Avyakt murli for Saturday 11 July 1970

>

11-07-70om shanti avyakt baapdaada madhuban

“sangamayug ki degree aur bhavishya ki praalabdha”

aaj baapdaada sabhi students ki padhaai baad kya-kya degree praapta ki hai woh dekh rahe hain। is padhaai ki degree kaun si milti hai? degree milni hai va mili hai? padhaai ke baad degree milti hai na। to is sangam par aapko kya milega?sampoorn farishta va avyakt farishta। yeh hai sangamayug ki degree। aur daiveepad hai bhavishya ki praalabdha। to ab ki degree hai sampoorn avyakt farishta। is degree ki mukhya qualification kaun-kaun si hain aur kahaan tak harek student ismen kvaaliphaaid bana hai। yeh dekh rahe hain। jitna kvaaliphaaid hoga utna hi auron ko bhi kvaaliphaaid banaaega। kvaaliphaaid jo hoga vahi banaaega quality। aur jo nahin hoga woh banaaega kvaantiti। to aaj sabhi ki kvaaliteez dekh rahe hain। dekha jaata hai na ki kin-kin kvaaliteez mein kvaaliphaaid hain। to yahaan mukhya kvaaliteez mein ek to dekh rahe hain ki kahaan tak knowledgeful bane hain। knowledgeful ke saath phaithphul,successful,powerful,aur serviceable kahaan tak bane hain। itni kvaaliteez agar sabhi mein aa jaaen to phir degree mil jaaegi। to harek ko yeh dekhna hai ki in kvaaliteez mein kaun-kaun si kvaaliteez dhaaran hui hain। knowledge full arthaat buddhi mein full knowledge ki dhaarna। jitna knowledgeful hoga utna hi woh successful hoga। agar successful kam hain to samjhenge knowledge ki kami hai। successful na hone ke kaaran kya hai?phaithphul kam। phaithphul arthaat nishchaybuddhi। ek to apne mein phaith doosra baap-daada mein aur teesra sarva parivaar ki aatmaon mein phaithphul hona padta hai। jitna phaithphul bankar nishchaybuddhi hokar koi kartavya karenge to nishchaybuddhi ki vijay arthaat phaithphul hone se successful ho hi jaata hai। uska har kartavya,har sankalp,har bol powerful hoga। aise kvaaliphaaid ko hi yeh degree praapta ho sakti hai। agar degree ko praapta nahin karte to kya hota hai maaloom hai?court dvaara kya nikalta hai?dikri (notis)। ya to degree milegi ya to dikri niklegi। dharmaraajpuri mein band hone ki dikri niklegi।

isliye purushaartha kar degree leni hai। dikri nahin nikaalni hai। jinhon par dikri nikalti hai woh sharmasaar ho jaate hain। isliye sadaiv check karo ki kahaan tak kvaaliphaaid bane hain? yeh to mukhya qualification bataai। lekin list to badi lambi hai। har kvaaliteez ke peechhe full shabd bhi hai। phaithphul,powerful।…to is reeti se sabhi gunon mein full hain tab degree milegi। sabhi success to hote hain lekin successful hain,powerful hain ya kam hain yeh dekhna hai। jo in sarva gunon mein full hoga unko hi sampoorn avyakt farishta ki degree milti hai। sabhi ne yahi lakshya rakha hai na। abhi vartamaan samay kaun sa hai?abhi hai bahut naazuk samay। abhi naaz se chalne ka samay nahin hai। woh naaz bachpan ke the। agar naazuk samay mein bhi koi naajon se chalenge to result mein nuksaan hi hoga। isliye abhi sanhaareemoorta banna hai। vikraalroop dhaari banna hai। to ab din pratidin naazuk samay hone ke kaaran sanhaareemoorta banna hai। sanhaar bhi kiska? apne sanskaaron ka। apne vikarmon par aur vikarmi aatmaaen jo is samay hain unhon ke oopar ab vikraal roop dhaaran kar ek sekand mein bhasma karne ka hai। shankar ke liye kehte hain na ki ek sekand mein aankh kholi aur vinaash। yeh sanhaareemoorta ke kartavya ki nishaani hai। koi ke bhi oopar vikraal roop bankar drishti daali aur unke vikarmi sanskaaron ko bhasma kar den। to vikarmon aur vyartha karmon,vikarmiyon ke oopar ab vikraal roop dhaaran karna hai। ab sneheemoorta bhi nahin। ab to kaali roop chaahiye। vikaaraal sanhaari roop chaahiye। ab last samay hai। ab tak agar vikraal roopdhaari nahin banenge to apne vikarmon aur vikarmiyon ka saamna nahin kar sakenge। abhi samaane ki baat nahin। vikarmon, vyartha sankalpon ko va vikarmiyon ke vikarmi chalan ko ab samaana nahin hai lekin sanhaar karna hai। ab sneh ko samaana hai। shaktiroop ko pratyaksha karna hai। shaktiyon ko ek hi samay teen baaten dhaaran karni hain। ek to mastak mein maatri-sneheepne ka gun, roop mein roohaaniyat aur vaani mein vajra। ek-ek bol vikarmon aur vikarmiyon ko khatma karnevaala ho। jab yeh teenon baaten ikatthi dhaaran hongi tab kya hoga? vikarmon aur vikarmi bhasma ho jaayenge। shaktiyon ki nazar se vikarmi aatmaaen kampaaymaan hongi। kisse?apne vikarmon se। to ab sanhaarkaari bano aur jaldi-jaldi sanhaar karo। kahaan-kahaan shrringaar karte sanhaar ko bhool jaate hain। shrringaar to bahut kiya lekin ab sanhaar karo। master brahma bhi bane, paalna ki, shrringaar kiya lekin ab part hai sanhaar ka। shaktiyon ke alankaar aur shaktiyon ki lalkaar aur shaktiyon ke kis kaarya ka gaayan hai? ghungharu ki jhankaar। ghungharu daalkar asuron par naachna hai। naachne se kya hota hai?jo bhi cheez hogi woh dab kar khatma ho jaegi। nirbhayta aur vinaash ki nishaani yeh ghungharu ki jhankaar hai। aise nahin ki paandavon ne nahin kiya hai। paandav bhi shakti roop hain। shakti roop mein donon aa jaate hain। to yeh teenon kartavya practical aur pratyaksha roop mein chal rahe hain। ab kamjoron ka kaam nahin hain। maidaan par kamzor nahin aate hain। shoorveer aate hain। to ab maidaan par pratyaksha hone ka samay hai। shoorveer shaktiroop bankar pratyaksha roop mein saamne aao। jab is roop mein pratyaksha honge tab kya hoga? pratyakshata। baap aur bachchon ki pratyakshata hogi। jitna pratyaksha honge utni pratyakshata hogi। to baap ko prakhyaat karne ke liye pratyaksha hona pade। ab tak apni hi kamjoriyon ko vidaai na denge to srishti ke kalyaankaari kaise banenge। isliye apni kamjoriyon ko ab vidaai do tab srishti ke kalyaankaari ban sakenge। achha–

