शनिवार 27 अप्रैल 2024 की दैनिक मुरली

27-04-2024 praatahmurli om shanti "baapdaada"' madhuban

“meethe bachche - tum aaye ho baap se health, wealth, happiness ka varsa lene, eeshvareey mat par chalne se hi baap ka varsa milta hai''

prashn:- baap ne sabhi bachchon ko vikalpa jeet banne ki yukti kaun-si bataai hai?

uttar:- vikalpa jeet banne ke liye apne ko aatma samajh bhaai-bhaai ki drishti se dekho। shareer ko dekhne se vikalpa aate hain, isliye bhrakuti mein aatma bhaai ko dekho। paavan banna hai to yeh drishti pakki rakho। nirantar patit-paavan baap ko yaad karo। yaad se hi kat nikalti jaayegi, khushi ka paara chadhega aur vikalpon par vijay praapta kar lenge।

om shanti। shiv bhagvaanuvaach apne saaligraamon prati। shiv bhagvaanuvaach hai to zaroor shareer hoga tab to vaach hoga। bolne ke liye mukh zaroor chaahiye। to sunne vaalon ko bhi kaan zaroor chaahiye। aatma ko kaan, mukh chaahiye। abhi tum bachchon ko eeshvareey mat mil rahi hai, jisko raam mat kaha jaata hai। doosre phir hain raavan mat par। eeshvareey mat aur aasuri mat। eeshvareey mat aadhaakalpa chalti hai। baap eeshvareey mat dekar tumko devta bana dete hain phir satayug-treta mein vahi mat chalti hai। vahaan janma bhi thode hain kyonki yogi log hain। aur dvaapar-kaliyug mein hai raavan mat, yahaan janma bhi bahut hain, kyonki bhogi log hain, isliye aayu bhi kam hoti hai। bahut sampradaay ho jaati hai aur bahut duhkhi hote hain। raam mat vaale phir raavan mat se mil jaate hain। to saari duniya ki raavan mat ho jaati hai। phir baap aakar sabko raam mat dete hain। satayug mein hai raam mat, eeshvareey mat। usko kaha jaata hai svarga। eeshvareey mat milne se svarga ki sthaapna ho jaati hai aadhaakalpa ke liye। woh jab poori hoti hai to raavan raajya hota hai, usko kaha jaata hai aasuri mat। ab apne se poochho - ham aasuri mat se kya karte the? eeshvareey mat se kya kar rahe hain? aage jaise ki narkavaasi the phir svargavaasi bante hain - shivaalay mein। satayug-treta ko shivaalay kaha jaata hai। jis naam se sthaapna hoti hai to zaroor unka naam bhi rakhenge। to woh hai shivaalay, jahaan devta rehte hain। rachayita baap hi tumko yeh baaten samjha rahe hain। kya rachte hain, woh bhi tum bachche samajhte ho। saari rachna is samay unko bulaati hai - he patit-paavan va he liberator, raavan ke raajya se va duhkh se chhudaane vaale। abhi tumko sukh ka maaloom pada hai tab isko duhkh samajhte ho। nahin to kai isko duhkh thode hi samajhte hain। jaise baap knowledgeful hai, manushya srishti ka beejroop hai, tum bhi knowledgeful bante ho। beej mein jhaad ki knowledge hoti hai na। parantu woh hai jad। agar chaitanya hota to bata deta। tum chaitanya jhaad ke ho isliye jhaad ko bhi jaante ho। baap ko kaha jaata hai manushya srishti ka beejroop, sat chit aanand swaroop। is jhaad ki utpatti aur paalna kaise hoti hai, yeh koi nahin jaante। aise nahin, naya jhaad utpanna hota hai। yeh bhi baap ne samjhaaya hai puraane jhaad vaale manushya bulaate hain ki aakar raavan se liberate karo kyonki is samay raavan raajya hai। manushya to na rachayita ko, na rachna ko jaante। khud baap batla rahe hain main ek hi baar heaven banaata hoon। heaven ke baad phir hell banta hai। raavan ke aane se phir vaam maarga mein chale jaate hain। satayug mein health, wealth, happiness sab hai। tum yahaan aaye ho baap se varsa lene - health, wealth, happiness ka kyonki svarga mein kabhi duhkh hota nahin। tumhaari dil mein hai ki ham kalpa-kalpa purooshottam sangamayug mein purooshaartha karte hain। naam hi kaisa achha hai। aur koi yug ko purooshottam thode hi kehte hain। unmein to seedhi neeche utarte jaate hain। baap ko bulaate bhi hain, samarpan bhi karte hain। lekin yeh maaloom nahin rehta ki baap kab aayega। pukaarte to hain O god father liberate karo, guide bano। liberator banenge to zaroor aana pade। phir guide ban le jaana pade। baap bachchon ko bahut dinon ke baad dekhte hain to bada khush hote hain। woh hai had ka baap। yeh hai behad ka baap। baba creator hai। rach karke phir unki paalna bhi karte hain। punarjanma to lena padta hai। kisko 10, kisko 12 bachche hote hain, parantu woh sab hain had ke sukh, jo kaag vishta samaan hain। tamopradhaan ban jaate hain। tamopradhaan mein sukh bahut thoda hai। tum satopradhaan bante ho to bahut sukh hota hai। satopradhaan banne ki yukti baap aakar bataate hain। baap ko almighty authority kaha jaata hai। manushya samajhte hain god almighty authority hai to jo chaahe so kar sakte hain। mare ko jinda kar sakte hain। ek baar koi ne likha - agar aap bhagwan hain to makkhi ko jinda kar dikhaao। aise dher prashn poochhte hain।

