Avyakt murli for Thursday 11 February 1971

>

11-02-71 om shanti avyakt baapdaada madhuban

antahvaahak shareer dvaara seva

ek second mein kitna door se door ja sakte ho, hisaab nikaal sakte ho? jaise marne ke baad aatma ek second mein kahaan pahunch jaati hai! aise aap bhi antahvaahak shareer dvaara; antahvaahak shareer jo kehte hain uska bhaavaartha kya hai? aap logon ka jo gaayan hai ki antahvaahak shareer dvaara bahut sair karte the, uska arth kya hai? yeh gaayan sirf divya-drishti vaalon ka nahin hai lekin tum sabhi ka hai। yeh log to antahvaahak shareer ka apna arth bataate hain। lekin yathaartha arth yahi hai ki ant ke samay ki jo aap logon ki karmaateet avastha ki sthiti hai woh jaise vaahan hota hai na। koi na koi vaahan dvaara sair kiya jaata hai। kahaan ka kahaan pahunch jaate hain! vaise jab karmaateet avastha ban jaati hai to yeh sthiti hone se ek second mein kahaan ka kahaan pahunch sakte hain। isliye antahvaahak shareer kehte hain। vaastav mein yeh antim sthiti ka gaayan hai। us samay aap is sthool swaroop ke bhaan se pare rehte ho, isliye inko sookshm shareer bhi kah diya hai। jaise kahaavat hai -- udne vaala ghoda। to is samay ke aap sabhi ke anubhav ki yeh baaten hain jo kahaaniyon ke roop mein banaai hui hain। ek second mein order kiya yahaan pahuncho; to vahaan pahunch jaayega। aisa apna anubhav karte jaate ho? jaise aajkal science bhi speed ko quick karne mein lagi hui hai। jahaan tak ho sakta hai ‘samay kam aur saphalta jyaada’ ka purooshaartha kar rahe hain। aise hi aap logon ka purooshaartha bhi har baat mein speed ko badhaane ka chal raha hai। jitni-jitni jiski speed badhegi utna hi apne final stage ke nazdeek aayenge। speed se stage tak pahunchenge। apni speed se stage ko parakh sakte ho।

abhi sabhi mahaan parva shivraatri manaane ka plan bana rahe ho, phir naveenta kya sochi hai? (jhanda lahraayenge) apne-apne sevaakendron par jhanda bhale lahraao lekin harek aatma ke dil par baap ki pratyakshata ka jhanda lahraao। woh tab hoga jab shakti-swaroop ki pratyakshata hogi। shakti-swaroop se hi sarvashaktivaan ko pratyaksha kar sakte ho। shakti-swaroop arthaat sanhaari aur alankaari। jis samay stage par aate ho us samay pahle apni sthiti ki stage achhi tarah se theek banaakar phir us stage par aao, jisse logon ko aapki aantarik stage ka saakshaatkaar ho। jaise aur taiyaariyaan karte ho, vaise yeh bhi apni taiyaari dekho ki alankaari bankar stage par aa rahi hoon। light-house, might-house -- donon hi swaroop emerge roop mein hon। jab donon swaroop honge tab theek reeti se guide ban sakenge। aapke ‘baap’ shabd mein itna sneh aur shakti bhari hui ho jo yeh shabd gyaan-anjan ka kaam kare, anaath ko sanaath bana de। is ek shabd mein itni shakti bharo। jis samay stage par aate ho us samay ki sthiti ek to taras ki ho, doosri taraph kalyaan ki bhaavna, teesri taraph ati sneh ke shabd, chauthi taraph swaroop mein shaktipan ki jhalak ho। apni smriti aur sthiti ko aisa powerful banaakar aise samjho ki apne kai samay ke pukaarte hue bhakton ko apne dvaara baap ka saakshaatkaar karaane ke liye aai hoon। is reeti se apne roohaani roop, roohaani drishti, kalyaankaari vritti dvaara baap ko pratyaksha kar sakti ho। samjha, kya karna hai? sirf bhaashan ki taiyaari nahin karni hai। lekin bhaashan ki taiyaari aisi karo jo bhaashan dvaara bhaasha se bhi pare sthiti mein le jaane ka anubhav karaao। bhaashan ki taiyaari jyaada karte hain lekin roohaani aakarshan-swaroop ki smriti mein rahne ki taiyaari par attention kam dete hain। isliye is baari jyaada taiyaari is baat ki karni hai। harek ke dil par baap ke sambandh ke sneh ki chhaap lagaani hai। achha ।

