शनिवार 17 मई 1969 की अव्यक्त मुरली

> 17-05-69om shanti avyakt baapdaada madhuban

"jaadu mantra ka darpan"

is avyakt milan ke moolya ko jaante ho?avyakt roop mein milna aur vyakta roop mein milna donon mein pharka hai । avyakt milan ka moolya hai vyakta bhaav ko chhodna । yeh moolya jo jitna deta hai utna hi avyakt amoolya milan ka anubhav karta hai । abhi harek apne se poochhe ki hamne kahaan tak aur kitna samay diya hai । vartamaan samay avyakt sthiti mein sthit hone ki hi aavashyakta hai । lekin result kya hai woh harek khud bhi jaan sakta hai । aur ek do ke result ko bhi achhi reeti parakh sakte hain । isliye avyakt sthiti ki jo aavashyakta hai unko poora karna hai । avyakt sthiti ki parakh aap sabhi ke jeevan mein kya hogi, woh maaloom hai?unke har karma mein ek to alaukikta aur doosra har karma karte har karmendriyon se ati- ndriy sukh ki mahsoosta aavegi । unke nayan, chain,unki chalan ateendriy sukh mein har vakta rahegi । alaukikta aur ateendriy sukh ki jhalak unke har karma mein dekhne mein aayegi । jisse maaloom padega yeh vyakta mein hote avyakt sthiti mein sthit hain । agar yeh donon hi cheezen apne karma mein dekhte ho to samajhna chaahiye ki avyakt sthiti mein sthit hain । agar nahin hain to phir kami samajh purushaartha karna chaahiye । avyakt sthiti ko praapta hone ke liye shuru se lekar ek salogan sunaate aate hain । agar woh yaad rahe to kabhi bhi koi maaya ke vighnon mein haar nahin ho sakti hai । aisa sarvottam salogan harek ko yaad hai?har murli mein bhinna-bhinna roop se woh salo- gan aata hi hai । manamnaabhav, ham baap ki santaan hain, woh to hain hi । lekin purushaartha karte-karte jo maaya ke vighna aate hain un par vijay praapta karne ke liye kaun-sa salogan hai? "svarga ka svaraajya hamaara janma siddha adhikaar hai" । aur sangam ke samay baap ka khajaana janma siddha adhikaar hai । yeh salogan bhool gaye ho । adhikaar bhool gaye ho to kya hoga?ham kis -kis cheejon ke adhikaari hain । woh to jaante ho । lekin hamaare yeh sabhi cheezen janma siddha adhikaar hain । jab apne ko adhikaari samjhenge to maaya ke adheen nahin honge । adheen hone se bachne liye apne ko adhikaari samajhna hai । pahle sangamayug ke sukh ke adhikaari hain aur phir bhavishya mein svarga ke sukhon ke adhikaari hain । to apna adhikaar bhoolo nahin । jab apna adhikaar bhool jaate ho tab koi na koi baat ke adheen hote ho aur jo par-adheen hote hain woh kabhi bhi sukhi nahin rah sakte । par-adheen har baat mein mansa,vaacha, karmana du hkh ki praapti mein rehte aur jo adhikaari hain woh adhikaar ke nashe aur khushi mein rehte hain । aur khushi ke kaaran sukhon ki sampatti unhon ke gale mein maala ke roop mein piroi hue hoti hai । satayugi sukhon ka pata hai? satayug mein khilaune kaise hote hain? vahaan ratnon se khelenge । aap logon ne satayugi sukhon ki list aur kaliyugi du hkho ki list to lagaai hai । lekin kaam ke sukhon ki list banaayenge to isse bhi dugune ho jaayenge । vahi satayugi sanskaar abhi bharne hain । jaise chhote bachche hote hain saara din khel mein hi masta hote hain,koi bhi baat ka phikra nahin hota hai isi reeti har vakta sukhon ki list, ratnon ki list buddhi mein daudaate raho athva in sukhon roopi ratnon se khelte raho to kabhi bhi drama ke khel mein haar na ho । abhi to kahaan-kahaan haar bhi ho jaati hai ।

