शुक्रवार 24 अक्टूबर 1975 की अव्यक्त मुरली - 1

>

24-10-75 om shanti avyakt baapdaadaamdhuban

harek brahma-mukhvanshi brahman chetan saaligraam ka mandir hai

drishti aur vritti ko pavitra banaakar sachche arth mein brahman banne ki yuktiyaan bataate hue baapdaada boleh -

apne ko kamal-pushpa samaan ati nyaara aur sada baap ka pyaara anubhav karte ho? kamal-pushpa ek to halka hone ke kaaran jal mein rehte bhi jal se nyaara rehta hai - pravritti hote hue bhi svayan nivritta rehta hai। aise hi aap sab bhi laukik ya alaukik pravritti mein rehte hue nivritta arthaat nyaare rehte ho? nivritta rahne ke liye vishesh apni vritti ko check karo। jaisi vritti, vaisi pravritti banti hai। vritti kaun-si rakhni hai? - aatmik vritti aur roohaani vritti। is vritti dvaara pravritti mein bhi roohaaniyat bhar jaayegi arthaat pravritti mein roohaaniyat ke kaaran amaanat samajh kar chalenge। to mera-pan sahaj hi samaapta ho jaayega। amaanat mein kabhi mera-pan nahin hota hai। mere-pan mein hi moh ke saathsaath anya vikaaron ki bhi praveshta hoti hai। mera-pan samaapta hona arthaat vikaaron se mukta,nirvikaari arthaat pavitra banna hai jisse pravritti bhi pavitra-pravritti ban jaati hai। vikaaron ka nashta hona arthaat shreshtha banna hai। to kya aise apne ko vikaaron ko nashta karne vaali shreshtha aatma samajhte ho?

pravritti ko pavitra-pravritti banaaya hai? sabse pahli pravritti hai apni deh ki pravritti। phir hai deh ke sambandh ki pravritti। to pahli pravritti,deh ke har karma-indriy ko pavitra banaana hai। jab tak deh ki pravritti ko pavitra nahin banaaya hai tab tak deh ke sambandh ki pravritti chaahe had ki aur chaahe behad ki ho, usko bhi pavitra pravritti nahin bana sakenge। brahmaakumaar aur brahmaakumaariyon ki pravritti kaunsi hai? jaise had ke sambandh ki pravritti hai vaise brahmaakumaar aur kumaari ke naate se saare vishwa ki aatmaon se saakaari bhaai-behen ka sambandh - itni badi behad ki pravritti hai। lekin pahle apni deh ki pravritti banaayen, tab behad ki pravritti ko bhi pavitra bana sakenge। kahaavat hai - cheriti biginsa at hom - pahle apni deh ki pravritti arthaat ghar ko pavitra banaane ki seva karni hai। phir behad ki karni hai। to pahle apne aapse poochho ki apne shareer roopi ghar ko pavitra banaaya hai?sankalp ko,buddhi ko,naynon ko aur mukh ko roohaani arthaat pavitra banaaya hai? jaise deepaavli par ghar ke har kone ko svachchha karte hain,koi ek kona bhi na rah jaaye itna attention rakhte hain -- aise har karma-indriy ko svachchha bana kar aatma ka deepak sadaakaal ke liye jagaaya hai? aise roohaani deevaali manaai hai athva abhi manaani hai? sabke deepak akhanda jagamga rahe hai na? jaise gaayan hai ki ghar-ghar mandir banenge। aise apne deh roopi ghar ko mandir banaaya hai? jab ghar-ghar mandir banaao tab hi vishwa ko bhi chaitanya devtaaon ka nivaas sthaan mandir banaayenge।

