बुधवार 25 अक्टूबर 2023 की दैनिक मुरली

25-10-2023 praatahmurli om shanti "baapdaada"' madhuban

“meethe bachche - tum behad ke baap ko yaad karo, ismen hi gyaan, bhakti aur vairaagya teenon samaaya hua hai, yeh hai nai padhaai''

prashn:- sangam par gyaan aur yog ke saath-saath bhakti bhi chalti hai - kaise?

uttar:- vaastav mein yog ko bhakti bhi kah sakte hain kyonki tum bachche avyabhichaari yaad mein rehte ho। tumhaari yeh yaad gyaan sahit hai isliye ise yog kaha gaya hai। dvaapar se sirf bhakti hoti, gyaan nahin hota, isliye us bhakti ko yog nahin kaha jaata। usmein koi em object nahin hai। abhi tumhein gyaan bhi milta, yog bhi karte phir tumhaara behad ki srishti se vairaagya bhi hai।

geet:- kisi ne apna bana ke…

om shanti। behad ka baap samjhaate hain - shaastron ki padhaai, woh koi padhaai nahin hai kyonki shaastron ki padhaai mein koi em object nahin hai। shaastron se koi duniya ka pata nahin padta hai, America kahaan hai, kisne dhoondhi, yeh baaten shaastron mein nahin hain। kehte hain phalaane ne dhoondhi। doosre ilaake dhoondhate hain apne rahne liye। dekha manushya bahut ho gaye hain, rahne liye jameen to chaahiye na। ab yeh sab baaten padhaai ki hain, isko education kaha jaata hai। tumhaara bhi yeh education hai। isko aashram kahen athva institution kahen va university kahen? ismen sab aa jaata hai। us padhaai ke nakshe aadi aur hain। shaastron se roshni nahin milti, padhaai se roshni milti hai। tumhaari bhi padhaai hai। vaikuntha kisko kaha jaata hai? yeh na us padhaai mein hai, na shaastron ki padhaai mein hai। yeh knowledge hi nai hai jo ek baap hi batlaate hain। manushya to kah dete svarga-narka sab yahaan hi hai। baap hi samjhaate hain svarga-narka kisko kaha jaata hai? yeh baaten na shaastron mein hain, na us education mein hain। to nai baaten hone kaaran manushya moonjhate hain, kehte hain aisa gyaan to kabhi suna nahin। yeh to nai wonderful baaten hain jo kabhi koi ne nahin sunaai hain। hain bhi barobar nai baaten। na us education vaale suna sakte, na sannyaasi aadi suna sakte, isliye parampita paramatma ko hi gyaan ka saagar kaha jaata hai। behad ki history-geography bhi samjhaate hain। gyaan se svarga aur narka ka vistaar bhi sunaate hain। yeh nai baaten hain na। is padhaai mein sab kuchh hai - gyaan bhi hai, yog bhi hai, padhaai bhi hai, bhakti bhi hai। yog ko bhakti bhi kah sakte hain kyonki ek ke saath yog lagaana unko yaad karna hota hai। woh bhakta log bhi yaad karte hain, pooja karte hain, gaate hain। woh bhakti karna koi yog nahin kahenge। samjho, jaise meera thi, shreekrishna ke saath yog lagaati thi, unko yaad karti thi parantu usko bhakti kaha jaata। unki buddhi mein koi em object nahin hai। isko gyaan bhi kehte, bhakti bhi kehte। yog lagaate hain, ek ko yaad karte hain। satayug mein na bhakti hoti, na gyaan। sangam par gyaan aur bhakti donon hi hain aur dvaapar se lekar sirf bhakti chalti aai hai। kisko yaad karna, usko bhakti kehte। yahaan yeh gyaan bhi hai, yog bhi hai, bhakti