सोमवार 20 जनवरी 2025 की दैनिक मुरली

20-01-2025 praatahmurli om shanti "baapdaada"' madhuban

“meethe bachche - gyaan ki dhaarna ke saath-saath satayugi raajaai ke liye yaad aur pavitrata ka bal bhi jama karo''

prashn:- abhi tum bachchon ke purooshaartha ka kya lakshya hona chaahiye?

uttar:- sada khushi mein rehna, bahut-bahut meetha banna, sabko prem se chalaana… yahi tumhaare purooshaartha ka lakshya ho। isi se tum sarvagun sampanna 16 kala sampoorn banenge।

prashn:- jinke karma shreshtha hain, unki nishaani kya hogi?

uttar:- unke dvaara kisi ko bhi duhkh nahin pahunchega। jaise baap duhkh harta sukh karta hai, aise shreshtha karma karne vaale bhi duhkh harta sukh karta honge।

geet:- chhod bhi de aakaash sinhaasan…

om shanti। meethe-meethe roohaani bachchon ne geet suna। yeh meethe-meethe roohaani bachche kisne kaha? donon baap ne kaha। niraakaar ne bhi kaha to saakaar ne bhi kaha isliye inko kaha jaata hai baap va daada। daada hai saakaari। abhi yeh geet to bhaktimaarga ke hain। bachche jaante hain baap aaya hua hai aur baap ne saare srishti chakra ka gyaan buddhi mein bithaaya। tum bachchon ki bhi buddhi mein hai - ki hamne 84 janma poore kiye, ab naatak poora hota hai। ab hamko paavan banna hai, yog va yaad se। yaad aur knowledge yeh to har baat mein chalta hai। barrister ko zaroor yaad karenge aur unse knowledge lenge। isko bhi yog aur knowledge ka bal kaha jaata hai। yahaan to yeh hai nai baat। us yog aur gyaan se bal milta hai had ka। yahaan is yog aur gyaan se bal milta hai behad ka kyonki sarvashaktimaan authority hai। baap kehte hain main gyaan ka saagar bhi hoon। tum bachche ab srishti chakra ko jaan gaye ho। mool-vatan, sookshm vatan… sab yaad hai। jo knowledge baap mein hai, woh bhi mili hai। to knowledge ko bhi dhaaran karna hai aur raajaai ke liye baap bachchon ko yog aur pavitrata bhi sikhlaate hain। tum pavitra bhi bante ho। baap se raajaai bhi lete ho। baap apne se bhi jyaada martaba dete hain। tum 84 janma lete-lete martaba ganva dete ho। yeh knowledge tum bachchon ko abhi mili hai। oonch te oonch banne ki knowledge oonch te oonch baap dvaara milti hai। bachche jaante hain abhi ham jaise ki baapdaada ke ghar mein baithe hain। yeh daada (brahma), maa bhi hai। woh baap to alag hai, baaki yeh maa bhi hai। parantu yeh mel ka chola hone kaaran phir maata mukrar ki jaati hai, inko bhi adopt kiya jaata hai। unse phir rachna hui hai। rachna bhi hai adopted। baap bachchon ko adopt karte hain, varsa dene ke liye। brahma ko bhi adopt kiya hai। pravesh karna va adopt karna baat ek hi hai। bachche samajhte hain aur samjhaate bhi hain - nambarvaar purooshaartha anusaar sabko yahi samjhaana hai ki ham apne parampita paramatma ki shreemat par is bhaarat ko phir se shreshtha te shreshtha banaate hain, to khud ko bhi banna pade। apne ko dekhna hai ki ham shreshtha bane hain? koi bhrashtaachaar ka kaam kar kisko duhkh to nahin dete hain? baap kehte hain main to aaya hoon bachchon ko sukhi banaane to tumko bhi sabko sukh dena hai। baap kabhi kisko duhkh nahin de sakta। unka naam hi hai duhkh harta sukh karta। bachchon ko apni jaanch karni hai - mansa, vaacha, karmana ham kisko duhkh to nahin dete hain? shivbaaba kabhi kisko duhkh nahin dete। baap kehte hain main kalpa-kalpa tum bachchon ko yeh behad ki kahaani sunaata hoon। ab tumhaari buddhi mein hai ki ham apne ghar jaayenge phir nai duniya mein aayenge। ab ki padhaai anusaar ant mein tum transfer ho jaayenge। vaapis ghar jaakar phir nambarvaar part bajaane aayenge। yeh raajdhaani sthaapan ho rahi hai।

