सोमवार 21 सितंबर 1964 की साकार मुरली - 1

> >

21-09-1964 madhuban aabu raatri murli saakaar baba om shanti madhuban

helo, good evening yeh ikkees septembar ka raatri class hai

baap aur bachchon ka sweetest sambandh । isko pyaara kaha jaata hai । kaha jaata hai na - sweet, sweeter phir sweetest । baap bhi bahut meetha, pyaara, to bachche bhi bahut meethe, pyaare; kyonki inko pahchaan milti hai ki barobar phir kalpa ke baad meetha banne ke liye meethe shivbaaba ki aakar santaan bante hain । santaan the, phir bhool jaate hain । phir goya jaise ki raavan ki santaan ban jaate hain । ham the eeshvar ki santaan । to ye kitna sweetest sambandh hai aur vo phir unke against kitna kaduva sambandh hai । kaduva bandhan kahen । sambandh na kahen; parantu bandhan kahen athva jeevanbandh । jabki sweetest baap hai to zaroor bachchon ko itni khushi ka paara bhi chadhna chaahiye । chadhna hai purushaartha se; kyonki vahaan se apni janjeeron ko kaatna hai । aise kahenge na, is samay baap ke sivaay aur koi ki bhi yaad na pade । ab ye kab ho sakta hai? jabki shareer chhodne ka samay aata hai । itna purushaartha karna hota hai pichhaadi mein aur koi bhi yaad na pade । phir isko avyabhichaari yaad bhi kaho, kyonki ek ke saath yaad va ek ki pooja usko avyabhichaari pooja ya avyabhichaari yaad kaha jaata hai । yahaan pooja to karni nahin hoti hai । vahaan pooja karni hoti hai । poojya banne ke liye phir pooja chhoot jaati hai । phir sirf yaad rehti hai । bhaktimaarga me kiski bhi yaad kare, shiv ki ya trimoorti me se koi ki bhi to itna koi phal nahin mil sakta hai, jitna is samay ki yaad mein phal milta hai; kyonki us samay ki yaad mein kisko ye pata nahin padta hai ki hamko iski yaad se milna kya hai । yeh to bachche jaante hain ki baap ki yaad se baap ka varsa milna hai । badi praapti hai । bhaktimaarga mein praapti ka koi pata nahin rehta hai । is samay mein samjha jaata hai ki bhaktimaarga mein praapti to nahin, parantu aur hi kangaalapna hota jaata hai । dekho, bhaktimaarga kaudi jaisa bana deta hai na । to abhi bachche jaante hain ki ek baap ki yaad mein rehna hai । bhaktimaarga mein to sabhi mitra-sambandhi bhi yaad padte hain na । devtaaon ki bhi yaad ya pooja karte hain aur phir mitra-sambandhiyon ki bhi yaad bahut rehti hai । yahaan to na mitra-sambandhiyon ki yaad hai, na koi devi-devtaaon ki yaad hai । sirf ek ki yaad hai । to aur hi takleeph se chhoot jaate hain । bahuton ki yaad se achha hai ki ek ko hi yaad rakhen to aur hi sahaj ho jaata hai । vahaan to buddhi bhatakti rehti hai । ismen buddhi ko bhatakne ki koi jaroorat nahin hai । bas ek ke saath jo jitna-jitna yog lagaate hain ya baap ko yaad karte hain, unko bahut hi praapti honi hai, kyonki baap ki yaad se varsa aur varse ki yaad se zaroor baap bhi yaad aaenge । ye donon ka connection hai । varsa akshar lagta hi hai baap ke saath aur baap ke saath varsa ka akshar lagta hai । bachche ye jaante hain ki baap se hi property ka varsa milta hai, aur koi se bhi nahin milta hai । yahaan laukik baap se had ka, vahaan paarlaukik baap se behad ka varsa milta hai । ye sirf tum bachche jaante ho, jinhonne baap dvaara apne baap ko jaana hai । baap ne bachchon ko show kiya hai, bachchon ko phir baap ka show karna hai । kaise? ki abhi hamko behad ka baap mila hai, do baap to chalte aae hain, isliye ab apne baap se hi yog jutaate hain । aise nahin hai ki un baap se koi toot jaati hai । vo hote hue bhi phir us baap ko yaad karna hain; kyonki is kalhayugi patit grihastha vyavhaar mein rehna to hai zaroor । to grihastha vyavhaar mein rahkar phir apni avastha ko jamaana hai; parantu jo bandhan mukta hain vo to baap ke saath bhi rah sakte hain; kyonki baap ke saath mein bhi to chaahiye na । maa-baap aur kuchh to bachche ghar mein chaahiye na । to jo bhi rehte hain so sabhi nambarvaar aur purushaartha anusaar । bachche jaante hain ki barobar gupta vesh me baap aae hain । isko gupta vesh kahenge । dekho, vesh to hai na manushya ka । baap svayan aakar kehte hain ki main inmen inka rathi bana hoon । yahaan koi ghode-gaadiyon ki baat nahin hai । yahaan to rath inko hi kaha jaata hai । vo arjun ka rath samajhte hain । nahin, ye brahma ka rath hai । to brahma se brahman paida ho sakte hain । arjun se brahman kaise paida honge? to aise-aise bachchon ko apne saath aape hi ye vaartaalaap karna chaahiye । usko vichaar-saagar-manthan kaha jaata hai । to kahaan bhi ho, bhale vilaayat mein ho, to bhi yahaan to yaad karna hai ki baba aaya hua hai । zaroor baba aae hue hain to phirta hoga aur dekhte ho ki kalpa pahle muaaphik vilaayat me bhi hoga, koi bombe hoga, koi kahaan hoga । abhi to tum jaan gae ho ki vahaan koi shahar, gaanv vagairah to likhe hue hain nahin । yuddha ka maidaan hai । yooropvaasi yaadav kaurav paandav kya karat bhae? yaadav kisko kaha jaata hai? kisko maaloom thode hi hai । yaadav kaun the, ye geeta se kabhi bhi pata nahin padta hai । ab tum bachchon ko pata pada ki yaadav inhon ko kaha jaata hai । aage inko to yooropiyansa kehte the na । abhi un logon ne inka naam badal diya । zaroor kalpa pahle bhi aise hi badla hoga aur shreemat par badlaaya hoga sab kuchh । barobar unho ko hi yaadav kaha jaata hai, jinhonne bombsa vagairah banaae hain । vahaan to sirf likh dete hain moosal । abhi mooslon se kya hua? abhi to practical mein jaante ho na ki mooslon se kya hota hai । geeta se thode hi maaloom padta hai ki bombsa hote hain, phenkenge to saara yadukul khalaas ho jaaega । ye thode hi buddhi mein aata hai । abhi maaloom padta hai bachchon ko ki barobar ye aitomik bombsa kalpa pahle bhi bane the zaroor, jinse inhonne apne kul ka vidhvans kiya tha । abhi tum bachche to sammukh ho aur jaise ki baap aae the, sangamayug par sunaaya tha, phir sangam par baithkar sunaate hain । kalpa pahle bhi aise hi tum bachchon ne vedshaastra vagairah padhe hue honge । phir aakar sammukh bachchon ko padha rahe hai । geet bhi hai - jo piya ke saath hai । dekho, hai na phir । to bachchon ko vaastav mein chalte phirte uthte khushi ka paara to chadha rehna chaahiye na । isko, mama ko, tum bachchon ko, sabko । bhale ye grihastha vyavhaar se alag ho gae hain । vaise tum bhi alag ho gae; kyonki bhatthi mein padna tha । zaroor kalpa pahle bhi aise hi bhaage hue honge nadi paar karke । agar krishna gaya hoga to krishna ke sab sambandhi vagairah bhi chale gae honge । ye bhi aise hi hai । tum bhi to sambandhi thahre na । sab nadi paar karke gae the । koi tokri aur nand ki to baat hi nahin hai । na krishnaapuri mein hi koi dar ki baat hoti hai । kans, jaraasindhi bhi yahaan ki aasuri sampradaay ko kaha jaata hai । to jab aasuri sampradaay hai vahaan krishna to ho bhi nahin sakte hain । baba ne samjhaaya hai na ki devtaaon ka paachha ya pair is puraani srishti par nahin padte hain । agar dvaapar kahe to bhi puraani hai । devtaaen to puraani srishti par ho bhi nahin sakte hain । isse siddha hota hai ki krishna ka naam bhool se daal diya hai । krishna naam dene se brahman kul ka hi pata nahin pade । nahin to brahman khud gaate hain ki brahman devi-devtaay namah । parampita paramatma ne brahma dvaara brahman, devi-devta aur kshatriy dharma sthaapan kie aur ab tum jaante ho ki barobar kar rahe hain । brahman dharma sthaapan hua, phir devi-devta aur kshatriy dharma mein aaenge aur ye brahman kul mein to ek hi janma hai । dekho, kitna chhota kul hai । kitna pharka hai! dekho, devtaao ke liye bhi to saara yahaan tak diya hai । kshatriyon ke liye bhi bhujaaen di hain । vaishya ke liye pet de diya hai । baaki kalhayug ko lambi taangen di hain । ye bhi is samay mein bachchon ki buddhi mein baithta hai । ek hi baat bachchon ko achha nishchay ho jaae ki ham aatmaaen hain aur shareer lete-lete; hamko 84 janma aakar poore hue hain । abhi baap aae hain lene ke liye ।… ghar-gahastha vyavhaar mein rahkar apne ko aatma nishchay karen aur baap ko yaad karte rahen । baba ne to bata diya hai na ki yaad karte-karte apna chart nikaalte raho ki baba ki yaad mein kitna samay gaya । ab ye to bachchon ko zaroor rakhna pade । bhale likhe nahin; parantu apne apan ko samajh to sakte hain na ki ham kitna samay baap ko yaad karte hain । (myujik baja) meethe-meethe sikeeldhe gyaan sitaaron prati maat-pita va baapdaada ka dil jaan, sik va prem se nambarvaar purushaartha anusaar yaad pyaar aur good night ।