सोमवार 29 नवंबर 2021 की दैनिक मुरली

29-11-2021 praatahmurli om shanti "baapdaada"' madhuban

“meethe bachche - duniya mein bhal aur kisi ka dar nahin rakho lekin is baap ka dar zaroor rakho, dar rakhna maana paap karmo se bache rehna''

prashn:- baba har ek bachche ko apni jaanch karne (chart rakhne) ki shreemat kyon dete hain?

uttar:- kyonki eeshvareey kaayde bade kade hain। agar brahman bankar chhoti-moti bhoolen hoti to bahut kadi saza khaani padegi, isliye baba kehte apni jaanch rakho। agar koi bhi puraana hisaab-kitaab rah gaya to maani aur mochra khaana padega। ab kayaamat ka samay bahut najdeek hai isliye apne sab hisaab-kitaab yogbal se chuktu karo।

om shanti। baap ki yaad mein to bachche aapehi rehte hain। ghadi-ghadi kahne ki bhi darkaar nahin rehti। baap ka direction hai ki chalte-phirte, uthte-baithte baap ko yaad karo to raavan jisne tumko patit bana diya hai, un par jeet pa lenge। tumko koi hathiyaar aadi nahin dete, sirf yogbal se tum raavan par jeet paate ho। jeet paani hai zaroor aur sangam par hi paate ho, jabki raavan raajya khatma ho raamraajya ki sthaapna honi hai। baap hinsa to kabhi sikhla na saken। devtaaon ka hai hi ahinsa parmodharma। duniya yeh nahin jaanti ki vahaan kaam kataari ki hinsa hoti nahin। jo kalpa pahle nirvikaari bane honge vahi tumhaari baaton ko maanenge। abhi tum yuddha ke maidaan mein ho। gaaya bhi hua hai shiv shakti sena। tum ho gupta warriors, har ek apne liye kar rahe hain। maaya jeet jagatjeet banna hai। tum apne liye karte ho, goya apne bhaarat desh ke liye karte ho। ismen jo achhi reeti purushaartha karte hain woh paate hain। jo 5 vikaaron par jeet paayenge vahi jagatjeet banenge aur koi cheez par jeet paani nahin hai। tumhaara hai hi raavan raajya par jeet paana arthaat daiveegun dhaaran karna। sivaae daiveegun dhaaran kiye satayug mein ja nahin sakte। to apne se poochhna hai ki kahaan tak hamne daiveegun dhaaran kiye hain? daiveegun dhaaran karna maana raavan par jeet paana। kehte hain raamraajya tha to ek raam ne to raajya nahin kiya hoga? praja bhi to hogi। yahaan raaja, raani tatha praja sab raavan par jeet pa rahe hain। daivi-gun dhaaran kar rahe hain। daiveegunon mein khaan-paan, bolna karna sab shuddh pavitra hota hai। har baat mein sach bataana hai। baap hai hi satya। to aise baap ke saath kitna sachcha banna chaahiye। agar sachche nahin banenge to kitni buri gati hogi। gati to oonch paani chaahiye। nar se naaraayan, naari se lakshmi banna hai। kaha bhi jaata hai - tumhari gati mat tum hi jaano। baap jo mat dete, usse kitni oonch gati hoti hai। oonche te ooncha baap oonche se oonchi gati praapta karaate hain। to ab shreemat par chalkar daiveegun dhaaran karne hain। janma-janmaantar ke paap yogbal bina kat nahin sakte iske liye yaad ki yaatra badi achhi chaahiye। yaad achhi rahegi - amritvele। us samay vaayumandal achha hota hai। din mein bhal kitna samay bhi baitho, parantu amritvele jaisa samay nahin hai। apni baaten gupta hain। angreji mein kehte hain “vi aar at vaar'' hamaari yuddha hai raavan ke saath। yeh hai number one dushman। raam sampradaay ne raavan sampradaay par jeet paai hai shreemat se। baap sarvashaktimaan hai na। duniya to bichaari is samay ghor andhiyaare mein hai। unko maaloom hi nahin ki hamne haar khaai hai। maaya se haare haar hai, maaya kisko kaha jaata