Sakar murli du mardi 31 août 1965 - 1

> >

31-08-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshnon ko chandrahaas bhaai ki namaste, aaj mangalvaar agasta ki 31 taarikh hai। praatah class mein baapdaada ki murli sunte hain।

record –

jaag sajniyaan jaag……

abhi geet to bahut achha hai। iska arth bhi sahaj hai । theek hai na । jabki iska arth buddhi mein aate hain kyonki ye hai chakkar ka arth buddhi mein, to koi jubaan se kyon nahin samjha sakte hain । aaj dekhen, ye jo chhoti bachchi hai, tum iska arth samjha sakti ho? yahaan aao, shuru karo, dekhen । to baba samjhaate rahenge ki tum bachcho ko kaise buddhi mein rakhna hai aur samjhaana hai, kyonki bahut sahaj te sahaj hai ye geet । to tum aakar samjhaao phir main tumko madad karoonga । jo samajhte hai ham samjha sakte hai, jo samajhdaar hai। besmajh to nahin samjha sakenge na । samajhdaar hi sahaj samajhte hai ki ham samjha sakte hain so gaddi par aave । yeh mutthi nahin jaanti hai । sab besmajh hain । jo raat ko baba ne baat nikaali ki kaise samajhna hai, samjhaana hai । koi geet bhi nahin bajaana hai । inme samajh hi hai is drama ki । baba ke paas aa karke thoda hi samjhaaen to main unko madad bhi karoonga aur jo besmajh hai, jo samjha nahin sakti hai, vo bhi samajh jaaegi । bachchi ko himmat to hai na । vo jangali tota to nahin banna hai na । nahin to ye to baap ke dil mein asar pad jaaega ki ye jangali parrot hai, ddayuman parrot hai, ye kuchh samajhta hi nahin hai । uska nateeja kya hota hai? bhale baap ke to bante hain, varsa to paaenge, bhale baba kehte hai ki varsa bhi poora paaege, kyonki poore surrender hai । shivbaaba ko apna poora varsa dete hai, uske badli mein varsa lete hai । baba ne samjhaaya na, kyoki yahi bachchi hai phir, jisse kal hi poonchha- santaan kitna hai? to bole- aath । to unki braahmani bolne lagi- tum to bhoolti ho, saat । usne bola- na, aath । abhi main to samajh gaya ki vo kehti hai ye right kehti hai, vo moonjhati hai inke bolne se । to barobar vaaris to banaana hai na, bali to chadhna hai na kyonki baap bachche ke oopar bali chadhte hain । dekho, ye hai eeshvareey knowledge । ye yahaan ke jangali janaavar nahin samajhte hai । hai manushya, par hain janaavron ke misal । ye to bachchi samajh gai ki inko vaaris banaane se ye hamko iska return 21 janma ka varsa de sakte hain, aur to koi bhi nahin de sakte hai । bhale manushya ja karke bali chadhte hain ya sharan padte hain । jaise arvinda ghosh aashram, ek aanandapur । yahaan aise aise hain, jahaan ja karke baith jaate hain, vahaan ja karke rehte hain yaani sab kuchh le jaakar vahaan rehte hain, par return to kuchh bhi nahin, dhool bhi nahin, chhaai bhi nahin । samjha na! aur yahaan to baap hai, kyonki gaaya bhi jaata hai- tere oopar balihaari jaaoongi, vaari jaaoongi ।.bahut bachchiyaan yahaan arth samajhti nahin hain । are, hamaari braahmani bhi nahin jaanti hain bahut koi koi, jo buddhu hai, vo bhi itna nahin jaanti hai, kyonki phir samjhaana hota hai, jaise baap bachche ke oopar bali chadhte hai to vaise phir yahaan kya hai, bachche baap ke oopar pahle bali chadhte hain, kyoki yahaan nai baat hai । tab baap varsa dete hain, kyonki hisaab hi aisa hai ki isi janma mein tum bali chadho phir 21 janma ke liye baap bali chadhta hai, kyonki aise to koi hota hi nahin hai, na koi bali