शनिवार 2 अगस्त 1975 की अव्यक्त मुरली

>

02-08-75 om shanti avyakt baapdaadaamdhuban

videsh mein eeshvareey seva ka mahatva

double videshi bachchon ke liye videshi banne vaale jyortimay brahm mahaatatva ke vaasi shiv baba bole:-

baap-daada ke sammukh kaunse bachche sada rehte hain? sada sammukh rahne vaale bachchon ki visheshta kya hai? aise vishesh aatmaon ke prati baapdaada ko vishesh roop se milan manaana hota hai। aise bachchon ko naynon ke sitaare va jahaan ke noor kaha jaata hai। jaise sthool shareer ke andar sabse vishesh aur sada aavashyak ang nayan hain। nayan nahin to jahaan nahin। isi prakaar aise bachche itne vishesh gaaye hue hain। aise bachche serviceable hone ke kaaran vishwa ke liye va jahaan ke liye noor arthaat prakaash va jyoti ke samaan hain। jaise jaan (shareer) ke liye nayan aavashyak hain vaise hi jahaan ke liye noor aavashyak hain। agar aisi aatmaayen nimitta nahin banen to jahaan jangal ban jaata hai arthaat jahaan, jahaan nahin rehta। aise sada svayan ko bhi sitaara hi samajhkar karma karte hain? sitaara bhi chamakta hua sitaara। aise bachche hi baapdaada ke naynon mein samaaye hue arthaat baap ki lagan mein sada magna rahne vaale hain। saath-saath unke naynon mein bhi sada baapdaada samaaya hua rehta hai। aise naynon ke noor sivaay baap ke aur koi bhi vyakti va vastu ko dekhte hue bhi nahin dekhte। aisi sthiti bani hai athva ab tak bhi aur kuchh dikhaai deta hai? kisi mein bhi ansh-maatra koi ras dikhaai deta hai? asaar sansaar anubhav hota hai? yeh sab mare hi pade hai - aisa buddhi dvaara anubhav hota hai? murdon se koi praapti ki ichchha ho sakti hai, kya koi sambandh ki anubhooti hoti hai? aise ichchha maatram avidya, sada ek ke ras mein rahne vaale, ek ras sthiti vaale ban chuke ho athva ab tak bhi murdon se kisi prakaar ki praapti ki kaamna hai ya koi vinaashi ras apni taraph aakarshit karte hain? jab tak koi praapti ki ichchha va kaamna hai ya koi ras ka aakarshan hai to baapdaada ke naynon ke sitaare nahin ban sakte va sada naynon mein baapdaada sama nahin sakte। ek hain aisi vishesh aatmaayen jinhon ko noore-ratna va naynon ke sitaare va jahaan ke noor kehte hain। to first number mein to naynon ke noor hain।

second number kya hai? jaise noore ratna prasiddha hain। noore jahaan va jahaan ke noor, isi prakaar second number vaale kis roop mein prasiddha hain? bhujaaon ke roop mein! brahma ki bhujaayen anek dikhaate hai। second number vaali bhujaayen zaroor hain arthaat sahayogi aatmaayen hain।