bachche jaante hain abhi jo purooshaartha karenge vahi purooshaartha tumhaara kalpa-kalpa ka siddha hoga। pahle-pahle to sabhi ko buddhi mein bithaana chaahiye ki rachta aur rachna ke aadi-madhya-ant ki knowledge ko baap ke sivaae koi nahin jaante hain। oonch te oonch baap ka naam hi gum kar diya hai। trimoorti naam to hai, trimoorti raasta bhi hai, trimoorti house bhi hai। trimoorti kaha jaata hai brahma-vishnu-shankar ko। in teenon ka rachayita jo shivbaaba hai us mool ka naam hi gum kar diya hai। abhi tum bachche jaante ho oonch te oonch hai shivbaaba, phir hai trimoorti। baap se ham bachche yeh varsa lete hain। baap ki knowledge aur varsa yeh donon smriti mein rahen to sadaiv harshit rahenge। baap ki yaad mein rah phir tum kisko bhi gyaan ka teer lagaayenge to achha asar hoga। usmein shakti aati jaayegi। yaad ki yaatra se hi shakti milti hai। abhi shakti gum ho gai hai kyonki aatma patit tamopradhaan ho gai hai। ab mool phikraat yeh rakhni hai ki ham tamopradhaan se satopradhaan banen। manmanaabhav ka arth bhi yeh hai। geeta jo padhte hain unse poochhna chaahiye - manmanaabhav ka arth kya hai? yeh kisne kaha mujhe yaad karo to varsa milega? nai duniya sthaapan karne vaala koi shreekrishna to nahin hai। woh prince hai। yeh to gaaya hua hai brahma dvaara sthaapna। ab karnakraavanhaar kaun? bhool gaye hain। unke liye sarvavyaapi kah dete hain। kehte hain brahma, vishnu, shankar aadi sabmen vahi hai। ab isko kaha jaata hai agyaan। baap kehte hain tumko 5 vikaaron roopi raavan ne kitna besmajh banaaya hai। tum jaante ho barobar ham bhi pahle aise the। haan, pahle uttam se uttam bhi ham hi the phir neeche girte mahaan patit banen। shaastron mein dikhaaya hai raam bhagwan ne bandar sena li, yeh bhi theek hai। tum jaante ho ham barobar bandar misal the। abhi mahsoosta aati hai yeh hai hi bhrashtaachaari duniya। ek-do ko gaali dete kaanta lagaate rehte hain। yeh hai kaanton ka jangal। woh hai phoolon ka bageecha। jangal bahut bada hota hai। garden bahut chhota hota hai। garden bada nahin hota hai। bachche samajhte hain barobar is samay yeh bada bhaari kaanton ka jangal hai। satayug mein phoolon ka bageecha kitna chhota hoga। yeh baaten tum bachchon mein bhi nambarvaar purooshaartha anusaar samajhte hain। jinmen gyaan aur yog nahin hai, service mein tatpar nahin hain to phir andar mein itni khushi bhi nahin rehti। daan karne se manushya ko khushi hoti hai। samajhte hain isne aage janma mein daan-punya kiya hai tab achha janma mila hai। koi bhakta hote hain, samjhenge ham bhakta achhe bhakta ke ghar mein jaakar janma lenge। achhe karmon ka phal bhi achha milta hai। baap baith karma-akarma-vikarma ki gati bachchon ko samjhaate hain। duniya in baaton ko nahin jaanti। tum jaante ho abhi raavan raajya hone kaaran manushyon ke karma sab vikarma ban jaate hain। patit to banna hi hai। 5 vikaaron ki sabmen praveshta hai। bhal daan-punya aadi karte hain, alpakaal ke liye uska phal mil jaata hai। phir bhi paap to karte hi hain। raavan raajya mein jo bhi len-den hoti hai woh hai hi paap ki। devtaaon ke aage kitna svachchhata se bhog lagaate hain। svachchha bankar aate hain parantu jaante kuchh bhi nahin। behad ke baap ki bhi kitni glaani kar di hai। woh samajhte hain ki yeh ham mahima karte hain ki eeshvar sarvavyaapi hai, sarvashaktimaan hai, parantu baap kehte hain yeh inhon ki ulti mat hai।

