Sakar murli du mardi 1 juin 1965

> >

01-06-1965 madhuban aabu praatah murli saakaar baba omshaantimdhuban

helo, svadarshan chakradhaari brahman kul bhooshnon ko ham madhuban nivaasiyon ki namaste, aaj mangalvaar joon ki pahli taarikh hai praat class mein baapdaada ki murli sunte hain।

record :-

ye vakta ja raha hai…

om shaati ।

bachchon ne geet suna ki bahut gai, ab thodi rahi । shreemat jo kehti hai, kya kehti hai? mujhe nirantar yaad karne ka purushaartha karo । aise kehti hai na । kisne kaha? shivbaaba ne kaha । bachchon ko samjhaaya gaya hai ki manushya ki aatmaaen jab shareer leti hain to unka shareer ka naam padta hai । peechhe kya hota hai? shareer chhoda, doosra shareer liya to doosre shareer ka naam pada, phir teesra shareer liya to teesre ka naam pada । aise bhinna-bhinna naam har ek janma mein milte hai । aatma ka naam nahin badalta hai, shareer ka naam badalta hai । ye to bachchon ko samjhaaya gaya hai । parampita paramatma shiv ghadi ghadi shareer nahin badalte hai na । vo to ek hi baar aate hain, jisko hi patit-paavan kaha jaata hai । zaroor patit-paavan ka koi naam to hoga na ki aise hi sirf patit-paavan!… to dekho, kya kah dete hain- patit-paavan, phir kehte hai seeta-raam । abhi seeta-raam ka bhi arth samajhna chaahiye- seetaaon ka raam । seetaaen kaha jaata hai bhakti ko । unka saajan hai bhagwan, jisko phir raam kah dete hai । tum bachche achhi tarah se jaante ho ki in sab bhakton ka… । ismen bachchiyaan bhi aa jaati hain, bachcha bhi aa jaata hai, chhote bhi aa jaate hai, buddhe bhi aa jaate hain । sabhi bhagat kisko yaad karte hai? bhagwan ko । agar sabhi bhagat bhagwan hai to phir yaad kisko karenge? isliye sabhi bhagat ek bhagwan ko yaad karte hai । phir bandagi kaho, saadhna kaho, praarthana kaho, karenge to ek ko na, kyonki sabka baap to ek hai । sabka sadgati daata ek hai । bachchon ko samjhaaya gaya hai ki angreji mein bhi kehte hai- sabka liberator ek hai, sabka guide bhi ek hai । angreji mein bhi usko kaha jaata hai na liberator aur guide । barobar sabhi patiton ko paavan karne vaala bhi ek hai, paavan karke peechhe guide ban karke aatmaon ko le jaane vaala bhi ek hai, sabhi sajniyo ka saajan bhi ek hai । baba ne samjhaaya hai na ki bhakton ko, chaahe mel hon, chaahe phimel hon, bhakta hi kah dete hai । sabhi bhagwan ko yaad karte hai । ye bhi kehte hai- god father, parampita paramatma, parantu unko pahchaante nahin hai ki vo kaise hain, ham patiton ko paavan karne kab aate hai । so to zaroor jab saari duniya patit, jadajdeebhoot tamopradhaan avastha mein hogi tabhi to baap aaenge na aur baap aa karke hi kehte hain । jab yeh manushya-srishti ka saara jhaad jadajdeebhoot ho jaata hai, tamopradhaan ho jaata hai, bhrashtaachaari ho jaata hai, sabhi paap aatmaaen ban jaate hai… । sabhi ke liye kehte hain na, kyonki sabka sadgati… । sab maana sabhi bachchon ka, kyonki vo to samjha diya hai ki raavan ne aa karke hamaare bachchon ko jala diya hai । suna hai? ek katha mein likha hua hai ki saagar ke sabhi bachche bhasmeebhoot ho gae the, peechhe unke oopar aa karke varsha ki to jaag uthe । to ye hai na barobar ki is samay mein sabhi bhasmeebhoot hai । kisne bhasmeebhoot kiya hai? kaam shatru ne । sabko jala diya hai, kyonki kaam se hi paida hote hai । yeh shareer sabko vikh se hi milta hai । yeh to baap baith karke bachchon ko samjhaate hai । besmajh bachche hai tab to baap aate hain aur vo kehte bhi hain ki tum kitne besmajh ban gae ho! mujh apne baap ko, jo tumko jeevanmukti dene vaala hai, unko tum sarvavyaapi kah dete ho । itni gaaliyaan dete ho- kutte mein hai, bille mein hai, machchha avtaar, kachchha avtaar, vaaraah avtaar, hanumaan avtaar, phalaana avtaar । ek taraph to kehte ho ki naam-roop se nyaara janma-maran se rahit, phir patit-paavan bhi unheen ko kehte ho aur phir unheen ko hi kah dete ho ki sarvavyaapi, machchha mein, kachchha mein, phalaane mein । aatmaaen to janaavron mein bhi apni hai, manushyon mein bhi apni hain । aise thode hi kahenge ki ye sabhi roop usne dhare hai । yeh to kabhi ho hi nahin sakta hai । roop dhare hai