madhuban vaale kyaasarvisakrenge? madhuban vaalon ko us din khaas baapdaada avyakt vatan mein aane ka nimantran de rahe hain। vahaan vatan mein aakar sabhi taraph ki service ko dekh sakenge। shaam 7 se 9 baje tak yeh do ghante khaas sair karaayenge। jaise sandeshiyon ko le jaate hain - sabhi sthaanon ki sair karaane, isi reeti se madhuban vaalon ko yahaan baithe hue sarva sthaanon ki sarviski sair karaayenge। agar bina mehnat ke saara sair kar lo to aur kya chaahiye। isliye madhuban vaale us din apne ko is sthool deh se pare avyakt vatan vaasi samajhkar baithenge to saare din mein kai anubhav karenge। phir sunaana, kya anubhav kiya। us din agar apna thoda bhi purooshaartha karenge to sahaj hi anokhe bhinna-bhinna anubhav karne ke vardaan ko pa sakenge। samjha? 7 se 9 shaam ko khaas yaad ka programme rakhna। yoon to saare din ka hi nimantran de rahe hain। lekin vishesh yeh sair ka samay hai। aise samay par harek yatha shakti anubhav kar sakenge। madhuban vaale vishesh snehi hain, isliye vishesh nimantran hai। sirf buddhi dvaara apne is deh ke bhaan se alag hokar baithna, phir drama mein jo anubhav hone hain woh hote rahenge। sandeshiyon ke liye to saakshaatkaarkomanbaat hai lekin buddhi dvaara bhi aise anubhav kar sakte ho। itna spashta hoga jaise in aankhon se dekha hua anubhav hai। achha।

teachers ke saath mulaakaat

is group ko kaunsa group kahen? (speakers group) speakers arthaat speech karne vaale। speech ke saath speed bhi hai? kyonki speech ke saath-saath agar purooshaartha ki speed bhi hai to aise speech karne vaale ke prabhaav se vishwa ka kalyaan ho sakta hai। agar speed ke bina speech hai, to vishwa ka kalyaan hona mushkil ho jaata hai। to aise kahen ki yeh speech aur speed mein chalne vaale group hain। jinhon ki speech bhi powerful, speed bhi powerful hai unko kehte hain vishvakalyaankaari, ‘master duhkh-hartta sukh-kartta’। to aise kaarya mein lage hue ho? jo ‘duhkh-hartta sukh- kartta’ hota hai woh svayan is duniya ki lahar se bhi pare hoga aur unhon ki speech bhi duhkh ki lahar se pare le jaane vaali hogi। aisi stage par thahar kar speech karte ho? speech to stage par thahar kar ki jaati hai to aap kis stage par thahar speech karte ho? jo baahar ki bani hui stage hoti hai us par? speaker ko jis samay koi sthool stage par jaana hota hai, to pahle apni sthiti ki stage taiyaar hai va nahin - yeh check karta hai। aise stage par thahar kar speech karne vaale ko kehte hain shreshtha speaker। jaise sthool stage ko taiyaar karne ke liye bhi kitna samay aur parishram karte hain। aise hi apni sthiti ki stage sadaiv taiyaar rahe - uske liye bhi itna hi purooshaartha karte ho? aisi powerful stage par thahar speech karne vaale ka yahaan aabu mein yaadgaar hai। kaunsa? (dilvaala), dilvaala to yaad ki yaatra ka yaadgaar hai। gaoomukh nahin dekha hai? gaoomukh kiska yaadgaar hai? yeh mukh ka yaadgaar hai। jaise baap ka yaadgaar hai gaoomukh। kyonki mukh dvaara hi saara spashta karte hain, isliye mukh ka yaadgaar hai। speaker ka bhi kaam mukh se hai, lekin aise jo shreshtha stage par thahar kar speech karte hain। sadaiv ever ready stage ho। aise nahin ki samay par taiyaar karni pade। ever ready stage hone se jo prabhaav hota hai, woh bahut achha padta hai। isliye poochha ki prabhaavshaali ho? is group ko prabhaavshaali group kahen? sabheesartiphiketdenge? (achha group hai) agar aap certificate deti ho to phir yeh sarva ko satisfy karne vaale bhi honge। santushtamniyaan to ho na। ismen ‘haan’ karte ho? agar khud santushtamniyaan hain to auron ko bhi santushta karenge। teachers ka bhi paper hota hai, kaise? (teacher ka paper sookshm vatan se aata hai) teacher ka paper kadam-kadam par hota hai। jo bhi kadam uthaate ho woh aisa hi samajhkar uthaana chaahiye ki paper haal mein baithkar kadam uthaati hoon। kyonki speaker arthaat stage par baithe hain। to jo saamne stage par hota hai uske oopar sabhi ki nazarhoti hai। aap log bhi oonchi stage par baithe ho। anek aatmaon ki nigaah aap logon ke kadam par hai। to aapko kadam-kadam par aisa attention se kadam uthaana hai। agar ek kadam bhi dheela va kuchh bhi neeche-oopar uthta hai to anek aap logon ko follow karenge। isliye teachers ko jo bhi kadam uthaana hai woh aisa sochkar uthaana hai। kyonki taajdhaari bane ho na। taaj kaunsa mila hai? zimmevaari ka taaj। jitni badi jimmevaari utna bada taaj। to jo badi jimmevaari mili hui hai, to apne ko aise nimitta bane hue samajhkar ke phir kadam uthaao। abhi albelaapan nahin। taaj va takhta-dhaari banne ke baad albelaapan samaapta ho jaata hai। albelaapan arthaat purooshaartha mein albe- laapan। is group ko sadaiv yeh samajhna chaahiye ki jo bhi kadam va karma hota hai woh har karma vishwa ke liye ek example bankar ke rahe। kyonki aap logon ke in karmon ka kahaaniyon ke roop mein yaadgaar banega। aap logon ke yeh charitra gaayan yogya banenge। itni zimmevaari samajhkar ke chalte ho? yeh is zimmevaar group ki visheshtaayen hain। jo jitnaazimmevaar utna hi halka bhi rahega। achha।