बुधवार 23 सितंबर 1964 की साकार मुरली

> >

23-09-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj budhvaar septembar ki teees taareekh hai, praatah class mein baapdaada ki murli sunte hain।

record :-

maata O maata jeevan ki daata …

omshaanti । bachchon ne maa ki upma suni । yoon vaastav mein upma to ek ki hi honi hai । maa ko bhi jagad amba banaane vaala phir bhi to koi aur hai । janma dene vaala to zaroor koi aur hai । to aisi maa ko bhi janma kisne diya? kahenge patit-paavan parampita paramatma shiv ne diya । to phir bhi mahima chali jaati hai ek hi patit-paavan parampita gyaan saagar shivbaaba ki । vo baith karke bachchon ko apna aur apni rachna ke aadi-madhya-ant ka aur patiton ko paavan karne ka raaj samjhaate hain । ye to bachche hi samajh gae ki is samay mein patit raajya hai, jisko phir bhaaratvaasi raavan raajya hi kahenge; kyonki abhi dashahra aata hai na । ye to bachchon ko samjhaaya gaya hai ki ye andhashraddha ke utsav hain, kyonki aise to hai nahin ki koi ek raavan tha aur lanka ka raaja tha । lanka to phir kaha jaata hai shri lanka ko । tum jaante ho ki yahaan ek pul bhi bodhi hui hai aur dikhlaate hain ki raam, jiski seeta churaai gai thi, yeh ek dantaktha hai । to ye jo bhi novels hote hain inko bhi dantakthaaen kaha jaata hai । bhaarat mein bhaaratvaasiyon ka jo shaastra hain vo bhi ek dantaktha hoti hai । abhi aise to koi nahin samajhte hain ki raavan lanka ka raaja tha, shri lon ka raaja tha । agar koi 10 sheesh vaala raavan shreelon ka raaja tha, to phir lanka mein hi raavan ka effigy bhi jalaate honge, parantu baba nahin samajhte hai ki koi raavan ki effigy koi lanka mein jalaate honge; kyonki ye yahaan ke hi hain । yahaan dhaam-dhoom se, akhbaar mein bhi yahaan padta hai ki raavan ko bade-bade mahaaraaja, usmein bhi sabse jaasti utsav manaate hain maisoor ka mahaaraaja । shaayad maisoor mein unka is dantaktha se bahut prem dekhne mein aata hai । samajhte to bichaare kuchh bhi nahin hain । unko samjhaana bhi to tum bachchon ka kaam hai ki kya karte ho ye raavan ka, kyonki jiska but bana karke jalaaya jaata hai vo hota hai dushman ka । aage jab badi ladaai lagi thi to Hitler ka effigy bana karke jalaate the । ek- do ke dushman ko । dushman koi ek manushya nahin hota hai, bahuton ke dushman hote hain । jaise nehru ko bhi paakistaani samajhte the । to unki bhi effigy kahaan-kahaan bana karke jala di; kyonki ek manushya dushman hai । ye raavan kiska dushman tha । to aise siddha karte hain ki ye bhaarat ka dushman tha, bhaaratvaasiyon ka dushman tha, parantu dushman ko bhi ek dapha jalaaya jaata hai । agar samjho, nehru ko lo ya koi ko bhi lo, agar dushman hai to phir har baras jalaani chaahiye jab talak vo jeeta rahe, ek dapha nahin; parantu koi bhi dushman ko baras-baras to koi jalaate hi nahin hain । bahuton ki effigy jalaate hain । dekho, cheen ka president hoga na… .to unki bhi effigy bana karke jalaate hain; kyonki dushman hai । abhi aise nahin ki baras-baras uska effigy jalaate rahenge । koi baras-baras jalaate hai? nahin । jalaaya hoga to ek-do dapha jalaaya hoga; parantu ye phir kaun hai, jiski bhaarat mein bahut samay se 10 sheesh aur bahut bhujaaen vaali effigy banaay jalaate rehte hain? ye dushman