Avyakt murli for Thursday 18 March 1971

>

18-03-71 om shanti avyakt baapdaada madhuban

vijayi banne ke liye sangrah aur sangraam ki shakti aavashyak

aaj vishesh bhattheevaalon ke liye bulaaya hai। bhatthi vaalon ne kya-kya dhaarnaayen ki hain - woh dekh rahe hain। aaj khaas do baaton ki dhaarnaayen harek ke is saakaar chitra dvaara dekh rahe hain। do shaktiyon ki dhaarnaaen dekh rahe hain ki kahaan tak harek ne apni yatha shakti dhaarna ki hain। woh do shaktiyaan kaunsi dekh rahe hain? ek to sangrah karne ki shakti aur doosri sangraam karne ki shakti। sangrah karne ki shakti bhi ati aavashyak hai। to jo bhattheemen gyaan-ratnon ki dhaarna mili hai, usko buddhi mein sangrah rakhna aur is sangrah karne se hi lok-sangrah kar sakenge। isliye sangrah karne ki aur phir sangraam karne ki shakti-donon hi zaroori hain। donon shaktiyaan dhaaran ki hain? donon mein koi ki bhi kami hogi to kami vaala kabhi bhi sada vijayi nahin ban sakta। jismen jitni sangrah karne ki shakti hai utni hi sangraam karne ki bhi shakti rehti hai। donon shaktiyaan dhaaran karne ke liye bhattheemen aaye ho। to shaktisvaroop bane ho? bhatthi se kaunse vardaan praapta kiye hain? bhakti-maarga mein vardaan dete hain na - putravaan bhav, dhanvaan bhav। lekin is bhatthi se kya mukhya vardaan mila? shikshak bane va master vardaata bhi bane? ek vardaan mila shaktivaan bhav, doosra vardaan mila sadaiv avyaktaekras avastha ka। in donon vardaanon mein donon hi baaten samaai hui hain। yeh donon hi vardaan praapta karke sampattivaan bankar apna practical saboot dikhaane liye jaana hai। aise nahin samajhna ki ghar ja rahe hain va apne sthaan par ja rahe hain। lekin jo shaktiyaan va vardaan liye hain unhon ko practical karne ke liye vishwa stage par ja rahe hain, aise samajhna hai। stage par actor ko kaunsi mukhya baaten dhyaan mein rehti hain? attention aur ekyooresi - yeh donon hi baaten yaad rehti hain। aise hi aap log bhi ab stage par act karke baapdaada ko pratyaksha karne ke liye ja rahe ho। to yeh donon hi baaten yaad rakhna। har second, har sankalp mein attention aur accurate। nahin to baapdaada ko pratyaksha karne ka shreshtha part baja nahin sakenge। to ab samjha, kya karne ja rahe ho? baapdaada ko pratyaksha karne ka part play karne ja rahe ho। yeh lakshya rakhkar ke jaana। jo bhi karma karo pahle yeh dekho ki is karma dvaara baapdaada ki pratyakshata hogi? aise bhi nahin ki sirf vaani dvaara pratyaksha karna hai। lekin har samay ke, har karma dvaara pratyaksha karna hai। aise pratyaksha karo jo sabhi aatmaon ke mukh se yeh bol nikle ki yeh to ek- ek jaise saakshaat baap ke samaan hain। aapka har karma darpan ban jaae, jis darpan se baapdaada ke gunon aur karttavya ka divya roop aur roohaaniyat ka saakshaatkaar ho। lekin darpan kaun ban sakega? jo na sirf sankalpon ko lekin is dehaabhimaan ko bhi arpan karega। jo dehaabhimaan ko arpan karta hai uska har karma darpan ban jaata hai, jaise koi cheej arpan ki jaati hai to phir woh arpan ki hui cheez apni nahin samjhi jaati hai। to is deh ke bhaan ko bhi arpan karne se jab apnaapan mit jaata hai to lagaav bhi mit jaata hai। aise samarpan hue ho? aise samarpan hone vaalon ki nishaani kya rahegi? ek to sada yogayukta aur doosra sada bandhanmukta। jo yogayukta hoga woh bandhan- muktazroorhoga। yogayukta ka arth hi hai deh ke aakarshan ke bandhan se bhi mukta। jab deh ke bandhan se mukta ho gaye to sarva bandhan mukta ban hi jaate hain। to samarpan arthaat sada yogayukta aur sarva bandhan mukta। yeh nishaani apni sada kaayam rakhna। agar koi bhi bandhanayukta honge to yogayukta nahin kahlaayenge। jo yogayukta hoga to unki parakh yeh bhi hogi - jo unka har sankalp, har karma yogayukta hoga। kyonki jo bhi yuktiyaan sarva prakaar ki mili hain un yuktiyon ki dhaarnaaon ke kaaran yuktiyukta aur yogayukta rahenge। samjha, parakh ki nishaani? isse apne aapko samajh sakte ho ki kahaan tak pahunche hain, isliye kaha ki sangrah aur sangraam ki shakti, donon bharkar jaana। result kya dekhi? sartiphiketmila? ek, apne aap se setisphaaid hone ka sartiphiketlena hai, doosra, sarva ko setisphaaid karne kaasartiphiket lena hai। teesra, sampoorn samarpan banne ka।

