शनिवार 27 जुलाई 2024 की दैनिक मुरली

27-07-2024 praatahmurli om shanti "baapdaada"' madhuban

“meethe bachche - baap samaan merciful aur kalyaankaari bano, samajhdaar woh jo khud bhi purooshaartha kare aur doosron ko bhi karaaye''

prashn:- tum bachche apni padhaai se kaun-si checking kar sakte ho, tumhaara purooshaartha kya hai?

uttar:- padhaai se tum checking kar sakte ho ki ham uttam part baja rahe hain ya madhyam ya kanishta। sabse uttam part unka kahenge jo doosron ko bhi uttam banaate hain arthaat service kar braahmanon ki vriddhi karte hain। tumhaara purooshaartha hai puraani jutti utaar nai jutti lene ka। jab aatma pavitra banen tab use nai pavitra jutti (shareer) mile।

om shanti। bachche do taraph se kamaai kar rahe hain। ek taraph hai yaad ki yaatra se kamaai aur doosri taraph hai 84 ke chakra ke gyaan ka simran karne se kamaai। isko kaha jaata hai double aamadni aur agyaan kaal mein hoti hai alpakaal kshan bhangur single aamadni। yeh tumhaare yaad ki yaatra ki aamadni bahut badi hai। aayu bhi badi ho jaati hai, pavitra bhi bante ho। sabhi duhkhon se chhoot jaate ho। bahut badi aamadni hai। satayug mein aayu bhi badi ho jaati hai। duhkh ka naam nahin kyonki vahaan raavan raajya hi nahin। agyaan kaal mein padhaai ka alpakaal ka sukh rehta hai aur doosra padhaai ka sukh, shaastra padhne vaalon ko milta hai। unse followers ko kuchh phaayda nahin। followers to hain bhi nahin kyonki woh to na dress aadi badalte, na gharbaar chhodte to followers kaise kah sakte! vahaan to shanti, pavitrata sab hai। yahaan apvitrata ke kaaran ghar-ghar mein kitni ashaanti hoti hai। tumko mat milti hai eeshvar ki। abhi tum apne baap ko yaad karo। apne ko eeshvareey government samjho। parantu tum ho gupta। dil mein kitni khushi honi chaahiye। abhi ham hain shreemat par। unki shakti se satopradhaan ban rahe hain। yahaan to koi raajya-bhaagya lena nahin hai। hamaara raajya-bhaagya hota hi hai nai duniya mein। abhi uska maaloom pada hai। in lakshmi-naara-yan ke 84 janmon ki kahaani tum bata sakte ho। bhal koi bhi manushya maatra ho, kaisa bhi koi padhaane vaala ho parantu ek bhi aise kah nahin sakenge ki aao to ham inhon ke 84 janma ki kahaani bataayen। tumhaari buddhi mein ab smriti rehti hai, vichaar saagar manthan bhi karte ho।