tumko baap taakat dete hain, jisse tum raavan par jeet paate ho। bandar se mandir laayak bante ho। unhon ne phir kya-kya bana diya hai। vaastav mein tum sab seetaayen bhaktiyaan ho। tum sabko raavan se chhudaaya hai। raavan dvaara tumko kabhi bhi sukh nahin mil sakta। is samay sab raavan ki jel mein hain। raam ki jel mein nahin kahenge। raam aate hain raavan ki jel se chhudaane। raavan 10 sir vaala banaate hain। unko 20 bhujaayen dikhaai hain। baap ne samjhaaya hai ki 5 vikaar purush mein, 5 vikaar stri mein hain। unko kehte hain raavan raajya va 5 vikaar roopi maaya ka raajya। aise nahin kahenge, inke paas bahut maaya hai। maaya ka nasha chadha hua hai, nahin। dhan ko maaya nahin kahenge। dhan ko sampatti kaha jaata hai। tum bachchon ko sampatti aadi bahut milti hai। tumko kuchh bhi maangane ki darkaar nahin kyonki yeh to padhaai hai। padhaai mein maangana hota hai kya! teacher jo padhaayenge woh student padhenge। jitna jo padhenge, utna paayenge। maangane ki baat nahin। ismen pavitrata bhi chaahiye। ek akshar ki bhi value dekho kitni hai। padmaapadma। baap ko pahchaano, yaad karo। baap ne pahchaan di hai - jaise aatma bindi hai, vaise mai bhi aatma bindi hoon। woh to ever pavitra hai। shanti, gyaan, pavitrata ka saagar hai। ek ki hi mahima hai। sabka position apna-apna hota hai। naatak bhi banaaya hai - kan-kan mein bhagwan, jinhonne naatak dekha hoga woh jaante honge। jo mahaaveer bachche hain unko to baba kehte hain tum bhal kahaan bhi jaao, sirf saakshi ho dekhna chaahiye।