kab se shuru hua hai, jo marta hi nahin hai? aakhreen mein to ye dushman khatma ho jaaega ya rahega hi rahega? tum bachchon ko bhi to samjhaana hai na । tum bachche to jaante ho yeh dushman jo raavan hai, vo to na sirf bhaarat ka hai, yoon ye kahenge ki bhaarat ka khaas, kyonki bhaarat hi bahut pavitra tha aur bhaarat ko hi raavan ne apvitra banaaya hai । isko kaha hi jaata hai raavan raajya, kyonki kehte the ki lanka mein inka raajya tha । to zaroor kahenge unki koi raani bhi hogi । to phir dikhlaate hain ki mandodri ek unki raani bhi thi । to jaisa ki king bhi tha to queen bhi thi । aise zaroor samjha jaaega na; parantu abhi yeh tumhaari buddhi mein thaharti nahin hai । vo jo raavan sampradaay hain, vo to baith karke ye baaten sunen । tum jo daivi eeshvareey sampradaay bane ho, tum to ye nahin maanenge ki raavan koi abhi talak jeeta hai ya kya hai; kyonki samajhte to nahin hain na! vo to bichaare samajhte hain ki abhi jeeta hai, to phir uski effigy jalaate hain; kyonki ji raha hai । nahin to ek dapha maar diya phir khalaas hua na! achha, jitni unki aayu hai itna to bhala jalaana chaahiye na! yahaan to har baras jalaai jaati hai । jo bhi committee ke bade bante hain, to unko bachchon ko samjhaana chaahiye । jaise maisoor ka mahaaraaja hai । vo to sabse jaasti are । bahut foreigners ko bhi mangaate hain dikhlaane ke liye । to foreigners bhi bichaare dekhenge to aise kahenge ki bhaarat mein kuchh aisa hua hoga jo ye dikhlaate hain । baaki aisa kuchh hua to hai nahin । to novel ho gai na! ek naatak bana dete hain । poora naatak bhi banaate hain raavan aur seeta ke haran ka । to abhi tum bachchon ko ek to raavan ki yeh baat samjhaani padti hai । yeh to badi jabardasta baat hai jo unko samjhaana pade ki yeh raavan ka raajya shuru kab se hua hai, jo jalaate aate ho? jalaate aate ho to tum zaroor abhi raavan ke raajya mein baithe ho aur hai bhi barobar raavan raajya; kyonki patit raajya ko hi raavan raajya kehte hain aur paavan raajya ko hi raam raajya kehte hain । raam raajya aur raavan raajya, so to tum bachchon ko samjhaaya gaya hai ki barobar half and half hai । raavan kaha hi jaata hai 5 vikaar ko । raavan koi aur cheej nahin hai, jinko jalaane ki cheej hai । tum raavan ka effigy banaakar phir thode hi jalaane vaale ho । nahin, yahaan to jo bhi raavan ki sampradaay, aasuri sampradaay hain vo sabhi jal jaane vaali hain । samjha na! koi ladaai ki to baat hi nahin rehti hai ki koi raam ke bandaron ki aur raavan ke asuron ki ladaai lagi thi । aise to nahin kahenge na kyonki yeh gaai hui hai ki raavan ki aur raam ki yaani aasuri sampradaay ki aur daivi sampradaay ki ladaai lagi thi । raam ko to daivi sampradaay kahenge । abhi aise to koi ladaai lagi nahin hai । samjhaana pade ki agar raavan jeeta hai to phir raavan ka raajya thahra । to zaroor ye raavan sampradaay thahre, kyonki raavan hai patit banaane vaala aur raam hai paavan banaane vaala । to zaroor patit bhi koi banaate hain na । to tum jaante ho ki barobar ye raavan, jo sarvavyaapi hai, 5 vikaar jo sarvavyaapi hain, unko hi raavan kaha jaata hai । agar koi kahe ki haan, mere mein eeshvar viraajmaan hai । to tum yeh samajh sakte ho ki jismen eeshvar viraajmaan hoga vo hoga daivi