शुक्रवार 26 अप्रैल 2024 की दैनिक मुरली

26-04-2024 praatahmurli om shanti "baapdaada"' madhuban

“meethe bachche - shareer nirvaah arth karma karte hue behad ki unnati karo, jitna achhi reeti behad ki padhaai padhenge, utni unnati hogi''

prashn:- tum bachche jo behad ki padhaai padh rahe ho, ismen sabse oonch difficult subject kaun-si hai?

uttar:- is padhaai mein sabse oonchi subject hai bhaai-bhaai ki drishti pakki karna। baap ne gyaan ka jo teesra netra diya hai us netra se aatma bhaai-bhaai ko dekho। jara bhi aankhe dhokha na den। kisi bhi dehdhaari ke naam-roop mein buddhi na jaaye। buddhi mein jara bhi vikaari chhi-chhi sakanlpa na chalen। yeh hai mehnat। is subject mein paas hone vaale vishwa ka maalik ban jaayenge।

om shanti। behad ka baap baith behad ke bachchon ko samjhaate hain। har ek baat ek had ki hoti hai, doosri behad ki bhi hoti hai। itna samay tum had mein the, ab behad mein ho। tumhaari padhaai bhi behad ki hai। behad ki baadshaahi ke liye padhaai hai, isse badi padhaai koi hoti nahin। kaun padhaate hain? behad ka baap bhagwan। shareer nirvaah arth bhi sab kuchh karna hai। phir apni unnati ke liye bhi kuchh karna hota hai। bahut log naukri karte bhi unnati ke liye padhte rehte hain। vahaan hai had ki unnati, yahaan behad baap ke paas hai behad ki unnati। baap kehte hain had ki aur behad ki donon unnati karo। buddhi se sam-jhate ho hamko behad ki sachchi kamaai ab karni hai। yahaan to sab kuchh mitti mein mil jaana hai। jitna-jitna tum behad ki kamaai mein jor bharte jaayenge to had ke kamaai ki baaten bhoolti jaayengi। sab samajh jaayenge ab vinaash hona hai। vinaash nazdeek aayega to bhagwan ko bhi dhoondhenge। vinaash hota hai to zaroor sthaapna karne vaala bhi hoga। duniya to kuchh bhi nahin jaanti। tum prajaapita brahmaakumaar-kumaariyaan bhi nambarvaar purooshaartha anusaar padhaai padh rahe ho। hostel mein woh student rehte hain jo padhte hain। parantu yeh hostel to nyaari hai। is hostel mein to kai aise hi rehte hain, jo shuru mein chale aaye woh rah gaye hain। aise hi aa gaye। variety aa gaye। aise nahin, sab achhe aaye। chhote-chhote bachche bhi tum le aaye। tum bachchon ko bhi sambhaalte the। phir unmein kitne chale gaye। bageeche mein phool bhi dekho, pakshi bhi dekho kaise tiklu-tiklu karte hain। yeh manushya srishti bhi is samay aise hai। hamaare mein koi sabhyata nahin thi। sabhyata vaalon ki mahima gaate the। kehte the ham nirgun haare mein koi gun naaheen…। bhal kitne bhi bade aadmi aate hain, feel karte hain ki ham rachayita baap aur rachna ke aadi-madhya-ant ko nahin jaante hain। phir woh kis kaam ke। tum bhi kuchh kaam ke nahin the। ab tum samajhte ho baap ki kamaal hai। baap vishwa ka maalik banaate hain। jo raajaai hamse koi bhi chheen nahin sakte। jara bhi koi vighna daal na sake। kya se ham kya bante hain! to aise baap ki shreemat par zaroor chalna chaahiye। bhal duniya mein kitni glaani, hangaamen aadi hote hain। yeh koi nai baat nahin hai। 5 hazaar varsha pahle bhi hua tha। shaastron mein bhi hai। bachchon ko bataaya hai, yeh jo bhakti maarga ke shaastra hain, woh phir bhakti maarga mein padhenge। is samay tum gyaan se sukhdhaam mein jaate ho। uske liye poora purooshaartha karna chaahiye। jitna ab purooshaartha karenge, utna kalpa-kalpa hoga। apne andar jaanch karni hai - kahaan tak ham oonch pad paayenge। yeh to har ek student samajh sakte hain ki ham jitna achha padhenge utna oonch jaayenge। yeh hamse hoshiyaar hain, ham bhi hoshiyaar banen। vyaapaariyon mein bhi aise hota hai - main inse oopar jaaoon yaani hoshiyaar banoon। alpakaal sukh ke liye mehnat karte hain। baap kehte hain - meethe-meethe bachchon, main tumhaara kitna bada baap hoon। saakaari baap bhi hai to niraakaari bhi hai। donon ikatthe hain। donon milkar kehte hain - meethe bachche, ab tum behad ki padhaai ko samajh gaye ho। aur to koi jaante hi nahin। pahli baat to hamko padhaane vaala kaun? bhagwan kya padhaate hain? raajayog। tum raajarishi ho। woh hain hathayogi। ve bhi hain rishi, parantu had ke। woh kehte hain hamne gharbaar chhoda hai। yeh koi achha kaam kiya hai kya? tum gharbaar tab chhodte ho, jab tumko vikaar ke liye tang karte hain। unko kya tangi hui? tumko maar padi tab tum bhaagi ho। ek-ek se poochho, kumaariyon ne, striyon ne kitni maar khaai hai, tab chali aai। shuru mein kitne aaye। yahaan milta tha gyaan amrit to chitthi le aai ki ham gyaan amrit peene om raadhe ke paas ja rahe hain। yeh vikaar par jhagda, hangaama shuru se chalta aa raha hai। banda tab hoga jab aasuri duniya ka vinaash hoga। phir aadhaakalpa ke liye banda ho jaayega।

