गुरुवार 2 अप्रैल 1970 की अव्यक्त मुरली

>

02-04-70 om shanti avyakt baapdaada madhuban

“sampoorn stage ki nishaaniyaan”

sabhi ke andar sunne ka sankalp hai। baapdaada ke andar kya hai? baapdaada sunne sunaane se pare le jaate hain। ek sekand mein aavaaz se pare hona aata hai? jaise aavaaz mein kitna sahaj aur jaldi aate ho vaise hi aavaaz se pare bhi sahaj aur jaldi ja sakte ho?apne ko kya kahlaate ho? master sarvashaktimaan। ab master sarvashaktimaan ka nasha kam rehta hai, isliye ek sekand mein aavaaz mein aana, ek sekand mein aavaaz se pare ho jaana is shakti ki practical-jhalak chehre par nahin dekhte। jab aisi avastha ho jaaegi, abhi-abhi aavaaz mein,abhi – abhi aavaaz se pare। yeh abhyaas saral aur sahaj ho jaayega tab samjho sampoornata aai hai। sampoorn stage ki nishaani yeh hai। sarva purushaartha saral hoga। purushaartha mein sabhi baaten aa jaati hain। yaad ki yaatra, service donon purushaartha mein aa jaate hain। jab donon mein saral anubhav ho tab samjho sampoornata ki avastha praapta hone vaali hai। sampoorn sthiti vaale purushaartha kam karenge, saphalta adhik praapta karenge। abhi purushaartha adhik karna padta hai uski bhent mein saphalta kam hai। aaj baapdaada sabhi ki soorat mein ek vishesh baat check kar rahe the। dekhen kisko touch hoti hai,kaunsi baat check kar rahe the? jab thought readers catch kar sakte hain to master sarvashaktimaan nahin kar sakte hain?yeh jo bhatthi hui unhon ka paper nahin liya hai। to aaj paper lete hain। paas to sabhi ho hi। ek hote hain paas doosre hote hain paas with honour। paandav sena jo hai woh shaktiyon ke aage rehte hain। koi aage koi peechhe rehte hain (gopon se) aap shaktiyon ke aage ho ya peechhe ho? aage jo daudne chaahenge unko koi rok nahin sakta। apni rukaavat rok sakti hai। baaki koi ke rokne se nahin ruk sakta। vaise paandavon ko peechhe rehna hi aage hona hai। peechhe kislie rehte hain?guard peechhe rehta hai। aap peechhe vaale guard ho ya aage vaale? kaun si jagah achhi lagti hai? guard peechhe rehta hai guide aage rehta hai। to guide to aage hai hi। nahin to paandavon ko guard banaakar shaktiyon ki rakhvaali ke liye nimitta banaaya hua hai। paandavon ko peechhe rah kar shaktiyon ko aage karna hai। guide nahin banna hai। guard banna hai। aap kaun se purushaarthiyon ki line mein ho। purushaarthiyon ki litni laainen bani hui hain?

ab baapdaada aisa master sarvashaktimaan banaane ki padhaai padha rahe hain, jo kiske bhi soorat mein uski sthiti aur sankalp spashta samajh sako। shak bhi na rahe। spashta maaloom pad jaaye। yeh hai antim padhaai ki stage। saakaar roop mein thodi si jhalak ant mein dikhaai। jo saakaar roop mein saath the unhonne kai aisi baaten note ki hain। aisi hi sthiti nambarvaar sabhi bachchon ki honi hai। jab aisi sthiti hoti jaaegi tab antim svarup aur bhavishya svarup aap sabhi ki soorat se sabhi ko spashta dikhne mein aaega। jab tak saakshaat saakaar roop nahin bane hain tab tak saakshaatkaar nahin ho sakta hai। isliye is subject par ati sameep ratnon ko dhyaan dena hai। jitna sameep utna hi svayan bhi spashta aur doosre bhi unke aage spashta dikhaai denge। jitna-jitna jiska purushaartha spashta hota jaata hai utna hi unki praalabdha spashta hoti jaati hai, aur anya bhi unke aage spashta hote jaate hain। spashta arthaat santushta। jitna santushta honge utna hi spashta honge। spashta bachchon ko saakaar roop mein kaun se shabd kehte the?saaf aur sachcha। jismen sachchaai aur saphaai hai woh sadaiv spashta hota hai। jab saphaai hoti hai to bhi sabhi vastu spashta dekhne mein aati hai। yeh lesson bhatthi ki padhaai ka last lesson hai। yahi example banna hai। jo kisi bhi baat mein example bante hain unko uska phal egzaam mein extra marks milte hain। chaar subjects vishesh dhyaan mein rakhni hain। ek yaad ka bal, sneh ka bal, sahayog ka bal aur sahan ka bal। yeh chaar baaten vishesh is bhatthi ki subjects thi।

