बुधवार 9 मार्च 2022 की दैनिक मुरली

09-03-2022 praatahmurli om shanti "baapdaada"' madhuban

“meethe bachche - is puraani deh ka bhaan bhoolo, isse mamatva mitaao to tumhein first class shareer mil jaayega, yeh shareer to khatma hua hi pada hai''

prashn:- is drama ka atal niyam kaun sa hai, jise manushya nahin jaante hain?

uttar:- jab gyaan hai to bhakti nahin aur jab bhakti hai to gyaan nahin। jab paavan duniya hai to koi bhi patit nahin aur jab patit duniya hai to koi bhi paavan nahin… yeh hai drama ka atal niyam, jisko manushya nahin jaante hain।

prashn:- sachchi kaashi kalvat khaana kise kahenge?

uttar:- ant mein kisi ki bhi yaad na aaye। ek baap ki hi yaad rahe, yeh hai sachchi kaashi kalvat khaana। kaashi kalvat khaana arthaat paas with honour ho jaana jismen jara bhi saja na khaani pade।

geet:- dar par aaye hain kasam le..

om shanti। baap bachchon ko samjhaate hain kyonki bachchon ne baap ko apna banaaya hai aur baap ne bachchon ko apna banaaya hai kyonki duhkhadhaam se chhudaae shantidham aur sukhdhaam mein le jaana hai। abhi tum sukhdhaam mein jaane ke liye laayak ban rahe ho। patit manushya koi paavan duniya mein nahin ja sakte। kaayda hi nahin hai। yeh kaayda bhi tum bachche hi jaante ho। manushya to is samay patit vikaari hain। jaise tum patit the, ab tum sab aadten mitaae sarvagun sampanna devi-devta ban rahe ho। geet mein kaha - ham jeete ji marne athva aapka banne aaye hain phir aap jo hamko mat denge kyonki aapki mat to sarvottam hai। aur jo bhi anek maten hain woh hain aasuri। itna samay to hamko bhi pata nahin tha ki ham koi aasuri mat par chal rahe hain। na duniya vaale samajhte hain ki ham eeshvareey mat par nahin chal rahe hain। raavan mat par hain। baba kehte hain bachche aadhaakalpa se tum raavan mat par chalte aaye ho। woh hai bhakti maarga raavan raajya। kehte hain raamraajya gyaan kaanda, raavanraajya bhakti kaanda। to gyaan, bhakti aur vairaagya। kisse vairaagya? bhakti se aur puraani duniya se vairaagya। gyaan din, bhakti raat। raat ke baad din aata hai। vairaagya hai bhakti se aur puraani duniya se। yeh hai behad ka righteous vairaagya। sannyaasiyon ka vairaagya alag hai। woh sirf gharbaar se vairaagya karte hain। woh bhi drama mein noondh hai। had ka vairaagya athva pravritti ka sannyaas। baap samjhaate hain - tum behad ka sannyaas kaise karo। tum aatma ho, bhakti mein na aatma ka gyaan, na paramatma ka gyaan rehta hai। ham aatma kya hain, kahaan se aaye hain, kya part bajaana hai, kuchh bhi nahin jaante। satayug mein sirf aatma ka gyaan hai। ham aatma ek shareer chhod doosra lete hain। paramatma ke gyaan ki vahaan darkaar nahin, isliye paramatma ko yaad nahin karte। yeh drama aisa bana hua hai। baap hai knowledgeful। srishti chakra ke aadi-madhya-ant ka knowledge baap ke paas hi hai। baap ne tumko aatma paramatma ka gyaan diya hai। tum koi se bhi poochho aatma ka roop kya hai? kahenge woh jyoti swaroop hai। parantu woh cheez kya hai kuchh bhi nahin jaante। tum ab jaante ho aatma bilkul chhoti bindi star hai। baba bhi star misal hai। parantu unki mahima bahut hai। ab baap sammukh baith samjhaate hain ki tum mukti-jeevanmukti kaise pa sakte ho। shreemat par chalne se tum oonch pad pa sakte ho। log daan-punya, yagya aadi karte hain। samajhte hain bhagwan raham karke hamko yahaan se le jaayenge। pata nahin kisi na kisi roop mein mil jaayega। poochho kab milega? to kahenge abhi bahut samay pada hai, ant mein milega। manushya bilkul andhiyaare mein hain। tum abhi sojhre mein ho। tum ab patiton ko paavan banaane ke nimitta bane ho - gupta roop mein। tumhein bahut shanti se kaam lena hai। aisa pyaar se samjhaao jo manushya se devta athva kaudi se heere misal chutki mein ban jaayen। ab baap kehte hain kalpa kalpa mujhe aakar tum bachchon ki seva mein upasthit hona hai। yeh srishti chakra kaise chalta hai, woh samjhaana hai। vahaan devtaayen bahut mauj mein rehte hain। baba ka varsa mila hua hai। koi chinta va phikar ki baat nahin। gaaya jaata hai garden oph allaah। vahaan heere javaahron ke mahal the, bahut dhanvaan the। is samay baba tumko bahut dhanvaan bana rahe hain - gyaan ratnon se। phir tumko shareer bhi first class milega। ab baba kehte hain deh-abhimaan chhod dehi-abhimaani bano। yeh deh aur deh ke sambandh aadi jo bhi hain sab material hain। tum apne ko aatma nishchay karo, 84 janmon ka gyaan buddhi mein hai। ab naatak poora hota hai, ab chalo apne ghar। buddhi mein yahi rahe ki bas ab is material ko chhoda ki chhoda, tab to buddhiyog baap ke saath rahe aur vikarma vinaash hon। grihastha vyavhaar mein kamal phool samaan rehna hai। upraam hokar raho। vaanaprasthi ghar baar se kinaara kar saadhuon ke paas jaakar baith jaate hain। parantu yeh gyaan nahin ki hamko milna kya hai। vaastav mein mamatva tab mitta hai jab praapti ka bhi maaloom ho। ant samay baal bachche yaad na aayen, isliye kinaara kar dete hain। yahaan tum jaante ho is puraani duniya se mamatva mitaane se ham vishwa ke maalik ban jaayenge। yahaan aamadni bahut bhaari hai। baaki jo kuchh karte hain - alpakaal sukh ke liye padhte hain। bhakti karte hain alpakaal sukh ke liye। meera ko saakshaatkaar hua parantu raajya to nahin liya।