hai - yeh bhi koi nahin jaanta hai। saari lanka par raavan ka raajya tha। shaastron mein bhakti maarga ki kitni danta kathaayen likh di hain, jo janma-janmaantar padhi hain। ab bhi kehte hain shaastra to zaroor padhne chaahiye। jo nahin padhte unko naastik kaha jaata hai aur baap kehte hain - shaastra padhte-padhte sab naastik ban pade hain। yeh baaten bachchon ko achhi tarah samjhaani chaahiye ki bhaarat jab satopradhaan tha to usko svarga kaha jaata tha। vahi bhaaratvaasi 84 janma lete-lete ab patit tamopradhaan bane hain। ab phir paavan kaise banen। baap kehte hain - mujhe yaad karo to satopradhaan paavan ban jaayenge, aur koi bhi dehdhaari ko yaad nahin karo। kisko guru nahin banaao। kaha jaata hai guru bina ghor andhiyaara। dher ke dher guru hain। parantu sab andhiyaare mein le jaane vaale hain। baap kehte hain - gyaan soorya jab aaye tab ghor andhiyaara door ho। sannyaasi bhal paavan bante hain parantu janma to vikaar se lete hain na। devi-devta to vikaar se paida nahin hote। yahaan sabke shareer moot paleeti hain। baap aise moot paleeti kapde saaph karte hain। aatma pavitra bane phir shareer bhi achha mile। uske liye purushaartha karna hai। apni jaanch rakhni hai - mere se koi bura kaam to nahin hota hai। eeshvareey kaayde bhi kade hain। koi bura kaam kare to unki saja bahut kadi hai। kayaamat ka samay hai। sab hisaab-kitaab chuktu karna hai - yogbal se। agar chuktu nahin kiya to mochra khaana padega। phir kaha bhi jaata hai - mochra aur maani। maani to (roti to) sabko milni hai। mukti aur jeevanmukti ki maani sabko denge। koi paas with honour, koi ko mochra milega phir thodi maani milegi, beijjati se। takhta par to woh baith na saken। koi bhi bura kaam kiya to beijjati hogi, so bhi baap ke aage। shivbaaba baithe hain na। tumko saakshaatkaar karaayenge ki ham ismen tha, tumko kitna samjhaate the। abhi main sampoorn (brahma) mein hoon। tum bachchiyaan sampoorn baba ke paas jaati ho। us dvaara shivbaaba direction aadi dete hain na। tumko baba saakshaatkaar karaayega ki ismen baithkar tumko kitna padhaate the, samjhaate the ki daiveegun dhaaran karo, service karo। kisi ki ninda nahin karo। tumne phir bhi yeh kaam kiye, ab khaao saja। jitne-jitne paap kiye honge to saja khaani padegi। koi bahut sajaayen khaate hain, koi kam। unmein bhi nambarvaar hain, jitna ho sake yogbal se vikarmo ko kaatte rehna hai। yeh bade te bada phurna bachchon ko rakhna hai ki ham sampoorn pakka sona kaise banen? uthte baithte yahi buddhi mein rahe, jitna yaad karenge utna oonch pad paayege। maaya ke toofaanon ki parvaah nahin karni hai, jitna samay mile baap ko yaad karna hai। mujhe tamopradhaan se satopradhaan banna hai। baap ko yaad karenge to paap kat jaayenge। koi paap bhi nahin karna chaahiye। nahin to sauguna ban jaayega। maaphi nahin li to phir vriddhi ko paate-paate satyaanaash ho jaati hai। paap pichhaadi paap maaya karaati rahegi। behad ke baap se be-adbi ho jaati hai। yeh bhi bahuton ko pata nahin padta hai। baba hamesha samjhaate hain aise samjho ki shivbaaba murli chalaate hain। shivbaaba direction dete hain to yaad bhi rahe, dar bhi rahe। bahut paap karte rehte hain। saaph bolna chaahiye ki baba hamse yeh bhool hui। baap samjhaate hain paapon ka bojha sir par bahut hai। jo kuchh kiya hai woh bataao। sach bataane se aadha kam ho jaayega।