in chaar baaton mein baapdaada ne result kya nikaali? harsha ki hi result hai। sabhi bal ek samaan hone mein kuchh parsentej ki kami hai। bal chaaron hi hain lekin chaaron ki hi samaanta ho। usmein parsentej ki kami hai। to result kya hui? ७५%paas। baaki jo २५% kami hai,woh sirf uski hai ki sarva bal samaan hon। koi mein koi bal vishesh hai,koi mein koi bal vishesh hai। chaaron bal jab samaan hon tab samjho sampoorn।(is avastha mein shareer chhut jaae to bhavishya result kya hogi?)jo aise purushaarthi hote hain phir bhi himmatvaan to hain na। to baapdaada ki bhi pratigya ki hui hai bachchon se, ki himmate bachche madde baap। aisi himmat rakh chalne vaale ant tak is hi himmat mein rehte rahenge to aise himmatvaan bachchon ko kuchh madad mil jaati hai। sabhi se buddhiyog hataakar ant mein ek ki yaad mein rahne ka jo purushaarthi hai, use madad milne ke kaaran sahaj ho jaata hai। scholarship milegi va nahin woh phir hai ant tak himmat rakhne par। jitna bahut samay se himmat mein chalte rehte hain woh bahut samay ka link toota nahin to gelap kar sakta hai। agar abhi bhi kaarne akaarne bahut samay ke himmat ka link toot jaata hai to phir scholarship lena mushkil hai। agar bahut samay ka link ant tak raha to extra help mil sakti hai। isliye ab yahi last lesson pakka kara rahe hain।

abhi tak total result mein kya dekha? service ki subject mein inchaarja banna aata hai lekin yaad ki subject mein battery charge karna bahut kam aata hai। samjha। saakaar roop mein anubhav dekha। saakaar roop mein service ki jimmevaari sabhi se jyaada thi। bachchon mein unse kitni kam hai। bachchon ko sirf service ki duty hai। lekin saakaar roop mein to sabhi duty thi। sankalpon ka saagar tha। responsibility ke sankalpon mein the phir bhi saagar ki lahron mein dekhte the va saagar ke tale mein dekhte the?bachchon ko lahron mein lahraana aata hai lekin tale mein jaana nahin aata। unka sahaj saadhan pahle sunaaya ki practice karo। abhi-abhi aavaaz mein aaye, phir master sarvashaktimaan ban abhi-abhi aavaaz se pare। abhi-abhi ka abhyaas karo। kitne bhi kaarobaar mein ho lekin beech-beech mein ek sekand bhi nikaal kar iska jitna abhyaas,jitni practice karenge utna practical roop banta jaayega। practice kam hai isliye practical roop nahin। kabhi saagar ki lahron mein kabhi tale mein yeh abhyaas karo। aaj vishesh baat yahi check kar rahe the ki bachchon mein jitna hi saahas hai utni hi sahanshakti hai?saahas rakhne ki shakti kitni hai aur sahan shakti kitni hai? yeh dekh rahe the। jitna-jitna svayan purushaartha mein santushta aur spashta honge utna aur unke aage spashta dikhaai denve। ab paper bhi hua,result bhi sunaai। baaki paandavon ki baat rah gayi। baapdaada ke paas purushaarthiyon ki kitni laainen hain? auron ko na dekh apni line ko to dekhte honge va line ko bhi na dekh apne ko dekhte ho? ek hai teevra purushaarthiyon ki line, doosri hai purushaarthiyon ki laainen, teesri hai gupta purushaarthiyon ki laainen aur chauthi hain dheele purushaarthiyon ki line। ab bataao aap kis line mein ho? ab aisa samay jaldi aaega jo yeh shabd nahin bolenge ki aap jaano। nahin। ham sabhi jaante hain। kyonki master sarvashaktimaan hain na। sabhi shaktiyaan samaan roop mein hi jaaengi। phir master sarvashaktimaan ho jaayenge। baap ka itna nishchay hai। nishchaybuddhi hai, woh vijayi hai hi। baap aur svayan mein nishchaybuddhi hain to vijay kahaan jaaegi। nishchaybuddhi ke peechhe-peechhe vijay aati hain। woh vijay ke peechhe nahin daudte,vijay unke peechhe daudti hai। ham vijayi banen is sankalp ka bhi woh tyaag kar lete। aise sarvasva tyaagi ho? sarvasva tyaagi aur sarva sankalpon ke tyaagi। sirf sarva sambandhon ka tyaag nahin। sarva sankalpon se bhi tyaagi। yahi sampoorn sthiti hai। baapdaada kya dekhte hain?vijay ka sitaara। to baapdaada ki list mein vijayi sitaare ho। jaise aur kaarya mein ek do ke sahayogi ho vaise hi bhavishya mein bhi ek do ke sahayogi dekhne mein aa rahe ho। banna nahin hai dekhne mein aa rahe ho। itna hi sameep aana hai,jitna ab aavaaz kar rahe hain aur pahunch raha hai। ab aap logon ko sarva baaton mein thode samay mein poora follow karna hai। kar rahe ho aur karte hi rahenge।