abhi tum bachche behad ke baap se praalabdha lete ho। behad ka baap sabko behad ki praalabdha dete hain। had ka baap had ki praalabdha dete hain। woh bhi sirf bachche ko hi varsa milta hai। yahaan baap kehte hain - tum bachchi ho ya bachcha, donon varse ke hakdaar hain। us laukik baap ke paas bhed rehta hai, sirf bachche ko vaaris banaate hain। stri ko half partner kehte hain। parantu unko bhi hissa dete nahin hain। bachcha hi sambhaal lete hain। baap ka bachchon mein moh rehta hai। yeh baap to kaayde anusaar sabhi bachchon (aatmaon) ko varsa dete hain। yahaan bachche va bachchi ke bhed ka maaloom hi nahin hai। tum kitne sukh ka varsa behad ke baap se lete ho। phir bhi poora padhte nahin। padhaai ko chhod dete hain। bachchiyaan likhti hain - baba, phalaane ne blood se likhkar diya hai। ab nahin aata hai। blood se bhi likhte hain - baba, aap pyaar karo va thukraao, ham aapko kabhi chhodenge nahin। parantu paravrish lekar phir bhi chale jaate hain। baap ne samjhaaya hai - yeh sab drama hai। koi aashcharyavat bhaaganti honge। yahaan baithe hain to nishchay hai, aise behad ke baap ko ham kaise chhoden। yeh to padhaai bhi hai। guarantee bhi karte hain, ham saath le jaayenge। satayug aadi mein itne sab manushya nahin the। abhi sangam par sabhi manushya hain, satayug mein bahut thode honge। itne sab dharma vaale koi bhi nahin rahenge। uski saari taiyaari ho rahi hai। yeh shareer chhod shantidham chale jaayenge। hisaab-kitaab chuktu kar jahaan se aaye hain part bajaane, vahaan chale jaayenge। woh to hota hai do ghante ka naatak, yeh hai behad ka naatak। tum jaante ho ham us ghar ke rahvaasi hain aur hain bhi ek baap ke bachche। rahne ka sthaan hai nirvaandhaam, vaani se pare। vahaan aavaaz hota nahin। manushya samajhte hain brahm mein leen ho jaate hain। baba kehte hain aatma avinaashi hai, unka kabhi vinaash ho na sake। kitni jeev aatmaayen hain। avinaashi aatma jeev dvaara part bajaati hai। sab aatmaayen drama ke actors hain। rahne ka sthaan brahmaanda woh ghar hai। aatma ande misal dikhaai padti hai। vahaan brahmaanda mein unke rahne ka sthaan hai। har ek baat ko achhi reeti samajhna hai। nahin samajhte hain to aage chalkar aapehi samajh jaayenge, agar sunte hi rahenge to। chhod denge to phir kuchh bhi samajh nahin sakenge। tum bachche jaante ho yeh puraani duniya khatma ho nai duniya sthaapan hoti hai। baap kehte hain kal tum vishwa ke maalik the, ab phir tum vishwa ke maalik banne aaye ho। geet bhi hai na - baba hamko aisa maalik banaate hain jo koi hamse chheen na sake। aakaash, jameen aadi par hamaara kabja (adhikaar) rehta hai। is duniya mein dekho kya-kya hai। sab hain matlab ke saathi। vahaan to aise nahin hoga। jaise laukik baap bachchon ko kehte hain - yeh dhan maal sab kuchh tumko dekar jaate hain, inko achhi reeti sambhaalna। behad ka baap bhi kehte hain tumko dhan maal sab kuchh dete hain। tumne hamko bulaaya hai paavan duniya mein le chalo to zaroor paavan banaakar vishwa ka maalik banaaoonga। baap kitna yukti se samjhaate hain। iska naam hi hai sahaj gyaan aur yog। second ki baat hai। second mein mukti jeevanmukti। tum ab kitna dooraadeshi buddhi ho gaye ho। yahi chintan hota rahe ki ham behad ke baap dvaara padh rahe hain। ham apne liye raajya sthaapan kar rahe hain, to usmein ham oonch pad kyon na paayen। kam kyon paayen। raajdhaani sthaapan hoti hai। usmein bhi martabe honge na। daas-daasiyaan dher honge। woh bhi bahut sukh paate hain। saath mein mahlon mein rahenge। bachchon aadi ko sambhaalte honge। kitna sukhi honge। sirf naam hai - daas-daasi। jo raaja-raani khaate, vahi daas-daasiyaan bhi khaate hain। praja ko to nahin milta hai, daas-daasiyon ka bhi bahut maan hai, parantu unmein bhi nambarvaar hain। tum bachche saare vishwa ke maalik bante ho। daas-daasiyaan to yahaan bhi raajaaon ke paas hoti hain। princess ki jab sabha lagti hai, aapas mein milte hain to full shrringaar kiye hue, taaz aadi sahit hote hain। phir unmein bhi nambarvaar badi shobhnik sabha lagti hai। usmein raaniyaan nahin baithti hain। woh parde mein rehti hain। yeh sab baaten baap samjhaate hain। unko tum praan daata bhi kehte ho, jeey daan dene vaala। ghadi-ghadi shareer chhodne se bachaane vaala hai। vahaan marne ki chinta nahin hoti hai। yahaan kitni chinta rehti hai। thoda kuchh hota to bulaayenge doctor ko ki kahaan mar na jaaye। vahaan dar ki baat nahin। tum kaal par jeet paate ho to kitna nasha rehna chaahiye। padhaane vaale ko yaad karo to bhi yaad ki yaatra hui। baap-teacher-satguru ko yaad karo to bhi theek hai, jitna shreemat par chalenge, mansa-vaacha-karmana paavan banna hai। buddhi mein vikaari sankalp bhi na aayen। woh tab hoga jab bhaai-bhaai samjhenge। behen-bhaai samajhne se bhi chhi-chhi ho jaate hain। sabse adhik dhokha dene vaali yeh aankhe hain isliye baap ne teesra netra diya hai to apne ko aatma samajh bhaai-bhaai ko dekho। isko kaha jaata hai gyaan ka teesra netra। behen-bhaai bhi fail hote hain to doosri yukti nikaali jaati hai - apne ko bhaai-bhaai samjho। badi mehnat hai। subject hoti hai na। koi bahut difficult subject hoti hai। yeh padhaai hai, ismen bhi oonch subject hai - tum kisi ke bhi naam-roop mein nahin phans sakte ho। bahut bada imtahaan hai। vishwa ka maalik banna hai। mukhya baat baap kehte hain bhaai-bhaai samjho। to bachchon ko itna purooshaartha karna chaahiye। parantu chalte-chalte kitne traitor bhi ban padte hain। yahaan bhi aise hota hai। achhe-achhe bachchon ko maaya apna bana deti hai। tab baap kehte hain mujhe faarakti bhi de dete hain, divorce bhi dete hain। faarakti bachche aur baap ki hoti hai aur divorce stri aur pati ka hota hai। baap kehte hain hamko donon milte hain। achhi-achhi bachchiyaan bhi divorce de jaakar raavan ki ban jaati hain। wonderful khel hai na। maaya kya nahin kar deti hai। baap kehte hain maaya badi kadi hai। gaayan hai gaj ko graah ne khaaya। bahut gaphlat kar baithte hain। baap se beadbi karte hain to maaya kachcha kha leti hai। maaya aisi hai jo koi-koi ko ekdam pakad leti hai। achha!