baba ne samjhaaya hai jo number one punya aatma bante hain, vahi phir paap aatma bhi number one bante hain। baba khud kehte hain - tumhaara bahut janmon ke bhi ant ka janma hai। tum punya aatma the, so ab paap aatma bane ho phir punya aatma banna hai। apna kalyaan to karna hai। yahaan tumhein maatha aadi tekne ki bhi darkaar nahin hai, sirf baap ko yaad karna hai। bhal yeh bhi bujurga hai, namaste karte hain। bachche ghar mein ghadi-ghadi thode hi namaste karte hain। ek baar namaste kiya phir respond mein bhi kiya jaata hai। baap kehte hain - tum mujhe bada samajhkar namaste karte ho, main phir tumko vishwa ka maalik samajh namaste karta hoon। arth hai na। manushya to raam-raam kah dete hain parantu arth kuchh nahin samajhte। vaastav mein raam arthaat shivbaaba। raam woh raghupti nahin, yeh raam niraakaar hai। unka naam hai shivbaaba। shiv ke aage koi aisa nahin kahega ki main raam ki pooja karta hoon। ab baap kehte hain tum mandiron mein jaakar samjhaao ki yeh bhi manushya the। tum inhon ke aage jaakar mahima gaate ho - aap nirvikaari, sarvagun sampanna, ham paapi neench hain। yeh tan bhi manushya ka hai aur woh tan bhi manushya ka hai lekin usmein daiveegun hain isliye devta hai। tum khud kehte ho - hamaare mein aasuri gun hain isliye bandar hain। soorat donon ki ek hai। seerat mein farka hai। bhaaratvaasi hi sirtaaj the। abhi no taaj, gareeb bhi bhaaratvaasi hi hain। baap bhi bhaarat mein hi aate hain, jahaan svarga banaana hai vahaan baap aayega na। kaha jaata hai kalangi avtaar, kitne kalank lagaaye hain। agar aur dharma vaale bhi kuchh kehte hain, woh bhi bhaaratvaasiyon ko follow karte hain। pattharbuddhi hone ke kaaran mujhe bhi patthar-bhittar mein kah dete hain। baap ko jaante hi nahin ki baap ismen pravesh kar bhaarat ko kitna sirtaaj banaate hain। bhaarat ki kitni seva karte hain। baap kehte hain meri tum glaani karte ho। main tumko svarga ka maalik banaata hoon। tum kitna apkaar karte ho। raavan ne tumhaari mat kitni maar daali hai। buri gati ho gai hai, tab bulaate hain patit-paavan aao। samjhaani kitni sahaj milti hai। phir bhi kai bachche bhool jaate hain। yog nahin to dhaarna bhi nahin hoti hai isliye baba kehte hain baandheliyaan sabse jaasti yaad karti hain। shivbaaba ki yaad mein sahan bhi karti hain। bhaaratvaasiyon mein jo devi-devta banne vaale hain vahi yahaan aayenge। aarya samaaji to devtaaon ki moortiyon ko maante hi nahin। jhaad ke pichhaadi mein taali hai, 2-3 janma bhi mushkil honge।

