सोमवार 6 मार्च 2023 की दैनिक मुरली

06-03-2023 praatahmurli om shanti "baapdaada"' madhuban

“meethe bachche - baap tumhein nai duniya ke liye naya gyaan dete hain, jisse sooryavanshi gharaana sthaapan hota hai, us gharaane ke tum abhi maalik ban rahe ho''

prashn:- kis baat ka nishchay pakka ho to varse ke adhikaari sahaj ban sakte hain?

uttar:- pahle-pahle yeh nishchay ho jaae ki behad ka vahi baba svarga banaane aaya hai, dhandhaadhori karte yeh yaad rahe ki ham us baba ke bachche hain, ham svarga ke maalik banenge to apaar khushi rahegi aur sahaj hi varse ke adhikaari ban jaayenge। pakke nishchay vaale ko apaar khushi ka paara chadha rehta hai। agar khushi nahin hoti to samajhna chaahiye ki mujhe paai-paise ka bhi nishchay nahin hai।

geet:- jis din se mile tum ham …

om shanti। yeh mahima kiski hui? parampita paramatma ki। unko kaha hi jaata hai paramdham mein rahne vaala parmapriy parampita paramatma। tum ho anubhvi bachche, jinko parampita paramatma ne apna banaaya hai aur tum bachchon ne phir parampita paramatma ko apna banaaya hai। param arthaat pare te pare। ab aatma ko buddhi mein aata hai ki ham aatma vaastav mein paramdham mein parampita paramatma ke paas rahne vaali hain। duniya mein aur kisko yeh knowledge nahin hai। woh to apne ko hi paramatma ka roop samajh lete hain to koi knowledge hi nahin rahi। woh parampita paramatma jab aakar milte hain to nai baaten sunaate hain nai duniya ke liye। nai duniya mein hai naya din, nai raaten। puraani duniya mein hai puraane din, puraani raaten aur bahut duhkh hain anek prakaar ke। majority duhkhi hain। raat ko kaam kataari chalaate, din mein bhi paap karte rehte। nai duniya mein sadaiv sukh hi sukh rehta hai। yeh to zaroor buddhi mein rahega। nai duniya mein sooryavanshi lakshmi-naaraayan ki raajdhaani hai। aise nahin kaha jaata ki prince-princess ki raajdhaani hai। raaja raani ki hi raajdhaani kaha jaata hai। barobar satayug mein shri lakshmi-naaraayan ka gharaana hai। svarga hone kaaran bahut sukh hai। us sukh ke liye tum purushaartha karte ho, woh hai paavan raajdhaani। baap tumko us nai duniya ka maalik banaate hain। usi samay vishwa mein aur koi gharaana va dharma nahin hota hai। jab koi ko samjhaate ho to phir likhaao ki haan, yeh yathaartha baat hai। ghadi-ghadi revise karaane se nishchay hoga - nai paavan duniya mein barobar yatha raaja raani tatha praja paavan hi hote hain। sada sukhi rehte hain। ab to sada duhkhi hain। sangam par bhent ki jaati hai - kaliyug ant mein kya hai aur satayug aadi mein kya hoga, aaj kya hai, kal kya hoga? ab behad ki raat poori hoti hai। phir kal din mein raajya karenge। aaj patit duniya hai, kal paavan duniya hogi। saadhu-santa aadi sab gaate hain patit-paavan seetaaraam....। jab dekho aisa gaate hain to unse poochhna chaahiye aap patit-paavan kisko samajh yaad karte ho? patit kaun hain? paavan karne vaala kaun hai? patit duniya aur paavan duniya kaise hai? zaroor patiton ko paavan banaane vaala aayega to paavan banaakar paavan duniya mein hi le jaayega। kaliyug ant ko patit duniya, satayug aadi ko paavan duniya kaha jaata hai। usko hi sab yaad karte hain। paavan duniya hai hi svarga। to zaroor svarga sthaapan karne vaala niraakaar parampita paramatma hi hai। paavan duniya, svarga ka rachayita hai hi parampita paramatma। narka ke rachayita (raavan) ki mahima nahin hoti hai। usko jalaate rehte hain। manushya jaante nahin hain, naam rakh diya hai raavan। in jaisa manushya koi ho na sake। manushya to punarjanma lete hain। naam roop badalte jaate hain। raavan ka naam roop kabhi badalta nahin hai। yeh 10 sheesh hi chalte aate hain। din-pratidin foot aadha lamba hi banaate jaate kyonki raavan ab bada hota jaata hai। tamopradhaan ho gaya hai aur unko jalaate hi aate hain। abhi tum samajhte ho patit kaun banaata hai? in 5 vikaaron ko hi raavan kaha jaata hai। yahi duhkh dete hain, patit banaate hain। to in vikaaron ko chhodna chaahiye na। saadhu-santa aadi bahut karke yeh vikaar hi daan mein lete hain। kehte hain - achha, jhooth bolna hamko de do। aksar karke kaam vikaar ke liye kehte ki maas mein ek do baar jaao। parantu yahaan to paanchon vikaaron ki baat hai। sirf ek chor ko pakdenge to phir doosre chor chori karne lag padenge। to yeh koi ko bhi samjhaana bahut sahaj hai। patit aatma, mahaan aatma kaha jaata hai। patit paramatma, mahaan paramatma nahin kahenge। to paavan kaun banaayega? zaroor bhagwan ke liye hi ishaara karenge। oopar nazar jaayegi। bhala woh kab aayenge? unka naam kya hai? bhaarat mein shivjayanti to prasiddha hai। unka naam hi shiv hai aur koi naam nahin dete। buddhi mein lingaakaar hi aayega। somnaath kahenge to bhi buddhi mein ling aayega।