ab tum ho gyaan sooryavanshi। phir satayug mein kaha jaayega vishnu vanshi। gyaan soorya pragta… is samay tumhein gyaan mil raha hai na। gyaan se hi sadgati hoti hai। aadhaakalpa gyaan chalta hai phir aadhaakalpa agyaan ho jaata hai। yeh bhi drama ki noondh hai। tum abhi samajhdaar bane ho। jitna-jitna tum samajhdaar bante ho auron ko bhi aapasmaan banaane ka purooshaartha karte ho। tumhaara baap merciful, kalyaankaari hai to bachchon ko bhi banna hai। bachche kalyaankaari na banen to unko kya kahenge? gaayan bhi hai na - “himmate bachche, madde baap, yeh bhi zaroor chaahiye। nahin to varsa kaise paayenge। service anusaar to varsa paate ho, eeshvareey mission ho na। jaise Christian mission, islaami mission hoti hai, woh apne dharma ko badhaate hain। tum apne brahman dharma aur daivi dharma ko badhaate ho। drama anusaar tum bachche zaroor madadgaar banenge। kalpa pahle jo part bajaaya tha woh zaroor bajaayenge। tum dekh rahe ho har ek apna uttam, madhyam, kanishta part baja rahe hain। sabse uttam part woh bajaate hain, jo uttam banaane vaala hai। to sabhi ko baap ka parichay dena hai aur aadi, madhya, ant ka raaz samjhaana hai। rishi-muni aadi bhi neti-neti kehte gaye। aur phir kah dete sarvavyaapi hai, aur kuchh nahin jaante। drama-anusaar aatma ki buddhi bhi tamopradhaan ban jaati hai। shareer ki buddhi nahin kahenge। aatma mein hi man-buddhi hai। yeh achhi reeti samajhkar aur phir bachchon ko chintan karna hai। phir samjhaana hota hai। vo log shaastra aadi sunaane ke liye kitne dukaan nikaal baithe hain। tumhaari bhi dukaan hai। bade-bade shahron mein bade dukaan chaahiye। bachche jo teekhe hote hain, unke paas khajaana bahut rehta hai। itna khajaana nahin hai to koi ko de bhi nahin sakte hain! dhaarna nambarvaar hoti hai। bachchon ko achhi reeti dhaarna karni hai jo kisi ko samjha saken। baat koi badi nahin hai, second ki baat hai - baap se varsa lena। tum aatmaayen baap ko pahchaan gaye ho to behad ke maalik ho gaye। maalik bhi namba-ravaar hote hain। raaja bhi maalik to praja bhi kahegi ham bhi maalik hain। yahaan bhi sab kehte hain na hamaara bhaarat। tum bhi kehte ho shreemat par ham apna svarga sthaapan kar rahe hain, phir svarga mein bhi raajdhaani hai। anek prakaar ke darje hain। purooshaartha karna chaahiye oonch pad paane ka। baap kehte hain jitna abhi purooshaartha kar pad paayenge, vahi kalpa-kalpaantar ke liye hoga। imtahaan mein koi ki kam marks ho jaati hain to phir heartfail bhi ho jaate hain। yeh to hai behad ki baat। poora purooshaartha nahin kiya to phir dilshikasta bhi honge, saja bhi khaani padegi। us samay kar hi kya sakenge। kuchh bhi nahin। aatma kya karegi! vo log to jeevghaat karte, doob marte hain। ismen ghaat aadi ki baat nahin। aatma ka to ghaat hota nahin, woh to avinaashi hai। baaki shareer ka ghaat hota hai, jisse tum part bajaate ho। abhi tum purooshaartha karte ho, yeh puraani jutti utaar ham nai daivi jutti le leven। yeh kaun kehte hain? aatma। jaise bachche kehte hain na - hamko naya kapda do। ham aatmaon ko bhi naya kapda chaahiye। baap kehte hain tumhaari aatma nai bane to shareer bhi naya chaahiye tab shobha hai। aatma ke pavitra hone se 5 tatva bhi naye ban jaate hain। 5 tatvon ka hi shareer banta hai। jab aatma satopradhaan hai to shareer bhi satopradhaan milta hai। aatma tamopradhaan to shareer bhi tamopradhaan। ab saari duniya ke putle tamopradhaan hain, din-pratidin duniya puraani hoti jaati, girti jaati hai। naye se puraani to har ek cheez hoti hai। puraani ho phir destroy hoti hai, yeh to saari srishti ka savaal hai। nai duniya ko satayug, puraani ko kaliyug kaha jaata hai। baaki is sangamayug ka to kisko bhi pata nahin। tum hi jaante ho yeh puraani duniya badalni hai।

