मंगलवार 29 अप्रैल 2025 की दैनिक मुरली

29-04-2025 praatahmurli om shanti "baapdaada"' madhuban

“meethe bachche - yeh tumhaara bahut amoolya janma hai, isi janma mein tumhein manushya se devta banne ke liye paavan banne ka purooshaartha karna hai''

prashn:- eeshvareey santaan kahlaane vaale bachchon ki mukhya dhaarna kya hogi?

uttar:- woh aapas mein bahut-bahut ksheerkhanda hokar rahenge। kabhi loonpaani nahin honge। jo deh-abhimaani manushya hain woh ulta sulta bolte, ladte jhagadte hain। tum bachchon mein woh aadat nahin ho sakti। yahaan tumhein daiveegun dhaaran karne hain, karmaateet avastha ko paana hai।

om shanti। pahle-pahle baap bachchon ko kehte hain dehi-abhimaani bhav। apne ko aatma samjho। geeta aadi mein bhal kya bhi hai parantu woh sabhi hain bhakti maarga ke shaastra। baap kehte hain main gyaan ka saagar hoon। tum bachchon ko gyaan sunaata hoon। kaun-sa gyaan sunaate hain? srishti ke athva drama ke aadi-madhya-ant ka knowledge sunaate hain। yeh hai padhaai। history aur geography hai na। bhakti maarga mein koi history-geography nahin padhte। naam bhi nahin lenge। saadhu-santa aadi baith shaastra padhte hain। yeh baap to koi shaastra padhkar nahin sunaate। tumko is padhaai se manushya se devta banaate hain। tum aate hi ho manushya se devta banne। hain woh bhi manushya, yeh bhi manushya। parantu yeh baap ko bulaate hain ki he patit-paavan aao। yeh to jaante ho devtaayen paavan hain। baaki to sabhi apvitra manushya hain, woh devtaaon ko naman karte hain। unko paavan, apne ko patit samajhte hain। parantu devtaayen paavan kaise banen, kisne banaaya - yeh koi manushya maatra nahin jaante। to baap samjhaate hain apne ko aatma samajh baap ko yaad karna - ismen hi mehnat hai। deh-abhimaan nahin hona chaahiye। aatma avinaashi hai, sanskaar bhi aatma mein rehte hain। aatma hi achhe va bure sanskaar le jaati hai isliye ab baap kehte hain dehi-abhimaani bano। apni aatma ko bhi koi jaante nahin hain। jab raavan raajya shuru hota hai to andhiyaara maarga shuru hota hai। deh-abhimaani ban jaate hain।

