शुक्रवार 27 अक्टूबर 2023 की दैनिक मुरली

27-10-2023 praatahmurli om shanti "baapdaada"' madhuban

“meethe bachche - tumhaari dil mein khushi ke nagaade bajne chaahiye kyonki behad ka baap tumhein behad ka varsa dene aaya hai''

prashn:- maaya ne manushyon ko kis bhram mein bharma diya hai jis kaaran ve svarga mein chalne ka purushaartha nahin kar sakte?

uttar:- maaya ka yeh jo pichhaadi ka pomp hai, 100 varsha ke andar aeroplane, bijli aadi kya-kya nikal gaya hai… is pomp ko dekhte hue manushya samajhte hain svarga to yahaan hi hai। dhan hai, mahal hain, gaadiyaan hain… bas, hamaare liye yahaan hi svarga hai। yeh maaya ka sukh hai jo bharma deta hai। iske kaaran hi ve svarga mein chalne ka purushaartha nahin karte hain।

geet:- maata O maata…

om shanti। abhi yeh to bachchon ko samjhaaya gaya hai ki jo hokar jaate hain unki mahima gaai jaati hai। bhaaratvaasi to jaante nahin। viddhaan pandit bhi nahin jaante। jagat amba arthaat jagat ke manushyon ko rachne vaali। tum jaante ho jisko jagat amba kehte hain woh abhi bachchon ke sammukh baithi hai। bhaktimaarga mein to aise hi gaate aaye hain। tum bachchon ko abhi gyaan mila hai arthaat jagat amba ka parichay mila hai। jagat amba ke naam se bhi bhinna-bhinna anek chitra banaaye hain। vaastav mein hai to ek hi jagat amba, unko hi kaali kaho, sarasvati kaho, durga kaho, dher naam rakhne se manushya moonjh gaye hain। kaali kalkatte vaali bhi kehte hain। parantu aisa chitra to hota nahin। baap kehte hain yeh sab bhakti maarga ki saamagri hai। jabse bhakti maarga shuru hota hai tab se raavan raajya bhi shuru hota hai। yeh to manushya jaante nahin ki raavan kya hai, raam kya hai, yeh behad ki kahaani hai। tum bachche ab jaante ho raavan raajya poora ho phir raamraajya shuru hota hai। raam zaroor sukh dene vaala hoga, raavan zaroor duhkh dene vaala hoga। bhaarat mein raavan raajya hai to unko shokvaatika kaha jaata hai। baap ne samjhaaya hai tum sab is samay raavan raajya mein ho। mukhya bhaarat ki hi baat hai। raavan raajya mein tum bhrashtaachaari ban gaye ho। raam arthaat behad ka baap hai sukh dene vaala। is samay sabhi manushya hain aasuri mat par। baaki raavan koi 10 sheesh vaala nahin hai। yeh hai 5 vikaaron ki mat, jisko raavan mat kaha jaata hai। shivbaaba ki mat hai shreemat। abhi aasuri sampradaay hai na। yeh behad ki baat hai। shreemat se 21 janma sukh paate ho। aasuri mat se 63 janma tumne duhkh paaya hai।

tum jaante ho yeh raavan hai bade te bada dushman, jisko jalaate rehte hain। samajhte nahin ki aakhreen raavan ko jalaana ham banda kab karenge? kehte hain - yeh raavan ko jalaana to parampara se chala aata hai। effigy banaae jalaate rehte hain। barobar is raavan ne sabko duhkh diya hai, khaas bhaarat ko। to raavan bada dushman hua na। parantu is behad ke dushman ka kisko pata nahin hai। behad ka baap aakar behad ka sukh dete hain। aisi sahaj baat bhi koi vidvaan-pandit aadi nahin jaante। tum bachche jaante ho - hamko behad ke baap se sukh ka varsa lena hai। parantu phir ghadi-ghadi tum baap ko bhool jaate ho। bhakti maarga mein tum pukaarte aaye ho - he baba, raham karo, mercy on me। mercy to karta rehta hoon। jis-jis bhaavna se devtaaon ki pooja karte hain to alpakaal ka sukh zaroor deta hoon। aur koi sukh de nahin sakta। main hi hoon sukh daata। bhakti maarga mein bhi dene vaala main hoon। kehte hain god father ne yeh diya। bhagwan ke liye kehte hain। phir aise kyon kehte ho yeh dhan phalaane saadhu ne diya। jabki sukh dene vaala hai hi ek baap। gaate bhi hain - he bhagwan, hamaare duhkh door karo। phir aise kyon kehte phalaane saadhu ne hamaara yeh duhkh door kiya, bachcha diya। samajhte hain unki kripa se sukh mila। dhandhe mein faayda hota hai to samajhte hain guru kripa hui। nuksaan hota hai to aise nahin kehte hain ki guru ki akripa hui। bichaare bhakta log samajhne bigar jo aaya so kehte rehte hain। jo sunte us par follow karte rehte hain। yeh bhi drama।

