सोमवार 27 दिसंबर 2021 की दैनिक मुरली

27-12-2021 praatahmurli om shanti "baapdaada"' madhuban

“meethe bachche - bhaarat bhoomi sukhdaata baap ki janmabhoomi hai, baap hi aakar sabhi bachchon ko duhkh se liberate karte hain''

prashn:- sabse oonchi badi lambi kahaani kaun si hai, jo tum bachchon ke liye common hai?

uttar:- is drama ke aadi-madhya-ant ki kahaani badi lambi aur oonchi hai। is kahaani ko manushya nahin samajh sakte। tum bachchon ke liye yeh kahaani bahut common hai। tum jaante ho - yeh drama kaise hoobhu repeat hota hai, yeh seedhi kaise phirti rehti hai।

geet:- om namo shivaae…

om shanti। meethe-meethe sikeeldhe bachchon ne mahima ka geet suna। kiski mahima? oonche te oonche bhagwan ki। jisko patit-paavan, duhkh harta sukh karta bhi kehte hain। sukh dene vaale ko yaad kiya jaata hai। bachche jaante hain sukh dene vaala ek hi parampita paramatma hai। sabhi manushya maatra unko hi yaad karte hain aur dharma vaale bhi kehte hain ki baap aakar duhkh se liberate kar sukh dete hain। parantu yeh nahin jaante ki baap sukh dete hain। phir duhkh kaun aur kab deta hai, yeh bhi tum samajhte ho। nai duniya so phir puraani hoti hai to unko duhkhadhaam kaha jaata hai। kaliyug ke ant ke baad phir satayug zaroor aayega। srishti to ek hi hai। manushya is srishti ke chakra ko bilkul hi nahin jaante isliye baba poochhte hain - tumko aisa besmajh banaane vaala kaun hai? baap to kisko duhkh nahin dete। baap to sada sukh dete hain। tum jaante ho sukh dene vaale ka janma sthaan bhi bhaarat mein hai to duhkh dene vaale ka janma sthaan bhi bhaarat mein hai। bhaaratvaasi shiv jayanti bhal manaate hain parantu samajhte kuchh bhi nahin hain, woh hai oonche te oonche bhagwan ki jayanti। unka naam hai shiv। yeh kisko pata nahin padta hai। raavan ko varsha-varsha jalaate rehte hain। parantu woh kya cheez hai, kab se aaya hai? kyon jalaate hain? yeh kuchh bhi nahin jaante hain। drama ke plan anusaar unhon ko yeh pata hona hi nahin hai। baap samjhaate hain har ek ka part alag-alag hai। manushya ka part hi gaaya jaata hai। manushya hi samajhdaar hain। jaanvar to besmajh hain। is samay manushya bhi besmajh ban pade hain। yeh jaante hi nahin ki duhkh harta, sukh karta patit-paavan kaun hai? patit kaise bane hain aur paavan kaise banenge? pukaarte hain parantu arth nahin jaante। is samay hai hi bhakti maarga। shaastra bhi sab bhakti maarga ke hain। shaastron mein koi sadgati ka gyaan nahin hai। kehte bhi hain gyaan, bhakti, vairaagya.....bas। itna buddhi mein aata hai। iska bhi arth nahin jaante। gyaan ka saagar ek hi parampita paramatma hai, zaroor unko hi gyaan dena hai। vahi satguru, sadgati daata hai isliye unko pukaarte hain aakar durgati se bachaao। dvaapar mein ham pahle satopradhaan pujaari bante hain phir punarjanma lete utarte aate hain। jo bhi manushya aate hain seedhi to zaroor utrenge hi। bhal buddha aadi ka naam seedhi mein nahin diya hai। agar unko dikhaao bhi, to bhi unhein bhi seedhi to utarni hai na। unko sato rajo tamo mein to aana hi hai। abhi sab tamopradhaan hain। ab baap samjhaate hain - yeh shaastra sab bhakti maarga ke hain, jismen anek prakaar ke karmakaanda hain। gyaan dene vaala ek hi baap hai। gyaan saagar hi aakar sachcha gyaan sunaate hain। aadhaakalpa hai din, usmein bhakti ki baat hi nahin। din mein kabhi thokren nahin khaate, vahaan to sukh hi sukh hai। woh baap ka varsa tumko kalpa ke sangam par milta hai। yeh gyaan baap un hi bachchon ko dete hain, jinko kalpa pahle diya tha aur kalpa-kalpa dete hi rahenge। unki buddhi mein hi baithega ki rachayita hi rachna ka gyaan de rahe hain। chitra kitne banaate hain। phir unhon ke calendars bhi banenge। nai cheez koi nikalti hai to woh phailti hai, abhi bhaarat mein rachayita baap aakar rachta aur rachna ka gyaan de rahe hain। yeh bhi phailega aur baahar sabke paas jaayega, phir woh kah nahin sakenge ki ham svarga mein kyon nahin jaate। sabko pata pad jaayega। bana-banaaya drama hai, ismen farka pad hi nahin sakta। duniya mein to anke mat hain। koi kehte nature hai, koi kehte aatma nirlep hai..... pichhaadi mein ek baap ka hi sunenge। samjhenge barobar ham is drama ke actors bhi hain। yeh variety dharmon ka jhaad hai। sabki buddhi ka taala khul jaayega। abhi taala banda hai। tumhaare dharma ki baat alag hai। baaki drama plan anusaar ve svarga mein aa nahin sakte। hamaara dharma sthaapak phalaane samay par aaya। Christ koi svarga mein thode hi aaya। yeh sab baaten is jhaad se hi buddhi mein aayengi, seedhi se nahin। jhaad bada achha hai। samjhenge yeh bana-banaaya naatak hai। baaki yog ki baat tum samajhte ho। ham paavan ban baap ko yaad karen to vikarma vinaash hon। jab yogayukta ho jaayenge tab apna bhi pata pad jaayega। rachta aur rachna ki knowledge aage chalkar sab samjhenge। abhi nahin। drama bhi bada yukti se bana hua hai। ladaai to lagni hi hai। abhi tumhaari buddhi mein yeh drama ka raaz hai। agar koi naya aa jaata hai to shuru se lekar samjhaana padta hai। yeh badi lambi kahaani hai। hai bahut oonchi, magar tumhaare liye common hai। tum jaante ho yeh seedhi ka chakra kaise phirta hai।