tum jaante ho baba ki mat par chalne se bhaari inaam milta hai। purity, pees, prosperity sthaapan karne liye tumko kitni prize milti hai। baap kehte hain ab deh ka bhaan udaate raho। ham aapko satayug mein first class deh aur deh ke sambandhi denge। vahaan duhkh ka naam nishaan nahin, isliye ab meri mat par accurate chalo। mama baba chalte hain isliye pahli baadshaahi unhon ko hi milti hai। is samay gyaan gyaaneshvari bante hain, satayug mein raaj raajeshvari bante hain। jab eeshvar ke gyaan se tum raajaaon ka raaja ban jaate ho phir vahaan yeh gyaan nahin rehta hai। yeh gyaan tumko abhi hai। deh ka bhaan ab todna hai। meri stri, mera bachcha yeh sab bhoolna hai। yeh sab mare pade hain। hamaara shareer bhi mara pada hai। hamko to baap ke paas jaana hai। is samay aatma ka bhi gyaan kisko nahin hai। aatma ka gyaan satayug mein rehta hai। so bhi ant ke samay jab shareer boodha hota hai tab aatma kehti hai - ab mera shareer boodha hua hai, ab mujhe naya lena hai। pahle tumko muktidhaam jaana hai। satayug mein aise nahin kahenge ki ghar jaana hai। nahin। ghar lautne ka samay yeh hai। yahaan sammukh kitna thok-thok kar tumhaari buddhi mein bithaate hain। sammukh sunne aur murli padhne mein raat din ka pharka hai। aatma ko ab pahchaan mili hai, usko gyaan ke chakshu kaha jaata hai। kitni vishaal buddhi chaahiye। chhoti star misal aatma mein kitna part bhara hua hai। ab baba ke pichhaadi ham bhi bhaagenge। shareer to sabke khatma hone hain। world ki history-geography ko phir repeat hona hai। gharbaar ko chhodna nahin hai। sirf mamatva mitaana hai aur pavitra banna hai। kisko bhi duhkh nahin do। pahle gyaan ka manthan karo phir sabko prem se gyaan sunaao। shivbaaba to vichaar saagar manthan nahin karte। yeh karte hain bachchon ke liye। phir bhi aise samjho ki shivbaaba samjhaate hain। inko yeh nahin rehta hai ki main sunaata hoon। shivbaaba sunaate hain। ise nirhankaareepna kaha jaata hai। yaad ek shivbaaba ko karna hai। baap jo vichaar saagar manthan karte hain, woh sunaate hain। abhi bachche bhi follow karen। jitna ho sake apne saath baaten karte raho, raatri ko jaagkar bhi khyaal karna chaahiye। soye hue nahin, uthkar baithna chaahiye। ham aatma kitni chhoti bindi hain। baba ne kitna gyaan samjhaaya hai - kamaal hai sukh dene vaale baap ki! baap kehte hain neend ko jeetne vaale bachche aur sabhi deh sahit deh ke mitra-sambandhiyon aadi ko bhoolna hai। yeh sab kuchh khatma hona hai। hamko baba se hi varsa lena hai aur sabse mamatva mitaakar grihastha vyavhaar mein rehte pavitra rehna hai। shareer chhoote to koi bhi aasakti na rahe। ab sachcha-sachcha kaashi kalvat bhi khaana hai। khud kaasheenaath shivbaaba kehte hain ham, tum sabko lene aaye hain। kaashi kalvat ab khaana hi padega। natural calamities bhi abhi aane vaali hain। us samay tumko bhi yaad mein rehna hai। woh bhi yaad mein rah kuen mein koodte the। parantu kuen mein koodne se kuchh hota nahin hai। yahaan to tumko aisa banna hai jo saza na khaani pade। nahin to itna pad pa nahin sakenge। baba ki yaad se hi vikarma vinaash hote hain। saath-saath yeh gyaan hai ki ham phir 84 ka chakra lagaayenge। is knowledge ko dhaaran karne se ham chakravarti raaja banenge। koi bhi vikarma nahin karna hai। kuchh bhi poochhna ho to baba se raay poochh sakte ho। surgeon to main ek hi hoon na। chaahe sammukh poochho, chaahe chitthi mein poochho, baba raasta bataayenge। baba kitna chhota star hai aur mahima kitni bhaari hai। kartavya kiya hai tab hi to mahima gaate hain। eeshvar hi sabke sadgati daata hain, inko bhi gyaan dene vaala woh parampita paramatma gyaan ka saagar hai।