ab baap aakar tumhein apna banaate hain। baap se preet rakhne mein bhi maaya bahut vighna daalti hai। ekdam munh phira deti hai। 21janma ka sukh dene vaale baap se phaarakti dila deti hai। baap samjhaate hain bhakti maarga aur gyaan maarga mein raat-din ka farka hai। bhakti karte-karte jab kangaal ban jaate hain tab phir baap aakar gyaan dekar 21 janma ke liye tumko maalaamaal kar dete hain। woh bhakti to tum janma by janma karte rahe, alpakaal sukh milta hai। duhkh to bahut hai na। baap kehte hain - main aaya hoon tumhaara jo ganvaaya hua raajya hai woh dene। behad ki baat hui na। baaki aur koi baat nahin। yeh lakshmi-naaraayan aadi viceless devtaayen the। unhon ke mahlon mein kitne heere-javaahraat honge। tum aage chalkar bahut kuchh dekhenge। jitna nazdeek aate jaayenge utna svarga ki scene dekhte jaayenge। kitni badi-badi darbaar hogi। khidkiyon par sone, heere, javaahron ka kitna achha shrringaar hoga। bas, yeh raat poori hokar din shuru hoga। jo vaikuntha tum divya drishti se dekhte ho woh practical mein zaroor dekhenge। jo vinaash divya drishti se dekha hai woh phir practical mein dekhenge। tumhaare andar to khushi ke nagaade bajne chaahiye। ham behad ke baap se behad ka varsa le rahe hain। yeh chitra to koi accurate nahin hain। woh tum sab divya drishti se dekhte ho। vahaan jaakar raas aadi karte ho। kitne chitra aadi banaate the। jo kuchh divya drishti se baap ne dikhaaya hai woh phir practical zaroor hoga। tum jaante ho yeh chhi-chhi duniya khatma ho jaayegi। tum yahaan baithe ho shreemat par apna svaraajya lene ke purushaartha mein। kahaan woh bhakti maarga, kahaan yeh gyaan maarga। yahaan bhaarat ka haal dekho kya hua hai - khaane ke liye anna nahin, bade-bade plan bana rahe hain। time hai baaki thoda। unka plan aur tumhaara plan dekho kaisa hai! yeh baaten koi shaastron mein nahin hain। raamaayan aadi mein kitni kahaaniyaan likh di hain। parantu aise to hai nahin। raavan ko phir varsha-varsha kyon jalaate hain। raavan ko jalaaya to woh khatma ho jaana chaahiye na। bhakti maarga ki aamadni kaisi aur gyaan maarga ki aamadni kaisi hai! baba ekdam bhandaara bhar dete hain। uske liye mehnat hai। pavitra zaroor rehna pade। gaate bhi hain amrit chhod vish kaahe ko khaae। amrit naam se amritsar mein ek taalaab bana diya hai। taalaab mein dubki maarte hain। maanasrovar naam ka bhi ek taalaab bana diya hai। maanasrovar ka arth bhi nahin samajhte hain। maanasrovar arthaat niraakaar parampita paramatma gyaan saagar manushya ke tan mein aakar yeh gyaan sunaate hain। manushyon ne kathaayen aadi kitni baith banaai hain। sarva shaastramai shiromni geeta........ phir usmein shreekrishna vaach likh diya hai। phir shreekrishna ke liye bhi kitni baaten likh di hain। sarpa ne dasa, striyon ko bhagaaya...... kitne jhoothe kalank lagaaye hain। abhi tum samjha sakte ho। shreekrishna ki to baat hi nahin hai। yeh to brahma dvaara parampita paramatma sabhi vedon shaastron granthon ka saar baith batlaate hain। number one hai shreemadbhagvat geeta। bhaaratvaasiyon ka dharmashaastra ek hi hai, usko khandan kar diya hai to baaki jo baal-bachche ved-shaastra hain sab khandan ho gaye।