baap kehte hain - meethe bachche bhakti maarga mein tumne kitni takleephen li hain। yeh bhi drama mein noondh hai। yeh sukh duhkh ka khel tumhaare oopar bana hua hai। tum bahut oonch bhi bante ho to neech bhi bante ho। baap kehte hain meethe bachche, main is manushya srishti ka beejroop hoon। jhaad ka saara knowledge to zaroor mere paas hi hoga। bad ke jhaad ka misaal bhi inke oopar hi hai। sannyaasi log bhi misaal dete hain। parantu unki buddhi mein kuchh bhi nahin hai। tum to jaante ho kaise aadi sanaatan devi-devta dharma praayahlop ho jaata hai। abhi woh foundation hai nahin। baaki saara jhaad khada hai। sabhi dharma hain, baaki ek dharma nahin hai। bad ka jhaad bhi dekho kaise khada hai। thur hai nahin। phir bhi jhaad sadaiv hara-bhara hai। doosre jhaad foundation bigar sookh jaate hain kyonki thur bigar paani kaise mile। parantu woh bad ka jhaad saara taaja khada hai। yeh wonder hai na। vaise hi is jhaad mein bhi devi-devta dharma hai nahin। apne ko samajhte hi nahin hain, devta dharma ke badle hindu kah diya hai। jab se raavan raajya shuru hua hai to devi-devta kahlaane laayak nahin rahe hain। to naam badal hindu rakh diya hai। devtaaon ke sirf jad chitra nishaani jaakar rahi hai, jisse samajhte hain - svarga mein unhon ka raajya tha। parantu woh svarga kab tha; yeh koi jaante hi nahin, satayug ki aayu bahut lambi chaudi kar di hai। jo past ho gaya hai woh phir apne samay par hi repeat hoga। vahi features abhi thode hi ho sakte hain। woh phir svarga mein hi honge। yeh gyaan tum hi samajhte ho। baaki woh sab bhakti karte patit bante rehte hain। paavan duniya thi। tumko baap baith samjhaate hain, kehte bhi hain aap jaani-jaananhaar hain। baap kehte hain main koi ek-ek ke dil ko thode hi baith jaanoonga। koi kehte hain baba aap to sab kuchh jaante ho। ham vikaar mein jaate hain - aap sab jaante honge। baap kehte hain main saara din baith yeh jaanta hoon kya? main to aaya hoon patiton ko paavan banaane।

