सोमवार 21 अप्रैल 2025 की दैनिक मुरली

21-04-2025 praatahmurli om shanti "baapdaada"' madhuban

“meethe bachche - baap aaya hai tumhein current dene, tum dehi-abhimaani honge, buddhiyog ek baap se hoga to current milti rahegi''

prashn:- sabse bada aasuri svabhaav kaun-sa hai, jo tum bachchon mein nahin hona chaahiye?

uttar:- ashaanti phailaana, yeh hai sabse bada aasuri svabhaav। ashaanti phailaane vaale se manushya tang ho jaate hain। woh jahaan jaayenge vahaan ashaanti phaila denge isliye bhagwan se sabhi shanti ka var maangate hain।

geet:- yeh kahaani hai deeve aur toofaan ki …

om shanti। meethe-meethe sikeeldhe bachchon ne geet ki line suni। geet to yeh bhakti maarga ka hai phir unko gyaan mein transfer kiya jaata hai aur koi transfer kar na sake। tumhaare mein bhi nambarvaar purooshaartha anusaar jaan sakte hain, deeva kya hai, toofaan kya hai! bachche jaante hain aatma ki jyot ujhaai hui hai। ab baap aaye hain jyot jagaane liye। koi marte hain to bhi deeva jalaate hain। uski badi khabardaari rakhte hain। samajhte hain deeva agar bujh gaya to aatma ko andhiyaare se jaana padega isliye deeva jalaate hain। ab satayug mein to yeh baaten hoti nahin। vahaan to sojhre mein honge। bhookh aadi ki baat hi nahin, vahaan to bade maal milte hain। yahaan hai ghor andhiyaara। chhi-chhi duniya hai na। sab aatmaon ki jyot ujhaai hui hai। sabse jaasti jyot tumhaari ujhaai hui hai। khaas tumhaare liye hi baap aate hain। tumhaari jyot ujha gai hain, ab current kahaan se mile? bachche jaante hain current to baap se hi milegi। current jor hoti hai to bulb mein roshni tez ho jaati hai। to abhi tum current le rahe ho, badi masheen se। dekho, baambe jaise shahar mein kitne dher aadmi rehte hain, kitni jaasti current chaahiye। zaroor itni badi masheen hogi। yeh hai behad ki baat। saare duniya ki aatmaon ki jyot bujhi hui hai। unko current dena hai। mool baat baap samjhaate hain, buddhiyog baap se lagaao। dehi-abhimaani bano। kitna bada baap hai, saari duniya ke patit manushyon ko paavan karne vaala supreme baap aaya hai sabki jyot jagaane। saari duniya ke manushya-maatra ki jyot jagaate hain। baap kaun hai, kaise jyot jagaate hain? yeh to koi nahin jaante। unko jyoti swaroop bhi kehte hain phir sarvavyaapi bhi kah dete hain। jyoti swaroop ko bulaate hain kyonki jyoti bujh gai hai। saakshaatkaar bhi hota hai, akhanda jyoti ka। dikhlaate hain arjun ne kaha main tej sahan nahin kar sakta hoon। bahut current hai। to ab in baaton ko tum bachche abhi samajhte ho। sabko samjhaana bhi yeh hai ki tum aatma ho। aatmaayen oopar se yahaan aati hain। pahle aatma pavitra hai, unmein current hai। satopradhaan hai। golden ej mein pavitra aatmaayen hain phir unko apvitra bhi banna hai। jab apvitra bante hain tab god father ko bulaate hain ki aakar liberate karo arthaat duhkh se mukta karo। liberate karna aur paavan banaana donon ka arth alag-alag hai। zaroor koi se patit bane hain tab kehte hain baba aao, aakar liberate bhi karo, paavan bhi banaao। yahaan se shantidham le chalo। shanti ka var do। ab baap ne samjhaaya hai - yahaan shant mein to rah nahin sakte। shanti to hai hi shantidham mein। satayug mein ek dharma, ek raajya hai to shanti rehti hai। koi hangaama nahin। yahaan manushya tang hote hain ashaanti se। ek hi ghar mein kitna jhagda ho padta hai। samjho stri-puroosh ka jhagda hai to maa, baap, bachche, bhaai-behen aadi sab tang ho padte hain। ashaanti vaala manushya jahaan jaayega ashaanti hi phailaayega kyonki aasuri svabhaav hai na। abhi tum jaante ho satayug hai sukhdhaam। vahaan sukh aur shanti donon hain। aur vahaan (paramdham mein) to sirf shanti hai, unko kaha jaata hai sweet silence hom। muktidhaam vaalon ko sirf itna hi samjhaana hota hai tumko mukti chaahiye na to baap ko yaad karo।