baap baith samjhaate hain ki tum bachche yahaan kiske paas aaye ho? inke paas nahin। maine inmen pravesh kiya hai। inke bahut janmon ke ant ka yeh patit janma hai। bahut janma kaun se? woh bhi bataaya, aadhaakalpa hai pavitra janma, aadhaakalpa hai patit janma। to yeh bhi patit ho gaya। brahma apne ko devta va eeshvar nahin kehta। manushya samajhte hain prajaapita brahma devta tha tab kehte hain brahma devtaae namah। baap samjhaate hain brahma jo patit tha, bahut janmon ke ant mein woh phir paavan ban devta bante hain। tum ho bi.ke.। tum bhi brahman, yeh brahma bhi brahman। inko devta kaun kehta hai? brahma ko brahman kaha jaata hai, na ki devta। yeh jab pavitra bante hain to bhi brahma ko devta nahin kahenge। jab tak vishnu (lakshmi-naaraayan) na banen tab tak devta nahin kahenge। tum brahman-braahmaniyaan ho। tumko pahle-pahle shoodra se brahman, brahman se devta banaata hoon। yeh tumhaara amoolya heere jaisa janma kaha jaata hai। bhal karma bhog to hota hi hai। to ab baap kehte hain apne ko aatma samajh mujh baap ko yaad karte raho। yeh practice hogi tab hi vikarma vinaash honge। dehdhaari samjha to vikarma vinaash nahin honge। aatma brahman nahin hai, shareer saath hai tab hi brahman phir devta. . . shoodra aadi bante hain। to ab baap ko yaad karne ki mehnat hai। sahjayog bhi hai। baap kehte hain sahaj te sahaj bhi hai। koi-koi ko phir difficult bhi bahut bhaasta hai। ghadi-ghadi deh-abhimaan mein aakar baap ko bhool jaate hain। time to lagta hai na dehi-abhimaani banne mein। aise ho nahin sakta ki abhi tum ekras ho jaao aur baap ki yaad sthaai thahar jaae। nahin। karmaateet avastha ko pa len phir to shareer bhi rah na sake। pavitra aatma halki ho ekdam shareer ko chhod de। pavitra aatma ke saath apvitra shareer rah na sake। aise nahin ki yeh daada koi paar pahunch gaya hai। yeh bhi kehte hain - yaad ki badi mehnat hai। deh-abhimaan mein aane se ulta-sulta bolna, ladna, jhagadna aadi chalta hai। ham sab aatmaayen bhaai-bhaai hain phir aatma ko kuchh nahin hoga। deh-abhimaan se hi rola hua hai। ab tum bachchon ko dehi-abhimaani banna hai। jaise devtaayen ksheerkhanda hain aise tumhein bhi aapas mein bahut kheerkhanda hokar rehna chaahiye। tumhein kabhi loon-paani nahin hona hai। jo deh-abhimaani manushya hain woh ulta-sulta bolte, ladte-jhagadte hain। tum bachchon mein woh aadat nahin ho sakti। yahaan to tumko devta banne ke liye daiveegun dhaaran karne hain। karmaateet avastha ko paana hai। jaante ho yeh shareer, yeh duniya puraani tamopradhaan hai। puraani cheez se, puraane sambandh se naphrat karni padti hai। deh-abhimaan ki baaton ko chhod apne ko aatma samajh baap ko yaad karna hai to paap vinaash honge। bahut bachche yaad mein fail hote hain। gyaan samjhaane mein bade teekhe jaate hain parantu yaad ki mehnat bahut badi hai। bada imtahaan hai। aadhaakalpa ke puraane bhakta hi samajh sakte hain। bhakti mein jo peechhe aaye hain woh itna samajh nahin sakenge।