ab behad ka baap jo baap, teacher, guru hai, unka farmaan hai ki paavan bano। kaam jo mahaashatru hai, un par jeet pahan jag-tajeet bano। jagat jeet arthaat vishnu vanshi bano। baat ek hi hai। in aksharon ka arth tum jaante ho। bachche jaante hain hamko padhaane vaala hai baap। pahle to yeh pakka nishchay chaahiye। bachcha bada hota hai to baap ko yaad karna pade। phir teacher ko phir guru ko yaad karna pade। bhinna-bhinna samay par teenon ko yaad karenge। yahaan to tumko teenon hi ikatthe ek hi time mile hain। baap, teacher, guru ek hi hai। vo log to vaanaprastha ka bhi arth nahin samajhte। vaanaprastha mein jaana hai isliye samajhte hain guru karna chaahiye। 60 varsha ke baad guru karte hain। yeh kaayda abhi hi nikla hai। baap kehte hain - inke bahut janmon ke ant mein vaanaprastha avastha mein main inka satguru banta hoon। baba bhi kehte hain 60 varsha baad satguru kiya hai jabki nirvaandhaam jaane ka samay hai। baap aate hi hain sabko nirvaandhaam mein le jaane। muktidhaam jaakar phir part bajaane liye aana hai। vaanaprastha avastha to bahuton ki hoti hai, phir guru karte hain। aajkal to chhota bachcha hua, unko bhi guru kara dete hain phir guru ko dakshina mil jaayegi। Christian log Christianize karaane god mein jaakar dete hain। parantu woh koi nirvaandhaam mein jaate nahin। yeh sab raaz baap samjhaate hain, eeshvar ka ant to eeshvar hi bataayenge। shuru se lekar batlaate aaye hain। apna ant bhi dete hain aur srishti ka gyaan bhi dete hain। eeshvar khud aakar aadi sanaatan devi-devta arthaat svarga ki sthaapna karte hain, inka naam bhaarat hi chala aata hai। geeta mein sirf shreekrishna ka naam daal kitna rola kar diya hai। yeh bhi drama hai, haar aur jeet ka khel hai। ismen haar-jeet kaise hoti hai, yeh baap bigar to koi bata na sake। yeh lakshmi-naaraayan bhi nahin jaante ki hamko phir haar khaani hai। yeh to sirf tum brahman hi jaante ho। shoodra bhi nahin jaante। baap hi aakar tumko brahman se devta banaate hain। ham so ka arth bilkul alag hai। om ka arth alag hai। manushya to bigar arth jo aaya woh kah dete hain। abhi tum jaante ho ki kaise neeche girte hain phir chadhte hain। yeh gyaan abhi tum bachchon ko milta hai। drama anusaar phir kalpa baad baap hi aakar bataayenge। jo bhi dharma sthaapak hain, woh aakar phir apna dharma apne samay par sthaapan karenge। nambarvaar purooshaartha anusaar nahin kahenge। nambarvaar samay anusaar aakar apna-apna dharma sthaapan karte hain। yeh ek baap hi samjhaate hain, main kaise brahman phir sooryavanshi, chandravanshi dynasty sthaapan karta hoon? abhi tum ho gyaan sooryavanshi jo phir vishnuvanshi bante ho। akshar badi khabar-daari se likhne hote hain, jo koi bhool na nikaale।

