गुरुवार 13 फ़रवरी 2025 की दैनिक मुरली

13-02-2025 praatahmurli om shanti "baapdaada"' madhuban

“meethe bachche - baap jo hai, jaisa hai, use yathaartha reeti jaankar yaad karna, yahi mukhya baat hai, manushyon ko yeh baat bahut yukti se samjhaani hai''

prashn:- saare universe ke liye kaun-si padhaai hai jo yahaan hi tum padhte ho?

uttar:- saare universe ke liye yahi padhaai hai ki tum sab aatma ho। aatma samajhkar baap ko yaad karo to paavan ban jaayenge। saare universe ka jo baap hai woh ek hi baar aate hain sabko paavan banaane। vahi rachta aur rachna ki knowledge dete hain isliye vaastav mein yeh ek hi university hai, yeh baat bachchon ko spashta kar samjhaani hai।

om shanti। bhagvaanuvaach - ab yeh to roohaani bachche samajhte hain ki bhagwan kaun hai। bhaarat mein koi bhi yathaartha reeti jaante nahin। kehte bhi hain - main jo hoon, jaisa hoon mujhe yathaartha reeti koi nahin jaante। tumhaare mein bhi nambarvaar hain। nambarvaar purooshaartha anusaar jaante hain। bhal yahaan rehte hain parantu yathaartha reeti se nahin jaante। yathaartha reeti jaankar aur baap ko yaad karna, yeh badi mushkilaat hai। bhal bachche kehte hain ki bahut sahaj hai parantu main jo hoon, mujhe nirantar baap ko yaad karna hai, buddhi mein yeh yukti rehti hai। main aatma bahut chhota hoon। hamaara baba bhi bindi chhota hai। aadhaakalpa to bhagwan ka koi naam bhi nahin lete hain। duhkh mein hi yaad karte hain - he bhagwan। ab bhagwan kaun hai, yeh to koi manushya samajhte nahin। ab manushyon ko kaise samjhaayen - is par vichaar saagar manthan chalna chaahiye। naam bhi likha hua hai - prajaapita brahmaakumaari eeshvareey vishwa vidyaalay। isse bhi samajhte nahin hain ki yeh roohaani behad ke baap ka eeshvareey vishwa vidyaalay hai। ab kya naam rakhen jo manushya jhat samajh jaaen? kaise manushyon ko samjhaayen ki yeh university hai? universe se university akshar nikla hai। universe arthaat saara world, uska naam rakha hai - university, jismen sab manushya padh sakte hain। universe ke padhne liye university hai। ab vaastav mein universe ke liye to ek hi baap aate hain, unki yeh ek hi university hai। em object bhi ek hai। baap hi aakar saare universe ko paavan banaate hain, yog sikhaate hain। yeh to sab dharma vaalon ke liye hai। kehte hain apne ko aatma samjho, saare universe ka baap hai - incorporeal god father, to kyon na iska naam spiritual university oph spiritual incorporeal god father rakhen। khyaal kiya jaata hai na। manushya aise hain jo saare world mein baap ko ek bhi nahin jaante hain। rachta ko jaanen to rachna ko bhi jaanen। rachta dvaara hi rachna ko jaana ja sakta hai। baap bachchon ko sab kuchh samjha denge। aur koi bhi jaante nahin। rishi-muni bhi neti-neti karte gaye। to baap kehte hain tumko pahle yeh rachta aur rachna ki knowledge nahin thi। abhi rachta ne samjhaaya hai। baap kehte hain mujhe sab pukaarte bhi hain ki aakar hamko sukh-shanti do kyonki abhi duhkh-ashaanti hai। unka naam hi hai duhkh harta sukh karta। woh kaun hai? bhagwan। woh kaise duhkh har kar sukh dete hain, yeh koi nahin jaante hain। to aisa clear kar likhen jo manushya samjhen niraakaar god father hi yeh knowledge dete hain। aise-aise vichaar saagar manthan karna chaahiye। baap samjhaate hain manushya sabhi hain pattharbuddhi। abhi tumko paarasbuddhi bana rahe hain। vaastav mein paarasbuddhi unhein kahenge jo kam se kam 50 se adhik marks len। fail hone vaale paarasbuddhi nahin। yeh bhi koi samajhte nahin hain ki raam ko baan kyon dikhaaye hain? shreekrishna ko svadarshan chakra dikhaaya hai ki usne sabko maara aur raam ko baan dikhaaye hain। ek khaas magazine nikalti hai, jismen dikhaaya hai - shreekrishna kaise svadarshan chakra se akaasur-bakaasur aadi ko maarte hain। donon ko hinsak bana diya hai aur phir double hinsak bana diya hai। kehte hain unhon ko bhi bachche paida hue na। are, woh hain hi nirvikaari devi-devta। vahaan raavan raajya hai hi nahin। is samay raavan sampradaay kaha jaata hai।