baap kitni achhi reeti samjhaate hain phir bhi chalte-chalte maaya ke thappad khaate rehte hain, dhaarna nahin karte hain। yeh hai yuddha-sthal। tum ho bachche, jo brahman bane ho। geeta aadi mein to koi aisi baaten likhi nahin hain। brahma ki mukh vanshaavli hain, brahma dvaara yagya racha gaya। roodra gyaan yagya to barobar hai phir yuddha ka maidaan kahaan se aaya? gaaya bhi hua hai raajasva ashvamedh yagya। yeh jo rath hai usko ham bali chadhaate hain। woh phir daksha prajaapti ka yagya rach ghode ko baith svaaha karte hain। kya-kya likh diya hai। tum jaante ho satayug mein bhaarat svarga tha to zaroor vahaan bahut thode hi honge। devi-devta thode the। jamuna ke kanthe par barobar raajya hoga। sirf devi-devtaayen raajya karte honge। vahaan to garmi aadi hoti nahin jo kashmeer, shimla aadi jaana pade। tatva bhi bilkul satopradhaan ho jaate hain। yeh bhi samajhne vaale samjhen। satayug ko svarga kaha jaata hai, kaliyug ko narka kaha jaata hai। dvaapar ko itna narka nahin kahenge। treta mein bhi do kala kam hoti hain। sabse jaasti sukh svarga mein hai। kehte hain phalaana svarga padhaara। parantu svarga ka arth nahin samajhte hain। svargavaasi hua, to zaroor narka mein tha na। har ek manushya narka mein hai। abhi baap tumko behad ka raajya dete hain। vahaan to sab kuchh tumhaara rahega। tumhaari prithvi, tumhaara aakaash...... tum atal, akhanda, shaantimay raajya karenge। duhkh ka naam hi nahin hoga। to uske liye kitna purushaartha karna chaahiye। avasthaayen bachchon ki kaisi hain। jaante bhi hain hamaare mama baba bahut achhi reeti purushaartha karte hain, kyon nahin ham bhi purushaartha kar varsa leven।

baap kehte hain - bachche, thak mat jaana, shreemat par chalte rehna। shreemat ko kabhi bhoolna nahin। ismen badi saavdhaani chaahiye। jo kuchh karo, poochho - baba ham ismen moonjhate hain, ise karne mein hamaare oopar koi paap to nahin lagega। baba kabhi koi se leta nahin hai। bhaktimaarga mein bhi eeshvar arth daan karte hain to return mein phir lete hain। shivbaaba lekar kya karenge unko koi mahal to nahin banaane hain। sab kuchh bachchon ke liye karte hain। makaan banvaate hain woh bhi tumhaare pichhaadi mein rahne liye। tumhaara yaadgaar mandir bhi yahaan hai। tum bhi yahaan baithe ho। jo serviceable bachche hain woh aage chal bahut raunak dekhenge। yahaan baithe-baithe chakra lagaate rahenge svarga mein। phir vahaan jaakar mahal banaayenge। makaan ki competition hoti hai na। abhi 100 varsha mein kitna banaaya hai। bhaarat ko jaise bahishta bana diya hai। to vahaan 100 varsha mein samajhte ho kya nahin hoga। science saari tumko vahaan kaam mein aati hai। science ka sukh hi vahaan hai। yahaan to duhkh hai। science par kitni mehnat karte hain। tum bachche samajhte ho ki yeh sirf phaapha maar rahe hain (apni badaai kar rahe hain), alpakaal kshanbhangur sukh hai, yeh maaya ka pichhaadi ka pomp hai। yeh aeroplane, rocket aadi mein abhi jaate hain। aage yeh sab saadhan the nahin। bijli aadi bhi nahin thi। yeh sab hai maaya ka sukh, jo manushya ko bharmaata hai। manushya samajhte hain - bas, yahi svarga hai। vimaan aadi svarga mein the, abhi svarga hai na। yeh nahin samajhte ki svarga ke liye to ab taiyaari ho rahi hai। samajhte hain dhan hai, mahal hain bas, hamaare liye yahaan hi svarga hai। achha, tumhaari takdeer mein yahin svarga hai। hamko to mehnat kar sachche-sachche svarga mein chalna hai, jiske liye tum purushaartha karte ho। purushaartha mein dheela nahin padna hai। grihastha vyavhaar mein rah purushaartha karna hai। service karni hai। khud pavitra ban phir apne mitra-sambandhiyon aadi ko bhi laayak banaao, meethi-meethi baaten sunaao। baba ne do baap ki point bahut achhi reeti samjhaai hai। varsa baap se milta hai jaaydaad ka। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) purushaartha mein kabhi bhi thakna nahin hai। badi saavdhaani se shreemat par chalte rehna hai। moonjhana nahin hai।

2) koi bhi paap karma nahin karna hai। sachche-sachche svarga mein chalne liye pavitra banne aur banaane ki seva karni hai।

vardaan:- nishchaybuddhi ban laukik mein alaukik bhaavna rakhne vaale double sevaadhaari trustee bhav

kai bachche seva karte-karte thak jaate hain, sochte hain yeh to kabhi badalna hi nahin hai। aise dilshikasta nahin bano। nishchaybuddhi ban, merepan ke sambandh se nyaare ho chalte chalo। koi koi aatmaon ka bhakti ka hisaab chuktu hone mein thoda samay lagta hai isliye dheeraj dhar, saaksheepan ki sthiti mein sthit ho, shant aur shakti ka sahayog aatmaon ko dete raho। laukik mein alaukik bhaavna rakho। double sevaadhaari, trustee bano।

slogan:- apni shreshtha vritti se vaayumandal ko shreshtha banaana yahi sachchi seva hai।