tum jaante ho yeh gyaan ka ek-ek mahaavaakya ratna, heere hain। bachchon mein samjhaane ki bahut refineness chaahiye। koi akshar bhool se nikal jaae to phat se right kar samjhaana chaahiye। sabse kadi bhool hai baap ko bhoolna। baap farmaan karte hain maamekam yaad karo। yeh bhoolna nahin chaahiye। baap kehte hain tum bahut puraane aashik ho। tum sab aashikon ka ek maashook hai। woh to ek-do ki shakla par aashik-maashook hote hain। yahaan to maashook hai ek। woh ek kitne aashikon ko yaad karenge। anekon ko ek ko yaad karna to sahaj hai, ek kaise anekon ko yaad karenge! baba ko kehte hain baba ham aapko yaad karte hain। aap hamko yaad karte hain? are, yaad tumko karna hai, patit se paavan hone ke liye। mai thode hi patit hoon, jo yaad karoon। tumhaara kaam hai yaad karna kyonki paavan banna hai। jo jitna yaad karte hain aur achhi reeti service bhi karte hain, unko dhaarna hoti hai। yaad ki yaatra bahut difficult hai, ismen hi yuddha chalti hai। baaki aise nahin ki 84 ka chakra tum bhool jaayenge। yeh kaan sone ka bartan chaahiye। jitna tum yaad karenge utni dhaarna achhi hogi, ismen taakat rahegi isliye kehte hain yaad ka jauhar chaahiye। gyaan se kamaai hai। yaad se sarva shaktiyaan milti hain nambarvaar। talvaaron mein bhi nambarvaar jauhar ka farka hota hai। woh to hain sthool baaten। mool baat baap ek hi kehte hain - alpha ko yaad karo। duniya ke vinaash ke liye yeh ek atomic bomb jaakar rahega aur kuchh nahin, usmein na sena chaahiye na captain। aajkal to aisa banaaya hai, jo vahaan baithe-baithe bomb chhodenge। tum yahaan baithe-baithe raajya lete ho, woh vahaan baithe sabka vinaash kara denge। tumhaara gyaan aur yog, unka maut ka saamaan equal ho jaata hai। yeh bhi khel hai। actors to sab hain na। bhakti maarga poora hua hai, baap hi aakar apna aur rachna ke aadi-madhya-ant ka parichay dete hain। ab baap kehte hain vyartha ki baaten tum nahin suno isliye hear no evil.......iska chitra banaaya hai। aage bandar ka banaate the, ab manushya ka banaate hain kyonki soorat manushya ki hai parantu seerat bandar jaisi hai, isliye bhent karte hain। abhi tum kiski sena ho? shivbaaba ki। bandar se tumko mandir laayak bana rahe hain। kahaan ki baat kahaan le gaye hain। bandar koi pul aadi baandh sakta hai kya? yeh sab hain danta kathaayen। kabhi bhi koi poochhe shaastron ko tum maante ho? bolo vaah! aisa kaun hoga jo shaastron ko nahin maanega। ham sabse jaasti maante hain। tum bhi itna nahin padhte ho jitna ham padhte hain। aadhaakalpa hamne padhe hain। svarga mein shaastra, bhakti ki koi cheez nahin hoti। kitna sahaj baap samjhaate hain। phir bhi aap samaan bana nahin sakte। bachchon aadi ke bandhan ke kaaran kahaan nikal nahin sakte। yeh bhi drama hi kahenge। baap kehte hain haphta 15 din course le phir aapasmaan banaane lag jaana chaahiye। jo bade-bade shahar hain, capital mein gheraav daalna chaahiye to phir unka aavaaz niklega। bade aadmi bigar koi ka aavaaz nikal na sake। jor se gheraav daalo to phir bahut aayenge। baap ke direction milte hain na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan aur yog se apni buddhi ko refine banaana hai। baap ko bhoolne ki bhool kabhi nahin karni hai। aashik ban maashook ko yaad karna hai।

2) bandhanmukta ban aap samaan banaane ki seva karni hai। oonch pad paane ka purooshaartha karna hai। purooshaartha mein kabhi dilshikasta nahin banna hai।

vardaan:- ek minute ki ekaagra sthiti dvaara shaktishaali anubhav karne karaane vaale ekaantavaasi bhav

ekaantavaasi banna arthaat koi bhi ek shaktishaali sthiti mein sthit hona। chaahe beejroop sthiti mein sthit ho jaao, chaahe light might house ki sthiti mein sthit ho vishwa ko light might do, chaahe pharishte pan ki sthiti dvaara auron ko avyakt sthiti ka anubhav karaao। ek second va ek minute bhi agar is sthiti mein ekaagra ho sthit ho jaao to svayan ko aur anya aatmaon ko bahut laabh de sakte ho। sirf iski practice chaahiye।

slogan:- brahmaachaari woh hai jiske har sankalp, har bol mein pavitrata ka vibration samaaya hua hai।