aap logon ka jo pahle-pahle sangathan banaaya tha woh kya kar rahe hain? kislie sangathan banaaya tha?yagya ki sambhaal ke saath sangathan mein rahne vaale svayan ki bhi sambhaal kar rahe hain? jo svayan ki sambhaal karte hain woh yagya ki bhi sambhaal karte hain। jo svayan ki sambhaal nahin kar sakte hain woh yagya ki bhi sambhaal nahin kar sakte hain। is sangathan ko kya-kya karna hai yeh unhon ko bhi spashta nahin hai,isliye phir jab sahaj ho sake tab saathiyon ko bulaana। jab aap bulaaenge tab baapdaada aaenge। baapdaada ko aane mein deri nahin lagti hai। apni group ki phir kab dekh rekh ki?paandav group aur shakti group,yeh hai service group। lekin jo paandavon ka group aur yagya maataaon ka group tha uska kya haalchaal hai?mukhya kendra ke sameep aane se dekhrekh kar sakenge। in group ko apna karttavya hi hai। sirf ८ din ka nahin। (sammelan ki result?)jo bhatthi ki result bataai vahi sammelan ki result hai। chaaron hi bal samaan ho, usmein २५%ki kami sunaai। samjha। paas with honour hote to na maaloom kya hota। sab paas(sameep)aa jaate। abhi sirf aavaaz kiya hai। lalkaar nahin ki hai। iski bhi yukti bataai ki chaaron bal ki samaanta honi chaahiye। kab kis bal ki visheshta kab kis bal ki। lekin chaaron bal samaan rakh service karne se lalkaar hogi। lalkaar na hone ka bhi kaaran hai।sammelan ki baat nahin kar rahe hain। lekin total aavaaz nikalta hai ab lalkaar nahin nikalti hai। aavaaz phailaaya hai। soye hue ko jagaaya nahin hai, sirf karvat badlaaya hai। lalkaar na hone ka kaaran kya hai? bataao। lalkaar tab hogi jab koi bhi baat ko angeekaar nahin karenge। abhi kya hota hai kai baaton ko angeekaar kar lete hain, chaahe sthool chaahe sookshm। jab koi bhi sankalp mein bhi angeekaar va sveekaar na ho tab lalkaar ho। abhi mix hai। isliye result bhi mix hai। jo kalpa pahle fix hue result hain woh ab nahin hai। us fix ko bhi jaante ho,ab mix hain। samjha। apnepan ko bhi angeekaar na kare। main yeh hoon,main serviceable hoon। main mahaarthi hoon, main yeh karti hoon, yeh kiya… in sabka main-pan nikaalkar baba baba shabd aaega tab lalkaar hogi। parmaatma mein hi param bal hota hai। aatmaon mein yathaashakti hoti hai। to baba kahne se param bal aaega। main kahne se yathaashakti bal aata hai। isliye result bhi yathaashakti hoti hai।

ab bhaasha bhi change ho। saakaar roop mein sabhi dikhaaya। kab kaha ki main yeh chala raha hoon? mainne murli achhi chalaai kab kaha? mainne service ki, mainne bachchon ko touch kiya kab kaha। yeh angeekaar karna khatma ho jaana hai। isko kaha jaata hai jo vaayda kiya hai woh nibhaana। aap log ek geet gaate the tumheen par mar mitenge ham…yaad aata hai?mar mitna kisko kaha jaata hai?main pan mitaana yahi mar mitna hai। angeekaar na karo to lalkaar kar sakte ho। koi bhi baat na ninda-stuti,na main, na tum,na mera tera kuchh bhi angeekaar(sveekaar) na karna tab lalkaar hogi। aap man mein sankalp peechhe karte ho। aap ke man mein sankalp pahunche hi vahaan pahunch jaata hai। kyon pahle pahunchta hai yeh bhi guhya paheli hai। aap log man mein jo sankalp karte ho woh aapke man mein peechhe aata hai unke pahle baapdaada ke paas spashta ho jaata hai। kyonki sampoorn banne se drama ka har noondh spashta dekhne mein aati hai। isliye drama ki noondh ko pahle se hi spashta dekh sakte। isliye bhavishya dekh karke pahle se baat karte hain। pahle se jaise ki pahuncha hi hua hai। phir jab aap log part bajaate ho,baapdaada bhi part bajaate hain। aap roohroohaan karne ka part bajaate ho, baapdaada sunne ka part bajaate hain। samjha। jo jaisa hai vaisa svayan ko poora na bhi jaan sake lekin baapdaada jaan sakte hain। to ab chaaron bal samaanta mein laane hain। tab saakaar ke samaan ban jaayenge। jitna sanskaaron ko samaanta mein laavenge utna hi sameep aayenge। kaun se sanskaar?saakaar roop ke sanskaar upraam aur saakshi drishta yeh saakaar ke sampoorn sthiti ke shreshtha lakshan the। in sanskaaron mein samaanta laani hai। in gunon se sarva ke dilon par vijayi honge। jo sangam par sarva ke dilon par vijayi banta hai vahi bhavishya mein vishwa mahaaraajan bante hain। vishwa mein sarva aa jaate hain। to beej yahaan daalna hai phal vahaan lena hai।

achha – om shanti !!!