abhi tum samjhaate ho ham yogbal se vishwa ki baadshaahi lete hain to kya yogbal se bachche nahin ho sakte। woh hai hi nirvikaari duniya। abhi tum shoodra se brahman bane ho। aisa achhi reeti samjhaana hai jo manushya samjhen inke paas poora gyaan hai। thoda bhi is baat ko samjhenge to samjha jaayega yeh brahman kul ka hai। koi ke liye to jhat samajh jaayenge - yeh brahman kul ka hai nahin। aate to anek prakaar ke hain na। to tum spiritual university oph spiritual incorporeal god father likhkar dekho, kya hota hai? vichaar saagar manthan kar akshar milaane hote hain, ismen badi yukti chaahiye likhne ki। jo manushya samjhen yahaan yeh knowledge god father samjhaate hain athva raajayog sikhlaate hain। yeh akshar bhi common hai। jeevanmukti deity sovereignty in second। aise-aise akshar hon jo manushyon ki buddhi mein baithen। brahma dvaara vishnupuri ki sthaapna hoti hai। manmanaabhav ka arth hai - baap aur varse ko yaad karo। tum ho brahma mukh vanshaavli brahman kul bhooshan, svadarshan chakradhaari। ab woh to svadarshan chakra vishnu ko dikhaate hain। shreekrishna ko bhi 4 bhujaayen dikhaate hain। ab unko 4 bhujaayen ho kaise sakti? baap kitna achhi reeti samjhaate hain। bachchon ko bada vishaal buddhi, paarasbuddhi banna hai। satayug mein yatha raaja-raani tatha praja paarasbuddhi kahenge na। woh hai paaras duniya, yeh hai pattharon ki duniya। tumko yeh knowledge milti hai - manushya se devta banne ki। tum apna raajya shreemat par phir se sthaapan kar rahe ho। baba hamko yukti batlaate hain ki raaja-mahaaraaja kaise ban sakte ho? tumhaari buddhi mein yeh gyaan bhar jaata hai auron ko samjhaane ke liye। gole par samjhaana bhi bada sahaj hai। is samay jansankhya dekho kitni hai! satayug mein kitne thode hote hain। sangam to hai na। brahman to thode honge na। braahmanon ka yug hi chhota hai। braahmanon ke baad hain devtaayen, phir vriddhi ko paate hain। baajoli hoti hai na। to seedhi ke chitra ke saath viraat roop bhi hoga to samjhaane mein clear hoga। jo tumhaare kul ke honge unki buddhi mein rachta aur rachna ki knowledge sahaj hi baith jaayegi। unki shakla se bhi maaloom pad jaata hai ki yeh hamaare kul ka hai ya nahin? agar nahin hoga to tavaai ki tarah sunega। jo samjhu hoga woh dhyaan se sunega। ek baar kisko poora teer laga to phir aate rahenge। koi prashn poochhenge aur koi achha phool hoga to roz aapehi aakar poora samajhkar chala jaayega। chitron se to koi bhi samajh sakte hain। yeh to barobar devi-devta dharma ki sthaapna baap kar rahe hain। koi na poochhte bhi aapehi samajhte rahenge। koi to bahut poochhte rahenge, samjhenge kuchh bhi nahin। phir samjhaana hota hai, hangaama to karna nahin hai। phir kahenge eeshvar tumhaari raksha bhi nahin karte hain! ab woh raksha kya karte hain so to tum jaante ho। karmon ka hisaab-kitaab to har ek ko apna chuktu karna hai। aise bahut hain, tabiyat kharaab hoti hai to kehte hain raksha karo। baap kehte hain ham to aate hain patiton ko paavan banaane। woh dhandha tum bhi seekho। baap 5 vikaaron par jeet pahnaate hain to aur hi jor se woh saamna karenge। vikaar ka toofaan bahut jor se aata hai। baap to kehte hain baap ka banne se yeh sab beemaariyaan uthal khaayengi, toofaan jor se aayenge। poori boxing hai। achhe-achhe pahalvaanon ko bhi hara lete hain। kehte hain - na chaahte bhi kudrishti ho jaati hai, register kharaab ho jaayega। kudrishti vaale se baat nahin karni chaahiye। baba sabhi centres ke bachchon ko samjha rahe hain ki kudrishti vaale bahut dher hain, naam lene se aur hi traitor ban jaayenge। apni satyaanaash karne vaale ulte kaam karne lag padte hain। kaam vikaar naak se pakad leta hai। maaya chhodti nahin hai, kukarma, kudrishti, kuvchan nikal padte hain, kuchlan ho padti hai isliye bahut-bahut saavdhaan rehna hai।

