बुधवार 3 जून 2026 की दैनिक मुरली

03-06-2026 praatahmurli om shanti "baapdaada"' madhuban

“meethe bachche - baap ki aasheervaad leni hai to serviceable sapoot bachche ban sabko sukh do, kisi ko bhi duhkh na do''

prashn:- dharmaraaj ki sajaaon se chhootne ke liye kin eeshvareey niymon par dhyaan dena hai?

uttar:- kabhi bhi eeshvar ke saamne pratigya kar uski avagya nahin karna hai। kisi ko duhkh nahin dena। krodh karna, tang karna arthaat aisi chalan chalna jisse eeshvar ka naam badnaam ho… to unhein bahut sajaayen khaani padti isliye aisa koi karma nahin karna hai। maaya ke kitne bhi toofaan aayen, beemaari uthal khaaye lekin right-wrong ki buddhi se judgement kar wrong karma se sada bache rehna।

geet:- kaun aaya mere man ke dvaare...

om shanti। yeh kisne kaha - om shanti। baap aur daada। yeh to bachchon ko zaroor nishchay hoga ki hamaara paarlaukik baap hai - parampita paramatma shiv aur yeh (brahma) sab bachchon ka alaukik baap hai, inko hi prajaapita brahma kahenge। itne bachche aur kisko hote hain kya, sivaae prajaapita brahma ke। pahle nahin the jabki behad ke baap ne ismen pravesh kiya hai to yeh ho gaya daada। yeh daada khud kehte hain ki tumko paarlaukik baap ki property milti hai। potre hamesha daade ke vaaris hote hain। unka buddhiyog daade mein jaata hai kyonki daade ki property ka hak milna hai। jaise raajaaon ke paas jo bachche janma lete rahenge, aise hi kahenge badon ki property hai। badon ki property par unhon ka hak hai hi। tum bachche jaante ho ki ham behad ke baap dvaara bade te badi property svarga ki baadshaahi le rahe hain। hamko woh baap padha rahe hain। tum ab sammukh baithe ho। sammukh ka nasha bhi nambarvaar purushaartha anusaar rehta hai। koi ki dil mein to bada lav rehta hai। ham oonch te oonch bhagwan ke aakar is saakaar maat-pita dvaara vaaris bante hain। behad ka baap bahut meetha hai, jo hamko raajaai ke laayak banaate hain। maaya ne bilkul hi naalaayak bana diya hai। kal baba ke paas koi milne liye aaye the parantu woh kuchh samajhte thode hi the। baba ne samjhaaya yeh sab brahmaakumaar hain। tum bhi brahma ke va shiv ke bachche ho na। kaha hain to zaroor। yeh sirf sunkar kaha, parantu dil mein laga nahin। teer laga nahin ki sachmuch ham unke bachche hain। yeh bhi unke bachche hain, varsa le rahe hain। vaise hi hamaare paas bhi kai bachche hain jinko bahut thoda buddhi mein baithta hai। woh khushi, woh roohaab nahin dikhaai padta hai। andar bada khushi ka paara chadhna chaahiye। woh saara chehre par bhi aata hai। abhi tum sajniyon ka gyaan shrringaar ho raha hai। tum jaante ho, ham saajan ki sajniyaan hain। ek kheroot (kheti ka kaam karne vaale) ki ladki ki kahaani hai na। ek raaja kheroot ki ladki ko le aaya parantu phir bhi use raajaai mein maza nahin aaya to ladki ko vaapis gaanvade mein chhod aaya। bola tum raajaai ke laayak nahin ho। yahaan bhi baap shrringaar karte hain। tum bhavishya mein mahaaraani bano। shreekrishna ke liye bhi kehte hain bhagaaya, patraani banaane ke liye parantu kuchh samajhte nahin hain। sab hain irileejes minded। samajhte hain, aise hi duniya chalti rehti hai। kudrat hai। bahut hain jo mandir-tikaane mein bhi nahin jaate। na shaastron aadi ko maante hain। government bhi dharma ko maanne vaali nahin hai। bhaarat kis dharma ka tha, ab kis dharma ka hai, bilkul nahin jaante। abhi tum bachche ho daiveekul ke। jaise woh Christian kul ke hain vaise tum brahman kul ke ho। baap kehte hain pahle-pahle tum bachchon ko patit shoodra se brahman banaata hoon। paavan bante-bante phir 21 janmon ke liye tum daivi sampradaay ban jaayenge। daivi god mein jaayenge। aage the aasuri god mein। aasuri god se phir tum eeshvareey god mein aaye ho। ek baap ke bachche bhaai-behen hain। yeh ek wonder hai। sab kahenge ham brahman kul ke hain। hamko to shreemat par chalna hai, sabko sukh dena hai, raasta bataana hai। duniya mein koi nahin jo mukh se kahe - behad ke baap se behad ka varsa kaise liya jaata hai। tumko behad ka baap mila hai। tum hi unke bachche bane ho। buddhi se jaante ho kalpa pahle jinhonne baap se varsa liya hoga, vahi aakar lenge। thoda bhi buddhi mein hoga to kabhi na kabhi aakar pahunchenge। aayenge to kuchh na kuchh lene liye।