chadhte hain, na koi 21 janma ka varsa de sakte hai । to bachcha kabhi koi baap ke oopar bali chadhta bhi nahin hai । baap bali chadhte hain, bachche chadh nahin sakte hain yaani vo kaayda hai hi ek eeshvar ka kaayda । gaate bhi aise hi hain tere oopar vaari jaaoongi, balihaari jaaoongi । mere to aap, doosra na phir koi । to dekho, bali kaise chadhte hain! bas, doosra koi nahin ekdam, na maama, na kaaka, na chaacha, na baba, na kuchh jo mera hai । to ye mera hua na- mera shareer, meri maata, mera pita, kaaka, chaacha, maama, guru-gosaai shareer ko hua na । bolte hain ham sabko chhod ek niraakaar ke oopar bali chadhte hain, kyonki vo baap hai । to barobar vo to zaroor satayug ka 21 janma ka varsa denge । abhi jo poora bali chadhenge vo apne dil roopi darpan mein khol-khol karke dekhna hai ki ham poore bali chadhe hue hain, abhi ye hui dil se bali chadhne ki baat । grihastha vyavhaar mein rehte hue phir dekho, wonder kaisa achha hai! grihastha vyavhaar mein rehte hue, apne grihastha dharma ka paalan karte hue tumko bali chadhna hai । dekho, abhi guhya baat ho gai na । to prashn uthe ye kaise? vo bolte hai ki vyavhaar mein bhi raho, grihastha mein bhi raho, par kamal phool ke samaan pavitra raho । rehte hue buddhi mein ye sambhaal, abhi 84 janma poora hota hai, yeh to shareer bhi chhodna hai, uske saath sab kuchh chhodna hai । ham to baba ke ho gae । unke ho gae । ye sabhi jo bhi hain- maama kaaka baba chaacha hain zaroor, main unki sambhaal kar raha hoon bachchon vagairah sabki, parantu ye sabhi kabradaakhil hone vaale hain ।… naatak poora hota hai । ham to jaaenge baba ke paas. varsa paane ke liye, jiske liye ham purushaartha karte hain । kaun-sa? unko yaad karte hain jiske oopar bali chadhe hain aur jo bali chadhe hain, jiska evja hamko milna hai satayug ka, vo hamko yaad rakhna hai । vo to saaph kah dete hain ki yeh antim janma grihastha vyavhaar mein rehna hai, parantu vahaan rehte hue tum bali chadho ki baba, sab kuchh aapne hi diya hua hai so sab kuchh aapka hai । to jaise baap ne sab kuchh diya hua hai aur vo sambhaal rahe hain trustee ho karke, parantu vo sachchi baat to nahin hai na । vo kahne maatra hai । jo agar koi le leve ya anaayaas hi divaala nikle ya bachcha mare to rone lag padte hai । yahaan kabhi bhi kiska grihasthi vagairah mein koi bhi mare to unko rona nahin hai, kyonki vo to de diya, vo to paraai cheej ho gai, jiski thi unki ho gai, phir rone ki kya darkaar! roya to khoya, yaani fail hua, kyonki de di । trustee hai । cheej unki hai jisne di thi, unko hi de diya । ham unke direction anusaar apne grihastha vyavhaar ko pavitra rehte hue sambhaal rahe hai । koi bhi atak hoti hai to ham shreemat lete hain, poonchhate hai । to dekho, sahaj samjhaate hai na । aise to nahin kehte hain- le aao tumhaari jameen, makaan, agad, bagad, sagad, tagad yahaan laakar ke rakho । vo nahin kehte hain । jaise arvinda ghosh mein jaate hain to gharbaar le karke vahaan jaakar rehte hain । baba aise thode hi kehte hain । vo bhi to ek kisma ka sanyaas hua- yahaan se uth karke vahaan ja karke baithe । tumko vo to nahin karna hai । tumko to is duniya se hi nai duniya mein jaana hai । vo log koi bhi yeh nahin jaante hai ki hamko koi nai duniya mein jaana hai । ye to sirf tum yahaan jaante ho ki barobar abhi ham nai duniya mein jaane