गुरुवार 25 जुलाई 2024 की दैनिक मुरली

25-07-2024 praatahmurli om shanti "baapdaada"' madhuban

“meethe bachche - baajoli ka khel yaad karo, is khel mein saare chakra ka, brahma aur braahmanon ka raaz samaaya hua hai''

prashn:- sangamayug par baap se kaun-sa varsa sabhi bachchon ko praapta hota hai?

uttar:- eeshvareey buddhi ka। eeshvar mein jo gun hain woh humein varse mein dete hain। hamaari buddhi heere jaisi paaras ban rahi hai। abhi ham brahman ban baap se bahut bhaari khajaana le rahe hain, sarva gunon se apni jholi bhar rahe hain।

om shanti। aaj hai satguroovaar, brihaspativaar। dinon mein bhi koi uttam din hota hai। brihaspati ka din oonch kehte hain na। brihaspati arthaat vrikshapti de par school va college mein baithte hain। abhi tum bachche jaante ho ki is manushya srishti roopi jhaad ka beejroop hai baap aur woh akaal moortta hai। akaal moortta baap ke akaalmoortta bachche। kitna sahaj hai। mushkilaat sirf hai yaad ki। yaad se hi vikarma vinaash hote hain। tum patit se paavan hote ho। baap samjhaate hain tum bachchon par avinaashi behad ki dasha hai। ek hoti hai had ki dasha aur doosri hoti hai behad ki। baap hai vrikshapti। vriksha se pahle-pahle brahman nikle। baap kehte hain main vrikshapti sat-chit-aananda swaroop hoon। phir mahima gaate hain gyaan ka saagar, shanti ka saagar…। tum jaante ho satayug mein devi-devtaayen sab shanti ke, pavitrata ke saagar hain। bhaarat sukh-shanti-pavitrata ka saagar tha, usko kaha jaata hai vishwa mein shanti। tum ho brahman। vaastav mein tum bhi akaalmoortta ho, harek aatma apne takhta par viraajmaan hai। yeh sab chaitanya akaal takhta hain। bhrakuti ke beech akaalmoortta aatma viraajmaan hai, jisko sitaara bhi kaha jaata hai। vrikshapti beejroop ko gyaan ka saagar kehte hain, to zaroor unko aana pade। pahle-pahle chaahiye brahman, prajaapita brahma ke adopted children। to zaroor mama bhi chaahiye। tum bachchon ko bahut achhi reeti samjhaate hain। jaise baajoli khelte hain na। uska bhi arth samjhaaya hai। beejroop shivbaaba hai phir hai brahma। brahma dvaara brahman rache gaye। is samay tum kahenge ki ham so brahman so devta.....। pahle ham shoodra buddhi the। ab phir se baap purooshottam buddhi banaate hain। heere jaisi paaras buddhi banaate hain। yeh baajoli ka raaz bhi samjhaate hain। shivbaaba bhi hai, prajaapita brahma aur adopted bachche saamne baithe hain। abhi tum kitne vishaalbuddhi bane ho। brahman so phir devta banenge। abhi tum eeshvareey buddhi bante ho jo eeshvar mein gun hain woh tumko varse mein milte hain। samjhaate samay yeh bhoolo mat। baap gyaan ka saagar hai number one। unko gyaaneshvar kaha jaata hai। gyaan sunaane vaala eeshvar। gyaan se hoti hai sadgati। patiton ko paavan banaate hain gyaan aur yog se। bhaarat ka praacheen raajayog mashhoor hai kyonki iron ej se golden ej bana tha। yeh to samjhaaya hai ki yog do prakaar ka hai - woh hai hathayog aur yeh hai raajayog। woh had ka, yeh hai behad ka। woh hain had ke sannyaasi, tum ho behad ke sannyaasi। woh gharbaar chhodte hain, tum saari duniya ka sannyaas karte ho। abhi tum ho praja-pita brahma ki santaan, yeh chhota-sa naya jhaad hai। tum jaante ho puraane se naye ban rahe hain। sapling lag raha hai। barobar ham baajoli khelte hain। ham so brahman phir ham so devta। ‘so' akshar zaroor lagaana hai। sirf ham nahin। ham so shoodra the, ham so brahman banen..... yeh baajoli bilkul bhoolni nahin chaahiye। yeh to bilkul sahaj hai। chhote-chhote bachche bhi samjha sakte hain, ham 84 janma kaise lete hain, seedhi kaise utre hain phir brahman ban chadhte hain। brahman se devta bante hain।

