शुक्रवार 26 जुलाई 2024 की दैनिक मुरली

26-07-2024 praatahmurli om shanti "baapdaada"' madhuban

“meethe bachche - yeh anaadi drama phirta hi rehta hai, tik-tik hoti rehti hai, ismen ek ka part na mile doosre se, ise yathaartha samajhkar sada harshit rehna hai''

prashn:- kis yukti se tum siddha kar bata sakte ho ki bhagwan aa chuka hai?

uttar:- kisi ko seedha nahin kehna hai ki bhagwan aaya hua hai, aisa kahenge to log hansi udaayenge, teeka karenge kyonki aajkal apne ko bhagwan kahlaane vaale bahut hain isliye tum yukti se pahle do baap ka parichay do। ek had ka, doosra behad ka baap। had ke baap se had ka varsa milta hai, ab behad ka baap behad ka varsa dete hain, to samajh jaayenge।

om shanti। roohaani baap baith roohaani bachchon ko samjhaate hain, srishti to yahi hai। baap ko bhi yahaan aana padta hai samjhaane ke liye। mool vatan mein to nahin samjhaaya jaata। sthool vatan mein hi samjhaaya jaata hai। baap jaante hain bachche sab patit hain। koi kaam ke nahin rahe hain। is duniya mein duhkh hi duhkh hai। baap ne samjhaaya hai abhi tum vishay saagar mein pade ho। asul mein tum ksheersaagar mein the। vishnupuri ko ksheersaagar kaha jaata hai। ab ksheer ka saagar to yahaan mil na sake। to talaav bana diya hai। vahaan to kehte hain doodh ki nadiyaan bahti thi, gaayen bhi vahaan ki first class naameegraami hain। yahaan to manushya bhi beemaar ho padte hain, vahaan to gaayen bhi kabhi beemaar nahin padti। first class hoti hain। jaanvar aadi koi beemaar nahin hote। yahaan aur vahaan mein bahut farka hai। yeh baap hi aakar bataate hain। duniya mein doosra koi jaanta nahin। tum jaante ho yeh purooshottam sangamayug hai, jabki baap aate hain sabko vaapis le jaate hain। baap kehte hain jo bhi bachche hain koi allaah ko, koi god ko, koi bhagwan ko pukaarte hain। mere naam to bahut rakh diye hain। achha-bura jo aaya so naam rakh dete hain। ab tum bachche jaante ho baba aaya hua hai। duniya to yeh samajh na sake। samjhenge vahi jinhonne 5 hazaar varsha pahle samjha hai isliye gaayan hai koton mein koi, koi mein bhi koi। main jo hoon jaisa hoon, bachchon ko kya sikhaata hoon, woh to tum bachche hi jaante ho aur koi samajh na sake। yeh bhi tum jaante ho ham koi saakaar se nahin padhte hain। niraakaar padhaate hain। manushya zaroor moonjhenge, niraakaar to oopar mein rehte hain, woh kaise padhaayenge! tum niraakaar aatma bhi oopar mein rehti ho। phir is takhta par aati ho। yeh takhta vinaashi hai, aatma to akaal hai। woh kabhi mrityu ko nahin paati। shareer mrityu ko paata hai। yeh hai chaitanya takhta। amritsar mein bhi akaaltakhta hai na। woh takhta hai lakdi ka। un bichaaron ko pata nahin hai akaal to aatma hai, jisko kabhi kaal nahin khaata। akaal-moorta aatma ek shareer chhod doosra leti hai। unko bhi rath to chaahiye na। niraakaar baap ko bhi zaroor rath chaahiye manushya ka kyonki baap hai gyaan ka saagar, gyaaneshvar। ab gyaaneshvar naam to bahuton ke hain। apne ko eeshvar samajhte hain na। sunaate hain bhakti ke shaastron ki baaten। naam rakhaate hain gyaaneshvar arthaat gyaan dene vaala eeshvar। woh to gyaan saagar chaahiye। unko hi god father kaha jaata hai। yahaan to dher bhagwan ho gaye hain। jab bahut glaani ho jaati, bahut gareeb ho jaate, duhkhi ho jaate hain tab hi baap aate hain। baap ko kaha jaata hai gareeb-nivaaz। aakhreen woh din aata hai, jo gareeb-nivaaz baap aate hain। bachche bhi jaante hain baap aakar svarga ki sthaapna karte hain। vahaan to athaah dhan hota hai। paise kabhi gine nahin jaate। yahaan hisaab nikaalte hain, itne arab kharab kharcha hua। vahaan yeh naam hi nahin, athaah dhan rehta hai।