mukti ke baad jeevanmukti zaroor hai। pahle jeevanmukta hote hain phir jeevanbandh mein aate hain। aadha-aadha hai na। satopradhaan se phir sato, rajo, tamo mein zaroor aana hai। pichhaadi mein jo ek aadha janma liye aate honge, woh kya sukh-duhkh ka anubhav karte honge। tum to saara anubhav karte ho। tum jaante ho itne janma ham sukh mein rehte hain phir itne janma duhkh mein hote hain। phalaane-phalaane dharma nai duniya mein aa nahin sakte। unka part hi baad mein hai, bhal naya khanda hai, unke liye jaise ki woh nai duniya hai। jaise bauddhi khanda, Christian khanda naya hua na। unko bhi sato, rajo, tamo se paas karna hai। jhaad mein bhi aise hota hai na। aahiste-aahiste vriddhi hoti jaati hai। pahle jo nikle woh neeche hi rehte hain। dekha hai na - naye-naye patte kaise nikalte hain। chhote-chhote hare patte nikalte rehte hain phir baur (phool) nikalta hai, naya jhaad bahut chhota hai। naya beej daala jaata hai, unki poori paravrish nahin hoti to sad jaata hai। tum bhi poori paravrish nahin karte ho to sad jaate hain। baap aakar manushya se devta banaate hain phir usmein nambarvaar bante hain। raajdhaani sthaapan hoti hai na। bahut fail ho padte hain।

bachchon ki jaisi avastha hai, aisa pyaar baap se milta hai। kai bachchon ko baahar se bhi pyaar karna hota hai। koi-koi likhte hain baba ham fail ho gaye। patit ban gaye। ab unko kaun haath lagaayega! woh baap ki dil par chadh nahin sakte। pavitra ko hi baba varsa de sakte hain। pahle ek-ek se poora samaachaar poochh potaamel lete hain। jaisi avastha vaisa pyaar। baahar se bhal pyaar karenge, andar jaante hain yeh bilkul hi buddhu hai, service kar nahin sakte। khyaal to rehta hai na। agyaan kaal mein bachcha achha kamaane vaala hota hai to baap bhi bahut prem se milega। koi itna kamaane vaala nahin hoga to baap ka bhi itna pyaar nahin rehta। to yahaan bhi aise hai। bachche baahar mein bhi service karte hain na। bhal koi bhi dharma vaala ho, unko samjhaana chaahiye। baap ko liberator kaha jaata hai na। liberator aur guide kaun hai, unka parichay dena hai। supreme god father aate hain, sabko liberate karte hain। baap kehte hain tum kitne patit ban gaye ho। purity hai nahin। ab mujhe yaad karo। baap to ever pure hai। baaki sab pavitra se apvitra zaroor bante hain। punarjanma lete-lete utarte aate hain। is samay sab patit hain isliye baap raay dete hain - bachche, tum mujhe yaad karo to paavan ban jaayenge। ab maut to saamne khada hai। puraani duniya ka ab ant hai। maaya ka pomp kitna hai isliye manushya samajhte hain yeh to svarga hai। aeroplane, bijliyaan aadi kya-kya hain, yeh hai sab maaya ka pomp। yeh ab khatma hona hai। phir svarga ki sthaapna ho jaayegi। yeh bijliyaan aadi sab svarga mein to hote hain। ab yeh sab svarga mein kaise aayenge। zaroor jaankaari vaala chaahiye na। tumhaare paas bahut achhe-achhe kaareegar log bhi aayenge। woh raajaai mein to aayenge nahin phir bhi tumhaari praja mein aa jaayenge। engineer aadi seekhe hue achhe-achhe kaareegar aayenge। yeh fashion saara baahar vilaayat se aata jaata hai। to baahar vaalon ko bhi tumhein shivbaaba ka parichay dena hai। baap ko yaad karo। tumko bhi yog mein rahne ka hi purooshaartha bahut karna hai, ismen hi maaya ke toofaan bahut aate hain। baap sirf kehte hain maamekam yaad karo। yeh to achhi baat hai na। Christ bhi unki rachna hai, rachayita supreme soul to ek hai। baaki sab hai rachna। varsa rachta se hi milta hai। aise-aise achhi point jo hain woh note karni chaahiye।