tum jaante ho ham baba se sukh ka varsa le rahe hain। baaki sab vaapis muktidhaam mein chale jaayenge। kaise jaayenge? ismen tumhaara kya jaata hai। baap hi aakar mukti-jeevanmukti mein le jaate hain। hisaab-kitaab chuktu kar sabko jaana hai। tumko satopradhaan banna hai। tum doosre ki baat mein kyon jaate ho? tamopradhaan se satopradhaan banaane vaala ek hi baap hai। bhakti maarga mein gyaan ki ratti nahin ho sakti। kehte hain gyaan aur bhakti। poochho gyaan kitna samay aur bhakti kitna samay chalti hai? to kuchh bhi bata nahin sakte। bhakti alag cheez hai, baap khud hi samjhaate hain ki main kaise aata hoon, kismen pravesh karta hoon। manushya bhaktimaarga mein phanse hue hone ke kaaran mujhe mushkil hi pahchaante hain, isliye tum shiv shankar ke chitra par samjhaate ho। woh donon ko ek kar dete hain। woh sookshm vatan vaasi, woh paramdham ke vaasi, donon ke sthaan alag-alag hain। phir ek naam kaise rakh sakte! woh niraakaari, woh aakaari। aise thode hi kahenge; shankar mein shiv ka pravesh hai, isliye tum shiv-shankar kah dete ho। baap samjhaate hain main to is brahma mein pravesh karta hoon। tumko yeh kisne bataaya ki shiv-shankar ek hai? shankar ko to kabhi koi god father nahin kehte। unko to gale mein saamp daal shakla hi kaisi bana di hai। phir bail par savaari dikhaate hain। shankar ko bhagwan to bilkul hi nahin maanenge। ek shivbaaba hi bhakti mein sabki manokaamna poorn karte hain। shankar ke liye to sirf kehte hain aankh kholi to vinaash ho gaya। baaki sookshm vatan mein koi bail, sarpa aadi thode hi hote hain। woh to paidaais yahaan ki hai। kitne pattharbuddhi ban gaye hain। yeh bhi samajhte nahin ki ham patit hain। baap kehte hain - main in saadhuon ka bhi uddhaar karne aaya hoon। saadhna ki jaati hai kuchh praapti ke liye। to saadhu log phir apne ko shiv va bhagwan kaise kahla sakte hain। shiv ko to saadhna karne ki darkaar hi nahin hai। unhon ka to naam hi hai sannyaasi। bhagwan ko kabhi sannyaas karna padta hai kya? sannyaas dhaaran karne vaale ko geru vastra dhaaran karne padte hain। bhagwan ko bhi yeh vesh dhaaran karna padta hai kya? woh to hai hi patit-paavan। kehte hain main in veshdhaariyon ka bhi uddhaar karta hoon। draamaanusaar har ek apna-apna part bajaate hain। bhakti maarga mein manushya jo kuchh karte hain, samajhte nahin hain। shaastron se kiski sadgati nahin hoti। sadgati hoti hai ek sat baap se। draamaanusaar yeh shaastra bhi zaroori hain। geeta mein kya-kya likha hua hai। geeta kisne sunaai, woh bhi koi jaante nahin hain। tumko mukhya jor dena hai geeta par। geeta hi sarva shaastramai shiromni hai। abhi yeh dharmashaastra kisne aur kab racha aur isse kya hua? koi jaante nahin। geeta mein jo kuchh likhte aaye ho, woh phir repeat hoga। ham unko achha va bura kuchh nahin kehte hain। parantu samajhte hain yeh bhaktimaarga ki saamagri hai, jisse manushya utarte jaate hain। 