रविवार 17 दिसंबर 1989 की अव्यक्त मुरली

>

17-12-89 om shanti avyakt baapdaadaamdhuban

sada samartha kaise banen?

avyakt baapdaada apne bachchon prati bole

aaj samartha baap apne chaaron or ke master samartha bachchon ko dekh rahe hain। ek hai sada samartha aur doosre hain kabhi samartha, kabhi vyartha ki taraph na chaahte bhi aakarshit ho jaate। kyonki jahaan samartha sthiti hai, vahaan vyartha ho nahin sakta, sankalp bhi vyartha nahin utpanna ho sakta। baapdaada dekh rahe the ki kai bachchon ki ab tak bhi baap ke aage phariyaad hai ki kabhi-kabhi vyartha sankalp yaad ko phariyaad mein badal dete hain,chaahte nahin hain lekin aa jaate hain। vikalpon ki stage ko to majority ne majority samay tak samaapta kar liya hai lekin vyartha dekhna,vyartha sunna aur sochna, vyartha samay ganvaana - ismen full paas nahin hain। kyonki amritvele se saare din ki dincharya mein apne man aur buddhi ko samartha sthiti mein sthit karne ka programme set nahin karte। isliye upset ho jaate hain। jaise apne sthool kaarya ke programme ko dincharya pramaan set karte ho, aise apni mansa samartha sthiti ka programme set karenge to svatah hi kabhi upset nahin honge। jitna apne man ko samartha sankalpon mein busy rakhenge to man ko upset hone ka samay hi nahin milega। aajkal ki duniya mein badi position vaale, jinhon ko aai. pi. ya vi.aai.pi. kehte hain, woh sada apne kaarya ki dincharya ko samay pramaan set karte hain। to aap kaun ho?woh bhale vi.aai.pi. hain lekin saare vishwa mein eeshvareey santaan ke naate, brahman-jeevan ke naate aap kitni bhi vi. aage laga do to bhi kam hai। kyonki aapke aadhaar par vishvaprivarta na hota hai। aap vishwa ke nav-nirmaan ke aadhaarmoorta ho। behad ke drama andar hero actor ho aur heere tulya jeevan vaale ho। to kitne bade hue! yeh shuddh nasha samartha banaata hai aur deh-abhimaan ka nasha neeche le aata hai। aapka aatmik roohaani nasha hai isliye neeche nahin le aata, sada oonchi udti kala ki or le jaata hai। to vyartha taraph aakarshit hone ka kaaran hai - apne man-buddhi ki dincharya set nahin karte ho। man ko busy rakhne ki kala sampoorn reeti se sada use nahin karte ho।