baap is shareer mein aakar kehte hain main har 5 hazaar varsha baad aata hoon। mera drama mein part hai aur main ek hi baar aata hoon। yeh vahi sangamayug hai। ladaai bhi saamne khadi hai। yeh drama hai hi 5 hazaar varsha ka। kaliyug ki aayu abhi 40 hazaar varsha aur ho to pata nahin kya ho jaae। woh to kehte hain bhal bhagwan bhi aa jaae to bhi ham shaastron ki raah nahin chhodenge। yeh bhi pata nahin hai ki 40 hazaar varsha baad kaun-sa bhagwan aayega। koi samajhte krishna bhagwan aayega। thoda hi aage chal tumhaara naam baala hoga। parantu woh avastha honi chaahiye। aapas mein bahut-bahut prem hona chaahiye। tum eeshvareey santaan ho na। tum khudaai khidmatgaar gaaye hue ho। kehte ho ham baba ke madadgaar hain patit bhaarat ko paavan banaane। baba kalpa-kalpa ham aatma-abhimaani ban aapki shreemat par yogbal se apne vikarma vinaash karte hain। yogbal hai silence bal। silence bal aur science bal mein raat-din ka farka hai। aage chalkar tumko bahut saakshaatkaar hote rahenge। shuru mein kitne bachchon ne saakshaatkaar kiye, part bajaaye। aaj woh hain nahin। maaya kha gai। yog mein na rahne se maaya kha jaati hai। jabki bachche jaante hain bhagwan hamko padhaate hain to phir kaaydesir padhna chaahiye। nahin to bahut-bahut kam pad paayenge। sajaayen bhi bahut khaayenge। gaate bhi hain na - janma-janmaantar ka paapi hoon। vahaan (satayug mein) to raavan ka raajya hi nahin to vikaar ka naam bhi kaise ho sakta hai। woh hai hi sampoorn nirvikaari raajya। woh raam-raajya, yeh hai raavanraajya। is samay sab tamopradhaan hain। har ek bachche ko apni sthiti ki jaanch karni chaahiye ki ham baap ki yaad mein kitna samay rah sakte hain? daiveegun kahaan tak dhaaran kie hain? mukhya baat, andar dekhna hai hamaare mein koi avgun to nahin hain? hamaara khaan-paan kaisa hai? saare din mein koi phaaltu baat va jhooth to nahin bolte hain? shareer nirvaah arth bhi jhooth aadi bolna padta hai na। phir manushya dharmaau nikaalte hain to paap halka ho jaae। achha karma karte hain to uska bhi return milta hai। koi ne hospital banvaaya to agle janma mein achhi health milegi। college banvaaya to achha padhenge। parantu paap ka praayashchit kya hai? uske liye phir ganga snaan karne jaate hain। baaki jo dhan daan karte hain to uska doosre janma mein mil jaata hai। usmein paap katne ki baat nahin rehti। woh hoti hai dhan ki len-den, eeshvar arth diya, eeshvar ne alpakaal ke liye de diya। yahaan to tumko paavan banna hai sivaae baap ki yaad ke aur koi upaay nahin। paavan phir patit duniya mein thode hi rahenge। woh eeshvar arth karte hain indirect। abhi to eeshvar kehte hain - main sammukh aaya hoon paavan banaane। main to daata hoon, mujhe tum dete ho to main return mein deta hoon। main thode hi apne paas rakhoonga। tum bachchon ke liye hi makaan aadi banaae hain। sannyaasi log to apne liye bade-bade mahal aadi banaate hain। yahaan shivbaaba apne liye to kuchh nahin banaate। kehte hain iska return tumko 21 janmon ke liye nai duniya mein milega kyonki tum sammukh len-den karte ho। paisa jo dete ho woh tumhaare hi kaam lagta hai। bhakti maarga mein bhi daata hoon to abhi bhi daata hoon। woh hai indirect, yeh hai direct। baba to kah dete hain jo kuchh hai unse jaakar centre kholo। auron ka kalyaan karo। main bhi to centre kholta hoon na। bachchon ka diya hua hai, bachchon ko hi madad karta hoon। main thode hi apne saath paisa le aata hoon। main to aakar inmen pravesh karta hoon, inke dvaara kartavya karaata hoon। mujhe to svarga mein aana nahin hai। yeh sab kuchh tumhaare liye hai, main to abhokta hoon। kuchh bhi nahin leta hoon। aise bhi nahin kehta hoon ki paanv pado। ham to tum bachchon ka most obedient servant hoon। yeh bhi tum jaante ho vahi maat-pita, bandhu-sakha… sab kuchh hai। so bhi niraakaar hai। tum koi guru ko kab tvamev maata-pita nahin kahenge। guru ko guru, teacher ko teacher kahenge। inko maata-pita kehte ho। baap kehte hain main kalpa-kalpa ek hi baar aata hoon। tum hi 12 maas baad jayanti manaate ho। parantu shivbaaba kab aaya, kya kiya, yeh kisko bhi pata nahin hai। brahma-vishnu-shankar ke bhi occupation ka pata nahin kyonki oopar mein shiv ka chitra uda diya hai। nahin to shivbaaba karan-karaavanhaar hai। brahma dvaara karaate hain। yeh bhi tum bachche jaante ho, kaise aakar pravesh kar aur karke dikhaate hain। goya khud kehte hain tum bhi aise karo। ek to achhi reeti padho। baap ko yaad karo, daiveegun dhaaran karo। jaise inki aatma kehti hai। yeh bhi kehte hain main baba ko yaad karta hoon। baba bhi jaise saath mein hai। tumhaari budvi mein hai ham nai duniya ke maalik banne vaale hain। to chaal-chalan, khaan-paan aadi sab badalna hai। vikaaron ko chhodna hai। sudharna to hai। jaise-jaise sudhrenge phir shareer chhodenge to oonch kul mein janma lenge। nambarvaar kul ke bhi hote hain। yahaan bhi bahut achhe-achhe kul hote hain। 4-5 bhaai sab aapas mein ikatthe rehte hain, koi jhagda aadi nahin hota hai। abhi tum bachche jaante ho ham amarlok mein jaate hain, jahaan kaal nahin khaata। dar ki koi baat nahin। yahaan to din-pratidin dar badhta jaayega। baahar nikal nahin sakenge। yeh bhi jaante hain yeh padhaai koton mein koi hi padhenge। koi to achhi reeti samajhte hain, likhte bhi hain bahut achha hai। aise bachche bhi aayenge zaroor। raajdhaani to sthaapan honi hai na। baaki thoda time bacha hai।

