Avyakt murli for Sunday 4 July 1971

>

04-07-71 om shanti avyakt baapdaada madhuban

yaad ki sahaj vidhi

yahaan sabhi baithe hain to kis stage ki sthiti mein sthit hain? is samay ki aapki yaad ki stage kaunsi kahenge? kya is sthiti mein double yaad hai va single hai? is samay ki stage ko karmaateet va pharishtaapan keesmriti ki stage kahenge? jo avyaktasthiti ke sivaay aur koi stage samajhte hain woh haath uthaaven। saare din mein aisi avyakt sthiti mein rahkar ke karma kar sakti ho? (nahin) abhi jo likh rahi ho - yeh bhi to karma hai na। to abhi karma karte hue aisi stage nahin rah sakti? (abhi baba ke sammukh baithe hain) agar sadaiv samjho - baba hamaare saath hi hai, sammukh hai; to phir sadaiv rahni chaahiye। woh log jab aise vaayumandal mein khaas attention rakhkar jaate hain, to yeh attention hi inhon ki safety ka saadhan ban jaata hai। aise hi chaahe koi bhi saadhaaran karma bhi kar rahe ho। to bhi beech-beech mein avyakt sthiti banaane ka attention rahe aur koi bhi kaarya karo to sadaiv baapdaada ko apna saathi samajhkar double force se kaarya karo to bataao kya stage rahegi? ek to smriti bahut sahaj rahegi। jaise abhi sammukh samajhne se sahaj yaad hai na। is reeti agar sadaiv har karma mein baap ko apna saathi samajhkar chalo to yeh sahaj yaad nahin hai? jab koi sadaiv hi saath rehta hai, us saath ke kaaran yaad svatah hi rehti hai na। to aise saathi rahne se va buddhi ko nirantar sat ka sang banaane se nirantar satsang hona chaahiye। aap ho hi satsangi। har second, har kadam mein sat ke sang to ho na। agar nirantar apne ko satsangi banaao to yaad sahaj rahegi aur powerful sang hone ke kaaran har karttavya mein aapka double force rahega। double force hone kaaran jo kaarya sthiti ke hisaab se mushkil samajhte ho woh sahaj ho jaayega, kyonki double force ho gaya। aur us hi samay mein ek karttavya ke bajaay double kaarya samaapta kar sakti ho। ek sahaj yaad, doosri saphalta, teesra sarva karma mein umang-ullaas aur sahayog ki praapti hoti hai। isliye nirantar satsangi bano। aapke paas koi aate hain to aap niyam bataate ho na ki sadaiv sat ka sang rakho। to yeh abhyaas apne ko bhi nirantar karna pade। phir yaad jo mushkil lagti hai, sochte hain - yaad kaise thahre; kahaan thahre yeh sabhi khatma ho jaayega। karma ki sahaj siddhi ho jaayegi। ismen chaahe niraakaar roop se sang karo, chaahe saakaar roop mein karo lekin sat ka sang ho। saakaar ka sambandh bhi saare kalpa mein avinaashi rahega na। to saakaari smriti ho va niraakaari smriti ho, lekin smriti zaroorhoni chaahiye। baapdaada ke sang ke sivaay aur koi bhi sang buddhi mein na ho। pharishta banne ke liye baap ke saath jo rishta hai woh pakka hona chaahiye। agar apna rishta pakka hai to pharishta ban hi jaayenge। abhi sirf yeh apne rishte ko theek karo। agar ek ke saath sarva rishte hain to sahaj aur sada pharishte hain। aur hai bhi kya jahaan buddhi jaaye। abhi kuchh raha hai kya? sarva sambandh va sarva rishte, sarva raaste block hain? raasta khula hua hoga to buddhi bhaagegi। jab sabhi rishte bhi khatma, raaste bhi band phir buddhi kahaan jaayegi। ek hi raasta, ek hi rishta to phir pharishta ban jaayenge। check karo - kaunsa raasta va rishta abhi tak poora block nahin hua hai। jara bhi khula hua hoga to log koshish karenge vahaan se jaane ki। bilkul banda hoga to jaayenge hi nahin।

