Avyakt murli for Thursday 17 April 1969 - 2

>

17-04-69 om shanti avyakt baapdaada madhuban

"braahmanon ka mukhya sanskaar - sarvasva tyaagi"

aap sabhi ka sangathan khaas kislie mangaaya hai? sangathan ke liye mukhya chaar baaten zaroori hain - 1 - aapas mein ek do mein sneh 2-najdeek sambandh 3-service ki jimmevaari aur 4-gyaan-yog ki dhaarna ka saboot। in chaaron baaton mein taiyaar ho?ek do mein snehi kaise banna hota hai?snehi banne ka saadhan kaun-sa hai? yeh jo ek do se door ho jaate hain uska kaaran yeh hai - kyonki ek do ke sanskaar, ek do ke sankalp nahin milte hain। sabhi ke sankalp, sanskaar ek ho kaise sakte hain? (sanskaar to harek ke apne-apne hote hain) sangamayugi braahmanon ka mukhya sanskaar kaun- sa hai? saakaar roop mein mukhya sanskaar kaun-sa tha? jo brahma ka sanskaar woh braahmanon ka। saakaar brahma ka mukhya sanskaar kaun sa tha। brahma mein to woh sanskaar sampoorn roop se dekh liya। lekin braahmanon mein yatha yog,yatha shakti hai। unka mukhya sanskaar tha - sarvasva tyaagi। nirhankaari ka matlab hi hai sarvasva tyaagi। apna sabhi kuchh tyaag kar lete hain। sarvasva tyaagi hone se sarvagun aa jaate hain। doosron ke avgunon ko na dekhna, yeh bhi tyaag hai। tyaag ka abhyaas hoga to yeh bhi tyaag kar sakenge। sarvasva tyaagi arthaat deh ke bhaan ka bhi tyaag। to braahmanon ka mukhya sanskaar hai - sarvasva tyaagi। is tyaag se mukhya gun kaun se aate hain?saralta aur sahanshi- lata। jismen saralta,sahansheelta hogi woh doosron ko bhi aakarshan zaroor karenge। aur ek do ke snehi ban sakenge। agar saralta nahin to sneh bhi nahin ho sakta। ek do mein snehi banna hai to uska tareeka yeh hai। ek to sarvasva tyaagi deh sahit। is sarvasva tyaagi se saralta, sah- nasheelta aape hi aayegi। sarvasva tyaagi ki yeh nishaani hogi - saralta aur sahansheelta। saakar roop mein bhi dekha na। jitna hi naalejkul utna hi saral svabhaav। jisko kehte hain bachpan ke sanskaar। bujurga ka bujurga,bachpan ka bachpan।

aap sabhi ki chalan aisi ho jo aapki chalan se baap aur daada ka chitra dekhne mein aaye। bolne se nahin। chalan se chitra dekhne mein aayega। aisi chalan abhi hai? apki chalan se baapdaada ka chitra dekhne mein aata hai?

dekhne mein to aata hai lekin kabhi-kabhi। jab us sthiti mein rahkar service karte ho tab aapki vaani se, soorat se samajhte hain ki inhon ko gyaan dene vaala bahut ooncha hai। kehte hain na aapki chalan se baapdaada ke chitra dekhte hain। lekin kabhi-kabhi। aap bhi camera ho। aapke camera mein baapdaada ke chitra chhape hue hain। woh kabhi-kabhi dikhaate ho, kyon? sadaiv vahi chitra chalan se kyon nahin dikhaate ho? (purushaartha hai) yeh purushaartha shabd kahaan tak chalna hai? kitna samay abhi puru- shaartha karna hai?kya ant tak aise hi kehte rahenge?ki ham purushaarthi hain। jaise ab kah rahe ho aise hi ant tak kahenge? purushaartha shabd bhi ab chenz hona hai। bhale purushaarthi to ant tak rahenge lekin woh purushaartha aisa nahin hoga jaise abhi kehte ho। purushaartha ka arth hi hai jo ek baar galti ho phir doosre baari na ho। aisa purushaartha hai?purushaartha ka jo arth hai usmein practical mein aana hai। ek hi bhool baar-baar ho to usko purushaartha kaise kahenge?purushaartha ka lakshya jo hona chaahiye woh purushaarthi banne ka bhi purushaartha karna hai। baaki is tarah ka purushaartha shabd bhi nikal jaana chaahiye।

