Avyakt murli for Thursday 22 January 1970

> 22-01-70om shanti […/…/…/jpg/Ray2.jpg]avyakt baapdaada madhuban

“antim course – man ke bhaavon ko jaanna” – २२-०१-१९७०

sabhi kahaan baithe ho aur kya dekh rahe ho ? avyakt sthiti mein sthit ho avyakt roop ko dekh rahe ho va vvyakta mein avyakt ko dekhne ka prayatna karte ho ? is duniya mein aavaaz hain | avyakt duniya mein aavaaz nahin hai | isliye baap sabhi bachchon ko aavaaz se pare le jaane ki drill sikhla rahe hain | ek sekand mein aavaaz mein aana ek sekand mein aavaaz se pare ho jaana aisa abhyaas is vartamaan samay mein bahut aavashyak hai | woh samay bhi aaega | jaise – jaise avyakt sthiti mein sthit hote jaayenge vaise-vaise naynon ke ishaaron se kiske man ke bhaav jaan jaayenge | koi se bolne va sunne ki aavashyakta nahin hogi | aisa samay ab aanevaala hai | jaise bappdaada ke saamne jab aate ho to bina sunaaye hue bhi aap sabhi ke man ke sankalp man ke bhaavon ko jaan lete hain | vaise hi aap bachchon ko bhi yahi antim course padhna hai | jaise mukh ki bhaasha kahi jaati hai vvaise hi phir roohon ki roohaan hoti hai | jise rooh-rahan kehte hain | to rooh bhi rooh se baaten karte hain | lekin kaise ? kya roohon ki baaten mukh se hoti hai ? jaise jaise roohaani sthiti mein sthit hote jaayenge vaise-vaise rooh rooh ki baat ko aise hi sahaj aur spashta jaan lenge | jaise is duniya mein mukh dvaara varnan karne se ek do ke bhaav jaante ho | to iske liye kis baat ki dharna ki aavashyakta hai ? vishesh is baat ki aavashyakta hai jo sadaiv buddhi ki line clear ho | koi bhi apne buddhi mein va man distarbens hoga va line clear na hogi to ek do ke sankalp aur bhaav ko jaan nahin sakenge | line clear na hone ke kaaran apne sankalpon ki miksachairiti ho sakti hai | isliye harek ko dekhna chaahiye ki hamaari buddhi ki line clear hain ? buddhi mein koi bhi kisi bhi prakaar ka vighna to nahin sataata hai ? atoot, atal, athak yeh teenon hi baaten jeevan mein hain | agar in teenon mein se ek baat mein bhi kami hai to samajhna chaahiye ki buddhi ki line clear nahin hai | jab buddhi ki line clear ho jaaegi to uski sthiti, smriti kya hogi ? jitni-jitni buddhi ki line arthaat purushaartha ki line clear hogi utna-utna kya smriti mein rahega ? koi bhi baat mein unke saamne bhavishya aisa hi spashta hoga jaise vartamaan spashta hota hai | unke liye vartamaan aur bhavishya ek samaan ho jaayenge | jaise aajkal saainsadaanon ne kahaan-kahaan ki baaton ko itna spashta dikhaaya hai jo door ki cheez bhi nazdeek nazar aati hai | isi reeti se jinka purushaartha clear hoga unko bhavishya ki har baat door hote bhi najdeek dikhaai padegi | jaise aajkal television mein dekhte hain to sabhi spashta dikhaai padta hain na | to unki buddhi aur unki drishti television ki bhaanti sabhi baaten spashta dekhengi aur jaanengi | aur koi bhi baat mein purushaartha ki mushkilaat nahin rahegi | to woh anubhav, woh antim sthiti ki parakh apne aap mein dekho ki kahaan tak antim sthiti ke nazdeek hain | jaise soorya apne jab pure prakaash mein aata hai to har cheez spashta dekhne mein aati hai | jo andhakaar hai, dhundh hai woh sabhi khatma ho jaata hai | isi reeti jab sarvashaktivaan gyaan soorya ke saath atoot sambandh hai to apne aap mein bhi aise hi har baat spashta dekhne mein aaegi | aur jo chalte-chalte purushaartha mein maaya ka andhakaar va dhundh aa jaata hai, jo satya baat ko chhipaanevaale hain, woh hat jaayenge | iske liye sadaiv do baaten yaad rakhna | aaj ke is alaukik mele mein jo sabhi bachche aaye hain | woh jaise laukik baap apne bachchon ko mele mein le jaate hain to jo snehi bachche hote hain unko koi-na-koi cheez lekar dete hain | to baapdaada bhi aaj ke is anokhe mele mein aap sabhi bachchon ko kaun si anokhi cheez denge ?