hain, rehte hue, kyonki samajh ki baat hai na । yahaan baap ke paas kahaan aa karke sab baithenge! yahaan baithne ki koi baat nahin hai । baithne ki baat hoti hai pichhaadi me । jab vinaash hota hai to phir bhaagte hain, yahaan baap ke paas aa karke rehte hain । jo-jo rahne vaale honge, aa karke rahenge to zaroor । to pichhaadi mein yahin aa karke rehte hain safety ke liye, kyonki vahaan to maaraamaari, pata nahin kya ho jaata hai । vo to jab samay aaega jhat dikhaai padega ki ye... maut ka samay hai aur tum bachchon ko hi maaloom hai ki ye vinaash hone ka hai । doosre bachchon ko maaloom nahin hai ki ye koi poora vinaash hone ka hai । vo to samjho ladaai phir lagegi to bhi vo apna haay-haay karte rahenge, bhaagte rahenge । tum bachchon ko maaloom hai ki vo samay aa gaya, unke kuchh pahle hi tum yahaan bhaag karke aa jaaenge, kyonki baba ne samjhaaya pichhaadi mein tum bachchon ko badi khushi, bada najdeek saakshaatkaar hota rahega, ye hota rahega, ye hota rahega, to tum yahin aa karke rahenge । shuruaat ki baat aur hi pichhaadi mein bhi kuchh hoti hai । vo kehte hai na jo tumne dekha so ham na dekha । to jo bachchon ne vo dekha vo nayon ne nahin dekha । phir jo bhaaganti ho gae hai, vo jo nayon ne dekha so bhaaganti vaalon ne na dekha । ye to hoga na । to ye gyaan ki baate hain samajhne ki । baba bhi samajhte hain ki ye arth to bada sahaj tha bilkul hi । to bachchi ko kehte hai ki geet bajaati raho.. aur ye arth karte rahenge । peechhe chaahe to bhale saare geet ka arth kar deve । jaise ek line nikalti hai, phir baba arth karne lag padte hai, kyonki lajja to nahin karni chaahiye na । ye jo sanyaasi log hai, jab apne followers ko baith karke shaastron ki vaani chalaate hai to mukh se chalaate hain, kyonki yaad to karte hai, padhte to hain hi- ved mein ye likha hua hai, phalaane shaastra mein likha hua hai । bhaashan karte samay koi geeta nahin padhte hain । kuchh bhi nahin padhte hain । jaise dekho vahaan chinmayaananda aate hain to koi geeta lekar nahin baithte hain । unko yaad hai ki phalaane adhyaay ka aaj ham bhaashan karte hain ya phalaane shlok ka ham ye karte hain । to koi shaastra nahin lete hain । vaise tumko yahaan to aur hi sahaj hai, kyonki unko to shaastra yaad padte hain, tumko baap yaad padta hai ki baba ne hamko ye samjhaaya । shivbaaba ke hain, kyonki ye to tum log samajh gae ki ham shivvanshi to hain । parampita paramatma shivvanshi to sab hain । abhi ham change kar rahe hain pharmon ko । aaj subah ko baithe the na । ham shivvanshi hain ye bhi to sabko maaloom hona chaahiye na । to vahaan oopar me likhna hi hota hai parampita paramatma shivvanshi peechhe prajaapita bramhaakumaar-kumaareej eeshvareey vishvavidyaalay । to dekho, eeshvareey (yaani) eeshvar to ho gaya parampita paramatma । vahi padhaate hain brahma dvaara । ye seedhi baat ho jaaegi । isliye change kar rahe hain, kyonki din-pratidin jo kuchh apna letar firm bhi banaate hai unko bhi chej kar sakte hain । ye to ... maalik hai, jo pharmaan hoti jaaegi, karte rahenge, kyonki neeche bhi jab ham log likhte hain- ye hai raajasva ashvamedh avinaashi rudra gyaan yagya । abhi sirf gyaan yagya nahin likhna hota hai । abhi vo bhi likhte hain raajasva ashvamedh avinaashi rudra gyaan yagya । phir vahaan to neeche likhte hai ki eeshvareey janma siddha adhikaar