रविवार 27 अप्रैल 2025 की दैनिक मुरली

27-04-25 praatahmurli om shanti ''avyakt-baapdaada'' revise 03-02-05 madhuban

“seva karte upraam aur behad vritti dvaara ever ready ban brahma baap samaan sampanna bano''

aaj great great grand father apne chaaron or ke koton mein koi aur koi mein bhi koi bachchon ke bhaagya ko dekh harshit ho rahe hain। itna vishesh bhaagya aur kisi ko bhi mil nahin sakta। har ek bachche ki visheshta ko dekh harshit hote hain। jin bachchon ne baap-daada se dil se sambandh joda un har ek bachchon mein koi na koi visheshta zaroor hai। sabse pahli visheshta saadhaaran roop mein aaye hue baap ko pahchaan “mera baba'' maan liya। yeh pahchaan sabse badi visheshta hai। dil se maana mera baba, baap ne maana mera bachcha। jo bade-bade philosopher, saainsadaan, dharmaatma nahin pahchaan sake, woh saadhaaran bachchon ne pahchaan apna adhikaar le liya। koi bhi aakar is sabha ke bachchon ko dekhe to samajh nahin sakenge ki in bholi bholi maataaon ne, in saadhaaran bachchon ne itne bade baap ko pahchaan liya! to yeh visheshta - pahchaanna, baap ko pahchaan apna banaana, yeh aap koton mein koi bachchon ka bhaagya hai। sabhi bachchon ne jo bhi sammukh baithe hain va door baithe sammukh anubhav kar rahe hain, to sabhi bachchon ne dil se pahchaan liya hai! pahchaan liya hai ki pahchaan rahe hain? jisne pahchaan liya hai woh haath uthaao। (sabhi ne haath uthaaya) pahchaan liya? achha। to baapdaada pahchaanne ke visheshta ki har ek bachche ko mubaarak de rahe hain। vaah bhaagyavaan bachche vaah! pahchaanne ka teesra netra praapta kar liya। bachchon ke dil ka geet baapdaada sunte rehte hain, kaun sa geet? paana tha vo pa liya। baap bhi kehte O laadle bachche, jo baap se lena tha vo le liya। har ek bachcha anek roohaani khajaanon ke baalak so maalik ban gaye।

to aaj baapdaada khajaanon ke maalik bachchon ke khajaanon ka potaamel dekh rahe the। baap ne khajaana to sabko ek jaisa, ek jitna diya hai। kisko padam, kisko laakh nahin diya hai। lekin khajaanon ko jaanna aur praapta karna, jeevan mein samaana ismen nambarvaar hain। baapdaada aajkal baar-baar bhinna-bhinna prakaar se bachchon ko attention dila rahe hain - samay ki sameepta ko dekh apne aapko sookshm vishaal buddhi se check karo kya mila, kya liya aur nirantar un khajaanon mein palte rehte hain? checking bahut aavashyak hai kyonki maaya vartamaan samay bhinna-bhinna royal prakaar ke albelaapan aur royal aalasya ke roop mein trial karti rehti hai isliye apni checking sada karte chalo। itne attention se, albele roop se checking nahin - bura nahin kiya, duhkh nahin diya, buri drishti nahin hui, yeh checking to hui lekin achhe te achha kya kiya? sada aatmik drishti natural rahi? ya vismriti smriti ka khel kiya? kitnon ko shubh bhaavna, shubh kaamna, duaayen di? aise jama ka khaata kitna aur kaise raha? kyonki achhi tarah se jaante ho ki jama ka khaata sirf abhi kar sakte hain। yeh samay, full season khaata jama karne ki hai। phir saara samay jama pramaan raajya bhaagya aur poojya devi-devta banne ka hai। jama kam to raajya bhaagya bhi kam aur poojya banne mein bhi nambarvaar hota hai। jama kam to pooja bhi kam, vidhipoorvak jama nahin to pooja bhi vidhipoorvak nahin, kabhi-kabhi vidhipoorvak hai to pooja bhi aur pad bhi kabhi-kabhi hai, isliye baapdaada ka har ek bachche se ati pyaar hai, to baapdaada yahi chaahte ki har ek bachcha sampanna bane, samaan bane। seva karo lekin seva mein bhi upraam, behad।