bhi hai। samajh sakte hain। woh sirf bhakta hain, tatva se yog lagaate hain। parantu unka hai anekon se yog, isliye unko bhakta kehte। tumhaara yeh hai avyabhichaari yog। yeh gyaan saagar khud baith padhaate hain। unse yog lagaana hota hai। woh to aatma ko hi nahin jaante। ham to jaante hain। parampita paramatma baap ke saath buddhiyog lagaane se ham baap ke paas chale jaayenge। woh hanoomaan ko yaad karte hain, to unka saakshaatkaar ho jaata, unko vyabhichaari kaha jaata। yeh hai avyabhichaari yog। sirf ek baap ko yaad karna hai to ismen gyaan, bhakti, vairaagya sab ikatthe hain। aur woh unhon ka sab alag-alag hai। bhakti alag, gyaan bhi sirf shaastron ka hai, vairaagya bhi had ka hai। yahaan behad ki baat hai, ham behad ke baap ko jaante hain isliye unko yaad karte hain। woh bhal shiv ko yaad karte parantu vikarma vinaash nahin honge, kyonki woh occupation ko nahin jaante। vikarma vinaash hone ka gyaan hi nahin। yahaan to baap ki yaad se vikarma vinaash hote hain। vahaan kaashi kalvat khaate hain, to unke vikarma vinaash hote hain। bhogna bhogni padti hai। parantu aise nahin ki tumhaare muaaphik aahiste-aahiste karmaateet bante hain। nahin, unke vikarma sajaayen khaate-khaate khatma hote hain, maaph nahin ho jaate hain। to yeh padhaai bhi hai, gyaan bhi hai, yog bhi hai, ismen sab hai। sikhlaane vaala ek hi baap hai। inko aashram athva institution kaha jaata hai। likha hua bada achha hai। aage om mandali naam wrong tha। abhi samajh aai hai। yeh naam bilkul achha hai। koi ko bhi samjha sakte ho ki brahmaakumaar to tum bhi ho। baap hai sabka rachayita, unko pahle-pahle sookshm vatan rachna hai। brahma, vishnu, shankar hain sookshmavtanvaasi, nai srishti rachte hain to zaroor prajaapita brahma chaahiye। sookshm vatan vaala to yahaan aa na sake। woh hai sampoorn avyakt। yahaan to saakaar brahma chaahiye na। woh kahaan se aaye? manushya in baaton ko samajh na saken। chitra to hain na। brahma se brahman paida hue। parantu brahma aaye kahaan se। phir adoption hoti hai। jaise koi raaja ko bachcha nahin hota hai to adopt karte hain। baap bhi inko adopt karte hain phir naam badalkar rakhte hain - prajaapita brahma। woh oopar vaala to neeche aa na sake। neeche vaale ko oopar jaana hai। woh hai avyakt, yeh hai vyakta। to is rahasya ko bhi achhi reeti samajhna hai kyonki sabka prashn uthta hai। kehte hain daada ko kabhi brahma, kabhi bhagwan, kabhi shreekrishna kehte hain…। ab inko bhagwan to kaha nahin jaata। baaki brahma aur shreekrishna ko to kah sakte hain kyonki shreekrishna sundar se shyaam banta hai। to jab raat hai tab kahenge brahma, jab din hai tab kahenge shreekrishna। shreekrishna ki aatma ka abhi yeh antim janma hai aur yeh shreekrishna hai aadi ka janma। yeh clear kar likhna pade। 84 janma raadhe-krishna ke va lakshmi-naaraayan ke bataane pade। yahaan phir unko adopt karte hain। to brahma ka din aur brahma ki raat ho jaati। vahi phir lakshmi-naaraayan ka din aur raat। unki vanshaavli ka bhi aise hua।