baap un purushaarthi bachchon ki bahut-bahut mahima karte hain jo yaad ki yaatra mein teekhi daudi lagaane vaale hain। mukhya hai yaad ki baat। isse puraane hisaab-kitaab chuktu hote hain। koi-koi bachche baba ko likhte hain - baba ham itne ghante roz yaad karta hoon to baba bhi samajhte hain yeh bahut purooshaarthi hai। purooshaartha to karna hai na isliye baap kehte hain aapas mein kabhi bhi ladna-jhagadna nahin chaahiye। yeh to jaanavron ka kaam hai। ladna-jhagadna yeh hai deh-abhimaan। baap ka naam badnaam kar denge। baap ke liye hi kaha jaata hai satguru ka nindak thaur na paaye। saadhuon ne phir apne liye kah diya hai। to maataayen unse bahut darti hain ki koi shraap na mil jaae। abhi tum jaante ho ham manushya se devta ban rahe hain। sachchi-sachchi amraktha sun rahe hain। kehte ho ham is paathshaala mein aate hain shri lakshmi-naaraayan ka pad paane liye aur kahaan aise kehte nahin। abhi ham jaate hain apne ghar। ismen yaad ka purooshaartha hi mukhya hai। aadhaakalpa yaad nahin kiya hai। ab ek hi janma mein yaad karna hai। yeh hai mehnat। yaad karna hai, daiveegun dhaaran karna hai, koi paap karma kiya to sau guna danda pad jaayega। purooshaartha karna hai, apni unnati karni hai। aatma hi shareer dvaara padhkar barrister va surgeon aadi banti hai na। yeh lakshmi-naaraayan pad to bahut ooncha hai na। aage chal tumko saakshaatkaar bahut honge। tum ho sarvottam brahman kul bhooshan, svadarshan chakradhaari। kalpa pahle bhi yeh gyaan tumko sunaaya tha। phir tumko sunaate hain। tum sunkar pad paate ho। phir yeh gyaan praayah lop ho jaata hai। baaki yeh shaastra aadi sab hain bhakti maarga ke। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar apni jaanch karni hai - ham baap ki yaad mein kitna samay rehte hain? daiveegun kahaan tak dhaaran kiye hain? hamaare mein koi avgun to nahin hain? hamaara khaan-paan, chaal-chalan royal hai? phaaltu baaten to nahin karte? jhooth to nahin bolte hain?

2) yaad ka chart badhaane ke liye abhyaas karna hai - ham sab aatmaayen bhaai-bhaai hain। deh-abhimaan se door rehna hai। apni ekras sthiti jamaani hai, iske liye time dena hai।

vardaan:- paanchon tatvon aur paanchon vikaaron ko apna sevaadhaari banaane vaale maayaajeet svaraajya adhikaari bhav

jaise satayug mein vishwa mahaaraaja va vishwa mahaaraani ki raajaai dress ko peechhe se daas-daasiyaan uthaate hain, aise sangamayug par aap bachche jab maayaajeet svaraajya adhikaari ban titles roopi dress se saje sajaaye rahenge to ye 5 tatva aur 5 vikaar aapki dress ko peechhe se uthaayenge arthaat adheen hokar chalenge। iske liye dridh sankalp ki belt se titles ki dress ko tight karo, bhinna bhinna dress aur shrringaar ke set se saj-dhaj kar baap ke saath raho to yeh vikaar va tatva parivartan ho sahayogi sevaadhaari ho jaayenge।

slogan:- jin gunon va shaktiyon ka varnan karte ho unke anubhvon mein kho jaao। anubhav hi sabse badi authority hai।

avyakt ishaare - “combined roop ki smriti se sada vijayi bano''

svayan ko baap ke saath combined samajhne se vinaashi saathi banaane ka sankalp samaapta ho jaayega kyonki sarvashaktimaan saathi hai। jaise soorya ke aage andhakaar thahar nahin sakta vaise sarvashaktimaan ke aage maaya ka koi bhi vyartha sankalp bhi thahar nahin sakta। koi bhi dushman vaar karne ke pahle akela banaata hai, isliye kabhi akele nahin bano