सोमवार 13 मई 2024 की दैनिक मुरली

13-05-2024 praatahmurli om shanti "baapdaada"' madhuban

“meethe bachche - tum yahaan manushya se devta banne ki tuition lene aaye ho, kaudi se heera ban rahe ho''

prashn:- tum bachchon ko is padhaai mein koi bhi kharcha nahin lagta hai - kyon?

uttar:- kyonki tumhaara baap hi teacher hai। baap bachchon se kharcha (fee) kaise lega। baap ka bachcha banen, god mein aaye to varse ke hakdaar banen। tum bachche bina kharche kaudi se heere jaisa devta bante ho। bhakti mein teertha karenge, daan-punya karenge to kharcha hi kharcha। yahaan to baap bachchon ko raajaai dete hain। saara varsa muphta mein dete hain। paavan bano aur varsa lo।

om shanti। bachche samajhte hain ki ham student hain। baap ke student kya padh rahe ho? ham manushya se devta banne ki tuition le rahe hain। ham aatmaayen parampita paramatma se tuition le rahe hain। abhi samajh gaye ki janma by janma apne ko deh samajhte the, na ki aatma। woh laukik baap phir tuition ke liye aur jagah bhej dete hain, sadgati ke liye aur jagah bhej dete hain। baap budha hua to phir unko vaanaprastha mein jaane ki dil hoti hai। parantu vaanaprastha ke arth ko koi jaante nahin hain। vaani se pare ham kaise ja sakte hain? buddhi mein nahin baithta hai। abhi to ham patit hain। jahaan se ham aatmaayen aai hain, vahaan tum paavan the। yahaan aakar part bajaate-bajaate patit bane hain। ab phir paavan kaun banaaye? pukaarte bhi hain he patit-paavan। guru ko to koi patit-paavan kah nahin sakte। guru karte hain phir bhi ek mein poora nishchay nahin baithta hai isliye jaanch karte hain, aisa koi guru mile jo hamko apne ghar athva vaanaprastha avastha mein pahunchaaye, uske liye bahut yuktiyaan rachte hain। jahaan suna phalaane ki bahut mahima hai, vahaan jaayenge। jo is jhaad ka sapling hai, unko tumhaare gyaan ka teer lag jaata hai। samajhte hain yeh to clear baat hai। barobar tum vaanaprastha avastha mein jaate ho na। koi badi baat nahin hai। teacher ke liye school mein padhaana koi badi baat nahin hai। bhakton ko kya chaahiye? yeh bhi kisko pata nahin hai। abhi tum bachche is drama ke chakra ko achhi tarah se jaan gaye ho। tum samajhte ho barobar baap ne hi varsa diya tha, jo ab de rahe hain phir usi avastha mein aayenge, so to tum bachche samajhte ho। pahli mukhya baat hai paavan banne ke liye baap ko yaad karna। laukik baap to sabko yaad hai। paarlaukik baap ko jaante hi nahin hain। abhi tum samajhte ho apne ko aatma samajh baap ko yaad karna sahaj te sahaj bhi hai, difficult te difficult bhi hai।

