बुधवार 14 दिसंबर 1983 की अव्यक्त मुरली

>

14-12-83 om shanti avyakt baapdaada madhuban

prabhu parivaar - sarvashreshtha parivaar

prabhu ratnon ke prati bholaanaath shivbaaba bole:-

aaj baapdaada apne shreshtha brahman parivaar ko dekh rahe hain। brahman parivaar kitna oonche te ooncha parivaar hai। usko sabhi achhi tarah se jaante ho! baapdaada ne sabse pahle parivaar ke pyaare sambandh mein laaya। sirf shreshtha aatma ho, yeh gyaan nahin diya lekin shreshtha aatma, bachche ho। to baap aur bachche ke sambandh mein laaya। jis sambandh mein aane se aapas mein bhi pavitra sambandh bhaai-behen ka juta। jahaan baapdaada,bhaai-behen ka sambandh juta to kya ho gaya - ‘prabhu parivaar’। kabhi svapna mein bhi aise bhaagya ko socha tha ki saakaar roop se direct prabhu parivaar mein vaaris ban varse ke adhikaari banenge! vaaris banna sabse shreshtha te shreshtha bhaagya hai। kabhi socha tha ki svayan baap ham bachchon ke liye hamaare samaan saakaar roopdhaari ban baap aur bachche ka va sarva sambandhon ka anubhav karaayenge! saakaar roop mein prabhu paalna lenge! yeh kabhi sankalp mein bhi nahin tha। lekin abhi anubhav kar rahe ho na! yeh sab anubhav karne ka bhaagya tab praapta hua jab prabhu parivaar ke bane। to kitne oonche parivaar ke adhikaari bachche bane। kitni pavitra paalna mein pal rahe ho! kaise alaukik praaptiyon ke jhoole mein jhool rahe ho! yeh sab anubhav karte ho na। parivaar badal gaya। yug badal gaya। dharma,karma sab badal gaya। yug parivartan hone se duhkh ke sansaar se sukhon ke sansaar mein aa gaye। saadhaaran aatma se purooshottam ban gaye। 63janma keechad mein rahe aur abhi keechad mein kamal ban gaye। prabhu parivaar mein aana arthaat janma-janmaantar ke liye takdeer ki lakeer shreshtha ban jaana। prabhu parivaar,parivaar arthaat vaar se pare ho gaye। kabhi bhi prabhu bachchon par vaar nahin ho sakta। prabhu parivaar ka bane, sada ke liye sarva praaptiyon ke bhandaar bharpoor ho gaye। aise master sarvashaktivaan ban gaye jo prakriti bhi aap prabhu bachchon ki daasi ban seva karegi। prakriti aap prabhu parivaar ko shreshtha samajh aapke oopar janma-janmaantar ke liye chanvar (pankha)jhulaati rahegi। shreshtha aatmaon ke svaagat mein,regard mein chanvar jhulaate hain na। prakriti sadaakaal ke liye regard deti rahegi। prabhu parivaar ka abhi bhi sarva aatmaon ko sneh hai। usi sneh ke aadhaar par abhi tak gaayan aur poojan karte rehte hain। prabhu parivaar ke charitron ka abhi bhi kitna bada yaadgaar shaastra -‘bhaagvat’,pyaar se sunte aur sunaate rehte hain। prabhu parivaar ka shikshak aur godly student life ka, padhaai ka yaadgaar shaastra -’geeta’,kitne pavitrata se vidhipoorvak sunte aur sunaate hain। prabhu parivaar ka yaadgaar aakaash mein bhi soorya,chandrama aur lucky sitaaron ke roop mein manaate aur poojte rehte hain। prabhu parivaar baap ke diltakhtansheen bante, aisa takhta sivaae prabhu parivaar ke aur kisko bhi praapta ho nahin sakta। prabhu parivaar ki yahi visheshta hai। jitne bhi bachche hain sab bachche takhtansheen bante hain। aur koi bhi raajya parivaar mein sab bachche takhtansheen nahin hote hain। lekin prabhu ke bachche sab adhikaari hain। itna shreshtha aur bada takhta saare kalpa mein dekha?jismen sabhi sama jaaen। prabhu parivaar aisa parivaar hai jo sabhi svaraajya adhikaari hote। sabhi ko raaja bana deta। janma lete hi svaraajya ka tilak baapdaada sabhi bachchon ko dete hain। praja tilak nahin dete। raajya tilak dete hain। mahima bhi raajya tilak ki hai na। raaj-tilak divas vishesh manaaya jaata hai। aap sabne apna raajya tilak divas manaaya hai। ya abhi manaana hai। mana liya hai na। khushi ki nishaani, bhaagya ki nishaani, sankat door hone ki nishaani -’tilak’hota hai। jab koi kisi kaarya par jaate hain,kaarya saphal rahe uske liye parivaar vaale tilak lagaakar bhejte hain। aap sabko to tilak laga hua hai na। tilakdhaari,takhtadhaari,vishvakal yaan ke taajdhaari ban gaye ho na। bhavishya ka taaj aur tilak isi janma ke praapti ki praalabdha hai। vishesh praapti ka samay va praaptiyon ki khaan praapta hone ka samay abhi hai। abhi nahin to bhavishya praalabdha bhi nahin। isi jeevan ka gaayan hai - daata ke bachchon ko,vardaata ke bachchon ko apraapta nahin koi vastu। bhavishya mein phir bhi ek apraapti to hogi na। baap ka milan to nahin hoga na। to sarva praaptiyon ka jeevan hi -’eeshvareey parivaar’ hai। aise parivaar mein pahunch gaye ho na। samajhte ho na aise oonche parivaar ke hain। jiski mahima karen to apne raat-din beet jaaen। dekho bhakton ko keertan gaate-gaate kitne din aur raat beet jaate hain। abhi tak bhi ga rahe hain। to aisa nasha aur khushi sada rehti hai? ‘‘main kaun’’! yeh paheli sada yaad rehti hai। vismriti-smriti ke chakra mein to nahin aate ho na। chakra se to chhoot gaye na। ‘svadarshan chakradhaari’ banna arthaat anek had ke chakkaron se chhoot jaana। aise ban gaye ho na। sabhi svadarshan chakradhaari ho na! master hona! to master sab jaante hain! roj amritvele‘‘main kaun’’ - yeh smriti mein rakho to sada samartha rahenge। achha-

