बुधवार 24 अप्रैल 2024 की दैनिक मुरली

24-04-2024 praatahmurli om shanti "baapdaada"' madhuban

“meethe bachche - tum savere ameer bante ho, shaam ko fakeer bante ho। fakeer se ameer, patit se paavan banne ke liye do shabd yaad rakho - manmanaabhav, madhyaajeebhav''

prashn:- karmabandhan se mukta hone ki yukti kya hai?

uttar:- 1. yaad ki yaatra tatha gyaan ka simran, 2. ek ke saath sarva sambandh rahen, anya koi mein bhi buddhi na jaaye, 3.jo sarvashaktimaan battery hai, us battery se yog laga hua ho। apne oopar poora dhyaan ho, daivi gunon ke pankh lage hue hon to karmabandhan se mukta hote jaayenge।

om shanti। baap ne baith samjhaaya hai - yeh hai bhaarat ke liye kahaani। kya kahaani hai? subah ko ameer hai, shaam ko fakeer hai। is par ek kahaani hai। subah ko ameer tha… yeh baaten tum jab ameer ho tab nahin sunte ho। fakeer aur ameer ki baaten tum bachche sangamayug par hi sunte ho। yeh dil mein dhaaran karna hai। barobar bhakti fakeer banaati hai, gyaan ameer banaata hai। din aur raat bhi behad ka hai। fakeer aur ameer bhi behad ki baat hai aur banaane vaala bhi behad ka baap hai। sabhi patit aatmaon ke liye ek hi battery hai paavan banaane ki। aise-aise totke yaad rakho to bhi khushi mein rahenge। baap kehte hain - bachche, tum savere ameer ban jaate ho phir shaam ko fakeer ban jaate ho। kaise bante ho - yeh bhi baap samjhaate hain। phir patit se paavan, fakeer se ameer banne ki yukti bhi baap hi batlaate hain। manmanaabhav, madhyaajeebhav - yahi do yuktiyaan hain। yeh bhi bachche jaante hain - yeh purushottam sangamayug hai। tum jo bhi yahaan baithe ho, guarantee hai tum svarga ke ameer zaroor banenge, nambarvaar purushaartha anusaar। school mein bhi aise hota hai। nambarvaar class transfer hota hai। imtahaan poora hota hai to phir nambarvaar jaakar baithte hain, woh hai had ki baat, yeh hai behad ki baat। nambarvaar roodra maala mein jaate hain। maala athva jhaad। beej to jhaad ka hi hai। paramatma phir manushya srishti ka beej hai, yeh bachche jaante hain ki jhaad vriddhi ko kaise paata hai, puraana kaise hota hai। aage yeh tum nahin jaante the, baap ne aakar samjhaaya hai। abhi yeh hai purushottam sangamayug। abhi tum bachchon ko purushaartha karna hai। daiveegun ke pankh bhi dhaaran karne hain। apne oopar poora dhyaan dena hai। yaad ki yaatra se hi tum paavan banenge aur koi upaay nahin। baap jo sarvashaktimaan battery hai unse poora yog lagaana hai। unki battery kabhi dheeli nahin hoti। woh sato, rajo, tamo mein nahin aate kyonki unki sada karmaateet avastha hai। tum bachche karmabandhan mein aate ho। kitne kade bandhan hain। in karmabandhanon se mukta hone ka ek hi upaay hai - yaad ki yaatra। iske sivaae aur koi upaay nahin। jaise yeh gyaan hai, yeh bhi haddiyaan narma karta hai। yoon to bhakti bhi narma banaati hai। kahenge yeh bichaara bhakta aadmi hai, inmen thagi aadi kuchh bhi nahin hai। parantu bhakton mein thagi bhi hoti hai। baba anubhvi hai। aatma shareer dvaara dhandhaadhori karti hai to is janma ka bhi sab kuchh smriti mein aata hai। 4-5 varsha ki aayu se apni jeevan kahaani yaad rahni chaahiye। koi 10-20 varsha ki baat bhi bhool jaate hain। janma-janmaantar ka naam roop to yaad nahin rah sakta। ek janma ka to kuchh bata sakte hain। photo aadi rakhte hain। doosre janma ka to pata nahin rah sakta। har ek aatma bhinna naam, roop, desh, kaal mein part bajaati hai। naam, roop sab badalta rehta hai। yeh to buddhi mein hai kaise aatma ek shareer chhod phir doosra leti hai। zaroor 84 janma, 84 naam, 84 baap bane honge। ant mein phir tamopradhaan sambandh ho jaata hai। is samay jitne sambandh hote hain, utne kabhi nahin hote hain। kaliyugi sambandhon ko bandhan hi samajhna chaahiye। kitne bachche hote hain, phir shaadi karte hain, phir bachche paida karte hain। is samay sabse jaasti bandhan hai - chaache, maame, kaake ka… jitne jaasti sambandh utne jaasti bandhan। akhbaar mein pada paanch bachche ikatthe janmen, paanchon hi tandurusta hain। hisaab karo kitne dher sambandh ban jaate hain। is samay tumhaara sambandh sabse chhota hai। sirf ek baap se sarva sambandh hain। doosra koi se bhi tumhaara buddhi yog nahin hai, sivaae ek ke। satayug mein phir isse jaasti hain। heere jaisa janma tumhaara abhi hai। highest baap bachchon ko adopt karte hain। jeete ji god mein jaana varsa paane ke liye, so abhi hi hota hai। tum aise baap ki god mein aaye ho jisse tumko varsa milta hai। tum braahmanon se oonch koi hai nahin। sabka yog ek ke saath hai। tumhaara aapas mein bhi koi sambandh nahin। behen-bhaai ka sambandh bhi gira deta hai। sambandh ek se hona chaahiye। yeh hai nai baat। pavitra hokar vaapis jaana hai। aise-aise vichaar saagar manthan karne se tum bahut raunak mein aayenge। satayugi raunak aur kaliyugi raunak mein raat-din ka farka hai। bhakti maarga ke samay hai hi raavan ka raajya। pichhaadi mein science ka ghamanda bhi kitna hota hai। jaise satayug se bhent karte hain।

