Avyakt murli for Saturday 19 July 1969
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
19-07-69om shanti avyakt baapdaada madhuban
zero aur hero bano
aaj kisliye bulaaya hai? (bal bharne liye),bal bharne ke liye bulaaya hai to kis baat ki nirbalta samajhti ho? vishesh kis baat mein bal bharna hai?service mein bhi bal kisse bharega? woh to apne mein kitna bal bhara hai woh sirf dekhna hai। aap sabhi ka naam hi hai shiv shakti। to shaktiyon mein shakti to hai hi va shakti swaroop ban rahi ho? baapdaada to aaye hi hain dekhne ki kaun sa jevar baapdaada ke srishti ke shrringaar karne liye taiyaar huye hain। abhi jevar to taiyaar ho gaye। lekin taiyaar hone vaala kya hota hai? polish। abhi sirf polish honi hai। mukhya baat jiski polish honi hai woh yahi hai, sabhi ko jyaada se jyaada avyakt sthiti mein rahne ka vishesh samay dena hai। avyakt sthiti ki polish hi baaki rahi hai। aapas mein baatcheet karte samay aatma roop mein dekho। shareer mein hote hue bhi aatma ko dekho। yeh pahla paath hai iski hi aavashyakta hai। jo bhi sabhi dhaarnaayen suni hai un sabhi ko jeevan mein laane liye yahi pahla paath pakka karna padega। yeh aatmik drishti ki avastha practical mein kam rehti hai। service ki saphalta jyaada nikle, uska bhi mukhya saadhan yeh hai ki aatma-sthiti mein rah service karni hai। pahla paath hi polish hai। iski hi aavashyakta hai। kab note kiya hai saare din mein yeh aatmik drishti, smriti kitni rehti hai?is sthiti ki parakh apni service ki result se bhi dekh sakte ho। yeh avastha shama hai। shamaan par parvaane na chaahte hue bhi jaate hain।
aap sabhi teacher to ho hi। baaki teacher se kya banne liye bhatti mein aaye ho? aap log bahut sochte ho। parantu hai bahut sahaj। apne samaan banaane liye bulaaya hai। apne samaan arthaat zero banaane। zero mein beej va bindi bhi aa jaati hai। aur phir saath-saath koi aisa kaarya ho jaata hai to unko bhi zero banaana hai। to khaas zero yaad karne liye bulaaya hai। teacher ka roop to bahut bada hai lekin bahut bada phir bahut chhota banaane aaya hoon। sabhi se chhota roop hai baap ka। aur aap sabhi ka bhi। to ab zero ko yaad rakhenge to hero banenge। hero actor bhi hota hai aur baapdaada ka priy bhi hai। ratna ko bhi heera kaha jaata hai। aur mukhya actor ko bhi hero kaha jaata hai। to ab samjha kislie bulaaya hai? sirf do akshar yaad karne liye bulaaya hai - zero aur hero। yeh do baaten yaad rakhenge to baap ke samaan sarva gunon se sampanna ho jaayenge। vistaar ko samaaya jaata hai na। 15 din itni study ki hai,bahut kaapiyaan bhari hain। baapdaada phir aapke vistaar ko beej mein suna rahe hain। aur sabhi bhool bhi jaaye। yeh to nahin bhoolega। yeh yaad rakho phir dekhna service mein kitni jaldi change aati hai। aap sabhi ki ichchha yahi hai ki ham bhi badle aur samay bhi badle। apne ghar chale। jab ghar chalne ki ichchha hai to phir yeh do baat yaad rakho। phir kamiyon ke bajaay kamaal kar dikhaao। kamiyaan khatma ho jaavengi aur jahaan bhi dekhenge, sunenge to kamaal hi kamaal dekhenge to ab is bhatti se kya bankar jaayenge? zero। zero mein koi baat hi nahin hoti। koi pichhle sanskaar nahin। yahaan chhodne bhi aaye ho। to phir achhi tarah se jo kuchh chhodna tha। woh chhod chale ho va thoda saath mein bhi le jaayenge?kya chhoda hai aur kitne tak chhoda hai। thode samay ke liye chhoda hai va sada ke liye chhoda hai,yeh bhi dekhna hai। sangathan ki shakti mein chhod diya hai va svayan ki shakti se chhoda hai?sangathan ki shakti sahaara to deti hai lekin sangathan ki shakti ke saath svayan ki bhi shakti chaahiye। jab bhi jo chhoda hai woh sada kaal ke liye।
baapdaada ko aap sabhi priy to ho hi। kyonki baap bhi tum bachchon ki madad se kaarya kara rahe hain। to kaarya mein madadgaar hone vaale priy to rehte hi hain। lekin madadgaar ke saath himmavaan kahaan kam bante hain। yahaan himmat chhod dete hain। agar himmat ho to madad zaroor milegi। to isliye madadgaar ke saath kuchh himmatvaan bhi bano। chhoti-chhoti baaton mein himmatheen nahin banna hai। himma- tavaan banne se phir aap sabhi ki jo ichchha hai, woh poorn hogi। abhi himmat ki aavashyakta hai। himmat kaise aayegi? har samay, har kadam par, har sankalp mein balihaar hone se। jo balihaar hota hai usmein himmat jyaada hoti hai to jitna-jitna apne ko balihaar banaayenge utna hi gale ke haar mein najdeek aayenge। abhi balihaar honge phir banenge prabhu ke gale ka haar। agar balihaar bankar ke hi karma karenge to doosron ko bhi balihaar banaayenge। jisko vaaris kaha jaata hai। abhi praja bahut banti hain। vaaris kam bante hai। jitna bahut banaayenge utna hi najdeek aayenge। to ab vaaris banaane ka plan socho।
achha !!!