to svayan ko first number mein samajhte ho ya second number ke? london ka group kaun se number mein hai? jabki double videshi group ne baapdaada ka vishesh aahvaan kiya hai। videshi to sab hain lekin yeh double videshi hain। to double videshiyon ko vishesh roop se baapdaada ka show karna pade। woh tab kar sakenge jab naynon ke noor banenge। bhujaayen nahin। videshiyon ko service ka naya plan banaana chaahiye। jaise bhaarat mein nivaas karne vaali serviceable aatmaayen nai-nai invention nikaalti hai। aise double videshiyon ne kya invention nikaali hai? jaise bhaarat mein nikli hui videsh mein bhi karte ho vaise videsh ki invention phir bhaarat mein ho। jaise pradarshani,fair, projector-show va geeta paathshaalaayen,yeh bhaarat mein nivaas karne vaalon ki invention hain। aise videshiyon ne kya invention ki hai? (maureeshas mein prime minister ko bulaaya tha) kisi ko bulaana - yeh bhi yahaan se shuru hua hai lekin usko practical mein vahaan laaya hai। bhaarat ne practical nahin kiya। yeh to theek hai, jo kuchh kiya hai uske liye baapdaada dhanyavaad kehte hain। lekin vahaan se koi nayi invention nikli hai? videshiyon ko aisi koi vihang-maarga ki service invention videsh ke vaataavran-pramaan nikaalni hai,jo thode samay ke andar videsh mein sandesh pahunch jaae। T.vi. va radio mein aap logon ka aata hai woh to vahaan ke liye common baat hai। jaise aapka aata hai vaise auron ka bhi aata hai। india mein yeh badi baat hai। lekin yahi baat kai sthaanon mein common hai। to jitna purooshaartha kiya hai, thode samay mein himmat,umang, utsaah dikhlaate hue service ko aage badhaaya hai uske liye baapdaada last is fast ka title to dete hi hain। lekin ab aapas mein sab videshi mil kar aisi nai invention nikaalo jo videsh mein itna force ka aavaaj ho jo woh bhaaratvaasiyon tak pahunche। videsh ki service ka mool foundation hi yeh hai ki videsh ki aavaaj dvaara bhaarat ke kumbhakran jaagenge। videsh-service ki em object yeh hai। videsh ka videsh mein dikhaaya yeh koi badi baat nahin hai। us lakshya se videsh ki seva drama mein noondhi hui hai aur ab tak bhi koi bhi invention ka aavaaj videsh se hi hota aaya hai। invention bhaarat ki hi hoti hai, lekin bhaarat-vaasi bhaarat ki invention ko videshiyon dvaara hi maante aaye hain। aise hi yeh eeshvareey pratyakshata ki aavaaj videsh service hi bhaarat mein naam-baala karegi। to videshi is kaaryaartha nimitta bane hue hain। isliye ab aisi invention nikaalo। koi aisi aatma ko nimitta banaao jinke anubhav ka aavaaj ho,mukh ka aavaaj nahin। anubhav ka aavaaj videsh se bhaarat tak pahunche। antim samay mein videsh seva ko itna mahatva kyon diya hai, jabki jaane vaalon ka bhi sankalp hota hai ki aise naazuk va najdeek samay par videsh mein kyon bheja jaata hai? jabki ant mein videsh se bhaarat mein hi aana hai। phir bhi videsh seva aage badh rahi hai। achhe- achhe hands videsh-sevaartha bheje ja rahe hain, jabki bhaarat mein aavashyakta hai। nimantran hain - phir bhi kyon bheja ja raha hai? aur yeh bhi jaante hain ki anya mat mataantaron ka svarga mein aane ka part nahin hai, lekin jo transfer ho gaye hain,va kanvarta ho gaye hain un aatmaon ko apne aadi dharma mein laane ke liye bheja jaata hai jo bahut thode honge। iska mool aadhaar va videsh service ki em-object yeh hai ki videsh dvaara bhaarat tak aavaaj pahunchne ka raaj drama mein noondha hua hai। isliye videsh ki service ko first chance diya hua hai। baaki geeta paathshaalaayen kholeen va T.vi. mein bola woh koi em-object nahin। woh sab saadhan hain em-object tak pahunchne ka। samjha? to ab aapas mein aisi raay karo ki jaldi se jaldi bhaarat tak aavaaz kaise phailaaven? videsh dvaara bhaarat mein aavaaj kaise ho?

aaj khaas videshiyon ke liye baapdaada ko bhi videshi banna pada hai। baapdaada videshi na bante to mil bhi na sake। videshi vishesh aatmaayen, joki vishesh kaarya ke nimitta bani hui hain,aise hovanhaar group ko dekhne ke liye va saakaar roop mein milne ke liye niraakaar aur aakaar ko bhi saakaar roop ka aadhaar lena pada। aisi vishesh aatmaayen sada apne ko vishesh aatma samajhte hue mansa, vaacha,karmana vishesh sankalp,vaani aur karma karte raho। donon hi taraph ke groups achhe hain। aap logon ke nimitta anya aatmaon ko bhi chance mil gaya aur sab aatmaayen, usmein bhi vishesh madhuban nivaasi apne ko sada luckiest samjho। kyonki sivaay madhuban ke baapdaada kahaan bhi milan nahin mana sakte। (lusaaka mein kyon nahin aate) aakaari roop mein yahaan-vahaan ja sakte hain। jab jiska samay aata hai to sarakmastensej (paristhitiyaan) va samay sahaj aur svatah hi vahaan le jaata hai। achha।

svayan ko aur samay ko jaanne vaale, sada sarva rason se nyaare ek ras mein rahne vaale,baapdaada ko sada naynon mein samaane vaale,baapdaada ke naynon ke sitaare,sada svayan ko jyoti swaroop sitaara samajhkar chalne vaale, nyaari aur pyaari aatmaon aur sarvashreshtha aatmaon ke saath-saath vishesh double videshi aatmaon ko baapdaada ka yaad-pyaar aur namaste।

is murli ke vishesh tathya

1. pahle number ke bachchon ko naynon ke noor kaha jaata hai। aise naynon ke noor sivaay baap ke aur koi bhi vastu va vyakti ko dekhte hue bhi nahin dekhte। yeh sab mare hi pade hain aisa buddhi dvaara anubhav karte hain? koi bhi vinaashi ras apni taraph aakarshit nahin karta। sada ek ke ras mein rahne vaale,ek-ras sthiti vaale hote hain। aise bachche sarvisebal hone ke kaaran vishwa ke liye va jahaan ke liye noor arthaat prakaash va amar jyoti ke samaan hain।

2. videsh ki service ka mool foundation yeh hai ki videsh ki aavaaj dvaara bhaarat ke kumbhakran jaagenge। videsh dvaara bhaarat tak aavaaj pahunchne ka raaz drama mein noondha hua hai।

3.sada apne ko vishesh aatma samajhte hue mansa, vaacha,karmana vishesh sankalp,vaani aur karma karte