh ka bhoot laga hai । inko bhoot kehte hain । ye hain do dushman; kyonki moh aur lobh ko itna bhoot nahin kaha jaata hai । nahin, ye bade shatru hain । usmein bhi kaam to bilkul mahaashatru hai aur kehte bhi hain - he mere laadle bachche, is kaam roopi shatru par jeet pahno । to is par jeet pahnenge na? do hain bade । tum bachchon ko donon ki maaloom hai - kaameshu krodheshu । kaam ki cheshta abhi ki baat hai na । abhi ki hi baat bataate hain- kaameshu krodheshu । kaam-vikh na milega to ablaaon ko ekdam thoonsa maarenge । kahenge - is bigar srishti kaise chalegi? are bhaai, vo viceless world thi, phir kya unko bachche nahin the? shri lakshmi naaraayan ko bachche the na ek । yaad rakh lena vahaan ek । zaroor takhta par to koi baithte aaenge na । yahaan bas, bigadte hain bichaari ablaaon ko । ye drama hai, baithkar ke samjhaate hain ki barobar aage bhi jab ablaaon ke oopar atyaachaar hue, paap ka ghada bhara, is kaaran tabhi vinaash shuru ho gaya tha । abhi bachchon ko yeh to nishchay hai na baap saamne baithkar ke gaate hain 'murli teri mein hai jaadu… ' dekho main sindhi mein kehta hoon - murli teejiy mein jaadu aahe khel khudaai' । yeh jo murli bajti hai, are bada jaadu hai unmein । yeh khudaai murli hai aur khudaai jaadu hai । barobar bhagwan ko hi jaadoogar kaha jaata hai, krishna ko thode hi jaadoogar kaha jaata hai । manushya se devta banaave, ek second mein jeevanmukti deve yeh jaadu nahin thahra! 'ek second mein … ' janak ke liye kehte hain na aur bachche kehte bhi hain - baba, hamko janak ke misal gyaan do । yeh jo bhagaate ho yeh nahin, ham ghar na chhod, hamko janak ke misal ek second mein gyaan do । geetaaen to bahut hain, ashtaavrak geeta aadi । to baba kehte hain - main aaya bhi hoon tumko aise lakshmi naaraayan banaane । main tumko ghar-baar thode hi chhudaata hoon । tum pravrittimaarga vaale hain aur the । satayug mein tum pravrittimaarga hain । tumhaara lakshmi aur naaraayan jinko tum poojte ho, vo pravrittimaarga hai na । zaroor raaja aur raani, bachcha bhi to paida hua hoga na ।. pravrittimaarga hai na । main bhi tumko pravrittimaarga mein gyaan deta hoon ।…shuruaat mein tum logon ne jo suna hai na, gaali khaane ka, hangaama hua, vo hagaama to geeta mein bhi tha na । krishna ko bahut gaali diya bahut bhagaate the, phalaana karte the । gaali khaaya tha na । baba kehte hain ki nahin, unka bhi raaj hai; kyonki baap ko pahle chaahiye bhatthi, jismen kuchh bahut niklen । gyaan ki bhatthi mein daalen, yog ki bhatthi mein daalen, vo bhatthi banaani thi । tumhaare bhaagvat mein likha hua hai ki bhatthi, parantu unmein billi ke poongare daal die the । padha hai kahaan? ek bhatthi thi, unmein billi ke chare baith gae the । eet to pak gai, par billi ke poogre yahaan jeete-jeete baithe hue the । to billiyon ke poongaare hain ya maaya ke? maaya billi hai na, unke poongare ban gae । aajkal maaya billi kehte hain na । ye ek khel hai । gulabkaavli ka ek khel bhi hota hai, jismen chaupad khelte hain । vo nagaada bajaakar aata hai, main maaya ko jeet karne ke liye aata hoon । phir vo jab maaya se jeet pahante hain, to vo billi bitha deti hai ।.billi paasa pher deti hai । abhi ki baat hai । tum aae ho maaya par jeet pahanne ke liye । maaya billi ko kehte hain । vo ghadi- ghadi tumhaara jo dhaara hai na, ulta de deti hai; kyonki tumhaara baap aaya hai abhi pau baarah banaane । maaya ne tumhaara chhattees daal diya hai chhatees haar kaha jaata hai, pau baarah jeet kaha jaati hai । abhi chaupar ki to khel nahin hai । yeh baat hai samjhaane ki । to baba baithkar samjhaate hain ki abhi tum purushaartha