tum pahle-pahle baap ki mahima sunaate ho ki oonch te oonch bhagwan ek hai, ham unko hi yaad karte hain। raajayog ki em object bhi saamne khadi hai। yeh raajayog baap hi sikhlaate hain। shreekrishna ko baap nahin kahenge, woh to bachcha hai, shiv ko baba kahenge। unko apni deh nahin। yeh main loan par leta hoon isliye inko baapdaada kehte hain। woh hai oonch te oonch niraakaar baap। rachna ko rachna se varsa mil na sake। laukik sambandh mein bachche ko baap se varsa milta hai। bachchi ko to mil na sake।

ab baap ne samjhaaya hai tum aatmaayen hamaare bachche ho। prajaapita brahma ke bachche-bachchiyaan ho। brahma se varsa nahin milna hai। baap ka banne se hi varsa mil sakta hai। yeh baap tum bachchon ko sammukh baith samjhaate hain। inke koi shaastra to ban nahin sakte। bhal tum likhte ho, literature chhapaate ho phir bhi teacher ke sivaae to koi samjha na sake। bina teacher kitaab se koi samajh na sake। ab tum ho roohaani teachers। baap hai beejroop, unke paas saare jhaad ke aadi-madhya-ant ki knowledge hai। teacher ke roop mein baith tumko samjhaate hain। tum bachchon ko to sadaiv khushi rahni chaahiye ki hamko supreme baap ne apna bachcha banaaya hai, vahi hamko teacher bankar padhaate hain। sachcha satguru bhi hai, saath mein le jaate hain। sarva ka sadgati daata ek hai। oonch te oonch baap hi hai jo bhaarat ko har 5 hazaar varsha baad varsa dete hain। unki shiv jayanti manaate hain। vaastav mein shiv ke saath trimoorti bhi hona chaahiye। tum trimoorti shiv jayanti manaate ho। sirf shivjayanti manaane se koi baat siddha nahin hogi। baap aate hain aur brahma ka janma hota hai। bachche bane, brahman bane aur em object saamne khadi hai। baap khud aakar sthaapna karte hain। em object bhi bilkul clear hai sirf shreekrishna ka naam daalne se saari geeta ka mahatva chala gaya hai। yeh bhi drama mein noondh hai। yeh bhool phir bhi hone vaali hi hai। khel hi saara gyaan aur bhakti ka hai। baap kehte hain laadle bachche, sukhdhaam, shantidham ko yaad karo। alaph aur be, kitna sahaj hai। tum kisi se bhi poochho manmanaabhav ka arth kya hai? dekho kya kehte hain? bolo bhagwan kisko kaha jaae? oonch te oonch bhagwan hai na। unko sarvavyaapi thode hi kahenge। woh to sabka baap hai। abhi trimoorti shivjayanti aati hai। tumko trimoorti shiv ka chitra nikaalna chaahiye। oonch te oonch hai shiv, phir sookshm vatanvaasi brahma, vishnu, shankar। oonch te oonch hai shivbaaba। woh bhaarat ko svarga banaate hain। unki jayanti tum kyon nahin manaate ho? zaroor bhaarat ko varsa diya tha। unka raajya tha। ismen to tumko aarya samaaji bhi madad denge kyonki woh bhi shiv ko maante hain। tum apna jhanda chadhaao। ek taraph trimoorti gola, doosre taraph jhaad। tumhaara jhanda vaastav mein yeh hona chaahiye। ban to sakta hai na। jhanda chadha do jo sab dekhen। saari samjhaani ismen hai। kalpa vriksha aur drama inmen to bilkul clear hai। sabko maaloom pad jaayega ki hamaara dharma phir kab hoga। aapehi apna-apna hisaab nikaalenge। sabko is chakra aur jhaad par samjhaana hai। Christ kab aaya? itna samay woh aatmaayen kahaan rehti hain? zaroor kahenge niraakaari duniya mein hain। ham aatmaayen roop badalkar yahaan aakar saakaar bante hain। baap ko bhi kehte hain na - aap bhi roop badal saakaar mein aao। aayenge to yahaan na। sookshm vatan mein to nahin aayenge। jaise ham roop badalkar part bajaate hain, aap bhi aao phir se aakar raajayog sikhlaao। raajayog hai hi bhaarat ko svarga banaane ka। yeh to badi sahaj baaten hain। bachchon ko shauk chaahiye। dhaarna kar auron ko karaani chaahiye। uske liye likhaapdhi karni chaahiye। baap bhaarat ko aakar heaven banaate hain। kehte bhi hain barobar Christ se 3 hazaar varsha pahle bhaarat paradise tha isliye trimoorti shiv ka chitra sabko bhej dena chaahiye। trimoorti shiv ki stamp banaani chaahiye। in stamp banaane vaalon ki bhi department hogi। dehli mein to bahut padhe likhe hain। yeh kaam kar sakte hain। tumhaari capital bhi dehli honi hai। pahle dehli ko paristaan kehte the। ab to kabristaan hai। to yeh sab baaten bachchon ki buddhi mein aani chaahiye।