ek bachchi ne samaachaar likha ki hamne prashn poochha ki svarga mein ho ya narka mein? to 4-5 ne kaha ham svarga mein hain। buddhi mein raat-din ka farka pad jaata hai। koi samajhte hain ham to narka mein hain, phir unko samjhaana padta hai ki svargavaasi banne chaahte ho? svarga kaun sthaapan karte hain? yeh bahut meethi-meethi baaten hain। tum note karte ho, parantu woh copy mein hi notes rah jaate hain, samay par yaad nahin aate। ab patit se paavan banaane vaala parampita paramatma shiv hai। woh kehte hain maamekam yaad karo to paap kat jaayenge। yaad mein koi to aamadni hogi na। yaad ki rasma ab nikli hai। yaad se hi tum kitne oonch svachchha bante ho। jitni jo mehnat karega utna oonch pad paayega। baba se bhi poochh sakte ho। duniya mein to sambandh aur jaaydaad ke peechhe jhagde hi jhagde hain। yahaan to koi sambandh nahin। ek baap, doosra na koi। baap hai behad ka maalik। baat to badi sahaj hai। us taraph hai svarga aur is taraph hai narka। narkavaasi achhe ya svargavaasi achhe? jo sayaane honge woh to kahenge svargavaasi achhe। koi to kah dete hain narkavaasi aur svargavaasi, in baaton se humein koi matlab nahin kyonki baap ko nahin jaante hain। koi phir baap ki god se nikal maaya ki god mein chale jaate hain। wonder hai na। baap bhi wonderful to gyaan bhi wonderful, sab wonderful। in wonders ko samajhne vaala bhi aisa chaahiye, jiski buddhi is wonder mein hi lagi rahe। raavan to wonder nahin hai, na unki rachna wonder hai। raat-din ka farka hai। shaastron mein likh diya hai - kaaleedah mein gaya, sarpa ne dasa, kaala ho gaya। ab tum achhi reeti yeh sab samjha sakte ho। shreekrishna ke chitra ko koi uthaakar padhe to refresh ho jaaye। 84 janmon ki kahaani hai। jaise shreekrishna ki vaise tumhaari। svarga mein to tum aate ho na। phir treta mein bhi aate rehte hain। vriddhi hoti rehti hai। aise nahin, treta mein jo raaja hote hain woh treta mein hi aayenge। padhe ke aage anapdhe ko bhari dhoni padegi। yeh drama ka raaz baba hi jaan sakte hain। ab tum jaante ho tumhaare mitra-sambandhi aadi sab narkavaasi hain। ham purushottam sangamayugi hain। ab purushottam ban rahe hain। baahar ke rahne aur yahaan 7 roz aakar rahne mein bahut farka pad jaata hai। hanson ke sang se nikal bagulon ke sang mein jaate hain। bahut bigaadne vaale bhi hain। bahut bachche murli ki parvaah nahin karte hain। baap samjhaate hain - gaphlat nahin karo। tumko khushboodaar phool banna hai। sirf ek baat hi tumhaare liye kaaphi hai - yaad ki yaatra। yahaan tumko braahmanon ka hi sang hai। kahaan oonch te oonch, kahaan neech। bachche likhte hain baba bagulon ke jhunda mein ham ek hans kya karenge? bagule kaante lagaate hain। kitni mehnat karni padti hai। baap ki shreemat par chalne se pad bhi oonch milega। sadaiv hans hokar raho। bagule ke sang mein bagula na ban jaao। gaayan hai aashcharyavat sunanti, kathanti, bhaaganti..... thoda bhi gyaan hai to svarga mein aayenge। parantu farka raat-din ka pad jaata hai। sajaayen bahut kadi khaayenge। baap kehte hain meri mat par na chal, patit banen to sau guna danda pad jaata hai। phir pad bhi kam ho jaata hai। yeh raajaai sthaapan ho rahi hai। yeh baaten bhool jaati hain। yeh bhi yaad rahe to bhi oonch pad paane ka purushaartha zaroor karen। nahin karte hain to samjha jaata hai - ek kaan se sun doosre se nikaal dete hain। baap se yog nahin। yahaan rehte bhi buddhiyog baal bachchon ki taraph hai। baap kehte hain sab kuchh bhool jaana hai - isko kaha jaata hai vairaagya। ismen bhi percentage hai। kahaan na kahaan khyaalaat chale jaate hain। ek-do se lav ho jaata hai to bhi buddhi latak jaati hai।