sampradaay । unko aasuri sampradaay to kah hi na sake । to inko samjhaayen kaise? tum bachchon ne aage dashahre mein chitra to nikaale the । ye nikaale the ki bhai, ye hai raavan sampradaay । abhi unmein tithi-taareekh bhi daalni pade । ye raavan sampradaay abhi talak bhi hai; kyonki har ek manushya mein jo 5 vikaar hain vo hi raavan hai aur aisi jo sampradaay hai unka hi vinaash hota hai, unko hi patit kaha jaata hai । to tum jaante ho ki barobar aate bhi hain ki patit ko vinaash karo aur paavan ki sthaapna karo । to dekho, tum paavan ban rahe ho aur jaante ho ki barobar ham purushaartha kar rahe hain । paavan bhi kab banenge? kab maaloom padega ki tum sabhi paavan ban gae? jab tum paavan ban jaaenge tab phir ye jo raavan sampradaay hai unko aag lagegi । peechhe satayug mein to koi effigy nahin banaaenge na । vahaan to raavan sampradaay hoti nahin hai, to phir vahaan unki effigy nahin banaani padegi । peechhe to sabhi paavan ho jaaenge । to kaun paavan honge? zaroor kahenge aatma paavan hoti hai । to aatma paavan banni hai, kyonki patit hai । usko hi kaha jaata hai ki barobar yeh jo aatma hai, usmein jo taakat satopradhaan ki thi yaani jaagti jyot thi, patit banne se phir vo jyot ujhaani gai hai arthaat aatma aisi cheej nahin hai jyot vagairah yeh samajhne ki baat hai ki main aatma abhi patit ban gaya hoon mere mein abhi udne ki taakat nahin hai, kyonki 5 vikaar se ye aatma iron aged ho gai hai । jyoti aadi ki bahut baaten samjhaane se manushya bahut moonjh bhi padte hain । to unko yeh zaroor samjhaana hai ki aatma ko jaagrit karne vaala…ye to sabhi kehte hain ki barobar…jyoti swaroop parampita paramatma aaenge । jyoti swaroop to tum bhi ho aur parampita paramatma bhi hai, kyonki bachche hi tum unke ho । to tumhaari jyoti, jo taakat hai vo jaise ki ujhiyaani hui hai; kyonki khaad pad gai hai । baaki ja karke ekdam joori jaise phir drishtaant dete hain ki jab manushya marte hain to 12 din deeva jagaate hain । unki badi sambhaal karte hain । tum jaante ho ki barobar ghi daalne se bahut achha jalta hai । peechhe manda hokar baaki ujhaan ke taraph hote hain jo phir ja karke ghi daalte hain । aise hote hain na! to yeh aatma ki bhi aise hi hai । baap abhi aa karke ye gyaan se jyot jagaate hain । kehte hai na - tum gyaan se jyot jagaai baba ne । phir ye jagi hui jyoti kitna samay chalti hai? vo to subah ko jagaate hain, phir bhi ek do dapha ghi daalte hain । nahin raat ko jagaate hain । jab marte hain to vo saara din jagaate rehte hain । to abhi tum ye jaante ho ki abhi tumhaari jyoti jag rahi hai । jagte-jagte full jag jaaegi । phir us jyot ko bujhne mein tumko 5000 varsha lag jaate hain । jabki phir baap aay karke tumhaare mein gyaan ka ghrit daalen । samjha! abhi tum har ek jeev aatma ki jyot jag rahi hai । achha, phir ye jyot udaane mein yaani bahut kam aa jaaegi, jab gyaan ghrit daalen । phir unko 5000 varsha lag jaate hain; kyonki phir jyot ujhaati jaati hai, kalaaen kam hi hoti jaati hain; kyonki ek janma past hua, thodi kala kam । bahut thodi-thodi kala aise kamti hoti jaati hai । abhi tum jaante ho ki abhi hamaari jyot jagti hai । phir yahaan bhaarat mein satayug mein ghar-ghar mein sojhra hoga । bhaarat ki baat hai na! deepaavli