suraakh hoga to bhi unko touch karke chale jaate hain। yahaan bhi agar jara bhi raasta khula hota hai to buddhi jaati hai। abhi block kaise karenge? sarva raaste block karne ke liye sahaj yukti baar-baar sunaate rehte hain। roj murli mein bhi sunte ho। yaad hai? vismriti ko smriti dilaane vaali kaunsi yukti hai? ek hi chitra hai jismen baapdaada aur varsa aa jaata hai। agar yeh chitra sadaiv saamne rakho to aur sabhi raaste block ho jaayenge? jo bhi chitra va literature aadi chhapaate ho to aap yahi blok daalte ho na। agar yahi ek blok buddhi mein laga hua ho to sabhi raaste block nahin ho jaayenge? yeh sahaj yukti hai। aur nishaani bhi di hui hai। yeh to roz murli mein sunte ho। koi bhi murli aisi nahin hogi jismen yeh yukti na ho। yeh bahut sahaj hai। chhote bachchon ko bhi kaho ki yeh chitra sadaiv apni smriti mein rakho to woh bhi kar sakte hain। bhale badge lagaate ho lekin abhi buddhi mein smriti-swaroop bano। is ek hi chitra ke smriti se sab smritiyaan aa jaati hain। saare gyaan ka saar bhi is ek chitra mein samaaya hua hai। rachayita aur rachna ke gyaan se yeh praapti ho gai na। jitna in sahaj yuktiyon ko apnaate jaayenge to phir mehnat saral ho jaayegi। moonjho nahin - yaad kisko kahen, kya yaad karen, pata nahin yeh yaad hoti hai va nahin। jaanboojhkar apne ko munjhaate ho। yaad kya hai? baap ki yaad va baap ke karma dvaara baap ki yaad va baap ke gunon dvaara baap ki yaad hai - to woh yaad hui na। roop ki yaad ho va naam ki va gun va karttavya ki, yaad to ek hi hui na। aap log bada mushkil bana dete ho। yaad course ko mushkil-mushkil karte force nahin aata hai। course mein hi rah jaate ho। unko sahaj karo। baba ke sivaay kuchh hai hi kya। jab practical mein sarva snehi baap ko hi samajh liya to phir usko yaad karne liye koi plan socha jaata hai kya? sahaj baat ko kab koi mushkil kar deta hai aur kahaan ab tak bhi raasta khula hua hai, isliye baar-baar buddhi ko mehnat kar lautaana padta hai। ismen thak jaate ho। maatha bhaari ho jaata hai। mushkil samajh mushkilaat mein pad jaate ho। to sahaj tareeka hai - pahle in sabhi raaston ko banda karo। jaise government elaan karti hai na - yeh banda karo। to aap logon ke liye bhi baapdaada ka yahi pharmaan hai pahle to sabhi raaste banda karo। phir mushkil se chhoot jaayenge। sahaj ho jaayega। phir natural ho jaayega। yeh attention rakhna mushkil hai va sahaj hai? mushkil hai nahin, lekin mushkil bana dete hain। agar yeh attention samay-prati-samay rakhte rahen to mushkil nahin hota। kuchh albelepan mein rehte aaye ho, isliye ab mushkil lagta hai। jaise chhotepan mein jo bhi baaten sikhaai jaati hain to woh sahaj smriti mein rehti hain। jitna bada hota hai, badepan mein koi baat smriti mein laana mushkil ho jaata hai। ismen bhi jinhonne bachpan se hi yeh attention rakhne ka abhyaas kiya hai unhon ka aaj bhi natural yaad ka chart rehta hai। aur jo bhi is attention rakhne mein shuru se albele rahe hain to unhon ko ab mushkil lagta hai। ab to beeti so beeti kar sadaiv aise samjho ki main bachcha hoon, baap ke saath hoon। yeh samajhne se woh bachpan ki jeevan smriti mein rahegi। jitna yeh smriti mein rahega to usse madad milegi। phir mushkil kaarya sahaj ho jaayega। abhi se hi apne ko ek second bhi baap se alag na samjho। sadaiv samjho - baap ka saath bhi hai aur baap ke haath mein mera haath bhi hai।

agar koi bade ke haath mein haath hota hai to chhote ki sthiti bephikra hoti, nishchint rehti hai। to samajhna chaahiye - har karma mein baapdaada mere saath bhi hai aur hamaare is alaukik jeevan ka haath unke haath mein hai arthaat jeevan unke havaale hai। zimmevaari unki ho jaati hai। sabhi bojh baap ke oopar rakh apne ko halka kar dena chaahiye। bojh hi na hoga to kuchh mushkil lagega? bojh utaarne va mushkil ko sahaj karne ka saadhan hai - baap ka haath aur saath। yeh to sahaj hai na। phir chaahe baap smriti mein aaye, chaahe daada smriti mein aaye। baap ki smriti aayegi to saath mein daada ki bhi rahegi hi। daada ki smriti se baap ki smriti bhi rahegi। alag nahin ho sakte। agar saakaar snehi ban jaate ho, to bhi aur sabhi se buddhi toot jaayegi na। saakaar snehi banna bhi kam baat nahin। saakaar sneh bhi sarva sneh se, sambandhon se buddhiyog tod deta hai। to anek taraph se tod ek taraph jodne ka saadhan to hai na। saakaar se niraakaar taraph yaad aayega। saakaar se sneh bhi tab paida hua jab baap, daada donon ka saath hua na। agar baap, daada ka saath na hota to saakaar itna priy thode hi hota। jaise baap, daada donon saath-saath hain vaise aap ki yaad bhi saath- saath ho jaayegi। aise kabhi nahin samajhna ki mushkil hai। sahaj yogi bano। mushkil yogi to dvaapar se lekar bante aaye। hathayogiyon ko to aap kat karte ho na। aap bhi sahaj yogi na bane aur phir mushkil kaha, to ek hi baat ho gai। sahaj yogi banna hai। yathaartha yaad hai, nirantar sahaj yogi ho। sirf apni stage ko beech-beech mein powerful banaate jaao। stage par ho, sirf samay-prati-samay is yaad ki stage ko powerful banaane ke liye attention ka force bharte ho। utarti kala ab samaapta hui na। va abhi bhi hai? tab to chadhti kala mein aa gaye ho na।