baap ka mukhya kartavya hai sabko duhkh se liberate karna। woh sukhdhaam aur shantidham ka get kholte hain। unhein kehte hain - he liberator duhkh se liberate kar humein shantidham-sukhdhaam le chalo। jab yahaan sukhdhaam hai to baaki aatmaayen shantidham mein rehti hain। heaven ka get baap hi kholte hain। ek get khulta hai nai duniya ka, doosra shantidham ka। ab jo aatmaayen apvitra ho gai hain unko baap shreemat dete hain apne ko aatma samjho, mujhe yaad karo to tumhaare paap kat jaaen। ab jo-jo purooshaartha karenge to phir apne dharma mein oonch pad paayenge। purooshaartha nahin karenge to kam pad paayenge। achhi-achhi points note karo to samay par kaam aa sakti hain। bolo, shivbaaba ka occupation ham bataayenge to manushya kahenge yeh phir kaun hain jo god father shiv ka occupation bataate hain। bolo, tum aatma ke roop mein to sab brothers ho। phir prajaapita brahma dvaara rachna rachte hain to bhaai-behen hote hain। god father jisko liberator, guide kehte hain, unka occupation ham aapko batlaate hain। zaroor hamko god father ne bataaya hai tab aapko bataate hain। san shows father। yeh bhi samjhaana chaahiye। aatma bilkul chhota star hai, in aankhon se unko dekha nahin jaata hai। divya drishti se saakshaatkaar ho sakta hai। bindi hai, dekhne se phaayda thode hi ho sakta hai। baap bhi aisi hi bindi hai, unko supreme soul kehte hain। soul ek jaisa hi hai parantu woh supreme hai, knowledgeful hai, blissful hai, liberator aur guide hai। unki bahut mahima karni pade। zaroor baap aayenge tab to saath le jaayenge na। aakar knowledge denge। baap hi batlaate hain aatma itni chhoti hai, main bhi itna hoon। knowledge bhi zaroor koi shareer mein pravesh kar denge। aatma ke baaju mein aakar baithoonga। mere mein power hai, organs mil gaye to main dhani ho gaya। in organs dvaara baith samjhaata hoon, inko Adam bhi kaha jaata hai। Adam hai pahla-pahla aadmi। manushyon ka sijra hai na। yeh maata-pita bhi bante hain, inse phir rachna hoti hai, hai puraana parantu adopt kiya hai, nahin to brahma kahaan se aaya। brahma ke baap ka naam koi bataaye। brahma, vishnu, shankar yeh kiski rachna to hogi na! rachayita to ek hi hai, baap ne to inko adopt kiya hai, yeh itne chhote bachche baith sunaayen to kahenge yeh to bahut badi knowledge hai।

jin bachchon ko achhi dhaarna hoti hai unhein bahut khushi rahegi, kabhi ubaasi nahin aayegi। koi samajhne vaala nahin hoga to ubaasi deta rahega। yahaan to tumko kabhi ubaasi nahin aani chaahiye। kamaai ke samay kabhi ubaasi nahin aati hai। graahak nahin honge, dhandha thanda hoga to ubaasi aati rahegi। yahaan bhi dhaarna nahin hoti hai। koi to bilkul samajhte nahin hain kyonki deh-abhimaan hai। dehi-abhimaani ho baith nahin sakenge। koi na koi baahar ki baaten yaad aa jaayengi। points aadi bhi note nahin kar sakenge। shrewd buddhi jhat note karenge - yeh points bahut achhi hain। students ki chalan bhi teacher ko dekhne mein aati hai na। sensible teacher ki nazar sab taraph phirti rehti hai tab to certificate dete hain padhaai ka। manners ka certificate nikaalte hain। kitna absent raha, woh bhi nikaalte hain। yahaan to bhal present hote hain parantu samajhte kuchh nahin, dhaarna hoti nahin। koi kehte hain buddhi dull hai, dhaarna nahin hoti, baba kya karenge! yeh tumhaare karmon ka hisaab-kitaab hai। baap to tadbeer ek hi karaate hain। tumhaari takdeer mein nahin hai to kya karenge। school mein bhi koi paas, koi fail hote hain। yeh hai behad ki padhaai, jo behad ka baap padhaate hain। aur dharma vaale geeta ki baat nahin samjhenge। nation dekh samjhaana padta hai। pahle-pahle oonch te oonch baap ka parichay dena padta hai। woh kaise liberator, guide hai! heaven mein yeh vikaar hote nahin। is samay inko kaha jaata hai shaitaani raajya। puraani duniya hai na, inko golden aged nahin kahenge। nai duniya thi, ab puraani hui hai। bachchon mein, jinko service ka shauk hai to points note karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) padhaai mein bahut-bahut kamaai hai isliye kamaai khushi-khushi se karni hai। padhte samay kabhi ubaasi aadi na aaye, buddhiyog idhar-udhar na bhatke। points note kar dhaarna karte raho।

2) pavitra ban baap ke dil ka pyaar paane ka adhikaari banna hai। service mein hoshiyaar banna hai, achhi kamaai karni aur karaani hai।

vardaan:- marjeeva janma ki smriti se sarva karmabandhanon ko samaapta karne vaale karmayogi bhav

yeh marjeeva divya janma karmabandhani janma nahin, yeh karmayogi janma hai। is alaukik divya janma mein brahman aatma svatantra hai na ki partantra। yeh deh loan mein mili hui hai, saare vishwa ki seva ke liye puraane shareeron mein baap shakti bhar-kar chala rahe hain, jimmevaari baap ki hai, na ki aap ki। baap ne direction diya hai ki karma karo, aap svatantra ho, chalaane vaala chala raha hai। isi vishesh dhaarna se karmabandhanon ko samaapta kar karmayogi bano।

slogan:- samay ki sameepta ka foundation hai - behad ki vairaagya vritti।

avyakt ishaare - “combined roop ki smriti se sada vijayi bano''

jitna-jitna yaad mein rahenge utna anubhav karenge ki main akela nahin lekin baap-daada sada saath hai। koi bhi samasya saamne aaye to yahi smriti mein rahe ki main combined hoon, to ghabraayenge nahin। combined roop ki smriti se koi bhi mushkil kaarya sahaj ho jaayega। apne sab bojh baap ke oopar rakh svayan halke ho jaao to sada apne ko khushanseeb anubhav karenge aur pharishte ke samaan naachte rahenge।