doosri baat, baapdaada ne amritvele se lekar raat ke sone tak mansa-vaacha-karmana aur sambandh-samparka mein kaise chalna hai va rehna hai - sabke liye shreemat arthaat aagya di hui hai। mansa mein,smriti mein kya rakhna hai - yeh har karma mein apni mansa sthiti ka direction,aagya mili hui hai। aur aap sab aagyaakaari bachche ho na va ban rahe ho?aagyaakaari arthaat baap ke sambandh se baap ke foot staip lene vaale arthaat kadam ke oopar kadam rakhne vaale। aur doosra naata hai sajniyon ka। to sajni bhi kya karti hai? unko kya shiksha milti hai? saajan ke kadam oopar kadam chalo। to aagyaakaari arthaat baapdaada ke aagya roopi kadam par kadam rakhna। yeh sahaj hai va mushkil hai? kahaan kadam rakhen - theek hai va nahin,yeh sochne ki bhi jaroorat nahin। hai sahaj,lekin saare din mein chalte-chalte koi na koi aagyaaon ka ullanghan ho jaata hai। baaten chhoti- chhoti hoti hain lekin avagya hone se thoda-thoda bojh ikattha ho jaata hai। aagyaakaari ko sarva sambandhon se parmaatma-duaayen milti hain। yeh niyam hai। saadhaaran reeti bhi koi kisi manushya aatma ke direction pramaan ‘‘haan ji'' kahkar ke kaarya karte hain to jiska kaarya karte,uske dvaara uske man se unko duaayen zaroor milti hain। yeh to parmaatma-duaayen hain! parmaatma-duaaon ke kaaran aagyaakaari aatma sada double light udti kala vaali hoti hai। saath-saath aagyaakaari aatma ko aagya paalan karne ke return mein baap dvaara will power vishesh vardaan ke roop mein, varse ke roop mein milti hai। baap sab powers will mein bachche ko dete hain, isliye sarva powers sahaj praapta ho jaati hain। to aise will power praapta karne vaali aagyaakaari aatma - varsa, vardaan aur duaayen, yeh sab praaptiyaan kar leti hain jis kaaran sada khushi mein naachte, ‘‘vaah-vaah'' ke geet gaate udte rehte hain। kyonki unka har karma, unko pratyakshaphal praapta karaata hai। karma hai beej। jab beej shaktishaali hai to phal bhi aisa milega na। to har karma ka pratyakshaphal bina mehnat ke svatah hi praapta hota hai। jaise phal ki shakti se shareer shaktishaali rehta hai, aise karma ke pratyakshaphal ki praapti kaaran aatma sada samartha rehti hai। to sada samartha rahne ka doosra aadhaar hai- sada aur svatah aagyaakaari banna। aisi samartha aatma sada sahaj udte hue apni sampoorn manjal - ‘‘baap ke sameep sthiti'' ko praapta karti hai। to vyartha taraph aakarshit hone ka kaaran hai avagya। badi-badi avagyaayen nahin karte ho, chhoti-chhoti ho jaati hai। jaise mukhya pahli aagya hai - pavitra bano,kaamjeet bano। is aagya ko paalan karne mein majority paas ho jaate hain। bholi-bholi maataayen bhi ismen paas ho jaati hain। jo baat duniya asambhav samajhti usmein paas ho jaate। lekin unka doosra bhaai krodh - usmein kabhi-kabhi aadha fail ho jaate hain। phir hoshiyaar bhi bahut hain। kai bachche kehte hain - krodh nahin kiya lekin thoda rob to dikhaana hi padta hai,krodh nahin aata, thoda rob rakhta hoon। jab asambhav ko sambhav kar liya,yeh to uska chhota bhaai hai। to isko aagya kahenge va avagya?

isse bhi chhoti avagya amritvele ka niyam aadha paalan karte ho। uth karke baith to jaate ho lekin jaise baap ki aagya hai,us vidhi se siddhi ko praapta karte ho?shaktishaali sthiti hoti hai? sweet silence ke saath-saath nidra ki silence bhi mix ho jaati hai। baapdaada agar har ek ko apne saptaah ki T.vi. dikhaaye to bahut maja dekhne mein aayega! to aadhi aagya maante ho - nemeenaath bante ho lekin siddhisvaroop nahin bante ho। isko kya kahenge? aisi chhoti-chhoti aagyaayen hain। jaise aagya hai - kisi bhi aatma ko na duhkh do, na duhkh lo। ismen bhi duhkh dete nahin ho lekin le to lete ho na। vyartha sankalp chalne ka kaaran hi yeh hai - vyartha duhkh liya। sun liya to duhkhi hue। suni hui baat na chaahte bhi man mein chalti hai - yeh kyon kaha,yeh theek nahin kaha, yeh nahin hona chaahiye…। vyartha sunne,dekhne ki aadat man ko 63janmon se hai,isliye abhi bhi us taraph aakarshit ho jaate ho। chhoti-chhoti avagyaayen man ko bhaari bana deti hain aur bhaari hone ke kaaran oonchi sthiti ki taraph ud nahin sakte। yeh bahut guhya gati hai। jaise pichhle janmon ke paap-karma bojh ke kaaran aatma ko udne nahin dete। aise is janma ki chhoti-chhoti avagyaaon ka bojh, jaisi sthiti chaahte ho - woh anubhav karne nahin deti।

braahmanon ki chaal bahut achhi hai। baapdaada poochhte hain - kaise ho? to sabhi kahenge -bahut achhe hain, theek hain। phir jab poochhte hain ki jaisi sthiti honi chaahiye vaisi hai? to chup ho jaate hain। is kaaran yeh avagyaaon ka bojh sada samartha banne nahin deta। to aaj yahi slogan yaad rakhna - ‘na vyartha socho,na vyartha dekho, na vyartha suno,na vyartha bolo, na vyartha karma mein samay ganvaao।' aap buraai se to paar ho gaye। ab aise aagyaakaari charitra ko chitra banaao। isko kehte hain - ‘sada samartha aatma।'achha!