abhi brahman ban bahut bhaari khajaana le rahe hain। jholi bhar rahe hain। gyaan saagar koi shankar ko nahin kaha jaata hai। woh jholi nahin bharte hain। yeh to chitrakaaron ne bana diya hai। shankar ki baat hai nahin। yeh vishnu aur brahma yahaan ke hain। lakshmi-naaraayan ka yugal roop oopar mein dikhaaya hai। yeh hai inka (brahma ka) antim janma। pahle-pahle yeh vishnu tha, phir 84 janmon ke baad yeh (brahma) bana hai। inka naam mainne brahma rakha hai। sabka naam badal diya kyonki sannyaas kiya na। shoodra se brahman bane to naam badal liya। baap ne bahut ramneek naam rakhe hain। to ab tum samajhte ho, dekhte ho vrikshapti is rath par baitha hai। unka yeh akaaltakhta hai, inka bhi hai। is takhta ka woh loan lete hain। unko apna takhta to milta nahin। kehte hain main is rath mein viraajmaan hota hoon, pahchaan deta hoon। main tumhaara baap hoon sirf janma-maran mein nahin aata hoon, tum aate ho। agar main bhi aaoon to tumko tamopradhaan se satopradhaan kaun banaayenge? banaane vaala to chaahiye na isliye hi mera aisa part hai। mujhe bulaate bhi ho he patit-paavan aao। niraakaar shivbaaba ko aatmaayen pukaarti hain kyonki aatmaon ko duhkh hai। bhaaratvaasi aatmaayen khaas bulaati hain ki aakar patiton ko paavan banaao। satayug mein tum bahut pavitra sukhi the, kabhi bhi pukaarte nahin the। to baap khud kehte hain tumko sukhi banaakar main phir vaanaprastha mein baith jaata hoon। vahaan meri darkaar hi nahin। bhakti maarga mein mera part hai phir mera part aadhaakalpa nahin। yeh to bilkul sahaj hai। ismen kiska prashn uth nahin sakta। gaayan bhi hai duhkh mein simran sab karen.......। satayug-treta mein bhakti maarga hota hi nahin। gyaan maarga bhi nahin kahenge। gyaan to milta hi hai sangam par, jisse tum 21 janma praalabdha paate ho। nambarvaar paas hote hain। fail bhi hote hain। tumhaari yeh yuddha chal rahi hai। tum dekhte ho jis rath par baap viraajmaan hai, woh to jeet lete hain। phir ananya bachche bhi jeet pa lete hain jaise kumaarka hai, phalaani hai, zaroor jeet paayengi। bahuton ko aapasmaan banaati hain। to bachchon ko yeh buddhi mein rakhna hai - yeh baajoli hai। chhote bachche bhi yeh samajh sakte hain isliye baba kehte hain bachchon ko bhi sikhlaao। unko bhi baap se varsa lene ka hak hai। jaasti baat to hai nahin। thoda bhi is gyaan ko jaanne se gyaan ka vinaash nahin hota। svarga mein to zaroor aa jaayenge। jaise Christ ka sthaapan kiya hua krishchi-yan dharma kitna bada hai। yeh devi-devta to sabse pahle aur bada dharma hai। jo do yug chalta hai to zaroor unki sankhya bhi badi honi chaahiye। parantu hindu kahla diya hai। kehte bhi hain 33 karod devtaayen। phir hindu kyon kehte hain! maaya ne buddhi ko bilkul hi maar daala hai to yeh haal ho gaya hai। baap kehte hain maaya ko jeetna koi kathin baat nahin hai। tum har kalpa jeet paate ho। sena ho na। baap mila hai in vikaaron roopi raavan par jeet pahnaane liye।