daivi svaraajya paane । ye hua em-object ya uddeshya । hindi mein aise kehte hain na । uddeshya kya hai? apne baap se satayugi svaraajya ka janma siddha adhikaar lene । to jara clear ho jaave achhi tarah se aur ye yagya bhi 5000 varsha pahle muaaphik sthaapna kiya hua hai । vo bhi to likh sakte hain aur koi- koi likha hua hai aur banna bhi hindi mein hai । abhi english ko kam karte hain । letar phormsa bhi hindi mein । to vo aur hi khush honge । vahaan bhaashan bhi hindi mein samjhaate hai, koi english mein to samjhaate nahin hain । achha, tum bhi hindi mein samjhaaengi । koi hindi nahin jaante hai to unko english mein samjhaaya jaata hai । haan, abhi tum beech ki line bajaao । (geet:-jaag sajniyaan jaag, navjug aaya.... beet gai sab baat puraani. ..) kya puraani baat beet gai? dekho, main ishaara bhi deta jaata hoon । (kisi ne kaha- baba aakar ham sab aatmaon se kehte hain ki he aatmaon! ab navayug aaya hai aur tum ghor andhiyaare mein so rahi theen । ab jaago! ab kaliyug to khatam hone vaala hai aur satayug aane vaala hai । ab tum jaago.) puraani duniya, akshar poora karti raho । kalhayugi puraani duniya khatam ho rahi hai । satayugi nai duniya aa rahi hai । kaun-si puraani baaten beet gai? (kisi ne kaha- kaliyug mein tum raamraajya mein chalte the...) raamraajya nahin । ye satayugi sooryavanshi, ye chandravanshi, ye vaishyavshi ye shoodravshi ye bataao na bachchi! kya beet gaya? (kisi ne kaha- deh ke jo sab sambandhi hai aur saari duniya.. .usko bhool jaao aur aatmik sthiti mein hokar apne shantidham aur sukhdhaam ko yaad karo) achha chalo, ye bhi bahut achha । chalo baitho ।.... geet bhi suna aur phir aur koi samjhaana chaahe to aakar samjhaave । dekho, bachchon ko yukti bataate hain inko hiraane ki । abhi ek hi ke oopar hai । ek ek aave, saara din is ek class ke oopar । samjhaane ka saara raaj ismen aa jaata hai । abhi geet to nahin bajaana hai, par samajh karke samjhaana hai ki ye puraani duniya hai, ye vinaash hone ka hai । nai duniya mein kya tha, vo bataana hai । satayugi sooryavanshi tha, 8 janma hua, kyonki janma to jaana hai 84 ka chakkar poora karke । (kisi ne kaha- navayug aaya । ham sab aatmaaen hain । ham aatmaaen sab sajniyaan hai us saajan ki । kaun-sa saajan? jo shivbaaba brahma ke tan mein arthaat hamaare pita jo hai unke tan mein aa karke hamko gyaan ki dhaarna kara rahe hai arthaat aadi madhya ant ka raaj saara hi bata rahe hai) banna hai to zaroor baap jo patit-paavan hai unko yaad karna hai । to yaad karne se kya hoga? ye jo hamaare mein khaad pad gai hai vo nikal karke phir ham sachcha sona ban jaaenge । phir ham apne shantidham me chale jaaenge, phir baba hamko sukhdhaam mein bhej denge । ab ye to sahaj baat hai । haan, achha chalo, tumhaari raphtaar bhi samjhi । achha aao, ye karte- karte, jinki buddhi nahin khulti hai vo bhi jag jaave ।. kalhayug poora hota hai ।. kalhayug to hai hi । kaliyug ke baad satayug poora hoga । to kya hota hai, ye baithkar chakkar ka raaj samjhaaengi । baap ka to parichay zaroor degi । baba ne parichay pahle hi samjhaaya hai ki ham form mein kya likh rahe hain । (kisi ne kaha- parampita paramatma shivbaaba aakar ham sabhi bachchon ko, jo bachche agyaan andhere mein hain, agyaan ki nidra mein soe hue hai, us agyaan ki nidra se humein jagaate hain ki he sajniyaan ya he