baba kehte hain - bachche, ek baba ko yaad karo aur ati meetha banna hai। shivbaaba kitna meetha hai। pyaar se sabko samjhaate rehte hain। baba pyaar ka saagar hai to zaroor pyaar hi karenge। baap kehte hain meethe meethe bachche, kisko bhi mansa-vaacha-karmana duhkh nahin do। bhal tumse kiski dushmani ho, to bhi tumhaari buddhi mein duhkh dene ka khyaal na aaye। sabko sukh ki hi baat bataani hai। andar kiske liye bukhaar nahin rakhna hai। dekho, woh shankaraachaarya aadi ko kitne bade bade chaandi ke sinhaasan par bithaate hain। yahaan shivbaaba jo tumko kaudi se heere jaisa banaate hain, unka to heeron ka sinhaasan hona chaahiye, parantu shivbaaba kehte hain main patit shareer aur patit duniya mein aata hoon। dekho, baba ne kursi kaisi li hai। apne rahne liye bhi kuchh maangate nahin। jahaan bhi raha lo। gaate bhi hain godri mein kartaar dekha.. bhagwan aakar puraani godri mein baithe hain। ab baap golden aged vishwa ka maalik banaane aaya hai। kehte hain mujhe is patit duniya mein 3 pair prithvi ke bhi nahin milte। vishwa ka maalik bhi tum hi bante ho। mera drama mein part hi yeh hai। bhakti maarga mein bhi mujhe sukh dena hai। maaya bahut duhkhi banaati hai। baap duhkh se liberate kar shantidham aur sukhdhaam mein le jaate hain। is khel ko hi koi nahin jaante। is samay ek hai bhakti ka pomp, doosra hai maaya ka pomp। science se dekho kya-kya bana diya hai। manushya samajhte hain ham svarga mein baithe hain। baap kehte hain yeh science ka pomp hai। yeh sab gaye ki gaye। yeh itne sab bade-bade makaan aadi sab girenge, phir yeh science satayug mein tumko sukh ke kaam mein aayegi। is science se hi vinaash hoga। phir isi se hi bahut sukh bhogenge। yeh khel hai। tum bachchon ko bahut-bahut meetha banna hai। mama baba kabhi kisko duhkh nahin dete hain। samjhaate rehte hain - bachche kabhi aapas mein lado-jhagdo nahin। kahaan bhi maat-pita ki pat (ijjat) nahin ganvaana। is material jismaani deh se mamatva mitaao। ek baba ko yaad karo। sab kuchh khatma hone ki cheez hai, ab hamko vaapis jaana hai। baba ko service mein madad karni hai। sachche-sachche salvation army tum ho, khudaai khidmatgaar, vishwa ka beda jo dooba hua hai, unko tum paar karte ho। tum jaante ho yeh chakra kaise phirta hai। savere 3-4 baje uthkar baith chintan karo to bahut khushi rahegi aur pakke ho jaayenge। revise nahin karenge to maaya bhula degi। manthan karo aaj baba ne kya samjhaaya! ekaanta mein baith vichaar saagar manthan karna chaahiye। yahaan bhi ekaanta achhi hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa-vaacha-karmana kisi ko bhi duhkh nahin dena hai। kisi ki baat dil mein nahin rakhni hai। baap samaan pyaar ka saagar banna hai।

2) ekaanta mein baith vichaar saagar manthan karna hai। manthan kar phir prem se samjhaana hai। baba ki service mein madadgaar banna hai।

vardaan:- apne chehre aur chalan se roohaani royalty ka anubhav karaane vaale sampoorn pavitra bhav

roohaani royalty ka foundation sampoorn pavitrata hai। sampoorn purity hi royalty hai। is roohaani royalty ki jhalak pavitra aatma ke swaroop se dikhaai degi। yeh chamak kabhi chhip nahin sakti। koi kitna bhi svayan ko gupta rakhe lekin unke bol, unka sambandh-samparka, roohaani vyavhaar ka prabhaav unko pratyaksha karega। to har ek knowledge ke darpan mein dekho ki mere chehre par, chalan mein woh royalty dikhaai deti hai va saadhaaran chehra, saadhaaran chalan hai?

slogan:- sada parmaatma paalna ke andar rehna hi bhaagyavaan banna hai।