Avyakt murli for Tuesday 21 January 1969 - 1
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
21-01-69 om shanti avyakt baapdaada madhuban
"amritvele praapta divya sandesh"
aaj jab vatan mein gai to sabhi bachchon ki or se baba ko yaadapyaar di aur arji daali। brahma baba ko bhi arji daali। to brahma baba yahi bole ki mera haath to shivbaaba ke paas hai। jo karaayenge ham vahi karenge। hamne shivbaaba se bola - baba, itne sabhi aapke bachche hain, aap sabhi aashaayen poorn karne vaale ho। baba ek aash hamaari poorn kar do-to baba ne phauran ek daal dikhaai jiske beech mein likha hua tha - bhaavi taale naahin tale। to hamne baba ko kaha agar yahi bhaavi hai to sabhi bachche jo iktthe hue hain ve shivbaaba aur brahma baba donon se milna chaahte hain। baapdaada ne kaha jaise hamesha baapdaada bachchon se milte hain vaise aaj bhi bachchon se milenge। phir shivbaaba ne brahma baba se kaha ki aapki kya raay hai। shivbaaba ne kaha ki jab bachcha bada hota hai to baap aur bachcha samaan hota hai। to main bhi murabbi bachche ki raay bina kuchh nahin kar sakta hoon। pahle baap phir bachcha, abhi hai pahle bachcha phir baap। to yahi vatan mein dekha - donon hi ek samaan aur ek do ke bahut sneh aur prem mein the। jaise do mitra milte hain, aise hi baap-daada donon ki aapas mein roohroohaan ki scene dikhaai de rahi thi। brahma baba kahe jo aagya aur shivbaaba kahe jo bachche ki raay। donon hi muskara rahe the। hamne kaha ek second ke liye bachchon se mulaakaat karke aaiye। us samay donon ki taraph dekha to aankhon se aisa laga ki jo shivbaaba ne kaha woh brahma baba ko manjoor tha।
(baapdaada guljaar sandeshi ke tan mein padhaare - aur mahaavaakya uchchaaran kiye)
"aapko aakaari banaane baapdaada abhi bhi kaayam hai aur kaayam rahega। abhi baapdaada aap roohaani ratnon se mil vidaai lete hain phir milenge। jo hota hai usmein kalyaan hai। baapdaada aur kalyaan। aur koi shabd nahin।"
(sandeshi ke vaapas aane par vatan ka sandesh)
baba ne kaha - pyaar aur yaad। jaise is samay har ek ke andar baba dekhkar aaye hain। aise hi yaad aur pyaar hamesha kaayam rakhenge। yeh yaad aur pyaar jaise ki ek rassi hai। us rassi ko kaayam rakhna hai। is rassi ke jariye beech mein milte rahenge। baba ne kaha sthaapna ka kaarya jo aur jaise aadi se chala hai ant tak aise hi chalega। antar nahin। jin bachchon ko baba nimitta rakhte hain unhon dvaara baapdaada sabhi bachchon ko direction dete rahenge। aur bachche anubhav karte rahenge ki kaise baapdaada ki iktathi direction hogi। sangamayug par baapdaada donon ko alag nahin hona hai। baba ne kaha sabhi ko do shabd kehna - atal aur akhanda। yeh baapdaada donon ki saugaat hai। jaise koi bade log kahaan jaate hain to saugaat dete hain। aise baapdaada donon hi do shabdon ki saugaat dete hain atal aur akhanda। ise buddhi roopi tijori mein aisa rakhen jo kitna bhi koi churaane ki koshish kare to bhi saugaat saath rahe। phir baba ne kaha, ab thode samay ke liye vidaai leta hoon। phir jaise-jaise kaarya hoga direction deta rahoonga।