84 janma poore lete-lete utarti kala mein to aana hi hai। jab sab apna-apna part bajaane aa jaate hain tab ant mein baap aate hain sabko le jaane isliye unko kaha jaata hai patit-paavan, sarva ka sadgati daata। woh jab aate hain tab hi aakar rachta aur rachna ke aadi-madhya-ant ka gyaan sunaate hain। ab baap baith padhaate hain, yeh bhi maaya ghadi-ghadi bhula deti hai। nahin to bhagwan hamko padhaakar vishwa ka maalik banaate hain to kitni khushi honi chaahiye। satayug mein yeh gyaan nahin hoga। phir bhakti maarga mein vahi bhakti ke shaastra honge। 2500 varsha yeh part bajaana hi hai। yeh chakra ka gyaan tumhaari buddhi mein hai। vo log to na patit-paavan ko jaante, na paavan se patit kaun banaate - yeh jaante hain। sirf khilaune banaakar khelte rehte hain, samajhte kuchh bhi nahin। tumko kahenge tum bhi bhaaratvaasi ho, tum phir kaise kehte ho ki sirf bhaaratvaasi kuchh nahin samajhte, besmajh hain। tum bolo - yeh behad ka baap kehte hain, vahi knowledge de rahe hain। ham un dvaara samajhdaar bane hain। pradarshani mein bahut log aate hain; kehte hain yeh gyaan bahut achha hai। baahar gaye khalaas kyonki woh sab hain raavan ke mureed। tum ab bane ho raam ke mureed। tum bachchon ki buddhi mein hai ki hamko rachta baap samjha rahe hain। patit se paavan bana rahe hain। baap hamaara kalyaan karte hain। hamko phir auron ka kalyaan karna hai। jitna bahuton ka kalyaan karenge to oonch pad paayenge। yeh hai roohaani seva। roohon ko hi samjhaana hota hai। samajhti bhi rooh hai। aadha-kalpa tum deh-abhimaani bante ho। dehi-abhimaani banne se aadhaakalpa sukh, deh-abhimaani banne se aadha-kalpa duhkh। kitna farka hai। tum jab vishwa ke maalik the to koi dharma nahin tha। abhi kitne manushya hain। abhi tum ho sangam par। achha!

meethe meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad ke bal se sab hisaab-kitaab chuktu kar satopradhaan ban vaapis ghar chalna hai। doosri kisi bhi baaton mein nahin jaana hai।

2) bhagwan hamko padhaakar vishwa ka maalik banaate hain, isi khushi mein rehna hai। roohaani seva karni hai।

vardaan:- saadhaaranta dvaara mahaanta ko prasiddha karne vaale simple aur sample bhav

jaise koi simple cheez agar svachchha hoti hai to apne taraph aakarshit zaroor karti hai। aise mansa ke sankalpon mein, sambandh mein, vyavhaar mein, rahan sahan mein jo simple aur svachchha rehte hain woh sample ban sarva ko apni taraph svatah aakarshit karte hain। simple arthaat saadhaaran। saadhaaranta se hi mahaanta prasiddha hoti hai। jo saadhaaran arthaat simple nahin woh problem roop ban jaate hain।

slogan:- dil se kaho mera baba to maaya ki behoshi se band aankhe khul jaayengi।