baapdaada behad ke parivaar ko dekh rahe hain। behad ka baap behad ke parivaar ko behad ki yaad-pyaar dete hain।

sada shreshtha parivaar ke nashe mein rahne vaale, prabhu parivaar ke mahattva ko jaan, mahaan banne vaale, sarva praaptiyon ke bhandaar, shreshtha raajya bhaagya praapta karne vaale prabhu ratnon ko yaad-pyaar aur namaste।’’

(gyaana ke uncle aur aunty jo aajkal dehli mein transfer hokar aaye hain,ve baapdaada se milne ke liye aaye the।)

serviceable bachchon ka baapdaada milan ke saath svaagat kar rahe hain। jitna pal-pal yaad karte aaye ho uske return mein baapdaada naynon ki palkon mein samaae hue bachchon ka svaagat kar rahe hain। ek baap ke gun gaane vaale bachchon ko dekh baapdaada bhi bachchon ki visheshta ke gun gaate hain। nishdin, nishpal,geet gaate rehte ho na। jab bachche geet gaate to baap kya karte? jab koi achha geet gaata hai to sunne vaale kya karte hain?na chaahte hue bhi naachne lag jaate hain। chaahe naachna aave ya na aave lekin, baithe-baithe bhi naachne lag jaate hain। to bachche jab sneh ke geet gaate hain to baapdaada bhi khushi mein naachte hain na। iseelie shankar dance bahut mashhoor hain। seva bhi to naachna hai na। jis samay service karte ho us samay man kya karta hai?naachta hai na। to seva karna bhi naachna hi hai। achha-