bhi bhaarat mein manaai jaati hai । tum jaante ho ki abhi to ghar-ghar mein andhiyaara hai । khushiyaan to koi hai nahin bilkul hi । khushi to satayug mein hoti hai । kalhayug mein khushi to hoti nahin hai । to tum jaante ho ki ham khushi se satayug se le karke treta tak bahut khushi manaate hain; kyonki jyot bahut achhi jagi hai । bahut thodi-thodi kamti hoti jaati hai । phir jab raavan raajya aata hai tab to jaldi-jaldi se kam hote-hote is samay mein jaise ujhiyaani padi hai । yaani khaad pad gaya hai । ab ye sab tumhaari buddhi mein to achhi tarah se hai na । achha, phir baap aa karke tumhaari aatma mein gyaan ka ghrit daalte hain । isko phir ghrit kehte hain; parantu apan to knowledge hi kahenge ki baap aa karke hamko phir se jaagti jyot banaate hain । ab phir hamaari gyaan ki chakshu khul jaati hai । to dekho, kitni tumhaari gyaan ki chakshu khul gai hai ki barobar ab ham, jo hamaari saari kala-kaaya khalaas ho gai hai arthaat raahu ka grahan lag gaya hai, ham bilkul hi kaale ban gae hain । raashtra ka grahan yahaan to ghadiyaan dikhlaate hain ki phalaani ghadi se shuru hoga, phalaani ghadi mein banda hoga । tumhaara jo ye raashtra ka, maaya ka kaala hone ka grahan hai, isko kaha hi jaata hai raashtra ka grahan chandrama-soorya ko kaala karne ka hota hai । koi doosra rang nahin, kaala । to tum jaante ho ki tumko kaala hone me kitna samay lagta hai । shuru se le karke thoda-thoda phir jab maaya aati hai na to bahut kaale banne shuru ho jaate ho । phir kahenge ki is samay se raavan aa karke; kyonki raavan ko hi raahu ki dasha kahenge । to tumhaare oopar raahu ki dasha hai । raahu ki dasha hai sabse kadi aur sabse achhi hai brihaspat ki dasha । to tumko abhi brihaspat ki dasha mil rahi hai practical mein yaani tum padhte ho, purushaartha karte ho । kya banne ke liye? ye vishwa ka maalik banne ke liye । kis dvaara? vrikshapti va brihaspati, phir guru bhi to hai na! vrikshapti brihaspati aur vo hai guru । kaun-sa guru? avinaashi guru । avinaashi guru kiska? avinaashi aatmaon ka । vo jo manushya hain vo manushya koi aatma ka guru vaastav mein nahin bante hain, vo to manushya manushya ka guru bante hain । tumhaari aatma ka aa karke guru kaun bana hai? vrikshapti parampita paramatma । yeh to tum hi samajhti ho ki barobar hamaare oopar abhi brihaspati ki dasha hai । svarga ke tum maalik banengi, ye to zaroor hai । sukh to avinaashi hai; parantu us sukh mein bhi purushaartha ki jaroorat hai ki ham us sukhdhaam ke mahaaraaja banen, mahaaraani banen ya kya banen, kyonki school mein purushaartha to har ek ka apna-apna chalta hai na । to ye ho gaya school । inko geeta-paathshaala kaha jaata hai । kiski paathshaala? ye rudra ki ya shiv ki; kyonki gyaan saagar hai na । to tum abhi us gyaan saagar ki paathshaala mein padh rahe ho । yaani parampita paramatma, jo bhagvaanuvaach tumko raajayog sikhlaay rahe hain । kaun sikhla rahe hain? baba sikhlaay rahe hain । kaun-sa baba? hamaara avinaashi aatmaon ka avinaashi baba । baba ne samjhaaya hai ki ek hai jismaani baba, ek hai roohaani baba । abhi donon ka konatraasta bhi tum bachchon ko bataana hai ki roohaani baba kab milte hain, jisko rooh bhaktimaarga mein yaad karte rehte hain । sabhi jo bhi bhagat