Avyakt murli for Wednesday 16 July 1969

>

16-07-69om shanti avyakt baapdaada madhuban

“madhuban nivaasi gopon ke saath avyakt baapdaada ki avyakt rooh-roohaan”

aaj kisliye nimantran diya hai? milne ke liye hi bulaaya hai ya aur kuchh lakshya hai? aap sabhi is sangathan mein kis nimantran par aaye ho? madhuban nivaasi gopon ka kis lakshya se yeh samaagam hua hai?baapdaada to isliye aaye hain ki aap sabhi bachchon ka parivartan samaaroh hai। to parivartan samaaroh par aaye hue hain। bhatti mein kis liye baithe thai?parivartan ke liye। to aaj parivartan samroh mein mil rahe hain। parivartan ki utkantha sabhi mein bahut achhi hai। utsaah bhi hai,himmat bhi hai। aaj ki bhatti ke chart se ye dekhne mein aa raha hai। in gopon ke parivartan ke utsaah se aapko (kumaarka daadi ko) kya-kya dekhne mein aata hai? jaise aandhi ko dekhkar maaloom padta hai ki varsha aane vaali hai। is parivartan ke umang se aap kya samajhti ho?pari- vartan kya pahchaan deta hain? is parivartan ka umang khaas is baat ki pahchaan deta ha ki abhi pratyakshata ka samay najdeek hai। pahle pratyakshaata hogi phir is srishti par svarga prakhyaat hoga। to yeh pahchaan deta hai pratyakshata ki। vartamaan samay dekha jaata hai ki harek vatsa apni-apni pratyakshata pratyaksha roop mein la rahe hain। pahle gupta tha। jaise soorya ke roshni mein sitaare chhipe huye hote hain। jab soorya doosre kinaare chala jaata hai to sitaaron ki chamak pratyaksha hoti hai। to ab gyaan-soorya vyakta kinaara chhod avyavatta vatan mein khade hain to aap vyakta desh mein sitaaron ki pratyakshata dekhne mein aati hai। pahle se abhi ek do ko jyaada pahchaante ho na। jaise kehte hain na ek-ek star mein duniya hai। lekin yeh pata nahin hain ki ek-ek star ki kaun si duniya hai। is aakaash ke sitaaron mein koi duniya nahin hai। lekin yeh dharni ke chaitanya sitaaron mein ek-ek duniya hai। apni duniya ka saakshaatkaar hota jaata hai?thode samay mein hi dekhenge jo sangam ka sampoorn roop aap sabhi ka hai। maaloom hai sangam ka sampoorn roop kaunsa hai?shaktiyon aur paandavon ke roop mein। to yeh sangam ka jo sampoorn swaroop hai woh ab pratyaksha aap sabhi ko apne mein mahsoos hoga। maaloom padega hamaare kaun se bhakta hain, kaun si praja hai। jo praja hogi woh to najdeek aayenge aur jo bhakta honge woh aakhreen pichhaadi mein charnon par jhukenge। to harek sitaare ke andar jo raajdhaani athva duniya bani hui hai,woh ab pratyaksha roop legi। jab woh pratyakshata hogi tab sabhi aho prabhu ka naara lagaayenge। ab yeh samay najdeek aa raha hai। isliye ab jaldi parivartan ko laana hai।