baba roz samjhaate hain - in aankhon se jo kuchh dekhte ho, woh sab khatma hone vaala hai। tumhaara buddhiyog nai duniya mein rahe aur behad ke sambandhiyon se buddhiyog rakhna hai। yeh maashook wonderful hai। bhakti mein gaate hain aap jab aayenge to aapke bigar ham kisko bhi yaad nahin karenge। ab main aaya hoon, to ab tumko sab taraph se buddhiyog hataana pade na। yeh sab kuchh mitti mein mil jaana hai। tumhaara jaise mitti ke saath buddhiyog hai। mere saath buddhiyog hoga to maalik ban jaayenge। baap kitna samajhdaar banaate hain। manushya nahin jaante ki bhakti kya hai aur gyaan kya hai? ab tumko gyaan mila hai tab tum bhakti ko bhi samajhte ho। ab tumko feeling aati hai ki bhakti mein kitna duhkh hai। manushya bhakti karte hain apne ko bahut sukhi samajhte hain। phir bhi kehte hain bhagwan aakar phal denge। kisko aur kaise phal denge - woh kuchh bhi nahin samajhte। ab tum jaante ho - baap bhakti ka phal dene aaye hain। vishwa ki raajdhaani ka phal jis baap se milta hai woh baap jo direction dete hain, us par chalna pade। unko kaha jaata hai oonche te oonchi mat। mat milti to sabko hai। phir koi chal sake, koi chal na sake। behad ki baadshaahi sthaapan honi hai। tum abhi samajhte ho - ham kya the, ab hamaari kya haalat hai। maaya ekdam khatma kar deti hai। yeh to jaise murdon ki duniya hai। bhakti maarga mein tum jo kuchh sunte the woh sab sat sat karte the। lekin tum jaante ho ki sach to ek baap hi sunaate hain। aise baap ko yaad karna chaahiye। yahaan koi baahar vaala baitha ho to unko kuchh bhi samajh mein nahin aayega। kahenge yeh to pata nahin kya sunaate hain। saari duniya kehti hai paramatma sarvavyaapi hai aur yeh kehte hain woh hamaara baap hai। kaandh se na-na karte rahenge। tumhaare andar se haan-haan nikalti rahegi, isliye naye koi ko allow nahin kiya jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) khushboodaar phool banne ke liye sang ki bahut sambhaal karni hai। hanson ka sang karna hai, hans hokar rehna hai। murli mein kabhi beparvaah nahin banna hai, gaphlat nahin karni hai।

2) karmabandhan se mukta hone ke liye sangamayug par apne sarva sambandh ek baap se rakhne hai। aapas mein koi sambandh nahin rakhna hai। kisi had ke sambandh mein lav rakh buddhiyog latkaana nahin hai। ek ko hi yaad karna hai।

vardaan:- parmaatma lav mein leen hone va milan mein magna hone vaale sachche snehi bhav

sneh ki nishaani gaai jaati hai - ki do hote bhi do na rahen lekin milkar ek ho jaaen, isko hi sama jaana kehte hain। bhakton ne isi sneh ki sthiti ko sama jaana va leen hona kah diya hai। lav mein leen hona - yeh sthiti hai lekin sthiti ke badle unhonne aatma ke astitva ko sada ke liye samaapta hona samajh liya hai। aap bachche jab baap ke va roohaani maashook ke milan mein magna ho jaate ho to samaan ban jaate ho।

slogan:- antarmukhi woh hai jo vyartha sankalpon se man ka maun rakhta hai।