jitne bhi brahman hain har-ek brahman chaitanya saaligraam ka mandir hai, chaitanya shakti mandir hai, aise mandir samajhte hue unko shuddh pavitra banaaya hai? abhi ke purooshaartha ke samay pramaan va vishwa ke sampanna parivartan ke samay pramaan is samay koi bhi karma-indriy dvaara prakriti va vikaaron ke vasheebhoot nahin hona chaahiye jaise mandir mein bhoot pravesh nahin hote hain। to har ghar ko mandir banaaya hai? jahaan ashuddhi hoti hai vahaan hi ashuddha vikaar athva bhoot pravesh hota hai। chaitanya saaligraam ke mandir mein va chaitanya shaktisvaroop ke mandir mein,asur sanhaarni ke mandir mein aasuri sankalp va aasuri sanskaar kabhi pravesh nahin kar sakte। agar pravesh hote hain to koi-na-koi prakaar ki ashuddhi arthaat asvachchhata hai। aise apne ko check karo - kahin bhi koi prakaar ki ashuddhi rah gai ho to usko abhi khatma karo arthaat sachchi deepaavli manaao। jab aisi apni pavitra pravritti banaao tab hi vishwa-parivartan hoga।

yahaan madhuban mein bhi roohaani yaatra karne aate ho to roohaani yaatra mein apni kamzoriyon ko chhod kar jaana। madhuban hai hi parivartan bhoomi। parivartan bhoomi mein aakar parivartan nahin kiya to parivartan bhoomi ka laabh kya uthaaya? sirf parivartan bhoomi ke andar parivartan nahin laana hai lekin sadaakaal ka parivartan laana hai। madhuban ko mahaayagya va raajasva ashvamegh yagya kehte hain, to yagya mein aahuti daali jaati hai। mahaayagya mein mahaan aahuti daalkar jaate ho athva daali hui aahuti phir vaapis lete ho। jo naam dete ho vaisa kaam bhi karte ho va nahin? naam hai mahaayagya,parivartan bhoomi aur vardaan bhoomi, to jaisa naam vaisa kaarya karo। jo pratigya karke jaate ho isko nibhaate raho athva nibhaana mushkil lagta hai? nibhaane mein teen prakaar ki aatmaayen ban jaati hain। koi to nibhaane mein sachche parvaane muaaphik svayan ko baap par nyochhaavar kar dete hain arthaat pharmaan par kurbaan ho jaate hain aur koi nibhaane mein bhakta ban jaate hain arthaat baap se hi baarbaar shakti lete rehte hain arthaat maangate rehte hain, sahan-shakti do, to nibhaaoon aur saamna karne ki shakti do to nibhaaoon - aise bheekh maangate rehte hain arthaat bhakta ban jaate hain। aur koi phir thagat bhi ban jaate hain - kehte aur likhte hai ek aur karte doosra hain। baap ke aage bhi thagi karte hain,apni galti ko chhipaane ki thagi karte hain - aise thagat bhi hain। kaeeyon mein nibhaane ki shakti hai nahin,lekin apne ko bachaane ke liye phir bahaanebaaz hote hai। apni kamjori ko chhupaakar doosron ke bahaane banaate rehte hain - phalaana sambandh aisa hai isliye yeh hua hai va vaayumandal aur vaataavran aisa hai isliye yeh hota hai, sarakmastonsej anusaar hota hai - aise bahaane banaate rehte hain। nibhaane mein itne prakaar ke nibhaane vaale ban jaate hain। kehna sabka ek hai ki mera to ek baap doosra na koi,jo kahenge aur karaayenge vahi karenge,lekin karne mein aur practical aane mein anek prakaar ke ban jaate hain। is liye ab tak saadhaaran samajh jo kiya usko beeti so beeti karo arthaat apne oopar raham karo। is bhoomi ke mahatva ko bhi achhi reeti jaano। is bhoomi ko saadhaaran bhoomi nahin samajhna। mahaan sthaan par aate ho apne ko mahaan banaane ke liye। mahaan banna arthaat mahatva ko jaanna। samjha?

aise samay pramaan svayan ko parivartan karne vaale, vishwa-parivartan ke nimitta bane hue, baap ke saath preeti ki reeti nibhaane vaale,baap ko sada apna saathi banaane vaale aur sada kamal-pushpa samaan saakshi rahne vaale, aise sada snehi bachchon ko baapdaada ka yaad- pyaar aur namaste।

is murli ka gyaan-bindu

jaisi vritti, vaisi pravritti banti hai। aatmik ya roohaani vritti se pravritti mein roohaaneeyat bhar jaane ke kaaran,amaanat samajh kar chalne se mera-pan sahaj hi samaapta ho jaayega।