abhi tumhaari aatma jaanti hai paramatma bhi hamaare jaisa hi star hai। yeh jo sitaare hain unko nakshatra devta bhi kehte hain। nakshatra bhagwan nahin। tum nakshatra sitaare ho। tumko bhagwan nahin kahenge, to paramatma hai bindu। parantu pooja kaise karen? to bhakti maarga vaalon ne ling roop bana diya hai। itni badi cheez hai nahin। aatma to chhoti-badi hoti nahin। to unko bada banaana bhi wrong ho jaata hai। koi manushya ko paramatma ka yathaartha gyaan hai nahin। yeh badi maheen baaten hain। kehte hain ekdam bindi hai, unko yaad kaise karen? are, aatma ko apne baap ko yaad karna to bahut sahaj hai। sirf baap ki mahima nyaari hai। aatma to ek jaisi hi hai। aatma mein hi achhe va bure, oonch-neench ke sanskaar hain। aatma mein hi knowledge hai। aatma kitni chhoti hai! manushya gareeb athva saahookaar bante hain, woh bhi aatma ke sanskaar anusaar। abhi tum bachchon ki buddhi mein yeh saara gyaan hai। manushya paramatma ko nahin jaante, is kaaran aatma ka bhi gyaan nahin hai। ulta eeshvar ko sarvavyaapi samajh liya hai। aatma hi yeh saara dhaaran karti hai। aatma hi ek shareer chhod doosra leti hai sanskaaron anusaar। yeh aatma baat karti hai। manushya apne ko manushya samajh baat karte hain। yahaan apne ko aatma samajhne ki practice karni padti hai। ham aatmaon ko parampita paramatma padhaate hain। manushya to kah dete aatma nirlep hai। agar nirlep hai to phir sanskaar kismen bharte hain। bahut moonjhe hue hain। nai duniya ke liye naya gyaan baap ko hi dena hai। puraani duniya mein rahne vaale manushya de nahin sakte। to baap ko jaanna chaahiye na। bhakton ko bhagwan se varsa lena hai। bhakti bhi chali aati hai। thikkar bhittar mein paramatma ko dhoondhate rehte hain। samajhte hain sab paramatma ke roop hain। vaastav mein hain sab bhaai-bhaai। lakshmi-naaraayan se lekar jo bhi manushya maatra hain sab bhaai-bhaai hain athva bhaai-behen hain kyonki prajaapita brahma ki aulaad hain। agar shiv ki aulaad kahen to woh niraakaar aatmaayen hain। brahma ke bachche behen-bhaai jismaani ho jaate। parantu phir grihastha vyavhaar mein aane se bhaai-behen ka bhaan bhool jaate hain। agar woh gyaan rahe to phir vikaar mein bhi na jaayen। abhi phir baap samjhaate hain tum vikaar mein na jaao। tum ek baap ke bachche bhaai-behen ho। abhi brahma saamne baithe hain। tum unke bachche bi.ke. ho। yeh yukti hai grihastha vyavhaar mein rehte pavitra banne ki। janak ka bhi misaal hai na। pahle sirf ek-ek baat ka nishchay ho jaae ki baap aaya hua hai svarga banaane। bas yeh teer lag jaae to jhat baap ka ban jaaen।