karte ho maaya par jeet pahanne ke liye । koi vakta mein tum ekdam haraay dete ho । maaya billi ghadi-ghadi tumhaara deeva bujhaay deti hai । to baap baithkar samjhaate hain, ye hoga zaroor । yeh yuddha ka maidaan hai । main aaj khilauna nahin le aaya hoon, nahin to mere paas khilauna bhi hai ki boxing kaise karte hain? kyonki bahut maataaon ne boxing nahin dekhi hai । bachchon ne to dekhi hai ki kushti kaise ladte hain । kaise ek-do ko aise jor se maar dete hain, jo bichaara aahha karte hue aise pad jaata hai । abhi tumhaare paas bahut gop aur gopiyaan hai । maidaan mein yuddha karte ho, yuddha ka maidaan hai na । yudhishthir yaani yuddha ke maidaan mein maaya par jeet paane vaala । isko hi kaha jaata hai non-vaailens । abhi non-vaailes sikhlaane vaala aa gaya hai । tum bahut bade warriors ho । tum unknown warriors ho, but very well known yaani tum log warriors ho maaya par jeet pahanne vaale । tum bahut naameegraami ho । kaun ho tum? vo shivshakti paandav sena, jinki pooja ho rahi hai, tum vo ho; parantu koi manushya jaante hi nahin hain । tumko koi jaante hain? tum bhaarat ko svarga banaane vaali ho maaya par jeet pahan karke jagatjeet bani ho । vo jo sanyaasi log ya koi kehte hain - man jeete jagatjeet । nahin, man to kabhi jeeta nahin jaata hai । yeh to impossible baat hai । man jeete to tum kha nahin sako, karma kaise karenge? man to sankalp-vikalpa karte hain na । phir tum karma na kar sako, ekdam jaise jad ban jaao । nahin, man nahin । abhi yuddha ka maidaan hai । maaya par jeet pahanni hai, 5 vikaaron ke oopar jeet pahanni hai । usmein mukhya hai kaam । yeh vikaar bahut kada hai । to baap baithkar bachchon ko samjhaate hain ki yeh jaadu kiska hai to zaroor khuda-baap aakar inmen se tumko samjhaate hain । jaadoogar unko kaha jaata hai na । krishna thode hi jaadoogar hai । baba ne bachchon ko samjhaay diya hai ki yeh trikaaldarsheepne ki jo knowledge hai, koi bhi puraane rishi-muni ek bhi trikaaldarshi hokar nahin gaya hai । kaise ho, jabki satayug ke aadi mein shri lakshmi aur naaraayan manushya srishti mein number one hue na, vo bhi trikaaldarshi nahin hain, unko bhi srishti ke aadi-madhya-ant ka gyaan nahin hai । yeh to kehte hain, shri krishna bhagvaanuvaach, phir krishna ka baap aakar bataate hain ki nahin, us bachche mein teenon lokon ka gyaan hai nahin । bilkul nahin hai ekdam । agar unmein hota to unko maaloom hota ki achha, abhi ham sooryavanshi hain । are! peechhe to mujhe chandravanshi banna padega । peechhe mujhe vaishyavanshi banna padega, phir mujhe shoodravanshi banna padega । neend fit jaavegi । baap baithkar samjhaate hain-jiske liye kehte hain ki shri krishna bhagvaanuvaach aur baithkar yeh trikaaldarshi banaate hain, unmein yeh gyaan nahin hai । dekho, kitni bhool ho gai hai । badi te badi bhaari bhool । phir bhi to baap kehte hain buddhi ko ye baba bhojan dete hain na । buddhi se poochho ki vo trikaaldarshi ho sakta hai? vo to bechaara ghutke mein mar jaave ki ham peechhe phalaana ja karke ekdam shoodra banenge, duhkhi banenge । to vahaan hi unko vairaag aa jaave ki baba, phir kyon yeh drama racha hai, jo phir mujhe duhkh milega? bichaaron ko ghutka aa jaave, vaikuntha ka sukh hi ud jaave । nahin । to baap baithkar bachchon ko samjhaate hain ki meethe bachche, abhi god aaya hai padhaane ke liye । vo father kya banaane aaya hua hai? bolta hai - jaise doosre hain na, manushya manushya ko banaate hain na, barrister hai to barrister banaate hain, engineer hai to engineer banaate hain; surgeon hai to surgeon banaate hain yaani maanush te surgeon bhaye… । unko kitna samay laga?