Avyakt murli for Thursday 13 November 1969

>

13-11-69om shanti avyakt baapdaada madhuban

“baapdaada ki ummeeden”

ashareeri hokar phir shareer mein aane ka abhyaas pakka hota jaata hai। jaise baapdaada ashareeri se shareer mein aate hai vaise hi tum sabhi bachchon ko bhi ashareeri hokar ke shareer mein aana hai। avyakt sthiti mein sthit hokar phir vyakta mein aana hai। aisa abhyaas din-pratidin badhaate chalte ho? baapdaada jab aate hai to kisse milne aate hai? (aatmaon se) aatmaaen kaun si? jo saare vishwa mein shreshtha aatmaaen hai। un shreshtha aatmaon se baapdaada ka milan hota hai। itna nasha rehta hai – ham hi saare vishwa mein shreshtha aatmaayen hai। shreshtha aatmaon ko hi sarvashaktimaan ke milan ka saubhaagya praapta hota hai। to baapdaada bhrikuti ke beech mein chamakte hue sitaare ko hi dekhte hain। tum sitaaron ko kis-kis naam se bulaaya jaata hai? ek to lucky sitaare bhi ho aur naynon ke sitaare bhi aur kaunse sitaare ho? jo kaarya ab bachchon ka raha hua hai us naam ke sitaare ko bhool gaye ho। jo mehnat ka kaarya hai woh bhool gaye ho। yaad karo apne kartavya ko। baapdaada ke ummeedon ke sitaare। baapdaada ke jo gaaye hue hain vahi kaarya ab raha hua hai?baapdaada jo ummeeden bachchon se rakhte hai woh kaarya poora kiya hua hai? baapdaada ek-ek sitaare mein yahi ummeed rakhte hain ki ek-ek anekon ko parichay dekar laayak banaaye। ek se hi anek banne hain। yeh check karo ki ham aise bane hain। anekon ko banaaya hai? usmein bhi quantity to ban rahe hai। quality banaana hai। quantity banaana sahaj hai lekin quality vaale banaana - yeh ummeed baapdaada sitaaron mein rakhte hain। abhi yeh kaarya raha hua hai। quality banaana hai। quantity banaana yeh to chal raha hai। lekin abhi aisi quality vaali aatmaayen banaane ki service rahi hui hai। quality vaali ek aatma quantity ko aapehi laayegi। ek quality vaala anekon ko la sakte hai। quality, quantity ko la sakti hai। abhi yahi kaarya jo raha hua hai usko poora karna he। apni service ki quality se aap khud santushta rehte ho? quantity ko dekh khush to hote ho lekin quality ko dekh service se santushta hona hai। quality kaise laayenge?jitni-jitni jismen divine quality hogi utna hi quality vaalon ko laayegi। kai bachchon ko sabhi prakaar ki mehnat bahut karni padti hai। apne purushaartha mein bhi to service mein bhi। koi ko jyaada mehnat karni padti hai koi ko kam। is kaaran kya hai?kabhi usi ko hi mehnat lagti hai kabhi phir unheen ko hi sahaj lagta hai। yeh kyon? dhaarna ki kami ke kaaran mehnat lagti hai? kai kartavyon mein to log kah dete hain ki inke bhaagya mein hi nahin hai। yahaan to aise nahin kahenge। kis vishesh kami ke kaaran mehnat lagti hai? shreemat par chalna hai। phir bhi kyon nahin chal paate?koi bhi kaarya mein chaahe purushaartha,chaahe service mein mehnat lagne ka kaaran yeh hai ki baaten to sabhi buddhi mein hain lekin in baaton ki maheenta mein nahin jaate। maheen buddhi ko kabhi mehnat nahin lagti। moti buddhi kaaran bahut mehnat lagti hai। shreemat par chalne ke liye bhi maheen buddhi chaahiye। maheenta mein jaane ka abhyaas karna hai। doosre shabdon mein yeh kahenge ki jo suna hai woh karna hai arthaat uski maheenta mein jaana hai। jaise dahi ko bilorkar maheen karte hain tab usmein makkhan nikalta hai। to yeh bhi maheenta mein jaane ki baat hai। maheenta ki kami ke kaaran mehnat hoti hai। maheenta mein jaane ki bajaae us baat ko mote roop mein dekhte hain। service ke samay bhi maheen buddhi ho, gyaan ki maheenta mein jaakar usko sunaayen aur usagya na ki maheenta mein le jaaye to unko bhi mehnat kam lage। aur apne ko bhi kam lage। is maheenta ki hi kami hai। ab yahi purushaartha karna hai।

shaareerik shakti bhi kab aati hai? jab bhojan maheen roop se khaao, to us bhojan ki shakti banti hai। bhojan ka maheen roop kya banta hai? khoon। jab khoon ban jaata hai tab shakti aa jaati hai। to ab sirf baahar ke,oopar ke roop ko na dekhte hue andar jaane ki koshish karo।

jitna har baat mein andar jaayenge, tab ratna dekhne mein aayenge। aur har ek baat ki vailyooka pata padega। jitna gyaan ki value, service ki value ka maaloom hoga utna aap vailyoobal ratna banenge। gyaan ratnon ki value kam karte ho to khud bhi vailyoobal nahin ban sakte। ek-ek ratna ki value ko parakhne ki koshish karo। aap baapdaada ke vailyoobal ratna ho na! vailyoobal ratna ko kya kiya jaata he? (chhipaakar rakhna hota hai) baapdaada ke jo vailyoobal ratna hain unho ko baapdaada chhipaakar rakhte hain। maaya se chhipaate hain। maaya se chhipaakar phir kahaan rakhte hain?jitna-jitna jo amoolya ratna honge utna-utna baapdaada ke dil takhta par nivaas karenge। jab dil takhtansheen banenge tab raajya ke takhtansheen banenge। to sangamayug ka kaun sa takhta hai? takhta hai va beggar ho?sangamayug par kaunsa takhta milta hai। baapdaada ke dil ka takhta। yeh saare jahaan ke takhton se shreshtha hai। kitna bhi bada takhta satayug mein mile lekin is takhta ke aage woh kya hai?is takhta par rahne se maaya kuchh nahin kar sakti। is par utarna chadhna nahin padega। is par rahne se maaya ke sarva bandhanon se mukta rahenge।

achha!!!