abhi tum bachchon ko maaloom pada hai baba aaya hua hai, hamko apne ghar le jaane liye। bachchon ko apna ghar bhool gaya hai। bhakti maarga ke dhakke khaate rehte hain, isko kaha jaata hai raat। bhagwan ko dhoondhate hi rehte hain, parantu bhagwan koi ko milta nahin। abhi bhagwan aaya hua hai, yeh bhi tum bachche jaante ho, nishchay bhi hai। aise nahin sabko pakka nishchay hai। koi na koi samay maaya bhula deti hai, tab baap kehte hain aashcharyavat mere ko dekhanti, mera bananti, auron ko sunaavanti, aho maaya tum kitni jabardasta ho jo phir bhi bhaaganti kara deti ho। bhaaganti to dher hote hain। phaarakti devanti ho jaate hain। phir woh kahaan jaakar janma lenge! bahut halka janma paayenge। imtahaan mein naapaas ho padte hain। yeh hai manushya se devta banne ka imtahaan। baap aise to nahin kahenge ki sab naaraayan banenge। nahin, jo achha purooshaartha karenge, ve pad bhi achha paayenge। baap samajh jaate hain kaun achhe purooshaarthi hain - jo auron ko bhi manushya se devta banaane ka purooshaartha karaate hain arthaat baap ki pahchaan dete hain। aajkal opposition mein kitne manushya apne ko hi bhagwan kehte rehte hain। tumko ablaayen samajhte hain। ab unhon ko kaise samjhaayen ki bhagwan aaya hua hai, seedha kisko kahenge bhagwan aaya hai, to aise kabhi maanenge nahin isliye samjhaane ki bhi yukti chaahiye। aise kabhi kisi ko kehna nahin chaahiye ki bhagwan aaya hua hai। unko samjhaana hai tumhaare do baap hain। ek hai paarlaukik behad ka baap, doosra laukik had ka baap। achhi reeti parichay dena chaahiye, jo samjhen ki yeh theek kehte hain। behad ke baap se varsa kaise milta hai - yeh koi nahin jaante। varsa milta hi hai baap se। aur koi bhi aise kabhi nahin kahenge ki manushya ko do baap hote hain। tum siddha kar batlaate ho, had ke laukik baap se had ka varsa aur paarlaukik behad baap se behad arthaat nai duniya ka varsa milta hai। nai duniya hai svarga, so to jab baap aaye tab hi aakar deve। woh baap hai hi nai srishti ka rachne vaala। baaki tum sirf kahenge bhagwan aaya hua hai - to kabhi maanenge nahin, aur hi teeka karenge। sunenge hi nahin। satayug mein to samjhaana nahin hota। samjhaana tab padta hai, jab baap aakar shiksha dete hain। sukh mein simran koi nahin karte hain, duhkh mein sab karte hain। to us paarlaukik baap ko hi kaha jaata hai duhkhaharta sukh karta। duhkh se liberate kar guide ban phir le jaate hain apne ghar sweet hom। unko kahenge sweet silence hom। vahaan ham kaise jaayenge - yeh koi bhi nahin jaante। na rachta, na rachna ke aadi-madhya-ant ko jaante hain। tum jaante ho hamko baba nirvaandhaam le jaane ke liye aaya hua hai। sab aatmaon ko le jaayenge। ek ko bhi chhodenge nahin। woh hai aatmaon ka ghar, yeh hai shareer ka ghar। to pahle-pahle baap ka parichay dena chaahiye। woh niraakaar baap hai, unko parampita bhi kaha jaata hai। parampita akshar right hai aur meetha hai। sirf bhagwan, eeshvar kahne se varse ki khushbu nahin aati hai। tum parampita ko yaad karte ho to varsa milta hai। baap hai na। yeh bhi bachchon ko samjhaaya hai satayug hai sukhdhaam। svarga ko shantidham nahin kahenge। shantidham jahaan aatmaayen rehti hain। yeh bilkul pakka kara lo।