tum ab brahman kul ke ho phir devta kul ke banenge। to brahmaakumaar-kumaariyon ka bhi din aur raat hua na। yeh badi samajhne ki baaten hain। chitron mein bhi clear hai - neeche tapasya kar rahe hain, antim janma hai। brahma aaye kahaan se? kisse paida ho? to brahma ko adopt karte hain। jaise raaja adopt karte hain, phir unko raajkumaar kehte hain। transfer kar dete hain - prince oph phalaana। pahle to prince nahin tha। raaja ne adopt kiya to naam daala prince। yeh rasma-rivaaj chalti aai hai। bachchon ko yeh buddhi mein aana chaahiye। duniya nahin jaanti ki baap kaise puraani duniya ka vinaash aur nai duniya ki sthaapna karte hain? yeh roshni tum bachchon ko hai। tumhaare mein bhi nambarvaar hain। aage chalkar chhoti-chhoti bachchiyaan bhi bahut teekhi hoti jaayengi kyonki kumaariyaan hain। likha hua bhi hai ki kumaariyon dvaara baan marvaaye। kumaariyon ka chamatkaar number one mein gaya hai। mama bhi kumaari hai, sabse teekhi gai hai। kaha jaata hai daughter shows mother। mother to nahin baith koi se baat karegi। yeh maa to ho gai gupta, woh mama hai pratyaksha। to tum shaktiyon athva bachchon ka kaam hai maa ka show karna। bahut achhi-achhi bachchiyaan bhi hain, jinka purushaartha achha chalta hai। kaurav sampradaay mein bhi kinhon ke mukhya naam hain na, jo mahaarthi hain। yahaan bhi mahaarthiyon ke naam hain। sabse bada hai shivbaaba। oonch te oonch bhagwan। unka ooncha thaanv hai। vaastav mein thaanv (rahne ka sthaan) to ham aatmaon ka bhi oonch hai। manushya to sirf mahima karte rehte, jaante kuchh bhi nahin। ham aatmaayen bhi vahaan ki rahne vaali hain। parantu hamko janma-maran mein aakar part bajaana hai। woh janma-maran mein nahin aate, part unka bhi hai, parantu kaise hai - yeh bhi tum jaante ho। abhi tum bachche samajhte ho yeh shivbaaba ka rath hai। ashva athva ghoda bhi hai। baaki woh ghoda-gaadi nahin hai। yeh bhi jo bhoole hue hain, yeh drama mein noondh hai। aadhaakalpa ham bhi bhool mein bhatakte-bhatakte ekdam bhatak jaate hain। abhi roshni mili hai to bahut khabardaar ho pade hain। jaante hain yeh puraani duniya khatma honi hai, hamko nashtomoha banna hai। kamal phool samaan grihastha vyavhaar mein rehte nashtomoha banne ka purushaartha karna hai। tod to sabse nibhaana hai, saath bhi rehna hai। yeh bhatthi bhi banni thi, jaise kalpa pahle bani thi। abhi to kehte hain grihastha vyavhaar mein rah mehnat karni hai। yahaan gharbaar chhodne ki baat hi nahin। ham to ghar mein baithe hain na। kitne bachche hain। laukik bhi the na। chhoda kuchh bhi nahin hai। sannyaasi to jangal mein chale jaate hain। ham to shahar mein baithe hain। to unse tod nibhaana hai। baap ki rachna hai। baap kamaakar bachche ko varsa dete hain। pahle to varsa dete hain kaam vikaar ka। phir unse chhudaakar nirvikaari banaana baap ka hi kaam hai। aise bhi hote hain kahaan bachche maa baap ko gyaan dete hain, kahaan baap bachchon ko gyaan dete hain।