tumhaare mein bhi nambarvaar jaante hain। aaj paavan banne liye aaye hain, kal phir patit ban padte hain। kiska kharaab sang lagne se bhool jaate hain ki baap ka bankar phir baap ko chhoda to bahut paap aatma ho jaate hain। jaise koi kiska khoon karte hain to paap lagta hai। woh paap bhi thoda hai। yahaan jo baap ka bankar phaarakti de dete hain, pratigya kar phir vikaari ban padte hain to bahut paap lagta hai। agyaan kaal mein itna nahin lagta jitna gyaan mein lagta hai। agyaankaal mein to manushyon mein krodh common hota hai। yahaan tumne kis par krodh kiya to sauguna danda ho jaata hai। avastha bilkul gir jaati hai kyonki eeshvar ka pharmaan nahin maante hain। dharmaraaj ka pharmaan milta hai - pavitra banna hai। tum eeshvar ka ban jara bhi unke pharmaan ki avagya ki to sauguna danda chadh jaata hai। creator to woh ek hai। brahma-vishnu-shankar bhi unki rachna hain। dharmaraaj bhi creation hai। dharmaraaj ka roop bhi baba saakshaatkaar karaate hain। phir us samay siddha kar batlaate hain - dekho tumne pratigya ki thi, ham krodh nahin karenge, kisko duhkh nahin denge phir bhi tumne inko duhkh diya, tang kiya। ab khaao saja। bigar saakshaatkaar saza nahin dete hain। proof to chaahiye na। woh bhi samajhte hain - barobar, mainne baap ko chhodkar yeh kukarma kiya। badnaami karaane se phir bahuton par aaphat aa jaati hai। kitni ablaayen bandhan mein aa jaati hain। saara danda badnaami karaane vaalon par pad jaata hai isliye baap kehte hain - bade te bada paap aatma dekhna ho to yahaan dekho, dhobi ke paas bahut maile sade hue kapde jab hote hain to satka lagaane se phat padte hain। to yahaan bhi satka sahan na kar chale jaate hain। eeshvar ki god mein aakar direct unki avagya ki to saja khaani padegi। jo head braahmani party le aati hai, un par bahut badi responsibility hai। ek ne bhi agar haath chhod diya, vikaari bana to unka paap le aane vaale par aa jaayega। aise koi ko bhi indrasbha mein nahin laana chaahiye। neelam pari, pukhraaj pari ki kahaani bhi to hai na। indra sabha mein koi chhipaakar le aai to indrasbha mein baans aane lagi। to le aane vaali par danda pad gaya। aise kuchh kahaani hai। woh patthar ban gai। baba paarasnaath banaate hain phir agar avagya ki to patthar ban jaate hain। raajaai paane ka saubhaagya ganva dete hain। samjho koi gareeb raaja ki god lete hain। agar naalaayak ban pada aur raaja nikaal deve to kya hoga। phir kangaal ke kangaal ban padenge। yahaan bhi aise hai। phir bahut duhkh mahsoos hoga isliye baap kah dete hain - kabhi bhi koi avagya nahin karna। baap hai saadhaaran isliye shivbaaba ko bhool saakaar mein buddhi aa jaati hai। ab tum bachchon ko shreemat milti hai। jo gande ban padte hain, aise phir indrasbha mein baith na saken। har ek centre indraprastha hai, jahaan gyaan ki varsha ho rahi hai। neelmapri, pukhraaj pari naam to hai na। neelam, ratan ko kehte hain। yeh bachchon par naam rakhe jaate hain। koi to bahut achha jaise ratna hai, koi flaw nahin hai। javaahraat mein koi-koi bahut daagi hote hain। koi ekdam pure hote hain। yahaan bhi nambarvaar ratna hain। koi-koi ratna bahut valuable hain। bahut achhi service karte hain। koi to service ke badle disservice karte hain। gulaab ke phool aur ak ke phool mein bhi kitna pharka hai। shiv par donon chadhaate hain। ab tum jaan gaye ho, hamaare mein phool kaun-kaun hain। unki hi sab maangani karte hain ki baba hamko achhe-achhe phool do। ab achhe-achhe phool kahaan se laayen। ratna jyot phool to common hote hain। yeh bageecha hai na। tum gyaan gangaayen bhi ho। baba to saagar thahra na। yeh (brahma) hai brahmaputra bade te badi nadi। kalkatte mein brahmaputra nadi bahut badi hai। jahaan saagar aur nadi ka bada bhaari mela lagta hai। barobar gyaan saagar baba hai। yeh chaitanya gyaan saagar hai। tum bhi chaitanya gyaan nadiyaan ho। woh to hain paani ki gangaayen। vaastav mein nadiyon par naam pada hai parantu aasuri sampradaay yeh bhi bhool gaye hain। haridvaar mein ganga ke kinaare par chaturbhuj ka chitra dikhaate hain। unko bhi ganga kehte hain parantu manushya samajhte nahin ki yeh chaturbhuj kaun hai। barobar is samay tum svadarshan chakradhaari bante ho। tum ho sachchi gyaan nadiya। woh hain paani ki। vahaan jaakar snaan karte hain। samajhte kuchh bhi nahin। bas devi hai। manushya ko to kabhi 4-8 bhuja hoti nahin hain। kuchh bhi arth nahin samajhte। tum bachche jaante ho baba hamko kya banaate hain। ham to 100 pratishat besmajh the। baba ki god lene se ham svarga ke maalik bante hain। bhal yahaan koi raaja ho parantu svarga ke sukh aur abhi ke sukh mein raat-din ka farka hai। tumhaare mein koi aise bhi hain jo baap ko nahin samajhte hain to apne ko bhi nahin samajhte hain। dekhna chaahiye ki main kitni khushbu deta hoon? ulta-sulta to nahin bolta hoon? krodh to nahin karta hoon? baap jhat chalan se samajh lete hain ki yeh bachcha kaise hoga। serviceable bachche baap ko bahut pyaare lagte hain। sab to ek jaise pyaare nahin lag sakte hain। aise bachchon ke liye andar se automatically aasheervaad nikalti hai। baap ka naapharmaanbardaar bachcha hoga to baap kahenge aisa bachcha mua bhala। kitna naam badnaam karte hain, isko kaha jaata hai takdeer। kiski takdeer mein kya hai, jhat pata lag jaata hai।