baap kehte hain - bachche, tumko yeh ved-shaastra aadi padhne se kuchh bhi praapti nahin hoti hai। shaastra padhte hi hain bhagwan ko paane ke liye aur bhagwan kehte hain main kisko bhi shaastra padhne se nahin milta hoon। mujhe yahaan bulaate hi hain ki aakar is patit duniya ko paavan banaao। yeh baaten koi samajhte nahin hain, pattharbuddhi hain na। school mein bachche nahin padhte hain to kehte hain na ki tum to pattharbuddhi ho। satayug mein aise nahin kahenge। paarasbuddhi banaane vaala hai hi parampita behad ka baap। is samay tumhaari buddhi hai paaras kyonki tum baap ke saath ho। phir satayug mein ek janma mein bhi itna zara farka zaroor padta hai। 1250 varsha mein 2 kala kam hoti hain। second by second 1250 varsha mein kala kam hoti jaati hain। tumhaara jeevan is samay ekdam perfect banta hai jabki tum baap misal gyaan ka saagar, sukh-shanti ka saagar bante ho। sab varsa le lete ho। baap aate hi hain varsa dene। pahle-pahle tum shantidham mein jaate ho, phir sukhdhaam mein jaate ho। shantidham mein to hai hi shanti। phir sukhdhaam mein jaate ho, vahaan ashaanti ki zara bhi baat nahin। phir neeche utarna hota hai। minute by minute tumhaari utraai hoti hai। nai duniya se puraani hoti jaati hai। tab baba ne kaha tha hisaab nikaalo, 5 hazaar varsha mein itne maas, itne ghante… to manushya wonder khaayenge। yeh hisaab to poora bataaya hai। accurate hisaab likhna chaahiye, ismen zara bhi farka nahin pad sakta। minute by minute tik-tik hoti rehti hai। saara reel repeat hota, phirta-phirta phir roll hota jaata hai phir vahi repeat hoga। yeh huge roll bada wonderful hai। inka maap aadi nahin kar sakte। saari duniya ka jo part chalta hai, tik-tik hoti rehti hai। ek second na mile doosre se। yeh chakra phirta hi rehta hai। woh hota hai had ka drama, yeh hai behad ka drama। aage tum kuchh bhi nahin jaante the ki yeh avinaashi drama hai। bani banaai ban rahi....... jo hona hai vahi hota hai। nai baat nahin hai। anek baar second by second yeh drama repeat hota aaya hai। aur koi yeh baaten samjha na sake। pahle-pahle to baap ka parichay dena hai, behad ka baap behad ka varsa dete hain। unka ek hi naam hai shiv। baap kehte hain main aata hi tab hoon jab ati dharma glaani hoti hai, isko kaha jaata hai ghor kaliyug। yahaan bahut duhkh hai। kai hain, jo kehte hain aise ghor kaliyug mein pavitra kaise rah sakte hain! parantu unhon ko yeh pata hi nahin hai ki paavan banaane vaala kaun hai? baap hi sangam par aakar pavitra duniya sthaapan karte hain। vahaan stri-puroosh donon pavitra rehte hain। yahaan donon apvitra hain। yeh hai hi apvitra duniya। woh hai pavitra duniya - svarga, heaven। yeh hai dozak, narka, hell। tum bachche samajh gaye ho nambarvaar purooshaartha anusaar। samjhaane mein bhi mehnat hai। gareeb jhat samajh jaate hain। din-pratidin vriddhi hoti jaati hai, phir makaan bhi itna bada chaahiye। itne bachche aayenge kyonki baap to ab kahaan jaayega nahin। aage to bigar koi ke kahe bhi baba aapehi chale jaate the। abhi to bachche yahaan aate rahenge। thandi mein bhi aana pade। programme banaana padega। phalaane-phalaane samay par aao, phir bheed nahin hogi। sabhi ikatthe ek hi samay to aa na saken। bachche vriddhi ko paate rahenge। yahaan chhote-chhote makaan bachche banaate hain, vahaan to dher mahal milenge। yeh to tum bachche jaante ho - paise sab mitti mein mil jaayenge। bahut aise karte hain jo khadde khodkar bhi andar rakh dete hain। phir ya to chor le jaate, ya phir khaddon mein hi andar rah jaate hain, phir kheti khodne samay dhan nikal aata hai। ab vinaash hoga, sab dab jaayega। phir vahaan sab kuchh naya milega। bahut aise raajaaon ke kile hain jahaan bahut saamaan daba hua hai। bade-bade heere bhi nikal aate hain to hazaaron-laakhon ki aamadni ho jaati hai। aise nahin ki tum svarga mein khodkar aise koi heere aadi nikaalenge। nahin, vahaan to har cheez ki khaaniyaan aadi sab nai bharpoor ho jaayengi। yahaan kalraathi jameen hai to taakat hi nahin hai। beej jo bote hain unmein dam nahin raha hai। kichadpatti ashuddha cheezen daal dete hain। vahaan to ashuddha cheez ka koi naam nahin hota hai। evri-thing is new। svarga ka saakshaatkaar bhi bachchiyaan karke aati hain। vahaan ki beauty hi natural hai। abhi tum bachche us duniya mein jaane ka purooshaartha kar rahe ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is samay hi baap samaan perfect ban poora varsa lena hai। baap ki sab shikshaaon ko svayan mein dhaaran kar unke samaan gyaan ka saagar, shanti-sukh ka saagar banna hai।

2) buddhi ko paaras banaane ke liye padhaai par poora-poora dhyaan dena hai। nishchaybuddhi ban manushya se devta banne ka imta-haan paas karna hai।

vardaan:- nishchit vijay ke nashe mein rah baap ki padamguna madad praapta karne vaale maayaajeet bhav

baap ki padamguna madad ke paatra bachche maaya ke vaar ko challenge karte hain ki aapka kaam hai aana aur hamaara kaam hai vijay praapta karna। ve maaya ke sher roop ko cheenti samajhte hain kyonki jaante hain ki yeh maaya ka raajya ab samaapta hona hai, ham anek baar ke vijayi aatmaon ki vijay 100 percent nishchit hai। yeh nishchit ka nasha baap ki padamguna madad ka adhikaar praapta karaata hai। is nashe se sahaj hi maayaajeet ban jaate ho।

slogan:- sankalp shakti ko jama kar sva prati va vishwa prati iska prayog karo।