Avyakt murli for Friday 26 June 1970
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
26-06-1970 madhuban avyakt baapdaada om shanti 26-06-1970
kaamdhenu ka arth
apne ko saakshaatkaar moorta samajhti ho? moorti ke paas kislie jaate hain? apne man ki kaamnaaon ki poorti ke liye। aise saakshaatkaar moorta bane ho jo koi aatma mein kisi bhi prakaar ki kaamnaayen hon, unki poorti kar sako। alpakaal ki kaamnaayen nahin, sada kaal ki kaamnaayen poori kar sakti ho? kaamdhenu maataaon ko kaha jaata hai na। kaamdhenu ka arth hi hai - sarva ki manokaamnaayen poori karne vaali। jiski apni sarva kaamnaayen poori hongi, vahi auron ki kaamnaayen poori kar sakengi। sadaiv yahi lakshya rakho ki hamko sarva ki kaamnaayen poorn karne vaali moorti banna hai। sarva ki ichchhaayen poorn karne vaale svayan ichchha maatram avidya honge। aisa abhyaas karna hai। praapti swaroop banne se auron ko praapti kara sakte ho। to sadaiv apne ko daata athva mahaadaani samajhna hai। mahaagyaani banne ke baad mahaadaani ka kartavya chalta hai। mahaagyaani ki parakh mahaadaani banne se hoti hai। sair karna achha lagta hai। jinhon ko sair karne ki aadat hoti hai, woh sadaiv sair karte hain। yahaan bhi aise hai। jitna svayan sair karenge utna auron ko bhi buddhiyog se sair karaayenge। aap logon se saakshaatkaar hona hai। jaise saakaar roop ke saamne aane se harek ko bhaavna anusaar saakshaatkaar va anubhav hota tha। aise aap logon dvaara bhi second by second anek anubhav va saakshaatkaar honge। aise darshaneey moorta woh saakshaatkaar moorta tab banenge jab avyakt aakriti roop dikhaayenge। koi bhi saamne aaye to use shareer na dikhaai de lekin sookshm vatan mein prakaashmay roop dikhaai de। sirf mastak ki light nahin lekin saare shareer dvaara light ke saakshaatkaar honge। jab light hi light dekhenge to svayan bhi light roop ho jaayenge। achha!
* * * om shanti * * *