abhi tumhein sada khushi mein rehna hai, bahut-bahut meetha banna hai। sabko prem se chalaana hai। sarvagun sampanna, 16 kala sampoorn banne ka purooshaartha karna hai। tumhaare purushaartha ka yahi lakshya hai parantu abhi tak koi bana nahin hai। abhi tumhaari chadhti kala hoti jaati hai। dheere-dheere chadhte ho na। to baba har prakaar se shiv jayanti par seva karne ka ishaara dete rehte hain। jisse manushya samjhenge ki barobar inhon ki knowledge to badi hai। manushyon ko samjhaane mein kitni mehnat lagti hai। mehnat bigar raajdhaani thode hi sthaapan hogi। chadhte hain, girte hain phir chadhte hain। bachchon ko bhi koi na koi toofaan aata hai। mool baat hai hi yaad ki। yaad se hi satopradhaan banna hai। knowledge to sahaj hai। bachchon ko bahut meethe te meetha banna hai। em object to saamne khadi hai। yeh (lakshmi-naaraayan) kitne meethe hain। inhon ko dekh kitni khushi hoti hai। ham student ki yeh em object hai। padhaane vaala hai bhagwan। achha!

meethe-meethe sikeeldhe, roohaani bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap dvaara mili hui knowledge aur varse ko smriti mein rakh sadaiv harshit rehna hai। gyaan aur yog hai to service mein tatpar rehna hai।

2) sukhdhaam aur shantidham ko yaad karna hai। in devtaaon jaisa meetha banna hai। apaar khushi mein rehna hai। roohaani teacher ban gyaan ka daan karna hai।

vardaan:- deh, sambandh aur vaibhvon ke bandhan se svatantra baap samaan karmaateet bhav

jo nimitta maatra direction pramaan pravritti ko sambhaalte hue aatmik swaroop mein rehte hain, moh ke kaaran nahin, unhein yadi abhi-abhi order ho ki chale aao to chale aayenge। bigul baje aur sochnen mein hi samay na chala jaae - tab kahenge nashtomoha isliye sadaiv apne ko check karna hai ki deh ka, sambandh ka, vaibhvon ka bandhan apni or kheenchata to nahin hai! jahaan bandhan hoga vahaan aakarshan hogi। lekin jo svatantra hain ve baap samaan karmaateet sthiti ke sameep hain।

slogan:- sneh aur sahayog ke saath shakti roop bano to raajdhaani mein number aage mil jaayega।

apni shaktishaali mansa dvaara sakaash dene ki seva karo

jitna abhi tan, man, dhan aur samay lagaate ho, usse mansa shaktiyon dvaara seva karne se bahut thode samay mein saphalta jyaada milegi। abhi jo apne prati kabhi-kabhi mehnat karni padti hai - apni nature ko parivartan karne ki va sangathan mein chalne ki va seva mein saphalta kabhi kam dekh dilshikasta hone ki, yeh sab samaapta ho jaayegi।