ek do ke snehi kaise ban sakenge? sirf patra vyavhaar karna, sangathan karna? isse nahin banenge। yeh to sthool baat hai। lekin ek do ke snehi tab banenge jabki sanskaar aur sakalpon ko ek do se milaayenge। uska tareeka bhi bataaya (sarvasva tyaagi) sarvasva tyaagi ki nishaani kya hogi? (saralta,sahansheelta) yeh baaten jab dhaaran karenge tab snehi banenge। saralta laane ke liye sirf ek baat zaroor vartamaan samay dhyaan mein rakhni hai। vartamaan samay dekha jaata hai - aajkal ki sthiti jo hai woh kuchh stuti ke aadhaar par hai। stuti aur ninda do shabd hain na। to vartamaan samay stuti ke aadhaar par sthiti hai। arthaat jo karma karte hain unke phal ki ichchha va lobh rehta hai। kantavya ke phal ki ichchha jyaada rakhte ho। stuti nahin milti hai to sthiti bhi nahin rehti। stuti hoti hai to sthiti bhi rehti hai। agar ninda hoti hai to nidhan ke ban jaate hain। apni stage ko chhod dete hain aur dhani ko bhi bhool jaate hain। to yeh kabhi nahin sochna ki hamaari stuti ho। stuti ke aadhaar par sthiti nahin rakhna। stuti ke aadhaar par sthiti rakhi to dagmag hote rahenge।

jo ananya hain, unhon ka prabhaav din pratidin aape hi niklega। lekin prabhaav mein khud hi prabhaavit nahin hona hai। yahaan hi phal ko sveekaar kar liya to bhavishya phal ko khatma kar lenge। jitna gupta purushaartha,utna gupta madadgaar, utna hi gupta pad ban jaata hai। doosre bhale kitni bhi mahima kare lekin unki mahima ke prabhaav mein khud prabhaavit nahin hona hai।

koi bhi kaarya karna hai to sangam par thahar kar jajmennta karna hai। kyonki aap sabhi sangamayugi kahlaate ho। isliye jo bhi baat hoti hai har baat ke do taraph to hote hai। donon taraph se sangam par thahar jajmennta karni hai। na us taraph jyaada na is taraph jyaada। sangam par thaharna hai। tum sangamayugi braahmanon ka jo bhi kantavya chalta hai woh sangam par nahin thaharta hai। is taraph va us taraph chala jaata hai। jaise aap log gahastha vyavhaar mein rehte ho aur service mein bhi madadgaar ho to donon taraph sambhaalne ke liye beech mein thaharna padega। donon ke beech ki avastha mein sthit rehna hai। sangam par honge to donon ko theek karenge। tumhaara khaan-paan, pahanna aadi sabhi beech ka hi hai। is reeti jo jajmennta karte ho to beech ki sthiti mein sthit hokar donon taraph ki judge- mennta kar phir chalna hai। kai baaton mein dikhaai padta hai is taraph va us taraph vishesh ho jaate ho। hona chaahiye beech mein। beech ki avastha hai beej। bindi। jaise beej sookshm hota hai vaise beech ki sthiti bhi sookshm hai। us par hi thaharne ki himmat aur tareeka chaahiye।

yeh bhi lakshya diya hua hai - kahaan baalak ho chalna hai, kahaan maalik ho chalna hai। jahaan maalik ho chalna hai vahaan baalak nahin banna hai। aur jahaan baalak banna hai vahaan maalik nahin banna chaahiye। yeh bhi bahuton se misaandarastendig ho jaati hai। yeh bhi checking bahut rakhni hai। baalakpan bhi poora to maalikpan bhi poora rakhna hai। isliye kaha ki sangam par thaharna hai। sirf baalak bhi nahin banna hai aur sirf malik bhi nahin banna hai। donon gun hone se sabhi theek chala sakenge। baalakpan arthaat nirsankalpa ho। jo koi bhi aagya mile,direction mile us par chalna। maalikpan arthaat apni raay dena। kis sthaan par maalik banna hai woh sthaan aur baat dekhni hai। sabhi jagah maalik nahin banna hai। jahaan baalak banna hai vahaan agar maalik ban jaayenge to phir saskaaron ka takkar ho jaayega। isliye aapas mein ek do ke madadgaar banne ke liye donon hi baaten dhaaran karni hai। nahin to saskaaron ka takkar hoga। jahaan baalak banna chaahiye vahaan maalik ban jaate hain to do maalik banne se phir saskaaron ka takkar ho jaata hai। maalik bhi banna hai, baalak bhi banna hai। raay di, maalik bane। phir jab final hota hai to baalak ban jaana chaahiye,phir maalik। kis samay baalak kis samay maalik banna hai yeh bhi buddhi ki jajmennta chaahiye। kis samay kaun-sa swaroop dhaaran karna hai, woh bhi vichaar karna hai। bahuroopi banna hai na। sadaiv ek roop nahin। jaisa samay vaisa roop। ulte roop se bahuroopi nahin banna hai। sulte roop se banna hai।

achha - om shanti