aaj ke is madhur milan ke mele ko yaadgaar baapdaada kya de rahe hain ki sadaiv shubh chintak aur shubh chintan mein rehna | shubh chintan aur shubh chintak | yeh do baaten sadaiv yaad rakhna | shubh chintan se apni sthiti bana sakenge aur shubhchintak banne se anek aatmaon ki sevva karenge | to aaj yeh vatan se, aaye hue sabhi bachchon ke prati avinaashi saugaat hai | baapdaada ka sneh adhik hai va bachchon ka adhik hai ? koi koi bachche sochte honge ki ham sabhi ka sneh baapdaada se jyaada hai | koi-koi hain bhi lekin mejoriti nahin | sneh hai lekin atoot aur ek ras sneh nahin hai | bachchon ka sneh roop badalta bahut hai | baapdaada ka sneh atoot aur ekras rehta hai | to ab bataao ki kiska sneh jyaada hai ? baapdaada bachchon ko dekhte hain to trinetri hone se teen roopon se dekhte hain | woh kaun se ३ roop ? jaise aap bachche baap ko teen roopon se dekhte ho na | to woh sabhi jaante hain | lekin baap bachchon ko teen roop se dekhte hain- ek to purushaarthi roop, doosra ab sangam ka bhavishya jo farishta roop hai aur teesra bhavishya devta roop | teenon ka saakshaatkaar hota rehta hai | teenon hi roop ek-ek aise hi spashta dekhne mein aate hain jaise vartamaan yeh deh ka roop in aankhon se spashta dekhne mein aata hai | is reeti divvya netra dvaara yeh teenon roop spashta dekhne mein aate hain | jaise in aankhon se dekhi hui cheez ka varnan karna sahaj hota hai na | suni hui baaton ka varnan karna kuchh mushkil hota hai lekin dekhi hui baat ka varnan karna sahaj hota hai aur spashta hota hai | to in divya netron va avyakt netron dvaara harek ke teenon roop bhi itna hi sahaj varnan karna hota hai | vaise hi aap sabhi ko bhi ek do ke yeh teenon roop dekhne mein aaenge | abhi yathaayogya, yathaashakti hai | lekin kuchh samay baad yeh yatha shakti shabd bhi khatma ho jaayega | aur harek apne apne number pramaan sampoornata ko praapta ho jaayenge | to baapdaada aap sabhi ke sampoorn mukhde dekhte hain | sampoornata nambarvaar hogi | maala ke १०८ manke jo hain, to number vaar manka aur ek sau aathvaan manka donon ko sampoorn kahenge ki nahin ? vijayi ratna kahenge ? vijayi ratna arthaat apne number pramaan sampoornata ko praapta ho | unke liye saare drama ke andar vaahi sampoornata ki first stage hai | jaise satayug mein vishwa mahaaraajan to ८vaan bhi kahlaayega lekin first vishwa-mahaaraajan ki srishti ke sampoorn sukh aur ८ven ke sampoornata ke sukh mein antar hoga na | vaise hi yahaan bhi harek apne-apne number pramaan sampoornata ko praapta ho rahe hain | isliye baapdaada sampoorn stage ko dekhte rehte aur vartamaan samay ke purushaartha ko dekhte rehte hain | kya hain aur kya banne vaale hain |