to sabhi bhagwan ho jaate hain aur ye bhagwan durgati ko thode hi paate hain! nahin, aatma hi durgati ko paati hai । aatma hi patit banti hai, aatma hi paavan banti hai । aatma jab paavan banti hai to unko chola bhi paavan milta hai । dekho, abhi jab yeh sab shareer aur ye saari manushya-srishti khatma ho jaaegi to phir jo aaenge unki satopradhaan buddhi hogi । peechhe rajo mein aaenge, phir tamo mein aaenge । sab aise hi to hota hai na । har ek baat aise hoti hai । makaan hai, naya bana hai । inko satopradhaan kahenge, phir inki ejej hoti hai । jab aadha hoga to peechhe unke baad kahenge puraana makaan । aise to sab cheej hoti hai na । shareer hai, pahle baalak hota hai to kitna pyaara lagta hai । unko phir kehte hai satopradhaan avastha, kyonki samjhaaya gaya hai ki saadhu-mahaatma log aur jo chhote bachche hote hai, samaan hai, kyonki vo bhi paanch vikaar mein nahin jaate hai aur bachchon ko bhi to pata bhi nahin hai । isliye baalak ki bhent karte hain । baalak jab bilkul chhota hai jab to satopradhaan hai, peechhe sato banta hai, peechhe rajo banta hai, pichhaadi mein aa karke tamo ban jaate hain । to harek vastu aise zaroor banti hai । yeh bhi jo saari duniya hai, isko kaha hi jaata hai- new world phir old world । aise to kahenge na । satayug ko kahenge new world yaani nai duniya, phir kalhayug ko kahenge puraani duniya । achha, abhi yeh to bhaaratvaasi achhi tarah se jaante hain, balki aur bhi nation vaale jaante hai ki jab bhaarat naya tha tab barobar ye aadi sanaatan devi-devta dharma, jisko hi svarga, bahishta, haivin paradise,… । ye sabhi naam bhaarat ke oopar rakhe hue hain । ab yeh bhaarat vo to nahin hai । abhi isko koi svarga, paradise kahenge? yahaan duhkh hi duhkh hai । to yeh samajh mein aata hai ki jab bhaarat paradise hai tab ek hi dharma hai । achha, aur sabhi aatmaaen kahaan hain? vo muktidhaam mein hain va nirvaandhaam mein hain ya vaanaprastha mein hain, jahaan vaani ka naam nahin, kyonki usko kaha hi jaata hai silence world, shant । aatmaaen shant rehti hai, apne svadharma mein rehti hai । usko kaha jaata hai aatmaaen svadharma mein rehti hain, kyonki aatma ka svadharma hai hi shant । aatma ko jab apne svadharma ka pata pade to shanti ke liye kaha dhakka nahin khaave । vo samajh jaave ki hamaara svadharma shant hai aur hamko in organs se kehna hai, baat karna hai, khaana hai, peena hai । agar hamko shant mein rehna hai to ham apne ko alag kar dete hai । aatma shanti, aise kehte hain na । om maana aai em aatma, mera svadharma hai shant । to shant mein baith sakte hain, parantu karma bigar to koi rah nahin sakte hai । isliye aatma kab tak shant rahegi? zaroor yahaan karma karne ke liye aae hai । yeh koi mool vatan to nahin hai na । shantidham to nahin hai jahaan shareer hote shant mein rahenge । yeh to ho nahin sakta hai । shantidham kaha hi jaata hai jahaan aatmaaen nivaas karti hai nirvaandhaam mein । abhi baap aae hai । bolte hain ki apne svadharma mein tiko yaani apan ko ashareeri samjho । deh-abhimaan ke badli mein dehi-abhimaani bhav । baap aise kahenge na- he bachchon maana he aatmaon । apan ko aatma nishchay kar, ab mujh apne baap ko yaad karo । to uska nateeja kya hoga, is yogaagni se… । dekho, bhaarat ka praacheen yog bada naami-graami hai, parantu tha । jab phir vo baap aave tab aakar sikhlaave na । manushya to manushya ko nahin sikhla sakenge । manushya, manushya ko kabhi bhi sadgati nahin de sakte hai, jabki ye hai hi paap aatmaon ki duniya, bhrashtaachaariyon ki duniya, vishiyas duniya । inko kaha hi jaata hai vaishyaalay । bhent mein hai na । haan barobar, satayug hai shivaalay । bachchon ko achhi tarah se samjhaaya jaata hai na । to baap aa karke abhi is samay mein bachchon ko dheeraj dete hai । bolte hai- bachche, abhi tumhaare sukh ke din to aae hai na । abhi jitna ho sake itna tum apne baap ko yaad karo, kyonki ant mate so gati । yeh gaaya jaata hai na ant kaal jo stri simre aise chintan mein jo mare, val-val joon avatre । phir bhi punarjanma milega । abhi bolta hai ki yeh mrityulok hai, ismen tumko punarjanma nahin milne ka hai, kyonki