yeh hai hi raajayog, woh hai hathayog। aatma ko knowledge milti hai paramatma se। main (brahma) raajaaon ka raaja tha, ab rank bana hoon। rank se raav gaaya hua hai। bachche jaante hain ham jo sooryavanshi the, abhi shoodravanshi bane hain। yeh bhi samjhaana padta hai - narka aur svarga alag hai। manushya yeh nahin jaante। tumhaare mein bhi kitne bachche kuchh nahin jaante kyonki takdeer mein nahin hai to purushaartha kya karenge? kinki takdeer mein kuchh nahin hai, kinki takdeer mein sab kuchh hai। takdeer purushaartha karaati hai। takdeer nahin hai to purushaartha kya karege? ek hi school hai, chalta rehta hai। koi bachche aadha mein gir padte, koi chalte-chalte mar padte। janma lena aur marna bahut hota hai। yeh knowledge kitni wonderful hai! knowledge to bahut sahaj hai, baaki karmaateet avastha ko paana ismen hi saari mehnat hai। jab vikarma vinaash hon tab to ud saken। dhyaan se gyaan shreshtha hai। dhyaan mein maaya ke vighna bahut padte hain isliye dhyaan se gyaan achha hai। aise nahin ki yog se gyaan achha। dhyaan ke liye kaha jaata hai। dhyaan mein jaane vaale aaj hain nahin। yog mein to kamaai hoti hai, vikarma vinaash hote hain। dhyaan mein koi kamaai nahin hai। yog aur gyaan mein kamaai hai। gyaan aur yog bigar healthy-wealthy ban nahin sakte। phir yeh ghoomne-phirne ki ek aadat pad jaati hai। yeh bhi theek nahin। dhyaan nuksaan bahut karta hai। gyaan bhi hai second ka। yog koi second ka nahin hai। jahaan jeena hai vahaan yog lagaate rehna hai। gyaan to sahaj hai, baaki ever healthy, nirogi banna ismen mehnat hai। savere uthkar yaad mein baithne mein bhi vighna bahut padte hain। points nikaalte hain to bhi buddhi kahaan ki kahaan chali jaati hai। sabse jaasti toofaan to pahle number vaale ko aayenge na। shivbaaba ko to nahin aa sakte। baba hamesha samjhaate rehte hain toofaan to bahut aayenge। jitna yaad mein rahne ki koshish karenge, utna toofaan bahut aayenge। unse darna nahin hai, yaad mein rehna hai, sthir hona hai। toofaan koi hila na sake, yeh ant ki avastha hai। yeh hai roohaani race। shivbaaba ko yaad karte raho। yeh bhi samajhne ki aur dhaaran karne ki baaten hain। dhan daan nahin karenge to dhaarna nahin hogi। purushaartha karna chaahiye। do baap ki point kisko samjhaana bahut easy hai। yeh bhi tum hi jaante ho - baap 21 janmon ka varsa dete hain। tum kahenge in lakshmi-naaraayan ko baap se 21 janmon ka varsa mila hai। baap ne unko raajayog sikhlaaya aur koi mukh se kah na sake ki unhein bhagwan ne yeh varsa diya hai। duniya mein koi kis baat mein, koi kis baat mein khush rehte। tum jis baat mein khush ho usko koi nahin jaante। manushya to alpakaal kshanbhangur ke liye khushi manaate hain। tum ho sachche brahman kul bhooshan, jo yogi aur gyaani ho। tumhaare is ateendriy sukh ki khushi ko aur koi jaan nahin sakte। woh to kya-kya maatha maarte rehte hain। moon par jaane ka purushaartha karte hain। bahut difficult mehnat karte hain। un sabki mehnat barbaad ho jaani hai। tum bina koi takleeph ke aisi jagah jaane ka purushaartha karte ho jahaan aur koi ja na sake। ekdam oonch ta oonch paramdham mein jaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) grihastha vyavhaar mein rehte nashtomoha bhi banna hai। saath-saath sabse tod nibhaate kamal phool samaan rehna hai।

2) dhaarna karne ke liye gyaan dhan ka daan zaroor karna hai। gyaan aur yog se apni kamaai jama karni hai। baaki dhyaan deedaar ki aash nahin rakhni hai।

vardaan:- santushtata ke certificate dvaara bhavishya raajya-bhaagya ka takhta praapta karne vaale santushta-moorti bhav

santushta rehna hai aur sarva ko santushta karna hai -yeh slogan sada aapke mastak roopi board par likha hua ho kyonki isi certificate vaale bhavishya mein raajya-bhaagya ka certificate lenge। to roz amritvele is slogan ko smriti mein laao। jaise board par slogan likhte ho aise sada apne mastak ke board par yeh slogan daudaao to sabhi santushta moortiyaan ho jaayenge। jo santushta hain woh sada prasanna hain।

slogan:- aapas mein sneh aur santushtata sampanna vyavhaar karne vaale hi saphalta moorta bante hain।