baapdaada ne dekha hai majority bachchon ki yog arthaat yaad ki subject mein roochi va attention kam hota hai, seva mein jyaada hai। lekin bina yaad ke seva mein jyaada hai to usmein had aa jaati hai। upraam vritti nahin hoti। naam aur maan ka, position ka mix ho jaata hai। behad ki vritti kam ho jaati hai isliye baapdaada chaahte hain ki koton mein koi, koi mein koi mere bachche abhi se ever ready ho jaayen, kyon? kai sochte hain samay aane par ho jaayenge। lekin samay aapki creation hai, kya creation ko apna shikshak banaayenge? doosri baat jaante ho ki bahutkaal ka hisaab hai, bahutkaal ki sampannata bahutkaal ki praapti karaati hai। to abhi samay ki sameepta pramaan bahutkaal ka jama hona aavashyak hai phir ulhana nahin dena ki hamne to samjha bahutkaal mein samay pada hai। abhi se bahutkaal ka attention rakho। samjha! attention please।

baapdaada yahi chaahte ki ek bachche mein bhi kisi bhi ek subject ki kami nahin rah jaae। brahma baap se to pyaar hai na! pyaar ka return to denge na! to pyaar ka return hai - apni kami ko check karo aur return do, tarna karo। apne aapko tarna karna, yeh return hai। to return dene ki himmat hai? haath to utha lete ho, bahut khush kar lete ho। haath dekhkar to baapdaada khush ho jaate hain, abhi dil mein pakka-pakka ek percent bhi kachcha nahin, pakka vrat lo - return dena hi hai। apne aapko tarna karna hai।

abhi shivraatri aa rahi hai na! to sabhi bachchon ko baap ki jayanti so apni jayanti manaane ka umang bahut pyaar se aata hai। achhe-achhe programme bana rahe hain। seva ke plan to bahut achhe banaate ho, baapdaada khush hota hai। lekin…, lekin kehna achha nahin lagta hai। jagat amba maa lekin shabd ko kehti thi, sindhi bhaasha mein, le - kin, kin kehte hain kichde ko। to lekin kehna maana kuchh na kuchh kichda lena। to lekin kehna achha nahin lagta hai। kehna padta hai। jaise aur seva ke plan banaaye bhi hain aur banaayenge bhi lekin is vrat lene ka bhi programme banaana। return dena hi hai kyonki jab baapdaada ya koi poochhte hain kaise hain? to majority ka yahi uttar aata hai, hain to bahut achhe lekin jitna baapdaada kehte hain utna nahin। abhi yeh uttar hona chaahiye jo baapdaada chaahte hain vahi hain। note karo baapdaada kya chaahta hai, woh list nikaalo aur check karo baapdaada yeh chaahta hai, woh hai ya nahin hai? duniya vaale aap poorvajon dvaara mukti chaahte hain, chilla rahe hain, mukti do, mukti do। jab tak majority bachche apne puraane sanskaar, jisko aap nature kehte ho, natural nahin nature, usmein kuchh bhi thoda raha hua hai, mukta nahin hue hain to sarva aatmaon ko mukti nahin mil sakti। to baapdaada kehte hain - he muktidaata ke bachche master muktidaata abhi apne ko mukta karo to sarva aatmaon ke liye mukti ka dvaar khul jaae। sunaaya tha na - get ki chaabi kya hai? behad ka vairaagya। kaarya sab karo lekin jaise bhaashnon mein kehte ho pravritti vaalon ko kamal pushpa samaan bano, aise sab kuchh karte, kartaapan se mukta, nyaare, na saadhnon ke vash, na position ke। kuchh na kuchh mil jaae yeh position nahin opposition hai maaya ki। nyaare aur baap ke pyaare। mushkil hai kya, nyaare aur pyaare banna? jisko mushkil lagta hai woh haath uthaao। (kisi ne haath nahin uthaaya) kisko bhi mushkil nahin lagta hai phir to shivraatri tak sab sampanna ho jaayenge। jab mushkil nahin hai to banna hi hai। brahma baap samaan banna hi hai। sankalp mein bhi, bol mein bhi, seva mein bhi, sambandh-samparka mein bhi, sabmen brahma baap samaan।