amarlok satayug ko kaha jaata hai, isko mrityulok kaha jaata hai । amarlok mein tum amar rehte ho । vahaan tumko akaale mrityu nahin khaati hai । baap ne samjhaaya hai na ki vahaan jaise sarpa apni puraani khal ko chhod nai le lete hai । misaal to dete hai na । dekho, usmein bhi to akla hai na । kitna achha akla hai! jab nai khal mil jaati hai to puraani chhod dete hai । yeh misaal kiske liye hai? yeh satayug mein devi-devtaaon ke liye hai, kyonki jab unka shareer buddha hota hai tab vo jaante hain ki ham aatma ko… । abhi vahaan aatma ka gyaan hai । yahaan aatma ka bhi gyaan nahin hai । isliye baap aatma ka bhi gyaan dete hai ki tum aatmaaen ho aur tumhaara baap ek hai aur tumhaara yeh jo shareer hai, jisko organs (ya) karmendriyaan kaha jaata hai, inse tum karma karte ho । yeh karmakshetra hai । ismen sabko karma karna hi hai । shant nahin rehna hai । shanti ka sthaan yeh nahin hai, yeh karma ka sthaan hai । karma bigar koi rah nahin sakte hai । karma ka sanyaas koi kar nahin sakte hai । samjha na । karma ka sanyaas kaise karenge? karma ka sanyaas to mool vatan mein hota hai, kyonki vahaan akeli aatma hai । yahaan kiska karma ka sanyaas thode hi hota hai । yeh bhi jhooth baat hai jo samajhte hai karma sanyaasi । karma ka sanyaas ho hi nahin sakta hai । tum shant mein apne svadharma mein baith sakte ho, usko kaha jaata hai riyal shant । yeh naak munh karke praanaayaam karna, vo to artificial ho gai । usko jhoothi kaha jaata hai । jo praanaayaam ya khaddhe mein ghus jaate hain, ye to abhyaas hai । ye sab to nahin kar sakte hai na । usmein maataaen to kar bhi na saken ।… .unmein dipheekalteej hai । koi-koi praanaayaam chadhaate-chadhaate buddhi kharaab ho jaati hai, maatha kharaab ho jaata hai । yeh to bilkul hi sahaj samajhne ki baat hai ki he mere laadle bachche! tum aatmaon ka svadharma hai hi shant, parantu jab tumhaare svadharma shant mein ho to ghar mein rehte ho । vahaan shant rehte ho । usko kaha hi jaata hai shantidham । peechhe satayug ko kaha jaata hai sukhdhaam । yaani baap aa karke phir nai duniya ko sthaapan karte hain । dekho, abhi nai duniya sthaapan ho rahi hai na, puraani ka to khalaas saamne khada hua hai । gaaya bhi jaata hai ki prajaapita brahma dvaara sthaapna । abhi sukshmavtan mein jo brahma rehte hai, un dvaara to manushya-srishti ki sthaapna nahin ho sakti hai । to vo hai avyakt brahma, to phir ye hai vyakta brahma । yaani ye hai patit to vo hai paavan । jab patit yog aur gyaan se paavan ban jaate hain tab phir vo ban jaate hai । vaise tum bhi aise hi ho । samjha । prajaapita brahma jab yahaan hai to tum sukshmavtan mein bhi unke saath rah jaati ho । tum jaate ho to vahaan… । usko kaha hi jaata hai pharishton ki duniya । sookshm vatan mein pharishton ki duniya । vahaan haddi-maans nahin hota hai । vahaan sookshm saphed shareer hote hain । tum logon ne ghost nahin dekha hai na । ghost jisko bhoot kehte hai । jisko shareer phat se nahin milta hai, vo bhatakte hai । to chhaaya roopi unka shareer hota hai । vo dekhne mein aata hai, jaise manushya jaata hai, par chhaaya roopi । unko pakdo to pakadne nahin dete hain । yahaan tak bhi aa jaate hai । usko doosre akshar mein ghost bhi kehte hain ki aatma ko jab talak shareer mile tab talak aise bhatakti hai । vo to hui doosri duniya, unse koi taaluk to hai nahin । is gyaanmaarga mein yeh samjhaaya jaata hai ki tum ko apne baap ko yaad karne se kya hoga? tumhaare oopar jo vikarma hai vo jal jaaenge । abhi time to bahut thoda hua hai । tab gaaya jaata hai ki bahut gai, thodi rahi, ab thodi ki bhi thodi samay rahi hai । isliye jitna ho sake itna apne baap ko yaad karo । to kya hoga? ant mate so gat । to dekho, vahaan hai bhi na, geeta mein ek do right akshar likhte to hai । baba ne kaha hai na ki shaastron mein jaise aate mein loon koi sachche akshar hai, baaki sab jhooth । abhi usmein kehte hai । kaun kehte hai? bhagvaanuvaach । abhi pahle to bhagwan kaun hai uska maaloom padna chaahiye ki bhagwan niraakaar hai । kaise uvaach karte hai? bolta hai main saadhaaran brahma ke tan mein, jiska naam ham khud