bachchon ko kitna sunaae, kitna sunaaoon। mukhya baat hai alpha। musalmaan bhi kehte hain - savere uthkar alpha ko yaad karo। yeh vela sone ki nahin hai। is upaay se hi vikarma vinaash hote hain, aur koi upaay nahin। baap tum bachchon ke saath kitna vaphaadaar hai। kabhi tumko chhodenge nahin। aaye hi hain sudhaar kar saath le jaane। yaad ki yaatra se hi tum satopradhaan honge। us taraph jama hota jaayega। baap kehte hain apna chaupda rakho - kitna yaad karte hain, kitni service karte hain। vyaapaari log ghaata dekhte hain to khabardaar rehte hain। ghaata nahin daalna chaahiye। kalpa-kalpaantar ka ghaata pad jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mansa-vaacha-karmana paavan banna hai, buddhi mein vikaari sankalp bhi na aayen, iske liye aatma bhaai-bhaai hoon, yeh abhyaas karna hai। kisi ke naam-roop mein nahin phansana hai।

2) jaise baap vaphaadaar hai, bachchon ko sudhaar kar saath le jaate hain, aise vaphaadaar rehna hai। kabhi bhi phaarakti ya divorce nahin dena।

vardaan:- sada halke ban baap ke naynon mein samaane vaale sahajyogi bhav

sangamayug par jo khushiyon ki khaan milti hai woh aur kisi yug mein nahin mil sakti। is samay baap aur bachchon ka milan hai, varsa hai, vardaan hai। varsa athva vardaan donon mein mehnat nahin hoti isliye aapka title hi hai sahajyogi। baapdaada bachchon ki mehnat dekh nahin sakte, kehte hain bachche apne sab bojh baap ko dekar khud halke ho jaao। itne halke bano jo baap apne naynon par bithaakar saath le jaaye। baap se sneh ki nishaani hai - sada halke ban baap ki nazron mein sama jaana।

slogan:- negative sochne ka raasta band kar do to saphalta swaroop ban jaayenge।