baapdaada ka sneh bachchon se kitna hai?baapdaada ka sneh avinaashi hai । aur bachchon ka sneh kabhi kaisa, kabhi kaisa rehta hai । ekras nahin hai । kabhi to bahut snehmoorta dekhne mein aate hain । kabhi sneh ki moorti ki bajaay kaun-si moorta dikhaai padti hai?va to snehi hai va to sankatmai । apne moorta ko dekhne liye kya apne paas rakhna chaahiye? darpan । darpan harek paas hai? agar darpan hoga to apna mukhda dekhte rahenge aur dekhne se jo bhi kami hogi unko bharte rahenge । agar darpan hi nahin hoga to kami ko bhar nahin sakenge । isliye har vakta apne paas darpan rakhna । lekin yeh darpan aisa hai jo aap samjhenge hamaare paas hai parantu beech-beech mein gaayab bhi ho jaata hai । jaadu mantra ka darpan hai । ek second mein gaayab ho jaata hai । darpan kaise avinaashi kaayam rah sakta hai?uske liye mukhya kvaaleephikeshan kaun-si honi chaahiye? jo arpanmay hoga unke paas darpan rahega । arpan nahin to darpan bhi avinaashi nahin rah sakta । darpan rakhne liye pahle apne ko poora arpan karna padega । jisko doosre shabdon mein sarvasva tyaagi kehte hain । sarvasva tyaagi ke paas darpan hota hai । avyakt milan bhi vahi kar sakta hai jo avyakt sthiti mein ho । varta- maan samay avyakt sthiti mein jyaada kami dekhne mein aati hai । do baaton mein to theek hai baaki teesri baat ki kami hai । ek hai kathan doosra manthan । yeh do baaten to theek hai na । yeh donon sahaj hain । teesri baat kuchh sookshm hai । vartamaan samay jo result dekhte hain manthan se kathan jyaada hai । baaki teesri baat kaun-si hai? ek hota hai manthan karna । doosra hota hai magna rehna । woh hoti hai bilkul lavleen avastha । to vartamaan samay manthan se bhi jyaada kathan hai । pahla number usmein vijayi hai । doosra number manthan mein, teesra number hai magna avastha mein rehna । is avastha ki kami dikhaai padti hai । jisko bharna hai । jo magan avastha mein honge unhon ki chaal-chalan se kya dekhne mein aayega? alaukikta aur ateendriy sukh । magna avastha vaale ka yeh gun har chalan se maaloom hoga । to yeh jo kami hai use bharne ka teevra purushaartha karna hai । purushaarthi to sabhi hain । tab to yahaan tak pahunche hain । lekin abhi purushaarthi banne ka samay nahin hai । abhi teevra purushaarthi banne ka samay hai । banna hai teevra purushaarthi aur banenge purushaarthi to kya hoga? manzil se door rah jaayenge । abhi teevra purushaarthi banne ka samay chal raha hai । isse jitna laabh uthaana chaahiye utna uthaate hain va nahin woh harek ko check karna hai । isliye kaha hai ki apne paas hardam darpan rakho to kami ka jhat maaloom hoga । aur apne purushaartha ko teevra karte aage chalte rahenge ।

achha - aaj kumaariyon ki service ki tilak ka din hai । jaise aap logon ke museum mein taajposhi ka chitra dikhaaya hai na lekin aap ki service ki tilak ke divas par dekho kitni badi sabha ikatthi hui hai । itni khushi hoti hai?lekin yeh yaad rakhna jitne sabhi ke aage tilak laga rahe ho, itne sabhi aap sabhi ko dekhenge । sabhi ke beech mein tilak lag raha hai । yeh nahin bhoolna । itna himmatvaan banna hai । is tilak ki laaj rakhni hai । tilak ki laaj maana brahman kul ki laaj । brahman kul ki maryaada kya hai,sunaaya na । jo aise purushottam banne ki himmat vaale hain woh tilak laga sakte hain । yeh tilak saadhaaran nahin hai । vahaan bhi itni saari sabha dekhegi । aap sabhi brahman ikatthe hue ho kanyaaon ki service ke tilak par । service karne vaalon ka ek vishesh gun ka attention rakhna padta hai । jo all-round service karne vaale hote hain, unhon ko vishesh is baat par dhyaan rakhna hai ki kaisi bhi sthiti ho lekin apni sthiti ekras ho । tab all-round service ki saphalta milegi । (doosra number training class jin kumaariyon ka chalna hai un sabhi ko baapdaada ne teeka de mukh meetha karaaya) achha-

aaj sabhi se naynon dvaara mulaakaat kar li । door hote hue bhi yatha yogya tatha shakti baapdaada ke najdeek hain hi । bhal koi kitna bhi door baitha ho lekin apne sneh se baapdaada ke naynon mein samaaya hai । isliye noore ratna kehte hain । noore ratnon se aaj naynon ki mulaakaat kar rahe hain । ek do se sabhi priy hai । saakaar mein samay prati samay bachchon ko yeh soochna to milti hi rahi hai ki aisa samay aayega jo sirf door se hi mulaakaat ho sakegi । ab aisa samay dekh rahe hain । sabhi ki dil hoti hai aur baapdaada ki bhi dil hoti hai lekin woh samay ab badal raha hai । samay ke saath woh milan ka saubhaagya bhi ab nahin raha hai । isliye ab avyakt roop se hi sabhi se mulaakaat kar rahe hain ।

achha - sabhi ko namaste aur vidaai ।