prajaapita brahma rakhte hain, uske tan mein pravesh kar aur phir main kya kehta hoon gyaan dete, yog sikhlaate yaani aatmaon se baat karte hai । bachche, abhi nirantar mujhe yaad karo । abhi yeh duniya vinaash ko paane vaali hai । main aata hi hoon ek dharma ki sthaapna karne jo praayahlop hai aur phir baaki dharmo ka vinaash । barobar abhi to bahut dharma hain, athaah dharma hai । is samay mein laakhon dharma hai । laakhon to kya karodon dharma honge । to anek ho gae na । satayug mein bhaarat mein aaj se 5000 varsha pahle ek hi aadi sanaatan devi-devta dharma tha, aur to koi tha hi nahin । samjhaate hain na ki bachche, barobar jo bhi aatmaaen hain vo apna hisaab-kitaab chuktu karke… । isko kaha hi jaata hai kayaamat ka samay, segrigeshan(algaav) ka samay, hisaab chuktu hone ka samay । sabka duhkh ka hisaab sab chuktu ho karke yaani paapon ka… । duhkh milta hai paap ke kaaran । ye paapon ka hisaab chukta ho aur phir punya ka hisaab shuru hota hai । to jo manushya pahle vahaan se aate hai… paap aatmaaen to nahin ja sakengi na । unko zaroor punya aatma… । to dekho, aag mein lag padti hai । har ek cheej ko shuddh karne ke liye aag jagaai jaati hai । jab yagya bhi rachte hai to dekho aag jagaate hain । usmein kaathi vagairah dekar havan aadi karte hai, parantu baba bolta hai ye koi material yagya to nahin hai na, havan to nahin hai । yeh to hai rudra gyaan yagya । isko gaaya hi aisa gaya hai ki 'rudra gyaan yagya । aise kehte hi nahin hai ki krishna gyaan yagya । aise hai nahin । krishna ne koi yagya nahin racha hai । krishna to satayug mein prince hai, vahaan kaahe ka yagya! yagya racha jaata hai jab ye aaphten hoti hai । to dekho, is samay mein aaphten hain na । bahut manushya rudra yagya bhi rachte hai, par rudra gyaan yagya nahin rach sakte hai । rudra gyaan yagya to rudra aakar rachega arthaat parampita paramatma aa karke rachte hai na । phir kehte hai ki yeh jo rudra gyaan yagya racha hua hai, ismen jo bhi yagya hai vo sabhi aahuti ho jaaegi, jo bhi manushya hai sab aahuti ho jaaegi, kyonki bahut bada yagya hai । … .baba aaya hua hai, yeh yagya racha hua hai । kitna baras ho gaya? itna yagya koi thode hi rach sakte hai । yeh yagya rachta hai jab talak ki aadi sanaatan devi-devta dharma ki baadshaahi sthaapan ho jaave aur vo paavan ban jaae । paavan koi paath se to nahin bante hain । ye to yog se banna hai । to yog lagaate raho-lagaate raho, ant tak lagaate raho । ye hai yog ki race । kaisi race? ki ham rudra ko yaani baap ko yaad karte hai । jo jitna jaasti yaad karenge, vo jaise ki daudi jaasti pahante hai । daudi jaasti pahante hain to ja karke uske gale ka haar banenge । usko kaha jaata hai roodramaala । phir gale ka haar ban karke aa karke vishnu ki maala bante hain । isliye do maalaaen mashhoor hain । vishnu ke gale mein phool ki maala, kyonki tun kaante se phool bante ho । raavan puri se vishnupuri jaate ho to vishnu ki maala ban jaate ho । pahle rudra ki maala । pahle baap ke paas ghar zaroor jaana hai । baap le jaate hai na । peechhe jo-jo purushaartha karenge vo nar se naaraayan ban aur naari se lakshmi ban, peechhe ja karke raajya karte hai । vishnu ke do roop ho gae । to goya yeh aadi sanaatan devi-devta dharma ka svaraajya sthaapan ho raha hai । satayug mein to nahin hoga । sthaapna to yahaan hogi na । patit to yahaan paavan banenge । laayak yahaan banenge । to dekho, tumko raajayog sikhlaay rahe hai । kaise? jaise 5000 varsha pahle sikhlaaya tha । yeh yog main har 5000 varsha baad, har kalpa ke baad tumko sikhlaate aata hoon aur tumko yeh poora nishchay bhi hai ki barobar baap aate hai jab bhaarat bilkul hi jadajdeebhoot avastha ko paata hai, bilkul hi kangaal ho jaata hai to baap aakar… hai na shivraatri । aata to hai na । phir shivjayanti bhi kehte hain, shivraatri bhi kehte hai । kaun-si raatri? raatri vo nahin hai jis raatri mein shreekrishna janma lete hain । vo vahaan ghadi dekhte hain, kalaaen vagairah dekhte hain । iska koi pata hi nahin hai, parantu raat kisko kaha jaata hai kalhayug ka ant aur satayug ki aadi । yaani puraani duniya ka ant aur nai