bahut log samajhte hain - vikaar bina duniya kaise chalegi। are devtaaon ko sampoorn nirvikaari kaha jaata hai na। yeh bhi kisko pata nahin ki vahaan vikaar hota hi nahin hai। kalpa pahle vaale jhat samajh jaate hain। gaayan bhi hai; bhagvaanuvaach - kaam mahaashatru hai। parantu bhagwan ne kab kaha tha - yeh kisko pata nahin hai। abhi tum bachche jagatjeet ban rahe ho। parantu oonch pad paane ke liye mehnat karni hai। baap kehte hain - grihastha vyavhaar mein rehte sirf buddhiyog mere se lagaao। jabki baap ke ban gaye ho to baap se lav hona chaahiye। baaki auron ke saath kaam nikaalne ke liye pyaar rakhna hai। buddhi mein yeh khyaal rakhna hai ki bichaaron ko svargavaasi kaise banaayen। sachchi yaatra par chalne ki yukti bataayen। woh hai jismaani yaatra, jo janma-janmaantar karte aaye hain। yeh ek hi yaad ki yaatra hai। abhi hamaare 84 janma poore hue phir satayug ki history repeat honi hai। patit to ghar ja nahin sakte। paavan banaane ke liye patit-paavan baap chaahiye। bhal sannyaasi paavan bante hain parantu vaapis ja nahin sakte। sabko le jaane vaala baap hi hai। baap aakar sabko raavan se chhudaae mukta kar dete hain। satayug mein duhkh dene vaali koi cheez hoti nahin। naam hi hai sukhdhaam। yeh hai duhkhadhaam। woh ksheersaagar, yeh hai vishay saagar।

abhi tum jaante ho svarga mein kitne sukh aaraam se rehte hain। ksheer saagar se nikal vishay saagar mein kaise aate hain, yeh koi nahin jaante। baap samjhaate hain shreemat par chalna hai phir javaabdaar woh hai। shreemat kehti hai - haan bhal jaao, bachchon ko sambhaalo। unko bhoon-bhoon karte raho, to kuchh na kuchh kalyaan ho jaayega। svarga mein to aa jaayenge। baap aakar narkavaasi se svargavaasi banaate hain 21 janma ke liye। yeh bhi tumhaari buddhi mein hai। manushya to kuchh bhi nahin jaante। yeh bhi pahle kuchh nahin jaante the। jaise inke 84 janmon ki kahaani hai - “tattvam'' yeh bhi raajayog seekh rahe hain। tum ho raajarishi। woh hain hathayog rishi। tum grihastha vyavhaar mein rahkar raajaai praapta kar rahe ho। tum sab sharnaagti hone aaye ho na। ab samajhte hain ham to svarga mein baithe hain। duniya mein hai maaya ka pomp। jab tak narka ka vinaash na ho tab tak svarga kaise ho sakta hai। maayaavi purush isko hi svarga samajh baithe hain। baba ko nai duniya sthaapan karne mein kitni mehnat lagti hai। poore narkavaasi hain। svargavaasi bante hi nahin hain। baap kitna pyaar se samjhaate hain। achha! meethe-meethe bachchon raavan par jeet paane se hi tum jagatjeet banenge। uske liye poora purushaartha karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aisa koi kaam nahin karna hai jo beijjati ho। sajaayen khaani paden। maaya ke toofaanon ki parvaah na kar jitna samay mile baap ko yaad karna hai। ek baap se sachcha-sachcha lav rakhna hai।

2) apni oonch gati banaane ke liye sachche baap se sachcha rehna hai। koi bhi baat chhipaani nahin hai।

vardaan:- yaad ke mantra dvaara sankalp aur karma mein avinaashi siddhi praapta karne vaale siddhi swaroop bhav

aap bachche almighty government ke messenger ho isliye koi se bhi discuss karne mein apna mind disturb nahin karna। yaad ka mantra use karna। jaise koi vaani se ya anya kisi tareeke se vash nahin hote hain to mantra-jantra karte hain, aapke paas aatmik drishti ka netra aur manamnaabhav ka mantra hai jisse apne sankalpon ko siddha kar siddhi swaroop ban sakte ho।

slogan:- action conscious ke bajaae soul conscious bano।