samarpan yeh nahin ki aabu mein aakar baith jaaen। to samarpan hone ka bhi sartiphiketlena hai। chautha, jo bhi gyaan ki yuktiyaan mileen unko sangrah karne ki shakti ka certificate bhi lena hain। yeh chaar sartiphiketaapni teacher se lekar jaana। koi baat mein 100 marks bhi is group ko hain। woh kaunsi baat? purooshaartha ke bholepan mein 100 pratishat hain। purooshaartha mein bholaapan hi albelaapan hai। aur ek vishesh gun bhi hai। woh yeh hai ki sabhi ko apne mein parivartan karne ki teevra ichchhaazroorhai। isliye baapdaada is group ko ummeedvaar group samajhte hain। lekin ummeeden tab poori kar sakenge jab sadaiv namrachitta hokar chalenge। ummeedvaar quality ho lekin jo kvaaliteez mili hain unko dhaaran karte chalenge to pratyaksha saboot de sakenge। samjha?

gyaan ka saaj sunne mein aur raaj sunne mein achha hai, lekin ab kya karna hai? raajayukta banna hai। yog achha hai lekin yogayukta banna hai। bandhanmukta banne ki ichchha hai lekin pahle deh-abhimaan ka bandhan todna hai। phir sarva bandhanmukta aapehi ban jaayenge। samjha? abhi yahi koshish karna। sabootmoortta aur sapoot banna hai। shaktivaan aur sampattivaan bane ho? harek ne apne aap se pratigya bhi ki hai। jo pratigya ki jaati hai usko poorn karne ke liye power bhi avashyaikattheekrenge। kitna bhi sahan karna pade, saamna karna pade lekin pratigya ko poora karna hi hai। aisi pratigya ki hai? bhale saare vishwa ki aatmaaen milkar bhi pratigya se hataane ki koshish karen, to bhi pratigya se nahin hatenge lekin saamna karke sampoorn bankar ke hi dikhaayenge। aisi pratigya karne vaalon ka yaadgaar bana hua hai - achalghar। to sadaiv yeh yaad rakhna ki jaisa hamaara yaadgaar hai vaisa ab banna hi hai। yeh to sahaj hai na। sthool nishaani ko yaad rakhne se nasha aur nishaana yaad rahega। yahazrooraapne ko samajhna hai ki saare vishwa se chune hue ham vishesh aatmaayen hain। jitni vishesh aatmaayen utni unke har karma mein visheshta hoti hai। vishesh aatma ho na। kam nahin ho।

sabhi madhuban-nivaasiyon ko apne ko practical vishesh aatmaaen dikhaakar apne is group ka naam baala karna hai। aisa heelakshyarakhna ki kahenge kam, lekin karke dikhaayenge। aapke is group ki yeh visheshta dekhenge। stage par jaakar aisa part bajaana jo sabhi vansa mor (once more; ek baar aur) bhi karen। samjha? aapki nimitta teacher aapke group ko baar-baar nimantran den। aur groups ko ek example bankar dikhaana hai। koi achha karma karke jaata hai to woh baar-baar yaad aata hai। to yeh group bhi aisa kamaal karke dikhaaye। achha।