baba samjhaate hain - yeh sapoot bachcha hai, woh kapoot hai। baapdaada ko nahin pahchaana, takdeer mein varsa lena nahin hai to kya karenge। is gyaan maarga mein kaayde bade kade hain। baap pavitra bane aur bachche na banen to woh bachcha hakdaar nahin ho sakta hai। usko bachcha nahin samjhenge। phir kahenge ham to shivbaaba ko vaaris banaayenge, to baba 21 janma ke liye hamko return mein denge। iska matlab yeh nahin ki baba ke paas aakar baith jaana hai। nahin, grihastha vyavhaar mein rehte sabko sambhaalna bhi hai, parantu trustee hokar rehna hai। aise nahin ki tumhaare bachchon aadi ko baap baith sambhaalenge। nahin, aise khyaalaat vaale bhatak padte hain। yahaan baba ke paas to bilkul pavitra chaahiye। apvitra koi baith na sake। nahin to pattharbuddhi ban jaayenge। baba koi shraap nahin dete hain। yeh to ek law hai। baap kehte hain - phir khabardaar rehna। karmendriyon se koi paap kiya to yeh mara। badi bhaari manzil hai। baba ka bachcha bana to phir beemaari saari uthal khaayegi। darna nahin hai। vaidya log bhi kehte hain - phalaani davaai se tumhaari beemaari baahar niklegi। tum darna nahin। baap bhi khud kehte hain - tum baap ke banenge to maaya raavan tumko bahut hairaan karega। khoob toofaan mein le aayega। abhi tumko wrong aur right ki buddhi mili hai। aur koi ko wrong-right ki buddhi nahin hai, sabki hai vinaash kaale vipreet buddhi। preet buddhi tumhaare mein bhi nambarvaar purushaartha anusaar hain। preet buddhi vaale baap ki service bahut achhi karenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) eeshvar ka bachcha bankar jara bhi unke pharmaan ki avagya nahin karni hai। in karmendriyon se koi bhi kukarma nahin karna hai। ulte-sulte bol nahin bolne hain। sapoot ban baap ki aasheervaad leni hai।

2) trustee bankar apne grihastha vyavhaar ko sambhaalna hai। gyaan maarga ke jo kaayde hain un par poora-poora chalna hai। right aur wrong ko samajhkar maaya se khabardaar rehna hai।

vardaan:- tadaphti hui bhikhaari, pyaasi aatmaon ki pyaas bujhaane vaale sarva khajaane se sampanna bhav

jaise lahron mein lahraati va doobti hui aatma ek tinke ka sahaara dhoondhati hai। aise duhkh ki ek lahar aane do phir dekhna anek sukh-shanti ki bhikhaari aatmaayen tadaphte hue aapke saamne aayengi। aisi pyaasi aatmaon ki pyaas bujhaane ke liye apne ko ateendriy sukh va sarva shaktiyon se, sarva khajaanon se bharpoor karo। sarva khajaane itne jama ho jo apni sthiti bhi kaayam rahe aur anya aatmaon ko bhi sampanna bana sako।

slogan:- kalyaan ki bhaavna rakh shiksha do to shikshaayen dil se lagengi।

ye avyakt ishaare - sada harshit rahne ke liye apni nature ko saral banaao, sahansheel bano।

sada harshit rehna yeh gyaan ka gun hai, ismen sirf roohaaniyat add karna hai। harshitpan ka sanskaar bhi ek vardaan hai jo samay par bahut sahayog deta hai। jo svayan sada harshit rehte hain woh kaise bhi man vaale ko bhi harshit kar dete hain, easy nature vaale apne khushnuma harshit chehre se bhaari vaayumandal ko bhi halka bana dete hain।