गुरुवार 29 अक्टूबर 1970 की अव्यक्त मुरली

Brahma KumarisBrahma Kumaris> 29-10-70om shanti avyakt baapdaada madhuban

“deepmaala ka sachcha rahasya”

aaj baapdaada deepmaala dekh rahe hain । yeh deepon ki maala hai na । log deepmaala manaate hain, baapdaada deepmaala dekh rahe hain । deepak kaun se achhe lagte hain? jo deep akhanda aur atal hota hai, jiska ghrit kabhi khutta nahin, vahi akhanda jalta hai । apne ko aisa deepak samajhte ho? aise deepkon ki yaadgaar maala hai । apne ko maala ke beech chamakta hua deepak samajhte ho? aise samajhte ho ki hamaara yaadgaar aaj mana rahe hain । deepmaala ke din do baaten vishesh dhyaan par rakhni hoti hai । deepmaala par kin baaton ka dhyaan rakhte hain? (saphaai rakhte hain, naya chopda banaate hain) parantu lakshya kya rakhte hain? kamaai ka । us lakshya ko lekar saphaai bhi karte hain । to saphaai bhi sabhi prakaar se karna hai aur kamaai ka lakshya bhi buddhi mein rakhna hai । yeh saphaai aur kamaai ka donon kaarya aap sabhi ne kiya hai? apne aap se santushta ho? jab kamaai hai to saphaai to zaroor hogi na । in donon baaton mein santushtata hona aavashyak hai । lekin yeh santushtata aaegi unko jo sadaiv divyagunon ka aahvaan karte rahenge । jitna jo aahvaan karenge utna in donon mein sada santushta rahenge । jitna-jitna divyagunon ka aahvaan karte jaayenge utna avgun aahuti roop mein khatma hote jaayenge । phir kya hoga? nae sanskaaron ke nae vastra dhaaran karenge । abhi aatma ne nae sanskaaron roopi nae vastra dhaaran kiye hain ki kabhi-kabhi puraane vastron se preet hone ke kaaran woh bhi dhaaran karte hain । jab marjeeva bane, naya janma, nae sanskaaron ko bhi dhaaran kiya phir puraane sanskaar roopi vastron ko kabhi kyon dhaaran kar lete? kya puraane vastra ati priy lagte hain? jo cheez baap ko priy nahin woh bachchon ko priy kyon? aaj tak jo kamzori, kamiyaan, nirbalta, komalta rahi hui hai woh sabhi puraane khaate aaj se samaapta karna, yahi deepmaala manaana hai । alpakaal ke liye nahin, lekin sadaakaal ke liye aur sarva roopon se samaapta karna, yeh hai deepaavli manaana । deepaavli ko taajposhi ka divas kehte hain । aaj aap sabhi ke kaun si taajposhi manaai hai? taajposhi ke din kya kiya jaata hai? raaj sinhaasan ka samaaroh kab dekha hai? smriti aati hai । kitni baar dekha hoga? anek baar । din pratidin aise anubhav karenge jaise is janma mein pratyaksha dekhi hui baaten spashta roop mein emerge rehti hai । vaise bhavishya raajaai ke sanskaar jo aatma mein samaaye hue hain woh jaise kal ki dekhi baat hai । aisa anubhav karte rahenge । aise pratyaksha roop mein anubhav karenge । isse samajhna ab ham apne sampoorn sthiti aur apne raajya ke sameep pahunch gae hain । satayugi sanskaar sochne va smriti mein laane se nahin, lekin svatah hi aur spashta reeti jeevan mein aate rahenge । is duniya mein rehte hue bhi naynon mein satayugi nazaare dikhaai denge na sirf itna lekin apna bhavishya svarup jo dhaaran karna hai woh bhi aankhon ke aage baar-baar spashta dikhaai dega । bas abhi –abhi yeh chhoda, woh saja-sajaaya chola dhaaran karna hai aise anubhav karte rahenge । is sangamayug par hi satayugi svarup ka anubhav karenge । purushaartha aur praalabdha donon roopon se harek ko pratyaksha dekhenge । to aaj deepaavli ke din divyagunon ka aavhaan karna hai । abhi phir bhi mukh se nikalta hai ki haan kalpa pahle yeh kiya hoga । lekin peechhe yeh shabd badal jaayenge । is kalpa ki baat ho jaaegi । 5000 varsha ki baat itni spashta smriti mein aaegi jaise kal ki । jaise science ke saadhan se door ki cheez bhi sameep aur spashta dikhaai padti hai । jisko doorbeen kehte hain । to aap ka teesra netra kalpa pahle ki baaten sameep aur spashta dekhega va anubhav karega । to puraane sanskaaron ki chaupdiyon ko phir se bhool se bhi nahin dekhna । puraane sanskaaron ka chola phir-phir dhaaran nahin karna, naveenta ko dhaaran karna । yahi aaj ke din ka mantra hai । ratnajdit chola chhod jadajdeebhoot chole se preet nahin lagaana । sadaiv buddhi mein baapdaada ki smriti va nishaana aur aanevaale raajya ke nazaaren, naynon mein aur mukh mein sadaiv baapdaada ka naam ho । isko kehte hain baapdaada ke ati snehi aur sameep ratna । sabhi ne shreshtha aur sameep ratna banne ka daanv lagaaya hai ya jo bhi mile woh achha? agar is baat mein santushta rahe to sampoorn nahin ban sakenge । isliye sadaiv yeh daanv lagaao ki ham vijayi aur sampoorn bankar hi dikhaayenge । kamzori ke shabd samaapta । karenge, ho hi jaayega, purushaartha kar rahe hain, yeh shabd bhi na nikle । karke hi dikhaayenge, bankar hi dikhaayenge । yeh hai nishchaybuddhi vijayi ratnon ke bol । aur woh hai kamaandhaari bachchon ka bol । banna hai svadarshanchakradhaari lekin ban jaate hain kamaandhaari । kai sochte hain koi to woh bhi banenge na । is baat mein dayaalu na bano । koi to banenge isliye ham hi ban jaaen । aise banne vaale bahut hain ।

achha !!!