achha jo samajhte hain, brahma baap aur daada, great great grand father, usse mera bahut-bahut 100 percent se bhi jyaada pyaar hai, woh haath uthaao। khush nahin karna, sirf abhi-abhi khush nahin karna। sabhi ne uthaaya hai। T.vi. mein nikaal rahe ho na। shivraatri par yeh T.vi. dekhenge aur hisaab lenge। theek hai! jara bhi samaanta mein antar nahin ho। pyaar ke peechhe kurbaan karna, kya badi baat hai। duniya vaale to ashuddha pyaar ke peechhe jeevan bhi dene ke liye taiyaar ho jaate hain। baapdaada to sirf kehte hain, kichda de do bas। achhi cheez nahin do, kichda de do। kamjori, kami kya hai? kichda hai na! kichda kurbaan karna kya badi baat hai! paristhiti samaapta ho jaae, sva-sthiti shreshtha ho jaae। bataate to yahi hain na, kya karen paristhiti aisi thi। to hilaane vaali par-sthiti ka naam hi nahin ho, aisi sva-sthiti shaktishaali ho। samaapti ka parda khule to sab kya dikhaai deven? pharishte chamak rahe hain। sabhi bachche chamakte hue dikhaai den iseelie abhi parda khulna rooka hua hai। duniya vaale chilla rahe hain, parda kholo, parda kholo। to apna plan aap hi banaao। bana hua plan dete hain na to phir kai baaten hoti hain। apna plan apni himmat se banaao। dridhta ki chaabi lagaao to saphalta milni hi hai। dridh sankalp karte ho aur baapdaada khush hote hain vaah bachche vaah! dridh sankalp kiya lekin dridhta mein phir thoda-thoda albelaapan mix ho jaata hai iseelie saphalta bhi kabhi aadhi, kabhi pauni percentage mein ho jaati hai। jaise pyaar 100 percent hai vaise purushaartha mein sampannata, yeh bhi 100 percent ho। jyaada bhale ho, kam nahin ho। pasanda hai? pasanda hai na? shivraatri par jalva dikhaayenge na! banna hi hai। ham nahin banenge to kaun banega! yeh nishchay rakho, ham hi the, ham hi hain aur phir bhi ham hi honge। yeh nishchay vijayi bana dega। par-darshan nahin karna, apne ko hi dekhna। kai bachche roohrihaan karte hain na, kehte hain bas isko thoda sa theek kar do, phir main theek ho jaaoonga। ise thoda badli kar do to main bhi badli ho jaaoonga lekin na woh badlega na aap badlenge। svayan ko badlenge to woh bhi badal jaayega। koi bhi aadhaar nahin rakho, yeh ho to yeh ho। mujhe karna hi hai।

achha, jo pahle baari aaye hain - woh haath uthaao। to jo pahli baari aaye hain unhon ke liye vishesh baapdaada kehte hain ki aise samay par aaye ho jab samay bahut kam bacha hai lekin purushaartha itna teevra karo jo last so fast, fast so first number aa jaao kyonki abhi chairs game chal rahi hai। abhi kiski jeet hai, woh out nahin hua hai। let to aaye ho lekin fast chalne se pahunch jaayenge। sirf apne aapko amritvele amar bhav ka vardaan yaad dilaana। achha - sabhi koi door se koi najdeek se aaye hain। baapdaada kehte hain bhale padhaare apne ghar mein। sangathan achha lagta hai। T.vi. mein dekhte ho na, sabha full hone se kitna achha lagta hai। achha। to ever ready? ever ready ka paath padhenge na! achha।