party ke saath :-

1h vartamaan samay sabhi kya vishesh purushaartha kar rahe hain? sandesh dena yeh to saadhaaran baat hai। vishesh aatma banne ke liye vishesh kaarya bhi karna padega। aajkal duniya ke jo vishesh aatmaaen hain un par vishesh dhyaan dena hai। ek vishesh aatma ke oopar dhyaan dene se anekon ka dhyaan svatah hi khinch jaayega। vishesh aatma par dhyaan dene se woh vishesh nahin, tum vishesh banenge। vishesh dhyaan se koi bhi vyartha sankalp,karma va samay nahin jaayega। shakti agar jama ho jaati hai to vishesh service bhi sahaj ho jaati hai। to ab puraane hisaab-kitaab ke chaupde ko khatma kar naya chaupda banaana hai। jo jitna kvaaliphaaid hota hai utna hi uski value hoti hai। vailyooebul cheez ko kabhi bhi saadhaaran sthaan par nahin rakha jaata hai। usko vishesh sthaan diya jaata hai। to qualifications ko saamne rakh phir note karte jaao ki kitne percent bane hain। jab saint-percent ho jaayenge to yeh jo saint(saadhu-sant)hain, woh bhi jhukenge। aur unhon ke jhukne se woh jhankaar door-door tak sabhi ke kaanon mein pahunchegi। yathaartha purushaartha ka arth hi hai vahaan hi purushaartha aur vahaan hi praapti। is sangamayug ko vishesh vardaan hai pratyaksha phal praapta karaane ka। phal bhi aisa hai, jo purushaartha kam praalabdha jaasti। to samay ki visheshta ko jaan apne mein visheshta bharni hai। agar kami rah jaaegi to phir kami ki nishaani kya hogi? kamaan। agar kamaal nahin karenge to kamaan milegi। ek sekand ka bhi phal agar praapta nahin kiya to full nahin banenge। fail ki list mein aa jaayenge।

2h dilli ko kehte hain baapdaada ki dil। jaise dil ki dhadkan se tandurusti ka maaloom padta hai vaise dilli ke aavaaz se samaapti ka aavaaz sunenge। dilli hai darpan,to dilli vaalon ki kitni jimmevaari hai। jitna bada jimmevaari ka taaj utna hi satayug mein bhi bada taaj milega। isko kehte hain behad ki jimmevaari। baap bhi madhuban mein rehte behad ki service karte the na। to ek-ek ko behad ki jimmevaari hai। behad ki buddhi kaise hoti hai?behad ki baat sochna, behad parivaar se sambandh aur sneh, sarva sthaan apne।… aise ko kehte hain behad ka serviceable। had ki service vaale ko serviceable nahin kahenge।

3h madhuban ko kehte hain safe(tijori)। madhuban nivaasi se mein pade hain। safe mein rahne vaale kaunsi maniyaan ho?sabhi se badhiya mani hoti hai mastakamni। mastakamni kam hoti hai, hradayamniyaan jyaada hoti hain। jo jyaada safe mein rehte hain,woh mastakamni hain। yogayukta aur nishchaybuddhi bankar ke kartavya karne se saphalta praapta hoon hi jaati hai। pahle se hi agar yeh sankalp buddhi mein hota hai ki karte hain parantu milta mushkil hai। to yeh sankalp bhi nishchay ki percent ko kam kar deta hain। nishchaybuddhi ho karen to fail nahin honge। samasyaaon ka saamna karne se saphalta milti hai। vighna to aaenge lekin lagan ki agni se vighna bhasma ho jaayenge।

achha !!!