duniya ki aadi । barobar satayug-treta hai din, phir dvaapar-kalhayug hai raat । isko kaha jaata hai brahma ka behad ka din, phir brahma ki behad ki raat । din aur raat bhi to gaaya hua hai na । kiska? brahma ka । krishna ka nahin gaaenge kyonki krishna ko gyaan nahin hai । yahaan brahma ko gyaan milta hai । prajaapita brahma ko baap se gyaan milta hai aur tum bachchon ko phir brahma se milta hai । goya shivbaaba tumko brahma dvaara gyaan de rahe hai । kaun-sa? yeh saare srishti ke chakra ka । tumko trikaaldarshi banaate hai । manushya-srishti mein koi ek bhi trikaaldarshi ho nahin sakte hain, impossible hai । agar hove to yeh knowledge deve na ki srishti ka chakra kaise phirta hai । koi satsang mein kabhi bhi koi knowledge de nahin sakta hai । yeh baap jab aate hai to manushya to jaante hain ki shreekrishna bhagvaanuvaach । abhi bhagwan to sabka ek । kabhi bhi musalmaan, paarsi vagairah koi shreekrishna ko bhagwan thode hi maanenge । nahin, vo ye jaante hai ki barobar yeh raajkumaar hai । kya koi raajkumaar bhagwan hota hai? bhagwan raajaai lene to phir raajaai gumaave bhi ।… .vo to baap kehte hain ki tumko raajdhaani vishwa ka maalik banaay main phir nirvaandhaam mein hi rehta hoon yaani paramdham mein hi rehta hoon । phir satayug aur treta mein koi takleeph to hoti nahin hai, na koi mujhe pukaarte hai, isliye main nirvaan mein rehta hoon । samjha na । bas, manushyon ko koi bhi duhkh nahin hai । phir jab duhkh hona shuru karte hai to mera part bhi shuru ho jaata hai । main suna hi karta hoon । mujhe bahut pukaarte hain, yaad karte hain- he bhagwan, he merciful! aise shuru kar dete hai, kyonki maaya ka raajya shuru ho jaata hai aur duhkh thoda thoda shuru ho jaata hai । to baap ne achhi tarah se samjhaaya hai । tab bhakti kaise shuru hoti hai? pahle pahle jo poojya the, jo pujaari hote hain, vo pahle avyabhichaari pooja karte hai yaani shiv ki pooja karte hain । usko kaha jaata hai avyabhichaari pooja । usko hi kaha jaata hai satopradhaan pooja, bhakti ।… satopradhaan ke peechhe sato peechhe shiv ki pooja chhod karke devtaaon ki pooja shuru karte hain । jaante nahin hain, kyonki pujaari jaan kaise saken । koi ko bhi nahin jaante hain, koi bhi nahin jaante hain । bas, pooja shuru ho jaati hai । phir shiv ki pooja, phir din-pratidin vo shiv ka baith karke naam daalte hai । nahin to ekdam pahle pahle naam shiv ka hota hai, kyonki shiv kaho ya somnaath kaho, baat ek hi hai । shivbaaba to niraakaar thahra । achha, somnaath naam kyon pada? kyonki bachchon ko aa karke somras pilaaya, gyaanaamrit pilaaya, isliye naam pad gaya 'somnaath । peechhe to bahut hi naam pad gae hai । shivbaaba ke oopar dher ke dher naam pade hai । bombe mein baboolnaath yaani babool jo kaante the, unko phool banaane vaala । uska arth to koi samajhte hi nahin hai । aise bahut hi naam daalte hai । sabmen arth hain ki kyon iska naam aise hai, ek ka naam kyon rakha hai ।… sarva ka sadgati daata ek hai । unke liye agar kah dete hai ki sarvavyaapi hai, kutte mein, billi mein । yeh to glaani hui na । baap kehte hai jab sangam ka samay aata hai, main sirf ek baar hi aata hoon । main koi itne avtaar leta hi nahin hoon- parshuraam avtaar, phalaana avtaar । ye sabhi bhakti ke banaae hue hain । ye sab jo bhi hai bhakti ke karmakaanda ke kitaab hain ya pustak hai ya shaastra hain । baaki mujhe koi bhi nahin jaante । na ki aisa hai ki bhakti karne se mujhe milte hain । aise bhi nahin hai । jab sab bhakti ka samay poora hota hai, raavan raajya poora hota hai । raavan raajya shuru hota hai aur bhakti shuru hoti hai । jab yeh aadhaakalpa poora hota hai tab phir main aata hoon । yeh drama mein ek niyam hai । aise nahin hai ki kabhi mujhe koi bahut yaad kare । are! yahaan bahut hi ladaaiyaan lagi hui hai । angrejon ki ladaai, musalmaanon ki ladaai, pukaara to bahut । main kabhi aaya hua hoon kya?? nahin, main kabhi nahin aata hoon । main aata hoon ek baar । baap ek to avtaar bhi ek । aata bhi ek dapha hoon bas । kehte hai na- patiton ko paavan karne vaale liye aao । achha, phir hamko bhala kab bulaaenge, jo main aaoon, kya