aap rachayita ho na! jaisa rachayita hoga vaisi rachna hogi। rachayita ko apne rachna ka dhyaan rakhna hai। is samay par baapdaada ko bhi harsha ho raha hai - sneh aur saahas yeh do cheej dekh- kar ke harshit ho rahe hain। harek mein sneh aur saahas hai। uska sirf beej nahin lekin beej ka kuchh pratyaksha phal bhi dekhne mein aata hai। woh pratyakshaphal dekhkar harshit hote hain। lekin jab phal nikalta hai to phir unki bahut sambhaal karni padti hai। to aap bhi is phal ki bahut sambhaal rakhna। kyonki yeh phal baapdaada ko hi sveekaar karaana hai। lekin yeh khabardaari rakhni hai ki beech mein maaya roopi chidiya phal ko jootha na kar deve। phal jab pak jaata hain to phir pakshi usko khaane ki chidiya bahut koshish karte hain to yeh maaya bhi is phal ko khaane ke liye koshish karegi। lekin aap logon ne kiske liye phal pakaaya hai! to sambhaal bhi poori karni hai। abhi ajun phal nikla hai poora pak jaayega phir sveekaar karenge। tab tak sambhaal karni hai। phal ke sambhaal ke liye kya prayatna karenge? uska kya saadhan hai aapke paas? jara bhi phal agar jootha ho gaya phir sveekaar thode hi hoga। ab ummeed to bahut achhi hai। sabhi ke mastak par aatma ka sitaara to dekhne mein aata hi hai lekin uske saath-saath aapke mastak par kya chamak raha hai? ummeedon ka sitaara chamakta hua baap daada dekh rahe hain। sirf is sitaare ke aage baadal ko aane nahin dena। nahin to sitaara chhip jaayega। yeh jo ummeed ka sitaara cham- kata hua dekhne mein aa raha hai uski paravrish karte rehna। kabhi bhi koi kaarya mein chaahe sthool,chaahe sookshm ek to kabhi saahas nahin chhodna doosra aapas mein sneh kaayam rakhna। to phir paandavon ki jay-jaykaar ho jaayegi। jay-jaykaar ke naare sunne mein aayegen। abhi to kabhi kuchh kabhi kuchh ho raha hai। jab jay-jaykaar ho jaati hai to phir naatak samaapta ho jaata hai। phir aap sabhi ko avyakt sthiti ka jhanda door se dekhne mein aayega। aap sabhi ki avyakt, ekya ras sthiti ka jhanda saari duniya ko lahraata hua dekhne mein aayega। aaj jo yeh parivartan ki pratigya ka kangan baandha hai - yeh avinaashi rakhna। kangan utaarna nahin hai। koi bhi kangan baadhte hain to jab tak woh kaarya saphal na ho tab tak utaar nahin sakte hain। to yeh kangan bhi kabhi utaarna nahin hai।

aage chal kar bahut achhi scene-seenriyo aayengi। lekin woh scene-seenriyo aapka parivartan hi najdeek laayega। apni value ka bhi pata padega jab apni value ka pata padega tab woh nasha chadhega। abhi kabhi kya value rakhte ho kabhi kya value rakhte ho। bhaav mein her-pher hote hain। jaise koi cheej nikalti hai to pahle bhaav thoda neeche oopar hota hai phir final ho jaata hai। apni value ka abhi final maaloom nahin pada hai। kabhi samajhte ho bahut value hai, kabhi kam samajhte ho। lekin yathaartha har ek ki value kya hai - woh abhi jaldi maaloom padega।

yeh madhuban jahaan aap baithe ho yeh saari srishti ke beech mein kya hai? madhuban hai baapdaada ka saari duniya ke beech mein bade pyaar se banaaya hua show case। jaise showcase mein bahut achhi-achhi cheezen rakhte hain aur sabhi cheejon se oonchi cheej shokesh mein rakhte hain। to madhuban saari duniya ke liye showcase hai। us showcase mein aap amoolya ratna rakhe hue ho। yeh maaloom hai ki ham madhuban showcase mein amoolya ratna hain? showcase mein jo cheezen rakhi jaati hain uska khaas dhyaan rakha jaata hai। to aap sabhi bhi showcase ke mukhya ratna ho। aap ko dekhkar sabhi samjhenge ki andar maal kya hai। agar ek baat yaad rakhenge to showcase se show karenge। ' 'jo karma ham karenge hamko dekh aur karenge'' harek ko samajhna chaahiye main akela nahin hoon, mere aage peechhe saari raajdhaani hai। meri praja mere bhakta mujhe dekh rahe hain। ham akele nahin hain। akela jo kaam kiya jaata hai uska itna vichaar nahin rehta hai। abhi apne ko, apni praja aur bhakton ke beech mein samajhna hai। sabhi aap ko follow karenge। jo bhi second-second kadam chalta hai woh tumhaara sanskaar aapko jo bhakta aur praja hai, unmein bharta jaayega। jaise maa ke pet mein garbha hota hai to kitni sambhaal karte hain। kyonki maa jo karegi jo khaayegi woh sanskaar bachche mein bharenge। to aap sabhi ko bhi itna dhyaan rakhna hai jo karma ham karenge hamko dekh hamaari praja aur hamaare dvaapar se kaliyug tak ke bhakta bhi aise banenge। mandir bhi aisa banega। moorti bhi aisi banegi, mandir ko sthaan bhi aisa milega। isliye hamesha lakshya rakho ki ham abhi akele nahin hain। ham master rachayita ke saath rachna bhi hai। maa baap jab akele hote hain to jo bhi karen। lekin apni rachna ke saamne hote hain to kitna dhyaan dete hain। to aap bhi rachayita ho! jo rachayita karenge vahi rachna karegi। jab apne oopar jimmevaari samjhenge to jimmevaari padne se albelaapan aur aalasya khatma ho jaayega। kaun si jimmevaari?jo karma ham karenge। harek sitaare ko apni duniya ki parakh rakhni hai। phir koi ki chhoti duniya hai, koi ki badi duniya hai।