tum par abhi brihaspati ki dasha hai। bhaarat par hi dasha aati hai। abhi sabhi par raahu ki dasha hai। baap vrikshapti aate hain to zaroor bhaarat par brihaspati ki dasha baithegi। ismen sab kuchh aa jaata hai। tum bachche jaante ho hamko nirogi kaaya milti hai, vahaan mrityu ka naam nahin hota। amarlok hai na। aise nahin kahenge ki phalaana mara। marne ka naam nahin, ek shareer chhod doosra le lete hain। shareer lene aur chhodne par khushi hi rehti hai। gam ka naam nahin। tum par abhi brihaspati ki dasha hai। sab par to brihaspati ki dasha ho na sake। school mein bhi koi paas hote hain koi naapaas hote hain। yeh bhi paathshaala hai। tum kahenge ham raaj-yog seekhte hain, sikhlaane vaala kaun hai? behad ka baap। to kitni khushi honi chaahiye, ismen koi aur baat nahin। pavitrata ki hai mukhya baat। likha hua bhi hai - he bachchon! deh sahit deh ke sab sambandh chhod maamekam yaad karo। yeh geeta ke akshar hain। yeh geeta episode chal raha hai। usmein bhi manushyon ne agdam-bagdam kar diya hai। aate mein namak kuchh hai। baat kitni sahaj hai, jo bachcha bhi samajh jaae। phir bhi bhoolte kyon ho? bhakti maarga mein bhi kehte the baba aap aayenge to ham aapke hi banenge। doosra na koi। ham aapke ban aapse poora varsa lenge। baap ka bante hi hain varsa lene liye। adopt hote hain, jaante hain baap se hamko kya milega। tum bhi adopt hue ho। jaante ho ham baap se vishwa ki baadshaahi, behad ka varsa lenge। aur koi mein mamatva nahin rakhenge। samjho koi ka laukik baap bhi hai, unke paas kya hoga। karke laakh dedh hoga। yeh behad ka baap tumko behad ka varsa dete hain।