dvaapar mein aaoonga? nahin, dvaapar ke peechhe to kalhayug hai । mujhe zaroor kalhayug ke ant aur satayug ke aadi mein aana padta hai । mera ek hi baar aana hota hai aur aa karke phir sabko poora yogi banaata hoon । so bhi kaun-se yogi? raajayogi । tum ho raajayogi aur vo jo sanyaas hai vo hai hathayog । to hathayogi raajayog nahin sikhla sakte, hai । baba raajayog… .phir hathayog thode hi sikhlaaenge । unka sikhlaana kisko hai? purushon ko । phimel ko thode hi jangal mein jaana hai । vo bhi jaise bhaarat ka ek dharma hai, bhaarat ko thamaane ke liye, kyonki bhaarat mein pavitrata chaahiye na । bhaarat jaisa pavitra aur koi banta hi nahin hai, na, vahi 100 percent pavitra aur phir 100 percent patit । gaate bhi yahaan hain na- patit-paavan aao! paavan kaise banaao? ye devtaaon ke jaisa banaao । devta banaao । aise hi kahenge, aur to koi nahin kahenge na । sanyaasi kahenge ki he patit-paavan aao, hamko paavan duniya…? vo hai paavan aatmaon ki duniya aur satayug hai paavan jeev aatmaon ki duniya । vo to unko pukaarte hain ki baba, ham patit ko, grihastha dharma hai na, hamko paavan grihastha dharma banaao, kyonki bhaarat mein paavan grihastha dharma tha । abhi grihastha dharma patit hai । patit grihastha dharma ko paavan grihastha dharma koi grihastha ka sanyaas karne vaale thode hi bana sakenge । unka phir kya hai? baap bataate hain ki vo pavitra rehte hai, isliye bhaarat thama rehta hai aur sach bhi bolte the ki neti-neti, ham na rachta ko jaante hai, na rachna ko jaante hai । vo to beant hai । abhi jab tamopradhaan bane hai to kah dete hai shivoham, sabhi eeshvar ke roop hain । samjha na । pahle aise nahin thaah kyonki us samay mein satopradhaan avastha mein the, phir sato mein, rajo mein, abhi saari duniya bilkul hi tamopradhaan avastha mant hai । tab baap kehte hai main aata hoon 100 percent tamopradhaan vaalon ko 100 percent satopradhaan banaata hoon । peechhe sabko to satayug mein nahin le aata hoon na , kyonki sab to satayug mein hote hi nahin hai । satayug mein aadi sanaatan devi-devta dharma hota hai… .peechhe aate hain sabhi । sabhi to svarga mein nahin jaaenge । baaki jo aate hain unko mukti । mukti aur jeevanmukti daata hi ek, aur na koi । manushya, manushya ko kabhi bhi mukti jeevanmukti nahin de sakte hai, isliye guru kahlaane ke hakdaar nahin hai । to ye guru kiske hain? ye hai bhaktimaarga ke guru । ye hai gyaanmaarga ke guru, vo hain bhaktimaarga ke guru । jismaani yaatraaon ke oopar bhi grihastha dharma vaalon ka dhandha hai । bhakti karna koi sanyaasi ka karma nahin hai । vo bhakti chhod dete hain, grihastha dharma ko hi chhod dete hai । bhakti hai hi grihastha aashram vaalon ke liye, na ki sanyaasiyon ke liye, parantu pahle jangal mein rehte the, phir jab tamopradhaan ya rajo bante hain to andar ghus aate hai । peechhe ye jismaani jaise pandit taise ye pandit bhi ban jaate hain । ye yaatru bhi ban jaate hain । yaatruo ki jagah. phir unke guru bhi ban jaate hain । phir jaise andar ghus jaate hai । mukh se kehte hai ki ham gharbaar chhodne vaale hai, sab kuchh chhodte hai । unko ek paisa bhi nahin le jaate hai । kaayda aisa hai- sanyaasi ek paisa nahin le jaave, chale jaave guru ke paas । abhi dekho, tamopradhaan banne ke kaaran aajkal kitne lakhapti-karodapti sanyaasi aajkal gyaanmaarga ke, jo gyaan saagar baba hai, unke bachche । tum roohaani yaatra karaaenge aur vo jo saadhu sant sanyaasi hain, vo sabhi jismaani yaatra… । dekho, jaate hai na । nahin to jismaani hai! sanyaasi karodapti hai, unke paas das-das, bees- bees karod hai । jab kehte hai hamne hartha and hom yaani gharbaar chhoda to peechhe unko paise ki kya darkaar hai! tamopradhaan ban jaane se peechhe ye ghus jaate hai, peechhe lakhapti-karodapti ho jaate hai । grihasthiyon se bhi ye saahookaar ho jaate hai, jo phir mukh se kehte hai ki hamne gharbaar chhoda hua hai । to ye adulteration corruption hui na । dhokha hua na । corruption ko dhokha… । abhi sarvavyaapi kehna, yeh bhi to dhokha hua na । tab baap aakar kehte hai bachchi, ye jo guru log hai in sabko chhodo । geeta mein to likh diya