sabhi teachers aaaartista ho। chitra banaana aata hai?apna shreshtha charitra ka chitra banaana aata hai na! to bade-te-bade chitrakaar vahi hain jo har kadam mein charitra ka chitra banaate rehte hain। isi charitra ka chitra banaane kaaran hi aapke jad chitra aadhaakalpa chalte hain। to teachers arthaat bade-te-bade chitrakaar। apna bhi chitra banaate aur anya aatmaon ko bhi chitrakaar bana dete ho। auron ke bhi shreshtha charitra banaane ke nimitta teachers ho। isi mein hi busy rehte ho na। full busy raho। ek second bhi man-buddhi ko phursat mein rakha to vyartha sankalp apni taraph aakarshit kar lenge। sunaaya na ki seva ka pratyakshaphal sada praapta ho - yahi nishaani hai sada aagyaakaari aatma ki। kabhi seva ka phal pratyaksha milta aur kabhi nahin milta, iska kaaran? koi-na-koi avagya hoti hai। teachers arthaat amritvele se lekar raat tak har aagya ke kadam-par-kadam rakhne vaali। aisi teachers ho va kabhi-kabhi albela-pan aa jaata hai? albela nahin banna। jimmevaari ke taajdhaari ho। kabhi taaj bhaari lagta hai to utaar dete hain। aap utaarne vaale to nahin ho na। sada aagyaakaari maana sada jimmevaari ke taajdhaari। teachers to sab hain lekin isko kehte hain - yogya teacher,yogi teacher।

teachers kabhi complain nahin kar sakti। auron ko complete karne vaali ho,complain karne vaali nahin। kabhi aise patra to nahin likhti ho na - kya karen, ho gaya, hona to nahin chaahiye। woh to samaapta ho gaya na। sunaaya tha - patra likho zaroor, madhuban mein patra zaroor bhejo parantu ‘‘main sada O.ke. hoon'' - bas,yeh do line likho। padhne vaalon ko bhi time nahin। phir complain karte ki patra ka uttar nahin aaya। vaastav mein aap sabke patron ka uttar baapdaada roj ki murli mein deta hi hai। aap likhenge O.ke. aur baapdaada O.ke. ke return mein kehte - ‘yaadapyaar aur namaste।'to yeh respond hua na। samay ko bhi bachaana hai na। seva samaachaar bhi short mein likho। to samay ki bhi economy,kaagaj ki bhi economy, post ki bhi economy। ho। economy kya ho sakti hai। patra 3page mein bhi likha ja sakta hai। koi ko vistaar se likhne ka direction milta hai to bhal likho lekin do line mein apni galti ki kshama le sakte ho। chhipaao nahin,lekin short mein likho। kitne patra likhte hain, jinka koi saar nahin hota। baap ko kaho - mera yeh kaam kar le, mere ko theek kar de,mera dhandha theek kar de, meri patni ko theek kar de … aise patra ek baar nahin 10 baar bhejte hain। to ab economy ke avtaar bano aur banaao। achha!

sabhi ko yeh mela achha lagta hai na। duniya vaale kehte do din ka mela aur aapka 4 din ka mela hai। sabhi ko pasand hai na yeh mela। achha!

chaaron or ke sada samartha aatmaon ko,sada har kadam mein aagyaakaari rahne vaale aagyaakaari bachchon ko, sada vyartha ko samartha mein parivartan karne vaale vishwa-parivartak aatmaon ko,sada apne charitra ke chitrakaar bachchon ko samartha baapdaada ka yaadapyaar aur namaste।