baapdaada sada bachchon ki vishesh visheshta ko dekhte hain। janmate hi vishesh 3 tilak baapdaada dvaara mile hain। kaun se?taaj, takhta to hain hi lekin 3tilak vishesh hain। ek svaraajya ka tilak to mila hi hai। doosra janmate hi serviceable ka tilak mila। teesra janmate hi sarva parivaar ke, baapdaada ke snehi aur sahayogeepan ka tilak। teenon tilak janmate hi mile na। to trimoorti tilakdhaari ho। aise vishesh sevaadhaari sada apne ko samajhte ho। anek aatmaon ko umang utsaah dilaane ke nimitta banne ki seva drama mein mili hui hai। achha।

jitna bachche baap ko yaad karte hain, utna baap bhi to yaad karte hain। sabse jyaada akhanda avinaashi baap ki yaad hai। bachche aur kaarya mein bhi busy ho jaate hain lekin baap ka to kaam hi yeh hai। amritvele se lekar sabko jagaane ka kaam shuru karte hain। dekho kitne bachchon ko jagaana padta hai aur phir desh-videsh mein,ek sthaan par bhi nahin hain। phir bhi bachche poochhte, saara din kya karte!

bachchon ke baad phir bhakton ka karte, phir science vaalon ko prerna dete। sabhi bachchon ki dekh-rekh to karni pade। chaahe gyaani hain,chaahe agyaani hain lekin kai prakaar se sahayogi to hain na। kitne prakaar ke bachchon ki seva hai। sabse jyaada busy kaun hai? sirf antar yeh hai,shareer ka bandhan nahin hai। abhi kuchh time to aap sab bhi baap samaan banenge hi। mool vatan mein rahenge। yeh bhi aasha sabhi ki poori hogi। achha –

madhuban nivaasiyon ke saath - madhuban nivaasiyon ki mahima to jaante hi ho। jo mudhban ki mahima hai vahi madhuban nivaasiyon ki mahima hai। har pal sameep saakaar mein rehna isse bada bhaagya aur kya ho sakta hai! dar par baithe ho, ghar mein baithe ho, dil par baithe ho। madhuban nivaasiyon ko mehnat karne ki aavashyakta nahin,yog lagaane ki aavashyakta hai kya! yog laga hua hi rehta hai। lage hue ko lagaane ki aavashyakta nahin। svatah yogi, nirantar yogi। jaise train mein engine lagi hui hai, sabhi dibbe patte par hain to svatah chalte rehte hain, chalaana nahin padta hai। aise aap bhi madhuban ke patte par ho,engine lagi hui hai to svatah chalte rahenge। madhuban nivaasi arthaat maayaajeet। maaya aane ki koshish karegi lekin jo baap ki kashish mein rehte hain woh sada maayaajeet rahenge। maaya ki kashish door se hi samaapta ho jaayegi। seva to sabhi bahut achhi karte hain। seva ke liye ek example ho। koi kahaan bhi chaaron or seva mein thoda bhi neeche oopar karte hain to sabhi madhuban vaalon ka hi drishtaanta dete hain। madhuban mein kitni athak seva pyaar se ghar samajhkar karte hain। yeh sabhi maante hain। jaise seva mein sabhi number one ho, 100 marks li hain aise sab subject mein bhi 100marks chaahiye। aap log board par likhte ho na - health,wealth, happiness teenon hi milti hai। to yeh bhi sab subject mein marks chaahiye। sabse jyaada sunte madhuban vaale hain। pahla-pahla taaja maal to madhuban vaale khaate hain। doosre to ek tarna mein ek baari vishesh brahma bhojan khaate। aap to roj khaate। sookshm bhojan,sthool bhojan sab garam, taaja milta hai। achha - nai taiyaari kya kar rahe ho? ghar ko to achha pyaar se saja rahe ho। madhuban ki yeh visheshta hai har baar koi na koi nai addition ho jaati hai। jaise sthool mein naveenta dekhte aise chaitanya mein bhi har baar naveenta dekh varnan karen ki is baar vishesh madhuban mein is praapti ki lahar dekhi। bhinna-bhinna lahren hain na। kabhi vishesh aananda ki lahar ho, kabhi pyaar ki, kabhi gyaan ke visheshtaaon ki… harek ko yahi lahar dikhaai de। jaise saagar ki lahron mein koi jaata to lahraana hi padta, nahin to doob jaayega। to yeh lahren spashta dikhaai den। is kaanaphreensa mein vishesh kya karenge?vi.aai.Ps. aayenge, paper vaale aayenge,varkashaap hongi, yeh to hoga lekin aap sab vishesh kya karenge?jaise sthool dilvaada hai, uski visheshta kya hai? harek kamre ki dijaain alag-alag variety hai। har kamre ki apni-apni visheshta hai। isliye yeh mandir sab mandiron se nyaara hai। moortiyaan to auron mein bhi hoti hai lekin is mandir mein jahaan jaao vahaan vishesh kaareegri hai। aise chaitanya dilvaada mandir mein bhi ham moortiyon ki visheshta apni-apni dikhaai de। jisko dekhen,uski ek do se aage vishesh visheshta dikhaai de। jaise vahaan kehte kamaal hai banaane vaale ki। aise yahaan ek-ek ki visheshta ki kamaal varnan karen। aap log is baat ki meeting karo। koi badi baat nahin hai kar sakte ho। jaise satayug mein devtaaen sirf nimitta maatra teacher dvaara thoda-sa sunenge lekin smriti bahut tej hogi,yaad karne ki mehnat nahin karni padegi। jaise suna hua hi hai, woh sirf fresh ho raha hai। madhuban vaalon ke liye hua pada hai। sirf thoda-sa dridh sankalp ka ishaara hai bas। sankalp bhi bahut achhe-achhe karte ho lekin usmein dridhta ko baar-baar underline karo। achha!