hai ki inko maaro । maarne ki to koi baat hai nahin, kyonki tum non violence ho । tum ahinsak ho, hinsak nahin ho । na koi se ladte ho, na koi ke oopar kaam-kataari chalaate ho । to dekho, is kaam par jeet pahanna… mehnat hai na । sanyaasi ghar baithe nahin jeet sakte hai, isliye bhaag jaate hai aur tumko to ghar mein baith karke bhi, rah karke bhi vikaar ko jeetna hai । yukti? yukti yahaan hoti hai ki tum brahmaakumaar aur kumaari ban jaane se shivbaaba se varsa lete ho, isliye tum bhaai-behen ho gae । yoon vaastav mein hisaab karen ki jab ham sabhi bhagwan ke bachche hai । niraakaar peechhe saakaar brahma dvaara, to bhaai-behen thahre na । vaastav mein to sabhi bhaai-behen thahre । peechhe ye biraadriyaan nikalti hain, parantu vaastav mein hisaab karen ki jab ham sab bhagwan ke bachche hai to zaroor hamko nirvikaari banna chaahiye । bhaai bhaai hue । brahma ke dvaara phir bhaai-behen hote hain । jab brahmaakumaari aur kumaar behen-bhaai hon, to vikaar mein ja nahin sakte ho । achha, vikaar mein na jaane se tumko iske liye kya milta hai? are, vishwa ki baadshaahi milti hai, sirf ek antim janma nirvikaar rahne se । isko kaha jaata hai bahut janma ke ant ke janma ka bhi ant । ismen agar grihastha dharma mein rehte hue kamal phool ke samaan tum nirvikaar rahe, pavitra rahe to dekho kitna oonch pad milta hai । to status hui na । em-object hai na… .yahaan aae hue hain phir devi-devta banne । yahaan to sabhi bhrashtaachaari hai । devi-devta kaun banaaenge? vishwa ka maalik kaun banaaenge? to jo vishwa ka rachta hai, vo banaaenge na ।… .ye sabhi samajh ki baat hai । abhi tum sabhi samajhdaar bante ho । srishti ka chakra kaise phirta hai yeh sab tumhaare mein gyaan hai । isliye tum svadarshan chakradhaari ho gae । sva aatma ko darshan hua, knowledge mili ki ye srishti ka chakra kaise phirta hai । kisse knowledge mili? parampita paramatma, jisko hi knowledgeful kaha jaata hai, kyonki manushya-srishti ka beej-roop hai । to jo beej hai vo chaitanya hai aur unko hi kah dete hain- gyaan ka saagar, knowledgeful । to unko zaroor aana pade na । to dekho, abhi aae hai, knowledge dete hai । samjhaate hai- main hoon manushya-srishti ka beej-roop । baaki to anek beej hai । yeh bhi tum jaante ho ki beej se jhaad kaise hota hai । yeh bhi ulta vriksha hai । isko ulta vriksha kaha jaata hai । beej oopar aur jhaad neeche । samjha na! ham aatmaaen to oopar rahne vaali hai na aur yahaan jhaad mein aae hue hai । dekho, pahle pahle daivi jhaad, peechhe islaami jhaad, phir bauddhi jhaad, Christian jhaad, phir unmein multiplication taal-daal-daaliyo । abhi tumko is kalpa vriksha ka achhi tarah se gyaan mila hai । yeh doosra to koi de nahin sake, na koi shaastra mein hai । shaastron mein kyon nahin hai? tum abhi jo sunti ho, so to tumhaari buddhi mein raha, bhale tum kuchh likhti bhi ho, par ye to sab vinaash ho jaaega na । satayug mein to koi shaastra vagairah bilkul hote hi nahin hai । mandir aadi to hote hi nahin hai । kuchh bhi nahin hote hai । ye sabhi hai bhaktimaarga ki saamagri । ye peechhe nikalti hai । satayug mein hai nahin । satayug mein to heere aur javaahron ke mahal, vo raajbhaag tum jo inhereetensa(varsa) paati ho, vo tum bhogti ho । to bhi kitni achhi kahaani hai । tum kah sakte ho na- long longa ago ek kahaani । 5000 varsha pahle yahaan aadi sanaatan devi-devta dharma tha । ye lakshmi-naaraayan ka raajya tha । peechhe jab treta aaya to shri seeta aur raam ka raajya chala । dekho, long-longa ago ki aakhaani ye to samajh sakte ho na । sooryavanshiyon ke baad chandravanshi, jab un chandravanshiyon ka bhi aadhaakalpa poora hua tab phir maaya ki praveshta ho gai । peechhe doosre dharma aane lage । mukhya islaami dharma aaya, peechhe bauddhi phir Christian aur phir vagairah vagairah… yaani jhaad ko chhoti-chhoti taal-daal-daaliyaan nikleen, jhaad poora ho gaya । dekho, long-longa aigo tum akhaani sunaati ho na, bilkul sahaj hai । abhi jhaad tamopradhaan ho gaya । ab phir se repeat karega । ab yeh kitna sahaj gyaan hai । achha, baba abhi vidaai lete hai । mansa vaacha karmana koi ko duhkh