bhaktiyon! tum jaago! ab navayug aane vaala hai । navayug kaun-sa? jise kehte hain ki yahi bhaarat tha, jo svarga tha, sone ki chidiya thi, vahi navayug tha । us navayug ko ham kaise bhool gae! kyoki ham hi jo so devta the । ab kaise ham shoodra ban gae hai? us devi-devta gharaane mein ham kaise sooryavanshi the? .. .to he bhaaratvaasiyon! ab pavitra bano aur yogi bano । pavitra banne ki rakhdi baandho jisse ki shivbaaba se pratigya pakki ho jaae ki he baba! ham pratigya karte hai ki ab. ..) unse yog lagaao to yogaagni se ye paap khatam ho jaaenge ।.. jo cheedhe akshar hain vo bhi lagaao । achha shaabaas! tum bahut achhi ho । bulanda. .. । to hota kya hai ki ye bolti rahegi correct karte jaaenge, bolti jaaegi correct karte jaaenge । abhi aise nahin ki main inko chhodta । phir ham bolte hain ki phir shuru karo । shuru karke phir inko ham correct karte jaaenge । phir bolenge, phir shuru mai praatah class karo । main isko chhodta nahin tha । main inko 6 dapha zaroor vo karaata । to inko jo-jo bhi pyaaitas bhoolti hai.. ..... .main inko kam se kam 6-7 dapha zaroor baithaata tha aur correction karte jaate, karte jaate, taaki vo dekhen ki abhi inmen sabhi aata hai, abhi theek hai, kyonki mukhya baat to ye samjhaane ki hai na । phir unko bata dete the jo devta bane the bahut kaal se bichhude hue vahi phir devta banenge । jo- jo doosre dharma vaale hain- sanyaas dharma vaale, islaami dharma vaale, vo thode hi koi phir svarga mein aaenge ya sikkha hain, vo bhi na hon, par haan, unmein se jo convert ho gae hain, phir ham ye point dete, unme jo hindu kah die hain । hindu to dharma hai nahin । ye to hai hi aadi sanaatan devi-devta parantu patit hone kaaran apan ko devta nahin kehte hai । naam phira hai hindu । to jaise ki dharma bhrashta, karma bhrashta ho pade hain । he bhaaratvaasiyon! tum dharma bhrashta, karma bhrashta ban gae । jaise ki dekho, ye bhagwan se seekhi hui, ye bataati hai- he bhaaratvaasiyon! he bhaaratvaasiyon, kyonki ye bhaashan hai na । ye bhaashan ki baaten baba samjha rahe hain । to ghadi- ghadi correct kar-karke vo akshar usmein daalte jaane hai ki tum kitne the! abhi dekho, poojya se so pujaari ho gae ho । bhaarat jo itna poojya tha, sone ki jhidki thi, abhi dekho pujaari, thikkar ki, bhittar ki, gudiyon ki pooja aur vesta oph mani yaani best oph energy । hindi mein phir, dhan daulat samay barbaad karte । dasha utarti aati hai । baba aa karke aisa chadhaate hain, kya kehte hain isko? chadhti kala । phir dekho, chadhti kala aadhaakalpa chalti hai, phir aadhaakalpa mein bilkul hi kalaaen nikal karke tamopradhaan ban kaale ho jaate hai । ... bolte hain de daan to chhoote grahan yaani phir pavitra bano । peechhe pavitra bhi bano, mere ko yaad karo । .. .ye bhi tum add karo । correct karna hai yaani vo braahmani bhi teekhi chaahiye jismen buddhi ho । to unko correct bhi karaati jaave aur samjhaati bhi jaave । (kisi ne kaha- baap baith ham bachcho ko samjhaate hai brahma ke tan dvaara ki meethe bachche, sikeeldhe bachche, laadle bachche, ab navayug aaya ki aaya arthaat is samay main is puraani srishti ka vinaash karne ke liye aa chuka hoon । navayug kaha jaata hai satayug ko) badi bano, chhoti bachchi nahin bano । badi bano samjhaane vaali ।. .. .thoda bhi to chala sakte hain na । tum bolo, parampita paramatma shiv, unki