abhi tum bachche raam raajya sthaapan kar raavan raajya ko khalaas kar dete ho। yeh hai behad ki baat। woh kahaaniyaan had ki bana di hain। tum ho shiv shakti sena। shiv almighty hai na। shiv ki shakti lene vaale shiv ki sena tum ho। unhonne bhi phir shiv sena naam rakha hai। ab tumhaara naam kya rakhen। tumhaara to naam rakha hai - prajaapita brahmaakumaar-kumaariyaan। shiv ki to sabhi santaan hain। saari duniya ki aatmaayen unki santaan hain। shiv se tumko shakti milti hai। shivbaaba tumko gyaan sikhaate hain, jisse tumko itni shakti milti hai jo aadhaakalpa tum saare vishwa par raajya karte ho। tumhaari yeh hai yog bal ki shakti। aur unhon ki hai baahubal ki। bhaarat ka praacheen raajayog gaaya hua hai। chaahte bhi hain bhaarat ka praacheen yog seekhen, jisse paradise sthaapan hua tha। kehte bhi hain - Christ se itne varsha pahle paradise tha। woh kaise bana? yog se। tum ho pravritti maarga vaale sannyaasi। woh gharbaar chhod jangal mein chale jaate hain। drama anusaar har ek ko part mila hua hai। itni chhoti-si bindi mein kitna part hai, isko kudrat hi kahenge। baap to ever shaktimaan golden aged hai, abhi tum unse shakti lete ho। yeh bhi drama bana hua hai। aise nahin ki hazaar sooryon se tejomay hai। woh to jo jiska bhaav baithta hai, to us bhaavna se dekhte hain। aankhe laal-laal ho jaati hain। bas karo, ham nahin sahan kar sakte। baap kehte hain woh sab bhakti maarga ke sanskaar hain। yeh to knowledge hai, ismen padhna hai। baap teacher bhi hai, padha rahe hain। hamko kehte hain tumko tamopradhaan se satopradhaan banna hai। baba ne samjhaaya hai hear no evil… manushyon ko pata nahin hai ki yeh kisne kaha hai, pahle bandar ka chitra banaate the। abhi manushyon ka banaate rehte hain। baba ne bhi nalini bachchi ka banaaya tha। manushyon ko bhakti ka nasha kitna hai। bhakti ka raajya hai na। abhi hota hai gyaan ka raajya। farka ho jaata hai। bachche jaante hain barobar gyaan se bahut sukh hota hai। phir bhakti se seedhi neeche utarte hain। ham pahle satayug mein jaate hain phir joon misal neeche utarte hain। 1250 varsha mein do kala kam hoti hain। chandrama ka misaal hai। chandrama ko grahan lagta hai। kalaayen kam hone lagti hain phir dheere-dheere kalaayen badhti hain to 16 kala hota hai। woh hai alpakaal ki baat। yeh to hai behad ki baat। is samay sabhi par raahu ka grahan hai। oonch te oonch hai brihaspati ki dasha। neeche mein neechi hai raahu ki dasha। ekdam devaala nikaal dete hain। brihaspati ki dasha se ham chadhte hain। woh behad ke baap ko jaante nahin hain। ab raahu ki dasha to sab par barobar hai। yeh tum jaante ho, aur koi nahin jaante। raahu ki dasha hi insolvent banaati hai। brihaspati ki dasha se solvent bante hain। bhaarat kitna solvent tha। ek hi bhaarat tha। satayug mein raam raajya, pavitra raajya hota hai, jiski mahima hoti hai। apvitra raajya vaale gaate hain main nirgun haare mein koi gun naaheen…। aisi sansthaayen bhi banaai hain - nirgun sanstha। are, yeh to saari duniya nirgun sanstha hai। ek ki baat thode hi hai। bachche ko hamesha mahaatma kaha jaata hai। tum phir kehte ho koi gun nahin। yeh to saari duniya hai, jinmen koi gun na hone kaaran raahu ki dasha baithi hai। ab baap kehte hain de daan to chhoote grahan। ab jaana to sabko hai na। deh sahit deh ke sabhi dharmon ko chhodo। apne ko aatma nishchay karo। tumko ab vaapis jaana hai। pavitra na hone kaaran vaapis koi ja na sake। ab baap pavitra hone ki yukti bataate hain। behad ke baap ko yaad karo। kai kehte hain baba ham bhool jaate hain। baap kehte hain - meethe bachchon, patit-paavan baap ko tum bhool jaayenge to tum paavan kaise banenge? vichaar karo ki yeh kya kehte ho? jaanvar bhi kabhi aise nahin kahenge ki ham baap ko bhool jaate hain। tum kya kehte ho! main tumhaara behad ka baap hoon, tum aaye ho behad ka varsa lene। niraakaar baap saakaar mein aaye tab to padhaaye। abhi baap ne ismen pravesh kiya hai। yeh hai baapdaada। donon ki aatma is bhrakuti ke beech mein hai। tum kehte ho baap-daada, to zaroor donon aatmaayen hongi। shivbaaba aur brahma ki aatma। tum sab bane ho prajaapita brahmaakumaar-kumaariyaan। tumko knowledge milti hai to jaante ho ham bhaai-bhaai hain। phir prajaapita brahma dvaara ham bhaai-behen bante hain। yeh yaad pakki chaahiye। parantu baba dekhte hain ki behen-bhaai mein bhi naam-roop ki kashish hoti hai। bahuton ko vikalpa aate hain। achha shareer dekh kar vikalpa aate hain। ab baap kehte hain apne ko aatma samajh bhaai-bhaai ki drishti se dekho। aatmaayen sab brothers hain। brothers hain to baap zaroor chaahiye। sabka ek baap hai। sabhi baap ko yaad karte hain। abhi baap kehte hain satopradhaan banna hai to maamekam yaad karo। jitna yaad karenge to kat nikalti jaayegi, khushi ka paara chadhega aur kashish hoti rahegi। nambarvaar purooshaartha anusaar। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai par poora dhyaan dekar svayan ko sampattivaan banaana hai। kuchh bhi maangana nahin hai। ek baap ki yaad aur pavitrata ki dhaarna se padmaapadmapti banna hai।

2) raahu ke grahan se mukta hone ke liye vikaaron ka daan dena hai। hear no evil... jin baaton se seedhi neeche utre, nirgun banen, unhein buddhi se bhool jaana hai।

vardaan:- “pahle aap'' ke mantra dvaara sarva ka svamaan praapta karne vaale nirmaan so mahaan bhav

yahi mahaamantra sada yaad rahe ki “nirmaan hi sarva mahaan hai''। “pahle aap'' karna hi sarva se svamaan praapta karne ka aadhaar hai। mahaan banne ka yeh mantra vardaan roop mein sada saath rakhna। vardaanon se hi palte, udte manzil par pahunchna। mehnat tab karte ho jab vardaanon ko kaarya mein nahin lagaate। agar vardaanon se palte raho, vardaanon ko kaarya mein lagaate raho to mehnat samaapta ho jaayegi। sada saphalta aur santushtata ka anubhav karte rahenge।

slogan:- soorat dvaara seva karne ke liye apna muskaraata hua ramneek aur gambheer swaroop emerge karo।