aap ne poochha na ki vatan mein kya baith karte ho ? yahi dekhte rehte hain aur avyakti sahayog dene ki service karte hain | sabhi samajhte hain ki baapdaada vatan mein pata nahin kya baith karte honge | lekin service ki speed saakaar vatan se vahaan tez hai | kyonki yahaan to saakaar tan ka bhi hisaab saath tha | ab to is bandhan se bhi mukta hain, apne prati nahin hai sarva aatmaon ke prati hain | jaise is shareer ko chhodna aur shareer ko lena yeh anubhvav sabhi ko hai, vaise hi jab chaaho tab shareer ka bhaan bilkul chhodkar ashareeri ban jaana aur jab chaaho tab shareer aadhaar lekar karma karna yeh anubhav hai ? is anubhav ko ab badhaana hai | bilkul aise hi anubhav hoga jaise ki sthool chola alag hai aur chhole ko dhaaran karnevaali aatma alag hai, yeh anubhav ab jayaada hona chaahiye | sadaiv yahi yaad rakho ki ab gae ki gae | sirf service ke nimitta shaareer ka aadhaar liya hua hai lekin jaise hi service samaapta ho vaise hi apne ko ekdam halka kar sakte hain | jaise aap log kahaan bhi duty par jaate ho aur phir vaapas ghar aate ho to apne ko halka samajhte ho na | duty ki dress badalkar ghar ki dress pahan lete ho vaise hi service prati yeh shareer roopi vastra ka aadhaar liya phir service samaapta hui aur in vastron ke bojh se halke aur nyaare ho jaane ka prayatna karo | ek sekand mein chhole se alag kaun ho sakenge ? agar taaitnes hogi to alag ho nahin sakenge | koi bhi cheez agar chipki hui hoti hai to unko kholna mushkil hota hai | halke hone se sahaj hi alag ho jaata hai | vaise hi agar apne sanskaaron mein koi bhi ijeepan nahin hoga to phir ashreereepan ka anubhav kar nahin sakenge | sunaaya tha na ki kya banna hai | easy aur alert, aise rahnevaale hi is abhyaas mein rah sakenge | baapdaada bachchon ko koi naya nahin dekh rahe hain | kyonki jab ki teenon hi kaalon ko jaante hain to naya kaise kahenge | isliye sabhi ati puraane hain | kitna puraane hain woh hisaab nahin nikaal sakte | to apne ko naya nahin samajhna | ati ppuraane hain aur vahi puraane ab phir se apna haq lene ke liye aaye hain | yeh nasha sadaiv kaayam rahe | yeh bhi kabhi nahin bolna ki purushaartha karenge, dekhenge | nahin | jo last aaye hain unko yahi sochna hai ki ham faasta jaayenge | agar faasta ka lakshya rakhenge to purushaartha bhi aise hi hoga | isliye kabhi bhi yeh nahin sochna ki ham log to peechhe aaye hain to praja ban jaayenge | nahin | peechhe aanevaalon ko bhi adhikaar hai raajya pad paane ka | achha |

avyakt mulaakaat bhi milan hi hai | isliye sabhi ko yahi nishchay rakhna hai ki ham raajya pad lekar hi chhodenge | ham nahin banenge to kaun banenge | koton mein koi kaun-si aatma gini jaati hain ? aise koton mein se koi ham aatmaaen drama ke andar hain | yeh apna nishchay nahin bhoolna | baapdaada sabhi bachchon ka bhavishya dekh harshit hote hain | ek ek se milna, man ki baat to yeh hai | lekin aap sabke samaan is vyakta duniya mein | | | baapdaada ko abhi yeh vyakta duniya nahin hai | to aap ke duniya ke pramaan samay ho bhi dekhna padta hai | vatan mein samay nahin hota | ghadi nahin hoti | lekin is vyakta duniya mein yeh sabhi baaten dekhni padti hai | vahaan to jab soorya, chaand hi nahin to raat din kis hisaab se ho | isliye samay ka bandhan nahin hai |