bombe - gujraat group:- behad baap ke arthaat behad ke maalik ke baalak hain, aise samajhte ho? baalak so maalik hota hai, isliye baapdaada bachchon ko ‘‘maalekam salaam'' kehte hain। behad baap ke behad ke varse ke baalak so maalik ho। to behad ke varse ki khushi bhi behad hogi na। baap bachchon ko apne se bhi aage rakhte hain। vishwa ke raajya ka adhikaari bachchon ko banaate hain,khud to nahin bante। to vartamaan aur bhavishya - donon adhikaar mil gaye aur donon hi behad hain! satayug mein bhi haden to nahin hongi na - na bhaasha ki, na rang ki, na desh ki। yahaan to dekho kitni haden hain! behad ke aakaash ko bhi hadon mein baant diya hai। vahaan koi had nahin hoti। to behad ka raajya-bhaagya ho gaya। lekin behad ka raajya-bhaagya praapta karne vaalon ko pahle is samay apni deh ki had se pare jaana padega। agar dehbhaan ki had se nikle to aur sabhi had se nikal jaayenge। isliye baapdaada kehte hain - pahle deh sahit deh ke sab sambandhon se nyaare bano। pahle deh phir deh ke sambandhi। to is deh ke bhaan ki had se nikle ho? kyonki deh ki had kabhi bhi oopar nahin le jaayegi। deh mitti hai,mitti sada bhaari hoti hai। koi bhi cheez mitti ki hogi to bhaari hogi na। yeh deh to puraani mitti hai, ismen phansane se kya milega! kuchh bhi nahin। to sada yeh nasha rakho ki ‘behad baap aur behad varse ka baalak so maalik hoon।'jab baalak banna hai us samay maalik nahin bano aur jab maalik banna hai us samay baalak nahin bano। jab koi raay deni hai, plan sochna hai, kuchh kaarya karna hai to maalik hokar karo lekin jab majority dvaara ya nimitta bani aatmaon dvaara koi bhi baat final ho jaati hai to us samay baalak ban jaao, us samay maalik nahin bano। mera hi vichaar theek hai, mera hi plan theek hai - nahin। us samay maalik nahin bano। kis samay raay bahaadur banna hai aur kis samay raay maanne vaala banna hai- jisko yeh tareeka aa jaata hai woh kabhi neeche-oopar nahin hota। woh purooshaartha aur seva mein saphal rehta hai। apne ko mould kar sakta hai, apne ko jhuka sakta hai। jhukne vaale ko sadaiv hi seva ka phal milta hai aur apne abhimaan mein rahne vaale ko seva ka phal nahin milta hai। to saphalta ki vidhi hai - baalak so maalik, samay par baalak banna,samay par maalik banna। yeh vidhi aati hai?agar chhoti-si baat ko baalak ke samay maalik ban kar siddha karenge to mehnat jyaada aur phal kam milega। aur jo vidhi ko jaante hain, samay pramaan usko mehnat kam aur phal jyaada milta hai। woh sada muskaraata rahega। svayan bhi khush rahega aur doosron ko dekhkar ke bhi khush hoga। sirf main bada khush rehta hoon, yeh nahin। lekin khush karna bhi hai to khush rehna bhi hai,tab raaja banenge। apne ko mould karenge to golden ej ka adhikaar zaroor milega। achha!

dilli group:- baapdaada sabhi bachchon ko trikaaldarshi shreshtha aatma banaate hain। trikaaldarshi arthaat past,prejent aur future - teenon kaalon ko jaanne vaale। jo teenon kaalon ko jaanne vaali aatma hai woh kabhi bhi maaya se haar nahin kha sakti। kyonki vartamaan kya hai aur bhavishya mein kya hone vaala hai - donon hi trikaaldarshi aatma ki buddhi mein spashta rehta hai-kya hoon aur kya banne vaali hoon। kya thi-woh bhi jaante hain lekin nasha vartamaan aur bhavishya ka hai। vartamaan samay ki list nikaalo - kya ho, to kitni lambi list hogi! kitne title baap ne diye! auron ko jo title milte hain woh aatmaon dvaara aatmaon ko milte hain aur alpakaal ka title hota hai,ek janma bhi chale ya nahin chale। aaj prime-minister ka title mila,kitna samay chala?aaj hai kal nahin। to alpakaal ke title hue na। aapke title avinaashi hain kyonki dene vaala avinaashi baap hai। baap ne ‘noore ratna' banaaya to saara kalpa jahaan ke noor ban gaye। apne raajya mein bhi vishwa ki najron mein honge na! to noore jahaan ho gaye na। aur bhakti mein bhi noore jahaan honge। saare jahaan ke aage vishesh aatmaaen to aati hain na,tab to poojte hain। to avinaashi ho gaye। to list nikaalo - kitne title paramatma dvaara milte hain। aur avinaashi title to nasha bhi avinaashi hoga na। jaise kaha jaata hai ki khushi mein sada udte rehte hain। khushi mein rahne vaale ke paanv sada dharni se oonche hote hain kyonki khushi mein naachenge na। to avinaashi title yaad karne se natural udte rahenge, is deh roopi dharni par paanv nahin honge। buddhi hai paanv। to buddhi roopi paanv khushi se oopar rahenge, dehbhaan se pare rahenge। isliye baapdaada ‘pharishta'kehte hain।‘pharishte' ka arth hi hai buddhi roopi paanv dharni par na ho। na deh mein, na deh ke sambandh mein,na deh ke puraane padaartho mein। yeh hai dharni। isse oopar। aise rehte ho ya kabhi-kabhi dharni mein aane ki dil hoti hain?kabhi dharni aakarshit to nahin karti? sthool cheejon ko to sthool dharni aakarshit karke oopar se neeche le aati hai lekin aapko nahin kar sakti। to neeche aate ho ya oopar rehte ho? pharishta kahaan bhi jaayega to vardaan dene ya sandesh dene ke liye, sandesh diya aur yeh uda! to agar dehdhaariyon ke sambandh mein aate bhi ho to oopar se aaye,sandesh diya aur yeh uda। aise hai na! achha!