to sabhi aatmaaen santaan hain । sabhi shivvanshi hain aur phir shiv ke peechhe aate hain brahma vishnu shankar । phir brahma dvaara baap baith karke ham logon ko ye knowledge dete hai, gyaan samjhaate hain, jo main samjha rahi hoon । (kisi ne kaha-. niraakaar shiv ham sabhi aatmaon athva sabhi bhaaratvaasi bachchon ko samjhaate hai ki he aatmaon, he sajniyon he seetaaon! ab...) hai to yahi saara gyaan, ismen sab kuchh aa jaata hai । sirf unmein thodi-thodi, cheedi- cheedi baaten add karni hoti hai । to aaj saara din tum ek braahmani, jab inko phursat mile to jo-jo bhi hai, chhodo ek ko bhi nahin । tum bataao abhi, tum bataao abhi । phir unko thoda bataao, phir unko madad karo, achha chalo aage, phir madad karo, aage । to unko mukh.. । agar ye aise dhandhe... । bas, ye ek hi geet bas hai । aur koi geet ki darkaar nahin hai । ye geet ke oopar aaj do , teen roj jo bhi ho, bas prabhu ke simran is geet ke oopar sabko samjhaao । sab yahaan aakar murli chalaaven aur vo jamuna hai na, kyonki class to vahi karaati hai । vo bhi baithe । tum bhi jab-jab baitho tabhi-tabhi ye class karo । din mein neend bhi bhale karen, parantu ek-ek ghanta usmein 5 - 6 ho jaaengi, phir doosra ghanta 5-6 ho jaaengi । abhi do - teen roj jo ye hai yahi tab talak isi geet ke oopar sabko kholo ।.. .. phir ye bolengi । jitna bhi bole, par bolti rahe । baba ke aage thoda lajja aaengi । inke aage bhi vo lajaaengi । dekho, inko lajja aa gai । peechhe lajja utar (jaaegi) purushaartha kiya to । to aise karne se inki vaani khulegi । ye bilkul sahaj geet hai । inmen saara gyaan aa jaata hai । ek bhi geet me gyaan saara aa jaata hai । to inki buddhi mein chakkar baithega na ki bhaaratvaasi aise the । peechhe ham bhaaratvaasi kahe. .ham bhaaratvaasi aise the, aise the, phir aise bane ।. .abhi baba baith karke phir hamko sikhlaate hain ki naya yug aaya । na koi vo gapode hain । geeta ka bhagwan bhi parampita paramatma hai । gyaan ka saagar vo hai । patit-paavan vo hai । vo krishna ko koi patit-paavan ya gyaan ka saagar thode hi kahenge । to vo point bhi pakki karni hai ki geeta ka bhagwan shivbaaba hai । ham sabhi shivvanshi hain, jisko paramatma kehte hain । phir brahma dvaara pahle brahman choti racha jaata hai । unko baith karke gyaan aise dete hain । aise-aise inko thoda samjhaate । yaad rakho, mehnat karengi to jinka mukh nahin khulta hai unka khul jaaega । usme .baba ne to bata diya hai ki jo-jo jiska mukh achha kholenge, usmein bhi number one ye baithi hai, ham inaam dete rahenge । ham teen roj ke peechhe ye result poochhenge ye ham bata dete hain । achha, chalo bachchi, toli le aao । mukh na khulega to kisko kya samjhaaengi! to aise kar-karke khulta jaaega khulta jaaega । isme sab gyaan aa jaaega । is ek geet mein saara gyaan aa jaaega phir । jo mukhya baaten hain samajhne ki । chhodna nahin hai । pakad karke bithaana hai । jo tumko aata hai so bolo । bolo zaroor । abhi teen roj dekho is geet ke liye। ham kal jo murli bataaenge vo bhale repeat karaao, parantu phir bhi is geet ke oopar । baat ek hi rahegi । vo murli repeat karaao ya ye geet repeat karaao, baat phir bhi ek rahegi । haan, utho bachchi । inka bahut phal hai । koi ko svarga mein achha pad paane ka laayak banaana yeh koi thodi service thode hi hai । vo sab hai tape mein । vo sabhi aise hi vahaan