hain vo do baap ko jaante hain । ek jismaani, jisko kahenge vinaashi baap । ghadi-ghadi vinaash hote hain na । aatma to vinaash nahin hoti । abhi aatma kehti hai । aatma samajh gai ki barobar hamaara jo laukik baap yaani jismaani baap hai, vo to ham badalte aate hain । satayug se le karke ham baap badalte aate hain । yaani baap bigar to bachche ka janma nahin hua । yeh samajhne ki points hain, kyonki vishaal buddhi mili na । ham kab se do baap vaale bante hain? tum jaante ho ki satayug mein ek baap rehte hain aur unko hi yaad kiya jaata hai । unko to koi yaad hi nahin karte hain; kyonki aatma ko yaad karne ki unki darkaar nahin rehti hai, kyonki aatma ko satayug mein apna shareer jo milta hai vo gora milta hai aur praalabdha ka shareer milta hai, isliye vo baap ko nahin yaad karti hai । abhi is samay mein bhaktimaarga mein tumko samjhaana zaroor hai । tumhaara ek laukik baap hai, vo hai vinaashi । ghadi-ghadi tumko naya baap zaroor milta hai jab shareer chhodte ho । vo to ho gaya vinaashi baap । tum jo aatma avinaashi ho, vo avinaashi baap ko bhi yaad karte ho । tumko jab duhkh lagta hai tab kehte ho O parampita! uska naam hi hai paramdham mein rahne vaala pita । laukik pita ko kabhi parampita nahin kahenge । samjhaana to bahut zaroori hai । tumko to abhi samjhaana hai, satayug ki baat to peechhe rahegi । abhi tumko samjhaana zaroor hai । raavan ke liye to tumko samjhaana hi hai । tumko phir yeh…nikaalna hai । samjhaana hai ki raavan raajya abhi hai yaani patit raajya hai aur patit ko paavan karne vaale ko bula rahe hain । to kaun hai? vo hai avinaashi baap । bachchon ko do baap zaroor siddha karna hai aur inmen hi saara raaj hai । barobar… aatma to avinaashi hai hi । unka bhi baap hai zaroor । vinaashi baap ko bhi to yaad karte hain; kyonki unka to laukik baap hai hi । phir parlaukik parampita ko bhi yaad karte hain । unko parampita nahin kahenge, unko parampita kahenge । har janma mein, jab bhi doosre baap milte hain tabhi bhi unko zaroor yaad karte hain । vo badalne vaala nahin hai, unka naam-roop badal jaata hai । unko jo yaad karte aate hain, kabhi badalte nahin hain । baap apne liye hi kehte hain ki tum barobar mujhe yaad karte aae ho- he parampita! phir kah dete ho 'paramatma । param aatma yaani paramatma । unko yaad karte aate ho zaroor । kab tak tumko yaad karna hai, kab tumko milna. vo to tum jaan gae ho । to barobar jab kalhayug ka ant hota hai, bhaktimaarga ka ant hota hai tab vo bhakton ko phal dene ke liye aate hain, kyonki phir bhakti khatma ho jaati hai । bhakton ko kya phal dete hain? baap ne to samjhaaya hai ki barobar sab bhakton ko ham mukti va jeevanmukti deta hoon । baaki jeevanmukti hi kahenge, kyonki mukti bhi kehna hota hai, jeevanmukti bhi kehna hota hai । unko hi patiton ko paavan banaana hai । ye jaante ho ki barobar satayug mein ek dharma hota hai arthaat unko kahenge oneness । ye jo kehte hain na oneness honi chaahiye, sabhi mil jaaven । abhi sabhi dharma to oneness nahin ho sakte hain na । jab ek raajya ho jaata hai tab pavitrata bhi hai, shanti bhi hai to sukh bhi hai aur bhaarat mein tha zaroor । phir us samay mein to koi raavan nahin jalaay sakte honge; kyonki duhkh dene vaali koi cheej hi nahin hai । ye to raavan raajya hai isliye raavan ko jalaate rehte hain । to tumko yeh zaroor sabko samjhaana hai ki do baap siddha kar dena hai ki ek avinaashi aatma ka baap; kyonki aatma bhi avinaashi to baap bhi avinaashi aur aatma. vinaashi baap hote bhi unko zaroor yaad karti hai । yeh bahut achhi tarah se buddhi mein daalo ki bhakton ke do baap zaroor hain । sab bhagat hain, saadhu bhi bhagat hain, sab bachche bhagat hain, kyonki ye hai hi bhakti kat । isko kaha hi jaaega brahma ki raat । do baap ka samjhaane se phir samjhenge vo baap hai hi avinaashi । usko kaha hi jaata hai nai duniya rachne vaala baap । to ho jaaega new world । kya rachne vaala? nai duniya । nai duniya mein to devi-devtaaen the । phir vahaan duniya nai se puraani banti hai । dekho, tum puraani bane ho na! ab 84 janma ka hisaab karenge - nai duniya mein hamaare kitne janma beete, puraani duniya mein kitne janma beete । ye to koi samajh nahin sakte hain; kyonki 84 janma ka hisaab pada hua hai । aise bhi nahin koi kahenge ki 84 janma half and half hona chaahiye । 42 nae-nae, 42 puraane । nahin । phir samjhaate hain - yahaan tumhaari aayu badi hai aur bhaarat mein gaaya jaata hai ki aage bhaarat ki average aayu sava sau varsha ya dedh sau varsha thi । abhi bhaarat ki hi aayu ko kehte hain ki 35 varsha hui । aise ho nahin sakta hai ki half and half ho sakti hai …kyonki 84 ka to hisaab chaahiye na । mukhya baat hai ki baba ne aa karke kaha hai ki bachche, tumhaara 84 ka chakkar poora hua । 84 janma ko tum bachche nahin jaante ho, ham tumko baith karke samjhaate hain । 84 ke janma ko sivaay parampita paramatma ke koi samjha to nahin sake na । ye drama hai na, usko bhi to samajhna zaroor hai । manushya samjhenge behad ka drama । 84 janma ka chakkar bhi manushya jaanenge, parantu koi jaante nahin hain… । baap khud kehte hain main tumko 84 janma ka raaj samjhaata hoon । kitna bada achha raaj hai । tum kitne khush hote ho । haan, abhi 84 poora hua, abhi chalo ham apne dhaam mein chalen । iske liye purushaartha karna hai zaroor । naatak poora hota hai ye tum samajhte ho । duniya nahin samajhti hai । vo samajhte hain naatak poora hone mein 40 hajaar varsha pade hain । isliye vo bichaare ghor andhiyaare mein hain । to unhein tumko jagaana hai । achha, toli le aao ।… bhagwan kaha hi jaata hai parampita ko । bhagwan unko hi kahenge । tum barobar kehte ho baba । shiv ko baba hi kaha jaata hai । to baba zaroor varsa denge na । to dekho, kaise varsa dete hain । kaise raajayog sikhlaate hain । …unko sarvavyaapi nahin kehte hain । jo bada baba hai unko sarvavyaapi kah dete hain । bhool hai na । 5 vikaar sarvavyaapi hain । uske badle mein yeh log bhool karke kah dete hain eeshvar sarvavyaapi । aise hi jaise bachche hote hain na, nahin jaante hain ।

meethe-meethe sikeeldhe bachchon prati maat-pita, baapdaada ka yatha yog, yatha service tatha yaad aur pyaar । to jitni jo bahut service karte rahenge vo baap ko bhi yaad karte rehte hain, kyonki doosron ko baap ki yaad dilaate hain । abhi yeh do baap ki to yaad dilaani hai na । ek aur doosra । jo meri jaasti yaad dilaate hain vo mera jaasti sarvisebul bachcha hai । to kehte hain nambarvaar sarvisebul bachchon ko yaadapyaar aur good morning ।