tum bachche jab pradarshani aadi karte ho to aisi yukti racho jo koi bhi sahaj samajh sake। yeh geeta gyaan svayan baap padha rahe hain, ismen koi shaastra aadi ki baat nahin hai। yeh to padhaai hai। kitaab geeta to yahaan hai nahin। baap padhaate hain। kitaab thode hi haath mein uthaate hain। phir yeh geeta naam kahaan se aaya? yeh sab dharmashaastra bante hi baad mein hain। kitne anek math-panth hain। sabke apne-apne shaastra hain। taal-daal jo bhi hain, chhote-chhote math-panth, unke bhi shaastra aadi apne-apne hain। to woh ho gaye sab baal-bachche। unse to mukti mil na sake। sarvashaastra mai shiromni geeta gaai hui hai। geeta ka bhi gyaan sunaane vaale honge na। to yeh knowledge baap hi aakar dete hain। koi bhi shaastra aadi haath mein thode hi hain। main bhi shaastra nahin padha hoon, tumko bhi nahin padhaate hain। woh seekhte hain, sikhlaate hain। yahaan shaastron ki baat nahin। baap hai hi knowledgeful। ham tumko sabhi vedon-shaastron ka saar batlaate hain। mukhya hain hi 4 dharmon ke 4 dharmashaastra। brahman dharma ka koi kitaab hai kya? kitni samajhne ki baaten hain। yeh sab baap baith detail mein samjhaate hain। manushya sab pattharbuddhi hain tab to itne kangaal bane hain। devtaayen the golden ej mein, vahaan sone ke mahal bante the, sone ki khaaniyaan thi। abhi to sachcha sona hai nahin। saari kahaani bhaarat par hi hai। tum devi-devta paarasbuddhi the, vishwa par raajya karte the। abhi smriti aai hai, ham svarga ke maalik the phir narka ke maalik bane hain। ab phir paarasbuddhi bante hain। yeh gyaan tum bachchon ki buddhi mein hai jo phir auron ko samjhaana hai। drama anusaar part chalta rehta hai, jo time paas hota hai so accurate phir bhi purooshaartha to karaayenge na। jin bachchon ko nasha hai ki svayan bhagwan hamko heaven ka maalik banaane ke liye purooshaartha karaate hain unki shakla badi first class khushnumah rehti hai। baap aate bhi hain bachchon ko purooshaartha karaane, praalabdha ke liye। yeh bhi tum jaante ho, duniya mein thode hi koi jaante hain। heaven ka maalik banaane bhagwan purooshaartha karaate hain to khushi honi chaahiye। shakla badi first class, khushnumah honi chaahiye। baap ki yaad se tum sadaiv harshit rahenge। baap ko bhoolne se hi murjhaais aati hai। baap aur varse ko yaad karne se khushnumah ho jaate hain। har ek ki service se samjha jaata hai। baap ko bachchon ki khushbu to aati hai na। sapoot bachchon se khushbu aati hai, kapoot se badbu aati hai। bageeche mein khushboodaar phool ko hi uthaane ke liye dil hogi। ak ko kaun uthaayenge! baap ko yathaartha reeti yaad karne se hi vikarma vinaash honge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ki boxing mein haarna nahin hai। dhyaan rahe kabhi mukh se kuvchan na nikle, kudrishti, kuchlan, kukarma na ho jaae।

2) first class khushboodaar phool banna hai। nasha rahe ki svayan bhagwan hamko padhaate hain। baap ki yaad mein rah sadaiv harshit rehna hai, kabhi murjhaana nahin hain।

vardaan:- challenge aur practical ki samaanta dvaara svayan ko paapon se safe rakhne vaale vishwa sevaadhaari bhav

aap bachche jo challenge karte ho us challenge aur practical jeevan mein samaanta ho, nahin to punya aatma ke bajaae bojh vaali aatma ban jaayenge। is paap aur punya ki gati ko jaankar svayan ko safe rakho kyonki sankalp mein bhi kisi bhi vikaar ki kamjori, vyartha bol, vyartha bhaavna, ghrina va eershya ki bhaavna paap ke khaate ko badhaati hai isliye punya aatma bhav ke vardaan dvaara svayan ko safe rakh vishwa sevaadhaari bano। sangathit roop mein ekmat, ekras sthiti ka anubhav karaao।

slogan:- pavitrata ki shama chaaron or jalaao to baap ko sahaj dekh sakenge।

avyakt-ishaare:- ekaantapriy bano ekta aur ekaagrata ko apnaao

pratyakshata ka jhanda lahraane ke pahle sirf do shabd har karma mein laana। ek sarva sambandh, samparka mein aapas mein ekta। anek sanskaar hote, anekta mein ekta aur dridhta yahi saphalta ka saadhan hai। kabhi-kabhi ekta hil jaati hai। yeh kare, to main karoon… nahin। aapka slogan hai sva parivartan se vishwa parivartan, vishwa parivartan se sva parivartan nahin।