baap kehte hain tum hamaara ban jaao to ham tumko svarga ka maalik banaayenge। nishchay hai ki yeh vahi behad ka baap hai। ham varsa zaroor lenge। manamnaabhav, madhyaajeebhav, kitni sahaj baat hai! dhandhaadhori karte buddhi mein yeh smriti rahe ki ham baba ke bachche hain। ham svarga ke maalik banenge to yeh khushi rahegi। yeh 84 janmon ka chakra hai। 84 janma sirf sooryavanshi devi-devtaaon ka hi hai। tum jaante ho ham svadarshan chakradhaari hain। sirf chakra kahne se janma siddha nahin hote isliye kehna hai ki ham 84 janmon ko jaanne vaale svadarshan chakradhaari hain। to baap bhi yaad aayega, paanch yug bhi yaad aayenge। ab phir jaata hoon svarga mein। hamaare 84 janma poore hue। buddhi mein chakra phirta rahe aur shareer nirvaah arth kaam bhi karta rahe। baba ne kaha hai svadarshan chakra ka gyaan mere bhakton ko dena। unko samjhaane se jhat yeh nishchay hoga barobar ham 84 janma lete hain। 84 janma na lene vaala hoga to unko dhaarna hi nahin hogi। 84 janmon ka arth hi hai pahle-pahle ham sooryavanshi mein aayenge। thoda bhi koi sunkar jaayega to svarga mein zaroor aayega। parantu 84 janma nahin lenge, deri se bhi aa sakte hain। unke phir 84 janma thode hi honge। yeh gyaan ki kitni maheen baaten hain! kitna hisaab-kitaab hai! phir bhi baap kehte hain achha, agar itna guhya raaz nahin samajhte ho to bhala baap ka ban varsa to lo। ham shivbaaba ke bachche hain। woh svarga ka rachayita hai। yeh nasha rehna chaahiye। parantu maaya thaharne nahin deti hai। koi to kehte hain baap aur varse ko yaad karna - yeh koi badi baat nahin। maaya hamko kya karegi! ham to zaroor varsa paayenge। kitni sahaj baat hai! koi ko teer lag jaae to baap aur varse ko yaad karte bahut khushi mein rahe। jab tak khushi nahin aati to baba kahenge paai-paise ke nishchay vaale hain। pakke nishchay vaale ko khushi ka paara bahut chadha rehta hai। koi raaja ke paas santaan nahin hoti hai to kehte hain kile ke andar jo pahle-pahle aayega unko god mein lenge phir queue lag jaati hai। match mein bhi queue lagti hai। doodh ki bottle par bhi queue lagti hai। pahla number jaane ke liye savere uthkar jaae khade rehte hain। nahin to samajhte hain phir thaharna padega। to yahaan bhi baba ke gale ka haar banne ke liye queue hai। saara madaar purushaartha par hai। baap ko yaad karna, yeh buddhi ki daud hai। baaki kaam aadi bhal karte raho। aatma ki dil yaar de, hath kaar de.... aashik maashook ek jagah baith thode hi jaate hain। kaam-kaaj aadi sab kuchh karte buddhi unke taraph rehti hai। to yahaan bhi buddhi ek ke saath chaahiye, jo hamko svarga ka maalik banaata hai। jo time milta hai usmein purushaartha karo। grihastha vyavhaar mein bhi rehna hai। yeh koi karma sannyaas nahin hai। shareer nirvaah to karna hi hai।

baap ab brahma tan mein aakar kehte hain main tumhaara baap hoon, ham tumko svarga ka maalik banaata hoon। tum hamko apna nahin banaayenge? mere bane ho to ab mere saath yog lagaao aur mere bankar phir tum pavitra nahin rahenge, naam badnaam karenge to bahut saza khaayenge। satguru ke nindak svarga ke dvaar ja nahin sakenge। achha। baapdaada, maat-pita, jisse svarga ke sada sukh ka varsa lete ho, svadarshan chakradhaari ban raajya-bhaagya lete ho, aise baapdaada ka sikeeldhe bachchon ko yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke gale ka haar banne ke liye buddhi ki daud lagaani hai। yaad ki yaatra mein race karni hai।

2) shareer nirvaah arth karma karte svadarshan chakra phiraana hai। kabhi bhi satguru ka nindak nahin banna hai। naam badnaam karne vaala karma nahin karna hai।

vardaan:- apne bache hue tan-man-dhan ko eeshvareey kaarya mein lagaakar jama karne vaale sada sahayogi bhav

yaadgaar mein jo govardhan parvat ko uthaane mein har ek ki anguli dikhaai hai - yeh aapke sahayog ki nishaani hai। chitra mein baap ka saath bhi dikhaate hain to seva bhi dikhaate hain। abhi aap bachche baapdaada ke sahayogi bane ho tab yaadgaar bana hai। bhakti mein to tan-man-dhan jo kuchh lagaaya usmein 99 percent ganva diya। baaki jo 1 percent bacha hai use ab sachchi dil se eeshvareey kaarya mein lagaao to phir se padamguna jama ho jaayega।

slogan:- jo nirmaan bante hain unhein svatah sarva ka maan praapta hota hai।