aatma itna chhota sitaara hai। baap bhi sitaara hai। woh sampoorn pavitra aatma aur yeh sampoorn apvitra। sampoorn pavitra ka sang taare… so to ek ka hi sang mil sakta hai। sang chaahiye zaroor। phir kusang bhi milta hai 5 vikaar roopi raavan ka। unko kaha hi jaata hai raavan sampradaay। tum abhi ban rahe ho raam sampradaay। tum raam sampradaay ban jaayenge phir yeh raavan sampradaay nahin rahega। yeh buddhi mein gyaan hai। raam kahenge bhagwan ko। bhagwan hi aakar raamraajya sthaapan karte hain arthaat sooryavanshi raajya sthaapan karte hain। raamraajya bhi nahin kahenge, parantu samjhaane mein sahaj hota hai - raamraajya aur raavan raajya। vaastav mein hai sooryavanshi raajya। tumhaara ek chhota pustak hai - heere jaisa jeevan kaise banen। ab heere jaisa jeevan kisko kaha jaata hai - manushya kya jaanen, sivaae tumhaare। likhna chaahiye heere jaisa devtaai jeevan kaise banen? devta akshar add hona chaahiye। tum feel karte ho ham heere jaisa jeevan yahaan bana rahe hain। sivaae baap ke aur koi bana na sake। kitaab hai achha, usmein yeh akshar sirf add karo। tum aasuri kaudi jaise janma se devtaai heere jaisa janma second mein praapta kar sakte ho, bigar kaudi kharcha। bachcha baap ke paas janma leta hai aur varse ka hakdaar banta hai। bachche ko kharcha lagta hai kya? god mein aaya aur varse ka hakdaar bana। kharcha to baap karte hain, na ki bachcha। abhi tumne kya kharcha kiya hai? baap ka banne mein koi kharcha lagta hai kya? nahin। jaise laukik baap ka banne mein kharcha nahin aata, vaise paarlaukik baap ka banne mein bhi koi kharcha nahin lagta। yeh to baap baith padhaate hain, padhaakar tumko devta banaate hain। tum koi chhote bachche to nahin ho, bade ho। baap ka banne se baap raay dete hain, tumko apni raajdhaani sthaapan karni hai। ismen pavitra zaroor banna hai। kharcha to kuchh bhi nahin lagta। ganga par jaate hain, teerthon par snaan karne jaate hain, kharcha to karenge na। tumko baap par nishchay hua, kharcha laga kya? tumhaare paas centres par aate hain। tum unko kehte ho ab behad ke baap ka varsa lo, baap ko yaad karo। baap hai na। baap khud kehte hain mera varsa tumko chaahiye to patit se paavan bano, tab paavan vishwa ke maalik ban sakenge। yeh bhi jaante ho baap baikuntha sthaapan karte hain। samajhdaar bachche achhi reeti samajhte hain। us padhaai mein kharcha kitna hota hai, yahaan kharcha kuchh bhi nahin। aatma kehti hai ham avinaashi hain, yeh shareer vinaash ho jaayega। baal bachche aadi sab vinaash ho jaayenge। achha, phir itne paise jo ikatthe kiye hain woh kya karenge? khyaal to hoga na। koi saahookaar bhi honge, samjho unko koi hai nahin, gyaan milta hai to samajhte hain is haalat mein paisa kya karenge? padhaai to hai source oph income। baba ne bataaya tha ek ibraaham Lincoln tha, bahut gareeb tha। raat ko jaagkar padhta tha। padh-padh kar itna hoshiyaar ho gaya jo president ban gaya। kharcha lagta hai kya? kuchh bhi nahin। bahut hain jo gareeb hote hain, unse government paise nahin leti hai padhne ke। aise bahut padhte hain, to woh bhi bigar fee president ban gaya। kitna bada pad pa liya। yeh government bhi kuchh kharcha nahin leti। samajhti hai duniya mein sab gareeb hain। bhal kitne bhi saahookaar, lakhapti, karodapti hain, woh bhi kahenge gareeb hain। ham unko saahookaar banaate hain। bhal dhan kitna bhi ho, tum jaante ho, baaki thode din ke liye hai। yeh sab mitti mein mil jaayega। to gareeb thahre na। saara madaar hai padhaai par। baap bachchon se padhaai ka kya lenge? baap to vishwa ka maalik hai, bachche jaante hain ham bhavishya mein yeh banenge। main aaya hoon, yeh sthaapna karne। badge mein bhi yeh samjhaani hai। nai-nai invention nikalti rehti hai। shivbaaba kehte hain hamaari jo aatma hai unmein saara part noondha hua hai। jo vikaari patit bane hain, unko baap aakar paavan banaate hain। yeh to jaante ho 5 hazaar varsha pahle baap se vishwa ki baadshaahi li thi। mukhya baat, baap kehte hain maamekam yaad karo। sammukh kehte hain। rath mil gaya to baap bhi aa gaye। rath to zaroor ek fix hoga na। yeh bana-banaaya drama hai। change ho nahin sakta। kehte hain yeh jauhri kaise prajaapita brahma banega। samajhte hain yeh jauhri tha। javaahraat ek hoti hai imitation, ek real। ismen bhi real javaahraat baap dete hain to phir woh kya kaam aayegi। yeh hain gyaan ratna। inke saamne us javaahraat ki koi keemat nahin। jab yeh ratna mile to samjha yeh javaahraat ka dhandha to koi kaam ka nahin। yeh avinaashi gyaan ratna ek-ek laakhon roopayon ka hai। kitne tumko ratna milte hain। yeh gyaan ratna hi sachche ban jaate hain। tum jaante ho baap yeh ratna dete hain jholi bharne ke liye। yeh muphta mein milte hain। kharcha kuchh bhi nahin। vahaan to deevaaron, chhaton mein bhi heere javaahar lage rehte hain। unki value kya hogi। value baad mein hoti hai। vahaan to heere javaahar bhi tumhaare liye kuchh nahin hain। yeh to bachchon ko nishchay hona chaahiye।