madhuban nivaasiyon se:- madhuban vaale haath uthaao। bahut hain। madhuban vaale host hain aur to guest hokar aate hain chale jaate hain lekin madhuban vaale host hain। nearest bhi hain, dearest bhi hain। madhuban vaalon ko dekhkar sab khush hote hain na। kisi bhi sthaan par madhuban vaale jaate hain to kis nazar se dekhte hain। vaah madhuban se aaye hain! kyonki madhuban naam sunne se madhuban ka baba yaad aa jaata hai isliye madhuban vaalon ka mahatva hai। hai mahatva? khush hote ho na! aisa prem poorvak paalna ka sthaan koton mein koi ko hi mila hai। sab chaahte hain madhuban mein hi rah jaaen, rah sakte hain kya! aap rah rahe ho। to achha hai। madhuban vaale bhoolte nahin hain, samajhte hain hamaare ko poochha nahin lekin baapdaada sada dil mein poochhte hain। pahle madhuban vaale। madhuban vaale nahin hon to aayenge kahaan! seva ke nimitta to hain na! sevaadhaari kitne bhi milen, phir bhi foundation to madhuban vaale hain। to jo oopar gyaan sarovar mein, paandav bhavan mein hain, un sabko bhi baapdaada dil ki duaayen aur yaadapyaar de rahe hain। yahaan jo toli dete hain woh oopar madhuban mein milti hai? to madhuban vaalon ko toli bhi milti, boli bhi milti। donon milti hain। achha।

global hospital vaalon se:- sabhi hospital vaale theek hain kyonki hospital ka bhi vishesh part hai na। aate hain neeche। achha thode aate hain। hospital vaale bhi achhi seva kar rahe hain। dekho aaeevel mein to phir bhi hospital hi kaam mein aati hai na। aur jab se hospital khuli hai tab se sabki nazar mein yeh aaya hai ki brahmaakumaariyaan sirf gyaan nahin deti, lekin samay par madad bhi karti hain, social seva bhi karti hain। to hospital ke baad aabu mein yeh vaayumandal badli ho gaya। pahle jis nazar se dekhte the, abhi us nazar se nahin dekhte hain। abhi sahayog ki nazar se dekhte hain। gyaan maanen ya nahin maane lekin sahayog ki nazar se dekhte hain to hospital vaalon ne seva ki na। achha hai।

achha - aaj ki baat yaad rahi? sampanna banna hi hai, kuchh bhi ho jaae, sampanna banna hi hai। yeh dhun lag jaae, sampanna banna hai, samaan banna hai। achha ।

chaaron or ke koton mein koi, koi mein bhi koi bhaagyavaan, bhagwan ke bachche shreshtha aatmaayen, sada teevra purushaartha dvaara jo socha woh kiya, shreshtha sochna, shreshtha karna, lakshya aur lakshan ko samaan banaana, aise vishesh aatmaon ko sada bahutkaal ke purushaartha dvaara raajya bhaagya aur poojya banne vaale shreshtha aatmaon ko, sada baap ke sneh ka return apne ko tarna karne vaale number one, win karne vaale bhaagyavaan bachchon ko baapdaada ka yaadapyaar aur namaste।

vardaan:- vishwa kalyaankaari ki oonchi stage par sthit rah vinaash leela ko dekhne vaale saakshi drishta bhav

antim vinaash leela ko dekhne ke liye vishwa kalyaankaari ki oonchi stage chaahiye। jis stage par sthit hone se deh ke sarva aakarshan arthaat sambandh, padaartha, sanskaar, prakriti ke halchal ki aakarshan samaapta ho jaati hai। jab aisi stage ho tab saakshi drishta ban oopar ki stage par sthit ho shanti ki, shakti ki kirnen sarva aatmaon ke prati de sakenge।

slogan:- balvaan bano to maaya ka force samaapta ho jaayega।

avyakt ishaare - “combined roop ki smriti se sada vijayi bano''

vardaata baap aur ham vardaani aatmaayen donon combined hain। yeh smriti sada rahe to pavitrata ki chhatrachhaaya svatah rahegi kyonki jahaan sarvashaktimaan baap hai vahaan apvitrata svapna mein bhi nahin aa sakti hai। sada baap aur aap yugal rup mein raho, single nahin। single ho jaate ho to pavitrata ka suhaag chala jaata hai।