tum bachche aadhaakalpa jhoothi kathaayen sunte aaye ho। ab sachchi katha baap se sunte ho। to aise baap ko yaad karna chaahiye। dhyaan se sunna chaahiye। ham so ka arth bhi samjhaana hai। woh to kah dete aatma so paramatma। yeh 84 janmon ki kahaani to koi bata na sake। baap ke liye kehte hain kutte-billi sabmen hain। baap ki glaani karte hain na। yeh bhi drama mein noondh hai। koi par dosh nahin rakhte hain। drama hi aisa bana hua hai। tumko jo gyaan se devta banaate hain tum phir unko hi gaaliyaan dene lag padte ho। tum aise baajoli khelte ho। yeh drama bhi bana hua hai। main phir aakar tum par bhi upkaar karta hoon। jaanta hoon tumhaara bhi dosh nahin hai, yeh khel hai। kahaani tumko samjhaata hoon, yeh hai sachchi-sachchi katha jisse tum devta bante ho। bhakti maarga mein phir dher kathaayen bana di hain। em object kuchh bhi nahin hai। woh sab hain girne ke liye। us paathshaala mein vidya padhaate hain phir bhi shareer nirvaah liye em hai। pandit log apne shareer nirvaah liye baith katha sunaate hain। log unke aage paise rakhte jaate hain, praapti kuchh bhi nahin। tumko to abhi gyaan ratna milte hain, jisse tum nai duniya ke maalik bante ho। vahaan har cheez nai milegi। nai duniya mein sab kuchh naya hoga। heere javaahar aadi sab naye honge। ab baap kehte hain aur sab baaten tum chhod baajoli yaad karo। fakeer log bhi baajoli khelte teerthon par jaate hain। koi paidal bhi jaate hain। abhi to motor aeroplane bhi nikal pade hain। gareeb to unmein ja na saken। koi bahut shraddha vaale hote hain to paidal bhi chale jaate hain। din-pratidin science se bahut sukh milta jaata hai। yeh hai alpakaal ka sukh, girte hain to kitna nuksaan ho jaata hai। in cheezon mein sukh hai alpa-kaal ke liye। baaki final maut bhara hua hai। woh hai science। tumhaari hai silence। baap ko yaad karne se sab rog khatma ho jaate hain, nirogi ban jaate hain। abhi tum samajhte ho satayug mein ever healthy the। yeh 84 ka chakra phirta hi rehta hai। baap ek hi baar aakar samjhaate hain tumne meri glaani ki hai, apne ko chamaat maari hai। glaani karte-karte tum shoodra buddhi ban pade ho। sikkha log bhi kehte hain jap saaheb to sukh mile arthaat manamnaabhav। akshar hi do hain, baaki jaasti maatha maarne ki to dar-kaar hi nahin hai। yeh bhi baap aakar samjhaate hain। abhi tum samajhte ho saaheb ko yaad karne se tumko 21 janma ka sukh milta hai। woh bhi uska raasta bataate hain। parantu poora raasta to jaante hi nahin। simar-simar sukh paao। tum bachche jaante ho barobar satayug mein beemaari aadi duhkh ki koi baat bhi nahin hoti। yeh to common baat hai। usko satayug golden ej kaha jaata hai, isko kaliyug iron ej kaha jaata hai। srishti ka chakra phirta rehta hai। samjhaani kitni achhi hai। baajoli hai, abhi tum brahman ho phir devta banenge। yeh baaten tum bhool jaate ho। baajoli yaad ho to yeh gyaan saara yaad rahe। aise baap ko yaad kar raat ko so jaana chaahiye। phir bhi kehte hain baba bhool jaate hain। maaya ghadi-ghadi bhula deti hai। ladaai hai tumhaari maaya ke saath। phir aadhaakalpa tum un par raajya karte ho। baat to sahaj bataate hain। naam hai hi sahaj gyaan, sahaj yaad। baap ko sirf yaad karo, kya takleeph dete hain। bhakti maarga mein to tumne bahut takleeph li hai। deedaar ke liye gala kaatne ko taiyaar ho jaate hain, kaashi kalvat khaate hain। haan, jo nishchaybuddhi hokar karte hain unke phir vikarma vinaash hote hain। phir nayesir shuru hoga hisaab-kitaab। baaki mere paas nahin aate hain। meri yaad se vikarma vinaash hote hain, na ki jeevghaat se। mere paas to koi aate nahin। kitni sahaj baat hai। yeh baajoli to budhon ko bhi yaad rahni chaahiye, bachchon ko bhi yaad rahni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vrikshapti baap se sukh-shanti-pavitrata ka varsa lene ke liye apne aapko akaalmoortta aatma samajh baap ko yaad karna hai। eeshvareey buddhi banaani hai।

2) baap se sachchi katha sunkar doosron ko sunaani hai। maayaajeet banne ke liye aapasmaan banaane ki seva karni hai, buddhi mein rahe ham kalpa-kalpa ke vijayi hain, baap hamaare saath hai।

vardaan:- nirbal se balvaan ban asambhav ko sambhav karne vaali himmatvaan aatma bhav

“himmate bachche madde baap'' is vardaan ke aadhaar par himmat ka pahla dridh sankalp kiya ki humein pavitra banna hi hai aur baap ne padamguna madad di ki aap aatmaayen anaadi-aadi pavitra ho, anek baar pavitra bani ho aur banti rahengi। anek baar ki smriti se samartha ban gaye। nirbal se itne balvaan ban gaye jo challenge karte ho ki vishwa ko bhi paavan banaakar hi dikhaayenge, jisko rishi muni mahaan aatmaayen samajhti hain ki pravritti mein rehte pavitra rehna mushkil hai, usko aap ati sahaj kehte ho।

slogan:- dridh sankalp karna hi vrat lena hai, sachche bhakta kabhi vrat ko todte nahin hai।