baap ne samjhaaya hai yeh roop bhi hai, basanta bhi hai। baba ka chhota-sa roop hai। unko gyaan saagar kaha jaata hai। yeh gyaan ratna hain jisse tum bahut dhanvaan banenge। baaki koi amrit va paani aadi ki barsaat nahin hai। padhaai mein paani ki baat nahin hoti। paavan banne mein kharche ki baat hi nahin। tumko ab vivek mila hai। samajhte ho patit-paavan to ek hi baap hai। tum apne yogbal se paavan ban rahe ho। jaante ho paavan ban paavan duniya mein chale jaayenge। ab right yeh hai ya woh? in sab baaton mein buddhi chalni chaahiye। drama mein yeh bhakti ka part bhi hone ka hi hai। baap kehte hain ab tumko paavan ban paavan duniya mein chalna hai। jo paavan banega woh jaayega। jo yahaan ki sapling honge woh nikal aayenge। baaki thode hi samjhenge। woh to duban mein phanse hi rahenge। jab sunenge tab pichhaadi mein kahenge - aho prabhu, teri leela.... aap puraani duniya ko nai kaise banaate ho। tumhaara yeh gyaan akhbaaron mein bahut-bahut pad jaayega। khaas yeh chitra akhbaar mein rangeen daal do। aur likh do - shivbaaba prajaapita brahma dvaara padhaakar svarga ka maalik yeh (lakshmi-naaraayan) banaate hain। kaise? yaad ki yaatra se। yaad karte-karte tumhaari kat utar jaayegi। tum khade-khade sabko yeh raasta bata sakte ho ki baap kehte hain maamekam yaad karo, apne ko aatma samjho। ghadi-ghadi yeh yaad dilaakar phir dekho unka chehra kuchh badalta hai? nain paani se bheegte hain? tab samjho kuchh buddhi mein baithta hai। pahle-pahle yeh ek baat hi samjhaani hai। 5 hazaar varsha pahle bhi baap ne kaha hai maamekam yaad karo। shivbaaba aaya tha tab to shiv jayanti manaate hain na। bhaarat ko svarga banaane ke liye yahi samjhaaya tha ki maamekam yaad karo to tum paavan ban jaayenge। chhoti-chhoti bachchiyaan bhi aise baith samjhaayen। behad ka baap shivbaaba aise samjhaate hain। ‘baba' akshar bahut meetha hai। baba aur varsa। itna nishchay mein bachchon ko rehna hai। yeh hai hi manushya se devta banne ka vidyaalay। devtaayen hote hi hain paavan। ab baap kehte hain apne ko aatma samajh mujhe yaad karo, manamnaabhav। akshar sune hain, na sune ho to baap sunaate hain। baap kehte hai main hi patit-paavan hoon, mujhe yaad karo to tumhaari khaad nikal jaaye aur satopradhaan ban jaayenge। mehnat hi yeh hai। gyaan ke liye to sab kah dete hain, bahut achha hai, first-class gyaan hai parantu praacheen yog ki baat koi jaante hi nahin hain। paavan hone ki baat tum sunaate ho to bhi samajhte nahin। baap kehte hain tum sab patit tamopradhaan ban gaye ho। ab apne ko aatma samajh mujhe yaad karo। asul tum aatmaayen mere saath thi na। mujhe tum bulaate bhi ho O god father aao। ab main aaya hoon, tum meri mat par chalo। yeh hai hi patit se paavan hone ki mat। main hoon sarvashaktimaan, ever paavan। ab tum mujhe yaad karo। inko hi praacheen raajayog kaha jaata hai। tum dhandhe aadi mein bhi bhal raho, baal bachche aadi bhi bhal sambhaalo, sirf buddhiyog aur sabse hataakar mere saath lagaao। yeh hai sabse mukhya baat। yeh na samjha to goya kuchh bhi nahin samjha। gyaan ke liye to kehte hain bahut achha gyaan dete ho, pavitrata bhi achhi hai, parantu ham pavitra kaise banen? hamesha ke liye yeh baat samajhte nahin। devtaayen hamesha pavitra the na, woh kaise banen? yeh baat pahle-pahle samjhaani hai। baap kehte hain mujhe yaad karo। yaad se hi paap mit jaayenge aur tum devta ban jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko gareeb se saahookaar banaane ke liye baap se avinaashi gyaan ratna lene hain, yeh ek-ek ratna laakhon roopayon ka hai, inki value jaankar padhaai padhni hai। yeh padhaai hi source oph income hai, isi se oonch pad paana hai।

2) raam sampradaay mein aane ke liye sampoorn pavitra jo ek baap hai, uska hi sang karna hai। kusang se sada door rehna hai। sabse buddhiyog hataakar ek baap mein lagaana hai।

vardaan:- shaktishaali yaad dvaara second mein padmon ki kamaai jama karne vaale padmaapdam bhaagyashaali bhav

aapki yaad itni shaktishaali ho jo ek second ki yaad se padmon ki kamaai jama ho jaae। jinke har kadam mein padam hon to kitne padam jama ho jaayenge iseelie kaha jaata hai padmaapdam bhaagyashaali। jab kisi ki achhi kamaai hoti hai to uske chehre ki phalak hi aur ho jaati hai। to aapki shakla se bhi padmon ki kamaai ka nasha dikhaai de। aisa roohaani nasha, roohaani khushi ho jo anubhav karen ki yeh nyaare log hain।

slogan:- drama mein sab achha hi hona hai is smriti se bephikra baadshaah bano।