na dena hai । usko angreji mein kehte hain-- thought varda aur deed kisko bhi duhkh nahin dena hai । abhi samjhaana to hai na । kisko kehna nahin hai ki geeta ka bhagwan krishna nahin hai, bhagwan hai । krishna to punarjanma lete hain, manushya hai । to vo gussa khaate hain । achha, dekhte hai ki unko gussa lagta hai to unko nahin bataana chaahiye, chhod dena chaahiye । achha bhai, tumko gussa lagta hai na । abhi apne hi jis mat par ho, us par kaayam raho, phir chhod dena । bas, ye ek hi baat par hai sab । tum bahut tik-tik karte ho na, tabhi manushya moonjh jaate hai । tumhaari baat hi ek hai, jisne bhaarat ko kangaal banaaya hai । ye ek baat hai । baap ko kutte mein, bille mein, gaaliyaan pichhaadi gaali । bahut diphemeshan kiski hui hai? godphaadar ki । vo aakar kehte hai tab tum meri aur mere devtaaon ki glaani karte ho । kaise glaani karte ho? mere ko sarvavyaapi kutte mein, bille mein, kachchha mein, machchha mein laga diya । kehte ho ki punarjanma nahin lete hai aur doosri taraph kehte ho kachchha-machchha mein, bhittar mein, thikkar mein, kan-kan mein ।… .dekho samjhaate hai na । badi gaali diya na ।… .peechhe second number mein kah dete ho shankar paarvati ke oopar pichhaadi… kyonki pahle number mein hai shivbaaba peechhe number mein hai… .shankar । shankar ke oopar bhi tumne… .vo dhatoora khaate hai, bhaang peete hain, vo paarvati ke oopar pichhaadi hua, peechhe bichchhu aur tindan paida ho gae । ye baaten hai ya nonsensa hai? second number mein unki glaani, phir third number mein aao, brahma ki । brahma sarasvati ke oopar phida hua, phalaana hua… । achha, aao vishnu ke oopar । vishnu ke do roop hai lakshmi-naaraayan, chhotepan mein hai krishna । krishna ko bhi to tumne gaali de di । krishna ko 108 raaniyaan theen । 16000 raaniyon theen । dekho, unko bhi gaali di… । judge karo ki barobar aise hai? to sabko hua । shiv ko bhi hua, jo rachta hai, phir unke second mein aao- shankar । unko bhi shiv shankar se mila diya, bail ke oopar baitha diya । are, sukshmavtan mein bail kahaan se aaya? to moorkhata hui na । abhi sabhi moorkha । phir uski bhi bata di ki brahma ki bhi karte hai । phida hue, phalaana । achha, phir aao vishnu ke oopar । oonche te oonch ye teen hain na । vishnu ke bhi do roop lakshmi aur naaraayan । yeh bhi unko pata to hai nahin, parantu nahin, lakshmi aur naaraayan to unse pahle hai krishna aur raadhe । usmein raadhe ko itni gaali nahin di, krishna ko thok karke gaali di ki isko sarpa ne dasa 108 raani thi । ab 108 raani thi aur bhagaate the aur sarpa ne dasa vo gyaan kaise denge? usko patit-paavan kaise kahenge? jisko 108 stri, usko patit-paavan kaise kahenge? to dekho, kitni bhool hai! ab jab bataate hai to manushyon ko mirchi lagti hai । sach bataao to mutthon ko laal mirchi lagti hai । abhi kya kare bhagvan! achha bachchi, toli le aao । meethe-meethe, sikeeldhe bachchon prati । maat-pita ham baalak tere, tumhaari kripa te sukh ghanere- gaaya to jaata hai na । laukik maa-baap ki to ye mahima nahin hai । zaroor parlaukik maa-baap ki hai । maat-pita bhi zaroor hone chaahiye, kyonki bhagwan rachta hai, maata bhi zaroor hogi । to dekho kehte hain na- tum maat-pita ham baalak tere, tumhari kripa te sukh ghanere milte hain । abhi kab milte hain, bichaare gaate aate hain, un logon ko pata nahin hai । shaastron mein to kalpa ki aayu laakhon varsha laga di । ghor andhiyaare mein… । abhi tum jaante ho ki barobar tum maat-pita, ham baalak tumhaare se raajayog seekh karke svarga ke sada sukh ka varsa le rahe hain । samjha na । sanyaasi sukh ko kaagvishtha samaan samajhte hai । abhi jo kaagvishtha samaan sukh hai usmein se vo raaj ko kaise jaanenge, raajya kaise karenge? to jo tum raaja the, so phir yaad karte hai- tumhari kripa te sukh ghanere phir se milenge । vo bhi samajhte nahin hai, baaki kehte rehte hain- tumhari kripa te sukh ghanere । ab tum jaante ho hamaari yeh jo pukaar thi vo abhi poori ho rahi hai । baap aa karke hamko phir raajayog sikhla rahe hai । achha! meethe-meethe sikeeldhe bachchon prati maat-pita, baapdaada ka yaadapyaar good morning ।