ek din ki dincharya socho - ya to saakaari yaad va niraakaari yaad hogi। kaarobaar bhi yagya-kaarobaar hai na। yagya-pita dvaara hi yagya ki rachna hui hai। to ‘yagya-kaarobaar’ akshar kahne se baap ki yaad aa gai na। kabhi bhi kaarobaar karte ho to samjho - eeshvareey sarvispar hoon va yagya-kaarobaar par hoon। ek hota hai direct vikarma vinaash ki stage mein sthit ho full force se vikarmon ko naash karna। doosra tareeka hai jitna-jitna shuddh sankalp va manan ki shakti se apni buddhi ko busy rakhte ho, woh jo shaktiyaan jama hoti hain, to unse woh dheere-dheere khatma ho jaayega। buddhi mein yeh bharne se woh pahle vaala svayan hi nikal jaayega। ek hota hai pahle saara nikaal kar phir bharna, doosra hota hai bharne se nikaalna। agar khaali karne ki himmat nahin hai to doosra bharte jaane se pahla aapehi khatma ho jaayega। woh stage aapehi banti jaayegi। ek taraph bharta jaayega aur doosri taraph khaali hota jaayega। phir jo stage chaahte ho woh natural ho jaayegi। jab chaaho tab ho jaayegi। full force se khaali karne ki stage nahin hai to doosra tareeka bhi hai na। bharte jaao to woh svatah khaali hota jaayega। abhi chadhti kala hai - yeh smriti rakho। sabhi raaste block honge to buddhi kahaan jaayegi nahin। yagya-kaarobaar athva karmana sarviski bhi marks hain na। phir bhi ‘paas-with-honours’ mein woh 100 marks bhi help denge na। lekin zaroori hai - jis samay kaarobaar va vaacha sarviskarni hai to lakshya yeh rakhna chaahiye ki yeh eeshvareeysarvishai, yagya- kaarobaar hai। to automatically yagya-rachayita ki smriti aayegi। aur koi bhi kaarya karte ho to samjho - is kaarya ke nimitta banaane vaala backbone kaun hai! bhale main nimitta hoon, lekin backbone kaun hai! bina backbone aap shareer mein thahar sakte ho? bina backbone ke aap koi karma mein saphalta bhi nahin pa sakte। koi bhi kaarya karte sirf yeh socho - main nimitta hoon, karaane vaala kaun hai। jaise bhakti-maarga mein shabd uchchaaran karte the ‘karan-karaavanhaar।’ lekin woh doosre arth se kehte the। lekin is samay jo bhi karma karte ho usmein karan- karaavanhaar to hai na। karaane vaala baap hai, karne vaala nimitta hai। agar yeh smriti mein rakh karma karte hain to sahaj smriti nahin hui? nirantar yogi nahin hue? phir kabhi hansi mein neeche aayenge bhi to aise anubhav karenge jaise hu-ba-hu stage par koi aiktar hote hain to samajhte hain ki lok-kalyaan arth hansi ka part bajaaya। phir apni stage par to bilkul aise anubhav hoga jaise abhi-abhi yeh part bajaaya, ab doosra part bajaata hoon। khel mahsoos hoga। saakshi ho jaise part baja rahe hain। to sahaj yogi hue na। yaad ko bhi sahaj karo। jab yeh yaad ka course sahaj ho jaayega tab koi ko course dene mein yaad ka force bhi bhar sakenge। sirf course dene se praja banti hai lekin force ke saath course mein sameep sambandh mein aate hain। bilkul aise anubhav karenge jaise nyaare aur pyaare। to sabhi sahaj yogi hain। hath na karo। 63 janma mushkilaat dekhte-dekhte yeh ek janma sahaj purooshaartha mein bhi agar mushkilaaton mein hi rahenge to sahaj aur svatah ka anubhav kab karenge? inko kehte bhi sahaj yog ho na। kathin yog to nahin hai। yeh sahaj yog vahaan sahaj raajya karaayega। vahaan bhi koi mushkilaat nahin hogi। yahaan ke sanskaar hi vahaan le jaayenge। agar ant tak bhi mushkil ke sanskaar honge to vahaan sahaj raajya kaise karenge। devtaaon ke chitra bhi jo banaate hain to unki soorat mein saraltaazroordikhaate hain। yeh vishesh gun dikhaate hain। features mein saralta, jisko aap bholaapan kehte ho। jitna jo sahaj purushaarthi hoga woh mansa mein bhi saral, vaacha mein bhi saral, karma mein bhi saral hoga। inko hi pharishta kehte hain। achha।