bombe group:- sva-sthiti ki shakti se kisi bhi paristhiti ka saamna kar sakte ho na! sva-sthiti arthaat aatmik-sthiti। par-sthiti vyakti va prakriti dvaara aati hai। agar sva-sthiti shaktishaali hai to uske aage par-sthiti kuchh bhi nahin hai। prakriti ke bhi maalik aap ho na! aapke parivartan se prakriti ka parivartan hota hai। is samay aap satopradhaan ban rahe ho to prakriti bhi tamo se sato mein parivartan ho rahi hai। aap rajoguni bante ho to prakriti bhi rajoguni banti hai। to shreshtha kaun hua? aap hue na। isliye sva-sthiti mein sithat rahne vaala kabhi paristhiti se ghabraata nahin hai kyonki powerful kabhi kamzor se nahin ghabraata। vyakti dvaara bhi paristhiti aati hai। to aajkal ke vyakti bhi to tamoguni hain na! aap to satoguni ho। to tamogun powerful nahin,satogun powerful hai। kai aisa samajhte hain - aur paristhitiyon se to paar ho jaate hain lekin jab koi brahman aatma dvaara paristhiti aati hai to usmein ghabra jaate hain, usmein thoda ‘‘kya-kyon''mein chale jaate hain। lekin jis samay koi bhi brahman aatma mein maaya pravesh hoti hai us samay brahman aatma nahin hai,vasheebhoot hai। isliye usse bhi ghabra nahin sakte। koi bhi brahman aatmaaen agar vasheebhoot hain to vasheebhoot par raham aata hai, taras padta hai। vasheebhoot par kabhi josh nahin aata। koi jaan-boojhkar kuchh karta hai to us par josh aata hai। to jab brahman aatma bhi vasheebhoot hai to raham ki bhaavna rakho। phir ghabraayenge nahin, aur hi us aatma ki seva karne lag jaayenge। shubh bhaavna, shubh kaamna dvaara seva karenge। to sva-sthiti vaala kisi bhi prakaar ki paristhiti se ghabra nahin sakta kyonki knowledgeful aatma ho gai। teenon kaalon ki, sarva aatmaon ki knowledge hai। knowledgeful va trikaaldarshi kabhi ghabra nahin sakte। sada hi kisi bhi paristhiti mein muskaraate rahenge। harshit honge,paristhiti se aakarshit nahin honge। agar koi bhi paristhiti mein fail hote hain to paristhiti ki taraph aakarshit ho gaye na! jo harshit hoga woh saakshi hokar khel dekhega,aakarshit nahin hoga। to aap sab kaun ho?harshit rahne vaale ya aakarshit hone vaale? paristhitiyaan aur hi mahaaveer banaati hain। kyonki paristhiti ko jaante jaate ho na! anubhav ki athaarti badhti jaayegi। to aise mahaaveer ho ya kabhi-kabhi kamzori ka bhi maja le lete ho? ek baar bhi koi kamzori ko dhaaran kiya to ek kamzori aana maana sab kamzoriyon ka aana। ek bhoot aaya to sabhi bhoot aa jaayenge। chaahe vishesh roop mein koi ek bhoot ho lekin chhipe hue sab bhoot aate hain। isliye abhi bhooton se mukta bano।