shuru karenge sikhlaane ke liye is geet ke oopar । isliye to ye tapes hai na । aise nahin ki tape sun karke so jaana chaahiye । na-na । phir jaise yahaan baba kehte hai taise har ek centre mein aise ho jaave । yahaan to yeh ghar mein baithi hai । vahaan bichaari ko thodi mushkilaat hoti hai, parantu phir bhi agar raat ko class hoti hai to phir yeh ek hi baat ke oopar murli, vo mukh khole kiska bhi । mukh na khulega to kya karenge, kanthi kaise padegi? yaani kanthi ka vijaymaala ka oonch daana kaise banega? daana bhale banenge, parantu vo to pichhaadi mein aakar banenge na । banna chaahiye pahle । vo to gyaani tu aatma chaahiye । baba thode hi kehte hain ki bachchon ko raajaai nahin milegi, parantu phir nambarvaar jo hai । sikeeldhe gyaan sitaaron, dekho main gyaan sitaare kahoonga to gyaan bhi to hona chaahiye na । chhote bachchon ko bhi ye sikhlaana hai । ye seekh jaaenge to buddhi mein saara raaj baith jaaega । shivbaaba baith jaaega । brahma vishnu shankar bhi buddhi mein baith jaaega । phir brahman gharaana, ye braahman dharma bhi baith jaaega । phir ye 8 dynasty bhi khyaal mein aaegi na। 12 janma, 84 janma bhi poora karen । ye jo mukhya baaten hain, bhaaratvaasi aise chakkar mein aate hain । doosra koi nahin aate hain, kyonki vo bahut kaal se bichhude hue hote hai । to jo pahle aate hain so pahle jaaenge, phir pahle aaenge । to vo bahut janma lete hain, peechhe vaale thode janma lete hain । yahi chakkar, sab ismen aa jaata hai । dekho, main sabhi centres ko bolta hoon aise in logon ko sikhlaao phir gaddi par baithaao, sikhlaao gaddi par baithaao । yahaan sahaj hota hai, kyonki rehti bhi ho yahaan, yahaan to saara din busy ho । vahaan to phir gharbaar mein chale jaate hain । jara mushkil hota hai । to bhi koi na koi din, din mein to maiyo ko mangaay sakte hain । vo log to office mein chale jaate hai । din mein phir ye classes । to unki murli chale, buddhi mein baithe । buddhi mein baithega to nasha chadhega, sojhre mein rahengi ki hamaari buddhi mein hai oopar se le karke । abhi jaise ki oopar chadhti kala me se utarte ho, phir kaise utarti kala hoti hai, phir kaise chadhti kala mein jaate ho- tumko sab buddhi mein bada achha baith jaaega । tum poora svadarshan chakradhaari banoge । kisko bhi samjhaaaige ki ham bhaaratvaasi aise the, aise the, abhi kya bhrashtaachaari ban gae hai, phir kaise baap aa karke shreshthaachaari banaate hai । sab bhrashtaachaari hain ekdam । koi ek bhi shreshthaachaari nahin, koi ek bhi paavan nahin, kyonki sabhi saadhu sant mahaatmaaen ye sabhi jaate hai ganga mein paap dhone ke liye । paap to aise nahin dhoe jaate hai na । patit-paavan kaise paap aatma se punya aatma banaate hain? bolte hai mere saath yog rakho । ye hai bhaarat ka praacheen yog । yog rakho to tumhaara vikarma vinaash hoga । yogaagni se tumhaari vo khaad nikal jaaegi । phir satopradhaan ban jaaenge । aise-aise inko pakka karo to buddhi mein baithe barobar hamaare khaad padi hai । sivaay baba ki yaad karke khaad kabhi nahin niklegi, kabhi nahin niklegi, na niklegi, saja paaenge aur pad bhi bhrashta hoga । ye to seedhi baat hai na । achha! good morning । 5000 varsha ke baad phir se aay mile hue bachche, jo apne baap se phir se apna sukhdhaam ka varsa le rahe hain, aise meethe, sikeeldhe bachchon prati yaadapyaar aur good morning ।