samaaroh kiya hi isliye jaata hai ki jeevan bhar ke liye yaadgaar ban jaaye। yeh samaaroh bhi isliye hai। aaj ka din yaadgaar hai। samaaroh mein nishaani di jaati hai na। baapdaada kaun si nishaani dete hain? baap daada do baaton ki saugaat dete hain - khaas madhuban vaalon ko। shiksha to mili hai ki saahas aur sneh nahin chhodna hai। saugaat kya de rahe hain? (1) ek hi lagan mein har vakta rehna। hamaara to ek doosra na kaai। aur (2) aikaanaami mein rehna। ek ki yaad aur economy। yeh do saugaat aaj ke samaaroh ki hai। kitna bhi koi apni taraph kheechen lekin ek ke sivaay doosra na koi। yeh hai mansa ki baat। aur economy hai karmana ki। to mansa aur karmana donon hi theek rahe to vaani theek rahegi। yeh do baaten khaas dhyaan par rakhni hai। jaise saakaar roop mein bhi dekha na ki ek lagna aur economy। isliye yaad hai mantra kaun sa sunaate the? kam kharcha baalaansheen। economy ke saath yeh mantra bhi nahin bhoolna। economy bhi ho,saath-saath jitni economy utna hi phraak dil bhi ho। phraak dil mein economy samaai hui ho। isko kaha jaata hai kam kharcha baalaansheen।

aap aur sabhi se extra bhaagyashaali ho kyon? kehte hain na ki jinke ghar mein bahut mehmaan aate ho woh bahut bhaagyashaali hote hain। to tum extra bhaagyashaali ho kyonki sabhi se jyaada mehmaan yaha aate hain। lekin mehmaannivaaji bhi karni padti hai। mehmaannivaaji aisi karni hai jo apne ghar se poora hi mehmaan ho jaaye। aap ki mehmaannivaaji unko sada ke liye mehmaan bana de। baapdaada saakaar mein yeh karke dikhaate the। ek din ki mehmaannivaaji mein poore jeevan ke mehmaan banaana। aisi mehmaannivaaji karni hai। isko kaha jaata hai san shows father। achha- is class ke andar sabhi se jyaada purushaarthi kaun hai? number one kaun hai? ek do se sabhi achhe hain। yeh to kamaal hai। yahi group hai jo sabhi ne number one number uthaaya hai। kyonki koi ne kis baat mein vishesh purushaartha kiya hai, koi ne kis baat mein kiya hai। isliye sabhi number one hain। is group ne yeh number one ka thappa apne oopar lagaaya hai।

yeh number one ka thappa nahin bhoolna। mukhya chaar baaten nahin bhoolni hai। ek to shiksha, saavdhaani,thappa aur ek do ko aage kar unnati ko paana। yeh chaar baaten kabhi bhoolni nahin hai।

achha !!!