sevaadhaariyon se- jo seva karta woh meva khaata। meva khaane vaale sada tandaroosta rehte hain। sookha meva khaane vaale nahin, taaja meva khaane vaale। sevaadhaari so bhaagya adhikaari। kitna bada bhaagya hai। yaadgaar chitron ke paas jaakar bhakta log seva karte hain। us seva ko mahaapunya samajhte hain। aur aap kahaan seva karte ho! chaitanya mahaateertha par। ve sirf teerthon par jaakar chakkar lagaakar aate to bhi mahaan aatma gaaye jaate। aap to mahaan teertha par seva kar mahaan bhaagyashaali ban gaye। seva mein tatpar rahne vaale ke paas maaya aa nahin sakti। sevaadhaari maana man se bhi sevaadhaari, tan se bhi seva mein busy rahne vaale। tan ke saath man bhi busy rahe to maaya nahin aayegi। tan se sthool seva karo aur man se vaataavran, vaayumandal ko shaktishaali banaane ki seva karo। double seva karo, single nahin। jo double sevaadhaari hoga usko praapti bhi itni hogi। man ka bhi laabh, tan ka bhi laabh, dhan to akeechaar (athaah) milna hi hai। is samay bhi sachche sevaadhaari kabhi bhookhe nahin rah sakte। do roti zaroor milegi। to sabhi ne seva ki lottery mein apna number le liya। jahaan bhi jaao, jab bhi jaao yeh khushi sada saath rahe kyonki baap to sada saath hai। khushi mein naachte-naachte seva ka part bajaate chalo। achha-

prashn:- sangamayug ki kaun-si visheshta hai jo saare kalpa mein nahin ho sakti?

uttar:-sangamayug par hi harek ko ‘‘mera baba’’ kahne ka adhikaar hai। ek ko hi sab ‘mera baba’kehte hain। mera kehna arthaat adhikaari banna। sangam par hi harek ko ek baap se mere-pan ka anubhav hota hai। jahaan mera baba kaha vahaan varse ke adhikaari ban gaye। sab kuchh mera hua। had ka mera nahin, behad ka mera। to behad ke mere-pan ki khushi mein raho।

prashn:- sameep aatma ki mukhya nishaani kya hogi?

uttar:-sameep aatmaaen arthaat sada baap ke samaan har sankalp, har bol aur har karma karne vaali। jo sameep honge woh samaan bhi avashya honge। door vaali aatmaaen thodi anchali lene vaali hongi। sameep vaali aatmaaen poora adhikaar lene vaali hongi। to jo baap ke sankalp,bol, woh aapke। isko kaha jaata hai - ‘sameep’। achha –